മറ്റു​ള്ള​വ​രു​ടെ പാപങ്ങ​ളിൽ പങ്കുപ​റ​റ​രുത്‌

“ഞാൻ അസത്യ​വാ​ദി​ക​ളോ​ടു​കൂ​ടെ ഇരുന്നി​ട്ടില്ല; തങ്ങൾ ആരാ​ണെ​ന്നു​ള്ളതു മറച്ചു വെക്കു​ന്ന​വ​രോ​ടു​കൂ​ടെ ഞാൻ ചെന്നി​ട്ടില്ല.”—സങ്കീർത്തനം 26:4.

1. യൂദാ തന്റെ സഹക്രി​സ്‌ത്യാ​നി​കൾക്ക്‌ എഴുതു​ന്ന​തി​ലുള്ള ഉദ്ദേശ്യ​ത്തിന്‌ മാററം​വ​രു​ത്തി​യ​തെ​ന്തു​കൊണ്ട്‌?

പത്തൊൻപതു നൂററാ​ണ്ടു​കൾക്കു മുൻപ്‌, ശിഷ്യ​നാ​യി​രുന്ന യൂദാ ‘തങ്ങൾക്കു പൊതു​വി​ലുള്ള രക്ഷയെ​ക്കു​റിച്ച്‌’ സഹവി​ശ്വാ​സി​കൾക്ക്‌ എഴുതാൻ ഉദ്ദേശി​ച്ചി​രു​ന്നു. എന്നാൽ “വിശു​ദ്ധൻമാർക്ക്‌ ഒരിക്ക​ലാ​യി ഭരമേൽപ്പി​ക്ക​പ്പെട്ട വിശ്വാ​സ​ത്തി​നു​വേണ്ടി കഠിന​പോ​രാ​ട്ടം നടത്താൻ” അവരെ പ്രോ​ത്സാ​ഹി​പ്പി​ക്കേ​ണ്ട​താ​വ​ശ്യ​മാ​ണെന്ന്‌ അവൻ കണ്ടെത്തി. എന്തു​കൊണ്ട്‌? എന്തു​കൊ​ണ്ടെ​ന്നാൽ ചില “ഭക്തികെട്ട മനുഷ്യർ” സഭയിൽ നുഴഞ്ഞു​ക​യ​റി​യി​രു​ന്നു, അവർ “നമ്മുടെ ദൈവ​ത്തി​ന്റെ അനർഹ​ദ​യയെ ദുർന്ന​ട​ത്ത​യ്‌ക്കു ഒരു ഒഴിക​ഴി​വാ​യി മാററു​ക​യാ​യി​രു​ന്നു.”—യൂദാ 3, 4.

2. രക്ഷയെ​ക്കു​റി​ച്ചു ചർച്ച​ചെ​യ്യു​ന്നതു നവോൻമേ​ഷ​പ്ര​ദ​മാ​ണെ​ങ്കി​ലും ചില സമയങ്ങ​ളിൽ നാം എന്തു പ്രാർത്ഥ​നാ​പൂർവ്വം പരിചി​ന്തി​ക്കേ​ണ്ട​താണ്‌?

² പൊതു​വാ​യുള്ള രക്ഷയെ​ക്കു​റിച്ച്‌ ചർച്ച ചെയ്യു​ന്നത്‌ എത്ര നവോൻമേഷ പ്രദമാണ്‌! ആ സന്ദേശ​ത്തെ​ക്കു​റി​ച്ചുള്ള വിചി​ന്തനം വലിയ സംതൃ​പ്‌തി കൈവ​രു​ത്തു​ന്നു. ആ രക്ഷയുടെ സകല അനു​ഗ്ര​ഹ​ങ്ങ​ളും പ്രതീ​ക്ഷി​ക്കു​മ്പോൾ നാം സന്തോ​ഷി​ക്കു​ന്നു. എന്നിരു​ന്നാ​ലും, രക്ഷയെ​ക്കു​റി​ച്ചു സംസാ​രി​ക്കു​ന്ന​തി​നു പകരം ഗൗരവ​മുള്ള മററു കാര്യങ്ങൾ പരിചി​ന്തി​ക്കേണ്ട ആവശ്യത്തെ നാം അഭിമു​ഖീ​ക​രി​ക്കുന്ന സമയങ്ങ​ളുണ്ട്‌. തിരു​ത്ത​പ്പെ​ട്ടി​ല്ലെ​ങ്കിൽ ഇവയ്‌ക്കു നമ്മുടെ വിശ്വാ​സത്തെ പൊളി​ക്കാ​നും ജീവനു​വേ​ണ്ടി​യുള്ള ഓട്ടത്തിൽ നാം പരാജ​യ​പ്പെ​ടാ​നി​ട​യാ​ക്കാ​നും കഴിയും. തെററായ നടത്ത​ക്കെ​തി​രായ യൂദാ​യു​ടെ മുന്നറി​യിപ്പ്‌ ശക്തവും പ്രബല​വു​മാ​യി​രു​ന്ന​തു​പോ​ലെ​തന്നെ, ഇന്നു ക്രിസ്‌ത്യാ​നി​കൾ ചില സമയങ്ങ​ളിൽ, വളച്ചു​കെ​ട്ടി​ല്ലാത്ത, കുറി​ക്കു​കൊ​ള്ളുന്ന, തിരു​വെ​ഴു​ത്തു ബുദ്ധി​യു​പ​ദേശം പ്രാർത്ഥ​നാ​പൂർവ്വം പരിചി​ന്തി​ക്കേ​ണ്ടി​യി​രി​ക്കു​ന്നു.

നമ്മുടെ സ്വന്തം പാപങ്ങൾ

3. നമുക്ക്‌ ശിക്ഷണം ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌, അത്‌ എങ്ങനെ സ്വീക​രി​ക്കണം?

³ സങ്കീർത്ത​ന​ക്കാ​ര​നായ ദാവീദ്‌ ഇങ്ങനെ പറഞ്ഞു: “അകൃത്യ​ത്തിൽ, പ്രസവ​വേ​ദ​ന​ക​ളോ​ടെ ഞാൻ ജനിപ്പി​ക്ക​പ്പെട്ടു, പാപത്തിൽ എന്റെ അമ്മ എന്നെ ഗർഭം ധരിച്ചു.” (സങ്കീത്തനം 51:5) നമ്മളെ​ല്ലാം പാപി​ക​ളാ​യി​ട്ടാ​ണു ജനച്ചി​രി​ക്കു​ന്നത്‌. (റോമർ 5:12) അപ്പോ​സ്‌ത​ല​നായ യോഹ​ന്നാൻ ഇങ്ങനെ എഴുതി: “നമുക്ക്‌ പാപമില്ല എന്ന പ്രസ്‌താ​വന നാം ചെയ്യു​ന്നു​വെ​ങ്കിൽ നാം നമ്മേത്തന്നെ വഴി​തെ​റ​റി​ക്കു​ക​യാണ്‌, നമ്മിൽ സത്യമില്ല” (1 യോഹ​ന്നാൻ 1:8) പാപി​ക​ളെന്ന നിലയിൽ നമ്മുടെ ഗതിയെ തിരു​ത്ത​ത്ത​ക്ക​വണ്ണം നമുക്കു ശിക്ഷണം ആവശ്യ​മുള്ള സമയങ്ങ​ളുണ്ട്‌. അങ്ങനെ​യുള്ള ശിക്ഷണം യഹോ​വ​യിൽ നിന്ന്‌ അവന്റെ വചനമായ ബൈബി​ളി​ലൂ​ടെ​യും അവന്റെ സ്ഥാപന​ത്തി​ലൂ​ടെ​യും വരുന്നു. അവന്റെ ശിക്ഷണം നമ്മെ തിരു​ത്തു​ന്നു, അവന്റെ മുമ്പാകെ നിഷ്‌ക്ക​ള​ങ്ക​ത​യിൽ നടക്കാൻ നമ്മെ സഹായി​ക്കു​ക​യും ചെയ്യുന്നു. അപ്പോ​സ്‌ത​ല​നായ പൗലോസ്‌ പ്രസ്‌താ​വി​ച്ച​പ്ര​കാ​രം: “യാതൊ​രു ശിക്ഷണ​വും തൽക്കാ​ല​ത്തേക്കു സന്തോ​ഷമല്ല, ദുഃഖ​ക​ര​മാ​ണെ​ന്നാണ്‌ തോന്നുക; എന്നാൽ പിന്നീട്‌ അതിനാൽ പരിശീ​ലി​പ്പി​ക്ക​പ്പെ​ട്ടി​രി​ക്കു​ന്ന​വർക്ക്‌ അത്‌ സമാധാ​ന​ഫലം, അതായത്‌ നീതി, വിളയി​ക്കു​ന്നു.” (എബ്രായർ 12:11) അത്തരം ശിക്ഷണ​ത്തി​ന്റെ സമാധാ​ന​ഫ​ല​ത്തി​ന്റെ വീക്ഷണ​ത്തിൽ നാം തീർച്ച​യാ​യും നന്ദി​യോ​ടെ അതു സ്വീക​രി​ക്കേ​ണ്ട​താണ്‌.

