ശുശ്രൂ​ഷാ​ദാ​സ​ന്മാർ വിലപ്പെട്ട സേവനം ചെയ്യുന്നു

ഫിലി​പ്പി​യി​ലെ സഭയ്‌ക്കു പൗലോസ്‌ അപ്പോസ്‌തലൻ ഇങ്ങനെ എഴുതി: “ഫിലി​പ്പി​യി​ലുള്ള മേൽവി​ചാ​ര​ക​ന്മാ​രും ശുശ്രൂ​ഷാ​ദാ​സ​ന്മാ​രും ഉൾപ്പെടെ ക്രിസ്‌തു​യേ​ശു​വി​നോ​ടു യോജി​പ്പി​ലായ എല്ലാ വിശു​ദ്ധർക്കും, ക്രിസ്‌തു​യേ​ശു​വി​ന്റെ അടിമ​ക​ളായ പൗലോ​സും തിമൊ​ഥെ​യൊ​സും എഴുതു​ന്നത്‌.” (ഫിലി. 1:1) ശുശ്രൂ​ഷാ​ദാ​സ​ന്മാ​രെ​യും പൗലോസ്‌ അഭിവാ​ദനം ചെയ്‌തു എന്ന കാര്യം ശ്രദ്ധി​ക്കുക. അന്നുമു​തൽക്കേ ഈ പുരു​ഷ​ന്മാർ സഭകളിൽ മൂപ്പന്മാ​രെ സഹായി​ക്കു​ന്ന​തിൽ പ്രധാ​ന​പങ്കു വഹിച്ചി​രു​ന്ന​താ​യി തോന്നു​ന്നു. ഇന്നും അത്‌ അങ്ങനെ​ത​ന്നെ​യാണ്‌. ശുശ്രൂ​ഷാ​ദാ​സ​ന്മാർ മേൽവി​ചാ​ര​ക​ന്മാ​രെ സഹായി​ച്ചു​കൊണ്ട്‌ അനുഷ്‌ഠി​ക്കുന്ന വിശു​ദ്ധ​സേ​വനം, സഭയിൽ എല്ലാം ക്രമ​പ്ര​കാ​രം നടക്കാൻ സഹായി​ക്കു​ന്നു.

² നിങ്ങളു​ടെ സഭയിലെ ശുശ്രൂ​ഷാ​ദാ​സ​ന്മാർ ആരൊ​ക്കെ​യാ​ണെന്നു നിങ്ങൾക്ക്‌ അറിയാ​മോ? നിങ്ങൾക്കു​വേ​ണ്ടി​യും സഭയുടെ മുഴുവൻ പ്രയോ​ജ​ന​ത്തി​നു​വേ​ണ്ടി​യും അവർ എന്തെല്ലാം ചെയ്യു​ന്നു​ണ്ടെന്നു നിങ്ങൾ ചിന്തി​ച്ചി​ട്ടു​ണ്ടോ? ഈ പുരു​ഷ​ന്മാ​രു​ടെ പ്രയത്‌നങ്ങൾ യഹോവ കാണാതെ പോകു​ന്നില്ല. പൗലോസ്‌ എഴുതി: “നല്ല രീതി​യിൽ ശുശ്രൂഷ ചെയ്യു​ന്നവർ ഒരു നല്ല പേര്‌ നേടി​യെ​ടു​ക്കും. ക്രിസ്‌തു​യേ​ശു​വി​ലുള്ള വിശ്വാ​സ​ത്തെ​പ്പറ്റി നല്ല ആത്മ​ധൈ​ര്യ​ത്തോ​ടെ സംസാ​രി​ക്കാ​നും അവർക്കു സാധി​ക്കും.”—1 തിമൊ. 3:13.

