സമാധാ​ന​വും സുരക്ഷി​ത​ത്വ​വും—ദൈവ​രാ​ജ്യ​ത്തി​ലൂ​ടെ

“ഐക്യ​രാ​ഷ്‌ട്ര​ങ്ങ​ളു​ടെ ഉദ്ദേശ്യ​ങ്ങൾ പിൻവ​രു​ന്ന​വ​യാണ്‌: 1. അന്തർദ്ദേ​ശീയ സമാധാ​ന​വും സുരക്ഷി​ത​ത്വ​വും നിലനിർത്തുക.”—ഐക്യ​രാ​ഷ്‌ട്ര​ങ്ങ​ളു​ടെ ചാർട്ടർ.

ചുരു​ക്കി​പ്പ​റ​ഞ്ഞാൽ ഇത്‌ അനു​മോ​ദ​നാർഹ​മായ ഒരാദർശ​മാണ്‌. എന്നാൽ നാം കുറി​ക്കൊ​ണ്ടു കഴിഞ്ഞ​തു​പോ​ലെ കഴിഞ്ഞ 40 വർഷത്തെ ഫലങ്ങൾ ‘അന്തർദ്ദേ​ശീയ സുരക്ഷി​ത​ത്വ​വും സമാധാ​ന​വും നിലനിർത്തു​ന്ന​തിന്‌ ഐക്യ​രാ​ഷ്‌ട്രങ്ങൾ വിജയി​ച്ചി​ട്ടില്ല എന്ന്‌ പ്രകട​മാ​ക്കു​ന്നു. ആയിര​ത്തി​ത്തൊ​ള്ളാ​യി​രത്തി എൺപത്തി​യാ​റി​നെ അത്‌ “അന്താരാ​ഷ്‌ട്ര സമാധാന വർഷം” ആയി പ്രഖ്യാ​പി​ച്ച​തും യാതൊ​രു മാററ​വും കൈവ​രു​ത്തു​ന്നില്ല.a

നിലനിൽക്കു​ന്ന സമാധാ​ന​വും സുരക്ഷി​ത​ത്വ​വും ഭൂമി​യിൽ കൊണ്ടു​വ​രു​ന്ന​തി​നും ഒരേ​യൊ​രു മാർഗ്ഗം മാത്ര​മേ​യു​ള്ളു—യേശു​ക്രി​സ്‌തു​വി​ന്റെ കൈക​ളി​ലെ ദൈവ​രാ​ജ്യം. യേശു അവന്റെ അനുഗാ​മി​കളെ പ്രാർത്ഥി​ക്കു​ന്ന​തിന്‌ പഠിപ്പിച്ച സ്വർഗ്ഗ​ത്തി​ലെ യഥാർത്ഥ​മായ ഗവൺമെൻറാ​ണിത്‌. (മത്തായി 6:9, 10). ഐക്യ​രാ​ഷ്‌ട്രങ്ങൾ പരാജ​യ​പ്പെ​ട്ടി​രി​ക്കെ അത്‌ എന്തു​കൊണ്ട്‌ വിജയി​ക്കും? ലളിത​മാ​യി പറഞ്ഞാൽ: ഐക്യ​രാ​ഷ്‌ട്രങ്ങൾ പരാജ​യ​പ്പെ​ടാ​നി​ട​യായ അതേ കാരണ​ങ്ങ​ളാൽ ദൈവ​രാ​ജ്യം വിജയി​ക്കും എന്നതാണ്‌ ഉത്തരം.

മാനു​ഷ​ജ്ഞാ​ന​ത്തേ​ക്കാൾ അധികം ആവശ്യം

ഞങ്ങളുടെ മുൻല​ക്ക​ത്തിൽ ഐക്യ​രാ​ഷ്‌ട്രങ്ങൾ പാരാ​ജ​യ​പ്പെ​ടാ​നുള്ള ഒരു കാരണം ദൈവം മനുഷ്യന്‌ അവനെ​ത്തന്നെ ഭരിക്കു​ന്ന​തി​നുള്ള ജ്ഞാനമോ അധികാ​ര​മോ നൽകി​യി​രു​ന്നില്ല എന്നതാണ്‌. (യിരെ​മ്യാവ്‌ 10:23) അതു​കൊണ്ട്‌ യാതൊ​രു മനുഷ്യ​നിർമ്മിത സംഘട​ന​യ്‌ക്കും, അത്‌ എത്രതന്നെ സദു​ദ്ദേ​ശ്യ​പൂർവ്വ​ക​മാ​യി​രു​ന്നാ​ലും, ശാശ്വത സമാധാ​ന​വും സുരക്ഷി​ത​ത്വ​വും കൈവ​രു​ത്തു​ന്ന​തിൽ വിജയി​ക്കാൻ സാദ്ധ്യമല്ല.