4. ശിക്ഷണം എപ്പോൾ കൊടു​ക്കാ​വു​ന്ന​താണ്‌, അതിന്റെ ഫലമെ​ന്താ​യി​രി​ക്കും?

⁴ ഗുതു​ത​ര​മായ ഒരു തെററി​ലേക്ക്‌ നയി​ച്ചേ​ക്കാ​വുന്ന ഒരു ഗതിക്കു തുടക്ക​മി​ടു​മ്പോൾതന്നെ യഹോ​വ​യിൽനി​ന്നുള്ള ശിക്ഷണം നൽക​പ്പെ​ട്ടേ​ക്കാം. (ഗലാത്യർ 6:1) മററു സമയങ്ങ​ളിൽ, നാം കൂടുതൽ പൂർണ്ണ​മാ​യി ഒരു തെററായ ഗതിയിൽ പ്രവേ​ശിച്ച ശേഷമാ​യി​രി​ക്കാം ശിക്ഷണം വരുന്നത്‌. സഭയിലെ ഒരു ദുഷ്‌പ്ര​വൃ​ത്തി​ക്കാ​ര​നെ​തി​രാ​യി നടപടി​യെ​ടു​ക്കാൻ അപ്പോ​സ്‌ത​ല​നായ പൗലോസ്‌ കൊരി​ന്ത്യ​രെ ശക്തമായി ഉപദേ​ശി​ച്ച​പ്പോ​ഴ​ത്തേ​തു​പോ​ലെ, അത്തരം ശിക്ഷണം കഠിന​മാ​യി​രി​ക്കേ​ണ്ട​തു​ണ്ടാ​യി​രി​ക്കാം. (1 കൊരി​ന്ത്യർ 5:1-5) രണ്ടു സന്ദർഭ​ത്തി​ലും ദുഷ്‌പ്ര​വൃ​ത്തി​ക്കാ​രൻ അനുത​പി​ച്ചു തിരി​ഞ്ഞു​വ​രാ​നും ഗൗരവ​മുള്ള ഒരു ദുഷ്‌പ്ര​വൃ​ത്തി​യി​ലേക്കു നിയി​ക്കുന്ന പാപപ​ങ്കി​ല​മായ മോഹ​ങ്ങ​ളിൽ നിന്ന്‌ അകന്ന സ്ഥിരമായ ഒരു ഗതിയിൽ പോകാ​നും വേണ്ടി​യാണ്‌ ശിക്ഷണം കൊടു​ക്ക​പ്പെ​ടു​ന്നത്‌. (പ്രവൃ​ത്തി​കൾ 3:19 താരത​മ്യ​പ്പെ​ടു​ത്തുക.) യഹോ​വ​യു​ടെ ദാസൻമാർ അങ്ങനെ​യുള്ള ശിക്ഷണ​ത്തിൽ നന്ദിയു​ള്ള​വ​രാണ്‌. പുരാതന കൊരി​ന്തിൽ ശകാരി​ക്ക​പ്പെട്ട വ്യക്തിക്ക്‌ പ്രയോ​ജനം കിട്ടു​ക​യും പ്രത്യ​ക്ഷ​ത്തിൽ സഭയു​മാ​യുള്ള സ്‌നേ​ഹ​പൂർവ്വക സഹവാ​സ​ത്തിൽ പുനഃ​സ്ഥി​തീ​ക​രി​ക്ക​പ്പെ​ടു​ക​യും ചെയ്‌തേ​ക്കാം.—2 കൊരി​ന്ത്യർ 2:5-8.

5. ഗൗരവ​മായ പാപത്തിൽ ഉൾപ്പെ​ടുന്ന ക്രിസ്‌ത്യാ​നി​കൾ സാധാ​രാ​ണ​യാ​യി എന്തു ചെയ്യുന്നു?

⁵ യഹോ​വ​യ്‌ക്കു സമർപ്പി​ക്ക​പ്പെ​ട്ടി​രി​ക്കു​ന്ന​വ​രിൽ ബഹുഭൂ​രി​പ​ക്ഷ​വും ദൈവ​മു​മ്പാ​കെ നിഷ്‌ക്ക​ള​ങ്ക​മാ​യി നടക്കേ​ണ്ടി​തി​ന്റെ ആവശ്യ​ത്തെ​ക്കു​റിച്ച്‌ വളരെ​യ​ധി​കം ബോധ​മു​ള്ള​വ​രാണ്‌. അവർ ഗൗരവ​മുള്ള പാപത്തിൽ ഉൾപ്പെ​ട്ടു​പോ​യാൽ അവർ പെട്ടെന്ന്‌ ചീത്ത മാർഗ്ഗ​ത്തിൽ നിന്ന്‌ അകുന്നു​മാ​റു​ക​യും നിയമിത മൂപ്പൻമാ​രു​ടെ അടുക്ക​ലേക്കു പോകു​ക​യും യഥാർത്ഥ അനുതാ​പ​ത്തി​ന്റെ തെളി​വു​കൊ​ടു​ക്കു​ക​യും ചെയ്യുന്നു. (യാക്കോബ്‌ 5:13-16) ഓരോ വർഷവും താരത​മ്യേന ചുരുക്കം ചില യഹോ​വ​യു​ടെ സാക്ഷികൾ മാത്രമേ സഭയിൽനിന്ന്‌ പുറത്താ​ക്ക​പ്പെ​ടു​ന്നു​ള്ളു​വെന്ന വസ്‌തുത അവർ ചീത്തത്വ​ത്തെ വെറു​ക്കു​ന്നു​വെ​ന്നും നൻമ​ചെ​യ്യാ​നാ​ഗ്ര​ഹി​ക്കു​ന്നു​വെ​ന്നു​മു​ള്ള​തി​ന്റെ തെളി​വാണ്‌.—സങ്കീർത്തനം 34:14; 45:7.

മറ്റു​ള്ള​വ​രു​ടെ പാപങ്ങൾ

6, 7. ചില ദുഷ്‌പ്ര​വൃ​ത്തി​ക്കാർ മററു​ള്ള​വരെ സ്വാധീ​നി​ക്കാൻ ശ്രമി​ക്കു​ന്ന​തെ​ങ്ങനെ?

⁶ എന്നിരു​ന്നാ​ലും, പ്രത്യ​ക്ഷ​ത്തിൽ നീതിയെ സ്‌നേ​ഹി​ക്കുന്ന ചിലർ തങ്ങളെ വഞ്ചിക്കാൻ തങ്ങളുടെ ഹൃദയ​ങ്ങളെ അനുവ​ദി​ച്ച​താ​യി തോന്നു​ന്നു. എന്തു​കൊ​ണ്ടെ​ന്നാൽ അവർ ചീത്തത്വ​ത്തെ വെറു​ക്കു​ന്ന​താ​യി കാണു​പ്പെ​ടു​ന്നില്ല. (സങ്കീർത്തനം 97:10; ആമോസ്‌ 5:15) തൽഫല​മാ​യി, അവർ പാപപൂർണ്ണ​മായ കാര്യങ്ങൾ ചെയ്യു​ന്ന​തിൽ ഉൾപ്പെ​ടു​ക​യും നൻമ​ചെ​യ്യാ​നുള്ള പോരാ​ട്ടം നിലനിർത്താ​തി​രി​ക്കു​ക​യും ചെയ്യുന്നു. ചില സമയങ്ങ​ളിൽ, അവർ അതില​ധി​കം പോകു​ക​യും തങ്ങളുടെ പാപപൂർണ്ണ​മായ ഗതിയിൽ മററു​ള്ള​വരെ ഉൾപ്പെ​ടു​ത്താൻ ശ്രമി​ക്കു​ക​യും ചെയ്‌തേ​ക്കാം. അങ്ങനെ​യുള്ള നിർദ്ദേ​ശങ്ങൾ നാം തള്ളിക്ക​ള​യു​ന്നത്‌ എത്ര പ്രധാ​ന​മാണ്‌!—സദൃശ​വാ​ക്യ​ങ്ങൾ 1:10, 10-15 താരത​മ്യ​പ്പെ​ടു​ത്തുക.

