അത്ഭുത​ക​ര​മാ​യി അപ്പം കൊടു​ത്ത​തിൽനിന്ന്‌ പഠിക്കാം

1. ബൈബി​ളിൽ അപ്പത്തിന്‌ എത്ര​ത്തോ​ളം പ്രാധാ​ന്യ​മു​ണ്ടാ​യി​രു​ന്നു?

ബൈബിൾക്കാ​ല​ങ്ങ​ളി​ലെ ഒരു പ്രധാ​ന​ഭ​ക്ഷ​ണ​മാ​യി​രു​ന്നു അപ്പം. (ഉൽപ. 14:18; ലൂക്കോ. 4:4) ബൈബി​ളിൽ, ഭക്ഷണത്തെ അർഥമാ​ക്കാ​നാ​യി ചില​പ്പോ​ഴൊ​ക്കെ “അപ്പം” എന്ന വാക്ക്‌ ഉപയോ​ഗി​ച്ചി​ട്ടുണ്ട്‌. (മത്താ. 6:11, പഠനക്കു​റിപ്പ്‌; യോഹ. 13:18) യേശു​വി​ന്റെ പ്രസി​ദ്ധ​മായ രണ്ട്‌ അത്ഭുത​ങ്ങ​ളി​ലും അപ്പത്തിനു വലിയ പ്രാധാ​ന്യ​മു​ണ്ടാ​യി​രു​ന്നു. (മത്താ. 16:9, 10) അതി​ലൊ​രു സംഭവം യോഹ​ന്നാൻ 6-ാം അധ്യാ​യ​ത്തിൽ കാണാം. ആ വിവരണം ചർച്ച ചെയ്‌തിട്ട്‌ അതിൽനിന്ന്‌ ഇന്നു നമുക്കു പഠിക്കാ​നാ​കുന്ന പാഠങ്ങൾ എന്തൊ​ക്കെ​യാ​ണെന്നു നോക്കാം.

2. ആയിര​ക്ക​ണ​ക്കിന്‌ ആളുകൾക്കു ഭക്ഷണം ആവശ്യ​മാ​യി​വ​ന്നത്‌ എപ്പോ​ഴാണ്‌?

² പ്രസം​ഗ​പ്ര​വർത്ത​ന​ത്തി​നു ശേഷം യേശു​വും അപ്പോ​സ്‌ത​ല​ന്മാ​രും അൽപ്പം വിശ്ര​മി​ക്കാൻ ആഗ്രഹി​ച്ചു. അതു​കൊണ്ട്‌ യേശു അവരെ വള്ളത്തിൽ കയറ്റി ഗലീല​ക്കടൽ കടന്ന്‌ ബേത്ത്‌സ​യി​ദ​യി​ലെ ഒരു ഒറ്റപ്പെട്ട സ്ഥലത്തേക്കു പോയി. (മർക്കോ. 6:7, 30-32; ലൂക്കോ. 9:10) പെട്ടെ​ന്നു​തന്നെ യേശു​വി​നെ കാണാൻ അവിടെ ആയിര​ക്ക​ണ​ക്കിന്‌ ആളുകൾ ഒന്നിച്ചു​കൂ​ടി. അവരെ ഒഴിവാ​ക്കു​ന്ന​തി​നു പകരം ദൈവ​രാ​ജ്യ​ത്തെ​ക്കു​റിച്ച്‌ പഠിപ്പി​ക്കാ​നും അവരെ സുഖ​പ്പെ​ടു​ത്താ​നും യേശു സമയം കണ്ടെത്തി. എന്നാൽ നേരം വൈകി​യ​തു​കൊണ്ട്‌ ഈ ആളുക​ളൊ​ക്കെ ഇനി എന്തു കഴിക്കും എന്നു ശിഷ്യ​ന്മാർ ചിന്തിച്ചു. ചിലരു​ടെ കൈയിൽ കുറ​ച്ചൊ​ക്കെ ഭക്ഷണമു​ണ്ടാ​യി​രു​ന്നു. എന്നാൽ മിക്കവർക്കും ഗ്രാമ​ങ്ങ​ളിൽ ചെന്ന്‌ ഭക്ഷണം വാങ്ങണ​മാ​യി​രു​ന്നു. (മത്താ. 14:15; യോഹ. 6:4, 5) യേശു ഇപ്പോൾ എന്തു ചെയ്യും?

യേശു അത്ഭുത​ക​ര​മാ​യി അപ്പം കൊടു​ക്കു​ന്നു

3. ജനക്കൂ​ട്ട​ത്തി​നു​വേണ്ടി എന്തു ചെയ്യാ​നാ​ണു യേശു അപ്പോ​സ്‌ത​ല​ന്മാ​രോ​ടു പറഞ്ഞത്‌? (പുറം​താ​ളി​ലെ ചിത്ര​വും കാണുക.)

