ബൈബിൾ പുസ്‌തക നമ്പർ 62—1 യോഹ​ന്നാൻ

എഴുത്തുകാരൻ: അപ്പോ​സ്‌ത​ല​നായ യോഹ​ന്നാൻ

എഴുതിയ സ്ഥലം: എഫേസൂസ്‌ അല്ലെങ്കിൽ സമീപം

എഴുത്തു പൂർത്തി​യാ​യത്‌: പൊ.യു. ഏകദേശം 98

1. (എ) യോഹ​ന്നാ​ന്റെ എഴുത്തു​ക​ളിൽ ഏതു ഗുണം കളിയാ​ടു​ന്നു, എന്നിരു​ന്നാ​ലും അവൻ വികാ​ര​ജീ​വി​യ​ല്ലാ​യി​രു​ന്നു​വെന്ന്‌ എന്തു പ്രകട​മാ​ക്കു​ന്നു? (ബി) അവന്റെ മൂന്നു ലേഖനങ്ങൾ കാലോ​ചി​ത​മാ​യി​രു​ന്നത്‌ എന്തു​കൊണ്ട്‌?

യേശു​ക്രി​സ്‌തു​വി​ന്റെ പ്രിയ​പ്പെട്ട അപ്പോ​സ്‌ത​ല​നായ യോഹ​ന്നാ​നു നീതി​യോ​ടു ശക്തമായ സ്‌നേ​ഹ​മു​ണ്ടാ​യി​രു​ന്നു. ഇതു യേശു​വി​ന്റെ മനസ്സി​ലേ​ക്കു​ളള സൂക്ഷ്‌മ​മായ ഉൾക്കാഴ്‌ച ലഭിക്കാൻ അവനെ സഹായി​ച്ചു. അതു​കൊണ്ട്‌, സ്‌നേ​ഹ​മെന്ന പ്രതി​പാ​ദ്യ​വി​ഷയം അവന്റെ എഴുത്തു​ക​ളിൽ മുന്തി​നിൽക്കു​ന്ന​തിൽ നാം അതിശ​യി​ച്ചു​പോ​ക​രുത്‌. ഏതായാ​ലും അവൻ വികാ​ര​ജീ​വി​യ​ല്ലാ​യി​രു​ന്നു, എന്തു​കൊ​ണ്ടെ​ന്നാൽ യേശു അവനെ ‘ഇടിമ​ക്ക​ളിൽ [ബൊവ​നേർഗ്ഗെസ്‌]’ ഒരാൾ എന്നു പരാമർശി​ച്ചു. (മർക്കൊ. 3:17) യഥാർഥ​ത്തിൽ, സത്യത്തി​നും നീതി​ക്കും വേണ്ടി വാദി​ച്ചു​കൊ​ണ്ടാണ്‌ അവൻ തന്റെ മൂന്നു ലേഖനങ്ങൾ എഴുതി​യത്‌, എന്തു​കൊ​ണ്ടെ​ന്നാൽ അപ്പോ​സ്‌ത​ല​നായ പൗലൊസ്‌ മുൻകൂ​ട്ടി​പ്പ​റ​ഞ്ഞി​രുന്ന വിശ്വാ​സ​ത്യാ​ഗം പ്രകട​മാ​യി​ക്ക​ഴി​ഞ്ഞി​രു​ന്നു. യോഹ​ന്നാ​ന്റെ മൂന്നു ലേഖനങ്ങൾ തീർച്ച​യാ​യും കാലോ​ചി​ത​മാ​യി​രു​ന്നു, എന്തെന്നാൽ “ദുഷ്ടന്റെ” കടന്നു​ക​യ​റ​റ​ങ്ങൾക്കെ​തി​രായ ആദിമ​ക്രി​സ്‌ത്യാ​നി​ക​ളു​ടെ പോരാ​ട്ട​ത്തിൽ അവരെ ശക്തീക​രി​ക്കു​ന്ന​തിന്‌ അവ ഒരു സഹായ​മാ​യി​രു​ന്നു.—2 തെസ്സ. 2:3, 4; 1 യോഹ. 2:13, 14; 5:18, 19.

2. (എ) മത്തായി, മർക്കൊസ്‌, മിഷന​റി​ലേ​ഖ​നങ്ങൾ എന്നിവ എഴുതി വളരെ​ക്കാ​ലം കഴിഞ്ഞാ​ണു യോഹ​ന്നാ​ന്റെ ലേഖനങ്ങൾ എഴുത​പ്പെ​ട്ട​തെന്ന്‌ എന്തു സാക്ഷ്യ​പ്പെ​ടു​ത്തു​ന്നു? (ബി) ഈ ലേഖനങ്ങൾ എപ്പോൾ, എവി​ടെ​വച്ച്‌ എഴുത​പ്പെ​ട്ട​താ​യി കാണ​പ്പെ​ടു​ന്നു?

