സത്യാ​രാ​ധ​ന​യ്‌ക്കാ​യി നിലപാ​ടു സ്വീക​രി​ക്കു​ക

1, 2. വ്യാജ​മ​തം ഉപേക്ഷി​ച്ച​ശേ​ഷം നിങ്ങൾ സ്വയം എന്തു ചോദി​ക്ക​ണം, ഇതു പ്രധാ​ന​മാ​ണെ​ന്നു നിങ്ങൾ വിചാ​രി​ക്കു​ന്നത്‌ എന്തു​കൊണ്ട്‌?

നിങ്ങളു​ടെ കുടി​വെ​ള്ള​ത്തിൽ ആരോ രഹസ്യ​മാ​യി വിഷം കലർത്തി​യി​രി​ക്കു​ന്ന​താ​യി നിങ്ങൾ അറിയു​ന്നു​വെ​ന്നി​രി​ക്കട്ടെ. ജീവനു ഭീഷണി ഉയർത്തുന്ന സാഹച​ര്യം. നിങ്ങൾ എന്തു ചെയ്യും? ശുദ്ധജലം ലഭിക്കാ​നു​ള്ള അടിയ​ന്തി​ര നടപടി നിങ്ങൾ കൈ​ക്കൊ​ള്ളു​മെ​ന്ന​തിൽ സംശയ​മി​ല്ല. എന്നാൽ, അങ്ങനെ ചെയ്‌ത​ശേ​ഷ​വും, ‘വിഷം എന്റെ ശരീരത്തെ ബാധി​ച്ചി​ട്ടു​ണ്ടോ?’ എന്ന ചോദ്യം നിങ്ങളെ അലട്ടും.

² വ്യാജ​മ​ത​ത്തോ​ടു​ള്ള ബന്ധത്തി​ലും സമാന​മാ​യ ഒരു സ്ഥിതി​വി​ശേ​ഷം ഉണ്ടാകു​ന്നു. അത്തരം ആരാധന അശുദ്ധ​മാ​യ പഠിപ്പി​ക്ക​ലു​ക​ളാ​ലും ആചാര​ങ്ങ​ളാ​ലും മലിന​മാ​യി​ത്തീർന്നി​രി​ക്കു​ന്നു​വെന്നു ബൈബിൾ പഠിപ്പി​ക്കു​ന്നു. (2 കൊരി​ന്ത്യർ 6:17) വ്യാജ​മ​ത​ലോ​ക​സാ​മ്രാ​ജ്യ​മായ ‘മഹാബാ​ബി​ലോ​ണിൽനി​ന്നു’ നിങ്ങൾ പുറത്തു​പോ​രേ​ണ്ടത്‌ അതി​പ്ര​ധാ​ന​മാ​യി​രി​ക്കു​ന്ന​തി​ന്റെ കാരണം അതാണ്‌. (വെളി​പ്പാ​ടു 18:2, 4) നിങ്ങൾ അങ്ങനെ ചെയ്‌തി​ട്ടു​ണ്ടോ? എങ്കിൽ അഭിന​ന്ദ​നം അർഹി​ക്കു​ന്ന ഒരു കാര്യ​മാ​ണു നിങ്ങൾ ചെയ്‌തി​രി​ക്കു​ന്നത്‌. എന്നാൽ വ്യാജ​മ​ത​ത്തിൽനി​ന്നു വിട്ടു​പോ​രു​ക​യോ രാജി​വെ​ക്കു​ക​യോ ചെയ്‌താൽ മാത്രം മതിയാ​കു​ന്നി​ല്ല. പിന്നീട്‌, നിങ്ങൾ സ്വയം ഇപ്രകാ​രം ചോദി​ക്ക​ണം: ‘വ്യാജാ​രാ​ധ​ന​യു​ടെ എന്തെങ്കി​ലും അംശം എന്നിൽ ബാക്കി​യു​ണ്ടോ?’ ചില ഉദാഹ​ര​ണ​ങ്ങൾ നോക്കുക.

പ്രതി​മ​ക​ളും പൂർവി​കാ​രാ​ധ​ന​യും

3. (എ) പ്രതി​മ​കൾ ഉപയോ​ഗി​ക്കു​ന്ന​തു സംബന്ധിച്ച്‌ ബൈബിൾ എന്തു പറയുന്നു, ദൈവിക വീക്ഷണം ഉൾക്കൊ​ള്ളാൻ ചിലർക്കു ബുദ്ധി​മു​ട്ടാ​യി​രു​ന്നേ​ക്കാ​വു​ന്നത്‌ എന്തു​കൊണ്ട്‌? (ബി) വ്യാജാ​രാ​ധ​ന​യു​മാ​യി ബന്ധപ്പെട്ട വസ്‌തു​ക്കൾ കൈവ​ശ​മു​ണ്ടെ​ങ്കിൽ നിങ്ങൾ എന്തു ചെയ്യണം?

³ ചിലരു​ടെ വീട്ടിൽ വർഷങ്ങ​ളാ​യി പ്രതി​മ​ക​ളോ ആരാധ​ന​യ്‌ക്കും പൂജയ്‌ക്കും മറ്റുമുള്ള സ്ഥലമോ കണ്ടേക്കാം. നിങ്ങളു​ടെ കാര്യ​ത്തിൽ അതു സത്യമാ​ണോ? ആണെങ്കിൽ, അത്തര​മൊ​രു ദൃശ്യ​സ​ഹാ​യി കൂടാതെ ദൈവ​ത്തോ​ടു പ്രാർഥി​ക്കു​ന്ന​തു വിചി​ത്ര​മാ​ണെ​ന്നോ തെറ്റാ​ണെ​ന്നോ നിങ്ങൾക്കു തോന്നി​യേ​ക്കാം. അവയിൽ ചിലതി​നോ​ടു നിങ്ങൾക്കു പ്രത്യേക താത്‌പ​ര്യം​പോ​ലും ഉണ്ടായി​രി​ക്കാം. എന്നാൽ, തന്നെ ആരാധി​ക്കേ​ണ്ടത്‌ എങ്ങനെ​യെ​ന്നു പറയേ​ണ്ടത്‌ ദൈവ​മാണ്‌, നാം പ്രതി​മ​കൾ ഉപയോ​ഗി​ക്കാൻ അവൻ ആഗ്രഹി​ക്കു​ന്നി​ല്ലെ​ന്നു ബൈബിൾ പഠിപ്പി​ക്കു​ന്നു. (പുറപ്പാ​ടു 20:4, 5; സങ്കീർത്ത​നം 115:4-8; യെശയ്യാ​വു 42:8; 1 യോഹ​ന്നാൻ 5:21) അതു​കൊണ്ട്‌, വ്യാജാ​രാ​ധ​ന​യു​മാ​യി ബന്ധപ്പെട്ട്‌ നിങ്ങളു​ടെ പക്കലുള്ള സകലതും നശിപ്പി​ച്ചു​കൊണ്ട്‌ സത്യാ​രാ​ധ​ന​യ്‌ക്കാ​യി നിങ്ങൾക്ക്‌ ഒരു നിലപാട്‌ എടുക്കാ​വു​ന്ന​താണ്‌. ഇക്കാര്യ​ത്തിൽ യഹോ​വ​യു​ടെ അതേ വീക്ഷണം നട്ടുവ​ളർത്തു​ക. വ്യാജാ​രാ​ധ​ന​യു​മാ​യി ബന്ധപ്പെട്ട എന്തും യഹോ​വ​യ്‌ക്ക്‌ ‘അറപ്പാണ്‌.’—ആവർത്ത​ന​പു​സ്‌ത​കം 27:15.

