യഥാർഥ വിശ്വാ​സം എന്താണ്‌?

കേവലം ദൈവ​മു​ണ്ടെന്ന്‌ വിശ്വ​സി​ക്കു​ന്നതല്ല യഥാർഥ വിശ്വാ​സം. ദൈവ​മു​ണ്ടെന്ന്‌ വിശ്വ​സി​ക്കു​ക​യും അതേസ​മയം അധർമം പ്രവർത്തി​ക്കു​ക​യും ചെയ്യുന്ന ലക്ഷക്കണ​ക്കി​നാ​ളു​ക​ളുണ്ട്‌. അത്തരം “വിശ്വാ​സം” കള്ളനോ​ട്ടു​പോ​ലെ​യാണ്‌. കണ്ടാൽ യഥാർഥ​മാ​ണെന്നു തോന്നും; പക്ഷേ യാതൊ​രു മൂല്യ​വു​മില്ല. അങ്ങനെ​യെ​ങ്കിൽ യഥാർഥ വിശ്വാ​സം എന്താണ്‌?

വിശുദ്ധ തിരു​വെ​ഴു​ത്തു​ക​ളെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​ന​മാണ്‌ യഥാർഥ വിശ്വാ​സ​ത്തിന്‌ ആധാരം. ഈ നിശ്വസ്‌ത ലിഖി​തങ്ങൾ ദൈവ​ത്തെ​ക്കു​റി​ച്ചുള്ള സത്യം നമുക്കു വെളി​പ്പെ​ടു​ത്തി​ത്ത​രു​ക​യും ദൈവത്തെ അടുത്ത​റി​യാൻ നമ്മെ സഹായി​ക്കു​ക​യും ചെയ്യുന്നു. ദൈവ​ത്തി​ന്റെ നിയമ​ങ്ങ​ളെ​യും ഉദ്ദേശ്യ​ങ്ങ​ളെ​യും ഉപദേ​ശ​ങ്ങ​ളെ​യും കുറി​ച്ചും അവ നമ്മോടു പറയുന്നു. ആ ഉപദേ​ശ​ങ്ങ​ളിൽ ചിലതാണ്‌:

• ദൈവം ഏകനും അതുല്യ​നു​മാണ്‌.

• യേശു (ഈസാ) സർവശ​ക്ത​നായ ദൈവമല്ല, ദൈവ​ത്തി​ന്റെ പ്രവാ​ച​ക​നാണ്‌.

• എല്ലാത്തരം വിഗ്ര​ഹാ​രാ​ധ​ന​യും ദൈവം കുറ്റം​വി​ധി​ക്കു​ന്നു.

• മനുഷ്യ​രെ​ല്ലാം ഒരു വിധി​ദി​വ​സത്തെ അഭിമു​ഖീ​ക​രി​ക്കും.

• മരിച്ചു​പോയ അനേകർ പറുദീ​സ​യിൽ ജീവനി​ലേക്കു വരും.

യഥാർഥ വിശ്വാ​സം സത്‌കർമങ്ങൾ ചെയ്യാൻ നമ്മെ പ്രേരി​പ്പി​ക്കു​ന്നു. സത്‌പ്ര​വൃ​ത്തി​കൾ ദൈവത്തെ മഹത്ത്വ​പ്പെ​ടു​ത്തു​മെന്നു മാത്രമല്ല നമുക്കും മറ്റുള്ള​വർക്കും പ്രയോ​ജനം കൈവ​രു​ത്തു​ക​യും ചെയ്യും. സത്‌പ്ര​വൃ​ത്തി​ക​ളിൽപ്പെ​ടുന്ന ചില കാര്യ​ങ്ങ​ളാണ്‌ താഴെ പറഞ്ഞി​രി​ക്കു​ന്നത്‌:

• ദൈവത്തെ ആരാധി​ക്കുക.

• ദൈവിക ഗുണങ്ങൾ, പ്രത്യേ​കി​ച്ചും സ്‌നേഹം, വളർത്തി​യെ​ടു​ക്കുക.

• ദുശ്ചി​ന്ത​ക​ളും തെറ്റായ ആഗ്രഹ​ങ്ങ​ളും ഒഴിവാ​ക്കുക.

• പ്രശ്‌ന​ങ്ങൾക്കു​മ​ധ്യേ​യും ദൈവ​ത്തി​ലുള്ള വിശ്വാ​സം മുറു​കെ​പ്പി​ടി​ക്കുക.