² ഉളളട​ക്കത്തെ അടിസ്ഥാ​ന​പ്പെ​ടു​ത്തി വിധി​ക്കു​ക​യാ​ണെ​ങ്കിൽ, ഈ ലേഖനങ്ങൾ മത്തായി​യു​ടെ​യും മർക്കൊ​സി​ന്റെ​യും സുവി​ശേ​ഷ​ങ്ങ​ളെ​ക്കാൾ വളരെ കാലത്തി​നു​ശേ​ഷ​മു​ളള ഒരു കാലഘ​ട്ട​ത്തി​ലേ​താണ്‌—പത്രൊ​സി​ന്റെ​യും പൗലൊ​സി​ന്റെ​യും മിഷന​റി​ലേ​ഖ​ന​ങ്ങൾക്കും ശേഷം. കാലങ്ങൾ മാറി​യി​രു​ന്നു. സഭകളു​ടെ ശൈശ​വ​നാ​ളു​ക​ളിൽ അവയ്‌ക്ക്‌ ഒരു വലിയ ഭീഷണി​യാ​യി​രുന്ന യഹൂദ​മ​തത്തെ പരാമർശി​ക്കു​ന്നില്ല; എബ്രായ തിരു​വെ​ഴു​ത്തു​ക​ളിൽനി​ന്നു നേരി​ട്ടു​ളള ഒരൊററ ഉദ്ധരണി​പോ​ലും ഉളളതാ​യി കാണു​ന്നില്ല. മറിച്ച്‌, “അന്ത്യനാ​ഴിക”യെക്കു​റി​ച്ചും “അനേകം എതിർക്രി​സ്‌തു”ക്കളുടെ പ്രത്യ​ക്ഷ​ത​യെ​ക്കു​റി​ച്ചും യോഹ​ന്നാൻ സംസാ​രി​ക്കു​ന്നു. (1 യോഹ. 2:18) അവൻ “എന്റെ കുഞ്ഞു​ങ്ങളേ,” എന്നതു​പോ​ലെ​യു​ളള പ്രയോ​ഗ​ങ്ങ​ളാൽ തന്റെ വായന​ക്കാ​രെ​യും ‘മൂപ്പൻ [“പ്രായ​മേ​റിയ പുരുഷൻ,” NW]’ എന്നതു​പോ​ലെ തന്നേത്ത​ന്നെ​യും പരാമർശി​ക്കു​ന്നു. (1 യോഹ. 2:1, 12, 13, 18, 28; 3:7, 18; 4:4; 5:21; 2 യോഹ. 1; 3 യോഹ. 1) ഇതെല്ലാം അവന്റെ മൂന്നു ലേഖന​ങ്ങൾക്ക്‌ ഒരു പിൽക്കാല തീയതി സൂചി​പ്പി​ക്കു​ന്നു. കൂടാതെ, അതേസ​മ​യ​ത്താ​ണു യോഹ​ന്നാ​ന്റെ സുവി​ശേ​ഷ​വും എഴുത​പ്പെ​ട്ട​തെന്നു 1 യോഹ​ന്നാൻ 1:3, 4 സൂചി​പ്പി​ക്കു​ന്ന​താ​യി തോന്നു​ന്നു. യോഹ​ന്നാ​ന്റെ മൂന്നു ലേഖനങ്ങൾ അപ്പോ​സ്‌ത​ലന്റെ മരണത്തിന്‌ അൽപ്പകാ​ലം​മുമ്പ്‌ പൊ.യു. ഏതാണ്ട്‌ 98-ൽ പൂർത്തി​യാ​ക്ക​പ്പെ​ട്ടു​വെ​ന്നും എഫേസൂ​സി​ന്റെ പരിസ​ര​ത്തു​വെച്ച്‌ അവ എഴുത​പ്പെ​ട്ടു​വെ​ന്നും പൊതു​വേ വിശ്വ​സി​ക്ക​പ്പെ​ടു​ന്നു.

3. (എ) ഒന്നു യോഹ​ന്നാ​ന്റെ എഴുത്തു​കാ​രൻ യോഹ​ന്നാ​നാ​ണെ​ന്നു​ള​ള​തി​നെ​യും അതിന്റെ വിശ്വാ​സ്യ​ത​യെ​യും സാക്ഷ്യ​പ്പെ​ടു​ത്തു​ന്നത്‌ എന്ത്‌? (ബി) ഏതു വിവരങ്ങൾ പിൽക്കാ​ലത്തു കൂട്ടി​ച്ചേർക്ക​പ്പെട്ടു, അതു വ്യാജ​മാ​ണെന്ന്‌ എന്തു തെളി​യി​ക്കു​ന്നു?

³ ഒന്നു യോഹ​ന്നാൻ യഥാർഥ​ത്തിൽ അപ്പോ​സ്‌ത​ല​നായ യോഹ​ന്നാൻ എഴുതി​യ​താ​ണെ​ന്നു​ള​ളതു നാലാ​മത്തെ സുവി​ശേ​ഷ​ത്തോ​ടു​ളള അതിന്റെ അടുത്ത സാദൃ​ശ്യ​ത്താൽ സൂചി​പ്പി​ക്ക​പ്പെ​ടു​ന്നു, അത്‌ എഴുതി​യത്‌ അവനാ​ണെന്നു തീർച്ച​യാ​ണ​ല്ലോ. ദൃഷ്ടാ​ന്ത​ത്തിന്‌, അവൻ ലേഖനം അവതരി​പ്പി​ക്കു​ന്നത്‌, “ജീവന്റെ വചനം . . . പിതാ​വി​നോ​ടു​കൂ​ടെ​യി​രു​ന്നു ഞങ്ങൾക്കു പ്രത്യ​ക്ഷ​മായ നിത്യ​ജീ​വനെ” കണ്ടിരി​ക്കുന്ന ഒരു ദൃക്‌സാ​ക്ഷി​യെന്ന നിലയിൽ തന്നേത്തന്നെ വർണി​ച്ചു​കൊ​ണ്ടാണ്‌, യോഹ​ന്നാ​ന്റെ സുവി​ശേഷം തുടങ്ങു​ന്ന​തി​നോ​ടു ശ്രദ്ധേ​യ​മാം​വി​ധം സമാന​മായ പ്രയോ​ഗ​ങ്ങ​ളാ​ണവ. അതിന്റെ വിശ്വാ​സ്യ​തയെ മുറേ​റേ​റാ​റി​യൻ ശകലവും ഐറേ​നി​യസ്‌, പോളി​ക്കാർപ്പ്‌, പേപ്പി​യസ്‌ എന്നീ ആദ്യകാല എഴുത്തു​കാ​രും സാക്ഷ്യ​പ്പെ​ടു​ത്തു​ന്നുണ്ട്‌, അവരെ​ല്ലാം പൊ.യു. രണ്ടാം നൂററാ​ണ്ടിൽ ജീവി​ച്ചി​രു​ന്ന​വ​രാണ്‌.a യൂസേ​ബി​യസ്‌ (പൊ.യു. ഏകദേശം 260-342) പറയു​ന്ന​ത​നു​സ​രിച്ച്‌ ഒന്നു യോഹ​ന്നാ​ന്റെ വിശ്വാ​സ്യത ഒരിക്ക​ലും ചോദ്യം​ചെ​യ്യ​പ്പെ​ട്ടി​ട്ടില്ല.b എന്നിരു​ന്നാ​ലും, പഴക്ക​മേ​റിയ ചില വിവർത്ത​നങ്ങൾ 5-ാം അധ്യായം 7-ാം വാക്യ​ത്തി​ന്റെ അവസാ​ന​ത്തി​ലും 8-ാം വാക്യ​ത്തി​ന്റെ ആരംഭ​ത്തി​ലും പിൻവ​രുന്ന വാക്കുകൾ കൂട്ടി​ച്ചേർത്തു​വെ​ന്നതു കുറി​ക്കൊ​ളേ​ള​ണ്ട​താണ്‌: “സ്വർഗ​ത്തിൽ പിതാ​വും വചനവും പരിശു​ദ്ധാ​ത്മാ​വും: ഇവർ ഒന്നാണ്‌. ഭൂമി​യിൽ സാക്ഷ്യം വഹിക്കുന്ന മൂവരുണ്ട്‌.” (ജയിംസ്‌ രാജാ​വി​ന്റെ ഭാഷാ​ന്തരം) എന്നാൽ ഈ വാക്യം ആദിമ ഗ്രീക്ക്‌ കൈ​യെ​ഴു​ത്തു​പ്ര​തി​ക​ളി​ലൊ​ന്നി​ലും കാണു​ന്നില്ല, അതു ത്രി​ത്വോ​പ​ദേ​ശത്തെ താങ്ങി​നിർത്താൻ കൂട്ടി​ച്ചേർത്ത​താ​ണെന്നു സ്‌പഷ്ടം. കത്തോ​ലി​ക്ക​രു​ടെ​യും പ്രൊ​ട്ട​സ്‌റ​റൻറു​കാ​രു​ടെ​യും മിക്ക ആധുനി​ക​വി​വർത്ത​ന​ങ്ങ​ളും പാഠത്തി​ന്റെ മുഖ്യ ഗാത്ര​ത്തിൽ ഈ വാക്കുകൾ ഉൾപ്പെ​ടു​ത്തു​ന്നില്ല.—1 യോഹ. 1:1, 2.c

