ഒരു ശസ്‌ത്ര​ക്രി​യാ​വി​ദഗ്‌ധൻ തന്റെ വിശ്വാ​സ​ത്തെ​പ്പറ്റി വിവരി​ക്കു​ന്നു

താങ്കൾ ഒരുകാ​ലത്ത്‌ പരിണാ​മ​ത്തിൽ വിശ്വ​സി​ച്ചി​രു​ന്ന​തി​ന്റെ കാരണം പറയാ​മോ?

കത്തോ​ലി​ക്ക​നാ​യി​ട്ടാണ്‌ ഞാൻ വളർന്ന​തെ​ങ്കി​ലും എനിക്കു ദൈവ​ത്തെ​ക്കു​റി​ച്ചു ചില സംശയ​ങ്ങ​ളു​ണ്ടാ​യി​രു​ന്നു. ഉദാഹ​ര​ണ​ത്തിന്‌, ആളുകളെ നരകത്തിൽ ഇട്ടു ദണ്ഡിപ്പി​ക്കുന്ന ഒരു ദൈവ​ത്തിൽ എനിക്കു വിശ്വ​സി​ക്കാ​നാ​യില്ല. അതു​കൊണ്ട്‌ ജീവനുള്ള വസ്‌തു​ക്കൾ ദൈവ​ത്തി​ന്റെ സൃഷ്ടിയല്ല പകരം അവ പരിണ​മി​ച്ചു വന്നതാണ്‌ എന്ന്‌ എന്റെ സർവക​ലാ​ശാ​ലാ അധ്യാ​പകർ പഠിപ്പി​ച്ച​പ്പോൾ എനിക്ക്‌ അതു സ്വീകാ​ര്യ​മാ​യി തോന്നി. അതിനെ പിന്തു​ണയ്‌ക്കാൻ തെളി​വു​ക​ളു​ണ്ടെ​ന്നാണ്‌ ഞാൻ ധരിച്ചി​രു​ന്നത്‌. എന്റെ സഭയും പരിണാ​മ​വി​ശ്വാ​സം അംഗീ​ക​രി​ച്ചി​രു​ന്നു. ദൈവം പരിണാ​മ​ത്തി​ലൂ​ടെ​യാണ്‌ സൃഷ്ടി​ക്രി​യ​കൾ നടത്തി​യ​തെ​ന്നാണ്‌ അവർ പഠിപ്പി​ച്ചി​രു​ന്നത്‌.

ബൈബിളിൽ താത്‌പ​ര്യം ഉണർത്തി​യത്‌ എന്താണ്‌?

എന്റെ ഭാര്യ സൂസാൻ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻ തുടങ്ങി. ഒരു തീനരകത്തിൽa ദൈവം ആളുകളെ ദണ്ഡിപ്പി​ക്കു​ന്നി​ല്ലെ​ന്നും, കൂടാതെ ഭൂമി ഒരു പറുദീസയാക്കിb മാറ്റു​മെന്ന ദൈവ​ത്തി​ന്റെ വാഗ്‌ദാ​ന​ത്തെ​ക്കു​റി​ച്ചും അവർ അവളെ കാണിച്ചു. ഈ പഠിപ്പി​ക്ക​ലു​കൾ യുക്തി​സ​ഹ​മാ​ണ​ല്ലോ എന്ന്‌ ഞങ്ങൾക്കു തോന്നി. തുടർന്ന്‌, 1989-ൽ യഹോ​വ​യു​ടെ സാക്ഷി​ക​ളിൽ ഒരാളായ നിക്ക്‌ എന്നെ സന്ദർശി​ക്കാൻ തുടങ്ങി. മനുഷ്യ​ശ​രീ​ര​ത്തെ​യും അതിന്റെ ഉത്ഭവ​ത്തെ​യും കുറി​ച്ചുള്ള ഒരു ചർച്ചയിൽ, “ഏതു ഭവനവും നിർമി​ക്കാൻ ഒരാൾ വേണം; സകലവും നിർമി​ച്ച​വ​നോ ദൈവം​തന്നെ” എന്ന എബ്രായർ 3:4-ലെ വാക്കു​ക​ളി​ലുള്ള ലളിത​മായ യുക്തി എന്നിൽ മതിപ്പു​ള​വാ​ക്കി.