³ യേശു അപ്പോ​സ്‌ത​ല​ന്മാ​രോ​ടു പറഞ്ഞു: “അവർ പോകേണ്ട കാര്യ​മില്ല; നിങ്ങൾ അവർക്കു വല്ലതും കഴിക്കാൻ കൊടുക്ക്‌.” (മത്താ. 14:16) ഏതാണ്ട്‌ 5,000 പുരു​ഷ​ന്മാ​രു​ണ്ടാ​യി​രു​ന്നു. സ്‌ത്രീ​ക​ളും കുട്ടി​ക​ളും ഉൾപ്പെടെ ഏകദേശം 15,000 പേർക്കു ഭക്ഷണം വേണം. അതു​കൊണ്ട്‌ അത്‌ അസാധ്യ​മായ കാര്യ​മാ​യി തോന്നാം. (മത്താ. 14:21) അപ്പോൾ അന്ത്ര​യോസ്‌ പറഞ്ഞു: “ഈ കുട്ടി​യു​ടെ കൈയിൽ അഞ്ചു ബാർളി​യ​പ്പ​വും രണ്ടു ചെറിയ മീനും ഉണ്ട്‌. എന്നാൽ ഇത്രയ​ധി​കം പേർക്ക്‌ ഇതു​കൊണ്ട്‌ എന്താകാ​നാണ്‌?” (യോഹ. 6:9) പൊതു​വേ പാവപ്പെട്ട ആളുകൾ കഴിക്കുന്ന ഭക്ഷണമാ​യി​രു​ന്നു ബാർളി​യപ്പം. അതു​പോ​ലെ ചെറിയ മീൻ, ഉപ്പു തേച്ച്‌ ഉണക്കി​യെ​ടു​ത്ത​താ​യി​രു​ന്നു. ശരി, ആ കുട്ടി​യു​ടെ കൈയി​ലു​ണ്ടാ​യി​രുന്ന കുറച്ച്‌ ഭക്ഷണം​കൊണ്ട്‌ ഇത്രയ​ധി​കം പേർക്കു കൊടു​ക്കാൻ തികയു​മാ​യി​രു​ന്നോ?

4. യോഹ​ന്നാൻ 6:11-13-ലെ വിവര​ണ​ത്തിൽനിന്ന്‌ നമുക്ക്‌ എന്തെല്ലാം പഠിക്കാം? (ചിത്ര​ങ്ങ​ളും കാണുക.)

⁴ അവർക്കു ഭക്ഷണം കൊടു​ക്കാൻ ആഗ്രഹി​ച്ച​തു​കൊണ്ട്‌ യേശു അവരോ​ടു പുൽപ്പു​റത്ത്‌ കൂട്ടം​കൂ​ട്ട​മാ​യി ഇരിക്കാൻ പറഞ്ഞു. (മർക്കോ. 6:39, 40; യോഹ​ന്നാൻ 6:11-13 വായി​ക്കുക.) അപ്പത്തി​നും മീനി​നും വേണ്ടി യേശു പിതാ​വി​നോ​ടു നന്ദി പറഞ്ഞതി​നെ​ക്കു​റിച്ച്‌ നമ്മൾ വായി​ക്കു​ന്നുണ്ട്‌. ദൈവ​ത്തി​നു നന്ദി കൊടു​ത്തത്‌ ഉചിത​മാ​യി​രു​ന്നു. കാരണം, ഭക്ഷണം തരുന്നത്‌ യഹോ​വ​യാ​ണ​ല്ലോ. ഒറ്റയ്‌ക്കാ​ണെ​ങ്കി​ലും ആളുകൾ ചുറ്റു​മു​ണ്ടെ​ങ്കി​ലും നമ്മൾ ഭക്ഷണത്തി​നു മുമ്പ്‌ പ്രാർഥി​ക്ക​ണ​മെന്നു യേശു​വി​ന്റെ ഈ മാതൃക പഠിപ്പി​ക്കു​ന്നു. യേശു പിന്നെ ഭക്ഷണം വിതരണം ചെയ്‌തു. ആളുകൾ തിന്ന്‌ തൃപ്‌ത​രാ​യി. മിച്ചംവന്ന ഭക്ഷണം കളയാൻ യേശു ആഗ്രഹി​ച്ചില്ല. പിന്നീട്‌ ഉപയോ​ഗി​ക്കാൻവേണ്ടി അതു ശേഖരി​ച്ചു​വെച്ചു. നമുക്കു​ള്ള​തെ​ല്ലാം ജ്ഞാന​ത്തോ​ടെ ഉപയോ​ഗി​ക്കുന്ന കാര്യ​ത്തിൽ നല്ലൊരു മാതൃ​ക​യാണ്‌ യേശു. മാതാ​പി​താ​ക്കളേ, മക്കളോ​ടൊ​പ്പം ഈ വിവരണം ചർച്ച ചെയ്‌തിട്ട്‌ പ്രാർഥ​ന​യെ​ക്കു​റി​ച്ചും ആതിഥ്യ​ത്തെ​ക്കു​റി​ച്ചും ഉദാര​ത​യെ​ക്കു​റി​ച്ചും അവരെ പഠിപ്പി​ക്കാ​നാ​കു​മോ?

5. യേശു അന്നു ചെയ്‌ത കാര്യ​ങ്ങ​ളോട്‌ ആളുകൾ എങ്ങനെ​യാ​ണു പ്രതി​ക​രി​ച്ചത്‌, യേശു അപ്പോൾ എന്തു ചെയ്‌തു?