ശുശ്രൂ​ഷാ​ദാ​സ​ന്മാ​രു​ടെ തിരു​വെ​ഴു​ത്തു​യോ​ഗ്യ​തകൾ

³ ശുശ്രൂ​ഷാ​ദാ​സ​ന്മാർ ഉത്തമ ക്രിസ്‌തീ​യ​ജീ​വി​തം നയിക്കു​ന്ന​വ​രാ​യി​രി​ക്കണം. അവർ ചുമത​ലാ​ബോ​ധ​മുള്ള പുരു​ഷ​ന്മാ​രും നിയമ​നങ്ങൾ വേണ്ടവി​ധം നിറ​വേ​റ്റാൻ ശ്രദ്ധയു​ള്ള​വ​രും ആയിരി​ക്കണം. ശുശ്രൂ​ഷാ​ദാ​സ​ന്മാ​രു​ടെ യോഗ്യ​ത​ക​ളെ​ക്കു​റിച്ച്‌ പൗലോസ്‌ തിമൊ​ഥെ​യൊ​സിന്‌ എഴുതിയ ലേഖന​ത്തിൽനിന്ന്‌ ഇതു വളരെ വ്യക്തമാണ്‌. അതിൽ ഇങ്ങനെ പറയുന്നു: “അതു​പോ​ലെ, ശുശ്രൂ​ഷാ​ദാ​സ​ന്മാ​രും കാര്യ​ഗൗ​ര​വ​മു​ള്ള​വ​രാ​യി​രി​ക്കണം. സന്ദർഭ​ത്തി​ന​നു​സ​രിച്ച്‌ കാര്യങ്ങൾ മാറ്റി​പ്പ​റ​യു​ന്ന​വ​രോ ധാരാളം വീഞ്ഞു കുടി​ക്കു​ന്ന​വ​രോ വളഞ്ഞ വഴിയി​ലൂ​ടെ നേട്ടമു​ണ്ടാ​ക്കാൻ നോക്കു​ന്ന​വ​രോ ആയിരി​ക്ക​രുത്‌. പകരം, ശുദ്ധമ​ന​സ്സാ​ക്ഷി​യോ​ടെ വിശ്വാ​സ​ത്തി​ന്റെ പാവന​ര​ഹ​സ്യ​ത്തോ​ടു പറ്റിനിൽക്കു​ന്ന​വ​രാ​യി​രി​ക്കണം. ഇവർ യോഗ്യ​രാ​ണോ എന്ന്‌ ആദ്യം​തന്നെ പരി​ശോ​ധി​ച്ച​റി​യണം. ആരോ​പ​ണ​ര​ഹി​ത​രാ​ണെ​ങ്കിൽ അവർ ശുശ്രൂ​ഷ​ക​രാ​യി സേവി​ക്കട്ടെ. ശുശ്രൂ​ഷാ​ദാ​സ​ന്മാർ ഒരു ഭാര്യ മാത്ര​മു​ള്ള​വ​രും മക്കളു​ടെ​യും സ്വന്തകു​ടും​ബ​ത്തി​ന്റെ​യും കാര്യ​ത്തിൽ നല്ല രീതി​യിൽ നേതൃ​ത്വ​മെ​ടു​ക്കു​ന്ന​വ​രും ആയിരി​ക്കട്ടെ.” (1 തിമൊ. 3:8-10, 12) ശുശ്രൂ​ഷാ​ദാ​സ​ന്മാർക്കു വെച്ചി​രി​ക്കുന്ന ഉയർന്ന ഈ നിലവാ​രം കാത്തു​സൂ​ക്ഷി​ക്കു​ന്നതു സഭയ്‌ക്ക്‌ ഒരു സംരക്ഷ​ണ​മാണ്‌. എങ്ങനെ? ഈ നിലവാ​രം കാത്തു​സൂ​ക്ഷി​ക്കു​ന്ന​പക്ഷം, പ്രത്യേക ഉത്തരവാ​ദി​ത്വ​ങ്ങൾ ഏൽപ്പി​ച്ചു​കി​ട്ടി​യി​രി​ക്കുന്ന പുരു​ഷ​ന്മാ​രു​ടെ യോഗ്യത സംബന്ധിച്ച്‌ ഒരു അപവാ​ദ​വും ഉയർന്നു​വ​രാൻ ഇടയാ​കു​ക​യില്ല.