ഇതിന്‌ വിപരീ​ത​മാ​യി ദൈവ​രാ​ജ്യ​ത്തി​ന്റെ നിയമിത രാജാ​വായ യേശു​ക്രി​സ്‌തു എല്ലായ്‌പ്പോ​ഴും മനുഷ്യാ​തീത ജ്ഞാനം പ്രകട​മാ​ക്കി​യി​ട്ടുണ്ട്‌. (മത്തായി 13:54) അതിന്റെ ഉത്തമ ഉദാഹ​ര​ണ​മാണ്‌ അവന്റെ ഗിരി പ്രഭാ​ഷണം (മത്തായി 5 മുതൽ 7 വരെയുള്ള അദ്ധ്യാ​യങ്ങൾ) അതിൽ അവൻ യഥാർത്ഥ സമാധാ​നം എങ്ങനെ കണ്ടെത്താം, കലഹങ്ങൾ എങ്ങനെ ശമിപ്പി​ക്കാം, ലൈം​ഗിക അധാർമ്മി​കത എങ്ങനെ ഒഴിവാ​ക്കാം, ഒരു സുരക്ഷിത ഭാവി എങ്ങനെ ആസ്വദി​ക്കാം എന്നിങ്ങ​നെ​യുള്ള കാര്യങ്ങൾ വിശദീ​ക​രി​ച്ചു. മനുഷ്യ​പ്ര​കൃ​തി​യെ​പ്പ​ററി അത്രമാ​ത്രം ജ്ഞാനവും ഗ്രാഹ്യ​വും ഉള്ള ഒരു ഭരണാ​ധി​കാ​രിക്ക്‌ സമാധാ​ന​വും സുരക്ഷി​ത​ത്വ​വും കൈവ​രു​ത്തു​ന്ന​തെ​ങ്ങ​നെ​യെ​ന്നും അറിവു​ണ്ടാ​യി​രി​ക്കും എന്നത്‌ ന്യായ​പൂർവ്വ​ക​മല്ലേ?

ഇതില​ധി​ക​മാ​യി യേശു​വി​ന്റെ സൂക്ഷ്‌മ​ഗ്രാ​ഹ്യം, മമനു​ഷ്യ​ന്റെ ഹൃദയ​ങ്ങ​ളി​ലേക്ക്‌ ചുഴിഞ്ഞു നോക്കി അവന്റെ ആന്തര ചിന്തന​ങ്ങ​ളും യഥാർത്ഥ പ്രചോ​ദ​ന​ങ്ങ​ളും അറിയാ​നുള്ള അവന്റെ അത്ഭുത പ്രാപ്‌തി​യാൽ മികവു​റ​റ​താ​യി​ത്തീ​രു​ന്നു. (മത്തായി 9:4; മർക്കോസ്‌ 2:8) അതിന്റെ അർത്ഥം എന്ത്‌ എന്ന്‌ പരിചി​ന്തി​ക്കുക: സമാധാ​ന​ത്തി​നും സുരക്ഷി​ത​ത്വ​ത്തി​നും ഉള്ള ഒരു വലിയ തടസ്സം വിശ്വാ​സ​മി​ല്ലാ​യ്‌മ​യാണ്‌. അന്യോ​ന്യം ചിന്തക​ളും ആന്തരങ്ങ​ളും അറിയാ​തി​രി​ക്കെ മനുഷ്യ​രും രാഷ്‌ട്ര​ങ്ങ​ളും മിക്ക​പ്പോ​ഴും പരസ്‌പരം അവിശ്വ​സി​ക്കു​ന്നു. ആ വിശ്വാ​സ​മി​ല്ലായ്‌മ സമാധാ​ന​ത്തിന്‌ ഒരു വിലങ്ങു​ത​ടി​യാ​യി നില​കൊ​ള്ളു​ന്നു. എന്നാൽ “മമനു​ഷ്യ​ന്റെ ചിന്തകളെ വായി​ക്കാൻ” കഴിയുന്ന ഒരു ഭരണാ​ധി​കാ​രിക്ക്‌ അത്‌ യാതൊ​രു പ്രശ്‌ന​വും സൃഷ്ടി​ക്കു​ന്നില്ല.—യോഹ​ന്നാൻ 2:25 നോക്‌സ്‌.

മനുഷ്യാ​തീത വൈരി​ക​ളു​ടെ നിർമ്മാർജ്ജ​നം

സമാധാ​നം കൈവ​രു​ത്താ​നുള്ള ഐക്യ​രാ​ഷ്‌ട്ര​ങ്ങ​ളു​ടെ യത്‌നങ്ങൾ പരാജ​യ​പ്പെ​ടാ​നുള്ള ഒരു കാരണം “ഈ ലോക ഭരണാ​ധി​കാ​രി”യായ പിശാ​ചായ സാത്താന്റെ സ്വാധീ​ന​മാണ്‌. (യോഹ​ന്നാൻ 12:31) തങ്ങളെ നീക്കി​ക്ക​ള​യു​ന്ന​തിന്‌ ഇനി അല്‌പ​കാ​ലമേ ഉള്ളു എന്നു അവനും അവന്റെ ഭൂത സേനക്കും അറിയാം. “ഭൂമിക്ക്‌ മഹാകഷ്ടം” വരുത്താ​നുള്ള ദൃഡനി​ശ്ച​യ​ത്തിൽ അവർ മനുഷ്യ​വർഗ്ഗത്തെ രാഷ്‌ട്രീ​യ​മാ​യും ദേശീ​യ​മാ​യും ഭിന്നി​പ്പി​ച്ചു​കൊണ്ട്‌ അവർ സമാധാ​ന​ത്തി​ന്റെ മാർഗ്ഗ​ത്തിൽ തടസ്സമാ​യി നില​കൊ​ള്ളു​ന്നു.—വെളി​പ്പാട്‌ 12:9-12.

