യേശു​വി​നു പരിചി​ത​മാ​യി​രുന്ന യെരൂ​ശ​ലേ​മും ആലയവും

യേശു ജനിച്ച്‌ അധികം നാൾ ആയിരു​ന്നില്ല. യോ​സേ​ഫും മറിയ​യും അവനെ അവന്റെ സ്വർഗീയ പിതാവ്‌ സ്വന്തം നാമം സ്ഥാപി​ച്ചി​രുന്ന നഗരമായ യെരൂ​ശ​ലേ​മി​ലേക്കു കൊണ്ടു​പോ​യി. (ലൂക്കൊ 2:22-39) 12 വയസ്സു​ള്ള​പ്പോൾ യേശു വീണ്ടും അവി​ടെ​യെത്തി, പെസഹ പെരു​നാ​ളിൽ പങ്കെടു​ക്കാൻ. അവന്റെ ഗ്രാഹ്യ​ത്തിൽ ആലയത്തി​ലെ ഉപദേ​ഷ്ടാ​ക്ക​ന്മാർ വിസ്‌മ​യി​ച്ചു പോയി. (ലൂക്കൊ 2:41-51) മഹാനായ ഹെരോ​ദാ​വി​ന്റെ നിർമാണ പദ്ധതി​യു​ടെ ഭാഗമാ​യി​രുന്ന ആ ആലയസ​മു​ച്ച​യ​ത്തി​ന്റെ പണി പൂർത്തി​യാ​യത്‌ “നാല്‌പ​ത്താ​റു സംവത്സരം” കൊണ്ടാണ്‌.—യോഹ 2:20.

യേശു തന്റെ ശുശ്രൂ​ഷ​ക്കാ​ലത്ത്‌ പെരു​ന്നാ​ളു​കൾക്കാ​യി യെരൂ​ശ​ലേ​മിൽ എത്തിയി​രു​ന്നു. അവി​ടെ​വെച്ച്‌ അവൻ മിക്ക​പ്പോ​ഴും പുരു​ഷാ​രത്തെ പഠിപ്പി​ച്ചി​രു​ന്നു. രണ്ടു പ്രാവ​ശ്യം അവൻ പണമി​ട​പാ​ടു​കാ​രെ​യും വ്യാപാ​രി​ക​ളെ​യും ആലയ പ്രാകാ​ര​ത്തിൽനിന്ന്‌ ഓടി​ച്ചു​വി​ട്ടു.—മത്താ 21:12; യോഹ 2:13-16.

ആലയത്തി​ന്റെ വടക്കു ഭാഗത്തുള്ള ബേഥെ​സ്‌ദാ കുളത്തി​ങ്കൽ അവൻ 38 വർഷം രോഗ​ത്താൽ കഷ്ടപ്പെ​ടു​ക​യാ​യി​രുന്ന ഒരു മനുഷ്യ​നെ സൗഖ്യ​മാ​ക്കി. നഗരത്തി​ന്റെ തെക്കു​ഭാ​ഗ​ത്തുള്ള ശിലോ​ഹാം​കു​ള​ത്തിൽ ചെന്നു കഴുകാൻ നിർദേ​ശി​ച്ചു​കൊണ്ട്‌ ദൈവ​പു​ത്രൻ ഒരു കുരു​ടനു കാഴ്‌ച നൽകു​ക​യും ചെയ്‌തു.—യോഹ 5:1-15; 9:1, 7, 11.

യേശു ഇടയ്‌ക്കി​ടെ യെരൂ​ശ​ലേ​മിൽനിന്ന്‌ “ഏകദേശം മൂന്നു കിലോ​മീ​റ്റർ” കിഴക്ക്‌ തന്റെ സുഹൃ​ത്തു​ക്ക​ളായ ലാസറും മറിയ​യും മാർത്ത​യും താമസി​ച്ചി​രുന്ന ബേഥാന്യ സന്ദർശി​ച്ചി​രു​ന്നു. (യോഹ 11:1, 18 NW; വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം—റഫറൻസു​ക​ളോ​ടു കൂടി​യത്‌, (ഇംഗ്ലീഷ്‌) അടിക്കു​റിപ്പ്‌; 12:1-11; ലൂക്കൊ 10:38-42; 19:29; 18-ാം പേജിലെ “യെരൂ​ശ​ലേം പ്രദേശം” കാണുക.) തന്റെ മരണത്തിന്‌ ഏതാനും ദിവസം മുമ്പ്‌ യേശു ഒലീവ്‌ മലയിൽക്കൂ​ടി കടന്ന്‌ യെരൂ​ശ​ലേ​മി​നെ സമീപി​ച്ചു. പടിഞ്ഞാ​റുള്ള നഗരത്തെ നോക്കി അവൻ അതിനെ ചൊല്ലി കരയു​ന്നത്‌ നിങ്ങൾക്കു ഭാവന​യിൽ കാണാൻ കഴിയു​മോ? (ലൂക്കൊ 19:37-44) അടുത്ത പേജിന്റെ മുകളിൽ കാണു​ന്ന​തി​നു സമാന​മായ ഒരു വീക്ഷണ​മാ​യി​രു​ന്നി​രി​ക്കും യേശു​വി​നു ലഭിച്ചി​രി​ക്കുക. പിന്നെ അവൻ സാധ്യ​ത​യ​നു​സ​രിച്ച്‌ യെരൂ​ശ​ലേ​മി​ന്റെ കിഴക്കേ കവാട​ങ്ങ​ളി​ലൊ​ന്നി​ലൂ​ടെ കഴുത​ക്കു​ട്ടി​യു​ടെ പുറത്ത്‌ നഗരത്തി​ലേക്കു കടന്നു. പുരു​ഷാ​രം അവനെ ഇസ്രാ​യേ​ലി​ന്റെ ഭാവി രാജാ​വാ​യി വാഴ്‌ത്തി.—മത്താ 21:9-12.