⁴ ശുശ്രൂ​ഷാ​ദാ​സ​ന്മാർ, ചെറു​പ്പ​ക്കാ​രാ​യാ​ലും പ്രായ​മു​ള്ള​വ​രാ​യാ​ലും ഓരോ മാസവും സജീവ​മാ​യി ശുശ്രൂ​ഷ​യിൽ പങ്കെടു​ക്കു​ന്നു. ശുശ്രൂ​ഷ​യിൽ ഇങ്ങനെ തീക്ഷ്‌ണത കാണി​ക്കു​മ്പോൾ അവർ യേശു​വി​നെ അനുക​രി​ക്കു​ക​യാണ്‌. അതു​പോ​ലെ, മനുഷ്യ​വർഗത്തെ രക്ഷിക്കാ​നുള്ള യഹോ​വ​യു​ടെ താത്‌പ​ര്യം പ്രതി​ഫ​ലി​പ്പി​ക്കു​ക​യു​മാണ്‌.​—യശ. 9:7.

⁵ ഈ പുരു​ഷ​ന്മാർ വസ്‌ത്ര​ധാ​രണം, ചമയം, സംസാരം, മനോ​ഭാ​വം, പെരു​മാ​റ്റം എന്നീ കാര്യ​ങ്ങ​ളിൽ നല്ല മാതൃക വെക്കു​ന്ന​വ​രാ​യി​രി​ക്കണം. അവർ സുബോ​ധ​മു​ള്ള​വ​രു​മാ​യി​രി​ക്കണം, അത്‌ അവർക്കു മറ്റുള്ള​വ​രു​ടെ ആദരവ്‌ നേടി​ക്കൊ​ടു​ക്കും. അവർ യഹോ​വ​യു​മാ​യുള്ള ബന്ധത്തെ​യും സഭയിലെ സേവന​പ​ദ​വി​ക​ളെ​യും ഗൗരവ​ത്തോ​ടെ കാണു​ന്ന​വ​രു​മാ​യി​രി​ക്കും.​—തീത്തോ. 2:2, 6-8.

⁶ ഈ പുരു​ഷ​ന്മാർ, “യോഗ്യ​രാ​ണോ എന്ന്‌ ആദ്യം​തന്നെ പരി​ശോ​ധി​ച്ചറി”ഞ്ഞതാണ്‌. അർപ്പി​ത​രാ​യി സേവനം ചെയ്യാൻ മനസ്സു​ള്ള​വ​രാ​ണെന്നു നിയമനം സ്വീക​രി​ക്കു​ന്ന​തി​നു മുമ്പു​തന്നെ അവർ തെളി​യി​ച്ചി​ട്ടു​ള്ള​താണ്‌. ജീവി​ത​ത്തിൽ ദൈവ​രാ​ജ്യ​താത്‌പ​ര്യ​ങ്ങൾക്ക്‌ ഒന്നാം സ്ഥാനമു​ണ്ടെന്ന്‌ അവർ കാണി​ച്ചി​രി​ക്കു​ന്നു. തങ്ങളുടെ മുന്നി​ലുള്ള ഏതൊരു സേവന​പ​ദ​വി​യും എത്തിപ്പി​ടി​ക്കാൻ യത്‌നി​ക്കു​ന്ന​വ​രാണ്‌ അവർ. സഭയിലെ മറ്റു സഹോ​ദ​ര​ങ്ങൾക്ക്‌ അനുക​രി​ക്കാ​വുന്ന മാതൃ​ക​കൾതന്നെ.​—1 തിമൊ. 3:10.

അവർ സഭയിൽ സേവന​മ​നുഷ്‌ഠി​ക്കു​ന്നത്‌ എങ്ങനെ?