മനുഷ്യശരീരം സംബന്ധിച്ച പഠനം സൃഷ്ടി​യിൽ വിശ്വ​സി​ക്കാൻ താങ്കളെ സഹായി​ച്ചോ?

തീർച്ച​യാ​യും. ഉദാഹ​ര​ണ​ത്തിന്‌, മനുഷ്യ​ശ​രീ​രം സ്വയം കേടു​പോ​ക്കുന്ന വിധം കാണി​ക്കു​ന്നത്‌ അത്‌ ശ്രദ്ധാ​പൂർവം രൂപകല്‌പന ചെയ്‌ത ഒന്നാ​ണെ​ന്നാണ്‌. ഒരു മുറിവ്‌ ഉണങ്ങുന്ന പ്രക്രി​യ​യെ​ക്കു​റി​ച്ചു ചിന്തി​ക്കു​ക​യാ​ണെ​ങ്കിൽ അതിൽത്ത​ന്നെ ഒന്നിനു​പു​റകെ ഒന്നായി നാലു ഘട്ടങ്ങൾ ഉൾപ്പെ​ട്ടി​രി​ക്കു​ന്നു. ഒരു ശസ്‌ത്ര​ക്രി​യാ​വി​ദഗ്‌ധ​നെ​ന്നനി​ല​യിൽ ഞാൻ കേവലം ശരീര​ത്തി​നു​ള്ളി​ലെ കേടു​പോ​ക്കൽ സംവി​ധാ​ന​ത്തി​നൊ​പ്പം പ്രവർത്തി​ക്കുക മാത്ര​മാ​യി​രു​ന്നു എന്ന്‌ അവ എന്നെ ഓർമി​പ്പി​ക്കു​ന്നു.

മുറിവുണ്ടാകുമ്പോൾ എന്താണു സംഭവി​ക്കു​ന്നത്‌ എന്ന്‌ പറയാ​മോ?

ഏതാനും നിമി​ഷ​ങ്ങൾക്കു​ള്ളിൽ, രക്തസ്രാ​വം നിറു​ത്തു​ന്ന​തി​ലെ പല പടിക​ളിൽ ആദ്യ​ത്തേത്‌ ആരംഭി​ക്കും. ഈ പ്രക്രി​യ​ക​ളെ​ല്ലാം അങ്ങേയറ്റം സങ്കീർണ​വും എന്നാൽ കാര്യ​ക്ഷ​മ​വും ആണ്‌. നമ്മുടെ രക്തചം​ക്ര​മ​ണ​വ്യ​വ​സ്ഥ​യിൽ ഏതാണ്ട്‌ ഒരു ലക്ഷം കിലോ​മീ​റ്റർ നീളമുള്ള രക്തക്കു​ഴ​ലു​ക​ളുണ്ട്‌. ഇവയ്‌ക്ക്‌ സ്വയം ചോർച്ച അടയ്‌ക്കാ​നും തനിയെ കേടു​പോ​ക്കാ​നും ഉള്ള പ്രാപ്‌തി ഉള്ളതി​നാൽ പ്ലംബിംഗ്‌ വിദഗ്‌ധർക്ക്‌ അസൂയ ഉളവാ​ക്കുന്ന ഒരു കാര്യ​മാ​യി​രി​ക്കും ഇത്‌ എന്നതിൽ തർക്കമില്ല.