4. തന്റെ കൂട്ടു​ക്രി​സ്‌ത്യാ​നി​കളെ ആർക്കെ​തി​രെ സംരക്ഷി​ക്കാ​നാ​ണു യോഹ​ന്നാൻ ശ്രമി​ക്കു​ന്നത്‌, അവൻ ഏതു വ്യാ​ജോ​പ​ദേ​ശ​ങ്ങളെ ഖണ്ഡിക്കു​ന്നു?

⁴ തന്റെ ‘പ്രിയരെ,’ തന്റെ ‘കുഞ്ഞു​ങ്ങളെ,’ അവരുടെ ഇടയിൽനി​ന്നു പുറ​പ്പെട്ടു സത്യത്തിൽനിന്ന്‌ അവരെ വശീക​രി​ച്ച​ക​റ​റാൻ ശ്രമി​ക്കുന്ന “അനേകം എതിർക്രി​സ്‌തുക്ക”ളുടെ തെററായ ഉപദേ​ശ​ങ്ങൾക്കെ​തി​രെ സംരക്ഷി​ക്കു​ന്ന​തി​നാ​ണു യോഹ​ന്നാൻ എഴുതു​ന്നത്‌. (2:7, 18) ഈ വിശ്വാ​സ​ത്യാ​ഗി​ക​ളായ എതിർക്രി​സ്‌തു​ക്കൾ ആദ്യകാല നിഗൂ​ഢ​ജ്ഞാ​ന​വാ​ദം ഉൾപ്പെ​ടെ​യു​ളള ഗ്രീക്ക്‌ തത്ത്വശാ​സ്‌ത്ര​ത്താൽ സ്വാധീ​നി​ക്ക​പ്പെ​ട്ടി​രി​ക്കാം, ദൈവ​ത്തിൽനി​ന്നു​ളള രഹസ്യാ​ത്മക തരത്തി​ലു​ളള പ്രത്യേക പരിജ്ഞാ​ന​മു​ള​ള​താ​യി നിഗൂ​ഢ​ജ്ഞാ​ന​വാ​ദ​ത്തി​ന്റെ അനുയാ​യി​കൾ അവകാ​ശ​പ്പെട്ടു.d വിശ്വാ​സ​ത്യാ​ഗ​ത്തി​നെ​തി​രെ ഉറച്ച നില സ്വീക​രി​ച്ചു​കൊ​ണ്ടു യോഹ​ന്നാൻ മൂന്നു വിഷയങ്ങൾ വിശദ​മാ​യി കൈകാ​ര്യം​ചെ​യ്യു​ന്നു: പാപം, സ്‌നേഹം, എതിർക്രി​സ്‌തു. പാപത്തെ സംബന്ധി​ച്ചും പാപത്തി​നു​വേ​ണ്ടി​യു​ളള യേശു​വി​ന്റെ ബലിയെ അനുകൂ​ലി​ച്ചു​കൊ​ണ്ടു​മു​ളള അവന്റെ പ്രസ്‌താ​വ​നകൾ ഈ എതിർക്രി​സ്‌തു​ക്കൾ തങ്ങൾക്കു പാപമി​ല്ലെ​ന്നും യേശു​വി​ന്റെ മറുവി​ല​യാ​ഗ​ത്തി​ന്റെ ആവശ്യ​മി​ല്ലെ​ന്നും സ്വയനീ​തി​യോ​ടെ അവകാ​ശ​പ്പെ​ടു​ക​യാ​യി​രു​ന്നു​വെന്നു സൂചി​പ്പി​ക്കു​ന്നു. അവരുടെ സ്വകേ​ന്ദ്രീ​കൃത “പരിജ്ഞാ​നം” അവരെ സ്വാർഥ​രും സ്‌നേ​ഹ​ര​ഹി​ത​രു​മാ​ക്കി​യി​രു​ന്നു, ഇത്‌ യഥാർഥ ക്രിസ്‌തീയ സ്‌നേ​ഹ​ത്തി​നു തുടർച്ച​യാ​യി ദൃഢത കൊടു​ക്കവേ യോഹ​ന്നാൻ തുറന്നു​കാ​ട്ടുന്ന ഒരു അവസ്ഥയാണ്‌. മാത്ര​വു​മല്ല, യേശു ആണു ക്രിസ്‌തു എന്നും അവന്‌ ഒരു മനുഷ്യ-പൂർവ അസ്‌തി​ത്വ​മു​ണ്ടാ​യി​രു​ന്നു​വെ​ന്നും അവൻ വിശ്വാ​സ​മു​ളള മനുഷ്യർക്കു രക്ഷ പ്രദാ​നം​ചെ​യ്യു​ന്ന​തി​നു ദൈവ​പു​ത്ര​നാ​യി ജഡത്തിൽ വന്നു​വെ​ന്നും വ്യാഖ്യാ​നി​ക്കു​മ്പോൾ പ്രത്യ​ക്ഷ​ത്തിൽ യോഹ​ന്നാൻ അവരുടെ വ്യാ​ജോ​പ​ദേ​ശ​ത്തോ​ടു പൊരു​തു​ക​യാണ്‌. (1:7-10; 2:1, 2; 4:16-21; 2:22; 1:1, 2; 4:2, 3, 14, 15) യോഹ​ന്നാൻ ഈ വ്യാ​ജോ​പ​ദേ​ഷ്ടാ​ക്കൻമാ​രെ വ്യക്തമാ​യി “എതിർക്രി​സ്‌തു​ക്കൾ” എന്നു മുദ്ര​യ​ടി​ക്കു​ന്നു, ദൈവ​മ​ക്ക​ളെ​യും പിശാ​ചി​ന്റെ മക്കളെ​യും തിരി​ച്ച​റി​യാൻ കഴിയുന്ന നിരവധി മാർഗങ്ങൾ അവൻ നൽകു​ക​യും ചെയ്യുന്നു.—2:18, 22; 4:3.