⁷ തങ്ങളുടെ സഹോ​ദ​രീ​സ​ഹോ​ദ​ര​ന്മാർക്കു​വേണ്ടി ശുശ്രൂ​ഷാ​ദാ​സ​ന്മാർ എന്തെല്ലാം സേവന​ങ്ങ​ളാ​ണു ചെയ്യു​ന്ന​തെ​ന്നോ! ഇവർ ഇതെല്ലാം ചെയ്യു​ന്ന​തു​കൊണ്ട്‌ മേൽവി​ചാ​ര​ക​ന്മാർക്കു പഠിപ്പി​ക്ക​ലി​നോ​ടും ആടുകളെ മേയ്‌ക്കു​ന്ന​തി​നോ​ടും ബന്ധപ്പെട്ട കാര്യ​ങ്ങൾക്കു കൂടുതൽ സമയം ചെലവി​ടാൻ സാധി​ക്കു​ന്നു. ശുശ്രൂ​ഷാ​ദാ​സ​ന്മാർക്കു നിയമ​നങ്ങൾ കൊടു​ക്കു​മ്പോൾ മൂപ്പന്മാ​രു​ടെ സംഘം ഈ സഹോ​ദ​ര​ന്മാർക്ക്‌ ഓരോ​രു​ത്തർക്കും ഉള്ള പ്രാപ്‌തി​കൾ കണക്കി​ലെ​ടു​ക്കു​ന്നു. സഭയുടെ ആവശ്യ​വും പരിഗ​ണി​ക്കു​ന്നു.

⁸ അവർ ചെയ്യുന്ന ചില സേവനങ്ങൾ നോക്കാം: ഒരു ശുശ്രൂ​ഷാ​ദാ​സനെ സഭയിലെ പ്രസി​ദ്ധീ​ക​ര​ണ​ങ്ങ​ളു​ടെ കാര്യങ്ങൾ നോക്കാൻ ഏൽപ്പി​ച്ചേ​ക്കാം. നമുക്കു വ്യക്തി​പ​ര​മാ​യി പഠിക്കാ​നും വയൽശു​ശ്രൂ​ഷ​യിൽ ഉപയോ​ഗി​ക്കാ​നും ഉള്ള പ്രസി​ദ്ധീ​ക​ര​ണങ്ങൾ മുടക്കം കൂടാതെ കിട്ടാൻ ഇതു സഹായി​ക്കു​ന്നു. വേറെ ചിലരെ സഭാക​ണ​ക്കു​ക​ളോ പ്രദേശം സംബന്ധിച്ച രേഖക​ളോ സൂക്ഷി​ക്കാൻ ഏൽപ്പി​ക്കു​ന്നു. മൈ​ക്രോ​ഫോ​ണു​കൾ കൈകാ​ര്യം ചെയ്യാ​നും ശബ്ദസം​വി​ധാ​നം പ്രവർത്തി​പ്പി​ക്കാ​നും മൂപ്പന്മാ​രെ മറ്റു പല വിധങ്ങ​ളിൽ സഹായി​ക്കാ​നും ഉള്ള ചുമത​ലകൾ ശുശ്രൂ​ഷാ​ദാ​സ​ന്മാർക്കു കൊടു​ക്കു​ന്നു. സേവക​ന്മാ​രാ​യും അവരെ ഉപയോ​ഗി​ക്കാ​റുണ്ട്‌. രാജ്യ​ഹാൾ വൃത്തി​യാ​യി സൂക്ഷി​ക്കാ​നും കേടു​പോ​ക്കി പരിപാ​ലി​ക്കാ​നും ധാരാളം ജോലി​കൾ ചെയ്യേ​ണ്ട​താ​യി വരും. ഈ ഉത്തരവാ​ദി​ത്വ​ങ്ങൾ നിർവ​ഹി​ക്കാ​നുള്ള സഹായ​ത്തി​നു പലപ്പോ​ഴും ശുശ്രൂ​ഷാ​ദാ​സ​ന്മാ​രെ വിളി​ക്കാ​റുണ്ട്‌.