⁷ ചില​പ്പോൾ പ്രത്യ​ക്ഷ​ത്തിൽ ചീത്തയെ വെറു​ക്കാത്ത ചിലർ വളരെ ഹൃദ്യ​മാ​യി സംസാ​രി​ക്കു​ന്ന​തു​കൊണ്ട്‌, അവരെ ശ്രദ്ധി​ക്കു​ന്ന​വ​രു​ടെ ഹൃദയ​ങ്ങ​ളിൽ തെററു​ചെ​യ്യാ​നുള്ള ഒരു ആകാംക്ഷ വികാ​സം​പ്രാ​പി​ച്ചേ​ക്കാം. ദുർമ്മാർഗ്ഗ​ത്തി​ലോ ദൈവം അംഗീ​ക​രി​ക്കാത്ത നടത്ത​യോ​ട​ടുത്ത ഏതെങ്കി​ലും നടപടി​യി​ലോ ഏർപ്പെ​ടാ​നാ​യി​രി​ക്കാം പ്രോ​ത്സാ​ഹനം. അല്ലെങ്കിൽ ആത്മീയ​മായ അപകട​സാ​ദ്ധ്യ​ത​യുള്ള ഒരു സാഹച​ര്യ​ത്തിൽ ഉൾപ്പെ​ടാൻ ഒരു വ്യക്തി പ്രോ​ത്സാ​ഹി​പ്പി​ക്ക​പ്പെ​ക്കോം. അങ്ങനെ മററു​ള്ള​വരെ പ്രേരി​പ്പി​ക്കാൻ ശ്രമി​ക്കു​ന്നവർ, നാം പാപം ചെയ്യു​മ്പോൾ കരുണ നിറഞ്ഞ സ്‌നേ​ഹ​വാ​നായ ഒരു ദൈവ​മാണ്‌ യഹോ​വ​യെന്ന്‌ അവകാ​ശ​പ്പെ​ട്ടേ​ക്കാം. ഹൃദയ​ത്തി​ന്റെ അത്തരം വഞ്ചനക്ക്‌ നിലനിൽക്കുന്ന തകരാറു വരുത്തി​ക്കൂ​ട്ടാൻ കഴിയും. (യിരെ​മ്യാവ്‌ 17:9; യൂദാ 4) തീർച്ച​യാ​യും, നാം ‘അവരുടെ വഴിയിൽനിന്ന്‌ നമ്മുടെ പാദത്തെ പിൻവ​ലി​ക്കണം.’—സദൃശ​വാ​ക്യ​ങ്ങൾ 1:15.

മറ്റു​ള്ള​വ​രു​ടെ പാപങ്ങ​ളിൽ പങ്കുപ​റ​റൻ

8. ഏതു ചോദ്യ​ങ്ങൾ പരിചി​ന്തി​ക്കേ​ണ്ട​യാ​വ​ശ്യ​മുണ്ട്‌?

⁸ എന്നാൽ ഒരു നിർദ്ദി​ഷ്ട​പ്ര​വർത്ത​ന​ഗതി തെററാ​ണെന്ന്‌ നാം തിരി​ച്ച​റി​യു​ന്നു​വെ​ന്നി​രി​ക്കട്ടെ. നാം അതു തള്ളിക്ക​ള​യു​ന്നുത്‌ ആ സംഗതി സംബന്ധിച്ച കൂടു​ത​ലായ ഉത്തരവാ​ദി​ത്ത​ത്തിൽനിന്ന്‌ നമ്മെ വിമു​ക്ക​രാ​ക്കു​ന്നു​ണ്ടോ? ദുഷ്‌പ്ര​വൃ​ത്തി ചെയ്യാൻ നിർദ്ദേ​ശി​ക്കു​ന്നവർ അതിൽ ഏർപ്പെ​ടു​ന്ന​താ​യി നാം അറിയു​ന്നു​വെ​ങ്കിൽ നാം എന്തു​ചെ​യ്യണം?

9. ചിലർ മററു​ള്ള​വ​രു​ടെ ദുഷ്‌പ്ര​വൃ​ത്തി​യെ​ക്കു​റിച്ച്‌ അറിയി​ക്കാ​ത്ത​തെ​ന്തു​കൊ​ണ്ടാ​യി​രി​ക്കാം, എന്നാൽ ഇത്‌ ഗൗരവ​മുള്ള സംഗതി ആയിരി​ക്കു​ന്ന​തെ​ന്തു​കൊണ്ട്‌?

⁹ മററു​ള്ള​വ​രു​ടെ ദുഷ്‌പ്ര​വൃ​ത്തി​യെ​ക്കു​റിച്ച്‌ അറിവുള്ള ചിലർ സഭയെ ശുദ്ധമാ​യി സൂക്ഷി​ക്കാൻ മുഖ്യ ഉത്തരവാ​ദി​ത്ത​മു​ള്ള​വ​രോട്‌ അതി​നെ​ക്കു​റിച്ച്‌ യാതൊ​ന്നും പറയാ​തി​രി​ക്കാൻ ചായ്‌വു കാണി​ച്ചേ​ക്കാം. എന്തു​കൊണ്ട്‌? ഒരുപക്ഷേ അവർ കൂട്ടു​കാർക്കെ​തി​രെ വിവരം കൊടു​ക്കു​ന്ന​വ​രാ​യി വീക്ഷി​ക്ക​പ്പെ​ടാ​നാ​ഗ്ര​ഹി​ക്കു​ന്നില്ല അല്ലെങ്കിൽ, തെററായ ഒരു കൂറു നിമിത്തം അവർ സംഗതി ഒതുത​ക്കി​വെ​ച്ചേ​ക്കാം, അല്ലെങ്കിൽ രഹസ്യ​മാ​യി സൂക്ഷി​ക്കാ​മെന്നു വാഗ്‌ദാ​നം ചെയ്യു​ന്ന​വ​രോ​ടു മാത്രം പറഞ്ഞേ​ക്കാം. ഇതു വളരെ ഗൗരവ​മാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ അത്‌ യഥാർത്ഥ​ത്തിൽ മററു​ള്ള​വ​രു​ടെ പാപങ്ങ​ളിൽ പങ്കുപ​റ​റു​ന്ന​തിൽ കലാശി​ച്ചേ​ക്കാം.

10, 11. (എ) അപ്പോ​സ്‌ത​ല​നായ യോഹ​ന്നാൻ മററു​ള്ള​വ​രു​ടെ പാപങ്ങ​ളിൽ പങ്കുപ​റ​റു​ന്ന​തി​നെ​ക്കു​റിച്ച്‌ എന്തു പറഞ്ഞു? (ബി) ഒരു സഭാം​ഗ​ത്തി​ന്റെ ദുഷ്‌പ്ര​വൃ​ത്തി​യെ​ക്കു​റിച്ച്‌ നാം മനസ്സി​ലാ​ക്കി​യി​ട്ടു​ണ്ടെ​ങ്കിൽ, നാം നമ്മോ​ടു​തന്നെ എന്തു ചോദി​ക്കേ​ണ്ട​താണ്‌?

