ഭാഗം 1
ദൈവം നമ്മളോടു സംസാരിക്കുന്നത്‌ എങ്ങനെയാണ്‌?
ബൈബിളിലൂടെയാണു ദൈവം നമ്മളോടു സംസാരിക്കുന്നത്‌. 2 തിമൊഥെയൊസ്‌ 3:16
സത്യദൈവം തനിക്കു പറയാനുള്ള കാര്യങ്ങൾ ചില ആളുകളെക്കൊണ്ട്‌ ഒരു പുസ്‌തകത്തിൽ എഴുതിച്ചു. വിശുദ്ധമായ ആ പുസ്‌തകം ബൈബിളാണ്‌. നമ്മൾ അറിയണമെന്നു ദൈവം ആഗ്രഹിക്കുന്ന വളരെ പ്രധാനപ്പെട്ട കാര്യങ്ങളാണ്‌ അതിലുള്ളത്‌.
നമുക്ക്‌ ഏറ്റവും ഗുണം ചെയ്യുന്നത്‌ എന്താണെന്നു ദൈവത്തിന്‌ അറിയാം. ശരിയായ ജ്ഞാനം നമുക്കു നൽകാൻ ദൈവത്തിനേ കഴിയൂ. ദൈവം പറയുന്നതു കേൾക്കുന്നെങ്കിൽ നിങ്ങൾ ജ്ഞാനികളാകും.—സുഭാഷിതങ്ങൾ 1:5.
എല്ലാ മനുഷ്യരും ബൈബിൾ വായിക്കാൻ ദൈവം ആഗ്രഹിക്കുന്നു. അത്‌ ഇപ്പോൾ പല ഭാഷകളിലുണ്ട്‌.
ദൈവം പറയുന്നതു കേൾക്കാൻ ആഗ്രഹിക്കുന്നെങ്കിൽ നിങ്ങൾ ബൈബിൾ വായിച്ചുമനസ്സിലാക്കണം.
എല്ലായിടത്തുമുള്ള ആളുകൾ ദൈവത്തെക്കുറിച്ച്‌ പഠിക്കുന്നു. മത്തായി 28:19
ബൈബിൾ മനസ്സിലാക്കാൻ യഹോവയുടെ സാക്ഷികൾക്കു നിങ്ങളെ സഹായിക്കാനാകും.
അവർ ഭൂമിയിൽ എല്ലായിടത്തുമുള്ള ആളുകളെ ദൈവത്തെക്കുറിച്ചുള്ള സത്യം പഠിപ്പിക്കുന്നു.
അങ്ങനെ പഠിക്കുന്നതിനു നിങ്ങൾ കാശ്‌ മുടക്കേണ്ടതില്ല. കൂടാതെ, നിങ്ങളുടെ അടുത്തുള്ള, യഹോവയുടെ സാക്ഷികളുടെ രാജ്യഹാളിൽനിന്നും നിങ്ങൾക്കു ദൈവത്തെക്കുറിച്ച്‌ പഠിക്കാനാകും.