⁹ ചില സഭകളിൽ മേൽപ്പറഞ്ഞ ഓരോ ചുമത​ല​യും ഏൽപ്പി​ച്ചു​കൊ​ടു​ക്കു​ന്ന​തി​നു വേണ്ടത്ര ശുശ്രൂ​ഷാ​ദാ​സ​ന്മാർ ഉണ്ടായി​രി​ക്കും. മറ്റു ചില ഇടങ്ങളിൽ, ഒരു ശുശ്രൂ​ഷാ​ദാ​സനു പല നിയമ​നങ്ങൾ നോ​ക്കേ​ണ്ട​താ​യി​വ​രും. വേറെ ചില സഭകളിൽ ഒരു കാര്യ​ത്തിന്‌ ഒന്നി​ലേറെ ശുശ്രൂ​ഷാ​ദാ​സ​ന്മാ​രെ നിയമി​ച്ചേ​ക്കാം. ആവശ്യ​ത്തി​നു ശുശ്രൂ​ഷാ​ദാ​സ​ന്മാർ ഇല്ലാത്ത സഭകളിൽ ഈ ചുമത​ല​ക​ളിൽ ചിലതു നിർവ​ഹി​ക്കാൻ സ്‌നാ​ന​മേറ്റ മാതൃ​കാ​യോ​ഗ്യ​രായ സഹോ​ദ​ര​ന്മാ​രിൽ ചിലരെ മൂപ്പന്മാ​രു​ടെ സംഘം നിയമി​ക്കാ​റുണ്ട്‌. ഇങ്ങനെ കിട്ടുന്ന അനുഭ​വ​പ​രി​ചയം പിന്നീട്‌, ശുശ്രൂ​ഷാ​ദാ​സ​ന്മാ​രാ​യി യോഗ്യത നേടു​മ്പോൾ അവർക്ക്‌ ഉപകാ​ര​പ്പെ​ടും. യോഗ്യ​രായ സഹോ​ദ​ര​ന്മാർ ഇല്ലാ​തെ​വ​ന്നാൽ, ചില കാര്യ​ങ്ങ​ളിൽ സഹായി​ക്കാ​നാ​യി മാതൃ​കാ​യോ​ഗ്യ​യായ ഒരു സഹോ​ദ​രി​യെ വെക്കാ​വു​ന്ന​താണ്‌. എന്നാൽ സഹോ​ദ​രി​മാർ ഒരിക്ക​ലും ശുശ്രൂ​ഷാ​ദാ​സി​മാ​രാ​യി നിയമി​ക്ക​പ്പെ​ടു​ന്നില്ല. ഒരു സഹോ​ദ​ര​നോ സഹോ​ദ​രി​യോ നല്ലൊരു മാതൃ​ക​യാ​ണെന്ന്‌ എങ്ങനെ പറയാം? ആ വ്യക്തി​യു​ടെ പെരു​മാ​റ്റ​വും സ്വഭാ​വ​രീ​തി​ക​ളും ആരാധ​ന​യും അനുക​ര​ണ​യോ​ഗ്യ​മാ​യി​രി​ക്കും. ആ വ്യക്തി​യു​ടെ യോഗ​ഹാ​ജർ, ശുശ്രൂ​ഷ​യി​ലെ പങ്കാളി​ത്തം, കുടും​ബ​ജീ​വി​തം, തിര​ഞ്ഞെ​ടു​ക്കുന്ന വിനോ​ദങ്ങൾ, വസ്‌ത്ര​ധാ​രണം, ചമയം എന്നിങ്ങ​നെ​യെ​ല്ലാം മറ്റുള്ള​വർക്കു നല്ല മാതൃ​ക​യാ​യി​രി​ക്കും.

¹⁰ വളരെ കുറച്ച്‌ മൂപ്പന്മാർ മാത്ര​മുള്ള സഭകളിൽ, സ്‌നാ​ന​മേൽക്കാൻ ആഗ്രഹി​ക്കു​ന്ന​വ​രോട്‌ ഉപദേ​ശ​പ​ര​മായ കാര്യ​ങ്ങ​ളു​മാ​യി ബന്ധപ്പെട്ട ചോദ്യ​ങ്ങൾ ചോദി​ക്കാൻ പ്രാപ്‌ത​രായ ശുശ്രൂ​ഷാ​ദാ​സ​ന്മാ​രെ ചുമത​ല​പ്പെ​ടു​ത്താ​റുണ്ട്‌. ആ ചോദ്യ​ങ്ങൾ ഈ പുസ്‌ത​ക​ത്തി​ന്റെ അനുബ​ന്ധ​ത്തി​ലുള്ള “ഭാഗം 1: ക്രിസ്‌തീ​യ​വി​ശ്വാ​സങ്ങൾ” എന്നതിനു കീഴിൽ കാണാം. എന്നാൽ “ഭാഗം 2: ക്രിസ്‌തീ​യ​ജീ​വി​തം” എന്നതിൽ കൂടുതൽ ശ്രദ്ധ​യോ​ടെ കൈകാ​ര്യം ചെയ്യേണ്ട വ്യക്തി​പ​ര​മായ കാര്യങ്ങൾ ഉൾപ്പെ​ടു​ന്ന​തി​നാൽ ഒരു മൂപ്പനാ​യി​രി​ക്കണം ആ ചോദ്യ​ങ്ങൾ ചോദി​ക്കേ​ണ്ടത്‌.