¹⁰ മറെറാ​രാ​ളു​ടെ പാപത്തിൽ പങ്കുപ​റ​റുക സാദ്ധ്യ​മാ​ണെന്ന്‌ അപ്പോ​സ്‌ത​ല​നായ യോഹ​ന്നാൻ പ്രകട​മാ​ക്കി. അവൻ ഇങ്ങനെ എഴുതി: “ക്രിസ്‌തു​വി​ന്റെ ഉപദേ​ശ​ത്തിൽ നിലനിൽക്കാ​തെ മുന്നേ​റുന്ന ഏവനും ദൈവ​മില്ല. . . . ആരെങ്കി​ലും നിങ്ങളു​ടെ അടുക്കൽ വരുക​യും ഈ ഉപദേശം കൊണ്ടു​വ​രാ​തി​രി​ക്കു​ക​യും ചെയ്യു​ന്നു​വെ​ങ്കിൽ അയാളെ ഒരിക്ക​ലും നിങ്ങളു​ടെ ഭവനങ്ങ​ളിൽ സ്വീക​രി​ക്കു​ക​യോ അയാൾക്ക്‌ വന്ദനം പറയു​ക​യോ ചെയ്യരുത്‌. എന്തെന്നാൽ അയാ​ളോ​ടു വന്ദനം പറയു​ന്നവൻ അയാളു​ടെ ദുഷ്‌പ്ര​വൃ​ത്തി​ക​ളിൽ പങ്കാളി​യാണ്‌.” (2 യോഹ​ന്നാൻ 9:11) “ക്രിസ്‌തു​വി​ന്റെ ഉപദേശ”ത്തെ പരിത്യ​ജി​ക്കുന്ന ഒരുവൻ വിലയുള്ള ഒരു കൂട്ടാ​ളി​യാ​യി​രി​ക്കു​ക​യില്ല. അയാൾക്കു വന്ദനം​പോ​ലും പറയാ​തി​രി​ക്കു​ന്ന​തി​നാൽ വിശ്വസ്‌ത ക്രിസ്‌ത്യാ​നി അയാളു​ടെ ദുഷ്ടത​യിൽ പങ്കാളി​യാ​കു​ന്ന​തൊ​ഴി​വാ​ക്കും.

¹¹ ഒരു വിശ്വാ​സ​ത്യാ​ഗി​യെ സംബന്ധിച്ച വാസ്‌ത​വ​സ്ഥി​തി ഇതായി​രി​ക്കു​ന്ന​തു​കൊണ്ട്‌ തീർച്ച​യാ​യും നമ്മു​ടെ​ശ്ര​ദ്ധ​യിൽപെ​ടുന്ന ദുർമ്മാർഗ്ഗ​പ്ര​വൃ​ത്തി​കൾ ചെയ്യുന്ന മററു​ള്ള​വ​രു​ടെ ദുഷ്ടത​യിൽ പങ്കാളി​ക​ളാ​കാൻ നാമാ​ഗ്ര​ഹി​ക്കു​ന്നില്ല. അപ്പോൾ, സഭയിലെ ഒരു അംഗം ഒരു മോഷ്ടാ​വോ മദ്യപാ​നി​യോ ആയിത്തീർന്ന​താ​യി നാമറി​യു​ന്നു​വെ​ങ്കി​ലോ? യഹോ​വ​യു​ടെ ക്ഷമതേ​ടു​ന്ന​തി​നും തന്റെ പാപം മൂപ്പൻമാ​രോട്‌ ഏററു​പ​റ​യു​ന്ന​തി​നും ആ വ്യക്തിയെ പ്രോ​ത്സാ​ഹി​പ്പി​ക്കാൻ നാം പരാജ​യ​പ്പെ​ടു​ന്നു​വെ​ങ്കിൽ നാം തികച്ചും കുററ​മി​ല്ലാ​ത്ത​വ​രാ​യി​രി​ക്കു​മോ? ഇല്ല, എന്തു​കൊ​ണ്ടെ​ന്നാൽ നമുക്ക്‌ ഗൗരവ​മായ ഒരു ഉത്തരവാ​ദി​ത്ത​മുണ്ട്‌.

ശുദ്ധി​യും സംരക്ഷ​ണ​വും മർമ്മ​പ്ര​ധാ​നം

12. സഭയുടെ ആത്മീയ ശുദ്ധി​യിൽ താത്‌പ​ര്യം പ്രകട​മാ​ക്കേ​ണ്ട​തെ​ന്തു​കൊണ്ട്‌?

¹² സഭയുടെ ആത്മീയ​ശു​ദ്ധി​യിൽ നാം വ്യക്തി​പ​ര​മാ​യി താൽപ​ര്യം പ്രകട​മാ​ക്കണം. പൊതു​യു​ഗ​ത്തി​നു മുൻപ്‌ ആറാം നൂററാ​ണ്ടിൽ യഹൂദ​പ്ര​വാ​സി​കൾ ബാബി​ലോൻ വിട്ടു​പോ​കാ​റാ​യ​പ്പോൾ ഇത്‌ എത്ര നന്നായി ഊന്നി​പ്പ​റ​യ​പ്പെട്ടു! ദൈവ​ദ​ത്ത​മായ കല്‌പന ഇതായി​രു​ന്നു: “വിട്ടു​മാ​റു​വിൻ, വിട്ടു​മാ​റു​വിൻ, അവിടെ നിന്ന്‌ പുറത്തു​പോ​കു​വിൻ, അശുദ്ധ​മാ​യ​തൊ​ന്നും തൊട​രുത്‌; [ബാബി​ലോ​ന്റെ] മദ്ധ്യത്തിൽനിന്ന്‌ പുറത്തു​പോ​കു​വിൻ, യഹേവ​യു​ടെ ഉപകര​ണ​ങ്ങളെ ചുമക്കു​ന്ന​വരേ, ശുദ്ധി​പാ​ലി​ക്കു​ന്ന​വിൻ.”—യെശയ്യാവ്‌ 52:11.

13. യഹോ​വ​യു​ടെ ജനത്തെ ദുഷ്‌പ്ര​വൃ​ത്തി​ക്കാ​രിൽ നിന്നു സംരക്ഷി​ക്കു​ന്ന​തിൽ നാം തൽപ്പര​രാ​യി​രി​ക്ക​ണ​മെന്ന്‌ യൂദാ എങ്ങനെ പ്രകട​മാ​ക്കി?

¹³ യഹോ​വ​യു​ടെ ജനത്തെ ദുഷ്‌പ്ര​വൃ​ത്തി​യി​ലേക്കു വശീക​രി​ക്കാൻ ശ്രമി​ക്കു​ന്ന​വ​രിൽനി​ന്നു അവരെ സംരക്ഷി​ക്കു​ന്ന​തി​ലും നാം തൽപ്പര​രാ​യി​രി​ക്കണം. യൂദാ​യു​ടെ നാളിലെ “ഭക്തികെട്ട മനുഷ്യർ” ‘ദൈവ​ത്തി​ന്റെ അനർഹ​ദ​യയെ ദുർന്ന​ട​ത്തക്ക്‌ ഒരു ഒഴിക​ഴി​വാ​യി മാററാൻ’ ശ്രമിച്ചു, എന്നാൽ ആ വിശ്വസ്‌ത ശിഷ്യൻ സഹവി​ശ്വാ​സി​കൾക്കു മുന്നറി​യി​പ്പു കൊടു​ക്കാ​നും അങ്ങനെ അവരെ സംരക്ഷി​ക്കാ​നും പ്രവർത്തി​ച്ചു. അവൻ അവിശ്വസ്‌ത യിസ്രാ​യേ​ല്യ​രും അനുസ​രണം കെട്ട ദൂതൻമാ​രും മററു ചിലരും വെച്ച മുന്നറി​യി​പ്പിൻ ദൃഷ്ടാ​ന്തങ്ങൾ അവരെ അനുസ്‌മ​രി​പ്പി​ച്ചു. ഈ ദിവ്യ​നി​ശ്വസ്‌ത ലേഖനം വായി​ക്കുക, അപ്പോൾ സഭയുടെ ശുദ്ധിക്ക്‌ ഭീഷണി​നേ​രി​ടു​മ്പോൾ അല്ലെങ്കിൽ അശുദ്ധ​മായ ആന്തരങ്ങ​ളുള്ള ദുർമ്മാർഗ്ഗി​ക​ളിൽ നിന്ന്‌ ദൈവ​ജ​ന​ത്തിന്‌ സംരക്ഷണം ആവശ്യ​മു​ള്ള​പ്പോൾ വിശ്വസ്‌ത ക്രിസ്‌ത്യാ​നി​കൾക്ക്‌ അടങ്ങി​യി​രി​ക്കാൻ കഴിയി​ല്ലെന്ന്‌ നിങ്ങൾ മനസ്സി​ലാ​ക്കും.