5. ഒന്നു യോഹ​ന്നാൻ മുഴു ക്രിസ്‌തീയ സഭക്കും​വേണ്ടി ഉദ്ദേശി​ക്ക​പ്പെ​ട്ടി​രി​ക്കു​ന്ന​താ​ണെന്ന്‌ എന്തു സൂചി​പ്പി​ക്കു​ന്നു?

⁵ യാതൊ​രു പ്രത്യേക സഭയെ​യും സംബോ​ധന ചെയ്യു​ന്നി​ല്ലാ​ത്ത​തു​കൊ​ണ്ടു പ്രത്യ​ക്ഷ​ത്തിൽ ഈ ലേഖനം മുഴു ക്രിസ്‌തീ​യ​സ​മൂ​ഹ​ത്തി​നും​വേണ്ടി​യാണ്‌ ഉദ്ദേശി​ക്ക​പ്പെ​ട്ടത്‌. തുടക്ക​ത്തി​ലെ ഒരു അഭിവാ​ദ്യ​ത്തി​ന്റെ​യും അവസാ​ന​ത്തി​ലെ ഒരു അഭിവ​ന്ദ​ന​ത്തി​ന്റെ​യും അഭാവം ഇതു സൂചി​പ്പി​ക്കും. ഈ എഴുത്തി​നെ ഒരു ലേഖന​മെ​ന്ന​തി​ലു​പരി ഒരു പ്രബന്ധം എന്നു പോലും ചിലർ വർണി​ച്ചി​ട്ടുണ്ട്‌. “നിങ്ങൾ” എന്ന ബഹുവ​ച​ന​ത്തി​ന്റെ ഉടനീ​ള​മു​ളള ഉപയോ​ഗം (ന്യൂ​വേൾഡ്‌ ട്രാൻസ്‌ലേ​ഷ​നിൽ വല്യക്ഷ​രങ്ങൾ ഇതിനെ സൂചി​പ്പി​ക്കു​ന്നു) എഴുത്തു​കാ​രൻ തന്റെ വാക്കുകൾ ഒരു വ്യക്തി​യി​ലേക്കല്ല ഒരു സമൂഹ​ത്തി​ലേക്കു തിരി​ച്ചു​വി​ട്ടു​വെന്നു പ്രകട​മാ​ക്കു​ന്നു.

ഒന്നു യോഹ​ന്നാ​ന്റെ ഉളളടക്കം

6. വെളി​ച്ച​ത്തിൽ നടക്കു​ന്ന​വ​രും ഇരുട്ടി​ലി​രി​ക്കു​ന്ന​വ​രും തമ്മിൽ എന്ത്‌ അന്തരം യോഹ​ന്നാൻ കാണി​ക്കു​ന്നു?

⁶ ഇരുട്ടി​ലല്ല, വെളി​ച്ച​ത്തിൽ നടക്കൽ (1:1–2:29). “നമ്മുടെ സന്തോഷം പൂർണ്ണ​മാ​കു​വാൻ ഞങ്ങൾ ഇതു നിങ്ങൾക്കു എഴുതു​ന്നു,” യോഹ​ന്നാൻ പറയുന്നു. “ദൈവം വെളിച്ചം” ആകയാൽ “വെളി​ച്ച​ത്തിൽ നടക്കുന്ന”വർക്കു​മാ​ത്രമേ ‘അവനു​മാ​യും’ അന്യോ​ന്യ​വും “കൂട്ടായ്‌മ” ഉണ്ടായി​രി​ക്കു​ക​യു​ളളു. “അവന്റെ പുത്ര​നായ യേശു​വി​ന്റെ രക്തം” അവരെ പാപത്തിൽനി​ന്നു ശുദ്ധീ​ക​രി​ക്കു​ന്നു. മറിച്ച്‌, “ഇരുട്ടിൽ നടക്ക”യും “നമുക്കു പാപം ഇല്ല” എന്ന്‌ അവകാ​ശ​പ്പെ​ടു​ക​യും ചെയ്യു​ന്നവർ തങ്ങളെ​ത്തന്നെ വഴി​തെ​റ​റി​ക്കു​ക​യാണ്‌, അവരിൽ സത്യമില്ല. അവർ പാപങ്ങൾ ഏററു​പ​റ​യു​ന്നു​വെ​ങ്കിൽ, ദൈവം വിശ്വ​സ്‌ത​നാ​യി​രി​ക്കു​ക​യും അവരോ​ടു ക്ഷമിക്കു​ക​യും ചെയ്യും.—1:4-8.

7. (എ) താൻ ദൈവത്തെ അറിയു​ന്നു​വെ​ന്നും സ്‌നേ​ഹി​ക്കു​ന്നു​വെ​ന്നും ഒരു വ്യക്തി എങ്ങനെ തെളി​യി​ക്കു​ന്നു? (ബി) എതിർക്രി​സ്‌തു എങ്ങനെ തിരി​ച്ച​റി​യി​ക്ക​പ്പെ​ടു​ന്നു?