• ദൈവ​ത്തെ​ക്കു​റിച്ച്‌ മറ്റുള്ള​വരെ പഠിപ്പി​ക്കുക.

യഥാർഥ വിശ്വാ​സം എങ്ങനെ വളർത്തി​യെ​ടു​ക്കാം?

സഹായത്തിനായി ദൈവ​ത്തോ​ടു യാചി​ക്കുക. “നിന്റെ വഴി എന്നെ അറിയി​ക്കേ​ണമേ; നിനക്കു എന്നോടു കൃപയു​ണ്ടാ​കു​വാ​ന്ത​ക്ക​വണ്ണം ഞാൻ നിന്നെ അറിയു​മാ​റാ​കട്ടെ” എന്ന്‌ പ്രവാ​ച​ക​നായ മോശ (മൂസാ) ദൈവ​ത്തോ​ടു പ്രാർഥി​ച്ചു.a ദൈവം ആ പ്രാർഥ​ന​യ്‌ക്ക്‌ ഉത്തരമ​രു​ളി. മോശ വിശ്വാ​സ​ത്തി​ന്റെ ഒരു ഉത്‌കൃഷ്ട മാതൃ​ക​യാ​യി​ത്തീർന്നു. യഥാർഥ വിശ്വാ​സം വളർത്തി​യെ​ടു​ക്കാൻ ദൈവം നിങ്ങ​ളെ​യും സഹായി​ക്കും.

വിശുദ്ധ തിരു​വെ​ഴു​ത്തു​കൾ പഠിക്കാൻ സമയം കണ്ടെത്തുക. തോറ (തൗറാത്ത്‌), സങ്കീർത്ത​നങ്ങൾ (സബൂർ), സുവി​ശേ​ഷങ്ങൾ (ഇൻജീൽ) എന്നിവ ഉൾപ്പെ​ടെ​യുള്ള നിശ്വസ്‌ത ലിഖി​തങ്ങൾ വിശുദ്ധ ബൈബി​ളി​ലുണ്ട്‌. ഏറ്റവു​മ​ധി​കം ഭാഷക​ളി​ലേക്ക്‌ തർജമ​ചെ​യ്‌ത്‌ വിതരണം ചെയ്‌തി​ട്ടുള്ള ഗ്രന്ഥമാ​ണത്‌. നിങ്ങളു​ടെ കൈയിൽ ആ ഗ്രന്ഥമു​ണ്ടോ?

വിശുദ്ധ ലിഖി​ത​ങ്ങ​ളി​ലെ ബുദ്ധി​യു​പ​ദേ​ശങ്ങൾ നിത്യ​ജീ​വി​ത​ത്തിൽ പ്രാവർത്തി​ക​മാ​ക്കുക. വിശ്വാ​സത്തെ ശരീര​ത്തി​ലെ പേശി​ക​ളോട്‌ ഉപമി​ക്കാം. ഉപയോ​ഗി​ക്കു​ന്തോ​റും പേശികൾ ബലിഷ്‌ഠ​മാ​കു​ന്ന​തു​പോ​ലെ പ്രവൃ​ത്തി​പ​ഥ​ത്തിൽ കൊണ്ടു​വ​രു​മ്പോൾ വിശ്വാ​സ​വും ബലിഷ്‌ഠ​മാ​കും; ദൈവം നൽകുന്ന മാർഗ​നിർദേ​ശങ്ങൾ എത്ര പ്രാ​യോ​ഗി​ക​മാ​ണെന്ന്‌ അനുഭ​വ​ത്തി​ലൂ​ടെ നിങ്ങൾ മനസ്സി​ലാ​ക്കും. തിരു​വെ​ഴു​ത്തു​ക​ളിൽ അടങ്ങി​യി​രി​ക്കുന്ന പ്രാ​യോ​ഗിക ബുദ്ധി​യു​പ​ദേ​ശങ്ങൾ ജീവിതം വിജയ​പ്ര​ദ​മാ​ക്കാൻ അനേകരെ സഹായി​ച്ചി​ട്ടുണ്ട്‌. ചിലരു​ടെ അനുഭ​വ​ങ്ങ​ളാണ്‌ തുടർന്നു​വ​രുന്ന പേജു​ക​ളിൽ.