1. ദുരി​ത​ങ്ങൾക്കു കാരണക്കാരൻ ദൈവമാണോ?

സത്യം അറി​യേ​ണ്ട​തി​ന്റെ കാരണം

ദുരി​ത​ങ്ങൾക്കു കാരണം ദൈവ​മാ​ണെന്നു പലരും വിചാ​രി​ക്കു​ന്നു. അതു​കൊ​ണ്ടാണ്‌ അവർ ദൈവത്തെ ആരാധി​ക്കാ​ത്തത്‌.

ചിന്തിക്കാനായി

ദുരിതങ്ങൾക്കു കാരണം ദൈവ​മാ​ണെ​ന്നാ​ണു പല മതനേ​താ​ക്ക​ന്മാ​രും നേരി​ട്ടോ അല്ലാ​തെ​യോ ആളുകളെ പഠിപ്പി​ക്കു​ന്നത്‌. ഉദാഹ​ര​ണ​ത്തിന്‌, ചിലർ ഇങ്ങനെ പറയുന്നു:

• പ്രകൃ​തി​ദു​ര​ന്തങ്ങൾ ദൈവ​ത്തിൽനി​ന്നുള്ള ശിക്ഷയാണ്‌.

• ദൈവ​ത്തി​നു സ്വർഗ​ത്തിൽ കുറെ മാലാ​ഖ​മാ​രെ ആവശ്യ​മു​ള്ള​തു​കൊ​ണ്ടാണ്‌ കുട്ടികൾ മരിക്കു​ന്നത്‌.

• ദുരി​തങ്ങൾ മാത്രം സമ്മാനി​ക്കുന്ന യുദ്ധങ്ങ​ളിൽ, ദൈവം പക്ഷംപി​ടിച്ച്‌ പോരാ​ടു​ന്നു.

ദൈവത്തെക്കുറിച്ച്‌ മതനേ​താ​ക്ക​ന്മാർ പഠിപ്പി​ക്കുന്ന ഇക്കാര്യ​ങ്ങൾ തെറ്റാ​ണെ​ങ്കി​ലോ? അവർക്കു ശരിക്കും ദൈവ​ത്തി​ന്റെ അംഗീ​കാ​ര​മു​ണ്ടോ?

ബൈബിൾ പറയു​ന്നത്‌

നമുക്കു ദുരി​തങ്ങൾ വരുത്തു​ന്നതു ദൈവമല്ല.

ദൈവമാണെങ്കിൽ ബൈബി​ളിൽ പറഞ്ഞി​രി​ക്കുന്ന ദൈവ​ത്തി​ന്റെ ഗുണങ്ങൾക്കു കടകവി​രു​ദ്ധ​മാ​യി​രി​ക്കും അത്‌. ഉദാഹ​ര​ണ​ത്തിന്‌:

“ദൈവ​ത്തി​ന്റെ വഴിക​ളെ​ല്ലാം നീതി​യു​ള്ളവ. ദൈവം . . . നീതി​യും നേരും ഉള്ളവൻതന്നെ.”​—ആവർത്തനം 32:4.

“ദുഷ്ടത പ്രവർത്തി​ക്കു​ന്ന​തി​നെ​ക്കു​റിച്ച്‌ ദൈവ​ത്തി​നു ചിന്തി​ക്കാ​നേ കഴിയില്ല; തെറ്റു ചെയ്യു​ന്ന​തി​നെ​ക്കു​റിച്ച്‌ സർവശ​ക്തന്‌ ആലോ​ചി​ക്കാൻപോ​ലും പറ്റില്ല.”​—ഇയ്യോബ്‌ 34:10.

“സർവശക്തൻ നീതി നിഷേ​ധി​ക്കി​ല്ലെന്നു തീർച്ച​യാണ്‌.”​—ഇയ്യോബ്‌ 34:12.

തന്നെ മോശ​മാ​യി ചിത്രീ​ക​രി​ക്കുന്ന മതങ്ങളെ ദൈവം തള്ളിക്ക​ള​യു​ന്നു.

ഈ കൂട്ടത്തിൽ, ദുരി​ത​ങ്ങൾക്കു കാരണ​ക്കാ​രൻ ദൈവ​മാ​ണെന്നു പഠിപ്പി​ക്കുന്ന മതങ്ങളും, യുദ്ധങ്ങൾക്കും അക്രമ​ങ്ങൾക്കും കൂട്ടു​നിൽക്കുന്ന മതങ്ങളും ഉൾപ്പെ​ടു​ന്നുണ്ട്‌.

“പ്രവാ​ച​ക​ന്മാർ എന്റെ (ദൈവ​ത്തി​ന്റെ) നാമത്തിൽ നുണക​ളാ​ണു പ്രവചി​ക്കു​ന്നത്‌. ഞാൻ അവരെ അയയ്‌ക്കു​ക​യോ അവരോ​ടു കല്‌പി​ക്കു​ക​യോ സംസാ​രി​ക്കു​ക​യോ ചെയ്‌തി​ട്ടില്ല. അവർ നിങ്ങ​ളോ​ടു പ്രവചി​ക്കു​ന്നതു വ്യാജ​ദർശ​ന​വും . . . സ്വന്തം ഹൃദയ​ത്തി​ലെ വഞ്ചനയും ആണ്‌.”​—യിരെമ്യ 14:14.

മതകാപട്യത്തെ യേശു കുറ്റം​വി​ധി​ച്ചു.

“എന്നോടു ‘കർത്താവേ, കർത്താവേ’ എന്നു പറയുന്ന എല്ലാവ​രും സ്വർഗ​രാ​ജ്യ​ത്തിൽ കടക്കില്ല; സ്വർഗ​സ്ഥ​നായ എന്റെ പിതാ​വി​ന്റെ ഇഷ്ടം ചെയ്യു​ന്നവർ മാത്ര​മാ​ണു സ്വർഗ​രാ​ജ്യ​ത്തിൽ കടക്കുക. ആ ദിവസം പലരും എന്നോട്‌ ഇങ്ങനെ ചോദി​ക്കും: “കർത്താവേ, കർത്താവേ, ഞങ്ങൾ അങ്ങയുടെ നാമത്തിൽ പ്രവചി​ച്ചി​ല്ലേ? അങ്ങയുടെ നാമത്തിൽ ഭൂതങ്ങളെ പുറത്താ​ക്കി​യി​ല്ലേ? അങ്ങയുടെ നാമത്തിൽ ധാരാളം അത്ഭുതങ്ങൾ കാണി​ച്ചി​ല്ലേ?” എന്നാൽ ഞാൻ അവരോട്‌, ‘എനിക്കു നിങ്ങളെ അറിയില്ല. ധിക്കാ​രി​കളേ, എന്റെ അടുത്തു​നിന്ന്‌ പോകൂ!’ എന്നു തീർത്തു​പ​റ​യും.”​—മത്തായി 7:21-23.