14. ഒരു ദുഷ്‌പ്ര​വൃ​ത്തി​ക്കാ​രൻ മൂപ്പൻമാ​രോട്‌ ഏററു​പ​റ​യു​ന്നി​ല്ലെ​ങ്കിൽ എന്തു ചെയ്യണ​മെന്നു തീരു​മാ​നി​ക്കാൻ സങ്കീർത്തനം 26:4-ന്‌ നമ്മെ സഹായി​ക്കാൻ കഴിയു​ന്ന​തെ​ങ്ങനെ?

¹⁴ എന്നിരു​ന്നാ​ലും, ദൈവ​ത്തി​ന്റെ ക്ഷമതേ​ടാ​നും മൂപ്പൻമാ​രോട്‌ ഏററു​പ​റ​യാ​നും നമ്മൾ ഒരു ദുഷ്‌പ്ര​വൃ​ത്തി​ക്കാ​രനെ പ്രോ​ത്സാ​ഹി​പ്പി​ച്ചിട്ട്‌ അയാൾ അത്‌ നീട്ടി​വെ​ക്കു​ക​യോ ആ നടപടി​ക​ളു​ടെ ആവശ്യം കാണാ​തി​രി​ക്കു​ക​യോ ആണെങ്കി​ലോ? നമുക്ക്‌ സംഗതി ഉപേക്ഷി​ച്ചു​ക​ള​യാ​മോ? തങ്ങൾ ഉൾപ്പെ​ടാ​നാ​ഗ്ര​ഹി​ക്കു​ന്നി​ല്ലെന്ന്‌ ചിലർ ന്യായ​വാ​ദം ചെയ്‌തേ​ക്കാം. തെററു​കാ​രന്റെ സൗഹൃദം നഷ്ടപ്പെ​ടു​ന്ന​തി​ന്റെ അപകടം വരുത്താൻ അവർ ആഗ്രഹി​ക്കു​ന്നി​ല്ലാ​യി​രി​ക്കാം. മൂപ്പൻമാ​രോട്‌ പറഞ്ഞു​കൊണ്ട്‌ ഒരു രഹസ്യം വെളി​പ്പെ​ടു​ത്തു​ന്നവർ എന്ന്‌ വിചാ​രി​ക്ക​പ്പെ​ടാൻ അവർ ആഗ്രഹി​ക്കു​ന്നി​ല്ലാ​യി​രി​ക്കാം. എന്നാൽ ഇത്‌ തെററായ ന്യായ​വാ​ദ​മാണ്‌. സങ്കീർത്ത​ന​ക്കാ​ര​നായ ദാവീദ്‌ ഇങ്ങനെ പറഞ്ഞു: “ഞാൻ അസത്യ​വാ​ദി​ക​ളോ​ടു​കൂ​ടെ ഇരുന്നി​ട്ടില്ല; തങ്ങൾ ആരാ​ണെ​ന്നു​ള്ളതു മറച്ചു​വെ​ക്കു​ന്ന​വ​രോ​ടു​കൂ​ടെ ഞാൻ ചെന്നി​ട്ടില്ല.” (സങ്കീർത്തനം 26:4) അപ്പോൾ, തീർച്ച​യാ​യും, “തങ്ങൾ ആരാ​ണെ​ന്നു​ള്ളതു മറച്ചു​വെ​ക്കു​ന്ന​വ​രോ​ടു​കൂ​ടെ” കൂട്ടു​കു​റ​റ​ക്കാ​രാ​യി​ത്തീ​രാൻ നാമാ​ഗ്ര​ഹി​ക്കു​ന്നില്ല.

15. തന്റെ ദുഷ്‌പ്ര​വൃ​ത്തി​സം​ബ​ന്ധിച്ച്‌ മൂപ്പൻമാ​രെ സമീപി​ക്കാൻ തെററു​കാ​ര​നായ ഒരു വ്യക്തിക്ക്‌ ന്യായ​മായ സമയം കൊടു​ത്ത​ശേ​ഷ​മുള്ള നമ്മുടെ ഉത്തരവാ​ദി​ത്തത്തെ ലേവ്യാ​പു​സ്‌തകം 5:1 പ്രകട​മാ​ക്കു​ന്ന​തെ​ങ്ങനെ?

¹⁵ അതു​കൊണ്ട്‌, തന്റെ ദുഷ്‌പ്ര​വൃ​ത്തി സംബന്ധിച്ച്‌ മൂപ്പൻമാ​രെ സമീപി​ക്കാൻ തെററു​കാ​രന്‌ ന്യായ​മായ സമയം അനുവ​ദി​ച്ച​ശേഷം, അവന്റെ പാപത്തിൽ പങ്കാളി​യാ​കാ​തി​രി​ക്കാൻ നമുക്ക്‌ യഹോ​വ​യു​ടെ മുമ്പാകെ ഉത്തരവാ​ദി​ത്ത​മുണ്ട്‌. ഈ വ്യക്തി മൂപ്പൻമാ​രു​ടെ അന്വേ​ഷണം അർഹി​ക്കുന്ന ഗുരു​ത​ര​മായ ദുഷ്‌പ്ര​വൃ​ത്തി വെളി​പ്പെ​ടു​ത്തി​യി​ട്ടു​ണ്ടെന്ന്‌ ഉത്തരവാ​ദി​ത്ത​മുള്ള മേൽവി​ചാ​ര​കൻമാ​രെ നാം അറിയി​ക്കേ​ണ്ട​തുണ്ട്‌. ഇത്‌ ലേവ്യ​പു​സ്‌തകം 5:1-ന്‌ ചേർച്ച​യാ​യി​ട്ടാ​യി​രി​ക്കും, അതിങ്ങനെ പറയുന്നു: “ഒരു ദേഹി പരസ്യ​മായ ശപിക്കൽ കേൾക്കു​ക​യും താൻ ഒരു സാക്ഷി​യാ​യി​രി​ക്കു​ക​യും ചെയ്‌തിട്ട്‌, അല്ലെങ്കിൽ അയാൾ അത്‌ കാണു​ക​യോ അതി​നെ​ക്കു​റിച്ച്‌ കേൾക്കു​ക​യോ ചെയ്‌തിട്ട്‌, അയാൾ അത്‌ അറിയി​ക്കു​ന്നി​ല്ലെ​ങ്കിൽ അയാൾ തന്റെ തെററിന്‌ സമാധാ​നം പറയേ​ണ്ട​താണ്‌.” തീർച്ച​യാ​യും, നാം തെററു​ചെ​യ്‌ത​താ​യി സങ്കൽപ്പി​ച്ചു​കൊ​ണ്ടു മാത്രം ധൃതഗ​തി​യിൽ പ്രവർത്തി​ക്കു​ന്നത്‌ ഒഴിവാ​ക്കണം.

16. നിയമി​ത​മൂ​പ്പൻമാ​രോട്‌ തന്റെ ഗൗരവ​മുള്ള ദുഷ്‌പ്ര​വൃ​ത്തി​വെ​ളി​പ്പെ​ടു​ത്താൻ വിസമ്മ​തി​ക്കുന്ന ഒരു സുഹൃ​ത്തി​നോ​ടുള്ള കൂറി​നെ​ക്കാൾ വളരെ​യേറെ പ്രാധാ​ന്യ​മു​ള്ള​തെന്ത്‌?