അത്തരം മനുഷ്യാ​തീത യുദ്ധ പ്രേര​കരെ ആർക്കാണ്‌ നീക്കം ചെയ്യാൻ കഴിയുക? സാത്താ​നെ​യും അവന്റെ ഭൂതങ്ങ​ളെ​യും സ്വർഗ്ഗ​ത്തിൽ നിന്ന്‌ നിഷ്‌ക്കാ​സനം ചെയ്‌ത മീഖാ​യേൽ എന്ന്‌ പേർ പറയ​പ്പെ​ട്ടി​രി​ക്കുന്ന യേശു ക്രിസ്‌തു​വി​നും അവന്റെ ദൂതൻമാർക്കും എന്ന്‌ ബൈബിൾ ഉത്തരം നൽകുന്നു. നാം ഇങ്ങനെ വായി​ക്കു​ന്നു: “സ്വർഗ്ഗ​ത്തിൽ നിന്ന്‌ ഒരു ദൂതൻ [യേശു] അഗാധ​ത്തി​ന്റെ താക്കോ​ലും ഒരു വലിയ ചങ്ങലയു​മാ​യി ഇറങ്ങു​ന്നത്‌ ഞാൻ കണ്ടു. അവൻ ആദിമ സർപ്പമായ പിശാ​ചായ സാത്താനെ പിടിച്ച്‌ . . . അഗാധ​ത്തിൽ തള്ളി അവന്റെ മീതെ അതടച്ച്‌ മുദ്ര വച്ചു.” (വെളി​പ്പാട്‌ 20:1-3) അതു​കൊണ്ട്‌ സാത്താൻ മാർഗ്ഗ​ത്തിൽ നിന്ന്‌ നീക്കം ചെയ്യ​പ്പെ​ടും. അപ്പോൾ മാത്രമേ ജീവിതം യഥാർത്ഥ സമാധാ​ന​ത്തി​ലും സുരക്ഷി​ത​ത്വ​ത്തി​ലും ആസ്വദി​ക്കാൻ കഴിയു​ക​യു​ള്ളൂ.

ദൈവ​ത്തി​ന്റെ ഒരു “ശിശു”

ഞങ്ങളുടെ മുൻ ലേഖനം ഐക്യ​രാ​ഷ​ട്ര​ങ്ങൾക്ക്‌ സമാധാ​ന​വും സുരക്ഷി​ത​ത്വ​വും കൊണ്ടു​വ​രാൻ ഒരിക്ക​ലും കഴിയാ​തി​രു​ന്ന​തി​ന്റെ മൂന്നാ​മ​തൊ​രു കാരണം കുറി​ക്കൊ​ള്ളു​ക​യു​ണ്ടാ​യി. അത്‌ ഈ ലോക​ത്തി​ന്റെ ഒരു ശിശു​വാണ്‌, അതങ്ങ​നെ​യാ​യി​രി​ക്കെ, അതിന്റെ അംഗ രാജ്യ​ങ്ങ​ളു​ടെ സ്വഭാവ ലക്ഷണങ്ങ​ളായ ബലഹീ​ന​ത​ക​ളും തിൻമ​ക​ളും അഴിമ​തി​യും പൈതൃ​ക​മാ​യി അതിനും ലഭിച്ചി​ട്ടുണ്ട്‌.

ഉൻമേ​ഷ​ദാ​യ​ക​മാം വിധം, ഇതിനു വിപരീ​ത​മാ​യി സമാധാ​ന​വും സുരക്ഷി​ത​ത്വ​വും കൈവ​രു​ത്താ​നി​രി​ക്കുന്ന രാജ്യത്തെ വെളി​പ്പാട്‌ 12:5 ചിത്രീ​ക​രി​ച്ചി​രി​ക്കു​ന്നത്‌ ദൈവ​ത്തി​ന്റെ “ശിശു” എന്നാണ്‌. അതിന്റെ ഭരണാ​ധി​കാ​രി ദൈവ​ത്തി​ന്റെ ഗുണങ്ങൾ പ്രതി​ഫ​ലി​പ്പി​ക്കു​ന്നു. അതിന്റെ ഭരണാ​ധി​കാ​രി​യായ യേശു​ക്രി​സ്‌തു പ്രകട​മാ​ക്കിയ ചില പ്രിയ​മു​ള​വാ​ക്കുന്ന ഗുണങ്ങൾ ശ്രദ്ധി​ക്കുക: ആത്മത്യാ​ഗ​പ​ര​മായ സ്‌നേഹം (യോഹ​ന്നാൻ 15:12, 13); ഊഷ്‌മ​ള​ത്വ​വും വികാ​രാ​നു​ഭൂ​തി​യും (മത്തായി 9:10-13; ലൂക്കോസ്‌ 7:36-48); എളിമ (യോഹ​ന്നാൻ 13:3-5, 12-17); സ്‌നേ​ഹ​വാ​യ്‌പ്‌ (മർക്കോസ്‌ 6:30-34); അനുകമ്പ (എബ്രായർ 2:17, 18, 4:15); നീതി​ക്കു​വേ​ണ്ടി​യുള്ള നിഷ്‌കർഷ (യെശയ്യാവ്‌ 11:4, 5). അത്തരം ഒരു ഭരണാ​ധി​പന്‌ കീഴ്‌പ്പെ​ടു​ന്ന​തിൽ നിങ്ങൾ ആനന്ദം കൊള്ളു​ക​യി​ല്ലേ?

