നിങ്ങൾ നിങ്ങളു​ടെ വില​യേ​റിയ വസ്‌തു​ക്കൾകൊ​ണ്ടു് യഹോ​വയെ ബഹുമാ​നി​ക്കു​ന്നു​വോ?

“പ്രിയ സഹോ​ദ​ര​ങ്ങളേ: സുഖം തന്നെയോ? ഞാൻ വളരു​മ്പോൾ എനി​ക്കൊ​രു മിഷനറി ആയിത്തീ​ര​ണ​മെന്നു ഞാൻ ആഗ്രഹി​ക്കു​ന്നു. ദയവായി ഈ ഡോളർ മിഷന​റി​മാ​രെ സഹായി​ക്കാൻ ഉപയോ​ഗി​ക്കുക.” മൂന്നു വയസ്സു​കാ​രി​യായ ഷെല്ലി അപ്രകാ​ര​മാ​യി​രു​ന്നു എഴുതി​യ​തു്. അവളുടെ ബാലി​ശ​മായ കുത്തി​വ​ര​ക്ക​ടി​യിൽ അവളുടെ മാതാ​വു് ഇടപെട്ട്‌ എഴുതി​യി​രു​ന്നു.

അധികം അനൗപ​ചാ​രി​ക​മാ​യി, സ്റ്റീഫൻ ഇപ്രകാ​രം എഴുതി: “പ്രിയ ബൈബിൾ ആൻഡ്‌ ട്രാക്‌റ്റ്‌ സൊ​സൈറ്റി. എനിക്കു 8 വയസ്സു​ണ്ടു്. ഞാൻ 89-ാം സ്‌ട്രീ​റ്റിൽ താമസി​ക്കു​ന്നു. നിങ്ങൾക്കു് തമാശ​ക്കൊ​ര​വ​സ​ര​മു​ണ്ടാ​കു​മെന്നു ഞാൻ വിശ്വ​സി​ക്കു​ന്നു. രാജ്യ​ഹാൾ ഫണ്ടി​ലേക്കു ഞാൻ ഒരു ഡോളർ നൽകുന്നു. പെട്ടെന്ന്‌ എനിക്കു ഒരു മറുപടി അയക്കുക.”

ഈകു​ട്ടി​കൾ വാച്ച്‌ടവർ സൊ​സൈ​റ​റി​യു​ടെ കേന്ദ്ര​സ്ഥാ​ന​ത്തേ​ക്കു് എഴുതി​യ​തു് എന്തു​കൊ​ണ്ടാ​യി​രു​ന്നു? എന്തു​കൊ​ണ്ടെ​ന്നാൽ അവർ യഹോ​വ​യു​ടെ സ്‌തു​തി​യെ വർദ്ധി​പ്പി​ക്കു​ന്ന​തി​നു് അവർക്കു​ണ്ടാ​യി​രു​ന്ന​തു് ഉപയോ​ഗി​ച്ചു​കൊണ്ട്‌ അവനെ ബഹുമാ​നി​ക്കാൻ ആഗ്രഹി​ച്ചി​രു​ന്നു. അവർ ബൈബി​ളി​ന്റെ അനുശാ​സനം പിൻപ​റ​റു​ക​യാ​യി​രു​ന്നു: “യഹോ​വയെ നിങ്ങളു​ടെ വില​യേ​റിയ വസ്‌തു​ക്കള കൊണ്ടും എല്ലാ വിളവി​ന്റെ​യും ആദ്യഫ​ലങ്ങൾ കൊണ്ടും ബഹുമാ​നിക്ക.”—സദൃശ​വാ​ക്യ​ങ്ങൾ 3:9.