⁵ യേശു പഠിപ്പി​ക്കു​ന്ന​തും അത്ഭുതങ്ങൾ ചെയ്യു​ന്ന​തും കണ്ടപ്പോൾ ആളുകൾ അതിശ​യി​ച്ചു​പോ​യി. ദൈവം ഒരു പ്രവാ​ച​കനെ എഴു​ന്നേൽപ്പി​ക്കു​മെന്നു മോശ പറഞ്ഞ കാര്യം അവർക്ക്‌ അറിയാ​മാ​യി​രു​ന്നു. ‘അത്‌ എങ്ങാനും യേശു​വാ​ണോ’ എന്ന്‌ അവർ ചിന്തി​ച്ചി​ട്ടു​ണ്ടാ​കും. (ആവ. 18:15-18) അങ്ങനെ​യാ​ണെ​ങ്കിൽ യേശു ഒരു മികച്ച ഭരണാ​ധി​കാ​രി​യാ​യി​രി​ക്കു​മെ​ന്നും ഇസ്രാ​യേ​ലി​ലുള്ള എല്ലാവർക്കും ഭക്ഷണം കൊടു​ക്കു​മെ​ന്നും അവർ ഓർത്തു​കാ​ണും. അതു​കൊണ്ട്‌ ആളുകൾ യേശു​വി​നെ “പിടിച്ച്‌ രാജാ​വാ​ക്കാൻ” ശ്രമിച്ചു. (യോഹ. 6:14, 15) അതിനു നിന്നു​കൊ​ടു​ത്തെ​ങ്കിൽ യേശു രാഷ്‌ട്രീ​യ​ത്തിൽ ഉൾപ്പെ​ടു​ന്ന​തു​പോ​ലെ​യാ​യേനേ. എന്നാൽ യേശു അങ്ങനെ ചെയ്‌തില്ല. ബൈബിൾ പറയു​ന്നത്‌, പെട്ടെന്ന്‌ യേശു “തനിച്ച്‌ . . . മലയി​ലേക്ക്‌ പോയി” എന്നാണ്‌. മറ്റുള്ള​വ​രു​ടെ സമ്മർദം ഉണ്ടായി​ട്ടും യേശു രാഷ്‌ട്രീ​യ​ത്തിൽ ഉൾപ്പെ​ടാ​തെ​നി​ന്നു. നമുക്ക്‌ എത്ര നല്ലൊരു പാഠമാണ്‌ അത്‌!

6. യേശു​വി​ന്റെ മാതൃക അനുക​രി​ക്കു​ന്നു​ണ്ടെന്നു നമുക്ക്‌ എങ്ങനെ കാണി​ക്കാം? (ചിത്ര​വും കാണുക.)

⁶ ആളുകൾ നമ്മളോട്‌ അത്ഭുത​ക​ര​മാ​യി ഭക്ഷണം കൊടു​ക്ക​ണ​മെ​ന്നോ രോഗി​കളെ സുഖ​പ്പെ​ടു​ത്ത​ണ​മെ​ന്നോ അവരുടെ ഭരണാ​ധി​കാ​രി​യാ​ക​ണ​മെ​ന്നോ ഒന്നും പറയില്ല. പകരം വോട്ട്‌ ചെയ്‌ത്‌ രാഷ്ട്രീ​യ​ത്തിൽ ഉൾപ്പെ​ടാ​നോ രാഷ്ട്രീ​യ​ത്തി​ലുള്ള ആരെ​യെ​ങ്കി​ലും പിന്തു​ണച്ച്‌ സംസാ​രി​ക്കാ​നോ ആയിരി​ക്കാം അവർ ആവശ്യ​പ്പെ​ടു​ന്നത്‌. അപ്പോൾ നമുക്കു രാഷ്‌ട്രീ​യ​കാ​ര്യ​ങ്ങ​ളിൽ ഉൾപ്പെ​ടാ​തെ​നിന്ന യേശു​വി​ന്റെ മാതൃക പകർത്താം. യേശു പിന്നീട്‌ ഇങ്ങനെ​പോ​ലും പറഞ്ഞു: “എന്റെ രാജ്യം ഈ ലോക​ത്തി​ന്റെ ഭാഗമല്ല.” (യോഹ. 17:14; 18:36) യേശു​വി​ന്റെ ചിന്തക​ളും പ്രവൃ​ത്തി​ക​ളും അനുക​രി​ക്കാ​നാണ്‌ ഇന്നു ക്രിസ്‌ത്യാ​നി​കൾ ശ്രമി​ക്കു​ന്നത്‌. നമ്മൾ പിന്തുണ കൊടു​ക്കു​ന്ന​തും സാക്ഷ്യം കൊടു​ക്കു​ന്ന​തും പ്രാർഥി​ക്കു​ന്ന​തും യേശു പറഞ്ഞ ആ രാജ്യ​ത്തി​നു​വേ​ണ്ടി​യാണ്‌. (മത്താ. 6:10) യേശു അത്ഭുത​ക​ര​മാ​യി അപ്പം കൊടുത്ത ആ വിവര​ണ​ത്തെ​ക്കു​റിച്ച്‌ നമുക്ക്‌ ഒന്നുകൂ​ടെ ചിന്തി​ക്കാം. അതിൽനിന്ന്‌ മറ്റ്‌ എന്തെല്ലാം പാഠങ്ങൾ പഠിക്കാ​നാ​കു​മെ​ന്നും നോക്കാം.