⁷ യേശു​ക്രി​സ്‌തു പാപങ്ങൾക്കു​വേണ്ടി “പ്രായ​ശ്ചി​ത്തം,” “പിതാ​വി​ന്റെ അടുക്കൽ” ഉളള “കാര്യസ്ഥൻ” ആയി തിരി​ച്ച​റി​യി​ക്ക​പ്പെ​ടു​ന്നു. ദൈവത്തെ അറിയു​ന്നു​വെന്ന്‌ അവകാ​ശ​പ്പെ​ടു​ക​യും അവന്റെ കൽപ്പനകൾ പാലി​ക്കാ​തി​രി​ക്കു​ക​യും ചെയ്യു​ന്നവൻ നുണയ​നാ​കു​ന്നു. തന്റെ സഹോ​ദ​രനെ സ്‌നേ​ഹി​ക്കു​ന്നവൻ വെളി​ച്ച​ത്തിൽ സ്ഥിതി​ചെ​യ്യു​ന്നു, എന്നാൽ സഹോ​ദ​രനെ വെറു​ക്കു​ന്നവൻ ഇരുട്ടിൽ നടക്കുന്നു. ലോക​ത്തെ​യോ ലോക​ത്തി​ലു​ള​ള​തി​നെ​യോ സ്‌നേ​ഹി​ക്കാ​തി​രി​ക്കാൻ യോഹ​ന്നാൻ ശക്തമായി ബുദ്ധ്യു​പ​ദേ​ശി​ക്കു​ന്നു, എന്തു​കൊ​ണ്ടെ​ന്നാൽ “ഒരുവൻ ലോകത്തെ സ്‌നേ​ഹി​ക്കു​ന്നു​വെ​ങ്കിൽ അവനിൽ പിതാ​വി​ന്റെ സ്‌നേഹം ഇല്ല” എന്ന്‌ അവൻ പറയുന്നു. അനേകം എതിർക്രി​സ്‌തു​ക്കൾ വന്നിരി​ക്കു​ന്നു, അവർ “നമ്മുടെ ഇടയിൽനി​ന്നു പുറ​പ്പെട്ടു” എന്നു യോഹ​ന്നാൻ വിശദീ​ക​രി​ക്കു​ന്നു, എന്തു​കൊ​ണ്ടെ​ന്നാൽ അവർ “നമുക്കു​ള​ളവർ ആയിരു​ന്നില്ല.” യേശു, ക്രിസ്‌തു ആണെന്നു​ള​ള​തി​നെ നിഷേ​ധി​ക്കു​ന്ന​വ​നാണ്‌ എതിർക്രി​സ്‌തു. അവൻ പിതാ​വി​നെ​യും പുത്ര​നെ​യും നിഷേ​ധി​ക്കു​ന്നു. ‘കുഞ്ഞുങ്ങൾ’ പിതാ​വിൽനി​ന്നു ലഭിച്ച സത്യമായ അഭി​ഷേ​ക​പ്ര​കാ​രം “പുത്ര​നി​ലും പിതാ​വി​ലും വസിക്കു”വാൻ തക്കവണ്ണം ആദിമു​തൽ പഠിച്ചി​രി​ക്കു​ന്ന​തിൽ ഉറച്ചു​നിൽക്കട്ടെ.—2:1, 2, 15, 18, 19, 24.

8. (എ) ദൈവ​ത്തി​ന്റെ മക്കളെ​യും പിശാ​ചി​ന്റെ മക്കളെ​യും തമ്മിൽ തിരി​ച്ച​റി​യി​ക്കു​ന്നത്‌ എന്ത്‌? (ബി) ‘കുഞ്ഞുങ്ങൾ’ സ്‌നേഹം അറിയാ​നി​ട​യാ​യി​രി​ക്കു​ന്നത്‌ എങ്ങനെ, അവർ തങ്ങളുടെ ഹൃദയ​ങ്ങൾസം​ബ​ന്ധി​ച്ചു തുടർച്ച​യാ​യി എന്തു പരി​ശോ​ധന നടത്തി​ക്കൊ​ണ്ടി​രി​ക്കണം?

⁸ ദൈവ​മക്കൾ പാപം ശീലമാ​ക്കു​ന്നില്ല (3:1-24). പിതാ​വി​ന്റെ സ്‌നേഹം മൂലം അവർ “ദൈവ​മക്കൾ” എന്നു വിളി​ക്ക​പ്പെ​ടു​ന്നു, ദൈവ​ത്തി​ന്റെ പ്രത്യ​ക്ഷ​ത​യി​ങ്കൽ അവർ അവനോ​ടു സദൃശൻമാർ ആകേണ്ട​താണ്‌, അവനെ “താൻ ഇരിക്കും​പോ​ലെ തന്നേ കാണു”ന്നതായി​രി​ക്കും. പാപം അധർമ​മാണ്‌, ക്രിസ്‌തു​വി​നോ​ടു​ളള ഐക്യ​ത്തിൽ സ്ഥിതി​ചെ​യ്യു​ന്നവർ അതു ശീലമാ​ക്കു​ന്നില്ല. പാപം ചെയ്‌തു​കൊ​ണ്ടി​രി​ക്കു​ന്നവൻ പിശാ​ചിൽനിന്ന്‌ ഉത്ഭവി​ക്കു​ന്നു, അവന്റെ പ്രവൃ​ത്തി​കളെ ദൈവ​പു​ത്രൻ തകർക്കും. ദൈവ​ത്തി​ന്റെ മക്കളും പിശാ​ചി​ന്റെ മക്കളും ഇങ്ങനെ തെളി​യു​ന്നു: ദൈവ​ത്തിൽനിന്ന്‌ ഉത്ഭവി​ക്കു​ന്ന​വർക്ക്‌ അന്യോ​ന്യ​മു​ളള സ്‌നേ​ഹ​മുണ്ട്‌, എന്നാൽ ദുഷ്ടനിൽനിന്ന്‌ ഉത്ഭവി​ക്കു​ന്നവർ സഹോ​ദ​രനെ ദ്വേഷി​ക്കു​ക​യും കൊല്ലു​ക​യും ചെയ്‌ത കയീ​നെ​പ്പോ​ലെ​യാണ്‌. ‘കുഞ്ഞുങ്ങൾ’ സ്‌നേഹം അറിവാൻ ഇടയാ​യത്‌ അവർക്കു​വേണ്ടി “അവൻ . . . തന്റെ പ്രാണനെ വെച്ചു​കൊ​ടു​ത്ത​തി​നാൽ” ആണെന്നു യോഹ​ന്നാൻ അവരോ​ടു പറയുന്നു. തങ്ങളുടെ സഹോ​ദ​രൻമാ​രോ​ടു​ളള ‘ആർദ്ര​ക​രു​ണ​യു​ടെ വാതി​ലു​കൾ അടയ്‌ക്കാ​തി​രി​ക്കാൻ’ അവൻ അവരെ ബുദ്ധ്യു​പ​ദേ​ശി​ക്കു​ക​യും ചെയ്യുന്നു. അവർ “വാക്കി​നാ​ലും നാവി​നാ​ലു​മല്ല, പ്രവൃ​ത്തി​യി​ലും സത്യത്തി​ലും തന്നേ സ്‌നേഹി”ക്കട്ടെ. അവർ “സത്യത്തി​ന്റെ പക്ഷത്തു നിൽക്കു​ന്നവർ” ആണോ​യെന്നു തീരു​മാ​നി​ക്കു​ന്ന​തി​നു തങ്ങളുടെ ഹൃദയ​ങ്ങ​ളിൽ എന്താണു​ള​ള​തെന്നു പരി​ശോ​ധി​ക്കു​ക​യും അവർ “അവന്നു [ദൈവ​ത്തി​നു] പ്രസാ​ദ​മു​ള​ളതു ചെയ്യു”ന്നുണ്ടോ​യെന്നു തിട്ട​പ്പെ​ടു​ത്തു​ക​യും വേണം. ‘അവന്റെ പുത്ര​നായ യേശു​ക്രി​സ്‌തു​വി​ന്റെ നാമത്തിൽ വിശ്വ​സി​ക്കു​ക​യും അന്യോ​ന്യം സ്‌നേ​ഹി​ക്കു​ക​യും’ ചെയ്യാ​നു​ളള അവന്റെ കൽപ്പന അവർ അനുസ​രി​ക്കേ​ണ്ട​താണ്‌. അങ്ങനെ തങ്ങൾ അവനോ​ടു​ളള ഐക്യ​ത്തിൽ സ്ഥിതി​ചെ​യ്യു​ന്നു​വെ​ന്നും അവൻ ആത്മാവി​നാൽ അവരോ​ടു​കൂ​ടെ സ്ഥിതി​ചെ​യ്യു​ന്നു​വെ​ന്നും അവർ അറിയും.—3:1, 2, 16-19, 22, 23.

