താത്‌പ​ര്യ​മു​ളള വ്യക്തികൾ മിക്ക​പ്പോ​ഴും ഉന്നയി​ക്കുന്ന ചോദ്യ​ങ്ങൾ

ചില ചോദ്യ​ങ്ങൾ മററു​ള​ള​വ​യെ​ക്കാൾ കൂടെ​ക്കൂ​ടെ ഉയർന്നു​വ​രു​ന്നു. അത്തരം ചില ചോദ്യ​ങ്ങൾ ഇവിടെ പരിഗ​ണി​ച്ചി​രി​ക്കു​ന്നു.

ദൈവം സ്‌നേ​ഹ​മാ​ണെ​ങ്കിൽ അവിടുന്ന്‌ ദുഷ്ടത അനുവ​ദി​ക്കു​ന്നത്‌ എന്തു​കൊണ്ട്‌?

ദൈവം ദുഷ്ടത അനുവ​ദി​ക്കു​ക​തന്നെ ചെയ്യുന്നു, ഭൂമി​യി​ലെ ദശലക്ഷ​ക്ക​ണ​ക്കി​നാ​ളു​കൾ മനഃപൂർവം ദുഷ്ടത പ്രവർത്തി​ക്കു​ന്നു. ദൃഷ്ടാ​ന്ത​ത്തിന്‌, അവർ യുദ്ധങ്ങൾ പ്രഖ്യാ​പി​ക്കു​ക​യും കുട്ടി​ക​ളു​ടെ​മേൽ ബോം​ബി​ടു​ക​യും ഭൂമിയെ ചുട്ടു​ക​രി​ക്കു​ക​യും ഭക്ഷ്യക്ഷാ​മ​ങ്ങൾക്ക്‌ ഇടവരു​ത്തു​ക​യും ചെയ്യുന്നു. പുകവലി നിമിത്തം ദശലക്ഷ​ക്ക​ണ​ക്കി​നാ​ളു​കൾക്ക്‌ അർബുദം പിടി​പെ​ടു​ന്നു, വ്യഭി​ചാ​രം ചെയ്യു​ന്നതു നിമിത്തം ഗുഹ്യ​രോ​ഗം ഉണ്ടാകു​ന്നു, അമിത​മാ​യി കുടി​ക്കു​ന്ന​തു​കൊണ്ട്‌ കരൾവീ​ക്കം ബാധി​ക്കു​ന്നു, അങ്ങനെ ആ പട്ടിക നീളുന്നു. അത്തരം വ്യക്തികൾ വാസ്‌ത​വ​ത്തിൽ എല്ലാത്തരം ദുഷ്ടത​യും അവസാ​നി​ച്ചു​കാ​ണാൻ ആഗ്രഹി​ക്കു​ന്നില്ല. അതിന്റെ ശിക്ഷകൾ നീങ്ങി​ക്കി​ട്ടാ​നേ അവർ അഭില​ഷി​ക്കു​ന്നു​ളളു. അവർ വിതച്ചി​രി​ക്കു​ന്നതു കൊയ്യു​മ്പോൾ ഇങ്ങനെ നിലവി​ളി​ക്കു​ന്നു, “എനിക്കിത്‌ എന്തു​കൊണ്ട്‌?” സദൃശ​വാ​ക്യ​ങ്ങൾ 19:3 പറയു​ന്ന​തു​പോ​ലെ അവർ ദൈവത്തെ കുററ​പ്പെ​ടു​ത്തു​ക​യും ചെയ്യുന്നു: “ഒരു മമനു​ഷ്യ​ന്റെ സ്വന്തം ഭോഷ​ത്വം അവന്റെ ജീവനെ തകർക്കു​ന്നു, എന്നിട്ട്‌ അവൻ കർത്താ​വി​നെ​തി​രെ പക വെച്ചു​പു​ലർത്തു​ന്നു.” (ദ ന്യൂ ഇംഗ്ലീഷ്‌ ബൈബിൾ) ഇനി, ദൈവം അവരുടെ ദുഷ്‌പ്ര​വൃ​ത്തി നിർത്തി​യാൽത്തന്നെ അങ്ങനെ ചെയ്യാ​നു​ളള സ്വാത​ന്ത്ര്യ​ന​ഷ്ട​ത്തി​നെ​തി​രെ അവർ പ്രതി​ഷേ​ധി​ക്കും!

