“എല്ലാ നല്ല ദാന”ങ്ങളു​ടെ​യും ദാതാവ്‌

“റിഫോ​മ്‌ഡ്‌ ചർച്ചിൽപ്പെട്ട ഒരു ശുശ്രൂ​ഷകൻ ഒരിക്കൽ എന്നെ സന്ദർശി​ക്കു​ക​യു​ണ്ടാ​യി. ഞാൻ എങ്ങനെ​യാണ്‌ എന്റെ സഭ നടത്തി​ക്കൊ​ണ്ടു​പോ​കു​ന്ന​തെന്ന്‌ അറിയാൻ അദ്ദേഹം ആഗ്രഹം പ്രകടി​പ്പി​ച്ചു. ഞാൻ അദ്ദേഹ​ത്തോട്‌ ഇങ്ങനെ പറഞ്ഞു . . . ‘ഞങ്ങൾ ആർക്കും ശമ്പളം കൊടു​ക്കാ​റില്ല; ആളുകൾ തമ്മിൽ വഴക്കടി​ക്കു​ന്ന​തി​നുള്ള കാരണ​ങ്ങ​ളൊ​ന്നു​മില്ല. ഞങ്ങൾ ഒരിക്ക​ലും സംഭാവന പിരി​ക്കാ​റില്ല.’ ‘പിന്നെ നിങ്ങൾക്ക്‌ എങ്ങനെയാ പണം ലഭിക്കു​ന്നത്‌’? എന്ന്‌ അദ്ദേഹം ചോദി​ച്ചു. ‘നോക്കൂ,——ഡോക്ടർ, ഞാൻ സത്യം പറഞ്ഞാൽ താങ്കൾക്കു വിശ്വ​സി​ക്കാ​നാ​കില്ല. ഈ മതത്തിൽ താത്‌പ​ര്യം കാട്ടു​ന്ന​വ​രു​ടെ മുമ്പി​ലേക്കു സംഭാ​വ​നാ​പാ​ത്ര​വു​മാ​യി ആരെങ്കി​ലും വരുന്ന​താ​യി അവർ കാണു​ന്നില്ല. എന്നാൽ അവർ കാണുന്ന ഒന്നുണ്ട്‌, ചെലവു​കൾ. അവർ തങ്ങളോ​ടു​തന്നെ ഇങ്ങനെ പറയും, “ഈ ഹാളിന്‌ ഇത്ര രൂപ ചെലവാ​യി​ട്ടു​ണ്ടാ​കും. . . . ഇതിനു​വേണ്ടി കുറച്ചു പണം ഞാനും കൊടു​ക്ക​ണ​മ​ല്ലോ”’ എന്നു ഞാൻ മറുപടി കൊടു​ത്തു. ‘ഞാനെന്താ ലോകം കണ്ടിട്ടി​ല്ലാ​ത്ത​വ​നെ​ന്നാ​ണോ നിങ്ങൾ കരുതു​ന്നത്‌’ എന്ന മട്ടിൽ അദ്ദേഹം എന്നെ നോക്കി. ഞാൻ ഇപ്രകാ​രം പറഞ്ഞു,——ഡോക്ടർ, ‘ഒരു വളച്ചു​കെ​ട്ടു​മി​ല്ലാ​തെ​യാ​ണു ഞാൻ നിങ്ങ​ളോ​ടു സംസാ​രി​ക്കു​ന്നത്‌. . . . ഒരാൾക്ക്‌ ഒരു അനു​ഗ്രഹം ലഭിക്കു​മ്പോൾ അയാളു​ടെ സാമ്പത്തിക വിഭവങ്ങൾ കർത്താ​വി​നു​വേണ്ടി ഉപയോ​ഗി​ക്കാൻ അയാൾ ആഗ്രഹി​ക്കു​ന്നു. അയാളു​ടെ കൈവശം ഒന്നുമി​ല്ലെ​ങ്കിൽ അയാളെ നാമെ​ന്തി​നു കൊത്തി​പ്പ​റി​ക്കണം?’”

—വാച്ച്‌ ടവർ സൊ​സൈ​റ​റി​യു​ടെ ഒന്നാമത്തെ പ്രസി​ഡൻറായ ചാൾസ്‌ ററി. റസ്സൽ, 1915 ജൂലൈ 15-ലെ ഇംഗ്ലീഷ്‌ “വീക്ഷാ​ഗോ​പു​രം.”

