ഗോ​ത്ര​പി​താ​ക്ക​ന്മാ​രു​ടെ ലോകം

സ്‌തെ​ഫാ​നൊസ്‌ തന്റെ പ്രശസ്‌ത​മായ ഒരു പ്രസം​ഗ​ത്തി​ന്റെ ആമുഖ​ത്തിൽ യഥാർഥ​ത്തിൽ സ്ഥിതി ചെയ്‌തി​രുന്ന ചില സ്ഥലങ്ങളു​ടെ പേരുകൾ പരാമർശി​ച്ചു. അവൻ പറഞ്ഞു: ‘നമ്മുടെ പിതാ​വായ അബ്രാ​ഹാം ഹാരാ​നിൽ വന്നു പാർക്കും​മു​മ്പെ മെസൊ​പ്പൊ​ത്താ​മ്യ​യിൽ ഇരിക്കു​മ്പോൾ തന്നേ [യഹോവ] അവന്നു പ്രത്യ​ക്ഷ​നാ​യി ഞാൻ നിനക്കു കാണി​ച്ചു​ത​രുന്ന ദേശത്തി​ലേക്കു ചെല്ലുക എന്നു പറഞ്ഞു.’ (പ്രവൃ 7:1-4) ഈ കൽപ്പന വാഗ്‌ദത്ത ദേശത്ത്‌ അബ്രാ​ഹാം, യിസ്‌ഹാക്‌, യാക്കോബ്‌ എന്നിവർ ഉൾപ്പെട്ട ചില സുപ്ര​ധാന സംഭവങ്ങൾ അരങ്ങേ​റു​ന്ന​തി​ലേക്കു നയിച്ചു, മനുഷ്യ​വർഗത്തെ അനു​ഗ്ര​ഹി​ക്കാ​നുള്ള ദൈ​വോ​ദ്ദേ​ശ്യ​വു​മാ​യി ബന്ധപ്പെട്ട സംഭവ​ങ്ങൾതന്നേ.—ഉല്‌പ 12:1-3; യോശു 24:3.

അന്ന്‌ യൂഫ്ര​ട്ടീസ്‌ നദിയു​ടെ കിഴക്കേ തീരത്ത്‌ സ്ഥിതി ചെയ്‌തി​രുന്ന ഊർ എന്ന സമ്പദ്‌സ​മൃ​ദ്ധ​മായ കൽദയ​ന​ഗ​ര​ത്തിൽനിന്ന്‌ പുറ​പ്പെട്ടു പോരാ​നാണ്‌ ദൈവം അബ്രാ​ഹാ​മി​നോ​ടു (അഥവാ അബ്രാം) പറഞ്ഞത്‌. ഏതു മാർഗ​ത്തി​ലൂ​ടെ​യാ​യി​രി​ക്കും അബ്രാ​ഹാം സഞ്ചരി​ക്കുക? സൂമർ എന്നോ ശിനാർ എന്നോ കൂടെ അറിയ​പ്പെട്ട കൽദയ ദേശത്തു​നിന്ന്‌ നേരിട്ടു പടിഞ്ഞാ​റോട്ട്‌ പോകു​ന്ന​താണ്‌ എളുപ്പ​മെന്ന്‌ തോന്നി​യേ​ക്കാം. അങ്ങ്‌ വടക്കുള്ള ഹാരാൻ വരെ പോകു​ന്നത്‌ എന്തിനാ​യി​രു​ന്നു?