¹⁶ ഇന്നത്തെ ലോക​ത്തിൽ മററു​ള്ള​വ​രു​ടെ ദുഷ്‌പ്ര​വൃ​ത്തി മറയ്‌ക്കു​ന്നത്‌ ഒരു സാധാ​ര​ണ​ന​ട​പ​ടി​യാണ്‌. മററു​ള്ള​വ​രു​ടെ ദുഷ്‌പ്ര​വൃ​ത്തി, അത്തരം നടപടി​ക​ളെ​ക്കു​റിച്ച്‌ അറി​യേ​ണ്ട​വ​രോട്‌ വെളി​പ്പെ​ടു​ത്തുന്ന കാര്യ​ത്തിൽ അനേകർ ഒരു കൻമതിൽപോ​ലെ മൂകരാണ്‌. ഒരു സഹവി​ശ്വാ​സി​യു​ടെ ഗുരു​ത​ര​മായ പാപം നിയമി​ത​മൂ​പ്പൻമാ​രെ അറിയി​ക്കു​ന്ന​തിന്‌ ക്രിസ്‌തീയ വ്യക്തി​ത്വ​ത്തി​ന്റെ ശക്തി ആവശ്യ​മാണ്‌. എന്നാൽ നമുക്ക്‌ യഹോ​വ​യു​ടെ പ്രീതി ലഭിക്ക​ണ​മെ​ങ്കിൽ, മറെറാ​രു വ്യക്തി​യു​ടെ ദുഷ്‌പ്ര​വൃ​ത്തി സംബന്ധിച്ച്‌ വ്യക്തി​പ​ര​മായ സൗഹൃദം നമ്മെ കുരു​ടാ​ക്കാൻ നാം അനുവ​ദി​ക്ക​രുത്‌. ദൈവ​ത്തോ​ടുള്ള നമ്മുടെ ബന്ധം ഗൗരവ​മുള്ള ദുഷ്‌പ്ര​വൃ​ത്തി സംബന്ധിച്ച്‌ കുററ​ക്കാ​ര​നും നിയമിത മൂപ്പൻമാ​രോട്‌ കാര്യം വെളി​പ്പെ​ടു​ത്താൻ വിസമ്മ​തി​ക്കു​ന്ന​വ​നു​മായ ഒരു സുഹൃ​ത്തി​നോ​ടുള്ള കുറി​നെ​ക്കാൾ വളരെ​യേറെ പ്രധാ​ന​മാണ്‌.

എല്ലാവ​രും പരിചി​ന്തി​ക്കേണ്ട ഒരു പ്രശ്‌നം

17. നമ്മുടെ ഇടയിലെ ചില യുവാക്കൾ മററു​ള്ള​വ​രു​ടെ പാപങ്ങ​ളിൽ പങ്കുപ​റ​റു​ന്ന​തി​നെ​തി​രെ ജാഗ്രത പുലർത്തേ​ണ്ട​യാ​വ​ശ്യ​ത്തെ ചിത്രീ​ക​രി​ക്കു​ന്ന​തെന്ത്‌?

¹⁷ മററു​ള്ള​വ​രു​ടെ പാപങ്ങ​ളിൽ പങ്കുപ​റ​റു​ന്ന​തി​ന്റെ പ്രശ്‌നം ചില​പ്പോൾ നമ്മുടെ ഇടയിലെ ചില യുവാ​ക്ക​ളു​ടെ ഇടയിൽ സ്ഥിതി​ചെ​യ്യു​ന്നുണ്ട്‌. സഭയെ ഹാനി​ക​ര​മാ​യി ബാധി​ക്കാ​വു​ന്ന​തും യഹോ​വ​യു​ടെ അപ്രീ​തി​യിൽ കലാശി​ക്കു​ന്ന​തു​മായ കാര്യങ്ങൾ മററു​ള്ളവർ ചെയ്യു​മ്പോൾ, അവർ മൗനം പാലി​ക്കു​ക​യും അറിയി​ക്കേ​ണ്ട​വ​രോ​ടു പറയാൻ വിസമ്മ​തി​ക്കു​ക​യും ചെയ്‌തേ​ക്കാം. ലൗകിക സ്‌കൂൾ പദ്ധതി​ക​ളിൽ മററു​ള്ള​വ​രു​ടെ ദുഷ്‌പ്ര​വൃ​ത്തി​യെ മറയ്‌ക്കു​ന്നത്‌ തികച്ചും സാധാ​ര​ണ​മാണ്‌. എന്നാൽ ഈ വീക്ഷണ​ഗതി സഭയിൽ വ്യാപി​ക്കു​മ്പോൾ അനേകം പ്രശ്‌നങ്ങൾ സംജാ​ത​മാ​യേ​ക്കാം. ചെറു​പ്പ​ക്കാർ തെററായ നടത്തയിൽ ഏർപ്പെ​ടാൻ ഒത്തുകൂ​ടു​ക​യും അതേസ​മയം അത്തരം പ്രവർത്ത​ന​ത്തെ​ക്കു​റിച്ച്‌ മൂപ്പൻമാ​രും മാതാ​പി​താ​ക്ക​ളും അറിയാ​തി​രി​ക്കാൻ അന്യോ​ന്യം രഹസ്യം സൂക്ഷി​ക്കു​ന്ന​തിന്‌ ആണയി​ടു​ക​യും ചെയ്‌ത​തി​നെ​ക്കു​റി​ച്ചുള്ള റിപ്പോർട്ടു​കൾ പോലും കിട്ടി​യി​ട്ടുണ്ട്‌, സമപ്രാ​യ​ക്കാ​രു​ടെ സമ്മർദ്ദ​ത്തി​നു വഴങ്ങു​ന്ന​തും കൂട്ടത്താൽ അംഗീ​ക​രി​ക്ക​പ്പെ​ടു​ന്ന​തി​നുള്ള ആഗ്രഹ​വും, ദുഷ്‌പ്ര​വൃ​ത്തി കണ്ടുപ​ടി​ക്ക​പ്പെ​ട്ട​പ്പോൾ, ഈ യുവാ​ക്കൾക്കും അവരുടെ മാതാ​പി​താ​ക്കൾക്കും സഭയിലെ മററു​ള്ള​വർക്കും വളരെ​യ​ധി​കം ഹൃദയ​വേദന വരുത്തി​ക്കൂ​ട്ടി​യി​ട്ടുണ്ട്‌. വെളി​പ്പെ​ടാ​തെ മറഞ്ഞി​രി​ക്കുന്ന യാതൊ​ന്നു​മി​ല്ലെ​ന്നും യഹോ​വ​യു​ടെ മുമ്പാ​കെ​യുള്ള നമ്മുടെ മുഖ്യ ഉത്തരവാ​ദി​ത്ത​ങ്ങ​ളി​ലൊന്ന്‌ അവന്റെ സ്ഥാപനത്തെ ശുദ്ധമാ​യി സൂക്ഷി​ക്കാൻ സഹായി​ക്കു​ക​യെ​ന്ന​തു​മാ​ണെന്ന്‌ നാം ഓർക്കേ​ണ്ട​താണ്‌.—ലൂക്കോസ്‌ 8:17.

18. തങ്ങളുടെ മക്കൾ തെററു ചെയ്യു​ന്നു​വെ​ങ്കിൽ ക്രിസ്‌തീയ മാതപി​താ​ക്കൾ എന്തു ചെയ്യണം?

¹⁸ യഹോ​വ​യു​ടെ സകല ദാസൻമാ​രും മററു​ള്ള​വ​രു​ടെ പാപങ്ങ​ളിൽ പങ്കുപ​റ​റാ​തി​രി​ക്കാൻ വളരെ ശ്രദ്ധാ​ലു​ക്ക​ളാ​യി​രി​ക്കേ​ണ്ട​താണ്‌. ചില മാതാ​പി​താ​ക്കൻമാർ തങ്ങളുടെ മക്കൾക്ക്‌ അഭയം കൊടു​ത്തു​കൊണ്ട്‌ അവരുടെ ദുർന്ന​ട​ത്തയെ ന്യായീ​ക​രി​ക്കാൻ ശ്രമി​ക്കു​ന്നു. എന്നാൽ ഈ ചെറു​പ്പ​ക്കാർ തെററു​ചെ​യ്യു​മ്പോൾ എല്ലാവ​രും തങ്ങളുടെ മക്കളോ​ടെ​തി​രാ​ണെ​ന്നുള്ള മനോ​ഭാ​വം ക്രിസ്‌തീയ മാതാ​പി​താ​ക്കൻമാർ സ്വീക​രി​ക്ക​രുത്‌. പകരം ദൈവ​ഭ​യ​മുള്ള മതാപി​താ​ക്കൻമാർ ദൈവ​വ​ച​ന​ത്തിൽ വിവരി​ച്ചി​രി​ക്കുന്ന ആവശ്യ​മായ ഏതു ശിക്ഷണ​ത്തിൽനി​ന്നും പ്രയോ​ജനം നേടാൻ തങ്ങളുടെ തെററു​കാ​രായ സന്തതി​കളെ സഹായി​ക്കേ​ണ്ട​താണ്‌.