“പുതിയ ഭൂമി”യുമായി രംഗ​ത്തേക്ക്‌

ഐക്യ​രാ​ഷ്‌ട്ര​ങ്ങൾക്ക്‌ എന്തു​കൊണ്ട്‌ ഒരിക്ക​ലും സമാധാ​നം കൈവ​രു​ത്താൻ കഴിഞ്ഞില്ല എന്നതിന്റെ ഒടുവി​ലത്തെ കാരണം അതിന്റെ മുൻ സെക്ര​ട്ടറി ജനറലായ ഡാഗ്‌ ഹാമ്മർ ഷോൾഡ്‌, താൻ മുമ്പ്‌ 1953-ൽ പ്രസ്‌താ​വിച്ച വാക്കു​ക​ളി​ലൂ​ടെ സൂചി​പ്പി​ച്ചു: “നമ്മുടെ ഏററവും വലിയ ആശ ഈ പഴയ ഭൂമി എങ്കിലും രക്ഷിക്കാൻ നമ്മെ അനുവ​ദി​ക്കേ​ണമെ” എന്നതാണ്‌. ഈ ലോക​വ്യാ​പക വ്യവസ്ഥി​തി​യെ പരിര​ക്ഷി​ക്കുന്ന കാര്യ​മാ​യി​രന്നു അദ്ദേഹ​ത്തി​ന്റെ മനസ്സി​ലു​ണ്ടാ​യി​രു​ന്ന​തെ​ങ്കിൽ, “പഴയ ഭൂമി”യെ സംരക്ഷി​ക്കു​ന്ന​തി​നുള്ള ശ്രമങ്ങ​ളെ​ല്ലാം പരാജ​യ​ത്തിന്‌ വിധി​ക്ക​പ്പെ​ട്ടി​രി​ക്കു​ക​യാണ്‌. എന്തു​കൊണ്ട്‌?

ഒരു സംഗതി ഈ “പഴയഭൂ​മി” മനുഷ്യ​നിർമ്മിത ഗവൺമെൻറു​കൾ ചേർന്നു​ണ്ടാ​യി​ട്ടു​ള്ള​താണ്‌ എന്നതാണ്‌. ഓരോ പ്രത്യേക ഗവൺമെൻറ്‌ ദേശീ​യ​തയെ പ്രോ​ത്സാ​ഹി​പ്പി​ക്കു​ന്നു, അത്‌ മനുഷ്യ​നെ ഭിന്നി​പ്പി​ക്കു​ന്നു; ദേശീ​യ​ത്വം ഒരു രാഷ്‌ട്ര​ത്തി​ന്റെ താത്‌പ​ര്യ​ങ്ങൾക്ക്‌ ഊന്നൽ നൽകുന്നു, അത്‌ സകല രാഷ്‌ട്ര​ങ്ങ​ളു​ടെ​യും ആകമാന ക്ഷേമം അന്വേ​ഷി​ക്കു​ന്നില്ല. ഈ സ്വാർത്ഥ താത്‌പ​ര്യം സമാധാ​നം കൈവ​രു​ത്താ​നുള്ള ഐക്യ​രാ​ഷ്‌ട്ര​ങ്ങ​ളു​ടെ ഏതു പരി​ശ്ര​മ​ത്തെ​യും തകിടം മറിക്കു​ന്നു. ദ ഗാർഡി​യൻ എന്ന ബ്രിട്ടീഷ്‌ ദിനപ​ത്ര​ത്തി​ന്റെ മുഖ​പ്ര​സം​ഗം കുറി​ക്കൊ​ണ്ട​തു​പോ​ലെ: “യാതൊ​രു അംഗരാ​ഷ്‌ട്ര​വും കൂട്ടായ നൻമ​യെ​ക്ക​രു​തി അവരവ​രു​ടെ താത്‌പ​ര്യ​ങ്ങൾ ബലിക​ഴി​ക്കാൻ സന്നദ്ധര​ല്ലാ​ത്ത​തു​കൊണ്ട്‌ പരിഷ്‌ക്ക​ര​ണ​ത്തി​നുള്ള സാദ്ധ്യത ലോല​മാണ്‌. [ഐക്യ​രാ​ഷ്‌ട്ര പൊതു] സഭയുടെ വാസ്‌ത​വ​ത്തി​ലുള്ള ഏക ധർമ്മം ആഗോള അഭി​പ്രായ നിലയു​ടെ ഒരുതരം സൂചി​ക​യാ​യി വർത്തി​ക്കുക എന്നതാണ്‌. അതിന്റെ കാര്യ​പ​രി​പാ​ടി വർഷങ്ങ​ളോ​ളം ചർച്ച​ചെ​യ്‌തി​ട്ടും പരിഹാ​ര​ത്തി​ലേക്ക്‌ ഒട്ടും പുരോ​ഗ​മി​ക്കാത്ത പ്രശ്‌ന​ങ്ങൾകൊണ്ട്‌ നിറഞ്ഞി​രി​ക്കു​ക​യാണ്‌.”