“അപ്പം നൽകിയ സംഭവ​ത്തിൽനിന്ന്‌ ഗ്രഹി​ക്കേ​ണ്ടത്‌”

7. യേശു എന്തു ചെയ്‌തു, അപ്പോ​സ്‌ത​ല​ന്മാർ അതി​നോട്‌ എങ്ങനെ പ്രതി​ക​രി​ച്ചു, എന്നാൽ അവർ എന്തു മനസ്സി​ലാ​ക്കി​യില്ല? (യോഹ​ന്നാൻ 6:16-20)

⁷ യേശു ജനക്കൂ​ട്ട​ത്തി​നു ഭക്ഷണം കൊടു​ത്ത​ശേഷം അപ്പോ​സ്‌ത​ല​ന്മാർ വള്ളത്തിൽ കഫർന്ന​ഹൂ​മി​ലേക്കു പോയി. തന്നെ രാജാ​വാ​ക്കാൻ ജനം ശ്രമി​ച്ച​തു​കൊണ്ട്‌ യേശു മലയി​ലേ​ക്കും പോയി. (യോഹ​ന്നാൻ 6:16-20 വായി​ക്കുക.) അപ്പോ​സ്‌ത​ല​ന്മാർ വള്ളത്തിൽ പൊയ്‌ക്കൊ​ണ്ടി​രു​ന്ന​പ്പോൾ ശക്തമായ ഒരു കാറ്റ്‌ അടിച്ചിട്ട്‌ കടൽ ക്ഷോഭി​ക്കാൻതു​ടങ്ങി. അപ്പോൾ യേശു കടലിനു മുകളി​ലൂ​ടെ നടന്ന്‌ വള്ളത്തിന്‌ അടു​ത്തേക്കു ചെന്നു. വെള്ളത്തിന്‌ മുകളി​ലൂ​ടെ നടന്ന്‌ വരാൻ യേശു അപ്പോ​സ്‌ത​ല​നായ പത്രോ​സി​നോ​ടും പറഞ്ഞു. (മത്താ. 14:22-31) യേശു വള്ളത്തിൽ കയറി​യ​പ്പോൾ കാറ്റു​നി​ന്നു. അപ്പോൾ ശിഷ്യ​ന്മാർ ഇങ്ങനെ പറഞ്ഞു: “ശരിക്കും അങ്ങ്‌ ദൈവ​പു​ത്ര​നാണ്‌.”a (മത്താ. 14:33) യേശു ദൈവ​പു​ത്ര​നാ​ണെന്ന്‌ ഇപ്രാ​വ​ശ്യം സമ്മതി​ച്ചു​പറഞ്ഞ അവർ മുമ്പത്തെ അത്ഭുതം കണ്ടപ്പോൾ അങ്ങനെ പറഞ്ഞില്ല എന്നതു ശ്രദ്ധി​ച്ചോ? അതെക്കു​റിച്ച്‌ മർക്കോസ്‌ പറഞ്ഞത്‌ ഇങ്ങനെ​യാണ്‌: “ഇതു കണ്ട്‌ (അപ്പോ​സ്‌ത​ല​ന്മാർ) ആകെ അമ്പരന്നു​പോ​യി. കാരണം അത്ഭുത​ക​ര​മാ​യി അപ്പം നൽകിയ സംഭവ​ത്തിൽനിന്ന്‌ ഗ്രഹി​ക്കേ​ണ്ടത്‌ അവർ ഗ്രഹി​ച്ചി​രു​ന്നില്ല. ഗ്രഹി​ക്കുന്ന കാര്യ​ത്തിൽ അവരുടെ ഹൃദയം അപ്പോ​ഴും മാന്ദ്യ​മു​ള്ള​താ​യി​രു​ന്നു.” (മർക്കോ. 6:50-52) അതെ, അത്ഭുതങ്ങൾ ചെയ്യു​ന്ന​തിന്‌ യഹോവ എത്രമാ​ത്രം ശക്തി യേശു​വി​നു കൊടു​ത്തി​രു​ന്നു എന്ന കാര്യം മനസ്സി​ലാ​ക്കാൻ ശിഷ്യ​ന്മാർ പരാജ​യ​പ്പെട്ടു. അതിനു ശേഷം, അത്ഭുത​ക​ര​മാ​യി അപ്പം കൊടു​ത്ത​തി​നെ​ക്കു​റിച്ച്‌ യേശു വീണ്ടും സംസാ​രി​ക്കു​ക​യും അതിൽനിന്ന്‌ നമുക്കു പഠിക്കാ​നാ​കുന്ന പാഠ​ത്തെ​ക്കു​റിച്ച്‌ പറയു​ക​യും ചെയ്‌തു.

8-9. എന്തിനു​വേ​ണ്ടി​യാ​ണു ജനക്കൂട്ടം യേശു​വി​നെ അന്വേ​ഷി​ച്ചത്‌? (യോഹ​ന്നാൻ 6:26, 27)

⁸ യേശു പോഷി​പ്പിച്ച ആ ജനക്കൂ​ട്ട​ത്തി​ന്റെ ശ്രദ്ധ ഭൗതി​കാ​വ​ശ്യ​ങ്ങ​ളും ആഗ്രഹ​ങ്ങ​ളും തൃപ്‌തി​പ്പെ​ടു​ത്തു​ന്ന​തിൽ ആയിരു​ന്നു. അതു നമുക്ക്‌ എങ്ങനെ അറിയാം? തങ്ങളെ പോഷി​പ്പിച്ച സ്ഥലത്ത്‌ ജനം പിറ്റെ ദിവസം എത്തിയ​പ്പോൾ യേശു​വി​നെ​യും അപ്പോ​സ്‌ത​ല​ന്മാ​രെ​യും അവർക്ക്‌ അവിടെ കാണാൻ കഴിഞ്ഞില്ല. അതു​കൊണ്ട്‌ അവർ തിബെ​ര്യാ​സിൽനി​ന്നുള്ള ചില വള്ളങ്ങളിൽ കയറി യേശു​വി​നെ തിരഞ്ഞ്‌ കഫർന്ന​ഹൂ​മിൽ എത്തി. (യോഹ. 6:22-24) അവർ അങ്ങനെ ചെയ്‌തത്‌ യേശു​വിൽനിന്ന്‌ ദൈവ​രാ​ജ്യ​ത്തെ​ക്കു​റിച്ച്‌ കൂടുതൽ അറിയാ​നുള്ള ആഗ്രഹം​കൊ​ണ്ടാ​ണോ? അല്ല. അവർ ചെന്നതു പ്രധാ​ന​മാ​യും യേശു​വിൽനിന്ന്‌ അപ്പം കിട്ടാൻവേ​ണ്ടി​യാ​യി​രു​ന്നു. അതു നമുക്ക്‌ എങ്ങനെ അറിയാം?

