ലോക​ത്തിൽ ഏറ്റവും വ്യാപ​ക​മാ​യി വിതരണം ചെയ്യപ്പെട്ട ഗ്രന്ഥം

“ചരി​ത്ര​ത്തിൽ ഏറ്റവു​മ​ധി​കം ആളുകൾ വായി​ച്ചി​ട്ടുള്ള ഗ്രന്ഥം ബൈബി​ളാണ്‌. . . . മറ്റേതു ഗ്രന്ഥ​ത്തെ​ക്കാ​ളും കൂടുതൽ പ്രതികൾ വിതരണം ചെയ്യ​പ്പെ​ട്ടി​ട്ടു​ള്ളതു ബൈബി​ളി​ന്റേ​താണ്‌. മറ്റേതു ഗ്രന്ഥ​ത്തെ​ക്കാ​ളും കൂടുതൽ പ്രാവ​ശ്യ​വും കൂടുതൽ ഭാഷക​ളി​ലേ​ക്കും വിവർത്തനം ചെയ്യ​പ്പെ​ട്ടി​ട്ടു​ള്ളത്‌ ബൈബി​ളാണ്‌.”—“ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ.”1

ചില വശങ്ങ​ളെ​ടു​ത്താൽ, മിക്ക ഗ്രന്ഥങ്ങ​ളും ആളുക​ളെ​പ്പോ​ലെ​യാണ്‌. അവയെ​ല്ലാം പിറക്കു​ന്നു, പ്രസി​ദ്ധ​മാ​കു​ന്നു. ചുരുക്കം ചില ഉത്‌കൃഷ്ട കൃതി​ക​ളൊ​ഴി​കെ ബാക്കി​യെ​ല്ലാം കാലഹ​ര​ണ​പ്പെ​ടു​ന്നു, മരിക്കു​ന്നു. കാലഹ​ര​ണ​പ്പെട്ട, ആരും വായി​ക്കാത്ത, ഫലത്തിൽ മരിച്ച എണ്ണമറ്റ ഗ്രന്ഥങ്ങ​ളു​ടെ ശ്‌മശാ​ന​സ്ഥ​ല​ങ്ങ​ളാ​യി​മാ​റു​ന്നു ഗ്രന്ഥശാ​ലകൾ.

എന്നിരു​ന്നാ​ലും, ഉത്‌കൃഷ്ട കൃതി​ക​ളു​ടെ ഇടയിൽപോ​ലും സവി​ശേ​ഷ​ത​യു​ള്ള​താ​ണു ബൈബിൾ. അതിന്റെ എഴുത്തു തുടങ്ങി​യത്‌ 3,500 വർഷം മുമ്പാ​ണെ​ങ്കി​ലും അത്‌ ഇന്നും വളരെ പ്രഭാ​വ​മു​ള്ള​താണ്‌. ഭൂമി​യിൽ ഏറ്റവു​മ​ധി​കം വിതരണം ചെയ്യ​പ്പെ​ട്ടി​രി​ക്കുന്ന ഗ്രന്ഥം അതാണ്‌.a ഓരോ വർഷവും മുഴു ബൈബി​ളി​ന്റെ അല്ലെങ്കിൽ അതിന്റെ ഭാഗങ്ങ​ളു​ടെ ആറ്‌ കോടി​യോ​ളം പ്രതികൾ വിതരണം ചെയ്യ​പ്പെ​ടു​ന്നു. കൈ​കൊ​ണ്ടു നിരത്താ​വുന്ന അച്ചുപ​യോ​ഗി​ക്കുന്ന ഒരു അച്ചടി​യ​ന്ത്ര​ത്തി​ലാ​യി​രു​ന്നു അതിന്റെ ആദ്യ പതിപ്പി​ന്റെ മുദ്രണം. 1455-നോട​ടുത്ത്‌ യോഹാ​നസ്‌ ഗുട്ടൻബെർഗ്‌ എന്ന ജർമൻകാ​ര​നാ​യി​രു​ന്നു ആ അച്ചടി​യ​ന്ത്രം കണ്ടുപി​ടി​ച്ചത്‌. അന്നുമു​തൽ (മുഴു​വ​നാ​യോ ഭാഗി​ക​മാ​യോ) 400 കോടി​യി​ല​ധി​കം ബൈബി​ളു​കൾ അച്ചടി​ച്ചി​ട്ടു​ള്ള​താ​യി കണക്കാ​ക്ക​പ്പെ​ടു​ന്നു. മതപര​മോ അല്ലാത്ത​തോ ആയ മറ്റു യാതൊ​രു ഗ്രന്ഥവും അതിന്റെ അടുത്തു​പോ​ലും എത്തുന്നില്ല.