4. (എ) പൂർവി​കാ​രാ​ധന നിരർഥ​ക​മാ​ണെ​ന്നു നമുക്ക്‌ എങ്ങനെ അറിയാം? (ബി) തന്റെ ജനം ഏതു രൂപത്തി​ലു​മു​ള്ള ആത്മവി​ദ്യ​യിൽ ഏർപ്പെ​ടു​ന്നത്‌ യഹോവ വിലക്കി​യത്‌ എന്തു​കൊണ്ട്‌?

⁴ പല വ്യാജ​മ​ത​ങ്ങ​ളി​ലും സാധാ​ര​ണ​മാ​യ മറ്റൊരു സംഗതി​യാണ്‌ പൂർവി​കാ​രാ​ധന. മരിച്ചവർ ഒരു അദൃശ്യ മണ്ഡലത്തിൽ സ്ഥിതി​ചെ​യ്യു​ന്നു​ണ്ടെ​ന്നും അവർക്കു ജീവി​ച്ചി​രി​ക്കു​ന്ന​വ​രെ സഹായി​ക്കാ​നോ ഉപദ്ര​വി​ക്കാ​നോ കഴിയു​മെ​ന്നും ബൈബിൾസ​ത്യം മനസ്സി​ലാ​ക്കു​ന്ന​തി​നു​മു​മ്പു ചിലർ വിശ്വ​സി​ച്ചി​രു​ന്നു. ഒരുപക്ഷേ, മരിച്ചു​പോ​യ പൂർവി​ക​രെ പ്രീതി​പ്പെ​ടു​ത്താ​നു​ള്ള വ്യഗ്ര​ത​യിൽ ധാരാളം പണവും സമയവും ചെലവി​ട്ടി​ട്ടു​ള്ള ഒരു വ്യക്തി​യാ​യി​രി​ക്കാം നിങ്ങൾ. എന്നാൽ, ഈ പുസ്‌ത​ക​ത്തി​ന്റെ 6-ാം അധ്യാ​യ​ത്തിൽനിന്ന്‌ മരിച്ചവർ ഒരിട​ത്തും ജീവി​ച്ചി​രി​പ്പി​ല്ലെ​ന്നു നിങ്ങൾ മനസ്സി​ലാ​ക്കി. അതിനാൽ, അവരു​മാ​യി ആശയവി​നി​മ​യം നടത്താ​നു​ള്ള ശ്രമം നിരർഥ​ക​മാണ്‌. മരിച്ചു​പോ​യ ഒരു പ്രിയ​പ്പെട്ട വ്യക്തി​യിൽനി​ന്നാ​ണെന്നു തോന്നി​യേ​ക്കാ​വു​ന്ന ഏതൊരു സന്ദേശ​വും വരുന്നതു ഭൂതങ്ങ​ളിൽനി​ന്നാണ്‌. ഇസ്രാ​യേ​ല്യർ മരിച്ച​വ​രു​മാ​യി സംസാ​രി​ക്കാൻ ശ്രമി​ക്കു​ക​യോ ഏതെങ്കി​ലും രൂപത്തി​ലു​ള്ള ആത്മവി​ദ്യ​യിൽ ഏർപ്പെ​ടു​ക​യോ ചെയ്യു​ന്നത്‌ യഹോവ വിലക്കി​യത്‌ അതു​കൊ​ണ്ടാണ്‌.—ആവർത്ത​ന​പു​സ്‌ത​കം 18:10-12.

5. പ്രതി​മ​ക​ളു​ടെ ഉപയോ​ഗ​മോ പൂർവി​കാ​രാ​ധ​ന​യോ നിങ്ങളു​ടെ മുൻ ആരാധ​നാ​രീ​തി​യു​ടെ ഭാഗമാ​യി​രു​ന്നെ​ങ്കിൽ ഇപ്പോൾ എന്തു ചെയ്യാൻ കഴിയും?

⁵ പ്രതി​മ​ക​ളു​ടെ ഉപയോ​ഗ​മോ പൂർവി​കാ​രാ​ധ​ന​യോ നിങ്ങളു​ടെ മുൻ ആരാധ​നാ​രീ​തി​യു​ടെ ഭാഗമാ​യി​രു​ന്നെ​ങ്കിൽ ഇപ്പോൾ എന്തു ചെയ്യാൻ കഴിയും? ഇക്കാര്യ​ങ്ങ​ളെ ദൈവം എങ്ങനെ വീക്ഷി​ക്കു​മെ​ന്നു വ്യക്തമാ​ക്കു​ന്ന ബൈബിൾ ഭാഗങ്ങൾ വായി​ക്കു​ക​യും ധ്യാനി​ക്കു​ക​യും ചെയ്യുക. സത്യാ​രാ​ധ​ന​യ്‌ക്ക്‌ അനുകൂ​ല​മാ​യ ഒരു നിലപാട്‌ എടുക്കാ​നു​ള്ള നിങ്ങളു​ടെ ആഗ്രഹം പ്രാർഥ​ന​യിൽ ദിവസ​വും യഹോ​വ​യെ അറിയി​ക്കു​ക​യും അവന്റെ കാഴ്‌ച​പ്പാട്‌ വളർത്തി​യെ​ടു​ക്കാ​നു​ള്ള സഹായം അഭ്യർഥി​ക്കു​ക​യും ചെയ്യുക.—യെശയ്യാ​വു 55:9.

ക്രിസ്‌തു​മസ്സ്‌—ആദിമ ക്രിസ്‌ത്യാ​നി​കൾ ആഘോ​ഷി​ച്ചി​രു​ന്നില്ല

6, 7. (എ) എന്തിന്റെ ഓർമ​യെന്ന നിലയി​ലാണ്‌ ക്രിസ്‌തു​മസ്സ്‌ ആഘോ​ഷി​ക്കു​ന്നത്‌, യേശു​വി​ന്റെ ഒന്നാം നൂറ്റാ​ണ്ടി​ലെ അനുഗാ​മി​കൾ അത്‌ ആഘോ​ഷി​ച്ചോ? (ബി) യേശു​വി​ന്റെ ശിഷ്യ​ന്മാ​രു​ടെ കാലത്ത്‌ ജന്മദി​നാ​ഘോ​ഷ​ങ്ങൾ എന്തുമാ​യാണ്‌ ബന്ധപ്പെ​ട്ടി​രു​ന്നത്‌?