യഹോവ ദുഷ്ടത അനുവ​ദി​ച്ചി​രി​ക്കു​ന്ന​തി​ന്റെ പ്രമുഖ കാരണം സാത്താന്റെ വെല്ലു​വി​ളിക്ക്‌ ഉത്തരം കൊടു​ക്കു​ക​യെ​ന്ന​താണ്‌. പരി​ശോ​ധ​ന​യിൻ കീഴിൽ ദൈവ​ത്തോ​ടു വിശ്വ​സ്‌ത​മാ​യി നിൽക്കുന്ന മനുഷ്യ​രെ ഭൂമി​യിൽ ആക്കി​വെ​ക്കാൻ ദൈവ​ത്തി​നു കഴിയി​ല്ലെന്നു പിശാ​ചായ സാത്താൻ പറഞ്ഞു. (ഇയ്യോബ്‌ 1:6-12; 2:1-10) തന്റെ വെല്ലു​വി​ളി തെളി​യി​ക്കാൻ അവസരം ഉണ്ടായി​രി​ക്കു​ന്ന​തി​നു തുടർന്നു നിലനിൽക്കാൻ യഹോവ സാത്താനെ അനുവ​ദി​ക്കു​ന്നു. (പുറപ്പാട്‌ 9:16 താരത​മ്യ​പ്പെ​ടു​ത്തുക.) തന്റെ വെല്ലു​വി​ളി തെളി​യി​ക്കാൻ സാത്താൻ ശ്രമി​ക്കവേ ദൈവ​ത്തി​നെ​തി​രെ മനുഷ്യ​രെ തിരി​ക്കാൻ അവൻ ഇപ്പോൾ തുടർന്നും കഷ്ടങ്ങൾ വരുത്തി​വ​യ്‌ക്കു​ന്നു. (വെളി​പാട്‌ 12:12) എന്നാൽ ഇയ്യോബ്‌ നിർമലത പാലിച്ചു. യേശു​വും അങ്ങനെ​തന്നെ ചെയ്‌തു. സത്യ​ക്രി​സ്‌ത്യാ​നി​ക​ളും ഇപ്പോൾ അതുതന്നെ ചെയ്യുന്നു.—ഇയ്യോബ്‌ 27:5; 31:6; മത്തായി 4:1-11; 1 പത്രോസ്‌ 1:6, 7.

ആളുകൾ എന്നേക്കും ജീവി​ക്കുന്ന ഒരു ഭൗമിക പറുദീ​സ​യിൽ വിശ്വ​സി​ക്കാൻ ഞാൻ ആഗ്രഹി​ക്കു​ന്നു, എന്നാൽ അതു അവിശ്വ​സ​നീ​യ​മല്ലേ?

ബൈബി​ള​നു​സ​രിച്ച്‌ അല്ല. അനേക നൂററാ​ണ്ടു​ക​ളാ​യി മനുഷ്യ​വർഗം തിൻമ​യെ​ക്കു​റി​ച്ചു മാത്രം അറിയു​ന്ന​തു​കൊണ്ട്‌ അത്‌ അവിശ്വ​സ​നീ​യ​മാ​യി തോന്നു​ക​യാണ്‌. യഹോവ ഭൂമിയെ സൃഷ്ടി​ച്ചിട്ട്‌ അതിലെ സസ്യ-മൃഗജാ​ല​ങ്ങളെ പരിപാ​ലി​ക്കു​ക​യും അതിനെ നശിപ്പി​ക്കു​ന്ന​തി​നു പകരം സംരക്ഷി​ക്കു​ക​യും ചെയ്യുന്ന നീതി​നി​ഷ്‌ഠ​രായ സ്‌ത്രീ​പു​രു​ഷൻമാ​രെ​ക്കൊ​ണ്ടു നിറയ്‌ക്കാൻ മനുഷ്യ​വർഗ​ത്തോ​ടു പറഞ്ഞു. (12-ഉം 17-ഉം പേജുകൾ കാണുക.) വാഗ്‌ദത്തം ചെയ്യപ്പെട്ട പറുദീസ അവിശ്വ​സ​നീ​യ​മാ​യി​രി​ക്കു​ന്ന​തി​നു പകരം, ദുഃഖ​പൂർണ​മായ ഇപ്പോ​ഴത്തെ അവസ്ഥയാ​ണു തുടരാ​നാ​കാ​ത്തത്ര മോശ​മാ​യി​രി​ക്കു​ന്നത്‌. അതിന്റെ സ്ഥാനത്തു പറുദീസ വരും.

ഈ വാഗ്‌ദ​ത്ത​ങ്ങ​ളി​ലെ വിശ്വാ​സം ക്ഷണിക​വി​ശ്വാ​സ​ത്തി​ന്റെ ഒരു കാര്യമല്ല. “കേട്ട കാര്യത്തെ വിശ്വാ​സം പിന്തു​ട​രു​ന്നു.” ദൈവ​വ​ചനം പഠിക്കു​ന്ന​തി​നാൽ അതിന്റെ ജ്ഞാനം സ്‌പഷ്ട​മാ​യി​ത്തീ​രു​ക​യും വിശ്വാ​സം വളരു​ക​യും ചെയ്യുന്നു.—റോമർ 10:17; എബ്രായർ 11:1.

