ദൈവ​ത്തി​ന്റെ സഹായ​ത്തിൽ ആശ്രയിക്കുന്നു

ആയിര​ക്ക​ണ​ക്കിന്‌ ആളുകൾ ബാബി​ലോ​ണിൽനി​ന്നു യെരൂ​ശ​ലേ​മി​ലേ​ക്കു​ള്ള ദീർഘ​യാ​ത്ര നടത്തുന്നു. പക്ഷേ അവിടെ എത്തി​ച്ചേ​രു​മ്പോൾ സകലതും തകർന്നു കിടക്കു​ന്ന​താണ്‌ അവർ കാണു​ന്നത്‌. മനുഷ്യ​വാ​സ​മി​ല്ല. എല്ലാം വീണ്ടും പണിയേണ്ട അവസ്ഥ.

അവർ ആദ്യം പണിയുന്ന വസ്‌തു​ക്ക​ളി​ലൊന്ന്‌ ഒരു യാഗപീ​ഠ​മാണ്‌. യഹോ​വ​യ്‌ക്കു മൃഗയാ​ഗ​ങ്ങൾ അർപ്പി​ക്കു​ന്ന​തി​നു വേണ്ടി​യാണ്‌ ഇത്‌. കുറച്ചു മാസങ്ങൾക്കു ശേഷം ഇസ്രാ​യേ​ല്യർ ആലയത്തി​ന്റെ പണി തുടങ്ങു​ന്നു. എന്നാൽ അയൽരാ​ജ്യ​ങ്ങ​ളി​ലു​ള്ള അവരുടെ ശത്രു​ക്കൾക്ക്‌ അത്‌ അത്ര രസിക്കു​ന്നി​ല്ല. അതു​കൊണ്ട്‌ ഇസ്രാ​യേ​ല്യ​രെ ഭീഷണി​പ്പെ​ടു​ത്തി പണി നിറു​ത്തി​ക്കാൻ അവർ ശ്രമി​ക്കു​ന്നു. ഒടുവിൽ, പേർഷ്യ​യി​ലെ പുതിയ രാജാ​വി​നെ സ്വാധീ​നിച്ച്‌ അവർ കാര്യം സാധി​ക്കു​ന്നു. ആലയത്തി​ന്റെ പണി നിറു​ത്തി​വെ​ക്കാൻ രാജാവു കൽപ്പി​ക്കു​ന്നു.

വർഷങ്ങൾ കടന്നു​പോ​കു​ന്നു. ഇസ്രാ​യേ​ല്യർ ബാബി​ലോ​ണിൽനി​ന്നു തിരികെ വന്നിട്ട്‌ 17 വർഷമാ​യി. ജനങ്ങ​ളോട്‌ ആലയത്തി​ന്റെ പണി വീണ്ടും തുടങ്ങാൻ പറയു​ന്ന​തി​നാ​യി യഹോവ പ്രവാ​ച​ക​ന്മാ​രാ​യ ഹഗ്ഗായി​യെ​യും സെഖര്യാ​വി​നെ​യും അയയ്‌ക്കു​ന്നു. യഹോവ തങ്ങളെ സഹായി​ക്കു​മെ​ന്നു ജനം വിശ്വ​സി​ക്കു​ന്നു, അതു​കൊണ്ട്‌ അവർ പ്രവാ​ച​ക​ന്മാ​രെ അനുസ​രി​ക്കു​ന്നു. ആലയത്തി​ന്റെ പണി നിയമം​മൂ​ലം തടഞ്ഞി​രി​ക്കു​ക​യാ​ണെ​ങ്കി​ലും അവർ അതു വീണ്ടും തുടങ്ങു​ന്നു.

ഒരു പേർഷ്യൻ ഉദ്യോ​ഗ​സ്ഥ​നാ​യ തത്‌നാ​യി വന്ന്‌ ഇസ്രാ​യേ​ല്യ​രോട്‌ ആലയം പണിയാൻ അവർക്ക്‌ ആരാണ്‌ അധികാ​രം നൽകി​യ​തെ​ന്നു ചോദി​ക്കു​ന്നു. തങ്ങൾ ബാബി​ലോ​ണിൽ ആയിരു​ന്ന​പ്പോൾ രാജാ​വാ​യ കോ​രെശ്‌, ‘യെരൂ​ശ​ലേ​മി​ലേ​ക്കു​പോ​യി നിങ്ങളു​ടെ ദൈവ​മാ​യ യഹോ​വ​യു​ടെ ആലയം പണിയുക,’ എന്നു കൽപ്പി​ച്ചി​രു​ന്നു എന്ന്‌ ഇസ്രാ​യേ​ല്യർ അവനോ​ടു പറയുന്നു.

