ദൈനംദിനം യഹോവയോടു പ്രാർഥിക്കുക

1. യാഹിനോടു പ്രാർഥിപ്പിൻ ദിനവും;

പ്രാർഥന കേൾക്കാനവൻ സന്നദ്ധൻ.

നമ്മുടെ പദവി എത്ര ധന്യം!

തോഴനെന്നപോലുള്ളം പകരൂ.

യാഹിനോടു പ്രാർഥിപ്പിൻ.

2. പ്രാർഥിപ്പിൻ, നന്ദിയേകൂ ജീവന്നായ്‌.

യാചിപ്പിൻ പാപങ്ങളിൻ ക്ഷമയ്‌ക്കായ്‌;

ആശ്രയയോഗ്യനാം സ്രഷ്ടാവവൻ;

നാം പൊടിയാണെന്നറിയുന്നവൻ.

യാഹിനോടു പ്രാർഥിപ്പിൻ.

3. പ്രാർഥിപ്പിൻ ക്ലേശങ്ങളുയരുമ്പോൾ;

താതനവൻ ചാരെയുണ്ടെന്നോർക്ക.

ആശ്രയിപ്പിൻ ദൈവത്തിൽ നിത്യവും;

ഏകും താൻ സഹായസംരക്ഷണം.

യാഹിനോടു പ്രാർഥിപ്പിൻ.