കെട്ടുകഥയും അശാസ്‌ത്രീ​യ​വു​മാ​ണു ബൈബി​ളെന്നു പരിഹാ​സ​പൂർവം പറയുന്ന ആളുകൾക്ക്‌ ഉത്തരം കൊടു​ക്കാൻ എനി​ക്കെ​ങ്ങനെ കഴിയും?

ബൈബിൾ പുരാ​വ​സ്‌തു​ശാ​സ്‌ത്രം ബൈബി​ളി​ന്റെ ചരി​ത്ര​പ​ര​മായ കൃത്യ​തയെ ഏറിയ പങ്കും സ്ഥിരീ​ക​രി​ക്കു​ന്നു. യഥാർഥ ശാസ്‌ത്രം ബൈബി​ളി​നോ​ടു യോജി​ക്കു​ന്നു. ലോക പണ്ഡിതൻമാർ കണ്ടുപി​ടി​ക്കു​ന്ന​തി​നു ദീർഘ​കാ​ലം മുമ്പു​തന്നെ പിൻവ​രുന്ന വസ്‌തു​തകൾ ബൈബി​ളി​ലു​ണ്ടാ​യി​രു​ന്നു: ഭൂമി അതിന്റെ രൂപവ​ത്‌ക​ര​ണ​ത്തിൽ കടന്നു​പോയ ഘട്ടങ്ങളു​ടെ ക്രമം സംബന്ധിച്ച വിവര​ങ്ങ​ളെ​ക്കൂ​ടാ​തെ, ഭൂമി ഉരുണ്ട​താ​ണെ​ന്നും അതു നഭോ​മ​ണ്ഡ​ല​ത്തിൽ ശൂന്യ​ത്തിൻമേൽ തങ്ങിനിൽക്കു​ന്നു​വെ​ന്നും പക്ഷികൾ ദേശാ​ന്ത​ര​ഗ​മനം നടത്തു​ന്നു​വെ​ന്നു​മു​ളളവ.—ഉൽപ്പത്തി, 1-ാം അധ്യായം; യശയ്യാ 40:22; ഇയ്യോബ്‌ 26:7; യിരെ​മ്യാ 8:7.

നിവൃ​ത്തി​യേ​റി​യ പ്രവച​ന​ങ്ങ​ളാൽ ബൈബി​ളി​ന്റെ നിശ്വ​സ്‌തത പ്രകട​മാണ്‌. ലോക​ശ​ക്തി​ക​ളു​ടെ ഉയർച്ച​യും പതനവും അതു​പോ​ലെ​തന്നെ മിശിഹാ വരുന്ന​തും മരണത്തി​നേൽപ്പി​ക്ക​പ്പെ​ടു​ന്ന​തു​മായ സമയവും ദാനി​യേൽ വളരെ​നാൾ മുമ്പേ മുൻകൂ​ട്ടി​പ്പ​റഞ്ഞു. (ദാനി​യേൽ 2-ഉം 8-ഉം അധ്യാ​യങ്ങൾ; 9:24-27) ഈ നാളു​കളെ “അന്ത്യനാ​ളുക”ളായി തിരി​ച്ച​റി​യി​ച്ചു​കൊണ്ട്‌ ഇന്നു മററു പ്രവച​നങ്ങൾ നിവൃ​ത്തി​യേ​റി​ക്കൊ​ണ്ടി​രി​ക്കു​ന്നു. (2 തിമൊ​ഥെ​യോസ്‌ 3:1-5; മത്തായി 24-ാം അധ്യായം) അത്തരം മുൻകൂ​ട്ടി​യു​ളള അറിവു മനുഷ്യ​പ്രാ​പ്‌തി​യു​ടെ വരുതി​യി​ലൊ​തു​ങ്ങു​ന്നില്ല. (യശയ്യാ 41:23) കൂടുതൽ ഉറപ്പി​നാ​യി വാച്ച്‌ ടവറിന്റെ ബൈബിൾ—ദൈവ​ത്തി​ന്റെ വചനമോ അതോ മനുഷ്യ​ന്റേ​തോ?, ജീവൻ—അത്‌ ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ? എന്നീ [ഇംഗ്ലീഷ്‌] പുസ്‌ത​കങ്ങൾ കാണുക.

ബൈബിളിനെ സംബന്ധിച്ച ചോദ്യ​ങ്ങൾക്ക്‌ ഉത്തരം നൽകു​ന്ന​തി​നു പ്രാപ്‌ത​നാ​യി​ത്തീ​രാൻ എനി​ക്കെ​ങ്ങനെ കഴിയും?

