ഗീതം 15
യഹോവയുടെ ആദ്യജാതനെ വാഴ്‌ത്താം!
1. യേശുവെ നാം വാഴ്‌ത്താം.
പാരിൻ ദിവ്യരാജൻ താൻ!
പ്രശാന്തി വാഴും പാരിൽ
യേശു ഭരിച്ചീടുമ്പോൾ.
ആ വാഴ്‌ച യാഹിന്നെന്നും
മഹത്ത്വമേറ്റുമ്പോൾ
സംസ്ഥാപിക്കും യാഹിന്റെ
സർവാധികാരം താൻ.
(കോറസ്‌)
യേശുവെ നാം വാഴ്‌ത്താം.
യാഹിൻ അഭിഷിക്തൻ താൻ,
സ്വർഗീയ സീയോൻ മേലെ
വാണിടുന്നു രാജാവായ്‌.
2. യേശുവെ നാം വാഴ്‌ത്താം.
ജീവൻ ബലിയേകി താൻ,
പാപവിമുക്തരായ്‌ നാം
പാരിൽ എന്നും ജീവിപ്പാൻ.
കാൺമിൻ മനോഹരിയാം
കുഞ്ഞാടിൻ കാന്തയെ.
സ്വർഗീയമീ വിവാഹം
സ്‌തുതിക്കും യാഹിന്നെ.
(കോറസ്‌)
യേശുവെ നാം വാഴ്‌ത്താം.
യാഹിൻ അഭിഷിക്തൻ താൻ,
സ്വർഗീയ സീയോൻ മേലെ
വാണിടുന്നു രാജാവായ്‌.
(സങ്കീ. 2:6; 45:3, 4; വെളി. 19:8 കൂടെ കാണുക.)