⁹ കഫർന്ന​ഹൂ​മിന്‌ അടുത്തു​വെച്ച്‌ ജനക്കൂട്ടം യേശു​വി​നെ കണ്ടപ്പോൾ എന്താണു സംഭവി​ച്ച​തെന്നു നോക്കുക. അവരുടെ പ്രധാ​ന​ചിന്ത ഭൗതി​കാ​വ​ശ്യ​ങ്ങൾ തൃപ്‌തി​പ്പെ​ടു​ത്തു​ന്ന​തി​നെ​ക്കു​റിച്ച്‌ ആയിരു​ന്നു എന്നു യേശു തുറന്നു​പ​റഞ്ഞു. അവർ ‘അപ്പം കഴിച്ച്‌ തൃപ്‌ത​രാ​യെ​ങ്കി​ലും’ അതു ‘നശിച്ചു​പോ​കുന്ന ആഹാര​മാ​ണെന്ന്‌’ യേശു വ്യക്തമാ​ക്കി. അതു​കൊണ്ട്‌ ‘നിത്യ​ജീ​വൻ നേടി​ത്ത​രുന്ന നശിക്കാത്ത ആഹാര​ത്തി​നു​വേണ്ടി പ്രയത്നിക്കാൻ’ യേശു അവരെ പ്രോ​ത്സാ​ഹി​പ്പി​ച്ചു. (യോഹ​ന്നാൻ 6:26, 27 വായി​ക്കുക.) ആ ആഹാരം പിതാവ്‌ തരു​മെന്നു യേശു പറഞ്ഞു. നിത്യ​ജീ​വൻ നേടി​ത്ത​രുന്ന ആഹാര​ത്തെ​ക്കു​റിച്ച്‌ കേട്ട​പ്പോൾ ആ ജനക്കൂട്ടം അതിശ​യി​ച്ചു​പോ​യി​ക്കാ​ണും. അത്‌ ഏത്‌ ആഹാര​മാണ്‌? യേശു​വി​ന്റെ കേൾവി​ക്കാർക്ക്‌ അത്‌ എങ്ങനെ കിട്ടു​മാ​യി​രു​ന്നു?

10. ജനക്കൂട്ടം മനസ്സി​ലാ​ക്കേ​ണ്ടി​യി​രുന്ന “ദൈവം അംഗീ​ക​രി​ക്കുന്ന പ്രവൃത്തി” എന്താണ്‌?

¹⁰ യേശു പറഞ്ഞ ആഹാരം കിട്ടണ​മെ​ങ്കിൽ തങ്ങളുടെ ഭാഗത്ത്‌ എന്തോ പ്രവൃത്തി ആവശ്യ​മാ​ണെന്ന്‌ ആ ജൂതന്മാർക്ക്‌ തോന്നി​യി​രി​ക്കണം. മോശ​യു​ടെ നിയമ​മ​നു​സ​രിച്ച്‌ ജീവി​ക്കു​ന്ന​താണ്‌ ആ “പ്രവൃത്തി” എന്ന്‌ അവർ ചിന്തി​ച്ചു​കാ​ണും. എന്നാൽ, യേശു അവരോട്‌ ഇങ്ങനെ പറഞ്ഞു: “ദൈവം അയച്ചവനെ വിശ്വ​സി​ക്കുക; അതാണു ദൈവം അംഗീ​ക​രി​ക്കുന്ന പ്രവൃത്തി.” (യോഹ. 6:28, 29) “നിത്യ​ജീ​വൻ” ലഭിക്ക​ണ​മെ​ങ്കിൽ ദൈവ​ത്തി​ന്റെ പ്രതി​നി​ധി​യിൽ വിശ്വ​സി​ക്കണം. യേശു ഇതെക്കു​റിച്ച്‌ മുമ്പും പറഞ്ഞി​ട്ടുണ്ട്‌. (യോഹ. 3:16-18) നിത്യ​ജീ​വൻ നേടാൻ എന്തു ചെയ്യണം എന്നതി​നെ​ക്കു​റിച്ച്‌ യേശു​വിന്‌ ഇനിയും പറയാ​നു​ണ്ടാ​യി​രു​ന്നു.—യോഹ. 17:3.