നിങ്ങൾ ബൈബിൾ പഠിക്കു​ക​യും അതി​നെ​ക്കു​റി​ച്ചു ധ്യാനി​ക്കു​ക​യും വേണം, അതേസ​മയം നിങ്ങളെ നയിക്കാൻ ദൈവാ​ത്മാ​വി​നു വേണ്ടി അപേക്ഷി​ക്കു​ക​യും വേണം. (സദൃശ​വാ​ക്യ​ങ്ങൾ 15:28; ലൂക്കോസ്‌ 11:9-13) “നിങ്ങളി​ലാർക്കെ​ങ്കി​ലും ജ്ഞാനം കുറവാ​കു​ന്നു എങ്കിൽ, അയാൾ ദൈവ​ത്തോ​ടു ചോദി​ച്ചു​കൊ​ണ്ടി​രി​ക്കട്ടെ, എന്തെന്നാൽ നീരസ​പ്പെ​ടാ​തെ അവിടുന്ന്‌ എല്ലാവർക്കും ഉദാര​മാ​യി കൊടു​ക്കു​ന്നു; അത്‌ അവനു നൽക​പ്പെ​ടും.” (യാക്കോബ്‌ 1:5) കൂടാതെ പരി​ശോ​ധ​നാർഹ​മായ ബൈബിൾ പഠനസ​ഹാ​യി​ക​ളുണ്ട്‌. ഫിലി​പ്പോസ്‌ എത്യോ​പ്യ​നോ​ടൊ​ത്തു പഠിച്ച​പ്പോ​ഴ​ത്തേ​തു​പോ​ലെ സാധാ​ര​ണ​മാ​യി മററു​ള​ള​വ​രിൽനി​ന്നു​ളള സഹായം ആവശ്യ​മാണ്‌. (പ്രവൃ​ത്തി​കൾ 8:26-35) യഹോ​വ​യു​ടെ സാക്ഷികൾ താത്‌പ​ര്യ​മു​ളള വ്യക്തി​ക​ളോ​ടൊത്ത്‌ അവരുടെ ഭവനങ്ങ​ളിൽവച്ച്‌ സൗജന്യ​മാ​യി ബൈബി​ള​ധ്യ​യ​നങ്ങൾ നടത്തുന്നു. ഈ സേവനം ആവശ്യ​പ്പെ​ടാൻ മടിക്കാ​തി​രി​ക്കുക.

അനേകർ യഹോ​വ​യു​ടെ സാക്ഷി​കളെ എതിർക്കു​ക​യും അവരോ​ടൊ​ത്തു പഠിക്ക​രു​തെന്ന്‌ എന്നോടു പറയു​ക​യും ചെയ്യു​ന്ന​തെ​ന്തു​കൊണ്ട്‌?

യേശു​വി​ന്റെ പ്രസം​ഗ​ത്തോട്‌ എതിർപ്പു​ണ്ടാ​യി​രു​ന്നു. തന്റെ അനുഗാ​മി​ക​ളോ​ടും എതിർപ്പു​ണ്ടാ​കു​മെന്ന്‌ അവിടുന്ന്‌ പറഞ്ഞു. യേശു​വി​ന്റെ പഠിപ്പി​ക്ക​ലിൽ ചിലർക്കു മതിപ്പു തോന്നി​യ​പ്പോൾ മതവി​രോ​ധി​കൾ ഇപ്രകാ​രം തിരി​ച്ച​ടി​ച്ചു: “നിങ്ങളും വഴി​തെ​റ​റി​പ്പോ​യോ? ഭരണാ​ധി​കാ​രി​ക​ളി​ലോ പരീശൻമാ​രി​ലോ ഒരുത്ത​നെ​ങ്കി​ലും അവനിൽ വിശ്വ​സി​ച്ചി​ട്ടു​ണ്ടോ?” (യോഹ​ന്നാൻ 7:46-48; 15:20) സാക്ഷി​ക​ളോ​ടൊ​ത്തു പഠിക്ക​രു​തെന്നു നിങ്ങളെ ഉപദേ​ശി​ക്കുന്ന പലരും ഒന്നുകിൽ അറിവി​ല്ലാ​ത്ത​വ​രോ അല്ലെങ്കിൽ മുൻവി​ധി​യു​ള​ള​വ​രോ ആണ്‌. സാക്ഷി​ളോ​ടൊ​ത്തു പഠിച്ചിട്ട്‌ നിങ്ങളു​ടെ ബൈബിൾ ഗ്രാഹ്യം വർധി​ക്കു​ന്നു​വോ ഇല്ലയോ എന്നു നിങ്ങൾത്തന്നെ കാണുക.—മത്തായി 7:17-20.

തങ്ങളുടെ സ്വന്തം മതമുളള വ്യക്തി​കളെ സാക്ഷികൾ സന്ദർശി​ക്കു​ന്നത്‌ എന്തു​കൊണ്ട്‌?