പാലസ്‌തീൻ മുതൽ ടൈ​ഗ്രിസ്‌-യൂഫ്ര​ട്ടീസ്‌ നദിക​ളു​ടെ ഇടയ്‌ക്കുള്ള സ്ഥലം വരെ നീളുന്ന അർധവൃ​ത്താ​കൃ​തി​യുള്ള ഫലഭൂ​യി​ഷ്‌ഠ​മായ ഒരു പ്രദേ​ശ​ത്തി​ന്റെ കിഴക്കേ അറ്റത്തി​ന​ടു​ത്താ​യി​രു​ന്നു ഊരിന്റെ സ്ഥാനം. ‘ഫർട്ടൈൽ ക്രെ​സെന്റ്‌’ എന്ന്‌ അറിയ​പ്പെ​ടുന്ന ഈ പ്രദേ​ശത്തെ കാലാവസ്ഥ ഇന്നത്തേ​തി​നെ അപേക്ഷിച്ച്‌ കൂടുതൽ മിതമാ​യി​രു​ന്നി​രി​ക്കാം. ഈ അർധവൃ​ത്ത​ത്തി​ന്റെ വളവിനു താഴെ​യാണ്‌ ചുണ്ണാ​മ്പു​കൽക്കു​ന്നു​ക​ളും മണൽവി​രിച്ച സമഭൂ​മി​ക​ളും ഉള്ള സൈറോ-അറേബ്യൻ മരുഭൂ​മി​യു​ടെ സ്ഥാനം. മെഡി​റ്റ​റേ​നി​യൻ തീരത്തി​നും മെസൊ​പ്പൊ​ത്താ​മ്യ​ക്കും ഇടയ്‌ക്കു​ണ്ടാ​യി​രുന്ന “ഏതാണ്ട്‌ അഭേദ്യ​മായ ഒരു പ്രതി​ബന്ധം” എന്നാണ്‌ ദി എൻ​സൈ​ക്ലോ​പീ​ഡിയ ബ്രിട്ടാ​നിക്ക ആ മരുഭൂ​മി​യെ വിശേ​ഷി​പ്പി​ച്ചി​രി​ക്കു​ന്നത്‌. ചില സഞ്ചാരി​സം​ഘങ്ങൾ യൂഫ്ര​ട്ടീ​സിൽനിന്ന്‌ മരുഭൂ​മി കടന്ന്‌ തദ്‌മോ​രി​ലേ​ക്കും പിന്നെ ദമസ്‌കൊ​സി​ലേ​ക്കും പോയി​രു​ന്നി​രി​ക്കാം. എന്നാൽ അബ്രാ​ഹാം തന്റെ കുടും​ബ​ത്തെ​യും മൃഗങ്ങ​ളെ​യും അത്തര​മൊ​രു മരു​പ്ര​ദേ​ശ​ത്തു​കൂ​ടെയല്ല കൊണ്ടു​പോ​യത്‌.

പകരം അബ്രാ​ഹാം യൂഫ്ര​ട്ടീസ്‌ നദീതാ​ഴ്‌വ​ര​യി​ലൂ​ടെ വടക്കോട്ട്‌ സഞ്ചരിച്ച്‌ ഹാരാ​നി​ലെത്തി. അവി​ടെ​നിന്ന്‌ ഒരു വാണി​ജ്യ​പാ​ത​യി​ലൂ​ടെ അവന്‌ കർക്കെ​മീ​ശി​ലുള്ള ആഴമി​ല്ലാത്ത ഒരു കടവിൽ എത്താമാ​യി​രു​ന്നു. അവി​ടെ​നിന്ന്‌ തെക്കോട്ട്‌ സഞ്ചരിച്ച്‌ ദമസ്‌കൊ​സി​ലും തുടർന്ന്‌ ഗലീല​ക്കടൽ എന്ന്‌ വിളി​ക്ക​പ്പെ​ടാൻ ഇടയാ​യി​ത്തീർന്ന പ്രദേ​ശ​ത്തും അവൻ എത്തി. ‘വയാ മാരിസ്‌’ അഥവാ ‘കടലോ​ര​പാത’ എന്നറി​യ​പ്പെ​ടുന്ന യാത്രാ​മാർഗം മെഗി​ദ്ദോ വഴി ഈജി​പ്‌തു​വരെ നീളുന്ന ഒന്നായി​രു​ന്നെ​ങ്കി​ലും അബ്രാ​ഹാം യാത്ര ചെയ്‌തത്‌ ശമര്യ​യി​ലെ പർവത​ങ്ങ​ളി​ലൂ​ടെ ആയിരു​ന്നു. ഒടുവിൽ അവൻ ശേഖേ​മിൽ കൂടാരം അടിച്ചു. പിന്നീട്‌, അവൻ പർവത​പ്ര​ദേ​ശ​ങ്ങ​ളി​ലൂ​ടെ തെക്കോ​ട്ടുള്ള യാത്ര തുടർന്നു. ഉല്‌പത്തി 12:8–13:4 വരെയുള്ള വാക്യ​ങ്ങ​ളിൽ പരാമർശി​ച്ചി​ട്ടുള്ള സ്ഥലങ്ങൾ ഭൂപട​ത്തിൽ ഒത്തു​നോ​ക്കി​ക്കൊണ്ട്‌ അവനോ​ടൊ​പ്പം സഞ്ചരി​ക്കാൻ നിങ്ങൾക്കു കഴിയും. ദാൻ, ദമസ്‌കൊസ്‌, ഹോബാ, മമ്രേ, സൊ​ദോം, ഗെരാർ, ബേർ-ശേബ, മോരി​യാ (യെരൂ​ശ​ലേം) എന്നിങ്ങനെ അവന്റെ വൈവി​ധ്യ​മാർന്ന അനുഭ​വ​ങ്ങൾക്കു സാക്ഷ്യം​വ​ഹിച്ച മറ്റു സ്ഥലങ്ങളും കാണുക.—ഉല്‌പ 14:14-16; 18:1-16; 20:1-18; 21:25-34; 22:1-19.