⁶ ജനപ്രീ​തി​യാർജി​ച്ച വിശേ​ഷ​ദി​വ​സ​ങ്ങ​ളോ​ടുള്ള ബന്ധത്തിൽ ഒരു വ്യക്തി​യു​ടെ ആരാധ​ന​യെ വ്യാജ​മ​തം അശുദ്ധ​മാ​ക്കി​യേ​ക്കാം. ക്രിസ്‌തു​മ​സ്സി​ന്റെ കാര്യം​ത​ന്നെ എടുക്കുക. യേശു​ക്രി​സ്‌തു ജനിച്ച​തി​ന്റെ ഓർമ​യെന്ന നിലയി​ലാണ്‌ ക്രിസ്‌തു​മസ്സ്‌ ആഘോ​ഷി​ക്കു​ന്നത്‌. ക്രിസ്‌തീ​യ​മെന്ന്‌ അവകാ​ശ​പ്പെ​ടു​ന്ന മിക്കവാ​റും എല്ലാ മതങ്ങളും അത്‌ ആഘോ​ഷി​ക്കു​ന്നു. എന്നാൽ, യേശു​വി​ന്റെ ഒന്നാം നൂറ്റാ​ണ്ടി​ലെ അനുഗാ​മി​കൾ അത്തര​മൊ​രു വിശേ​ഷ​ദി​നം കൊണ്ടാ​ടി​യി​രു​ന്നു എന്നതിന്‌ യാതൊ​രു തെളി​വു​മി​ല്ല. ഗഹനകാ​ര്യ​ങ്ങ​ളു​ടെ പാവ​നോ​ത്ഭ​വ​ങ്ങൾ (ഇംഗ്ലീഷ്‌) എന്ന ഗ്രന്ഥം ഇങ്ങനെ പ്രസ്‌താ​വി​ക്കു​ന്നു: “ക്രിസ്‌തു ജനിച്ച്‌ ഇരുനൂ​റു വർഷ​ത്തേക്ക്‌ അവന്റെ ജനനദി​വ​സം കൃത്യ​മാ​യി ആർക്കും അറിയി​ല്ലാ​യി​രു​ന്നു. അത്‌ അറിയാൻ അധിക​മാർക്കും താത്‌പ​ര്യ​വു​മി​ല്ലാ​യി​രു​ന്നു.”

⁷ ഇനി, യേശു​വി​ന്റെ ശിഷ്യ​ന്മാർക്ക്‌ അവന്റെ കൃത്യ​മാ​യ ജനനത്തീ​യ​തി അറിയാ​മാ​യി​രു​ന്നെ​ങ്കിൽപ്പോ​ലും അവർ അത്‌ ആഘോ​ഷി​ക്കു​മാ​യി​രു​ന്നില്ല. എന്തു​കൊണ്ട്‌? ആദിമ ക്രിസ്‌ത്യാ​നി​കൾ “ജന്മദി​നാ​ഘോ​ഷ​ങ്ങ​ളെ ഒരു പുറജാ​തി ആചാര​മാ​യി​ട്ടാ​ണു കണ്ടിരു​ന്നത്‌” എന്ന്‌ ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡി​യ പറയുന്നു. ബൈബി​ളിൽ ആകെ പരാമർശി​ച്ചി​രി​ക്കു​ന്ന ജന്മദി​നാ​ഘോ​ഷ​ങ്ങൾ യഹോ​വ​യു​ടെ ആരാധ​ക​ര​ല്ലാ​യി​രു​ന്ന രണ്ടു ഭരണാ​ധി​കാ​രി​ക​ളു​ടേ​താണ്‌. (ഉല്‌പത്തി 40:20; മർക്കൊസ്‌ 6:21) പുറജാ​തി ദേവന്മാ​രു​ടെ ബഹുമാ​നാർഥം അവരുടെ ജന്മദി​ന​ങ്ങൾ ആഘോ​ഷി​ക്കു​ന്ന രീതി​യും നിലനി​ന്നി​രു​ന്നു. ഉദാഹ​ര​ണ​ത്തിന്‌, മേയ്‌ 24-ന്‌ റോമാ​ക്കാർ ഡയാനാ ദേവത​യു​ടെ ജന്മദിനം ആഘോ​ഷി​ച്ചി​രു​ന്നു, പിറ്റേന്ന്‌ സൂര്യ​ദേ​വ​നാ​യ അപ്പോ​ളോ​യു​ടേ​തും. അതിനാൽ, ജന്മദി​നാ​ഘോ​ഷ​ങ്ങൾക്കു ബന്ധമു​ണ്ടാ​യി​രു​ന്നത്‌ പുറജാ​തി​മ​ത​ങ്ങ​ളു​മാ​യാണ്‌, ക്രിസ്‌ത്യാ​നി​ത്വ​വു​മാ​യല്ല.

8. ജന്മദി​നാ​ഘോ​ഷ​ങ്ങ​ളും അന്ധവി​ശ്വാ​സ​വും തമ്മിലുള്ള ബന്ധം വിശദീ​ക​രി​ക്കു​ക.

⁸ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ യേശു​വി​ന്റെ ജന്മദിനം ആഘോ​ഷി​ക്കു​ക​യി​ല്ലാ​യി​രു​ന്നു എന്നതിനു വേറൊ​രു കാരണ​വു​മുണ്ട്‌. അവയ്‌ക്ക്‌ അന്ധവി​ശ്വാ​സ​വു​മാ​യും ബന്ധമു​ണ്ടെന്ന്‌ അവന്റെ ശിഷ്യ​ന്മാർക്ക്‌ അറിയാ​മാ​യി​രു​ന്നി​രി​ക്കണം. ഉദാഹ​ര​ണ​ത്തിന്‌, ഓരോ മനുഷ്യ​ന്റെ​യും ജനനസ​മ​യത്ത്‌ ഒരു ആത്മാവ്‌ സന്നിഹി​ത​നാ​കു​മെ​ന്നും അത്‌ ജീവി​ത​കാ​ല​ത്തു​ട​നീ​ളം അയാളെ സംരക്ഷി​ക്കു​മെ​ന്നും പുരാതന ഗ്രീക്കു​കാ​രും റോമാ​ക്കാ​രും വിശ്വ​സി​ച്ചി​രു​ന്നു. “ഏതു ദേവന്റെ ജന്മദി​ന​ത്തിൽ ഒരു വ്യക്തി ജനിക്കു​ന്നു​വോ ആ ദേവനു​മാ​യി ഈ ആത്മാവിന്‌ ഒരു നിഗൂഢ ബന്ധമു​ണ്ടാ​യി​രു​ന്നു”വെന്ന്‌ ജന്മദിന വിജ്ഞാ​നീ​യം (ഇംഗ്ലീഷ്‌) എന്ന പുസ്‌ത​കം പറയുന്നു. നിസ്സം​ശ​യ​മാ​യും യേശു​വി​നെ അന്ധവി​ശ്വാ​സ​വു​മാ​യി ബന്ധപ്പെ​ടു​ത്തി​ക്കൊ​ണ്ടു​ള്ള യാതൊ​രു ആഘോ​ഷ​ത്തി​ലും യഹോവ പ്രസാ​ദി​ക്കു​ക​യി​ല്ല. (യെശയ്യാ​വു 65:11, 12) അങ്ങനെ​യെ​ങ്കിൽ, ക്രിസ്‌തു​മസ്സ്‌ ഇത്ര​യേ​റെ​പ്പേർ കൊണ്ടാ​ടു​ന്ന ഒരു ആഘോ​ഷ​മാ​യി​ത്തീർന്നത്‌ എങ്ങനെ?