ഇതു ചെയ്യു​ന്ന​തിൽ അവർ യേശു​വി​ന്റെ മാതൃക പിൻപ​റ​റു​ന്നു. അവിടുന്ന്‌ യഹൂദ​രു​ടെ അടുക്ക​ലേക്കു പോയി. യഹൂദർക്ക്‌ അവരുടെ സ്വന്തം മതമു​ണ്ടാ​യി​രു​ന്നു, എന്നാൽ അനേകം വിധങ്ങ​ളിൽ അതു ദൈവ​വ​ച​ന​ത്തിൽനിന്ന്‌ അകന്നു​പോ​യി​രു​ന്നു. (മത്തായി 15:1-9) എല്ലാ ജനതകൾക്കും ക്രിസ്‌തീ​യ​മെ​ന്നോ ക്രിസ്‌ത്യേ​ത​ര​മെ​ന്നോ വിളി​ക്ക​പ്പെ​ടുന്ന ഏതെങ്കി​ലും തരത്തി​ലു​ളള മതങ്ങളുണ്ട്‌. ദൈവ​ത്തി​ന്റെ സ്വന്തം വചന​ത്തോ​ടു പൊരു​ത്ത​മു​ളള വിശ്വാ​സങ്ങൾ പിടി​ച്ചു​കൊ​ള​ളു​ന്നത്‌ ആളുകളെ സംബന്ധി​ച്ചി​ട​ത്തോ​ളം വളരെ പ്രധാ​ന​മാണ്‌. ഇതു ചെയ്യു​ന്ന​തിൽ അവരെ സഹായി​ക്കാ​നു​ളള സാക്ഷി​ക​ളു​ടെ ശ്രമങ്ങൾ അയൽസ്‌നേ​ഹ​ത്തി​ന്റെ ഒരു പ്രകട​ന​മാണ്‌.

ശരിയായ ഒരേ ഒരു മതം തങ്ങളു​ടേ​താ​ണെന്നു സാക്ഷികൾ വിശ്വ​സി​ക്കു​ന്നു​വോ?

തന്റെ മതത്തെ കാര്യ​മാ​യി എടുക്കുന്ന ഏതൊ​രു​വ​നും അതാണു ശരിയാ​യ​തെന്നു ചിന്തി​ക്കണം. അല്ലാത്ത​പക്ഷം അവനോ അവളോ എന്തിനാണ്‌ അതിൽ ഉൾപ്പെ​ട്ടി​രി​ക്കു​ന്നത്‌? ക്രിസ്‌ത്യാ​നി​കളെ ഇങ്ങനെ ബുദ്ധ്യു​പ​ദേ​ശി​ച്ചി​രി​ക്കു​ന്നു: “എല്ലാ കാര്യ​ങ്ങ​ളും നിശ്ചയ​പ്പെ​ടു​ത്തുക; നല്ലതു മുറുകെ പിടി​ച്ചു​കൊ​ള​ളുക.” (1 തെസ​ലോ​നി​ക്യർ 5:21) തന്റെ വിശ്വാ​സ​ങ്ങൾക്കു തിരു​വെ​ഴു​ത്തു​ക​ളു​ടെ പിന്തു​ണ​യു​ണ്ടെന്ന്‌ ഒരുവൻ ഉറപ്പു​വ​രു​ത്തണം. കാരണം ശരിയായ വിശ്വാ​സം ഒന്നു മാത്ര​മേ​യു​ളളൂ. “ഒരു കർത്താവ്‌, ഒരു വിശ്വാ​സം, ഒരു സ്‌നാ​പനം” എന്നു പരാമർശി​ച്ചു​കൊണ്ട്‌ എഫേസ്യർ 4:5 ഇതിനെ സ്ഥിരീ​ക​രി​ക്കു​ന്നു. രക്ഷയി​ലേക്കു നയിക്കുന്ന അനേകം വഴികൾ, അനേകം മതങ്ങൾ ഉണ്ടെന്ന അയഞ്ഞ ആധുനിക വീക്ഷണ​ത്തോ​ടു യേശു യോജി​ച്ചില്ല. മറിച്ച്‌ അവിടുന്ന്‌ ഇപ്രകാ​രം പറഞ്ഞു: “ജീവനി​ലേക്കു നയിക്കുന്ന കവാടം ഇടുങ്ങി​യ​തും പാത ഞെരു​ക്ക​മു​ള​ള​തും ആകുന്നു, അതു കണ്ടെത്തു​ന്നവർ ചുരു​ക്ക​വു​മാണ്‌.” തങ്ങൾ അതു കണ്ടെത്തി​യ​താ​യി യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. അല്ലാത്ത​പക്ഷം മറെറാ​രു മതത്തി​നാ​യി അവർ അന്വേ​ഷി​ക്കു​മാ​യി​രു​ന്നു.—മത്തായി 7:14.

