ടെക്‌നോ​ളജി എങ്ങനെ​യാണ്‌ ദോഷം ചെയ്യു​ന്നത്‌ . . . നിങ്ങളു​ടെ ചിന്താ​പ്രാ​പ്‌തിക്ക്‌?

എന്നാൽ ടെക്‌നോ​ള​ജി​യെ അമിത​മാ​യി ആശ്രയി​ക്കു​ന്ന​വർക്ക്‌ . . .

• മനസ്സി​രു​ത്തി വായി​ക്കാൻ കഴിയു​ന്നില്ല.

• ഒരു സമയത്ത്‌ ഒരു കാര്യ​ത്തിൽ ശ്രദ്ധ കേന്ദ്രീ​ക​രി​ക്കാൻ പറ്റുന്നില്ല.

• ഒറ്റയ്‌ക്ക്‌ ഇരിക്കു​മ്പോൾ പെട്ടെന്ന്‌ ബോറ​ടി​ക്കും.

നിങ്ങൾ അറിഞ്ഞി​രി​ക്കേ​ണ്ടത്‌

വായന

എപ്പോ​ഴും ഇല​ക്ട്രോ​ണിക്‌ ഉപകര​ണങ്ങൾ ഉപയോ​ഗി​ക്കുന്ന ആളുകൾക്ക്‌ ഒരു ലേഖനം മുഴു​വ​നോ​ടെ വായി​ച്ചു​തീർക്കാ​നുള്ള ക്ഷമയില്ല. പ്രധാ​ന​പ്പെട്ട ആശയങ്ങൾ കണ്ടെത്താൻവേണ്ടി മാത്രം അവർ അതു പെട്ടെ​ന്നൊന്ന്‌ വായി​ച്ചു​നോ​ക്കും.

പെട്ടെന്ന്‌ ഒരു ചോദ്യ​ത്തിന്‌ ഉത്തരം കണ്ടെത്താൻ ഓടി​ച്ചു​വാ​യി​ച്ചാൽ മതിയാ​കും. എന്നാൽ ഒരു വിഷയ​ത്തെ​ക്കു​റിച്ച്‌ ആഴത്തിൽ പഠിക്കാ​നും മനസ്സി​ലാ​ക്കി​യെ​ടു​ക്കാ​നും അങ്ങനെ ചെയ്‌താൽ പോരാ.

ചിന്തി​ക്കാ​നാ​യി: ഒരു നീണ്ട ലേഖനം മുഴുവൻ മനസ്സി​രു​ത്തി വായി​ക്കാൻ നിങ്ങൾക്ക്‌ പറ്റുന്നു​ണ്ടോ? അങ്ങനെ വായി​ക്കു​ന്നത്‌ നിങ്ങളു​ടെ പഠന​പ്രാ​പ്‌തി​യെ എങ്ങനെ​യാണ്‌ മെച്ച​പ്പെ​ടു​ത്തു​ന്നത്‌?—സുഭാ​ഷി​തങ്ങൾ 18:15.

ഏകാഗ്രത

ടെക്‌നോ​ളജി വന്നതോ​ടെ ഒരേസ​മയം പലകാ​ര്യ​ങ്ങൾ ചെയ്യാ​നാ​കു​ന്നു എന്ന്‌ പലരും ചിന്തി​ക്കു​ന്നു, പഠിക്കുന്ന സമയത്ത്‌ മെസ്സേജ്‌ അയയ്‌ക്കു​ന്ന​പോ​ലെ. എന്നാൽ നല്ല ശ്രദ്ധ ആവശ്യ​മുള്ള രണ്ടു കാര്യങ്ങൾ ഒരുമിച്ച്‌ ചെയ്യാൻ ശ്രമി​ച്ചാൽ രണ്ടും നന്നായി ചെയ്യാൻ പറ്റാതെ വന്നേക്കാം.