“പഴയ ഭൂമിയെ” രക്ഷിക്കാ​നുള്ള യത്‌നങ്ങൾ എന്തു​കൊണ്ട്‌ നിഷ്‌ഫ​ല​മാ​യി​രി​ക്കു​ന്നു എന്നതിന്‌ ഇതി​ലേറെ അനിവാ​ര്യ​മായ മറെറാ​രു കാരണം ഉണ്ട്‌: അതു ദൈവ​ത്തി​ന്റെ ഉദ്ദേശ്യ​ങ്ങൾക്ക്‌ വിരു​ദ്ധ​മാണ്‌. അതെങ്ങനെ? ദൈവ​ത്തി​ന്റെ ദൃഷ്ടി​യിൽ “പഴയ ഭൂമിയെ” പരിഷ്‌ക്ക​രി​ക്കുക സാദ്ധ്യമല്ല. ദൈവ​ത്തി​ന്റെ പ്രഖ്യാ​പിത ഉദ്ദേശ്യം നിറ​വേ​റാ​നുള്ള സമയം അടുത്തു​കൊ​ണ്ടി​രി​ക്കു​ന്നു. അപ്പോ​സ്‌ത​ല​നായ യോഹ​ന്നാൻ വർണ്ണി​ച്ച​തു​പോ​ലെ: “ഞാൻ ഒരു പുതിയ ആകാശ​വും പുതിയ ഭൂമി​യും കണ്ടു. എന്തെന്നാൽ മുമ്പത്തെ ആകാശ​വും മുമ്പത്തെ ഭൂമി​യും നീങ്ങി​പ്പോ​യി.” (വെളി​പ്പാട്‌ 21:1) മനുഷ്യ​നിർമ്മിത ഗവൺമെൻറു​കളെ നീക്കം ചെയ്യു​ന്ന​തോ​ടെ ദൈവ​ത്തി​ന്റെ രാജ്യം വിഭാ​ഗീയ ദേശീ​യ​ത്വ​ത്തെ​യും ഇല്ലായ്‌മ ചെയ്യും. അതിന്റെ സ്ഥാനത്ത്‌ ഒരു “പുതിയ ഭൂമി,” ഒരു നീതിയെ സ്‌നേ​ഹി​ക്കുന്ന മനുഷ്യ​സ​മു​ദാ​യം ദൈവ​രാ​ജ്യം എന്ന ഏക സ്വർഗ്ഗീയ ഗവൺമെൻറി​ന്റെ കീഴിൽ വൃദ്ധി​പ്രാ​പി​ക്കും അതു​കൊണ്ട്‌, അപ്പോൾ മാത്രമേ മനുഷ്യ​വർഗ്ഗ​ത്തിന്‌ ലോക​വ്യാ​പ​ക​മാ​യി യഥാർത്ഥ സമാധാ​ന​വും സുരക്ഷി​ത​ത്വ​വും ആസ്വദി​ക്കാൻ കഴിയു​ക​യു​ള്ളു.

‘വാളു​കളെ കൊഴു​ക്ക​ളാ​യി അടിച്ചു​തീർക്കൽ’

ഐക്യ​രാ​ഷ്‌ട്ര​ങ്ങൾക്ക​ഭി​മു​ഖ​മാ​യി നിൽക്കുന്ന മതിലിൻമേൽ കൊത്തി​വ​ച്ചി​രി​ക്കുന്ന ഒരു ബൈബിൾ പ്രവച​ന​ത്തി​ന്റെ വാക്കു​ക​ളാൽ ഇത്‌ വാസ്‌ത​വി​ക​മായ ഒരു പ്രത്യാ​ശ​യാ​ണെന്ന്‌ ഉറപ്പു​നൽക​പ്പെ​ട്ടി​രി​ക്കു​ന്നു. അവിടെ അത്‌ ഇങ്ങനെ പ്രസ്‌താ​വി​ക്കു​ന്നു: “അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ കോതു​ക​ത്രി​ക​ക​ളാ​യും അടിച്ചു തീർക്കും. രാഷ്‌ട്രം രാഷ്‌ട്ര​ത്തി​നു നേരേ വാൾ ഓങ്ങു​ക​യില്ല. അവർ ഇനി യുദ്ധം അഭ്യസി​ക്കു​ക​യും ഇല്ല.”—യെശയ്യാ 2:4-ൽനിന്നും ഉദ്ധരി​ക്ക​പ്പെ​ട്ടത്‌.