രക്ഷിക്കപ്പെടുന്നവർ തങ്ങൾ മാത്ര​മാ​ണെന്ന്‌ അവർ വിശ്വ​സി​ക്കു​ന്നു​വോ?

ഇല്ല. കഴിഞ്ഞു​പോയ നൂററാ​ണ്ടു​ക​ളിൽ ജീവി​ച്ചി​രു​ന്നി​ട്ടു​ളള യഹോ​വ​യു​ടെ സാക്ഷി​ക​ള​ല്ലാ​തി​രുന്ന ബഹുദ​ശ​ല​ക്ഷങ്ങൾ ഒരു പുനരു​ത്ഥാ​ന​ത്തിൽ മടങ്ങി​വ​രി​ക​യും അവർക്കു ജീവന്റെ ഒരവസരം ലഭിക്കു​ക​യും ചെയ്യും. “മഹോ​പ​ദ്രവ”ത്തിനു മുമ്പു​തന്നെ ഇപ്പോൾ ജീവി​ക്കുന്ന പലരും സത്യത്തി​നും നീതി​ക്കും വേണ്ടി ഇനിയും ഒരു നിലപാ​ടു സ്വീക​രി​ക്കു​ക​യും അങ്ങനെ രക്ഷ നേടു​ക​യും ചെയ്‌തേ​ക്കാം. മാത്രമല്ല നാം അന്യോ​ന്യം വിധി​ക്ക​രു​തെന്നു യേശു പറഞ്ഞു. നാം പുറ​മേ​യു​ളള ആകാര​ത്തെ​യാ​ണു നോക്കു​ന്നത്‌; ദൈവ​മോ ഹൃദയത്തെ നോക്കു​ന്നു. അവിടുന്ന്‌ കൃത്യ​മാ​യി കാണു​ക​യും കരുണാ​പൂർവം ന്യായം​വി​ധി​ക്കു​ക​യും ചെയ്യുന്നു. അവിടുന്ന്‌ ന്യായ​വി​ധി ഏൽപ്പി​ച്ചി​രി​ക്കു​ന്നത്‌ യേശു​വി​ന്റെ കരങ്ങളി​ലാണ്‌, നമ്മുടെ കൈക​ളി​ലല്ല.—മത്തായി 7:1-5; 24:21.

യഹോവയുടെ സാക്ഷി​ക​ളു​ടെ യോഗ​ങ്ങൾക്കു ഹാജരാ​കു​ന്ന​വ​രിൽനിന്ന്‌ എന്തു സാമ്പത്തിക സംഭാ​വ​നകൾ പ്രതീ​ക്ഷി​ക്കു​ന്നു?

പണപര​മായ സംഭാ​വ​ന​കളെ സംബന്ധിച്ച്‌ അപ്പോ​സ്‌ത​ല​നായ പൗലോസ്‌ ഇപ്രകാ​രം പറഞ്ഞു: “ഓരോ​രു​ത്തൻ ഹൃദയ​ത്തിൽ നിശ്ചയി​ച്ചു​റ​ച്ചി​രി​ക്കു​ന്നതു പോ​ലെ​തന്നെ ചെയ്യട്ടെ, വിമു​ഖ​ത​യോ​ടെ​യോ നിർബ​ന്ധ​ത്തിൻ കീഴി​ലോ അല്ല, എന്തെന്നാൽ സന്തോ​ഷ​ത്തോ​ടെ കൊടു​ക്കു​ന്ന​വനെ ദൈവം സ്‌നേ​ഹി​ക്കു​ന്നു.” (2 കൊരി​ന്ത്യർ 9:7) യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളു​ക​ളി​ലും കൺ​വെൻ​ഷ​നു​കൾ നടക്കുന്ന ഓഡി​റേ​റാ​റി​യ​ങ്ങ​ളി​ലും യാതൊ​രു പണപ്പി​രി​വു​ക​ളും ഒരിക്ക​ലും നടത്താ​റില്ല. സംഭാവന ചെയ്യാൻ ആഗ്രഹി​ക്കുന്ന ഏതൊ​രാൾക്കും അങ്ങനെ ചെയ്യാൻ സൗകര്യ​പ്ര​ദ​മാ​യി​രി​ക്ക​ത്ത​ക്ക​വണ്ണം പെട്ടികൾ വച്ചിരി​ക്കു​ന്നു. മററു​ള​ളവർ എന്തു കൊടു​ക്കു​ന്നു​വെന്ന്‌ ആരും അറിയു​ന്നില്ല. ചിലർ മററു​ള​ള​വ​രെ​ക്കാൾ കൂടുതൽ കൊടു​ക്കാൻ പ്രാപ്‌ത​രാണ്‌; ചിലർക്ക്‌ എന്തെങ്കി​ലു​മൊ​ട്ടു കൊടു​ക്കാൻ കഴിയാ​തെ​യു​മി​രു​ന്നേ​ക്കാം. യരുശ​ലേ​മി​ലെ ആലയത്തി​ലു​ണ്ടാ​യി​രുന്ന ഭണ്ഡാര​ത്തെ​യും സംഭാവന നൽകു​ന്ന​വ​രെ​യും സംബന്ധിച്ച്‌ അഭി​പ്രാ​യം പറഞ്ഞ​പ്പോൾ യേശു ശരിയായ വീക്ഷണം പ്രകട​മാ​ക്കി: പ്രാധാ​ന്യ​മർഹി​ക്കു​ന്നത്‌ കൊടു​ക്കാ​നു​ളള ഒരുവന്റെ പ്രാപ്‌തി​യും കൊടു​ക്കൽ ആത്മാവു​മാണ്‌, അല്ലാതെ പണത്തിന്റെ അളവല്ല.—ലൂക്കോസ്‌ 21:1-4.