ആത്മശി​ക്ഷ​ണം ഉണ്ടെങ്കി​ലേ ഏകാഗ്രത വളർത്തി​യെ​ടു​ക്കാ​നാ​കൂ. അതിനു​വേ​ണ്ടി​യുള്ള ശ്രമങ്ങൾ വെറു​തെ​യാ​കില്ല. അങ്ങനെ​യെ​ങ്കിൽ “നിങ്ങൾക്ക്‌ പിശകു​കൾ അധികം വരില്ല, ടെൻഷ​നും കാണില്ല. . . . ശ്രദ്ധാ​ശൈ​ഥി​ല്യ​ങ്ങ​ളൊ​ന്നും ഇല്ലാതെ ഒരു സമയത്ത്‌ ഒരു കാര്യം ചെയ്യു​ന്ന​താണ്‌ നല്ലതെന്ന്‌ എനിക്കു മനസ്സി​ലാ​യി” എന്ന്‌ കൗമാ​ര​ക്കാ​രി​യായ ഗ്രേസ്‌ പറയുന്നു.

ചിന്തി​ക്കാ​നാ​യി: ഒരേസ​മ​യത്ത്‌ പല കാര്യങ്ങൾ ചെയ്യു​ന്നത്‌ പഠിക്കുന്ന കാര്യങ്ങൾ മനസ്സി​ലാ​ക്കാ​നും അത്‌ ഓർത്തി​രി​ക്കാ​നും ഉള്ള നിങ്ങളു​ടെ കഴിവിന്‌ ഒരു തടസ്സമാ​കു​ന്നു​ണ്ടോ?—സുഭാ​ഷി​തങ്ങൾ 17:24.

ഏകാന്തത

ചില ആളുകൾക്ക്‌ ഒറ്റയ്‌ക്ക്‌ ഇരിക്കാൻ ഒട്ടും ഇഷ്ടമല്ല. അതു​കൊണ്ട്‌ ആ സമയത്ത്‌ അവർ ടെക്‌നോ​ള​ജി​യി​ലേക്കു തിരി​യും. ഒലീവിയ എന്ന സ്‌ത്രീ പറയുന്നു: “ഫോണും ടാബും ടിവി​യും ഒന്നുമി​ല്ലാ​തെ പതിനഞ്ചു മിനി​റ്റു​പോ​ലും എനിക്ക്‌ ഇരിക്കാൻ പറ്റില്ല.”

എന്നാൽ പഠനത്തി​ന്റെ ഒരു പ്രധാന ഭാഗമാണ്‌ നന്നായി ചിന്തി​ക്കു​ന്നത്‌. അതിനു പറ്റിയ നല്ലൊരു അവസര​മാണ്‌ ഒറ്റയ്‌ക്ക്‌ ഇരിക്കുന്ന സമയം. നിങ്ങൾ ഏതു പ്രായ​ത്തി​ലു​ള്ള​വ​രാ​ണെ​ങ്കി​ലും ഇതു സത്യമാണ്‌.

ചിന്തി​ക്കാ​നാ​യി: നന്നായി ചിന്തി​ക്കാ​നുള്ള ഒരു അവസര​മാ​യി ഒറ്റയ്‌ക്ക്‌ ഇരിക്കുന്ന സമയത്തെ നിങ്ങൾ കാണാ​റു​ണ്ടോ? —1 തിമൊ​ഥെ​യൊസ്‌ 4:15.

നിങ്ങൾക്കു ചെയ്യാ​നാ​കു​ന്നത്‌

നിങ്ങൾ ടെക്‌നോ​ളജി എങ്ങനെ​യാണ്‌ ഉപയോ​ഗി​ക്കു​ന്ന​തെന്ന്‌ ചിന്തി​ക്കു​ക

പഠനത്തിന്‌ ഉപകാ​ര​പ്പെ​ടുന്ന വിധത്തിൽ നിങ്ങൾക്ക്‌ ടെക്‌നോ​ളജി എങ്ങനെ ഉപയോ​ഗി​ക്കാൻ കഴിയും? ശ്രദ്ധി​ച്ചി​രി​ക്കാ​നും പഠിക്കാ​നും ഉള്ള നിങ്ങളു​ടെ കഴിവിന്‌ ടെക്‌നോ​ളജി എങ്ങനെ​യാണ്‌ ഒരു തടസ്സമാ​കു​ന്നത്‌?