യേശു ആയിര​ങ്ങ​ളു​ടെ വിശപ്പ​ട​ക്കു​ന്നു

എ.ഡി. 32-ലെ പെസഹയ്‌ക്കു തൊട്ടു​മു​മ്പുള്ള സമയം. അപ്പോസ്‌ത​ല​ന്മാർ ഒരു പ്രസം​ഗ​പ​ര്യ​ടനം കഴിഞ്ഞ്‌ തിരി​ച്ചെത്തി. അവർ ആകെ ക്ഷീണി​ത​രാണ്‌. അതു​കൊണ്ട്‌ ഒന്നു വിശ്ര​മി​ക്കാൻവേണ്ടി യേശു അവരെ വള്ളത്തിൽ ബേത്ത്‌സ​യി​ദ​യി​ലേക്കു കൊണ്ടു​പോ​യി. വള്ളം കരയോട്‌ അടുത്ത​പ്പോൾ ആയിര​ക്ക​ണ​ക്കിന്‌ ആളുകളെ അവിടെ കണ്ടു. യേശു അവി​ടേക്കു പോന്ന​ത​റിഞ്ഞ്‌ എത്തിയ​താ​യി​രു​ന്നു അവർ. അപ്പോസ്‌ത​ല​ന്മാ​രു​ടെ​കൂ​ടെ ഒറ്റയ്‌ക്കാ​യി​രി​ക്കാൻ ആഗ്രഹി​ച്ചെ​ങ്കി​ലും യേശു ദയയോ​ടെ അവരെ സ്വീക​രി​ച്ചു. അക്കൂട്ട​ത്തി​ലു​ണ്ടാ​യി​രുന്ന രോഗി​കളെ സുഖ​പ്പെ​ടു​ത്തി. അവരെ പഠിപ്പി​ക്കാൻതു​ട​ങ്ങു​ക​യും ചെയ്‌തു. ദിവസം മുഴുവൻ യേശു ദൈവ​രാ​ജ്യ​ത്തെ​ക്കു​റിച്ച്‌ അവരെ പഠിപ്പി​ച്ചു. വൈകു​ന്നേ​ര​മാ​യ​പ്പോൾ അപ്പോസ്‌ത​ല​ന്മാർ വന്ന്‌ ഇങ്ങനെ പറഞ്ഞു: ‘ആളുകൾക്കു വിശക്കു​ന്നു​ണ്ടാ​കും. അവരെ പറഞ്ഞ്‌ വിടൂ. അവർ എന്തെങ്കി​ലും വാങ്ങി കഴിക്കട്ടെ.’

യേശു പറഞ്ഞു: ‘അവർ പോകേണ്ട കാര്യ​മില്ല. അവർക്ക്‌ എന്തെങ്കി​ലും കഴിക്കാൻ കൊടു​ക്കൂ.’ അപ്പോസ്‌ത​ല​ന്മാർ ചോദി​ച്ചു: ‘ഞങ്ങൾ പോയി എന്തെങ്കി​ലും വാങ്ങി​ക്കൊണ്ട്‌ വരാനാ​ണോ അങ്ങ്‌ പറയു​ന്നത്‌?’ അപ്പോൾ അപ്പോസ്‌ത​ല​ന്മാ​രിൽ ഒരാളായ ഫിലി​പ്പോസ്‌ പറഞ്ഞു: ‘നമ്മുടെ കൈയിൽ എത്ര പണമു​ണ്ടെ​ങ്കി​ലും ഇത്രയും വലിയ ജനക്കൂ​ട്ട​ത്തി​നു വേണ്ട അപ്പം വാങ്ങാൻ കഴിയില്ല.’

യേശു ചോദി​ച്ചു: ‘നമ്മുടെ കൈയിൽ എന്തുമാ​ത്രം ഭക്ഷണമുണ്ട്‌?’ അന്ത്ര​യോസ്‌ പറഞ്ഞു: ‘അഞ്ച്‌ അപ്പവും ചെറിയ രണ്ടു മീനും, പക്ഷേ അതു​കൊണ്ട്‌ എന്താകാ​നാ?’ അപ്പോൾ യേശു, ‘ആ അപ്പവും മീനും കൊണ്ടു​വരൂ’ എന്നു പറഞ്ഞു. എന്നിട്ട്‌ ആളുക​ളോട്‌ 50 പേരു​ടെ​യും 100 പേരു​ടെ​യും കൂട്ടങ്ങ​ളാ​യി പുൽപ്പു​റത്ത്‌ ഇരിക്കാൻ ആവശ്യ​പ്പെട്ടു. യേശു അപ്പവും മീനും എടുത്ത്‌ ആകാശ​ത്തേക്കു നോക്കി പ്രാർഥി​ച്ചു. തുടർന്ന്‌ അത്‌ അപ്പോസ്‌ത​ല​ന്മാ​രു​ടെ കൈയിൽ കൊടു​ത്തു. അവർ അത്‌ ജനത്തി​നും കൊടു​ത്തു. 5,000 പുരു​ഷ​ന്മാ​രും കൂടാതെ സ്‌ത്രീ​ക​ളും കുട്ടി​ക​ളും മതിയാ​കു​വോ​ളം കഴിച്ചു. മിച്ചം വന്നതെ​ല്ലാം അപ്പോസ്‌ത​ല​ന്മാർ ശേഖരി​ച്ചു. അതു​കൊണ്ട്‌ ഒന്നും പാഴാ​യില്ല. അതു 12 കൊട്ട നിറയെ ഉണ്ടായി​രു​ന്നു! എത്ര വലിയ അത്ഭുത​മാ​യി​രു​ന്നു അത്‌, അല്ലേ?

യേശു ഈ ചെയ്‌ത​തിൽ മതിപ്പു തോന്നി​യിട്ട്‌ ആളുകൾ യേശു​വി​നെ രാജാ​വാ​ക്കാൻ ആഗ്രഹി​ച്ചു. പക്ഷേ താൻ രാജാ​വാ​കാ​നുള്ള യഹോ​വ​യു​ടെ സമയം ആയിട്ടി​ല്ലെന്നു യേശു​വിന്‌ അറിയാ​മാ​യി​രു​ന്നു. അതു​കൊണ്ട്‌ യേശു ജനക്കൂ​ട്ടത്തെ പറഞ്ഞയച്ചു. എന്നിട്ട്‌ അപ്പോസ്‌ത​ല​ന്മാ​രോട്‌ ഗലീല​ക്ക​ട​ലി​ന്റെ മറുക​ര​യി​ലേക്കു പോകാൻ പറഞ്ഞു. അവർ വള്ളത്തിൽ കയറി പോയ​പ്പോൾ യേശു തനിച്ച്‌ ഒരു മലയി​ലേക്കു പോയി. കാരണം പിതാ​വി​നോ​ടു പ്രാർഥി​ക്കാൻ യേശു​വി​നു സമയം വേണമാ​യി​രു​ന്നു. എത്ര തിരക്കാ​യി​രു​ന്നെ​ങ്കി​ലും പ്രാർഥി​ക്കാൻ യേശു എപ്പോ​ഴും സമയം കണ്ടെത്തി.