മുറിവ്‌ ഉണങ്ങു​ന്ന​തി​ന്റെ രണ്ടാം​ഘ​ട്ട​ത്തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

മണിക്കൂ​റു​കൾക്കു​ള്ളിൽത്തന്നെ രക്തസ്രാ​വം നിലയ്‌ക്കു​ക​യും ആ ഭാഗം നീരു​വെ​ക്കു​ക​യും ചെയ്യുന്നു. നീരു​വെ​ക്കുന്ന കാര്യ​ത്തി​ലും അത്ഭുതാ​വ​ഹ​മായ സംഭവങ്ങൾ ഉൾപ്പെ​ടു​ന്നു. ആദ്യം, മുറി​വു​ണ്ടായ സമയത്ത്‌ രക്തനഷ്ടം കുറയ്‌ക്കു​ന്ന​തി​നു​വേണ്ടി ചുരു​ങ്ങിയ രക്തക്കു​ഴ​ലു​കൾ ആ ഭാഗ​ത്തേ​ക്കുള്ള രക്തയോ​ട്ടം വർധി​പ്പി​ക്കു​ന്ന​തി​നാ​യി വികസി​ക്കാൻ തുടങ്ങു​ന്നു. അടുത്ത​താ​യി, പ്രോ​ട്ടീൻസ​മൃ​ദ്ധ​മാ​യ ഒരു ദ്രാവ​ക​ത്താൽ ആ ഭാഗം നീരു​വെ​ക്കു​ന്നു. ഈ ദ്രാവകം, അണുബാധ ചെറു​ക്കു​ന്ന​തി​നും വിഷാം​ശങ്ങൾ നേർപ്പി​ക്കു​ന്ന​തി​നും കേടുവന്ന കലകൾ നീക്കം ചെയ്യു​ന്ന​തി​നും അത്യന്താ​പേ​ക്ഷി​ത​മാണ്‌. ഈ ഒരോ ഘട്ടത്തി​ലും സങ്കീർണ​മായ പ്രക്രി​യ​ക​ളു​ടെ ഒരു പരമ്പര​യി​ലൂ​ടെ പ്രത്യേ​ക​ത​ര​ത്തി​ലുള്ള ദശലക്ഷ​ക്ക​ണ​ക്കിന്‌ തന്മാ​ത്ര​ക​ളും കോശ​ങ്ങ​ളും ഉത്‌പാ​ദി​പ്പി​ക്കേ​ണ്ട​താ​യി വരുന്നു. ഈ പ്രക്രി​യ​ക​ളിൽ ചിലതു തുടർന്നു​വ​രുന്ന പ്രക്രി​യയെ ഉത്തേജി​പ്പി​ക്കു​ക​യും പിന്നീടു അവ നിഷ്‌ക്രി​യ​മാ​കു​ക​യും ചെയ്യുന്നു.

അടുത്തതായി എന്താണു സംഭവി​ക്കു​ന്നത്‌?

ദിവസ​ങ്ങൾക്കു​ള്ളിൽ നമ്മുടെ ശരീരം, കേടു​പോ​ക്കു​ന്ന​തിന്‌ ആവശ്യ​മായ വസ്‌തു​ക്കൾ ഉത്‌പാ​ദി​പ്പി​ച്ചു​തു​ട​ങ്ങും. രണ്ട്‌ ആഴ്‌ചയ്‌ക്കു​ള്ളിൽ അത്‌ അതിന്റെ പാരമ്യ​ത്തി​ലെ​ത്തു​ക​യും ചെയ്യും. ഇതാണ്‌ മൂന്നാം​ഘട്ട പ്രവർത്ത​ന​ത്തി​ന്റെ ആരംഭം. മുറി​വി​നു കുറുകെ ഇഴകളു​ണ്ടാ​ക്കുന്ന കോശങ്ങൾ മുറി​വേറ്റ ഭാഗത്ത്‌ എത്തി​ച്ചേ​രു​ക​യും അവിടെ അവ പെരു​കു​ക​യും ചെയ്യുന്നു. കൂടാതെ, അവിടെ തീരെ​ച്ചെ​റിയ രക്തക്കു​ഴ​ലു​കൾ പുതു​താ​യി ഉണ്ടാകു​ന്നു. കേടു​പോ​ക്കൽപ്ര​ക്രി​യ​യിൽ ഇവ പാഴ്‌വസ്‌തു​ക്കൾ പുറന്ത​ള്ളു​ക​യും കൂടു​ത​ലാ​യി​വേണ്ട പോഷ​കങ്ങൾ ലഭ്യമാ​ക്കു​ക​യും ചെയ്യുന്നു. മറ്റൊരു സങ്കീർണ​മായ സംഭവ​പ​ര​മ്പ​ര​യിൽ മുറി​വു​കൂ​ടേ​ണ്ട​തി​നാ​വ​ശ്യ​മായ പ്രത്യേ​ക​കോ​ശങ്ങൾ ഉത്‌പാ​ദി​പ്പി​ക്ക​പ്പെ​ടു​ന്നു.

