2 ശാരീ​രിക ആവശ്യങ്ങൾ അവഗണിക്കരുത്‌

ആവശ്യ​ത്തി​നു വിശ്രമം. “രണ്ടു കയ്യും നിറയെ അദ്ധ്വാ​ന​വും വൃഥാ​പ്ര​യ​ത്‌ന​വും ഉള്ളതി​നെ​ക്കാൾ ഒരു കൈ നിറയെ വിശ്രാ​മം അധികം നല്ലത്‌.” (സഭാ​പ്ര​സം​ഗി 4:6) തിരക്കു​പി​ടിച്ച ഇന്നത്തെ ജീവി​ത​ത്തിൽ സൗകര്യ​പൂർവം മാറ്റി​വെ​ക്കാ​വുന്ന ഒന്നായി​ട്ടാണ്‌ പലരും ഉറക്കത്തെ കാണു​ന്നത്‌. പക്ഷേ നല്ല ആരോ​ഗ്യ​ത്തിന്‌ ഉറക്കം അനിവാ​ര്യ​മാണ്‌. ഉറങ്ങു​മ്പോൾ നമ്മുടെ തലച്ചോ​റി​ലും ശരീര​ത്തി​ന്റെ മറ്റു ഭാഗങ്ങ​ളി​ലും പല റിപ്പയർവർക്കു​ക​ളും നടക്കു​ന്നു​ണ്ടെ​ന്നാണ്‌ പഠനങ്ങൾ കാണി​ക്കു​ന്നത്‌. അതെ, നല്ല ഓർമ​ശ​ക്തി​ക്കും മാനസി​കാ​രോ​ഗ്യ​ത്തി​നും ഉറക്കം കൂടിയേ തീരൂ.

ഉറക്കം നമ്മുടെ പ്രതി​രോ​ധ​വ്യ​വ​സ്ഥയെ ശക്തി​പ്പെ​ടു​ത്തു​ന്നു. അത്‌ രോഗങ്ങൾ പിടി​പെ​ടാ​നുള്ള സാധ്യത കുറയ്‌ക്കും. പ്രമേഹം, മസ്‌തി​ഷ്‌കാ​ഘാ​തം, ഹൃ​ദ്രോ​ഗം, കാൻസർ, പൊണ്ണ​ത്തടി, വിഷാദം, അൽ​ഷൈ​മേ​ഴ്‌സ്‌ എന്നിവയെ പ്രതി​രോ​ധി​ക്കാ​നും ഉറക്കം നല്ലതാണ്‌. ഉറക്കം വരു​മ്പോൾ കാപ്പി​യോ ചായയോ കുടിച്ച്‌ അതിനെ തടയാതെ, ഉറങ്ങുക! ശരീര​ത്തി​നു വിശ്രമം ലഭിക്കാൻ പ്രകൃ​ത്യാ നിശ്ചയി​ക്ക​പ്പെ​ട്ടി​രി​ക്കുന്ന ഒരു ഉപാധി​യാണ്‌ ഉറക്കം. മുതിർന്ന ഒരാൾക്ക്‌ ഏഴോ എട്ടോ മണിക്കൂർ ഉറക്കം വേണം. എങ്കിലേ ഉറക്കച്ച​ട​വി​ല്ലാ​തെ ഉന്മേഷ​ത്തോ​ടും കാര്യ​ക്ഷ​മ​ത​യോ​ടും​കൂ​ടെ പ്രവർത്തി​ക്കാ​നാ​കൂ. കുട്ടി​കൾക്ക്‌ കുറച്ചു​കൂ​ടെ ഉറക്കം വേണം. കൗമാ​ര​ക്കാർക്കി​ട​യിൽ ഉറക്കക്കു​റവ്‌ മാനസിക പ്രശ്‌ന​ങ്ങൾക്ക്‌ ഇടയാ​ക്കു​ന്ന​താ​യി കണ്ടുവ​രു​ന്നു. ഡ്രൈ​വി​ങ്ങി​നി​ടെ ഇവർ ഉറങ്ങി​പ്പോ​കാ​നുള്ള സാധ്യ​ത​യു​മു​ണ്ട​ത്രേ.

രോഗ​മു​ള്ള​പ്പോൾ ഉറക്കം വിശേ​ഷാൽ പ്രധാ​ന​മാണ്‌. ജലദോ​ഷം​പോ​ലുള്ള ചെറിയ അസുഖങ്ങൾ ഭേദമാ​കാൻ കൂടുതൽ സമയം ഉറങ്ങു​ക​യും ധാരാളം പാനീ​യങ്ങൾ കുടി​ക്കു​ക​യും ചെയ്‌താൽ മതിയാ​കും.