നിശ്ചയ​മാ​യും യഹോവ ഈ ബഹുമ​തി​ക്കു് അർഹനാ​ണു്. അവനോട്‌ ആരെയും താരത​മ്യം ചെയ്യാൻ സാദ്ധ്യമല്ല. വെളി​പ്പാട്‌ 4:11-ൽ പ്രസ്‌താ​വി​ച്ചി​രി​ക്കു​ന്ന​തു​പോ​ലെ: “യഹോവേ, നീ സകലവും സൃഷ്ടി​ച്ച​വ​നും നിന്റെ ഇഷ്ടത്താൽ അവ സ്ഥിതി​ചെ​യ്യു​ക​യും സൃഷ്ടി​ക്ക​പ്പെ​ടു​ക​യും ചെയ്‌ത​തി​നാ​ലും ഞങ്ങളുടെ ദൈവ​മായ യഹോവേ, മഹത്വ​വും ബഹുമാ​ന​വും ശക്തിയും സ്വീക​രി​പ്പാൻ നീ യോഗ്യ​നാ​കു​ന്നു.” “അവൻ മുഖാ​ന്തരം നമുക്കു ജീവനും ചലനവും അസ്‌തി​ത്വ​വും ഉണ്ട്‌” എന്നുള്ള​തു​കൊ​ണ്ടു​മാ​ത്രമല്ല അവൻ നമുക്ക്‌ ഏററവും നല്ലതു പ്രദാനം ചെയ്‌തി​രി​ക്കു​ന്നു എന്നുള്ള​തി​നാ​ലും ഇതു സത്യമാ​യി​രി​ക്കു​ന്നു. (പ്രവൃ​ത്തി​കൾ 17:28) ബൈബിൾ എഴുത്തു​കാ​ര​നായ യാക്കോബ്‌ നമ്മെ ഓർമ്മി​പ്പി​ക്കു​ന്ന​തു​പോ​ലെ, ദൈവം “എല്ലാ നല്ല ദാനങ്ങ​ളു​ടെ​യും തികഞ്ഞ സമ്മാന​ങ്ങ​ളു​ടെ​യും” ദാതാ​വാ​കു​ന്നു.—യാക്കോബ്‌ 1:17.

എന്നിരു​ന്നാ​ലും, യഹോ​വയെ സ്‌തു​തി​ക്ക​യും ബഹുമാ​നി​ക്ക​യും ചെയ്യേ​ണ്ട​തി​ന്റെ ആവശ്യം എല്ലാവ​രും വിലമ​തി​ക്ക​യില്ല. യഥാർത്ഥ​ത്തിൽ ദശലക്ഷ​ക്ക​ണ​ക്കി​നാ​ളു​കൾ അവന്റെ നാമം പോലും അറിഞ്ഞി​ട്ടില്ല! അനേക​രും “സൃഷ്ടി​ച്ച​വ​നെ​ക്കാൾ” സൃഷ്ടി​ക്ക​പ്പെട്ട വസ്‌തു​ക്കളെ ആരാധി​ക്കു​ന്നു. (റോമർ 1:25) ആത്മാർത്ഥ ഹൃദയ​രാ​യവർ പ്രബു​ദ്ധ​രാ​ക്ക​പ്പെ​ടേണ്ട ആവശ്യ​മു​ണ്ടു്. യഹോവ പെട്ടെ​ന്നു​തന്നെ നടപടി​യെ​ടു​ക്കു​മെ​ന്നു് അവർ അറി​യേ​ണ്ട​തു​ണ്ടു്. അവൻ തന്റെ പുത്രന്റെ ഭരണം മുഖാ​ന്തരം ഞെരു​ക്കു​ന്ന​വ​രെ​യും അവരുടെ സമ്മർദ്ദ​ത്തെ​യും ഭൂമി​യിൽ നിന്നു് എന്നേക്കു​മാ​യി തുടച്ചു നീക്കു​ക​യും കാര്യങ്ങൾ പൂർണ്ണ​മായ സന്തുല​നാ​വ​സ്ഥ​യിൽ തിരികെ വരുത്തു​ക​യും പരദീ​സ​യും പൂർണ്ണാ​രോ​ഗ്യ​ത്തിൽ ജീവി​ക്കു​ന്ന​തി​നുള്ള മനുഷ്യ​ന്റെ പ്രാപ്‌തി​യെ​യും പുനഃ​സ്ഥാ​പി​ക്ക​യും ചെയ്യും. (ദാനി​യേൽ 2:44; വെളി​പ്പാട്‌ 21:1,3,4) സുനി​ശ്ചി​ത​മാ​യും, നീതി അന്വേ​ഷി​ക്കു​ന്ന​വ​രു​ടെ തന്നേ ജീവൻ അത്തരത്തി​ലുള്ള അറിവു് ഉൾകൊ​ള്ളു​ന്ന​തി​നെ​യും അതനു​സ​രി​ച്ചു പ്രവർത്തി​ക്കു​ന്ന​തി​നെ​യും ആശ്രയി​ച്ചാ​ണി​രി​ക്കു​ന്ന​തു്.—സെഫെ​ന്യാവ്‌ 2:3; യോഹ​ന്നാൻ 17:3.

