5 പ്രചോ​ദനം അനിവാര്യം

അറിവു സമ്പാദി​ക്കുക. പലയി​ട​ങ്ങ​ളി​ലും സർക്കാർ സ്ഥാപന​ങ്ങ​ളും സ്വകാര്യ ഏജൻസി​ക​ളും, ആരോ​ഗ്യബോ​ധ​വ​ത്‌കരണ പരിപാ​ടി​കൾ സംഘടി​പ്പി​ക്കു​ക​യും അനുബന്ധ പ്രസി​ദ്ധീ​ക​ര​ണങ്ങൾ പുറത്തി​റ​ക്കു​ക​യും ചെയ്യാ​റുണ്ട്‌. അവയെ​ല്ലാം പ്രയോ​ജ​നപ്പെ​ടു​ത്തുക. അങ്ങനെ ആരോ​ഗ്യ​പ​രി​ര​ക്ഷയെ​ക്കു​റിച്ച്‌ അറിവു​ള്ള​വ​രാ​യി​രി​ക്കുക. തുറന്ന മനസ്സോ​ടെ നിർദേ​ശങ്ങൾ സ്വീക​രി​ക്കു​ക​യും വേണ്ട മാറ്റങ്ങൾ വരുത്തു​ക​യും ചെയ്യുക.

നിങ്ങളു​ടെ നല്ല ആരോ​ഗ്യ​ശീ​ലങ്ങൾ നിങ്ങളു​ടെ മക്കൾക്കും അവരുടെ മക്കൾക്കും പ്രയോ​ജനം ചെയ്യും. ശുചി​ത്വം, ആഹാര​ശീ​ലം, ഉറക്കം, വ്യായാ​മം, രോഗപ്ര​തിരോ​ധം എന്നീ കാര്യ​ങ്ങ​ളിൽ നിങ്ങൾ വെക്കുന്ന നല്ല മാതൃക നിങ്ങളു​ടെ മക്കളും പിൻപ​റ്റും.—സദൃശ​വാ​ക്യ​ങ്ങൾ 22:6.

അവശ്യം വേണ്ട ഒരു ഘടകം. ആരോ​ഗ്യ​ക​ര​മായ ജീവി​ത​ശൈലി പിൻപ​റ്റാൻ ആഗ്രഹം​മാ​ത്രം പോരാ. കാലങ്ങ​ളാ​യുള്ള ദുശ്ശീ​ലങ്ങൾ അത്ര എളുപ്പ​ത്തിൽ ഉപേക്ഷി​ക്കാ​നാ​വില്ല. ചെറിയ മാറ്റങ്ങൾ വരുത്ത​ണമെ​ങ്കിൽപ്പോ​ലും ശക്തമായ ചോദന ഉണ്ടായി​രി​ക്കണം. രോഗം പിടിപെ​ടുമെ​ന്നോ മരിക്കുമെ​ന്നോ ഉള്ള അറിവുപോ​ലും ആവശ്യ​മായ മാറ്റങ്ങൾ വരുത്താൻ ചിലരെ പ്രേരി​പ്പി​ക്ക​ണമെ​ന്നില്ല. എന്നാൽ ജീവി​ത​ത്തിന്‌ ഉത്‌കൃ​ഷ്ട​മായ ഒരു ഉദ്ദേശ്യ​മു​ണ്ടെന്ന വസ്‌തുത തിരി​ച്ച​റി​യാ​നാ​യാൽ അവർക്ക്‌ അതിനു കഴി​ഞ്ഞേ​ക്കും.

നല്ല ആരോ​ഗ്യ​മുണ്ടെ​ങ്കി​ലേ പരസ്‌പരം സഹായി​ക്കാൻ ദമ്പതി​കൾക്കാ​കൂ. ആരോ​ഗ്യ​മു​ള്ള​വ​രാ​യി​രു​ന്നാൽ മാത്രമേ മാതാ​പി​താ​ക്കൾക്ക്‌ കുട്ടി​കളെ സഹായി​ക്കാ​നും പരിശീ​ലി​പ്പി​ക്കാ​നും കഴിയൂ. പ്രായ​മായ മാതാ​പി​താ​ക്കളെ പരിപാ​ലി​ക്കാൻ മക്കളും ആരോ​ഗ്യ​മു​ള്ള​വ​രാ​യി​രി​ക്കണം. ഇനി, സമൂഹ​ത്തിന്‌ ഒരു ഭാരമാ​കാ​തെ പ്രയോ​ജ​ന​മുള്ള പൗരന്മാ​രാ​യി ജീവി​ക്ക​ണമെ​ന്നാണ്‌ നമ്മു​ടെയെ​ല്ലാം ആഗ്രഹം. അതു​കൊ​ണ്ടു​തന്നെ നാം ആരോ​ഗ്യത്തോ​ടി​രു​ന്നേ മതിയാ​കൂ. ഈ ആഗ്രഹ​ങ്ങ​ളിലെ​ല്ലാം അന്തർലീ​ന​മാ​യി​രി​ക്കു​ന്നത്‌ എന്താണ്‌? മറ്റുള്ള​വരോ​ടുള്ള സ്‌നേ​ഹ​വും പരിഗ​ണ​ന​യും.

ഇതി​നെ​ക്കാൾ ശക്തമായ മറ്റൊരു പ്രചോ​ദ​ക​ഘ​ട​ക​മുണ്ട്‌: നമ്മുടെ സ്രഷ്ടാ​വിനോ​ടുള്ള കൃതജ്ഞ​ത​യും ഭക്തിയും. ദൈവ​ത്തിൽ വിശ്വ​സി​ക്കു​ന്ന​വർക്ക്‌ ജീവൻ അവൻ തന്ന സമ്മാന​മാണെന്ന്‌ അറിയാം. അതു​കൊ​ണ്ടു​തന്നെ ആ ജീവൻ സംരക്ഷി​ക്കാൻ അവർ ആഗ്രഹി​ക്കു​ന്നു. (സങ്കീർത്തനം 36:9) മാത്രമല്ല, ആരോ​ഗ്യ​മുണ്ടെ​ങ്കി​ലേ ദൈവത്തെ ഊർജ​സ്വ​ല​തയോ​ടെ സേവി​ക്കാൻ നമുക്കു കഴിയൂ. ആരോ​ഗ്യ​സം​ര​ക്ഷ​ണ​ത്തി​നാ​യി വേണ്ട​തെ​ല്ലാം ചെയ്യാൻ ഇതു നമ്മെ പ്രേരി​പ്പിക്കേ​ണ്ട​തല്ലേ? (g11-E 03)