11. ജൂതന്മാർക്ക്‌ അപ്പോ​ഴും എന്തി​നെ​ക്കു​റിച്ച്‌ മാത്ര​മാ​യി​രു​ന്നു ചിന്ത, അത്‌ നമുക്ക്‌ എങ്ങനെ അറിയാം? (സങ്കീർത്തനം 78:24, 25)

¹¹ “ദൈവം അംഗീ​ക​രി​ക്കുന്ന പ്രവൃത്തി” എന്താ​ണെന്നു യേശു പറഞ്ഞ​പ്പോൾ ജൂതന്മാർ അതു വിശ്വ​സി​ച്ചില്ല. അവർ യേശു​വി​നോട്‌ ഇങ്ങനെ ചോദി​ച്ചു: “അങ്ങ്‌ . . . എന്ത്‌ അടയാളം കാണി​ക്കും? അതു കണ്ടാൽ ഞങ്ങൾക്ക്‌ അങ്ങയെ വിശ്വ​സി​ക്കാ​മ​ല്ലോ.” (യോഹ. 6:30) തുടർന്ന്‌ അവർ മോശ​യു​ടെ നാളിൽ ആളുകൾക്കു മന്ന കിട്ടി​യ​താ​യി പറഞ്ഞു. അത്‌ അന്നത്തെ ആളുകൾക്കു ദിവസ​വും കഴിക്കുന്ന അപ്പം അഥവാ ആഹാരം​പോ​ലെ​യാ​യി​രു​ന്നു. (നെഹ. 9:15; യോഹ. 6:31; സങ്കീർത്തനം 78:24, 25 വായി​ക്കുക.) അപ്പോ​ഴും ജൂതന്മാ​രു​ടെ ചിന്ത അപ്പം കിട്ടു​ന്ന​തി​ലാ​യി​രു​ന്നെന്ന്‌ അവരുടെ വാക്കു​ക​ളിൽനിന്ന്‌ വ്യക്തമാണ്‌. പിന്നെ യേശു “സ്വർഗ​ത്തിൽനിന്ന്‌ ശരിക്കുള്ള അപ്പം” തരുന്ന​തി​നെ​ക്കു​റിച്ച്‌ സംസാ​രി​ച്ചു. അതു നിത്യ​ജീ​വൻ നേടി​ത്ത​രു​ന്ന​താ​യ​തു​കൊണ്ട്‌ മന്നയെ​ക്കാൾ ശ്രേഷ്‌ഠ​മാ​യി​രു​ന്നു. (യോഹ. 6:32) എന്നാൽ ആ അപ്പത്തിന്റെ അർഥം എന്താ​ണെന്നു യേശു​വി​നോ​ടു ചോദിച്ച്‌ മനസ്സി​ലാ​ക്കാൻ അവർ ശ്രമി​ച്ചില്ല. ആ ജൂതന്മാർ തങ്ങളുടെ ഭൗതി​കാ​വ​ശ്യ​ങ്ങ​ളെ​ക്കു​റിച്ച്‌ മാത്രം ചിന്തി​ച്ച​തു​കൊണ്ട്‌ യേശു അവരു​മാ​യി പങ്കു​വെ​ക്കാൻ ആഗ്രഹിച്ച ആത്മീയ​സ​ത്യ​ങ്ങൾ അവർ അവഗണി​ച്ചു. ഈ വിവര​ണ​ത്തിൽനിന്ന്‌ നമുക്ക്‌ എന്തു പഠിക്കാം?

എന്തായി​രി​ക്കണം നമുക്ക്‌ ഏറ്റവും പ്രധാനം?

12. എന്തായി​രി​ക്കണം നമുക്ക്‌ ഏറ്റവും പ്രധാനം? യേശു അത്‌ കാണി​ച്ചത്‌ എങ്ങനെ​യാണ്‌?

¹² യോഹ​ന്നാൻ 6-ാം അധ്യാ​യ​ത്തിൽനിന്ന്‌ നമുക്കുള്ള പ്രധാ​ന​പാ​ഠം ഇതാണ്‌: നമ്മൾ ഒന്നാം സ്ഥാനം കൊടു​ക്കേ​ണ്ടത്‌ ആത്മീയ​കാ​ര്യ​ങ്ങൾക്ക്‌ ആയിരി​ക്കണം. സാത്താന്റെ പ്രലോ​ഭ​ന​ങ്ങളെ ചെറു​ത്തു​നി​ന്ന​പ്പോൾ യേശു പഠിപ്പിച്ച പാഠം അതാണ്‌. (മത്താ. 4:3, 4) ഇനി മലയിലെ പ്രസം​ഗ​ത്തി​ലും യേശു പ്രത്യേ​കം എടുത്തു​പ​റ​ഞ്ഞത്‌ ആത്മീയാ​വ​ശ്യ​ങ്ങൾ ശ്രദ്ധി​ക്കേ​ണ്ട​തി​നെ​ക്കു​റി​ച്ചാണ്‌. (മത്താ. 5:3) അതു​കൊണ്ട്‌ സ്വയം ഇങ്ങനെ ചോദി​ക്കുക, ‘ഭൗതി​കാ​ഗ്ര​ഹങ്ങൾ തൃപ്‌തി​പ്പെ​ടു​ത്തു​ന്ന​തി​നെ​ക്കാൾ എന്റെ ചിന്ത ആത്മീയാ​വ​ശ്യ​ങ്ങൾക്കാ​ണോ? എന്റെ ജീവി​ത​രീ​തി എന്താണു കാണി​ക്കു​ന്നത്‌?’