ഞാൻ യഹോ​വ​യു​ടെ സാക്ഷി​ക​ളിൽ ഒരുവ​നാ​യി​ത്തീർന്നാൽ അവർ ചെയ്യു​ന്ന​തു​പോ​ലെ ഞാൻ പ്രസം​ഗി​ക്ക​ണ​മോ?

ക്രിസ്‌തു​വി​ന്റെ രാജ്യ​ത്തിൻ കീഴിലെ വാഗ്‌ദത്തം ചെയ്യപ്പെട്ട ഭൗമിക പറുദീ​സ​യെ​ക്കു​റി​ച്ചു​ളള പരിജ്ഞാ​നം​കൊ​ണ്ടു നിറയു​മ്പോൾ അതു മററു​ള​ള​വ​രു​മാ​യി പങ്കുവ​യ്‌ക്കാൻ ഒരുവൻ ആഗ്രഹി​ക്കു​ന്നു. നിങ്ങളും അങ്ങനെ ചെയ്യാൻ ആഗ്രഹി​ക്കും. അതു സുവാർത്ത​യാണ്‌!—പ്രവൃ​ത്തി​കൾ 5:41, 42.

നിങ്ങൾ യേശു​ക്രി​സ്‌തു​വി​ന്റെ ഒരു ശിഷ്യ​നാ​ണെന്നു കാണി​ക്കു​ന്ന​തി​നു​ളള ഒരു പ്രധാന മാർഗം ഇതു ചെയ്യു​ന്ന​താണ്‌. ബൈബി​ളിൽ യേശു​വി​നെ “വിശ്വ​സ്‌ത​നും സത്യവാ​നു​മായ സാക്ഷി” എന്നു വിളി​ച്ചി​രി​ക്കു​ന്നു. “സ്വർഗ​രാ​ജ്യം സമീപി​ച്ചി​രി​ക്കു​ന്നു” എന്നു പറഞ്ഞു​കൊണ്ട്‌ ഭൂമി​യി​ലാ​യി​രി​ക്കെ അവിടുന്ന്‌ പ്രസം​ഗി​ച്ചു, മാത്രമല്ല അതേ വേല ചെയ്യാൻ അവിടുന്ന്‌ തന്റെ ശിഷ്യൻമാ​രെ​യും അയച്ചു. (വെളി​പാട്‌ 3:14; മത്തായി 4:17; 10:7) പിന്നീട്‌ യേശു തന്റെ അനുഗാ​മി​ക​ളോട്‌ ഇപ്രകാ​രം കൽപ്പിച്ചു: “അതു​കൊണ്ട്‌ പോയി . . . അവരെ പഠിപ്പിച്ച്‌, സകല ജനതക​ളി​ലെ​യും ആളുകളെ ശിഷ്യ​രാ​ക്കു​വിൻ.” അന്ത്യത്തി​നു മുമ്പ്‌ “രാജ്യ​ത്തി​ന്റെ ഈ സുവാർത്ത സകല രാഷ്‌ട്ര​ങ്ങൾക്കും ഒരു സാക്ഷ്യ​ത്തി​നാ​യി നിവസിത ഭൂമി​യി​ലെ​ങ്ങും പ്രസം​ഗി​ക്ക​പ്പെടു”മെന്നും അവിടുന്ന്‌ മുൻകൂ​ട്ടി​പ്പ​റഞ്ഞു.—മത്തായി 28:19, 20; 24:14.