9. (എ) നിശ്വസ്‌ത മൊഴി​കൾസം​ബ​ന്ധിച്ച്‌ ഏതു പരി​ശോ​ധന നടത്തണം? (ബി) അന്യോ​ന്യം സ്‌നേ​ഹി​ക്കാ​നു​ളള കടപ്പാ​ടി​നെ ഊന്നി​പ്പ​റ​യു​ന്നത്‌ എന്ത്‌?

⁹ ദൈവ​ത്തോ​ടു​ളള ഐക്യ​ത്തിൽ അന്യോ​ന്യം സ്‌നേ​ഹി​ക്കൽ (4:1–5:21). നിശ്വ​സ്‌ത​മൊ​ഴി​കളെ പരി​ശോ​ധി​ക്കേ​ണ്ട​താണ്‌. ക്രിസ്‌തു ജഡത്തിൽ വന്നു എന്നതിനെ നിഷേ​ധി​ക്കുന്ന മൊഴി​കൾ ‘ദൈവ​ത്തിൽനി​ന്നു​ളളവ’ അല്ല, പിന്നെ​യോ എതിർക്രി​സ്‌തു​വി​ന്റേ​താണ്‌. അവ ലോക​ത്തിൽനിന്ന്‌ ഉത്ഭവി​ക്കു​ന്നു, അതി​നോ​ടു​ളള ഐക്യ​ത്തി​ലു​മാണ്‌, എന്നാൽ സത്യത്തി​ന്റെ നിശ്വ​സ്‌ത​മൊ​ഴി​കൾ ദൈവ​ത്തിൽനി​ന്നു​ള​ള​വ​യാണ്‌. യോഹ​ന്നാൻ പറയുന്നു: “ദൈവം സ്‌നേഹം തന്നേ,” “നാം ദൈവത്തെ സ്‌നേ​ഹി​ച്ചതല്ല, അവൻ നമ്മെ സ്‌നേ​ഹി​ച്ചു തന്റെ പുത്രനെ നമ്മുടെ പാപങ്ങൾക്കു പ്രായ​ശ്ചി​ത്തം ആകുവാൻ അയച്ചതു തന്നേ സാക്ഷാൽ സ്‌നേഹം ആകുന്നു.” അപ്പോൾ അന്യോ​ന്യം സ്‌നേ​ഹി​ക്കാ​നു​ളള കടപ്പാട്‌ എത്ര വലുതാണ്‌! മററു​ള​ള​വരെ സ്‌നേ​ഹി​ക്കു​ന്ന​വ​രോ​ടു​കൂ​ടെ ഐക്യ​ത്തിൽ ദൈവം വസിക്കു​ന്നു, അങ്ങനെ ഭയത്തെ പുറന്ത​ള​ളി​ക്കൊണ്ട്‌ അവർക്കു സംസാര “ധൈര്യം ഉണ്ടാവാൻ” തക്കവണ്ണം സ്‌നേഹം പൂർണ​മാ​ക്ക​പ്പെ​ട്ടി​രി​ക്കു​ന്നു. “അവൻ ആദ്യം നമ്മെ സ്‌നേ​ഹി​ച്ച​തു​കൊ​ണ്ടു നാം സ്‌നേ​ഹി​ക്കു​ന്നു” എന്നു യോഹ​ന്നാൻ പറയുന്നു. “ദൈവത്തെ സ്‌നേ​ഹി​ക്കു​ന്നവൻ സഹോ​ദ​ര​നെ​യും സ്‌നേ​ഹി​ക്കേണം.”—4:3, 8, 10, 17, 19, 21.

10. (എ) ദൈവ​ത്തി​ന്റെ മക്കൾക്കു ലോകത്തെ എങ്ങനെ ജയിക്കാം, അവർക്ക്‌ എന്തു വിശ്വാ​സ​മുണ്ട്‌? (ബി) പാപ​ത്തോ​ടും വിഗ്ര​ഹാ​രാ​ധ​ന​യോ​ടും അവർക്ക്‌ എന്തു മനോ​ഭാ​വം ഉണ്ടായി​രി​ക്കണം?

¹⁰ ദൈവ​മക്കൾ എന്ന നിലയിൽ സ്‌നേഹം പ്രകട​മാ​ക്കു​ന്ന​തി​ന്റെ അർഥം അവന്റെ കൽപ്പനകൾ അനുഷ്‌ഠി​ക്കു​ക​യെ​ന്ന​താണ്‌. ഇതു വിശ്വാ​സ​ത്താൽ ലോകത്തെ ജയിച്ച​ട​ക്കു​ന്ന​തിൽ കലാശി​ക്കു​ന്നു. ദൈവ​പു​ത്ര​നിൽ വിശ്വാ​സം പ്രകട​മാ​ക്കു​ന്ന​വ​രെ​സം​ബ​ന്ധിച്ച്‌, ദൈവം അവർക്കു ‘നിത്യ​ജീ​വൻ കൊടു​ത്തു, ആ ജീവൻ അവന്റെ പുത്ര​നിൽ ഉണ്ട്‌’ എന്നു ദൈവം സാക്ഷ്യം നൽകുന്നു. അങ്ങനെ, അവന്റെ ഇഷ്ടപ്ര​കാ​രം അവർ ചോദി​ക്കുന്ന എന്തിലും അവൻ അവരെ കേൾക്കു​മെ​ന്നു​ളള വിശ്വാ​സം അവർക്ക്‌ ഉണ്ടായി​രി​ക്കാ​വു​ന്ന​താണ്‌. സകല അനീതി​യും പാപമാണ്‌, എന്നാൽ മരണം കൈവ​രു​ത്താത്ത പാപമുണ്ട്‌. ദൈവ​ത്തിൽനി​ന്നു ജനിച്ച ഏവനും പാപം ചെയ്യു​ന്നത്‌ ഒരു ശീലമാ​ക്കു​ന്നില്ല. “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു”വെങ്കി​ലും “ദൈവ​പു​ത്രൻ വന്നു,” അവർ ഇപ്പോൾ ആരുമാ​യി ഐക്യ​ത്തി​ലാ​ണോ ആ സത്യ​ദൈ​വ​ത്തെ​ക്കു​റിച്ച്‌ ‘അവന്റെ പുത്ര​നായ യേശു​ക്രി​സ്‌തു മുഖാ​ന്തരം’ പരിജ്ഞാ​നം നേടു​ന്ന​തി​നു​ളള “വിവേകം” തന്റെ ശിഷ്യൻമാർക്കു കൊടു​ത്തി​രി​ക്കു​ന്നു. അവർ വിഗ്ര​ഹ​ങ്ങ​ളിൽനി​ന്നു തങ്ങളേ​ത്തന്നെ സൂക്ഷി​ക്കേ​ണ്ട​തു​മാണ്‌!—5:11, 19, 20.