ക്രിസ്‌തു​മ​സ്സി​ന്റെ ഉത്ഭവം

9. യേശു​വി​ന്റെ ജന്മദിന ആഘോ​ഷ​ത്തി​നാ​യി ഡിസംബർ 25 തിര​ഞ്ഞെ​ടു​ക്ക​പ്പെ​ട്ടത്‌ എങ്ങനെ?

⁹ യേശു ഭൂമി​യിൽ ജീവി​ച്ചി​രു​ന്ന​തി​നു നൂറ്റാ​ണ്ടു​കൾക്കു ശേഷമാണ്‌ ഡിസംബർ 25 അവന്റെ ജന്മദി​ന​മാ​യി അനുസ്‌മ​രി​ക്ക​പ്പെ​ടാൻ തുടങ്ങി​യത്‌. എന്നാൽ യേശു​വി​ന്റെ ജനനത്തീ​യ​തി അതായി​രു​ന്നി​ല്ല.a കാരണം, അവന്റെ ജനനം ഒക്ടോ​ബ​റിൽ ആയിരു​ന്നെ​ന്നു തെളി​വു​കൾ പ്രകട​മാ​ക്കു​ന്നു. അപ്പോൾ ഡിസംബർ 25 തിര​ഞ്ഞെ​ടു​ക്ക​പ്പെ​ട്ടത്‌ എന്തു​കൊണ്ട്‌? പിൽക്കാ​ലത്ത്‌ ക്രിസ്‌ത്യാ​നി​ക​ളെന്ന്‌ അവകാ​ശ​പ്പെട്ട ചിലർ, “പുറജാ​തി റോമാ​ക്കാ​രു​ടെ ‘അജയ്യനായ സൂര്യന്റെ ജന്മദി​നാ​ഘോ​ഷ’വുമായി ആ തീയതി ഒത്തുവ​രാൻ ആഗ്രഹി”ച്ചിരി​ക്കാം. (ദ ന്യൂ എൻ​സൈ​ക്ലോ​പീ​ഡി​യ ബ്രിട്ടാ​നി​ക്ക) സൂര്യൻ ഏറ്റവും ദുർബ​ല​നാ​യി കാണ​പ്പെ​ടു​ന്ന ശൈത്യ​കാ​ലത്ത്‌, ചൂടും വെളി​ച്ച​വും നൽകുന്ന സൂര്യൻ അതിന്റെ വിദൂ​ര​യാ​ത്ര മതിയാ​ക്കി തിരി​ച്ചു​വ​രാ​നാ​യി പുറജാ​തി​കൾ ചില ചടങ്ങുകൾ നടത്തി​യി​രു​ന്നു. ഡിസംബർ 25 സൂര്യൻ തന്റെ മടക്കയാ​ത്ര ആരംഭി​ക്കു​ന്ന ദിവസ​മാ​ണെ​ന്നു കരുത​പ്പെ​ട്ടി​രു​ന്നു. പുറജാ​തി​ക​ളെ മതപരി​വർത്ത​നം ചെയ്യി​ക്കാ​നാ​യി മതനേ​താ​ക്കൾ ഈ ആഘോഷം സ്വീക​രി​ക്കു​ക​യും അതിന്‌ ‘ക്രിസ്‌തീ​യ’ പരി​വേ​ഷം നൽകാൻ ശ്രമി​ക്കു​ക​യും ചെയ്‌തു.b

10. കഴിഞ്ഞ കാലങ്ങ​ളിൽ ചിലർ ക്രിസ്‌തു​മസ്സ്‌ ആഘോ​ഷി​ക്കാ​തി​രു​ന്നത്‌ എന്തു​കൊണ്ട്‌?

¹⁰ ക്രിസ്‌തു​മ​സ്സി​ന്റെ പുറജാ​തി വേരുകൾ വളരെ​ക്കാ​ല​മാ​യി അറിവു​ള്ള​താണ്‌. തിരു​വെ​ഴു​ത്തു​വി​രു​ദ്ധ​മായ ഉത്ഭവം ഉള്ളതി​നാൽ, 17-ാം നൂറ്റാ​ണ്ടിൽ ഇംഗ്ലണ്ടി​ലും ചില അമേരി​ക്കൻ കോള​നി​ക​ളി​ലും ക്രിസ്‌തു​മസ്സ്‌ നിരോ​ധി​ക്ക​പ്പെ​ട്ടി​രു​ന്നു. ക്രിസ്‌തു​മസ്സ്‌ ദിനത്തിൽ വേല ചെയ്യാതെ വീട്ടി​ലി​രി​ക്കു​ന്ന​വർ പിഴയ​ട​യ്‌ക്കു​ക​പോ​ലും ചെയ്യേ​ണ്ടി​യി​രു​ന്നു. എന്നാൽ അധികം താമസി​യാ​തെ​ത​ന്നെ പഴയ ആചാരങ്ങൾ തിരി​ച്ചു​വ​രു​ക​യും ഏതാനും പുതിയവ കൂട്ടി​ച്ചേർക്ക​പ്പെ​ടു​ക​യും ചെയ്‌തു. ക്രിസ്‌തു​മസ്സ്‌ വീണ്ടും പ്രധാ​ന​പ്പെട്ട ഒരു വിശേ​ഷ​ദി​ന​മാ​യി മാറി. പല ദേശങ്ങ​ളി​ലും അത്‌ ഇപ്പോ​ഴും അങ്ങനെ​ത​ന്നെ​യാണ്‌. എന്നുവ​രി​കി​ലും, ക്രിസ്‌തു​മ​സ്സി​നും പുറജാ​തി ആരാധ​ന​യിൽ വേരു​ക​ളു​ള്ള മറ്റ്‌ ആഘോ​ഷ​ങ്ങൾക്കും വ്യാജ​മ​ത​വു​മാ​യി ബന്ധമു​ള്ള​തി​നാൽ ദൈവത്തെ പ്രസാ​ദി​പ്പി​ക്കാൻ ആഗ്രഹി​ക്കു​ന്ന​വർ അവ ആഘോ​ഷി​ക്കു​ന്നി​ല്ല.c

ഉത്ഭവം യഥാർഥ​ത്തിൽ പ്രധാ​ന​മോ?

