യേശു ആരാണ്‌?

യഹോവ യേശു​വി​നെ ഭൂമി​യി​ലേക്ക്‌ അയച്ചു. 1 യോഹ​ന്നാൻ 4:9

യഹോവയെ സന്തോ​ഷി​പ്പി​ക്ക​ണ​മെ​ങ്കിൽ, പ്രധാ​ന​പ്പെട്ട മറ്റൊരു വ്യക്തി പറയു​ന്നതു നമ്മൾ കേൾക്കേ​ണ്ട​തുണ്ട്‌. ആദാമി​നെ സൃഷ്ടി​ക്കു​ന്ന​തി​നു വളരെ​മുമ്പ്‌ യഹോവ സ്വർഗ​ത്തിൽ ശക്തനായ ഒരു ആത്മവ്യ​ക്തി​യെ സൃഷ്ടിച്ചു.

പിന്നീട്‌, മറിയ എന്നു പേരുള്ള ഒരു കന്യക​യു​ടെ മകനായി ബേത്ത്‌ലെ​ഹെ​മിൽ ജനിക്കു​ന്ന​തിന്‌ യഹോവ ആ ആത്മവ്യ​ക്തി​യെ അയച്ചു. ആ കുട്ടിക്ക്‌ യേശു എന്നു പേരിട്ടു.​—യോഹ​ന്നാൻ 6:38.

ഒരു മനുഷ്യ​നാ​യി ഭൂമി​യി​ലാ​യി​രു​ന്ന​പ്പോൾ യേശു ദൈവ​ത്തി​ന്റെ ഗുണങ്ങൾ അതേ വിധത്തിൽ പകർത്തി. യേശു ദയയും സ്‌നേ​ഹ​വും ഉള്ളവനാ​യി​രു​ന്നു. ആർക്കും എപ്പോൾ വേണ​മെ​ങ്കി​ലും യേശു​വി​ന്റെ അടുത്തു​വ​രാ​മാ​യി​രു​ന്നു. യേശു യഹോ​വ​യെ​ക്കു​റി​ച്ചുള്ള സത്യം ആളുകളെ പഠിപ്പി​ച്ചു. അതു ചെയ്യു​ന്ന​തിന്‌ യേശു​വിന്‌ ഒരു പേടി​യു​മി​ല്ലാ​യി​രു​ന്നു.

യേശു നല്ല കാര്യങ്ങൾ ചെയ്‌തു; എന്നിട്ടും ആളുകൾ യേശു​വി​നെ വെറുത്തു. 1 പത്രോസ്‌ 2:21-24

മതനേതാക്കൾ യേശു​വി​നെ വെറുത്തു; കാരണം, അവരുടെ തെറ്റായ പഠിപ്പി​ക്ക​ലു​ക​ളെ​യും പ്രവർത്ത​ന​ങ്ങ​ളെ​യും കുറിച്ച്‌ യേശു ആളുക​ളോ​ടു പറഞ്ഞു.

യേശു രോഗി​കളെ സുഖ​പ്പെ​ടു​ത്തു​ക​യും മരിച്ച ചിലരെ ഉയിർപ്പി​ക്കു​ക​യും ചെയ്‌തു.

യേശുവിനെ അടിക്കാ​നും കൊല്ലാ​നും മതനേ​താ​ക്കൾ റോമാ​ക്കാ​രെ പ്രേരി​പ്പി​ച്ചു.