ആദ്യമാ​യി ദാനം ചെയ്‌തത്‌ യഹോ​വ​യാ​യ​തു​കൊ​ണ്ടു നാമും ദാനം ചെയ്യുന്നു. അവിടു​ന്നു ദാനം ചെയ്യാൻ തുടങ്ങി​യത്‌ എണ്ണമററ യുഗങ്ങൾക്കു മുമ്പാണ്‌. അതു തന്റെ ആദ്യസൃ​ഷ്ടി​യായ, തന്റെ “ഏകജാ​ത​നായ പുത്ര”ന്റെ സൃഷ്ടി​യോ​ടെ ആരംഭി​ച്ചു. (യോഹ​ന്നാൻ 3:16) മററു​ള്ള​വർക്കെ​ല്ലാം അവിടു​ന്നു ജീവന്റെ ദാനം നൽകി, അതിനു കാരണ​മാ​യത്‌ അവിടു​ത്തെ സ്‌നേ​ഹ​മാ​യി​രു​ന്നു.

യഹോവ നമുക്കു നൽകി​യി​ട്ടുള്ള ഏററവും വലിയ ദാനം ദൈവ​പു​ത്ര​നായ യേശു​ക്രി​സ്‌തു​വാണ്‌. എന്നാൽ ദൈവ​ത്തി​ന്റെ ദാനം ദൈവ​പു​ത്ര​നിൽ അവസാ​നി​ക്കു​ന്നില്ല. പൗലോസ്‌ “ദൈവ​ത്തി​ന്റെ അതിമ​ഹ​ത്തായ അനർഹദയ”യെ വിളി​ക്കു​ന്നതു യഹോ​വ​യു​ടെ “അവർണ​നീ​യ​മായ സൗജന്യ​ദാന”മെന്നാണ്‌. (2 കൊരി​ന്ത്യർ 9:14, 15, NW) യേശു​വി​ലൂ​ടെ തന്റെ ജനത്തിനു ദൈവം വെച്ചു​നീ​ട്ടുന്ന സകല നൻമയു​ടെ​യും സ്‌നേ​ഹ​ദ​യ​യു​ടെ​യും ആകെത്തുക ഈ ദാനത്തിൽ വ്യക്തമാ​യും ഉൾപ്പെ​ടു​ന്നുണ്ട്‌. വർണി​ക്കാ​നോ പ്രകടി​പ്പി​ക്കാ​നോ ഉള്ള മമനു​ഷ്യ​ന്റെ കഴിവി​നെ കടത്തി​വെ​ട്ടും​വി​ധം അത്രയ്‌ക്ക്‌ അത്ഭുതാ​വ​ഹ​മാണ്‌ ഈ അനർഹദയ. എങ്കിലും ദൈവ​ത്തി​ന്റെ വരദാ​ന​ങ്ങളെ സംബന്ധിച്ച്‌ ഇതുമാ​ത്രമല്ല ഉള്ളത്‌, ഇനിയു​മുണ്ട്‌ പല സംഗതി​കൾ.

ദാനമാ​യി താൻ നൽകിയ എന്തു നല്ല സംഗതി​ക​ളും വാസ്‌ത​വ​ത്തിൽ യഹോ​വ​യു​ടേ​തു​ത​ന്നെ​യാ​ണെന്ന്‌ ഒരു രാജാവ്‌ വളരെ നാളു​കൾക്കു മുമ്പു​തന്നെ ബുദ്ധി​പൂർവ​ക​മാ​യി താഴ്‌മ​യോ​ടെ അംഗീ​ക​രി​ക്കു​ക​യു​ണ്ടാ​യി. അദ്ദേഹം ഇങ്ങനെ പറഞ്ഞു: “സ്വർഗ്ഗ​ത്തി​ലും ഭൂമി​യി​ലു​മു​ള്ള​തൊ​ക്കെ​യും നിനക്കു​ള്ള​ത​ല്ലോ. യഹോവേ, രാജത്വം നിനക്കു​ള്ള​താ​യി​രി​ക്കു​ന്നു; നീ സകലത്തി​ന്നും മീതെ തലവനാ​യി​രി​ക്കു​ന്നു. . . . എന്നാൽ ഞങ്ങൾ ഇങ്ങനെ ഇത്ര മനഃപൂർവ്വ​മാ​യി ദാനം ചെയ്യേ​ണ്ട​തി​ന്നു പ്രാപ്‌ത​രാ​കു​വാൻ ഞാൻ ആർ? എന്റെ ജനവും എന്തുള്ളു? സകലവും നിങ്കൽനി​ന്ന​ല്ലോ വരുന്നതു; നിന്റെ കയ്യിൽനി​ന്നു വാങ്ങി ഞങ്ങൾ നിനക്കു തന്നതേ​യു​ള്ളു.”—1 ദിനവൃ​ത്താ​ന്തം 29:11-14.