11. ചിലർ വിശേ​ഷ​ദി​വ​സ​ങ്ങൾ ആഘോ​ഷി​ക്കു​ന്നത്‌ എന്തു​കൊണ്ട്‌, എന്നാൽ നമ്മുടെ മുഖ്യ​താ​ത്‌പ​ര്യം എന്തായി​രി​ക്ക​ണം?

¹¹ ക്രിസ്‌തു​മസ്സ്‌ പോലുള്ള വിശേ​ഷ​ദി​വ​സ​ങ്ങൾക്കു പുറജാ​തി ഉത്ഭവമു​ണ്ടെ​ന്നു ചിലർ സമ്മതി​ക്കു​ന്നു​ണ്ടെ​ങ്കി​ലും അവ ആഘോ​ഷി​ക്കു​ന്ന​തിൽ തെറ്റി​ല്ലെ​ന്നാണ്‌ അവരുടെ പക്ഷം. കാരണം, വിശേ​ഷ​ദി​വ​സ​ങ്ങൾ ആഘോ​ഷി​ക്കു​മ്പോൾ ഇന്നു മിക്കവ​രും വ്യാജാ​രാ​ധ​ന​യെ​ക്കു​റി​ച്ചൊ​ന്നും ചിന്തി​ക്കാ​റി​ല്ല​ത്രേ. കൂടാതെ അവ കുടും​ബ​ബ​ന്ധ​ങ്ങ​ളെ ശക്തീക​രി​ക്കാ​നു​ള്ള അവസര​വു​മൊ​രു​ക്കു​ന്നു. ആകട്ടെ, അങ്ങനെ​യാ​ണോ നിങ്ങൾക്കു തോന്നു​ന്നത്‌? ആണെങ്കിൽ, നിങ്ങളു​ടെ കാര്യ​ത്തിൽ സത്യാ​രാ​ധ​ന​യ്‌ക്കു​വേണ്ടി നിലപാട്‌ എടുക്കു​ന്ന​തി​നു തടസ്സമാ​യി നിൽക്കു​ന്ന​തു വ്യാജ​മ​ത​ത്തോ​ടു​ള്ള സ്‌നേ​ഹ​മല്ല, കുടും​ബ​ത്തോ​ടു​ള്ള സ്‌നേ​ഹ​മാ​യി​രി​ക്കാം. കുടും​ബാം​ഗ​ങ്ങ​ളു​മാ​യി നിങ്ങൾക്കു നല്ല ബന്ധം ഉണ്ടായി​രി​ക്കാൻ കുടും​ബ​ക്ര​മീ​ക​ര​ണ​ത്തി​നു തുടക്ക​മി​ട്ട യഹോവ ആഗ്രഹി​ക്കു​ന്നു എന്നതിനു യാതൊ​രു സംശയ​വു​മി​ല്ല. (എഫെസ്യർ 3:14, 15) എന്നാൽ ദൈവാം​ഗീ​കാ​ര​മു​ള്ള ഒരു വിധത്തിൽ നിങ്ങൾക്ക്‌ അത്തരം ബന്ധങ്ങൾ ശക്തമാ​ക്കാ​വു​ന്ന​താണ്‌. നമ്മുടെ മുഖ്യ​താ​ത്‌പ​ര്യം എന്തായി​രി​ക്ക​ണം എന്നതു സംബന്ധിച്ച്‌ അപ്പൊ​സ്‌ത​ല​നാ​യ പൗലൊസ്‌ ഇപ്രകാ​രം എഴുതി: ‘കർത്താ​വി​ന്നു പ്രസാ​ദ​മാ​യ​തു എന്തെന്നു പരി​ശോ​ധി​ച്ചു​കൊ​ണ്ടി​രി​ക്കുക.’—എഫെസ്യർ 5:9.

12. അശുദ്ധ​മാ​യ ഉത്ഭവങ്ങ​ളു​ള്ള വിശേ​ഷ​ദി​വ​സ​ങ്ങ​ളും ആചാര​ങ്ങ​ളും നാം ഒഴിവാ​ക്കേ​ണ്ടത്‌ എന്തു​കൊ​ണ്ടെ​ന്നു ദൃഷ്ടാ​ന്തീ​ക​രി​ക്കു​ക.

¹² വിശേ​ഷ​ദി​വ​സ​ങ്ങൾ ഇപ്പോൾ ആഘോ​ഷി​ക്ക​പ്പെ​ടു​ന്ന വിധവു​മാ​യി അവയുടെ ഉത്ഭവത്തി​നു ബന്ധമൊ​ന്നു​മി​ല്ലെന്ന്‌ ഒരുപക്ഷേ നിങ്ങൾ വിചാ​രി​ച്ചേ​ക്കാം. എന്നാൽ ഉത്ഭവത്തി​നു പ്രാധാ​ന്യ​മു​ണ്ടോ? ഉണ്ട്‌! ദൃഷ്ടാ​ന്ത​ത്തിന്‌, അഴുക്കു​ചാ​ലിൽ ഒരു മിഠായി കിടക്കു​ന്ന​തു നിങ്ങൾ കാണു​ന്നെ​ന്നു വിചാ​രി​ക്കു​ക. നിങ്ങൾ അതെടു​ത്തു തിന്നു​മോ? തീർച്ച​യാ​യു​മി​ല്ല! ആ മിഠായി വൃത്തി​യി​ല്ലാ​ത്ത​താണ്‌. അതു​പോ​ലെ, വിശേ​ഷ​ദി​വ​സ​ങ്ങൾ വളരെ നല്ലതായി തോന്നി​യേ​ക്കാ​മെ​ങ്കി​ലും, വൃത്തി​ഹീ​ന​മാ​യ സ്ഥലങ്ങളിൽനി​ന്നു പെറു​ക്കി​യെ​ടു​ത്തി​ട്ടു​ള്ള​താണ്‌ അവ. സത്യാ​രാ​ധ​ന​യ്‌ക്കാ​യി ഒരു നിലപാ​ടു സ്വീക​രി​ക്കാൻ യെശയ്യാ​പ്ര​വാ​ച​ക​ന്റേ​തു​പോ​ലുള്ള ഒരു മനോ​ഭാ​വം നമുക്കും ഉണ്ടായി​രി​ക്ക​ണം. സത്യാ​രാ​ധ​ക​രോ​ടാ​യി അവൻ ഇപ്രകാ​രം പറഞ്ഞു: “അശുദ്ധ​മാ​യ​തൊ​ന്നും തൊട​രുത്‌.”—യെശയ്യാ​വു 52:11.