എന്തു​കൊ​ണ്ടു പ്രയോ​ജ​ന​പ്ര​ദം

11. ക്രിസ്‌ത്യാ​നി​കൾക്ക്‌ ഇന്ന്‌ എതിർക്രി​സ്‌തു​ക്ക​ളോ​ടും ലോക​മോ​ഹ​ങ്ങ​ളോ​ടും എങ്ങനെ പൊരു​താം?

¹¹ പൊതു​യു​ഗ​ത്തി​ന്റെ ഒന്നാം നൂററാ​ണ്ടി​ലെ അവസാ​ന​വർഷ​ങ്ങ​ളി​ലെ​ന്ന​പോ​ലെ, ഇന്നും “അനേകം എതിർക്രി​സ്‌തു​ക്കൾ” ഉണ്ട്‌, അവർക്കെ​തി​രെ സത്യ​ക്രി​സ്‌ത്യാ​നി​കൾക്കു മുന്നറി​യി​പ്പാ​വ​ശ്യ​മാണ്‌. ഈ സത്യ​ക്രി​സ്‌ത്യാ​നി​കൾ ‘അന്യോ​ന്യം സ്‌നേ​ഹി​ക്കുക എന്ന്‌ അവർ ആദിമു​തൽ കേട്ട ദൂത്‌’ മുറു​കെ​പ്പി​ടി​ക്കേ​ണ്ട​താണ്‌, സംസാ​ര​സ്വാ​ത​ന്ത്ര്യ​ത്തോ​ടെ നീതി ആചരി​ച്ചു​കൊ​ണ്ടു ദൈവ​ത്തോ​ടും സത്യമായ പഠിപ്പി​ക്ക​ലി​നോ​ടു​മു​ളള ഐക്യ​ത്തിൽ വസി​ക്കേ​ണ്ട​തു​മാണ്‌. (2:18; 3:11; 2:27-29) “ജഡമോ​ഹം കൺമോ​ഹം ജീവന​ത്തി​ന്റെ പ്രതാപം” എന്നിവ​ക്കെ​തി​രായ മുന്നറി​യി​പ്പും അതി​പ്ര​ധാ​ന​മാണ്‌, ഭൗതി​ക​ത്വ​പ​ര​മായ ആ ലൗകിക തിൻമ​ക​ളാ​ണ​ല്ലോ ക്രിസ്‌ത്യാ​നി​ക​ളെ​ന്ന​വ​കാ​ശ​പ്പെ​ടുന്ന മിക്കവ​രെ​യും മുക്കി​ക്ക​ള​ഞ്ഞി​രി​ക്കു​ന്നത്‌. “ദൈവ​ത്തി​ന്റെ ഇഷ്ടം ചെയ്യു​ന്നവൻ എന്നേക്കും ഇരിക്കു​ന്നു” എന്നറി​ഞ്ഞു​കൊ​ണ്ടു സത്യ​ക്രി​സ്‌ത്യാ​നി​കൾ ലോക​ത്തെ​യും അതിന്റെ മോഹ​ത്തെ​യും വർജി​ക്കും. ലോക മോഹ​ത്തി​ന്റെ​യും വിഭാ​ഗീ​യ​ത​യു​ടെ​യും വിദ്വേ​ഷ​ത്തി​ന്റെ​യും ഈ യുഗത്തിൽ തീർച്ച​യാ​യും നിശ്വസ്‌ത തിരു​വെ​ഴു​ത്തു​കൾ മുഖേന ദൈ​വേഷ്ടം പഠിക്കു​ന്ന​തും ആ ഇഷ്ടം ചെയ്യു​ന്ന​തും എത്ര പ്രയോ​ജ​ന​ക​ര​മാണ്‌!—2:15-17.

12. നമ്മുടെ പ്രയോ​ജ​ന​ത്തി​നു​വേണ്ടി എന്ത്‌ അന്തരങ്ങൾ ഒന്നു യോഹ​ന്നാൻ കാണി​ച്ചു​ത​രു​ന്നു, നമുക്ക്‌ എങ്ങനെ ലോകത്തെ ജയിക്കാം?

¹² പിതാ​വിൽനി​ന്നു പുറ​പ്പെ​ടുന്ന വെളി​ച്ച​വും ദുഷ്ടനിൽനി​ന്നു​ളള സത്യവി​നാ​ശ​ക​മായ ഇരുട്ടും തമ്മിലും, ദൈവ​ത്തി​ന്റെ ജീവദാ​യ​ക​മായ ഉപദേ​ശ​ങ്ങ​ളും എതിർക്രി​സ്‌തു​വി​ന്റെ വഞ്ചനാ​ത്മ​ക​മായ വ്യാജ​ങ്ങ​ളും തമ്മിലും പുത്ര​നോ​ടൊ​പ്പം പിതാ​വി​നോ​ടും ഐക്യ​ത്തി​ലാ​യി​രി​ക്കു​ന്ന​വ​രു​ടെ മുഴു​സ​ഭ​യി​ലും കളിയാ​ടുന്ന സ്‌നേ​ഹ​വും ‘എല്ലാവ​രും നമുക്കു​ള​ള​വരല്ല എന്നു പ്രസി​ദ്ധ​മാ​കേ​ണ്ട​തി​നു നമ്മിൽനി​ന്നു പുറത്തു​പോ​യ​വ​രി​ലു​ളള’ കയീൻസ​മാന കൊല​പാ​ത​ക​വി​ദ്വേ​ഷ​വും തമ്മിലു​മു​ളള അന്തരം ഒന്നു യോഹ​ന്നാൻ വ്യക്തമാ​ക്കു​ന്നതു നമ്മുടെ പ്രയോ​ജ​ന​ത്തി​നു​വേ​ണ്ടി​യാണ്‌. (2:19; 1:5-7; 2:8-11, 22-25; 3:23, 24, 11, 12) ഈ വിലമ​തി​പ്പു​ള​ള​തു​കൊ​ണ്ടു ‘ലോകത്തെ ജയിക്കുക’യെന്നതു നമ്മുടെ തീവ്ര​മായ ആഗ്രഹ​മാ​യി​രി​ക്കണം. നമുക്കിത്‌ എങ്ങനെ ചെയ്യാം? ശക്തമായ വിശ്വാ​സ​മു​ണ്ടാ​യി​രി​ക്കു​ന്ന​തി​നാ​ലും ദൈവ​കൽപ്പ​ന​ക​ള​നു​സ​രി​ക്കു​ന്ന​തി​നെ അർഥമാ​ക്കുന്ന “ദൈവ​ത്തോ​ടു​ളള സ്‌നേഹം” ഉണ്ടായി​രി​ക്കു​ന്ന​തി​നാ​ലും.—5:3, 4.