¹¹ തക്കതായ കാരണ​ത്താൽ, ഒരു ശുശ്രൂ​ഷാ​ദാ​സനു കൊടു​ത്തി​രി​ക്കുന്ന നിയമ​ന​ങ്ങ​ളിൽ ചിലതു വേറൊ​രു ശുശ്രൂ​ഷാ​ദാ​സനെ ഏൽപ്പി​ക്കു​ന്ന​തു​കൊണ്ട്‌ പ്രയോ​ജ​ന​മു​ണ്ടെന്നു മൂപ്പന്മാർക്കു തോന്നു​ന്ന​പക്ഷം മൂപ്പന്മാ​രു​ടെ സംഘത്തിന്‌ ഇടയ്‌ക്കൊ​ക്കെ അങ്ങനെ ചെയ്യാ​വു​ന്ന​താണ്‌. എന്നിരു​ന്നാ​ലും, സഹോ​ദ​ര​ന്മാർ ഒരേ നിയമ​ന​ങ്ങ​ളിൽ കുറെ​ക്കാ​ലം തുടരു​ന്ന​തു​കൊണ്ട്‌ ഏറെ പ്രയോ​ജ​ന​മുണ്ട്‌. അനുഭ​വ​പ​രി​ച​യ​വും വൈദഗ്‌ധ്യ​വും നേടാൻ അത്‌ അവരെ സഹായി​ക്കും.

¹² സാഹച​ര്യ​ങ്ങ​ള​നു​സ​രിച്ച്‌ ശുശ്രൂ​ഷാ​ദാ​സ​ന്മാർക്കു മറ്റ്‌ ഉത്തരവാ​ദി​ത്വ​ങ്ങ​ളും ഏൽപ്പി​ച്ചു​കൊ​ടു​ക്കാം. പക്ഷേ, അങ്ങനെ​യു​ള്ള​വ​രു​ടെ ‘പുരോ​ഗതി എല്ലാവ​രും വ്യക്തമാ​യി കാണണം’ എന്നുമാ​ത്രം. (1 തിമൊ. 4:15) ആവശ്യ​ത്തി​നു മൂപ്പന്മാ​രി​ല്ലെ​ങ്കിൽ, ഒരു ശുശ്രൂ​ഷാ​ദാ​സനെ ഒരു ഗ്രൂപ്പ്‌ മേൽവി​ചാ​ര​കന്റെ സഹായി​യാ​യി നിയമി​ക്കാ​വു​ന്ന​താണ്‌. ചില​പ്പോൾ, ഗ്രൂപ്പ്‌ ദാസനാ​യും നിയമി​ക്കാം. എന്നാൽ മൂപ്പന്മാ​രു​ടെ നല്ല മേൽനോ​ട്ട​ത്തിൻകീ​ഴി​ലാ​യി​രി​ക്കണം ഇത്‌. ശുശ്രൂ​ഷാ​ദാ​സ​ന്മാ​രെ ജീവിത-സേവന യോഗ​ത്തി​ലെ ചില പരിപാ​ടി​കൾ നടത്തു​ന്ന​തിന്‌ ഉപയോ​ഗി​ക്കാ​വു​ന്ന​താണ്‌. ആവശ്യം വരുന്ന​പക്ഷം സഭാ ബൈബിൾപ​ഠനം നിർവ​ഹി​ക്കാ​നും പൊതു​പ്ര​സം​ഗം നടത്താ​നും അവരെ നിയമി​ക്കാം. ഏതെങ്കി​ലും പ്രത്യേക ആവശ്യ​ങ്ങ​ളുള്ള സാഹച​ര്യ​ങ്ങ​ളിൽ മറ്റു ചില പദവി​ക​ളി​ലും ശുശ്രൂ​ഷാ​ദാ​സ​ന്മാ​രെ നിയമി​ക്കാ​വു​ന്ന​താണ്‌. എന്നാൽ ആ നിയമനം നിറ​വേ​റ്റാ​നുള്ള യോഗ്യത അവർക്കു​ണ്ടെന്ന്‌ ഉറപ്പു​വ​രു​ത്തി​യി​രി​ക്കണം. (1 പത്രോ. 4:10) മൂപ്പന്മാ​രെ സഹായി​ക്കുന്ന കാര്യ​ത്തിൽ ശുശ്രൂ​ഷാ​ദാ​സ​ന്മാർ കഠിനാ​ധ്വാ​നം ചെയ്യാൻ മനസ്സോ​ടെ മുന്നോ​ട്ടു​വ​രണം.