മറ്റുള്ള​വ​രോ​ടു വിവേ​ച​ന​യോ​ടെ ഇടപെ​ടു​ക

13. വിശേ​ഷ​ദി​നാ​ഘോ​ഷ​ങ്ങ​ളിൽ പങ്കെടു​ക്കാ​ത്ത​പ്പോൾ ഏതെല്ലാം വെല്ലു​വി​ളി​കൾ ഉയർന്നു​വ​ന്നേ​ക്കാം?

¹³ നിങ്ങൾ വിശേ​ഷ​ദി​നാ​ഘോ​ഷ​ങ്ങ​ളിൽ പങ്കെടു​ക്കാ​തി​രി​ക്കു​ന്നത്‌ വെല്ലു​വി​ളി​കൾ ഉയർത്തി​യേ​ക്കാം. ഉദാഹ​ര​ണ​ത്തിന്‌, ജോലി​സ്ഥ​ല​ത്തെ ചില വിശേ​ഷ​ദി​നാ​ഘോ​ഷ​ങ്ങ​ളിൽ നിങ്ങൾ പങ്കെടു​ക്കാ​ത്തത്‌ എന്തു​കൊ​ണ്ടെ​ന്നു സഹജോ​ലി​ക്കാർ ചിന്തി​ച്ചേ​ക്കാം. ആരെങ്കി​ലും നിങ്ങൾക്ക്‌ ഒരു ക്രിസ്‌തു​മസ്സ്‌ സമ്മാനം നൽകു​ന്നെ​ങ്കി​ലോ? അതു സ്വീക​രി​ക്കു​ന്ന​തിൽ തെറ്റു​ണ്ടോ? വിവാഹ ഇണയ്‌ക്ക്‌ നിങ്ങളു​ടേ​തിൽനി​ന്നു വ്യത്യ​സ്‌ത​മാ​യ വിശ്വാ​സ​മാണ്‌ ഉള്ളതെ​ങ്കി​ലോ? വിശേ​ഷ​ദി​വ​സ​ങ്ങൾ ആഘോ​ഷി​ക്കാ​ത്ത​തി​നാൽ കുട്ടി​കൾക്കു നഷ്ടബോ​ധം തോന്നു​ന്നി​ല്ലെ​ന്നു നിങ്ങൾക്ക്‌ എങ്ങനെ ഉറപ്പു​വ​രു​ത്താ​നാ​കും?

14, 15. ആരെങ്കി​ലും വിശേ​ഷ​ദി​നാ​ശം​സ നേരു​ക​യോ ഒരു സമ്മാനം നൽകു​ക​യോ ചെയ്‌താൽ നിങ്ങൾ എന്തു ചെയ്യും?

¹⁴ ഓരോ സാഹച​ര്യ​വും എങ്ങനെ കൈകാ​ര്യം ചെയ്യണ​മെ​ന്നു തീരു​മാ​നി​ക്കാൻ നല്ല വിവേചന ആവശ്യ​മാണ്‌. സാധാ​ര​ണ​ഗ​തി​യിൽ ആരെങ്കി​ലും നിങ്ങൾക്കു വിശേ​ഷ​ദി​നാ​ശം​സ നേരു​ന്നെ​ങ്കിൽ, തിരിച്ച്‌ ഒരു നന്ദി പ്രകടനം മാത്രം മതിയാ​യി​രി​ക്കും. എന്നാൽ നിങ്ങൾ സ്ഥിരം കാണു​ക​യോ നിങ്ങ​ളോ​ടൊ​ത്തു ജോലി ചെയ്യു​ക​യോ ചെയ്യുന്ന ഒരാ​ളെ​യാണ്‌ അഭിമു​ഖീ​ക​രി​ക്കു​ന്ന​തെന്നു വിചാ​രി​ക്കു​ക. ആ സാഹച​ര്യ​ത്തിൽ, കൂടു​ത​ലാ​യി ചില കാര്യങ്ങൾ പറയാൻ നിങ്ങൾ തീരു​മാ​നി​ച്ചേ​ക്കാം. എല്ലാ സന്ദർഭ​ങ്ങ​ളി​ലും നയം ഉള്ളവരാ​യി​രി​ക്കു​ക. ബൈബിൾ ഇങ്ങനെ ബുദ്ധി​യു​പ​ദേ​ശി​ക്കു​ന്നു: “ഓരോ​രു​ത്ത​നോ​ടു നിങ്ങൾ എങ്ങനെ ഉത്തരം പറയേണം എന്നു അറി​യേ​ണ്ട​തി​ന്നു നിങ്ങളു​ടെ വാക്കു എപ്പോ​ഴും കൃപ​യോ​ടു​കൂ​ടി​യ​തും ഉപ്പിനാൽ രുചി​വ​രു​ത്തി​യ​തും ആയിരി​ക്ക​ട്ടെ.” (കൊ​ലൊ​സ്സ്യർ 4:6) മറ്റുള്ള​വ​രോട്‌ അനാദ​ര​വു കാണി​ക്കാ​തി​രി​ക്കാൻ ശ്രദ്ധി​ക്കു​ക​യും നയപൂർവം നിങ്ങളു​ടെ നിലപാ​ടു വ്യക്തമാ​ക്കു​ക​യും ചെയ്യുക. സമ്മാന​ക്കൈ​മാ​റ്റ​ത്തോ​ടോ കൂടി​വ​ര​വു​ക​ളോ​ടോ നിങ്ങൾക്ക്‌ എതിർപ്പി​ല്ലെ​ന്നും എന്നാൽ ഇവ മറ്റൊരു സന്ദർഭ​ത്തിൽ ചെയ്യാ​നാ​ണു താത്‌പ​ര്യ​പ്പെ​ടു​ന്ന​തെ​ന്നും വ്യക്തമാ​ക്കു​ക.