ചരി​ത്ര​ത്തിൽ ഏറ്റവും വ്യാപ​ക​മാ​യി വിവർത്തനം ചെയ്‌തി​രി​ക്കുന്ന ഗ്രന്ഥവും ബൈബിൾത​ന്നെ​യാണ്‌. ബൈബിൾ പൂർണ​മാ​യോ ഭാഗി​ക​മാ​യോ 2,100-ലധികം ഭാഷക​ളി​ലേ​ക്കും ഉപഭാ​ഷ​ക​ളി​ലേ​ക്കും വിവർത്തനം ചെയ്‌തി​ട്ടുണ്ട്‌.b മാനവ​രാ​ശി​യു​ടെ 90 ശതമാ​ന​ത്തി​ല​ധി​കം പേർക്കും ബൈബി​ളി​ന്റെ ഒരു ഭാഗ​മെ​ങ്കി​ലും മാതൃ​ഭാ​ഷ​യിൽ ലഭ്യമാണ്‌.² അങ്ങനെ ഈ ഗ്രന്ഥം ദേശീയ അതിർത്തി​കൾക്ക​പ്പു​റ​ത്തേക്കു കടന്നു​ചെ​ല്ലു​ക​യും വർഗീ​യ​വും വംശീ​യ​വു​മായ പ്രതി​ബ​ന്ധ​ങ്ങളെ മറിക​ട​ക്കു​ക​യും ചെയ്‌തി​രി​ക്കു​ന്നു.

ഇത്തരം കണക്കുകൾ മാത്രം ബൈബിൾ പരി​ശോ​ധി​ക്കു​ന്ന​തി​നുള്ള ഒരു പ്രബല കാരണ​മാ​യി നിങ്ങൾക്കു തോന്നു​ന്നി​ല്ലാ​യി​രി​ക്കാം. എന്നിരു​ന്നാ​ലും, അതിന്റെ വിതര​ണ​വും വിവർത്ത​ന​വും സംബന്ധിച്ച ഈ കണക്കുകൾ ബൈബി​ളി​ന്റെ സാർവ​ത്രി​ക​ത​യ്‌ക്കു തെളിവു നൽകു​ന്ന​വ​യാണ്‌. മാനവ​ച​രി​ത്ര​ത്തിൽ ഏറ്റവു​മ​ധി​കം വിതരണം ചെയ്യ​പ്പെ​ടു​ന്ന​തും ഏറ്റവും വ്യാപ​ക​മാ​യി വിവർത്തനം ചെയ്യ​പ്പെ​ട്ടി​ട്ടു​ള്ള​തു​മായ ഈ ഗ്രന്ഥം നിങ്ങൾ പരി​ശോ​ധി​ക്കേണ്ട ഒന്നുത​ന്നെ​യാണ്‌.

[അടിക്കു​റി​പ്പു​കൾ]

[6-ാം പേജിലെ ചിത്രം]

ലത്തീൻ ഭാഷയി​ലുള്ള ഗുട്ടൻബെർഗ്‌ ബൈബിൾ, കൈ​കൊ​ണ്ടു നിരത്താ​വുന്ന അച്ചുപ​യോ​ഗിച്ച്‌ മുദ്രണം ചെയ്‌ത ആദ്യത്തെ സമ്പൂർണ ഗ്രന്ഥമാ​ണിത്‌