ഇല്ല, അന്യോ​ന്യം ‘വാൾ ഓങ്ങു​ന്ന​തിൽ’ നിന്ന്‌ രാഷ്‌ട്ര​ങ്ങളെ തടയുന്ന കാര്യ​ത്തിൽ ഐക്യ​രാ​ഷ്‌ട്രങ്ങൾ വിജയി​ച്ചി​ട്ടില്ല;. എന്നിരു​ന്നാ​ലും തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർത്തി​രി​ക്കു​ന്നു എന്നതിന്‌ ജീവി​ക്കുന്ന തെളി​വു​കൾ നൽകുന്ന ഒരു ജനം ഉണ്ട്‌. ദേശീ​യ​വും രാഷ്‌ട്രീ​യ​വു​മായ വേലി​ക്കെ​ട്ടു​കൾക്ക​തീ​ത​മായ ഒരു ഐക്യം അവർ പ്രകട​മാ​ക്കി​യി​രി​ക്കു​ന്നു. തങ്ങളുടെ സഹമനു​ഷ്യർക്കെ​തി​രെ “വാളു​യർത്താൻ” ഈ ക്രിസ്‌തീയ നിക്ഷ്‌പ​ക്ഷരെ യാതൊ​രു സമ്മർദ്ദ​വും മൂലം പ്രേരി​പ്പി​ക്കാ​നാ​വില്ല. അവർ ആരാണ്‌? യഹോ​വ​യു​ടെ സാക്ഷികൾ.

രാഷ്‌ട്ര​ങ്ങ​ളു​ടെ യുദ്ധങ്ങ​ളിൽ പങ്കെടു​ക്കാ​നുള്ള സമ്മർദ്ദ​ത്തിന്‌ വിധേ​യ​രാ​കു​മ്പോ​ഴുള്ള അവരുടെ പ്രതി​ക​ര​ണ​ത്തി​ന്റെ ഉത്തമ ഉദാഹ​ര​ണ​മാണ്‌, രാഷ്‌ട്രീയ ഭീകര​പ്ര​വർത്തനം തേർവാഴ്‌ച നടത്തുന്ന ഒരു ആഫ്രിക്കൻ രാജ്യത്ത്‌ ഒരു സാക്ഷിക്ക്‌ ഉണ്ടായ അനുഭവം.

ഒരു ഗറില്ലാ സേനയി​ലേക്കു പുതിയ റിക്രൂ​ട്ടു​കളെ ചേർക്കാ​നുള്ള ശ്രമത്തിൽ ആ രാജ്യത്തെ ഒരു ഭീകര​പ്ര​വർത്ത​ക​രു​ടെ സംഘം ആളുകളെ തട്ടി​ക്കൊ​ണ്ടു​പോ​യി അവരുടെ മുമ്പാകെ ഒരു തെര​ഞ്ഞെ​ടു​പ്പു​വെ​ക്കും. ഒന്നുകിൽ ഭീകര​സേ​ന​യിൽ ചേരുക അല്ലെങ്കിൽ വെടി​കൊണ്ട്‌ മരിക്കുക. ഒരു ദിവസം അവർ യഹോ​വ​യു​ടെ സാക്ഷി​ക​ളിൽ ഒരാളെ തട്ടി​ക്കൊ​ണ്ടു​പോ​യി. മദ്യപാ​നം ചെയ്‌തു​കൊ​ണ്ടി​രുന്ന നേതാ​ക്കൻമാർ അയാളു​ടെ മുമ്പാകെ തെര​ഞ്ഞെ​ടുപ്പ്‌ വച്ചു. അയാളു​ടെ മുമ്പിൽ രണ്ട്‌ കുപ്പി ബീയർ വച്ചിട്ട്‌ അതി​ലൊന്ന്‌ ഗവൺമെൻറി​നെ​യും മറേറത്‌ അവരുടെ ഭീകര​സം​ഘ​ത്തെ​യും പ്രതി​നി​ധീ​ക​രി​ക്കു​ന്നു എന്നു പറഞ്ഞു. എന്നിട്ടവർ ‘നീ ഏതിനു വേണ്ടി നിൽക്കും?’ എന്നു ചോദി​ച്ചു. സാക്ഷി ഒരു നിമിഷം ആലോ​ചി​ച്ചിട്ട്‌ അടുത്തി​രി​ക്കുന്ന മററു ബീയർ കുപ്പി​ക​ളിൽ ഒന്നെടുത്ത്‌ രണ്ടി​ന്റെ​യും നടുവിൽ നിർത്തി​ക്കൊണ്ട്‌ ഇങ്ങനെ പറഞ്ഞു: “എന്റെ നില ഇതി​നോ​ടൊ​പ്പ​മാണ്‌.” അയാൾ കൂട്ടി​ച്ചേർത്തു: “ഞാൻ നിക്ഷ്‌പ​ക്ഷ​നാണ്‌, കാരണം ഞാൻ ദൈവ​രാ​ജ്യ​ത്തി​നു​വേണ്ടി നിൽക്കു​ന്നു.” ഇതേത്തു​ടർന്നു അദ്ദേഹത്തെ നിരവ​ധി​പ്രാ​വ​ശ്യം അടിച്ചു. തുടർന്നു അവർ തന്നെ വെടി​വച്ച്‌ കൊല്ലു​മോ ഇല്ലയോ എന്നറി​യാൻ നിർവ്വാ​ഹ​മി​ല്ലാ​തെ ഗറില്ലാ പാളയ​ത്തിൽ അടിമ വേല ചെയ്യാൻ നിർബ്ബ​ന്ധി​ത​നാ​യി. എട്ടു മാസങ്ങൾക്ക്‌ ശേഷം ഗവൺമെൻറ്‌ സേന പാളയത്തെ ആക്രമി​ച്ച​പ്പോൾ അദ്ദേഹം രക്ഷപ്പെട്ടു.