¹⁵ ആരെങ്കി​ലും നിങ്ങൾക്ക്‌ ഒരു സമ്മാനം നൽകാൻ ആഗ്രഹി​ക്കു​ന്നെ​ങ്കി​ലോ? സ്വീക​രി​ക്കു​ന്നത്‌ ഉചിത​മാ​ണോ അല്ലയോ എന്നത്‌ ഏറെയും ആ പ്രത്യേക സാഹച​ര്യ​ത്തെ ആശ്രയി​ച്ചി​രി​ക്കും. സമ്മാനം നൽകുന്ന വ്യക്തി ഇപ്രകാ​രം പറഞ്ഞേ​ക്കാം: “താങ്കൾ ഈ വിശേ​ഷ​ദി​നം ആഘോ​ഷി​ക്കി​ല്ലെന്ന്‌ എനിക്ക​റി​യാം, എങ്കിലും ഇതു താങ്കൾക്കു നൽകാൻ ഞാൻ ആഗ്രഹി​ക്കു​ന്നു.” അത്തര​മൊ​രു സാഹച​ര്യ​ത്തിൽ സമ്മാനം സ്വീക​രി​ക്കു​ന്നത്‌ വിശേ​ഷ​ദി​ന​ത്തിൽ പങ്കെടു​ക്കു​ന്ന​താ​യി അർഥമാ​ക്കി​ല്ലെ​ന്നു നിങ്ങൾ തീരു​മാ​നി​ച്ചേ​ക്കാം. ഇനി, സമ്മാനം നൽകു​ന്ന​യാൾക്ക്‌ നിങ്ങളു​ടെ വിശ്വാ​സ​ങ്ങ​ളെ​ക്കു​റിച്ച്‌ അറിയി​ല്ലെ​ങ്കി​ലോ? നിങ്ങൾ വിശേ​ഷ​ദി​നം ആഘോ​ഷി​ക്കാ​റി​ല്ലെന്ന്‌ അയാ​ളോ​ടു പറയാൻ കഴിയും. നിങ്ങൾ സമ്മാനം സ്വീക​രി​ക്കു​ന്നെ​ങ്കിൽപ്പോ​ലും തിരി​ച്ച​ങ്ങോട്ട്‌ യാതൊ​ന്നും നൽകാ​ത്തത്‌ എന്തു​കൊ​ണ്ടാ​ണെ​ന്നു മനസ്സി​ലാ​ക്കാൻ ഇത്‌ ആ വ്യക്തിയെ സഹായി​ക്കും. അതേസ​മ​യം, നിങ്ങളു​ടെ വിശ്വാ​സ​ങ്ങ​ളോട്‌ നിങ്ങൾ പറ്റിനിൽക്കി​ല്ലെ​ന്നോ സമ്മാന​ങ്ങൾക്കാ​യി നിങ്ങൾ വിട്ടു​വീ​ഴ്‌ച ചെയ്യു​മെ​ന്നോ വരുത്തി​ത്തീർക്കാ​നു​ള്ള ഉദ്ദേശ്യ​ത്തോ​ടെ​യാണ്‌ ആരെങ്കി​ലും ഒരു സമ്മാനം നൽകു​ന്ന​തെ​ങ്കിൽ അതു സ്വീക​രി​ക്കാ​തി​രി​ക്കു​ന്ന​താ​യി​രി​ക്കും ബുദ്ധി.

കുടും​ബാം​ഗ​ങ്ങ​ളു​ടെ കാര്യ​മോ?

16. വിശേ​ഷ​ദി​വ​സ​ങ്ങ​ളോ​ടു ബന്ധപ്പെട്ട കാര്യ​ങ്ങ​ളിൽ നയം പ്രകടി​പ്പി​ക്കാൻ നിങ്ങൾക്കു കഴിയു​ന്നത്‌ എങ്ങനെ?

¹⁶ കുടും​ബാം​ഗ​ങ്ങൾക്കു നിങ്ങളു​ടെ വിശ്വാ​സ​ങ്ങ​ളോ​ടു യോജി​പ്പി​ല്ലെ​ങ്കി​ലോ? ഇവി​ടെ​യും നയം പ്രകട​മാ​ക്കു​ക. ബന്ധുക്ക​ളു​ടെ സകല ആചാര​ങ്ങ​ളെ​യും ആഘോ​ഷ​ങ്ങ​ളെ​യും കുറിച്ച്‌ അവരു​മാ​യി തർക്കത്തി​നു പോകേണ്ട ആവശ്യ​മി​ല്ല. സ്വന്ത വീക്ഷണങ്ങൾ ഉണ്ടായി​രി​ക്കാ​നു​ള്ള നിങ്ങളു​ടെ അവകാ​ശ​ത്തെ അവർ മാനി​ക്കാൻ നിങ്ങൾ പ്രതീ​ക്ഷി​ക്കു​ന്നു. അതു​പോ​ലെ അവരുടെ അവകാ​ശ​ങ്ങ​ളെ നിങ്ങളും മാനി​ക്കു​ക. (മത്തായി 7:12) നിങ്ങൾ വിശേ​ഷ​ദി​നാ​ഘോ​ഷ​ത്തിൽ പങ്കെടു​ക്കു​ന്നു​വെന്ന ധാരണ മറ്റുള്ള​വ​രിൽ ഉളവാ​ക്കി​യേ​ക്കാ​വു​ന്ന ഏതൊരു പ്രവൃ​ത്തി​യും ഒഴിവാ​ക്കു​ക. എന്നാൽ ആഘോ​ഷ​വു​മാ​യി നേരിട്ടു ബന്ധമി​ല്ലാ​ത്ത കാര്യ​ങ്ങ​ളിൽ ന്യായ​യു​ക്തത പ്രകട​മാ​ക്കു​ക. തീർച്ച​യാ​യും, ഒരു നല്ല മനസ്സാക്ഷി നിലനി​റു​ത്താ​നാ​കു​ന്ന വിധത്തിൽ എല്ലായ്‌പോ​ഴും പ്രവർത്തി​ക്കാൻ ശ്രദ്ധി​ക്ക​ണം.—1 തിമൊ​ഥെ​യൊസ്‌ 1:18, 19.

17. മറ്റുള്ളവർ വിശേ​ഷ​ദി​വ​സ​ങ്ങൾ ആഘോ​ഷി​ക്കു​മ്പോൾ നിങ്ങളു​ടെ കുട്ടി​കൾക്കു നഷ്ടബോ​ധം തോന്നാ​തി​രി​ക്കാ​നാ​യി എന്തു ചെയ്യാൻ കഴിയും?