ഈ സുവാർത്ത പ്രഖ്യാ​പി​ക്കു​ന്ന​തി​നു ധാരാളം മാർഗ​ങ്ങ​ളുണ്ട്‌. സ്‌നേ​ഹി​ത​രോ​ടും പരിച​യ​ക്കാ​രോ​ടു​മു​ളള സംഭാ​ഷണം അപ്രകാ​രം ചെയ്യാ​നു​ളള മാർഗം മിക്ക​പ്പോ​ഴും തുറന്നു​ത​രു​ന്നു. എഴുത്തു​കൾ എഴുതി​ക്കൊ​ണ്ടോ ടെല​ഫോൺ ഉപയോ​ഗി​ച്ചു​കൊ​ണ്ടോ മററു​ചി​ലർ ഇതു ചെയ്യുന്നു. പരിച​യ​മു​ളള ഒരു വ്യക്തിക്കു വിശേ​ഷാൽ താത്‌പ​ര്യം തോന്നാ​നി​ട​യു​ള​ളത്‌ എന്നു തങ്ങൾ വിചാ​രി​ക്കുന്ന വിവരങ്ങൾ അടങ്ങിയ സാഹി​ത്യ​ങ്ങൾ മററു ചിലർ അയച്ചു​കൊ​ടു​ക്കു​ന്നു. ആരെയും വിട്ടു​ക​ള​യ​രു​തെ​ന്നു​ളള ഒരാ​ഗ്രഹം നിമിത്തം സാക്ഷികൾ ഈ സന്ദേശ​വു​മാ​യി വാതിൽതോ​റും പോകു​ന്നു.

ഊഷ്‌മ​ള​മാ​യ ഈ ക്ഷണം ബൈബി​ളിൽ അടങ്ങി​യി​രി​ക്കു​ന്നു: “ആത്മാവും മണവാ​ട്ടി​യും തുടർന്നു പറഞ്ഞു​കൊ​ണ്ടേ​യി​രി​ക്കു​ന്നു: ‘വരുവിൻ!’ കേൾക്കുന്ന ഏവനും പറയട്ടെ: ‘വരുവിൻ!’ ദാഹി​ക്കുന്ന ഏവനും വരട്ടെ; ഇച്ഛിക്കുന്ന ഏവനും ജീവജലം സൗജന്യ​മാ​യി സ്വീക​രി​ക്കട്ടെ.” (വെളി​പാട്‌ 22:17) പറുദീ​സാ​ഭൂ​മി​യെ​യും അതിലെ അനു​ഗ്ര​ഹ​ങ്ങ​ളെ​യും കുറിച്ചു മററു​ള​ള​വ​രോ​ടു പറയുക എന്നത്‌ ഈ സുവാർത്ത പങ്കുവ​യ്‌ക്കാ​നു​ളള ഒരാ​ഗ്ര​ഹം​കൊ​ണ്ടു നിറഞ്ഞ ഒരു ഹൃദയ​ത്തിൽനി​ന്നു മനസ്സോ​ടെ ചെയ്യേ​ണ്ട​താണ്‌.

യഹോ​വ​യു​ടെ സാക്ഷി​ക​ളെ​യും അവരുടെ വിശ്വാ​സ​ങ്ങ​ളെ​യും സംബന്ധി​ച്ചു നിങ്ങൾക്കു മററു ചോദ്യ​ങ്ങ​ളും ഉണ്ടെന്നു ഞങ്ങൾക്കു​റ​പ്പുണ്ട്‌. ഒരുപക്ഷേ അവയിൽ ചിലത്‌ സ്വഭാ​വ​ത്തിൽ വിവാ​ദ​പ​ര​മാ​യി​രി​ക്കാം. അവയ്‌ക്ക്‌ ഉത്തരം നൽകാൻ ഞങ്ങളാ​ഗ്ര​ഹി​ക്കു​ന്നു. ഈ ലഘുപ​ത്രി​ക​യിൽ സ്ഥലം കുറവാണ്‌; അതു​കൊണ്ട്‌ അവ നിങ്ങളു​ടെ പ്രദേ​ശ​ത്തു​ളള സാക്ഷി​ക​ളോ​ടു ചോദി​ക്കാൻ ഞങ്ങൾ നിങ്ങളെ ക്ഷണിക്കു​ന്നു, ഒന്നുകിൽ അവരുടെ രാജ്യ​ഹാ​ളി​ലെ യോഗ​ങ്ങ​ളിൽവ​ച്ചോ അല്ലെങ്കിൽ അവർ നിങ്ങളു​ടെ വീട്ടിൽ നിങ്ങളെ സന്ദർശി​ക്കു​മ്പോ​ഴോ. അല്ലെങ്കിൽ നിങ്ങളു​ടെ ചോദ്യ​ങ്ങൾ നിങ്ങളു​ടെ ഏററവു​മ​ടു​ത്തു​ളള വാച്ച്‌ ടവർ സൊ​സൈ​റ​റി​യു​ടെ ബ്രാഞ്ച്‌ ഓഫീ​സി​ലേക്ക്‌ അയയ്‌ക്കാ​വു​ന്ന​താണ്‌; താഴെ​ക്കൊ​ടു​ത്തി​രി​ക്കുന്ന ലിസ്‌ററു കാണുക.