യഹോ​വ​യു​ടെ സാക്ഷികൾ രാഷ്‌ട്ര​ങ്ങ​ളു​ടെ യുദ്ധങ്ങ​ളിൽ പങ്കെടു​ക്കു​ന്ന​തി​നേ​ക്കാ​ളേറെ തടവു​ശി​ക്ഷ​യോ മരണം പോലു​മോ വരിക്കു​ന്നു. അങ്ങനെ നാസി​ജർമ്മ​നി​യിൽ അവരിൽ അനേകാ​യി​രങ്ങൾ തടങ്കൽ പാളയ​ങ്ങ​ളിൽ അടക്ക​പ്പെട്ടു, കാരണം അവർ നാസി​ക​ളു​ടെ ഭീകര വാഴ്‌ചയെ പിന്താ​ങ്ങു​മാ​യി​രു​ന്നില്ല. ക്യാമ്പു​ക​ളിൽ ശതക്കണ​ക്കി​നു സാക്ഷികൾ വധിക്ക​പ്പെ​ടു​ക​യോ മരിക്കു​ക​യോ ചെയ്‌തു. എന്നാൽ ആ ദുഷ്ട നാസി ഗവൺമെൻറ്‌ പണ്ടേ പൊയ്‌പ്പോ​യെ​ങ്കി​ലും ഇന്ന്‌ യഹോ​വ​യു​ടെ സാക്ഷികൾ ജർമ്മനി​യി​ലും ഭൂഗോ​ള​ത്തെ​മ്പാ​ടും വർദ്ധിച്ചു വരുന്നു.

എന്നാൽ എന്തു​കൊ​ണ്ടാണ്‌ ‘അവർക്ക്‌ വാളു​കളെ കൊഴു​ക്ക​ളാ​യി അടിച്ചു തീർക്കാൻ കഴിയു​ന്നുത്‌? യുനെ​സ്‌ക്കോ​യു​ടെ ചാർട്ട​റി​ന്റെ ആമുഖ​ത്തിൽ അതിന്റെ സൂചന കണ്ടെത്താൻ കഴിയും. അത്‌ ഇങ്ങനെ പറയുന്നു: “യുദ്ധങ്ങൾ ആളുക​ളു​ടെ മനസ്സു​ക​ളിൽ ആരംഭി​ക്കു​ന്ന​തു​കൊണ്ട്‌, മനുഷ്യ​രു​ടെ മനസ്സു​ക​ളി​ലാണ്‌ സമാധാന സംരക്ഷ​ണോ​പാ​ധി​കൾ പടുത്തു​യർത്തേ​ണ്ടത്‌.”

ഇതി​നോട്‌ ചേർച്ച​യിൽ, “വാളു​കളെ കൊഴു​ക്ക​ളാ​യി അടിച്ചു​തീർക്കു​ന്ന​വ​രെ​ക്കു​റിച്ച്‌ അവർ ഇനിമേൽ യുദ്ധം അഭ്യസി​ക്കു​ക​യു​മില്ല” എന്ന്‌ യെശയ്യാ​വി​ന്റെ പ്രവചനം പറയുന്നു. മറിച്ച്‌ തിരു​വെ​ഴു​ത്തു​ക​ളു​ടെ പഠനത്തി​ലൂ​ടെ​യും ബാധക​മാ​ക്ക​ലി​ലൂ​ടെ​യും അവർ ‘ദൈവ​ത്തി​ന്റെ വഴികൾ അഭ്യസിച്ച്‌ അവന്റെ പാതക​ളിൽ നടക്കുന്നു.’ (യെശയ്യാവ്‌ 2:3, 4) അവന്റെ പരിശു​ദ്ധാ​ത്മാ​വി​ന്റെ സഹായ​ത്താൽ അവരുടെ ‘മനസ്സു പുതുക്കി’, അവർ സമാധാ​ന​പ്രി​യ​രാ​യി​ത്തീർന്നി​രി​ക്കു​ന്നു.—റോമർ 12:2, 18.

യഹോ​വ​യു​ടെ സാക്ഷികൾ തങ്ങളുടെ “വാളു​കളെ കൊഴു​ക്ക​ളാ​യി അടിച്ചു തീർത്തി​രി​ക്കു​ന്നു എന്നതിന്റെ വ്യക്തമായ തെളിവ്‌ സമാധാ​ന​ത്തി​ലും സുരക്ഷി​ത​ത്വ​ത്തി​ലും ജീവി​ക്കുക സാദ്ധ്യ​മാണ്‌ എന്നു തെളി​യി​ക്കു​ന്നു. അവരുടെ ഇന്നത്തെ ജീവി​ത​രീ​തി ക്രിസ്‌തു​മൂ​ല​മുള്ള ദൈവ​രാ​ജ്യം ഭൂവ്യാ​പ​ക​മാ​യി സമീപ​ഭാ​വി​യിൽ നടപ്പാ​ക്കാൻ ഇരിക്കുന്ന കാര്യ​ങ്ങളെ ഒരു ചെറിയ തോതിൽ പ്രതി​ഫ​ലി​പ്പി​ക്കു​ന്നു.