ഒരുപാട്‌ കാര്യങ്ങൾ ഉൾപ്പെ​ട്ടി​ട്ടുണ്ട്‌, അല്ലേ! ഈ പ്രക്രിയ പൂർത്തി​യാ​കാൻ എത്ര സമയം വേണ്ടി​വ​രും?

അവസാ​ന​ഘ​ട്ട​ന​വീ​ക​ര​ണ​ത്തി​നു മാസങ്ങ​ളെ​ടു​ത്തേ​ക്കാം. ഒടിഞ്ഞ എല്ലുകൾ പൂർവ​സ്ഥി​തി പ്രാപി​ക്കു​ക​യും ആരംഭ​ത്തിൽ മുറി​വി​നു കുറുകെ രൂപ​പ്പെ​ട്ടി​രുന്ന മൃദു​ക​ല​കൾക്കു ബദലായി ശക്തി​യേ​റിയ പദാർഥ​ങ്ങൾ വന്നു​ചേ​രു​ക​യും ചെയ്യുന്നു. മൊത്ത​ത്തിൽ നോക്കി​യാൽ മുറി​വി​ന്റെ കേടു​പോ​ക്കൽ ആസൂ​ത്രി​ത​മായ ഏകോ​പ​ന​ത്തി​ന്റെ വിസ്‌മ​യാ​വ​ഹ​മായ ഒരു ഉദാഹ​ര​ണ​മാണ്‌.

താങ്കൾ പ്രത്യേ​കാൽ ഓർത്തി​രി​ക്കുന്ന ഏതെങ്കി​ലും ഒരു അനുഭവം പറയാ​മോ?

ഭയങ്കര​മാ​യൊ​രു കാർ അപകട​ത്തിൽ പരു​ക്കേറ്റ്‌ ഗുരു​ത​രാ​വ​സ്ഥ​യി​ലാ​യി​രുന്ന 16 വയസ്സുള്ള ഒരു പെൺകു​ട്ടി​യെ ചികി​ത്സി​ച്ചത്‌ ഞാൻ ഓർക്കു​ന്നു. അവളുടെ ആന്തരാ​വ​യ​വ​മായ പ്ലീഹയ്‌ക്ക്‌ ആഴത്തിൽ മുറി​വേ​റ്റി​രു​ന്നു, ഒപ്പം ആന്തരി​ക​ര​ക്ത​സ്രാ​വ​വും ഉണ്ടായി​രു​ന്നു. വർഷങ്ങൾക്കു മുമ്പാ​യി​രു​ന്നെ​ങ്കിൽ പ്ലീഹയു​ടെ കേടു​പോ​ക്കു​ന്ന​തി​നോ അത്‌ നീക്കം ചെയ്യു​ന്ന​തി​നോ ആയി ഞങ്ങൾ ശസ്‌ത്ര​ക്രിയ ചെയ്യു​മാ​യി​രു​ന്നു. ഇന്നാകട്ടെ, ഡോക്‌ടർമാർ ശരീര​ത്തി​ന്റെ സ്വയം കേടു​പോ​ക്കാ​നുള്ള പ്രാപ്‌തി​യി​ലാണ്‌ കൂടു​ത​ലാ​യി ആശ്രയി​ക്കു​ന്നത്‌. ഞാൻ കേവലം അവൾക്ക്‌ അണുബാ​ധയ്‌ക്കും ദ്രവന​ഷ്ട​ത്തി​നും വിളർച്ചയ്‌ക്കും വേദനയ്‌ക്കും മാത്ര​മാണ്‌ ചികിത്സ നൽകി​യത്‌. ആഴ്‌ച​കൾക്കു ശേഷം അവളുടെ പ്ലീഹയു​ടെ മുറിവ്‌ ഉണങ്ങി​യ​താ​യി സ്‌കാൻ റിപ്പോർട്ട്‌ വെളി​പ്പെ​ടു​ത്തി! ശരീരം സ്വയം കേടു​പോ​ക്കു​ന്നത്‌ എങ്ങനെ​യെന്നു കാണു​ന്നത്‌ എന്നെ വളരെ​യ​ധി​കം അതിശ​യി​പ്പി​ക്കു​ന്നു. ദൈവ​മാണ്‌ നമ്മെ രൂപകല്‌പന ചെയ്‌തി​രി​ക്കു​ന്ന​തെന്ന്‌ ഇത്‌ എന്നെ ബോധ്യ​പ്പെ​ടു​ത്തു​ന്നു.