¹⁷ തിരു​വെ​ഴു​ത്ത​ധി​ഷ്‌ഠി​ത​മ​ല്ലാത്ത വിശേ​ഷ​ദി​വ​സ​ങ്ങൾ ആഘോ​ഷി​ക്കാ​ത്ത​തു നിമിത്തം കുട്ടി​കൾക്കു നഷ്ടബോ​ധം തോന്നാ​തി​രി​ക്കാൻ നിങ്ങൾക്ക്‌ എന്തു ചെയ്യാ​നാ​കും? അധിക​വും, വർഷത്തി​ലെ മറ്റ്‌ അവസര​ങ്ങ​ളിൽ നിങ്ങൾ കുട്ടി​കൾക്കു​വേ​ണ്ടി എന്തു ചെയ്യു​ന്നു​വെ​ന്ന​തി​നെ ആശ്രയി​ച്ചി​രി​ക്കു​ന്നു. ചില മാതാ​പി​താ​ക്കൾ അവർക്കു സമ്മാനങ്ങൾ നൽകാ​നു​ള്ള അവസരങ്ങൾ ക്രമീ​ക​രി​ക്കാ​റുണ്ട്‌. നിങ്ങളു​ടെ കുട്ടി​കൾക്കു നൽകാ​നാ​കു​ന്ന ഏറ്റവും നല്ല സമ്മാനം നിങ്ങളു​ടെ സമയവും സ്‌നേ​ഹ​പു​ര​സ്സ​ര​മാ​യ ശ്രദ്ധയും ആണ്‌.

സത്യാ​രാ​ധ​കൻ ആയിത്തീ​രു​ക

18. സത്യാ​രാ​ധ​ന​യ്‌ക്കാ​യി നിലപാ​ടു സ്വീക​രി​ക്കാൻ ക്രിസ്‌തീ​യ യോഗ​ങ്ങ​ളിൽ സംബന്ധി​ക്കു​ന്ന​തു നിങ്ങളെ സഹായി​ക്കു​ന്നത്‌ എങ്ങനെ?

¹⁸ ദൈവത്തെ പ്രസാ​ദി​പ്പി​ക്കു​ന്ന​തിന്‌ നിങ്ങൾ വ്യാജാ​രാ​ധന തള്ളിക്ക​ളഞ്ഞ്‌ സത്യാ​രാ​ധ​ന​യ്‌ക്കാ​യി നിലപാ​ടു സ്വീക​രി​ക്കേ​ണ്ടത്‌ ആവശ്യ​മാണ്‌. ഇതിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌? ബൈബിൾ ഇങ്ങനെ പ്രസ്‌താ​വി​ക്കു​ന്നു: “ചിലർ ചെയ്യു​ന്ന​തു​പോ​ലെ നമ്മുടെ സഭാ​യോ​ഗ​ങ്ങ​ളെ ഉപേക്ഷി​ക്കാ​തെ തമ്മിൽ പ്രബോ​ധി​പ്പി​ച്ചു​കൊ​ണ്ടു സ്‌നേ​ഹ​ത്തി​ന്നും സൽപ്ര​വൃ​ത്തി​കൾക്കും ഉത്സാഹം വർദ്ധി​പ്പി​പ്പാൻ അന്യോ​ന്യം സൂക്ഷി​ച്ചു​കൊൾക. നാൾ സമീപി​ക്കു​ന്നു എന്നു കാണും​തോ​റും അതു അധിക​മ​ധി​ക​മാ​യി ചെയ്യേ​ണ്ട​താ​കു​ന്നു.” (എബ്രായർ 10:24, 25) ദൈവത്തെ പ്രസാ​ദി​പ്പി​ക്കു​ന്ന വിധത്തിൽ അവനെ ആരാധി​ക്കാ​നു​ള്ള സന്തോ​ഷ​ക​ര​മാ​യ അവസര​ങ്ങ​ളാണ്‌ ക്രിസ്‌തീ​യ യോഗങ്ങൾ. (സങ്കീർത്ത​നം 22:22; 122:1) അത്തരം യോഗ​ങ്ങ​ളിൽ വിശ്വ​സ്‌ത ക്രിസ്‌ത്യാ​നി​കൾക്ക്‌ “പ്രോ​ത്സാ​ഹന കൈമാ​റ്റം” സാധ്യ​മാ​കു​ന്നു.—റോമർ 1:12, NW.

19. ബൈബി​ളിൽനി​ന്നു പഠിച്ചി​ട്ടു​ള്ള കാര്യങ്ങൾ നിങ്ങൾ മറ്റുള്ള​വ​രോ​ടു പറയേ​ണ്ട​തു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁹ സത്യാ​രാ​ധ​ന​യ്‌ക്കാ​യി നിലപാ​ടു സ്വീക​രി​ക്കാൻ നിങ്ങൾക്ക്‌ കഴിയുന്ന വേറൊ​രു വിധമുണ്ട്‌. യഹോ​വ​യു​ടെ സാക്ഷി​ക​ളോ​ടൊ​ത്തു​ള്ള ബൈബിൾ പഠനത്തി​ലൂ​ടെ നിങ്ങൾ മനസ്സി​ലാ​ക്കി​യി​ട്ടു​ള്ള കാര്യ​ങ്ങ​ളെ​ക്കു​റി​ച്ചു മറ്റുള്ള​വ​രോ​ടു പറയുക എന്നതാണ്‌ അത്‌. ഇന്നു ലോക​ത്തിൽ നടമാ​ടു​ന്ന ദുഷ്ടത​യെ​പ്ര​തി ഒട്ടനവധി ആളുകൾ ‘നെടു​വീർപ്പി​ട്ടു കരയു​ക​യാണ്‌.’ (യെഹെ​സ്‌കേൽ 9:4) അങ്ങനെ​യു​ള്ള ചിലരെ നിങ്ങൾക്ക്‌ അറിയാ​മാ​യി​രി​ക്കാം. ഭാവി സംബന്ധിച്ച നിങ്ങളു​ടെ ബൈബി​ള​ധി​ഷ്‌ഠി​ത പ്രത്യാ​ശ​യെ​ക്കു​റിച്ച്‌ അവരോ​ടു സംസാ​രി​ച്ചു​കൂ​ടേ? സത്യ​ക്രി​സ്‌ത്യാ​നി​ക​ളു​മാ​യി സഹവസി​ക്കു​ക​യും മഹത്തായ ബൈബിൾ സത്യങ്ങൾ മറ്റുള്ള​വ​രു​മാ​യി പങ്കു​വെ​ക്കു​ക​യും ചെയ്യു​മ്പോൾ നിങ്ങളു​ടെ ഉള്ളിൽ അവശേ​ഷി​ച്ചേ​ക്കാ​വു​ന്ന, വ്യാജമത ആചാര​ങ്ങ​ളോ​ടു​ള്ള ഏതൊരു മമതയും ക്രമേണ അപ്രത്യ​ക്ഷ​മാ​കു​ന്ന​താ​യി നിങ്ങൾ കാണും. സത്യാ​രാ​ധ​ന​യ്‌ക്കാ​യുള്ള നിങ്ങളു​ടെ നിലപാട്‌ അളവറ്റ സന്തോ​ഷ​ത്തി​ലും സമൃദ്ധ​മാ​യ അനു​ഗ്ര​ഹ​ങ്ങ​ളി​ലും കലാശി​ക്കു​മെന്ന്‌ ഉറപ്പു​ണ്ടാ​യി​രി​ക്കു​ക.—മലാഖി 3:10.