മനസ്സൊ​രു​ക്ക​വും വിലമ​തി​പ്പും ആവശ്യം

ഈ ജീവര​ക്ഷാ​വേ​ല​യിൽ പങ്കു​കൊ​ള്ളാൻ നിങ്ങളും ഇഷ്ടപ്പെ​ടു​ന്നു​വോ? ആ രാജ്യ​ത്തി​ന്റെ “സുവാർത്ത” “മുഴു​നി​വ​സി​ത​ഭൂ​മി​യി​ലും” പരത്തു​ന്ന​തിൽ വളരെ​യ​ധി​കം ഉൾപ്പെ​ടു​ന്നു. (മത്തായി 24:14) മനസ്സൊ​രു​ക്ക​മുള്ള വേലക്കാ​രെ പരിശീ​ലി​പ്പി​ക്ക​യും സജ്ജരാ​ക്കു​ക​യും പ്രസം​ഗി​ക്കാൻ വിടു​ക​യും വേണം. ഇപ്പോൾ ലോക വിസ്‌തൃ​ത​മാ​യി 30,00,000 ത്തിൽ പരം ആളുകൾ രാജ്യ​സു​വാർത്ത പ്രസം​ഗി​ച്ചു​കൊണ്ട്‌ യഹോ​വയെ ബഹുമാ​നി​ക്കു​ന്നു എന്നു കാണു​ന്ന​തു് എത്ര ചാരി​താർത്ഥ്യ​ജ​ന​ക​മാ​ണു്! ഇവരിൽ ഒരു നല്ല സംഖ്യ മുഴു​സമയ അടിസ്ഥാ​ന​ത്തി​ലും, അവരിൽതന്നെ അനേകർ ആവശ്യം അധിക​മുള്ള പ്രദേ​ശ​ങ്ങ​ളി​ലേ​ക്കു് നീങ്ങി​ക്കൊ​ണ്ടും അപ്രകാ​രം ചെയ്യുന്നു. ആയിര​ക്ക​ണ​ക്കി​നു മിഷന​റി​മാ​രെ മററു ദേശങ്ങ​ളിൽ പ്രസം​ഗ​പ്ര​വർത്ത​ന​ത്തി​നു മുന്നോ​ടി​ക​ളാ​യി​രി​ക്കു​ന്ന​തി​നു് അയച്ചു കഴിഞ്ഞി​രി​ക്കു​ന്നു, അധികം പേരെ തുടർന്നു് അവരുടെ നിരയി​ലേ​ക്കു് ചേർത്തു​കൊ​ണ്ടും ഇരിക്കു​ന്നു.

ഈ മുഴു പ്രവർത്ത​ന​ത്തി​ന്റെ​യും മേൽനോ​ട്ടം വഹിക്കു​ന്ന​തി​നും, പരിപാ​ല​ന​ത്തി​നും പിൻതാ​ങ്ങ​ലി​നും ഒരു ബൃഹത്തായ സ്ഥാപനം ആവശ്യ​മാണ്‌. ഗോള​ത്തി​നു​ചു​റ​റും പുതിയ ബ്രാഞ്ചു സംവി​ധാ​ന​ങ്ങ​ളും മിഷനറി ഭവനങ്ങ​ളും പണിയു​ക​യും വികസി​പ്പി​ക്ക​യും ചെയ്യേ​ണ്ട​തു​ണ്ടു്. ആരാധ​ന​ക്കുള്ള തദ്ദേശ സ്ഥാനങ്ങൾ—രാജ്യ​ഹാ​ളു​ക​ളും സമ്മേളന ഹാളു​ക​ളും ഇപ്പോൾ അത്ഭുത പൂർവ്വ​മായ നിരക്കിൽ പണിയ​പ്പെ​ട്ടു​കൊ​ണ്ടി​രി​ക്കു​ന്നു. യഹോ​വ​യു​ടെ ജനം തങ്ങൾക്കു​ള്ള​തെ​ല്ലാം യഹോ​വ​യു​ടെ സേവന​ത്തി​നു ഉപയോ​ഗി​ക്കാ​നുള്ള തയ്യാർ പ്രകട​മാ​ക്കി​ക്കൊ​ണ്ടു് എത്ര മനസ്സൊ​രു​ക്ക​ത്തോ​ടെ പ്രതി​ക​രി​ച്ചി​രി​ക്കു​ന്നു എന്നു കാണു​ന്ന​തു് ഹൃദ​യോ​ദ്ദീ​പ​ക​മാ​ണു്. (സങ്കീർത്തനം 110:3) എന്നാൽ ഈ അന്ത്യനാ​ളു​ക​ളി​ലെ കൂട്ടി​ച്ചേർക്കൽ വേലയു​ടെ മുൻകൂ​ട്ടി പറയപ്പെട്ട ‘ത്വരി​ത​മാ​ക്കൽ’ ഇപ്പോൾ യഹോ​വയെ നമ്മുടെ വില​യേ​റിയ വസ്‌തു​ക്കൾകൊ​ണ്ടു് ബഹുമാ​നി​ക്കു​ന്ന​തി​നുള്ള ഒരു തീവ്ര​മായ മനസ്സൊ​രു​ക്കം ആവശ്യ​മാ​ക്കി​ത്തീർക്കു​ന്നു. (യെശയ്യാ​വു് 60:22) അപ്പോൾ, നമ്മിൽ നിന്നു് എന്താണു് ആവശ്യ​പ്പെ​ടു​ന്ന​തു്?