ദന്തശു​ചി​ത്വം പാലി​ക്കുക. ഓരോ തവണ ഭക്ഷണം കഴിച്ച​ശേ​ഷ​വും ബ്രഷു​ചെ​യ്യു​ക​യും ഫ്‌ളോ​സു​ചെ​യ്യു​ക​യും വേണം, കിടക്കാൻ പോകു​ന്ന​തി​നു​മുമ്പ്‌ പ്രത്യേ​കി​ച്ചും. ഇത്‌ ദന്തക്ഷയം ചെറു​ക്കും, മോണ​രോ​ഗ​ങ്ങ​ളിൽനിന്ന്‌ സംരക്ഷണം നൽകും, പല്ലുക​ളു​ടെ ആയുസ്സു കൂട്ടും. ഭക്ഷണം നന്നായി ചവച്ചരച്ച്‌ കഴിക്ക​ണ​മെ​ങ്കിൽ ബലമുള്ള പല്ലുകൾതന്നെ വേണം. അതു​കൊണ്ട്‌ നിങ്ങളു​ടെ പല്ലുകൾ സംരക്ഷി​ക്കുക. ആനകൾക്കി​ട​യിൽ കണ്ടുവ​രുന്ന ഒരു പ്രതി​ഭാ​സം ഇത്തരു​ണ​ത്തിൽ ശ്രദ്ധേ​യ​മാണ്‌. അവ ചാകു​ന്നത്‌ വയസ്സാ​കു​ന്ന​തു​കൊ​ണ്ട​ല്ല​ത്രേ. പല്ലുകൾ കൊഴി​ഞ്ഞു​പോ​കു​മ്പോൾ അവയ്‌ക്ക്‌ ആഹാരം ചവച്ചര​യ്‌ക്കാൻ പറ്റാതെ വരുന്നു. അങ്ങനെ പോഷണം ലഭിക്കാ​തെ അവ ചാകുന്നു. പല്ല്‌ എത്ര പ്രധാ​ന​മാ​ണെന്ന്‌ ഇതു വ്യക്തമാ​ക്കു​ന്നു. ഭക്ഷണം കഴിച്ച​ശേഷം ബ്രഷു​ചെ​യ്യാ​നും ഫ്‌ളോ​സു​ചെ​യ്യാ​നും കുട്ടി​കളെ ശീലി​പ്പി​ക്കു​ന്നത്‌ ചെറു​പ്രാ​യ​ത്തിൽ മാത്രമല്ല ജീവി​ത​കാ​ല​ത്തു​ട​നീ​ളം നല്ല ആരോ​ഗ്യ​ത്തോ​ടി​രി​ക്കാൻ അവരെ സഹായി​ക്കും.

ഡോക്‌ടറെ കാണാൻ മടിക്ക​രുത്‌. ചില അസുഖ​ങ്ങൾക്ക്‌ വിദഗ്‌ധ ചികിത്സ കൂടിയേ തീരൂ. ഏതു രോഗ​വും തുടക്ക​ത്തി​ലേ കണ്ടുപി​ടി​ക്കു​ന്നത്‌ ഗുണം ചെയ്യും. തുടക്ക​ത്തി​ലാ​കു​മ്പോൾ അത്‌ ചികി​ത്സി​ച്ചു ഭേദമാ​ക്കാൻ എളുപ്പ​മാ​യി​രി​ക്കും, മാത്രമല്ല ചെലവും കുറയും. അതു​കൊണ്ട്‌ ശാരീ​രിക അസ്വാ​സ്ഥ്യ​ങ്ങൾ അനുഭ​വ​പ്പെ​ടു​മ്പോൾ, രോഗ​ല​ക്ഷ​ണങ്ങൾ ശമിപ്പി​ക്കാൻ നോക്കു​ന്ന​തി​നു​പ​കരം രോഗ​കാ​രണം കണ്ടെത്താ​നും അതിനു ചികിത്സ തേടാ​നും ശ്രദ്ധി​ക്കുക.

വിദഗ്‌ധ​രാ​യ ഡോക്‌ടർമാ​രെ കണ്ട്‌ പതിവാ​യി ചെക്കപ്പു​കൾ നടത്തുക. ഗുരു​ത​ര​മായ പല ആരോ​ഗ്യ​പ്ര​ശ്‌ന​ങ്ങ​ളും അങ്ങനെ ഒഴിവാ​ക്കാ​നാ​യേ​ക്കും. ഗർഭകാ​ലത്ത്‌ ആവശ്യ​മായ വൈദ്യ​പ​രി​ച​രണം തേടു​ന്ന​തും ഇതിൽ ഉൾപ്പെ​ടു​ന്നു.a എന്നാൽ ഡോക്‌ടർമാർക്ക്‌ അത്ഭുത​ക​ര​മാ​യി രോഗ​സൗ​ഖ്യം നൽകാ​നാ​വി​ല്ലെന്ന കാര്യം മനസ്സിൽപ്പി​ടി​ക്കുക. ദൈവ​രാ​ജ്യ​ത്തിൻ കീഴിൽ ദൈവം “സകലവും പുതു​താ​ക്കു”മ്പോൾ മാത്രമേ പരിപൂർണ രോഗ​വി​മു​ക്തി സാധ്യ​മാ​കൂ.—വെളി​പാട്‌ 21:4, 5. (g11-E 03)