¹³ മൂപ്പന്മാ​രു​ടേ​തിൽനി​ന്നും വ്യത്യസ്‌ത​മാ​ണു ശുശ്രൂ​ഷാ​ദാ​സ​ന്മാ​രു​ടെ സേവന​മെ​ങ്കി​ലും അതും ദൈവ​ത്തിന്‌ അർപ്പി​ക്കുന്ന വിശു​ദ്ധ​സേ​വ​ന​ത്തി​ന്റെ ഭാഗമാണ്‌, സഭയുടെ സുഗമ​മായ പ്രവർത്ത​ന​ത്തി​നു വളരെ ആവശ്യ​വു​മാണ്‌. കാലാ​ന്ത​ര​ത്തിൽ, ശുശ്രൂ​ഷാ​ദാ​സ​ന്മാർ അവരുടെ ചുമത​ലകൾ നന്നായി നിറ​വേ​റ്റു​ക​യും ഇടയന്മാ​രും ഉപദേ​ഷ്ടാ​ക്ക​ന്മാ​രും ആയി സേവന​മ​നുഷ്‌ഠി​ക്കാൻ യോഗ്യത നേടു​ക​യും ചെയ്യു​മ്പോൾ അവരെ മൂപ്പന്മാ​രാ​യി നിയമി​ക്കാൻ ശുപാർശ ചെയ്‌തേ​ക്കാം.