19. (എ) ഗൗരവ​മുള്ള പാപങ്ങ​ളു​ടെ കാര്യ​ത്തിൽ ക്രിസ്‌തീയ വിവാ​ഹിത ഇണകൾ എന്തു സംബന്ധിച്ച്‌ ശ്രദ്ധാ​ലു​ക്ക​ളാ​യി​രി​ക്കണം? (ബി) തങ്ങളി​ലൊ​രാ​ളോ ഒരു ശുശ്രൂ​ഷാ​ദാ​സ​നോ ഗൗരവ​മുള്ള ഒരു പാപം ചെയ്യു​ന്നു​വെ​ങ്കിൽ മൂപ്പൻമാർ എന്തു ചെയ്യണം?

¹⁹ വിവാ​ഹി​ത​രായ ക്രിസ്‌തീയ ഇണകളും പരസ്‌പരം ഗുരു​ത​ര​മായ പാപങ്ങൾ മൂടി​വെ​ച്ചു​കൊണ്ട്‌ ദൈവ​നി​യ​മങ്ങൾ ലംഘി​ക്കാ​തി​രി​ക്കാൻ ശ്രദ്ധാ​ലു​ക്ക​ളാ​യി​രി​ക്കേ​ണ്ട​യാ​വശ്യ​മുണ്ട്‌. ഗൂഢാ​ലോ​ചന നടത്തി​യെ​ങ്കി​ലും ഗൗരവ​മുള്ള പാപം മറയ്‌ക്കാൻ ശ്രമി​ച്ച​തിൽ പരാജ​യ​പ്പെട്ട അനന്യാ​സി​ന്റെ​യും സഫീറ​യു​ടെ​യും കേസ്‌ അവർ ഓർത്തി​രി​ക്കേ​ണ്ട​താണ്‌. (പ്രവൃ​ത്തി​കൾ 5:1-11) മൂപ്പൻമാ​രും തങ്ങളിൽപെട്ട ഒരാളോ ശുശ്രൂ​ഷാ​ദാ​സൻമാ​രിൽപെട്ട ഒരാളോ പുറത്താ​ക്ക​ലിൽ കലാശി​ച്ചേ​ക്കാ​വുന്ന ഗൗരവ​മുള്ള ഒരു പാപം ചെയ്‌തി​രി​ക്കു​ന്നു​വെ​ങ്കിൽ അന്യോ​ന്യം സംരക്ഷി​ക്കാ​തി​രി​ക്കാൻ ജാഗ്രത പുലർത്തണം. അവർ പൗലോസ്‌ വിവരിച്ച തത്വം അനുസ​രി​ക്കേ​ണ്ട​താണ്‌, അവൻ ഇങ്ങനെ എഴുതി: “യാതൊ​രു മമനു​ഷ്യ​ന്റെ മേലും ഒരിക്ക​ലും ധൃതഗ​തി​യിൽ നിന്റെ കൈകൾ വെക്കരുത്‌; മററു​ള്ള​വ​രു​ടെ പാപങ്ങ​ളിൽ പങ്കാളി​യു​മാ​ക​രുത്‌; നിന്നേ​ത്തന്നെ നിർമ്മ​ല​നാ​യി സൂക്തി​ക്കുക.—1 തിമൊ​ഥെ​യോസ്‌ 5:22.

നിഷ്‌ക്ക​ളങ്കത പാലി​ക്കു​ന്ന​തി​ന്റെ ജ്ഞാനം

20. മററു​ള്ള​വ​രു​ടെ ഗുതു​ത​ര​മായ പാപങ്ങളെ മറയ്‌ക്കു​ക​യോ അവയിൽ പങ്കുപ​റ​റു​ക​യോ ചെയ്യു​ന്ന​തി​നു പകരം നാം എന്തു ചെയ്യണം?

²⁰ യഹോ​വ​യു​ടെ ദാസൻമാർ ഈ ലോക​ത്തി​ലെ ദുഷിച്ച നടപടി​ക​ളിൽ പങ്കെടു​ക്കു​ക​യോ അവയെ അനുക​രി​ക്കു​ക​യോ ചെയ്യരുത്‌. അപ്പോ​സ്‌ത​ല​നായ യോഹ​ന്നാൻ ഗായോ​സിന്‌ എഴുതി​യ​പ്പോൾ ഇങ്ങനെ പറഞ്ഞു: “പ്രിയനേ, തിൻമ​യു​ടെയല്ല, നൻമയു​ടെ ഒരു അനുകാ​രി​യാ​കുക. നൻമ​ചെ​യ്യു​ന്നവൻ ദൈവ​ത്തിൽ നിന്ന്‌ ഉത്ഭവി​ക്കു​ന്നു. തിൻമ​ചെ​യ്യു​ന്നവൻ ദൈവത്തെ കണ്ടിട്ടില്ല.” (3 യോഹ​ന്നാൻ 11) ദൈവ​ത്തി​ന്റെ തിട്ടമുള്ള വചനത്താൽ നയിക്ക​പ്പെ​ടു​ന്ന​തും അങ്ങനെ നൻമ ചെയ്യു​ന്ന​തും എത്ര നല്ലതാണ്‌! അതു​കൊണ്ട്‌, മററു​ള്ള​വ​രു​ടെ ഗുരു​ത​ര​മായ പാപങ്ങളെ മറയ്‌ക്കു​ക​യോ അവയിൽ പങ്കാളി​ക​ളാ​കു​ക​യോ ചെയ്യു​ന്ന​തി​നു പകരം നിഷ്‌ക്ക​ള​ങ്ക​രും നിർദ്ദോ​ഷി​ക​ളു​മാ​യി ജോതി​സ്സു​ക​ളെ​പ്പോ​ലെ ശോഭി​ക്കാ​നാ​യി​രി​ക്കണം നമ്മുടെ തീരു​മാ​നം. (ഫിലി​പ്യർ 2:14, 15) വ്യക്തി​പ​ര​മാ​യി ശുദ്ധമാ​യി സൂക്ഷി​ക്കാൻ ഓരോ ദൈവ​ദാ​സ​നും ഉത്തരവാ​ദി​ത്ത​മുണ്ട്‌. (2 പത്രോസ്‌ 3:14) എന്നാൽ മററാ​രു​ടെ​യെ​ങ്കി​ലും പ്രവർത്ത​ന​ത്തി​ന്റെ ഔചി​ത്യ​ത്തിൽ നിങ്ങൾ അസ്വസ്ഥ​നാ​ണെ​ങ്കി​ലോ? മൂപ്പൻമാ​രോ​ടു സംസാ​രി​ക്കു​ന്ന​തി​നും സ്വീക​രി​ക്കേണ്ട ശരിയായ പ്രവർത്ത​ന​ഗതി സംബന്ധിച്ച്‌ മാർഗ്ഗ​നിർദ്ദേശം സ്വീക​രി​ക്കു​ന്ന​തി​നും നിങ്ങൾക്ക്‌ സ്വാത​ന്ത്ര്യം തോന്നണം.

21. (എ) തന്റെ സഭയോ​ടുള്ള ക്രിസ്‌തു​വി​ന്റെ സ്‌നേഹം നമുക്ക്‌ ഒരു മാതൃ​ക​യാ​യി​രി​ക്കു​ന്ന​തെ​ങ്ങനെ? (ബി) മററു​ള്ള​വ​രു​ടെ ദുഷ്‌പ്ര​വൃ​ത്തി സംബന്ധിച്ച്‌ നാം എന്ത്‌ ഉത്തരവാ​ദി​ത്തം വഹിക്കണം?