13. (എ) ഭക്ഷണം ആസ്വദി​ക്കു​ന്നതു തെറ്റല്ലാ​ത്തത്‌ എന്തു​കൊണ്ട്‌? (ബി) പൗലോ​സി​ന്റെ ഏതു മുന്നറി​യി​പ്പു നമ്മൾ ഓർക്കണം? (1 കൊരി​ന്ത്യർ 10:6, 7, 11)

¹³ നമ്മൾ ഭൗതി​ക​കാ​ര്യ​ങ്ങൾക്കു​വേണ്ടി പ്രാർഥി​ക്കു​ന്ന​തും ആ കാര്യങ്ങൾ ആസ്വദി​ക്കു​ന്ന​തും തെറ്റല്ല. (ലൂക്കോ. 11:3) നമ്മൾ “തിന്നു​ക​യും കുടി​ക്കു​ക​യും അധ്വാ​ന​ത്തിൽ ആസ്വാ​ദനം കണ്ടെത്തു​ക​യും” ചെയ്യു​ന്നത്‌ നല്ലതാ​ണെ​ന്നും അത്‌ ‘ദൈവ​ത്തി​ന്റെ കൈക​ളിൽനി​ന്നാ​ണെ​ന്നും’ ബൈബിൾ പറയുന്നു. (സഭാ. 2:24; 8:15; യാക്കോ. 1:17) എങ്കിലും ഭൗതി​ക​കാ​ര്യ​ങ്ങളെ നമ്മൾ അതിന്റെ സ്ഥാനത്ത്‌ നിറു​ത്തണം. അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​കൾക്ക്‌ എഴുതിയ കത്തിൽനിന്ന്‌ നമുക്ക്‌ അതു മനസ്സി​ലാ​ക്കാം. സീനായ്‌ പർവത​ത്തിന്‌ അടുത്തു​വെച്ച്‌ നടന്ന സംഭവം ഉൾപ്പെടെ ഇസ്രാ​യേ​ല്യ​രു​ടെ ജീവി​ത​ത്തിൽ നടന്ന കാര്യങ്ങൾ പൗലോസ്‌ വിവരി​ച്ചു. “(ഇസ്രാ​യേ​ല്യ​രെ​പ്പോ​ലെ) മോശ​മായ കാര്യങ്ങൾ ആഗ്രഹി​ക്കാ​തി​രി​ക്കാൻ” പൗലോസ്‌ ക്രിസ്‌ത്യാ​നി​കൾക്കു മുന്നറി​യി​പ്പു​കൊ​ടു​ത്തു. (1 കൊരി​ന്ത്യർ 10:6, 7, 11 വായി​ക്കുക.) ഭക്ഷണ​ത്തോ​ടുള്ള അത്യാ​ഗ്രഹം കാരണം യഹോവ അത്ഭുത​ക​ര​മാ​യി കൊടുത്ത കാര്യ​ങ്ങൾപോ​ലും അവർക്കു ‘മോശ​മാ​യി’ ഭവിക്കാ​നി​ട​യാ​യി. (സംഖ്യ 11:4-6, 31-34) ഇനി, കാളക്കു​ട്ടി​യെ ആരാധി​ച്ച​പ്പോൾ തിന്നു​ക​യും കുടി​ക്കു​ക​യും ആനന്ദി​ക്കു​ക​യും ചെയ്യു​ന്ന​തിൽ അവർ മുഴു​കി​പ്പോ​യി. (പുറ. 32:4-6) എ.ഡി. 70-ൽ യരുശ​ലേ​മും അതിന്റെ ദേവാ​ല​യ​വും നശിപ്പി​ക്ക​പ്പെ​ടു​ന്ന​തി​നു തൊട്ടു​മുമ്പ്‌ ജീവി​ച്ചി​രുന്ന ക്രിസ്‌ത്യാ​നി​ക​ളോ​ടാ​ണു പൗലോസ്‌ ഇതൊക്കെ പറഞ്ഞത്‌. ഇന്നു നമ്മൾ ജീവി​ക്കു​ന്നത്‌ ഈ വ്യവസ്ഥി​തി നശിപ്പി​ക്ക​പ്പെ​ടു​ന്ന​തി​നു തൊട്ടു​മു​മ്പാണ്‌. അതു​കൊണ്ട്‌ പൗലോസ്‌ കൊടുത്ത ഉപദേശം നമ്മളും ഗൗരവ​മാ​യെ​ടു​ക്കണം.

14. ഭക്ഷണത്തി​ന്റെ കാര്യ​ത്തിൽ പുതിയ ലോകത്ത്‌ നമുക്ക്‌ എന്തു പ്രതീ​ക്ഷി​ക്കാം?

¹⁴ പ്രാർഥി​ക്കാൻ പഠിപ്പി​ച്ച​പ്പോൾ “ഇന്നത്തേ​ക്കുള്ള ആഹാരം ഞങ്ങൾക്ക്‌ ഇന്നു തരേണമേ” എന്നതി​നോ​ടൊ​പ്പം “അങ്ങയുടെ ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ” എന്നും യേശു പറഞ്ഞു. (മത്താ. 6:9-11) ആ കാലം വരുന്ന​തി​നെ​ക്കു​റിച്ച്‌ ഒന്നു ചിന്തി​ച്ചു​നോ​ക്കുക. ദൈവ​ത്തി​ന്റെ ഇഷ്ടം ഭൂമി​യിൽ നിറ​വേ​റുന്ന സമയത്ത്‌ നല്ല ആഹാര​മു​ണ്ടാ​യി​രി​ക്കും എന്നു ബൈബിൾ ഉറപ്പു​ത​രു​ന്നു. യശയ്യ 25:6-8 പറയു​ന്ന​തു​പോ​ലെ യഹോ​വ​യു​ടെ രാജ്യ​ത്തിൽ നമുക്ക്‌ ആസ്വദി​ക്കാ​നാ​യി ധാരാളം ഭക്ഷണമു​ണ്ടാ​യി​രി​ക്കും. സങ്കീർത്തനം 72:16 പറയുന്നു: “ഭൂമി​യിൽ ധാന്യം സുലഭ​മാ​യി​രി​ക്കും; മലമു​ക​ളിൽ അതു നിറഞ്ഞു​ക​വി​യും.” അന്നു കിട്ടുന്ന ധാന്യം ഉപയോ​ഗിച്ച്‌ നിങ്ങൾക്ക്‌ ഇഷ്ടമു​ള്ള​തോ ഇതുവരെ പരീക്ഷിച്ച്‌ നോക്കി​യി​ട്ടി​ല്ലാ​ത്ത​തോ ആയ ഭക്ഷണം ഉണ്ടാക്കാൻ നിങ്ങൾ കാത്തി​രി​ക്കു​ക​യാ​ണോ? അതോ​ടൊ​പ്പം സ്വന്തമാ​യി നട്ടുപി​ടി​പ്പിച്ച മുന്തി​രി​ത്തോ​ട്ട​ത്തി​ന്റെ ഫലം ആസ്വദി​ക്കാ​നും നിങ്ങൾക്കാ​കും. (യശ. 65:21, 22) അന്നു ഭൂമി​യി​ലുള്ള എല്ലാവ​രും ഇതൊക്കെ ആസ്വദി​ക്കും.