13. (എ) ദൈവ​സ്‌നേഹം ഒരു പ്രാ​യോ​ഗി​ക​ശ​ക്തി​യാ​യി ഊന്നി​പ്പ​റ​യ​പ്പെ​ടു​ന്നത്‌ എങ്ങനെ? (ബി) ക്രിസ്‌ത്യാ​നി​ക​ളു​ടെ സ്‌നേഹം ഏതു തരം ആയിരി​ക്കണം, ഏത്‌ ഐക്യ​ത്തിൽ കലാശി​ക്കു​ന്നത്‌?

¹³ “ദൈവ​ത്തോ​ടു​ളള സ്‌നേഹം”—ലേഖന​ത്തി​ലു​ട​നീ​ളം എത്ര വിശി​ഷ്ട​മാ​യി ഈ പ്രേര​ക​ശ​ക്തി​യെ ഊന്നി​പ്പ​റ​ഞ്ഞി​രി​ക്കു​ന്നു! 2-ാം അധ്യാ​യ​ത്തിൽ ലോക​സ്‌നേ​ഹ​വും പിതാ​വി​ന്റെ സ്‌നേ​ഹ​വും തമ്മിലു​ളള നിശി​ത​മായ അന്തരം കാണുന്നു. “ദൈവം സ്‌നേഹം തന്നേ” എന്നു പിന്നീടു നമ്മുടെ ശ്രദ്ധയി​ലേക്കു വരുത്ത​പ്പെ​ടു​ന്നു. (4:8, 16) ഇത്‌ എന്തൊരു പ്രാ​യോ​ഗിക സ്‌നേ​ഹ​മാണ്‌! “പുത്രനെ ലോക​ര​ക്ഷി​താ​വാ​യി​ട്ടു” പിതാവ്‌ അയച്ചി​രി​ക്കു​ന്ന​തിൽ അതിന്റെ മഹനീ​യ​മായ പ്രകാ​ശനം ഉണ്ടായി. (4:14) ഇത്‌ “അവൻ ആദ്യം നമ്മെ സ്‌നേ​ഹി​ച്ച​തു​കൊ​ണ്ടു നാം സ്‌നേ​ഹി​ക്കു​ന്നു” എന്ന അപ്പോ​സ്‌ത​ലന്റെ വാക്കു​കൾക്കു ചേർച്ച​യിൽ നമ്മുടെ ഹൃദയ​ങ്ങ​ളിൽ വിലമ​തി​പ്പു നിറഞ്ഞ, നിർഭ​യ​മായ സ്‌നേഹം ഉത്തേജി​പ്പി​ക്കേ​ണ്ട​താണ്‌. (4:19) നമ്മുടെ സ്‌നേഹം പിതാ​വി​ന്റേ​തും പുത്ര​ന്റേ​തും​പോ​ലെ അതേ തരത്തി​ലു​ള​ള​താ​യി​രി​ക്കണം—പ്രാ​യോ​ഗി​ക​വും ആത്മത്യാ​ഗ​പ​ര​വു​മായ സ്‌നേഹം. യേശു തന്റെ ദേഹിയെ നമുക്കു​വേണ്ടി വെച്ചു​ത​ന്ന​തു​പോ​ലെ​തന്നെ നാമും “സഹോ​ദ​രൻമാർക്കു വേണ്ടി പ്രാണനെ വെച്ചു​കൊ​ടു​ക്കേ​ണ്ട​താ​കു​ന്നു,” അതേ, നമ്മുടെ സഹോ​ദ​രൻമാ​രെ വാക്കിൽമാ​ത്രമല്ല, “പ്രവൃ​ത്തി​യി​ലും സത്യത്തി​ലും” സ്‌നേ​ഹി​ക്ക​ത്ത​ക്ക​വണ്ണം നമ്മുടെ കരുണാർദ്ര​ത​ക​ളു​ടെ വാതി​ലു​കൾ തുറക്കാൻതന്നെ. (3:16-18) യോഹ​ന്നാ​ന്റെ ലേഖനം സുവ്യ​ക്ത​മാ​യി പ്രകട​മാ​ക്കു​ന്ന​തു​പോ​ലെ, ദൈവ​ത്തെ​ക്കു​റി​ച്ചു​ളള സത്യപ​രി​ജ്ഞാ​ന​ത്തോ​ടൊ​പ്പ​മു​ളള ഈ യഥാർഥ സ്‌നേ​ഹ​മാ​ണു പിതാ​വി​നോ​ടും പുത്ര​നോ​ടു​മു​ളള അഭഞ്‌ജ​മായ ഐക്യ​ത്തിൽ ദൈവ​ത്തോ​ടു​കൂ​ടെ നടക്കു​ന്ന​വരെ ബന്ധിപ്പി​ക്കു​ന്നത്‌. (2:5, 6) ഈ അനുഗൃ​ഹീത സ്‌നേ​ഹ​ബ​ന്ധ​ത്തി​ലു​ളള രാജ്യാ​വ​കാ​ശി​ക​ളോ​ടാ​ണു യോഹ​ന്നാൻ ഇങ്ങനെ പറയു​ന്നത്‌: “നാം സത്യവാ​നോ​ടു​ളള ഐക്യ​ത്തി​ലാണ്‌, അവന്റെ പുത്ര​നായ യേശു​ക്രി​സ്‌തു​മു​ഖാ​ന്തരം. ഇതാണു സത്യ​ദൈ​വ​വും നിത്യ​ജീ​വ​നും.”—5:20, NW.

[അടിക്കു​റി​പ്പു​കൾ]