മരിച്ചു​പോ​യ കോ​രെശ്‌ അങ്ങനെ കൽപ്പി​ച്ചി​രു​ന്നോ എന്ന്‌ തത്‌നാ​യി ബാബി​ലോ​ണി​ലേക്ക്‌ എഴുതി ചോദി​ക്കു​ന്നു. ഉടൻ പുതിയ പേർഷ്യൻ രാജാ​വിൽനി​ന്നു​ള്ള മറുപടി വരുന്നു. കോ​രെശ്‌ അങ്ങനെ പറഞ്ഞി​രു​ന്ന​താ​യി അതിൽ എഴുതി​യി​രു​ന്നു. പുതിയ രാജാവ്‌ ഇങ്ങനെ എഴുതു​ന്നു: ‘ഇസ്രാ​യേ​ല്യർ അവരുടെ ദൈവ​മാ​യ യഹോ​വ​യ്‌ക്ക്‌ ആലയം പണിതു​കൊ​ള്ള​ട്ടെ. അവരെ സഹായി​ക്കാൻ ഞാൻ നിങ്ങ​ളോ​ടു കൽപ്പി​ക്കു​ന്നു.’ ഏകദേശം നാലു വർഷത്തി​നു​ള്ളിൽ ആലയനിർമാ​ണം പൂർത്തി​യാ​കു​ന്നു, ഇസ്രാ​യേ​ല്യർ വളരെ സന്തോ​ഷി​ക്കു​ന്നു.

വളരെ വർഷങ്ങൾ കടന്നു​പോ​കു​ന്നു. ആലയത്തി​ന്റെ പണി പൂർത്തി​യാ​യിട്ട്‌ ഇപ്പോൾ ഏതാണ്ട്‌ 48 വർഷം കഴിഞ്ഞി​രി​ക്കു​ന്നു. യെരൂ​ശ​ലേ​മി​ലെ ആളുകൾ പാവ​പ്പെ​ട്ട​വ​രാണ്‌, പട്ടണവും ദൈവ​ത്തി​ന്റെ ആലയവും കാണാൻ അത്ര ഭംഗി​യൊ​ന്നും ഇല്ല. എസ്രാ എന്നു പേരുള്ള ഒരു ഇസ്രാ​യേ​ല്യൻ ബാബി​ലോ​ണിൽവെച്ച്‌, ദൈവ​ത്തി​ന്റെ ആലയം മോടി​പി​ടി​പ്പി​ക്കേ​ണ്ട​തു​ണ്ടെന്നു മനസ്സി​ലാ​ക്കു​ന്നു. അവൻ എന്താണു ചെയ്യു​ന്ന​തെ​ന്നോ?

എസ്രാ പേർഷ്യൻ രാജാ​വാ​യ അർത്ഥഹ്‌ശ​ഷ്ടാ​വി​നെ പോയി കാണുന്നു, ആ നല്ല രാജാവ്‌ ധാരാളം സമ്മാന​ങ്ങ​ളു​മാ​യി അവനെ യെരൂ​ശ​ലേ​മി​ലേക്ക്‌ അയയ്‌ക്കു​ന്നു. ആ സാധന​ങ്ങ​ളൊ​ക്കെ യെരൂ​ശ​ലേ​മി​ലേ​ക്കു കൊണ്ടു​പോ​കാൻ തന്നെ സഹായി​ക്കാ​മോ എന്ന്‌ ബാബി​ലോ​ണി​ലു​ള്ള ഇസ്രാ​യേ​ല്യ​രോട്‌ അവൻ ചോദി​ക്കു​ന്നു. ഏകദേശം 6,000 ആളുകൾ അവനോ​ടൊ​പ്പം പോകാൻ തയ്യാറാ​കു​ന്നു. അവർക്കു ധാരാളം വെള്ളി​യും സ്വർണ​വും മറ്റു വിലപി​ടി​ച്ച വസ്‌തു​ക്ക​ളും കൊണ്ടു​പോ​കാ​നുണ്ട്‌.

പോകുന്ന വഴിക്ക്‌ ധാരാളം ദുഷ്ടമ​നു​ഷ്യ​രുണ്ട്‌. അവർ വെള്ളി​യും സ്വർണ​വും തട്ടി​യെ​ടുത്ത്‌ തങ്ങളെ കൊന്നു​ക​ള​യു​മോ എന്ന്‌ എസ്രാ​യ്‌ക്ക്‌ പേടി​യുണ്ട്‌. അതു​കൊണ്ട്‌, ഈ ചിത്ര​ത്തിൽ കാണാ​വു​ന്ന​തു​പോ​ലെ, എസ്രാ ജനത്തെ ഒരുമി​ച്ചു വിളി​ച്ചു​കൂ​ട്ടു​ന്നു. യെരൂ​ശ​ലേ​മി​ലേ​ക്കു​ള്ള നീണ്ട മടക്കയാ​ത്ര​യിൽ തങ്ങളെ കാത്തു​കൊ​ള്ളേ​ണ​മേ എന്ന്‌ അവർ യഹോ​വ​യോ​ടു പ്രാർഥി​ക്കു​ന്നു.

യഹോവ അവരുടെ പ്രാർഥന കേൾക്കു​ക​യും അവരെ സംരക്ഷി​ക്കു​ക​യും ചെയ്യുന്നു. നാലു മാസം യാത്ര​ചെ​യ്‌ത്‌ അവർ സുരക്ഷി​ത​രാ​യി യെരൂ​ശ​ലേ​മിൽ എത്തി​ച്ചേ​രു​ന്നു. സഹായ​ത്തി​നാ​യി തന്നി​ലേ​ക്കു നോക്കു​ന്ന​വ​രെ സംരക്ഷി​ക്കാൻ യഹോ​വ​യ്‌ക്കു കഴിയും എന്ന്‌ ഇതു കാണി​ക്കു​ന്നി​ല്ലേ?