അൽപ്പം ഭൂമി​ശാ​സ്‌ത്രം മനസ്സി​ലാ​ക്കു​ന്നത്‌ യിസ്‌ഹാ​ക്കി​ന്റെ​യും യാക്കോ​ബി​ന്റെ​യും ജീവി​ത​ത്തി​ലെ സംഭവ​ങ്ങ​ളി​ലേക്കു കൂടുതൽ വെളിച്ചം വീശുന്നു. ഉദാഹ​ര​ണ​ത്തിന്‌, അബ്രാ​ഹാം ബേർ-ശേബയിൽ ആയിരു​ന്ന​പ്പോൾ യിസ്‌ഹാ​ക്കിന്‌ ഭാര്യയെ കണ്ടെത്താ​നാ​യി അവൻ തന്റെ ദാസനെ എങ്ങോ​ട്ടാണ്‌ അയച്ചത്‌? അങ്ങ്‌ വടക്ക്‌ മെസൊ​പ്പൊ​ത്താ​മ്യ​യി​ലുള്ള (“നദികൾക്കി​ട​യി​ലെ ദേശം” എന്നർഥം) പദ്ദൻ-അരാമി​ലേക്ക്‌. പിന്നെ യിസ്‌ഹാ​ക്കി​നെ കാണാ​നാ​യി തെക്കേ​ദേ​ശ​ത്തേക്ക്‌ (നെഗെബ്‌), ഒരുപക്ഷേ കാദേ​ശിന്‌ അടു​ത്തേക്ക്‌, റിബെക്കാ ഒട്ടകപ്പു​റത്തു നടത്തിയ ആയാസ​ക​ര​മായ യാത്രയെ കുറി​ച്ചും ചിന്തി​ക്കുക.—ഉല്‌പ 24:10, 62-64.

പിന്നീട്‌ അവരുടെ മകനായ യാക്കോ​ബും (ഇസ്രാ​യേൽ) യഹോ​വയെ ആരാധി​ച്ചി​രുന്ന ഒരു സ്‌ത്രീ​യെ വിവാഹം ചെയ്യു​ന്ന​തി​നാ​യി അതു​പോ​ലൊ​രു നീണ്ട യാത്ര നടത്തു​ക​യു​ണ്ടാ​യി. എന്നാൽ യാക്കോബ്‌ തന്റെ നാട്ടി​ലേക്കു മടങ്ങി​യത്‌ ഏതാണ്ട്‌ വ്യത്യ​സ്‌ത​മായ ഒരു മാർഗ​ത്തി​ലൂ​ടെ​യാ​യി​രു​ന്നു. പെനൂ​വേ​ലി​ന​ടു​ത്തുള്ള യബ്ബോ​ക്ക​ക​ടവു കടന്ന ശേഷം അവൻ ദൂതനു​മാ​യി മല്ലുപി​ടി​ച്ചു. (ഉല്‌പ 31:21-25; 32:2, 22-30) ആ പ്രദേ​ശ​ത്തു​വെച്ച്‌ അവൻ ഏശാവി​നെ കണ്ടുമു​ട്ടു​ക​യും ഇരുവ​രും വ്യത്യസ്‌ത ദേശങ്ങ​ളിൽ പോയി പാർപ്പു​റ​പ്പി​ക്കു​ക​യും ചെയ്‌തു.—ഉല്‌പ 33:1, 15-20.

ശേഖേ​മിൽവെച്ച്‌ യാക്കോ​ബി​ന്റെ പുത്രി ദീന ബലാത്സം​ഗം ചെയ്യ​പ്പെ​ട്ട​തി​നെ തുടർന്ന്‌ യാക്കോബ്‌ ബേഥേ​ലി​ലേക്കു താമസം മാറി. അവി​ടെ​നിന്ന്‌ യാക്കോ​ബി​ന്റെ പുത്ര​ന്മാർ അവന്റെ ആടുകളെ മേയ്‌ക്കാൻ എത്ര ദൂരെ പോ​യെ​ന്നും യോ​സേഫ്‌ ഒടുവിൽ അവരെ എവിടെ ചെന്നാണ്‌ കണ്ടെത്തി​യ​തെ​ന്നും നിങ്ങൾക്കു വിഭാവന ചെയ്യാൻ കഴിയു​മോ? ഹെ​ബ്രോ​നും ദോഥാ​നും തമ്മിലുള്ള ദൂരം മനസ്സി​ലാ​ക്കാൻ ഈ ഭൂപടം (18-19 പേജു​ക​ളി​ലേ​തും) നിങ്ങളെ സഹായി​ച്ചേ​ക്കും. (ഉല്‌പ 35:1-8; 37:12-17) യോ​സേ​ഫി​ന്റെ സഹോ​ദ​ര​ന്മാർ അവനെ ഈജി​പ്‌തി​ലേക്കു പോകു​ക​യാ​യി​രുന്ന വ്യാപാ​രി​കൾക്ക്‌ വിറ്റു. അങ്ങനെ ആ വ്യാപാ​രി​കൾ യോ​സേ​ഫി​നെ​യും​കൊണ്ട്‌ യാത്ര​യാ​യി. ഇസ്രാ​യേ​ല്യർ ഈജി​പ്‌തി​ലേക്കു പോകു​ന്ന​തി​ലേ​ക്കും അവി​ടെ​നി​ന്നുള്ള അവരുടെ പുറപ്പാ​ടി​ലേ​ക്കും വഴിന​യിച്ച സംഭവ​മാണ്‌ ഇത്‌. എന്നാൽ അവർ സഞ്ചരിച്ച പാത ഏതാ​ണെ​ന്നാണ്‌ നിങ്ങൾക്കു തോന്നു​ന്നത്‌?—ഉല്‌പ 37:25-28.