അത്തര​മൊ​രു പ്രത്യാശ നിങ്ങൾക്ക്‌ കാമ്യ​മാ​യി തോന്നു​ന്നു​ണ്ടോ? ദൈവ​രാ​ജ്യം വേഗത്തിൽ ശാശ്വത സമാധാ​ന​വും സുരക്ഷി​ത​ത്വ​വും കൈവ​രു​ത്തും എന്നതിന്റെ തെളിവ്‌ യഹോ​വ​യു​ടെ സാക്ഷികൾ നിങ്ങ​ളോ​ടൊത്ത്‌ സസന്തോ​ഷം പങ്കിടും. എന്തു​കൊണ്ട്‌ നിങ്ങൾക്ക്‌ പ്രാ​ദേ​ശി​ക​മാ​യി അവരു​മാ​യി ബന്ധപ്പെ​ടു​ക​യോ അല്ലെങ്കിൽ ഈ മാസി​ക​യു​ടെ പ്രസാ​ധ​കർക്ക്‌ എഴുതു​ക​യോ ചെയ്‌തു​കൂ​ടാ? യുദ്ധ​മെ​ങ്ങു​മി​ല്ലാത്ത ഒരു ഭൂമി​യിൽ വേഗം ജീവിതം ആസ്വദി​ക്കാ​നുള്ള പ്രതീ​ക്ഷ​യിൽ ഇപ്പോൾതന്നെ “വാളു​കളെ കൊഴു​ക്ക​ളാ​യി അടിച്ചു​തീർക്കാൻ നിങ്ങൾക്കെ​ങ്ങനെ സാധി​ക്കും എന്നതി​നെ​ക്കു​റിച്ച്‌ കൂടുതൽ മനസ്സി​ലാ​ക്കുക.(w85 10/15)

[അടിക്കു​റി​പ്പു​കൾ]

[5-ാം പേജിലെ ചതുരം]

ഐക്യരാഷട്രങ്ങൾ എന്തു​കൊണ്ട്‌ പരാജ​യ​പ്പെട്ടു:

□ മാനു​ഷിക ജ്ഞാനം തുലോം പരിമി​തം (യിരെ​മ്യാവ്‌ 10:23)

□ സാത്താന്റെ സ്വാധീ​നം അതിന്റെ ശ്രമങ്ങളെ പരാജ​യ​പ്പെ​ടു​ത്തു​ന്നു. (വെളി​പ്പാട്‌ 12:12)

□ അത്‌ ഈ ലോക​ത്തി​ന്റെ ശിശു​വാ​യ​തി​നാൽ അതിന്റെ ബലഹീ​ന​ത​കളെ വഹിക്കു​ന്നു. (1 യോഹ​ന്നാൻ 5:19)

□ അത്‌ ദൈവ​ത്തി​ന്റെ ഉദ്ദേശ്യ​ങ്ങൾക്ക്‌ വിരു​ദ്ധ​മായ “പഴയ ഭൂമിയെ” രക്ഷിക്കാൻ ശ്രമി​ക്കു​ന്നു. (1 യോഹ​ന്നാൻ 2:17)

ദൈവരാജ്യം എന്തു​കൊണ്ട്‌ വിജയി​ക്കും:

□ അതിന്റെ ഭരണാ​ധി​പന്‌ മനുഷ്യാ​തീ​ത​ജ്ഞാ​ന​മുണ്ട്‌, അവന്‌ മനുഷ്യ​രു​ടെ ഹൃദയ​ങ്ങളെ വായി​ക്കാൻ കഴിയും. (യോഹ​ന്നാൻ 2:25)

□ അത്‌ യുദ്ധത്തിന്‌ പ്രേരി​പ്പി​ക്കുന്ന ഭൂതങ്ങളെ നീക്കം ചെയ്യും (വെളി​പ്പാട്‌ 20:1-3)

□ അത്‌ ദൈവ​ത്തി​ന്റെ “ശിശു”വാണ്‌, അതിന്റെ ഭരണാ​ധി​പൻ ദൈവ​ത്തി​ന്റെ ഗുണങ്ങളെ പ്രതി​ഫ​ലി​പ്പി​ക്കു​ന്നു. (വെളി​പ്പാട്‌ 12:5)

□ അത്‌ ഒരു ഏക സ്വർഗ്ഗീയ ഗവൺമെൻറിൻ കീഴിൽ ഒരു നീതി​യുള്ള “പുതിയ ഭൂമി” സ്ഥാപി​ക്കും. (വെളി​പ്പാട്‌ 21:1)

[7-ാം പേജിലെ ചിത്രം]

ദൈവരാജ്യം ഒരു “പുതിയ ഭൂമിയെ”, ഒരു നീതി​യുള്ള മനുഷ്യ​സ​മു​ദാ​യത്തെ സ്ഥാപി​ക്കും, അത്‌ ഒരു ഏക സ്വർഗ്ഗീയ ഗവൺമെൻറിൻ കീഴിൽ വൃദ്ധി​പ്രാ​പി​ക്കും.