യേശു​വി​ന്റെ മരണത്തി​നു മുമ്പുള്ള പ്രധാന സംഭവങ്ങൾ നടന്നത്‌ യെരൂ​ശ​ലേ​മി​ലോ അതിന​ടു​ത്തുള്ള സ്ഥലങ്ങളി​ലോ ആയിരു​ന്നു: യേശു പ്രാർഥിച്ച ഗെത്ത്‌ശെമന തോട്ടം; സൻഹെ​ദ്രിം ഹാൾ; കയ്യാഫാ​വി​ന്റെ വസതി; ഗവർണർ പീലാ​ത്തോ​സി​ന്റെ മണ്ഡപം; അവസാ​ന​മാ​യി ഗൊല്‌ഗോ​ഥാ എന്നിവി​ട​ങ്ങ​ളിൽ.—മർക്കൊ 14:32, 53–15:1, 16, 22; യോഹ 18:1, 13, 24, 28.

പുനരു​ത്ഥാ​ന​ശേഷം യേശു യെരൂ​ശ​ലേ​മി​ലും അതിനു വെളി​യി​ലും പ്രത്യ​ക്ഷ​പ്പെട്ടു. (ലൂക്കൊ 24:1-49) പിന്നെ ഒലീവ്‌ മലയുടെ മുകളിൽനിന്ന്‌ അവൻ സ്വർഗാ​രോ​ഹണം ചെയ്‌തു.—പ്രവൃ 1:6-12.

[31-ാം പേജിലെ ഡയഗ്രം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക)

യെരൂശലേം/ഹെരോ​ദാ​വി​ന്റെ ആലയം

ആലയ സവി​ശേ​ഷ​ത​കൾ

1. അതിവിശുദ്ധം

2. വിശുദ്ധം

3. ഹോമയാഗപീഠം

4. വാർപ്പുകടൽ

5. പുരോഹിതന്മാരുടെ പ്രാകാ​രം

6. ഇസ്രായേല്യരുടെ പ്രാകാ​രം

7. സ്‌ത്രീകളുടെ പ്രാകാ​രം

8. വിജാതീയരുടെ പ്രാകാ​രം

9. ചുവർ (സോ​രേഗ്‌)

10. രാജകീയ മണ്ഡപം

11. ശലോമോന്റെ മണ്ഡപം

ആലയം

കവാടം

പുരോ​ഹി​ത​ന്മാ​രു​ടെ പ്രാകാ​രം

കവാടം

അതിവിശുദ്ധം

ഹോമയാഗപീഠം

വിശുദ്ധം

ഇസ്രാ​യേ​ല്യ​രു​ടെ പ്രാകാ​രം

സ്‌ത്രീ​ക​ളു​ടെ പ്രാകാ​രം

വാർപ്പുകടൽ

കവാടം

ശലോ​മോ​ന്റെ മണ്ഡപം

ചുവർ (സോ​രേഗ്‌)

വിജാ​തീ​യ​രു​ടെ പ്രാകാ​രം

കവാടം

രാജകീയ മണ്ഡപം

കവാടങ്ങൾ

ആന്റോണിയാ ഗോപു​രം

പാലം

സൻഹെദ്രിം ഹാൾ?

തൈറോപിയൻ താഴ്‌വര

ശീലോഹാം കുളം

നീർപാത്തി

കയ്യഫാവിന്റെ വസതി?

ഗവർണറുടെ മണ്ഡപം

ഗൊല്‌ഗോഥാ?

ഗൊല്‌ഗോഥാ?

ബേഥെസ്‌ദാ കുളം

ഗെത്ത്‌ശെമന തോട്ടം?

ഒലീവ്‌ മല

കിദ്രോൻ താഴ്‌വര

ഗീഹോൻ നീരു​റവ്‌

ഏൻ-രോഗേൽ

ഹിന്നോം താഴ്‌വര (ഗീഹെന്ന)

[30-ാം പേജിലെ ചിത്രങ്ങൾ]

ഇന്നത്തെ യെരൂ​ശ​ലേ​മി​ലൂ​ടെ കിഴ​ക്കോ​ട്ടു നോക്കു​മ്പോൾ: (എ) ആലയ പ്രദേശം, (ബി) ഗെത്ത്‌ശെമന തോട്ടം, (സി) ഒലീവ്‌ മല, (ഡി) യെഹൂദാ മരുഭൂ​മി, (ഇ) ചാവു​ക​ടൽ

[31-ാം പേജിലെ ചിത്രം]

യേശുവിന്റെ കാലത്ത്‌ ഒലീവ്‌ മലയിൽനിന്ന്‌ പടിഞ്ഞാ​റോ​ട്ടു ലഭിച്ചി​രുന്ന ദൃശ്യം