[7-ാം പേജിലെ മാപ്പുകൾ]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

അബ്രാഹാമിന്റെ യാത്രകൾ (പ്രസി​ദ്ധീ​ക​രണം കാണുക)

യിസ്‌ഹാക്കിന്റെ യാത്രകൾ (പ്രസി​ദ്ധീ​ക​രണം കാണുക)

യാക്കോബിന്റെ യാത്രകൾ (പ്രസി​ദ്ധീ​ക​രണം കാണുക)

പ്രധാന വീഥികൾ (പ്രസി​ദ്ധീ​ക​രണം കാണുക)

ഗോത്രപിതാക്കന്മാർ (അവലോ​കനം)

A4 ഗോശെൻ

A5 ഈജി​പ്‌ത്‌

B4 ശൂർ

B5 പാറാൻ

C3 ദമസ്‌കൊസ്‌

C3 ദാൻ (ലയീശ്‌)

C5 ഏദോം

D1 കർക്കെ​മീശ്‌

D2 തദ്‌മോർ

D3 ഹോബാ

E1 പദ്ദൻ-അരാം

E1 ഹാരാൻ

F2 മെസൊ​പ്പൊ​ത്താ​മ്യ

G1 നീനെവേ

G2 ഫർട്ടൈൽ ക്രെ​സെന്റ്‌

G3 ബാബി​ലോൺ

H4 കൽദയ

H4 ഊർ

[പർവതങ്ങൾ]

C4 മോരി​യ

[ജലാശ​യങ്ങൾ]

B3 മധ്യധ​ര​ണ്യാ​ഴി(മഹാസ​മു​ദ്രം)

[നദികൾ]

E2 യൂഫ്ര​ട്ടീസ്‌

G2 ടൈ​ഗ്രിസ്‌

ഗോത്രപിതാക്കന്മാർ (വാഗ്‌ദത്ത ദേശത്ത്‌)

കനാൻ

മെഗിദ്ദോ

ഗിലെയാദ്‌

ദോഥാൻ

ശേ ഖേം

സുക്കോത്ത്‌

മഹനയീം

പെനൂവേൽ

ബേഥേൽ (ലൂസ്‌)

ഹായി

യെരൂശലേം (ശാലേം)

ബേത്ത്‌ലേഹെം (എഫ്രാത്ത്‌)

മമ്രേ

ഹെബ്രോൻ (മക്‌പേലാ)

ഗെരാർ

ബേർ-ശേബ

സൊദോം?

തെക്കേദേശം (നെഗെബ്‌)

രെഹോബോത്ത്‌?

ബേർ-ലഹയീ-രോയീ

കാദേശ്‌

പ്രധാന വീഥികൾ

വയാ മാരിസ്‌

രാജപാത

[പർവതങ്ങൾ]

മോരിയ

[ജലാശ​യങ്ങൾ]

ഉപ്പുകടൽ

[നദിക​ളും അരുവി​ക​ളും]

യബ്ബോക്ക

യോർദ്ദാൻ

[6-ാം പേജിലെ ചിത്രം]

ബാബിലോണിന്‌ സമീപ​മുള്ള യൂഫ്ര​ട്ടീസ്‌ നദീഭാ​ഗം

[6-ാം പേജിലെ ചിത്രം]

അബ്രാഹാം ബേർ-ശേബയിൽ പാർത്ത്‌ സമീപ പ്രദേ​ശ​ങ്ങ​ളിൽ തന്റെ ആടുമാ​ടു​കളെ മേയ്‌ച്ചു

[6-ാം പേജിലെ ചിത്രം]

യബ്ബോക്ക നീർത്താ​ഴ്‌വര