സദാ വിശ്വസ്‌തൻ

1. യാഹിനെ നാം വിശ്വസ്‌തമായ്‌ നിത്യം സ്‌നേഹിച്ചിടാനും

സമർപ്പിതജനമായി അറിയാനും വാഞ്‌ഛിപ്പൂ.

യാഹു നൽകും ഉപദേശം നമ്മൾ പിൻതുടരുന്നു.

അവനെന്നും നൽവിശ്വസ്‌തൻ; പിരിയില്ലവനെ നാം.

2. സ്‌നേഹം നൽകി ചേർന്നുനിൽക്കാം സോദരരോടെന്നെന്നും;

കരുതിടാം അവർക്കായ്‌ നാം; അവരെ വിശ്വസിക്കാം;

ദയയോടെ സംസാരിക്കാം; ആദരിക്കാമവരെ.

ബൈബിൾ നമ്മെ ചേർത്തിടട്ടെ സോദരരോടെന്നെന്നും.

3. നമ്മെയെന്നും നടത്തിടും സോദരർക്കു താണിടാം;

ചെവിചായ്‌ക്കാം അവർ നൽകും മാർഗദർശനത്തിന്നായ്‌.

ദൈവമോ അനുഗ്രഹിച്ചു ബലം നൽകിടുമപ്പോൾ.

വിശ്വസ്‌തരായ്‌ നിന്നിടിൽ, നാം എന്നും യാഹിനുള്ളവർ.