¹⁴ നിങ്ങൾ ഒരു കൗമാ​ര​ക്കാ​ര​നോ പുതു​താ​യി സ്‌നാ​ന​മേറ്റ ഒരു സഹോ​ദ​ര​നോ ആണോ? എങ്കിൽ, ഒരു ശുശ്രൂ​ഷാ​ദാ​സ​നാ​കാ​നുള്ള യോഗ്യ​ത​യി​ലെ​ത്താൻ യത്‌നി​ക്കു​ന്നു​ണ്ടോ? (1 തിമൊ. 3:1) ഓരോ വർഷവും ധാരാളം ആളുകൾ സത്യം സ്വീക​രിച്ച്‌ സഭയി​ലേക്കു വന്നു​കൊ​ണ്ടി​രി​ക്കു​ക​യാണ്‌. അതു​കൊ​ണ്ടു​തന്നെ സഭയിലെ ഉത്തരവാ​ദി​ത്വ​ങ്ങൾ നിർവ​ഹി​ക്കാൻ യോഗ്യ​ത​യുള്ള ആത്മീയ​മ​നസ്‌ക​രായ ധാരാളം പുരു​ഷ​ന്മാ​രെ ആവശ്യ​മുണ്ട്‌. ആളുകളെ സഹായി​ക്കാ​നുള്ള ഒരു ആഗ്രഹം വളർത്തി​ക്കൊണ്ട്‌ ഈ പദവി​യി​ലെ​ത്തി​ച്ചേ​രാൻ നിങ്ങൾക്ക്‌ യത്‌നി​ക്കാ​നാ​കും. യേശു വെച്ച നല്ല മാതൃ​ക​യെ​ക്കു​റിച്ച്‌ മനസ്സി​രു​ത്തി ചിന്തി​ക്കു​ന്നതു സഹായ​മ​ന​സ്ഥി​തി വളർത്തി​യെ​ടു​ക്കാ​നുള്ള ഒരു വിധമാണ്‌. (മത്താ. 20:28; യോഹ. 4:6, 7;  13:4, 5) മറ്റുള്ള​വർക്കു കൊടു​ത്തു​ശീ​ലി​ക്കുക. അതിന്റെ സന്തോഷം അനുഭ​വി​ച്ച​റി​യു​മ്പോൾ ആളുകളെ സഹായി​ക്കാ​നുള്ള നിങ്ങളു​ടെ ആഗ്രഹ​വും വളരും. (പ്രവൃ. 20:35) അതു​കൊണ്ട്‌, മറ്റുള്ള​വർക്കു സഹായം ആവശ്യ​മുള്ള സാഹച​ര്യ​ങ്ങ​ളി​ലൊ​ക്കെ മനസ്സോ​ടെ മുന്നോ​ട്ടു​വ​രുക; രാജ്യ​ഹാ​ളി​ന്റെ അറ്റകു​റ്റ​പ്പ​ണി​ക​ളിൽ സഹായി​ക്കാൻ തയ്യാറാ​കുക; ജീവിത–സേവന​യോ​ഗ​ത്തിൽ ഒരു വിദ്യാർഥി​നി​യ​മനം മറ്റൊ​രാൾക്കു പകരം നടത്തേ​ണ്ടി​വ​ന്നാൽ അതിനും മുന്നോ​ട്ടു​വ​രുക. ശുശ്രൂ​ഷാ​ദാ​സ​നാ​കാ​നുള്ള യോഗ്യ​ത​യി​ലെ​ത്താൻ യത്‌നി​ക്കു​ന്ന​തിൽ, ആത്മീയ​ഗു​ണങ്ങൾ വളർത്തി​യെ​ടു​ക്കു​ന്നത്‌ ഉൾപ്പെ​ടു​ന്നുണ്ട്‌. വ്യക്തി​പ​ര​മായ പഠനം പതിവാ​യി ഉണ്ടെങ്കിൽ അതു സാധി​ക്കും. (സങ്കീ. 1:1, 2; ഗലാ. 5:22, 23) കൂടാതെ, ലക്ഷ്യം​വെച്ച്‌ യത്‌നി​ക്കുന്ന ഒരു സഹോ​ദരൻ സഭാനി​യ​മ​നങ്ങൾ ലഭിക്കു​മ്പോൾ വിശ്വസ്‌ത​മാ​യി നിർവ​ഹി​ക്കും. ഏൽപ്പിച്ച കാര്യം ചെയ്യും എന്ന്‌ അദ്ദേഹ​ത്തെ​ക്കു​റിച്ച്‌ പറയാൻ കഴിയണം.​—1 കൊരി. 4:2.

¹⁵ സഭയുടെ നന്മയ്‌ക്കു​വേ​ണ്ടി​യാണ്‌ യഹോവ പരിശു​ദ്ധാ​ത്മാ​വി​നാൽ ശുശ്രൂ​ഷാ​ദാ​സ​ന്മാ​രെ നിയമി​ക്കു​ന്നത്‌. സഭ ക്രമവും ചിട്ടയും ഉള്ള ഒരു ഭവനം​പോ​ലെ​യാ​യി​രി​ക്കാ​നാണ്‌ യഹോവ ഈ കരുതൽ ചെയ്‌തി​രി​ക്കു​ന്നത്‌. ഏൽപ്പി​ച്ചി​രി​ക്കുന്ന ചുമത​ലകൾ അവർ ചെയ്യു​മ്പോൾ സഹകരി​ച്ചു​കൊണ്ട്‌, സഭയിലെ എല്ലാവർക്കും കഠിനാ​ധ്വാ​നം ചെയ്യുന്ന ശുശ്രൂ​ഷാ​ദാ​സ​ന്മാ​രോ​ടു നന്ദിയും സ്‌നേ​ഹ​വും കാണി​ക്കാ​നാ​കും. ഇങ്ങനെ ചെയ്യു​മ്പോൾ, യഹോ​വ​യു​ടെ ഈ കരുത​ലി​നോ​ടു സഭയൊ​ന്നാ​കെ കൃതജ്ഞത കാണി​ക്കു​ക​യാണ്‌.​—ഗലാ. 6:10.