എന്തുകൊണ്ടാണ്‌ നിങ്ങൾക്ക്‌ യഹോ​വ​യു​ടെ സാക്ഷി​ക​ളിൽ താത്‌പ​ര്യം തോന്നി​യത്‌?

അവർ സൗഹൃ​ദ​ഭാ​വ​മു​ള്ള​വ​രാണ്‌. കൂടാതെ എന്റെ ചോദ്യ​ങ്ങൾക്ക്‌ അവർ എല്ലായ്‌പോ​ഴും ബൈബി​ളിൽനി​ന്നാണ്‌ ഉത്തരം നൽകി​യത്‌. അതു​പോ​ലെ, തങ്ങളുടെ വിശ്വാ​സം ധൈര്യ​പൂർവം മറ്റുള്ള​വ​രു​മാ​യി പങ്കു​വെ​ക്കു​ന്ന​തും ദൈവ​ത്തെ​ക്കു​റി​ച്ചു പഠിക്കാൻ ആളുകളെ അവർ സഹായി​ക്കുന്ന വിധവും അവരി​ലുള്ള എന്റെ മതിപ്പു വർധി​പ്പി​ച്ചു.

യഹോവയുടെ സാക്ഷി​ക​ളിൽ ഒരാളാ​യി​ത്തീർന്നത്‌ ജോലി​യിൽ താങ്കളെ സഹായി​ച്ചോ?

തീർച്ച​യാ​യും. ഒരു കാര്യം, പതിവാ​യി മരണങ്ങൾ കാണു​ന്ന​തും പരുക്കേറ്റ ആളുക​ളു​മാ​യി അടുത്ത്‌ ഇടപഴ​കു​ന്ന​തും ഡോക്‌ടർമാ​രും നഴ്‌സു​മാ​രും എന്ന നിലയിൽ ഞങ്ങളെ വൈകാ​രി​ക​മാ​യി തളർത്തു​മാ​യി​രു​ന്നു. ഇത്തരം മാനസി​ക​ത​ളർച്ചകൾ തരണം ചെയ്യാൻ എന്നെ അത്‌ വളരെ​യ​ധി​കം സഹായി​ച്ചു. രോഗി​കൾ തങ്ങളുടെ വിഷമങ്ങൾ പങ്കു​വെ​ക്കു​മ്പോൾ, സ്രഷ്ടാവ്‌ രോഗ​ങ്ങ​ളും കഷ്ടപ്പാടുകളുംc എന്നേക്കു​മാ​യി അവസാ​നി​പ്പി​ക്കു​മെ​ന്നും “എനിക്കു ദീനം”d എന്ന്‌ ആരും പറയാത്ത ഒരു ലോകം അവൻ കൊണ്ടു​വ​രു​മെ​ന്നും അവർക്കു വിശദീ​ക​രി​ച്ചു​കൊ​ടു​ക്കാൻ എനിക്കു കഴിഞ്ഞു.