ഒരു സംഗതി വിലമ​തി​പ്പാ​ണു്—യഹോവ നമുക്കു് നൽകി​യി​രി​ക്കുന്ന എല്ലാറ്റി​നും വേണ്ടി​യുള്ള വിലമ​തി​പ്പു്. അതെ, നമ്മുടെ സമ്പത്തുകൾ യഥാർഥ​ത്തിൽ യഹോ​വ​യിൽ നിന്നുള്ള ദാനമാ​ണു്. അപ്പോ​സ്‌ത​ല​നായ പൗലോസ്‌ ഇപ്രകാ​രം ചോദി​ക്കു​ന്നു: “യഥാർഥ​ത്തിൽ നിങ്ങൾക്കു ലഭിക്കാത്ത എന്താണു് നിങ്ങൾക്കു​ള്ള​തു്?” (1 കൊരി​ന്ത്യർ 4:7) ദൈവം അവ നമുക്കു് നൽകി​യി​രി​ക്കു​ന്ന​തി​ന്റെ ഉദ്ദേശ്യ​മെ​ന്താ​ണു്? അത്തരം ദാനങ്ങൾ അവനെ ബഹുമാ​നി​ക്കാൻ നമുക്കു് ഉപയോ​ഗി​ക്കാൻ കഴി​യേ​ണ്ട​തി​നു്!—1 പത്രോസ്‌ 4:10, 11.

ഈ ദാനങ്ങ​ളിൽ നമ്മുടെ ശാരീ​രി​ക​വും മാനസി​ക​വും ആത്മീയ​വും ഭൗതി​ക​വു​മായ വസ്‌തു​വ​കകൾ—ഉവ്വ്‌ ജീവൻ തന്നെയും ഉൾപ്പെ​ടു​ന്നു. നമ്മിൽ ഓരോ​രു​ത്ത​രോ​ടും യഹോവ എത്ര ഔദാ​ര്യ​മു​ള്ള​വ​നാ​ണു്! കൊടു​ക്കു​ന്ന​തിൽ അവൻ എത്ര നല്ല ദൃഷ്ടാന്തം വെച്ചി​രി​ക്കു​ന്നു! നിശ്ചയ​മാ​യും യഹോ​വ​യിൽ നിന്നു് വളരെ​യ​ധി​കം ഔദാ​ര്യം ലഭിച്ചി​രി​ക്കു​ന്ന​തിൽ അത്തരം ദാനങ്ങ​ളിൽ വിലമ​തി​പ്പു കാണി​ക്കാൻ നമ്മെ പ്രേരി​പ്പി​ക്കേ​ണ്ട​താ​ണു്. അപ്രകാ​രം നമുക്കു​ള്ളതു കൊണ്ടു് അവനെ ബഹുമാ​നി​ക്കാൻ നാം പ്രേരി​ത​രാ​കു​ന്നി​ല്ലേ?