15. പുനരു​ത്ഥാ​ന​പ്പെ​ട്ടു​വ​രു​ന്നവർ എന്തു പഠിക്കും? (യോഹ​ന്നാൻ 6:35)

¹⁵ യോഹ​ന്നാൻ 6:35 വായി​ക്കുക. യേശു അത്ഭുത​ക​ര​മാ​യി കൊടുത്ത അപ്പവും മീനും കഴിച്ച ആളുകളെ ഭാവി​യിൽ എന്താണു കാത്തി​രി​ക്കു​ന്നത്‌? ഭാവി​യി​ലെ പുനരു​ത്ഥാ​ന​ത്തിൽ അവരിൽ ചിലരെ നമുക്കു കാണാ​നാ​യേ​ക്കും. മുമ്പ്‌ അവർ വിശ്വാ​സം പ്രകടി​പ്പി​ച്ചി​ട്ടി​ല്ലെ​ങ്കി​ലും അവർ പുനരു​ത്ഥാ​ന​പ്പെ​ട്ടേ​ക്കാം. (യോഹ. 5:28, 29) “ഞാനാണു ജീവന്റെ അപ്പം. എന്റെ അടുത്ത്‌ വരുന്ന​വന്‌ ഒരിക്ക​ലും വിശക്കില്ല” എന്ന യേശു​വി​ന്റെ വാക്കു​ക​ളു​ടെ അർഥം അവർ അന്നു പഠി​ക്കേ​ണ്ടി​വ​രും. അതു​പോ​ലെ യേശു തങ്ങൾക്കു​വേ​ണ്ടി​യാ​ണു മരിച്ചത്‌ എന്ന കാര്യം അവർ വിശ്വ​സി​ക്കണം. ആ സമയത്ത്‌, പുനരു​ത്ഥാ​ന​പ്പെ​ട്ടു​വ​രു​ന്ന​വർക്കും പിന്നീടു ജനിക്കാൻ സാധ്യ​ത​യുള്ള കുട്ടി​കൾക്കും യഹോ​വ​യെ​ക്കു​റി​ച്ചും യഹോ​വ​യു​ടെ ഉദ്ദേശ്യ​ത്തെ​ക്കു​റി​ച്ചും പഠിക്കാൻ അവസര​മു​ണ്ടാ​യി​രി​ക്കും. ആ വിദ്യാ​ഭ്യാ​സ​പ​രി​പാ​ടി​യിൽ ആവേശ​ക​ര​മായ ഈ കാര്യങ്ങൾ അവരെ പഠിപ്പി​ക്കാ​നാ​കു​ന്നതു നമുക്ക്‌ എത്ര സന്തോഷം തരും! രുചി​ക​ര​മായ അപ്പം കഴിക്കു​ന്ന​തി​നെ​ക്കാൾ വലിയ സന്തോ​ഷ​മാ​യി​രി​ക്കും നമുക്ക്‌ അപ്പോൾ തോന്നു​ന്നത്‌. അതെ, ആത്മീയ​കാ​ര്യ​ങ്ങ​ളാ​യി​രി​ക്കും അന്നത്തെ പ്രധാ​ന​സ​വി​ശേഷത.

16. അടുത്ത ലേഖന​ത്തിൽ നമ്മൾ എന്തു പഠിക്കും?

¹⁶ യോഹ​ന്നാൻ 6-ാം അധ്യാ​യ​ത്തി​ലെ വിവര​ണ​ത്തി​ന്റെ ഒരു ഭാഗമാ​ണു നമ്മൾ ഈ ലേഖന​ത്തിൽ കണ്ടത്‌. എന്നാൽ യേശു​വി​നു ‘നിത്യ​ജീ​വ​നെ​ക്കു​റിച്ച്‌’ ഇനിയും ചില കാര്യങ്ങൾ പഠിപ്പി​ക്കാ​നു​ണ്ടാ​യി​രു​ന്നു. ജൂതന്മാർ യേശു പറഞ്ഞ ആ കാര്യ​ങ്ങൾക്ക്‌ അന്നു ശ്രദ്ധ​കൊ​ടു​ക്കേ​ണ്ട​താ​യി​രു​ന്നു. ഇന്നു നമ്മൾ അതിനു ശ്രദ്ധ​കൊ​ടു​ക്കണം. അടുത്ത ലേഖന​ത്തിൽ യോഹ​ന്നാൻ 6-ാം അധ്യാ​യ​ത്തെ​ക്കു​റിച്ച്‌ നമ്മൾ തുടർന്നും പഠിക്കും.