²¹ യഹോ​വ​യു​ടെ സ്ഥാപന​ത്തോ​ടുള്ള നമ്മുടെ സ്‌നേഹം യേശു​ക്രി​സ്‌തു​വിന്‌ സഭയാ​കുന്ന തന്റെ ആത്മീയ മണവാ​ട്ടി​യോ​ടുള്ള സ്‌നേ​ഹത്തെ അനുക​രി​ക്കു​ന്ന​താ​യി​രി​ക്കണം. അവൻ “സഭ കളങ്കമോ ചുളി​വോ അങ്ങനെ​യുള്ള എന്തെങ്കി​ലു​മോ ഇല്ലാതെ, വിശു​ദ്ധ​വും നിഷ്‌ക്ക​ള​ങ്ക​വു​മാ​യി​രി​ക്കേ​ണ്ട​തിന്‌, അതിന്റെ തേജ​സ്സോ​ടെ തനിക്കു​തന്നെ അവതരി​പ്പി​ക്കേ​ണ്ട​തിന്‌, വചനം മുഖാ​ന്ത​ര​മുള്ള ജലസ്‌നാ​ന​ത്താൽ അതിനെ വെടി​പ്പാ​ക്കി​ക്കൊണ്ട്‌ വിശു​ദ്ധീ​ക​രി​ക്കേ​ണ്ട​തിന്‌, സഭയെ സ്‌നേ​ഹി​ക്കു​ക​യും തന്നേത്തന്നെ അതിന്‌ ഏൽപ്പിച്ചു കൊടു​ക്കു​ക​യും ചെയ്‌തു.” (എഫേസ്യർ 5:25-27) സമാന​മാ​യി, യഹേവ​യു​ടെ സ്ഥാപന​ത്തോ​ടുള്ള നമ്മുടെ സ്‌നേഹം അതിനെ ശുദ്ധമാ​യി സൂക്ഷി​ക്കാൻ നമ്മാൽ കഴിയു​ന്നതു ചെയ്യു​ന്ന​തി​നു നമ്മെ പ്രേരി​പ്പി​ക്കേ​ണ്ട​താണ്‌. ദൈവ​ത്തെ​യോ അവന്റെ സ്ഥാപന​ത്തെ​യോ അപമാ​നി​ക്കു​ന്ന​തി​നോ സഭയിലെ മററു​ള്ള​വ​രു​ടെ ദുഷ്‌പ്ര​വൃ​ത്തി​യെ അനുകൂ​ലി​ക്കു​ന്ന​തി​നോ നാം ഒരിക്ക​ലും യാതൊ​ന്നും ചെയ്യരുത്‌. പകരം, തങ്ങളുടെ നടത്ത തിരു​ത്തു​ന്ന​തി​നും മൂപ്പൻമാ​രു​ടെ സഹായം തേടു​ന്ന​തി​നും ദുഷ്‌പ്ര​വൃ​ത്തി​ക്കാ​രെ നമുക്കു പ്രോ​ത്സാ​ഹി​പ്പി​ക്കാം. അവർ ന്യായ​മായ സമയത്തി​നു​ള്ളിൽ ഇതു ചെയ്യു​ന്നി​ല്ലെ​ങ്കിൽ നിയമിത മേൽവി​ചാ​ര​കൻമാ​രെ അറിയി​ക്കാ​നുള്ള ഉത്തരവാ​ദി​ത്തം നമുക്കു വഹിക്കാം. ഈ വിധത്തിൽ, നാം മററു​ള്ള​വ​രു​ടെ പാപങ്ങ​ളിൽ പങ്കാളി​ക​ളാ​കു​ന്ന​തും അവരുടെ ദുർന്ന​ട​ത്ത​യു​ടെ കുറെ ഉത്തരവാ​ദി​ത്തം വഹിക്കു​ന്ന​തും ഒഴിവാ​ക്കും.

22. (എ) രക്ഷപ്രാ​പി​ക്കു​ന്ന​തിന്‌ നാം എന്തു ചെയ്യണം? (ബി) ഏതു ചോദ്യ​ങ്ങൾ പരിചി​ന്ത​ന​ത്തിന്‌ അവശേ​ഷി​ക്കു​ന്നു?

²² നമുക്കു പൊതു​വി​ലുള്ള രക്ഷ അനുപ​മ​മായ ഒരു നിക്ഷേ​പ​മാണ്‌. അത്‌ നേടു​ന്ന​തിന്‌ നാം യഹോ​വ​യു​ടെ മുമ്പാകെ നേരായ മാർഗ്ഗ​ത്തിൽ നടക്കു​ന്ന​തിൽ തുട​രേ​ണ്ട​താണ്‌. അതു​കൊണ്ട്‌, ഒരിക്ക​ലും മററു​ള്ള​വ​രു​ടെ പാപങ്ങ​ളിൽ പങ്കുപ​റ​റാ​തെ, അതു​ചെ​യ്യാൻ നമുക്കു പരസ്‌പരം സഹായി​ക്കാം. ഈ യത്‌ന​ങ്ങ​ളിൽ നമ്മെ സഹായി​ക്കു​ന്ന​തിന്‌ യഹോവ സ്‌നേ​ഹ​പൂർവ്വം ഒരു സ്ഥാപന​ക്ര​മീ​ക​രണം പ്രദാനം ചെയ്‌തി​ട്ടുണ്ട്‌. ഈ കാര്യ​ത്തിൽ നിയമിത മൂപ്പൻമാർ ഒരു സുപ്ര​ധാന പങ്കുവ​ഹി​ക്കു​ന്നു. എന്നാൽ അവർ യഹോ​വ​യേ​യും അവന്റെ പുത്ര​നായ നല്ല ഇടയ​നേ​യും എങ്ങനെ അനുക​രി​ക്കു​ന്നു? ജീവന്റെ പാതയിൽ നമുക്ക്‌ എന്തു സഹായം നൽകാൻ മൂപ്പൻമാർക്കു കഴിയും? അടുത്ത​ല​ക്ക​ത്തി​ലെ ലേഖനം ഈ ചോദ്യ​ങ്ങൾക്ക്‌ ഉത്തരം നൽകും. (w85 11/15)

നിങ്ങൾക്ക്‌ ഓർമ്മി​ക്കാൻ കഴിയു​മോ?

◼ നിങ്ങൾ ശിക്ഷണത്തെ എങ്ങനെ വീക്ഷി​ക്കണം?

◼ താൻ ഗൗരവ​മുള്ള ഒരു പാപം ചെയ്‌ത​താ​യി ഒരു സഹവി​ശ്വാ​സി നിങ്ങ​ളോ​ടു പറയു​ന്നു​വെ​ങ്കിൽ, അയാൾ എന്തു ചെയ്യാൻ നിങ്ങൾ പ്രോ​ത്സാ​ഹി​പ്പി​ക്കേ​ണ്ട​താണ്‌?

◼ ഒരു ദുഷ്‌പ്ര​വൃ​ത്തി​ക്കാ​രൻ തന്റെ പാപം നിയമിത മൂപ്പൻമാ​രോട്‌ ഏററു​പ​റ​ഞ്ഞി​ട്ടി​ല്ലെന്ന്‌ നിങ്ങൾ അറിയു​ന്നു​വെ​ങ്കിൽ, നിങ്ങൾ എന്തു ചെയ്യണം?

◼ നാം മൂപ്പൻമാ​രോ, വിവാ​ഹി​ത​ഇ​ണ​ക​ളോ, കുട്ടി​ക​ളോ ആയാലും നമുക്ക്‌ മററു​ള്ള​വ​രു​ടെ പാപങ്ങ​ളിൽ പങ്കുപ​റ​റു​ന്ന​തി​നെ എങ്ങനെ ഒഴിവാ​ക്കാൻ കഴിയും?

[12-ാം പേജിലെ ചിത്രം]

അപ്പോസ്‌തലനായ യോഹ​ന്നാൻ മററു​ള്ള​വ​രു​ടെ പാപങ്ങ​ളിൽ പങ്കുപ​റ​റു​ന്ന​തി​നെ​തി​രെ മുന്നറി​യി​പ്പു​നൽകി