ദൈവ​ത്തി​ന്റെ മാതൃക

എല്ലാവി​ധ​ങ്ങ​ളി​ലും നല്ലതാ​യി​രി​ക്കുന്ന എന്തി​ന്റെ​യും ഉറവു യഹോ​വ​യാം ദൈവ​മാ​ണെന്നു യേശു​ക്രി​സ്‌തു​വി​ന്റെ ശിഷ്യ​നായ യാക്കോ​ബിന്‌ അറിയാ​മാ​യി​രു​ന്നു. അത്യുത്തമ ദാനങ്ങൾ മാത്രമേ യഹോ​വ​യിൽനി​ന്നു വരുക​യു​ള്ളൂ. “ഉത്തമവും പൂർണ്ണ​വു​മായ എല്ലാ ദാനങ്ങ​ളും ഉന്നതത്തിൽനിന്ന്‌, മാററ​മോ മാററ​ത്തി​ന്റെ നിഴലോ ഇല്ലാത്ത പ്രകാ​ശ​ങ്ങ​ളു​ടെ പിതാ​വിൽനി​ന്നു​വ​രു​ന്നു.”—യാക്കോബ്‌ 1:17, പി.ഒ.സി. ബൈ.

ദാനങ്ങൾ കൊടു​ക്കുന്ന കാര്യ​ത്തിൽപ്പോ​ലും മനുഷ്യ​രിൽനിന്ന്‌ എത്ര വ്യത്യ​സ്‌ത​നാ​ണു ദൈവ​മെന്നു യാക്കോബ്‌ മനസ്സി​ലാ​ക്കി. നല്ല ദാനങ്ങൾ കൊടു​ക്കാൻ മനുഷ്യ​നു കഴിയും, എന്നാൽ എല്ലായ്‌പോ​ഴും അങ്ങനെ കഴി​ഞ്ഞെ​ന്നു​വ​രില്ല. ഈ ദാനങ്ങൾക്കു കാരണം ഒരു സ്വാർഥ​ല​ക്ഷ്യ​മാ​യി​രി​ക്കാം, അല്ലെങ്കിൽ മോശ​മായ ഒരു കാര്യം ചെയ്യാൻവേണ്ടി ഒരു വ്യക്തിയെ പ്രലോ​ഭി​പ്പി​ക്കാൻ അവയെ പ്രയോ​ജ​ന​പ്പെ​ടു​ത്തി​യേ​ക്കാം. അത്തരത്തി​ലുള്ള ചെറി​യൊ​രു വ്യത്യാ​സം പോലും യഹോ​വ​യ്‌ക്കു സംഭവി​ക്കു​ന്നില്ല; അവിടു​ത്തേക്കു മാററ​മില്ല. അതു​കൊണ്ട്‌, അവിടു​ത്തെ ദാനങ്ങ​ളു​ടെ സ്വഭാ​വ​ത്തി​നും മാററം വരുന്നില്ല. അവ എന്നും നിർമ​ലം​തന്നെ. അവ എല്ലായ്‌പോ​ഴും മനുഷ്യ​വർഗ​ത്തി​ന്റെ ക്ഷേമ​ത്തെ​യും സന്തുഷ്ടി​യെ​യും പരി​പോ​ഷി​പ്പി​ക്കു​ന്നു. അവ എപ്പോ​ഴും കരുണാർദ്ര​വും സഹായ​ക​വു​മാ​യി​രി​ക്കും, ഒരിക്ക​ലും വിനാ​ശ​ക​രമല്ല.

ദാനങ്ങൾ കൊടു​ക്കു​ന്ന​തി​നുള്ള പ്രേര​ക​ങ്ങൾ

യാക്കോ​ബി​ന്റെ നാളു​ക​ളിൽ ജനസമ്മ​തി​യുള്ള മതനേ​താ​ക്കൻമാർ ദാനം കൊടു​ക്കുക പതിവാ​യി​രു​ന്നു, പക്ഷേ അതു ആളുകളെ കാണി​ക്കാൻ മാത്രം ഉദ്ദേശി​ച്ചു​ള്ള​താ​യി​രു​ന്നു. ദുരു​ദ്ദേ​ശ്യ​ത്തോ​ടെ​യാണ്‌ അവർ കൊടു​ത്തത്‌. ആളുക​ളു​ടെ കയ്യടി നേടാൻ കൊതിച്ച അവർ തങ്ങളുടെ നീതി​നി​ഷ്‌ഠ​മായ നിലവാ​ര​ങ്ങ​ളോ​ടു വിട്ടു​വീഴ്‌ച ചെയ്‌തു. എന്നിരു​ന്നാ​ലും ക്രിസ്‌ത്യാ​നി​കൾ വ്യത്യ​സ്‌ത​രാ​യി​രി​ക്ക​ണ​മാ​യി​രു​ന്നു. യേശു അവരെ ഇങ്ങനെ ബുദ്ധ്യു​പ​ദേ​ശി​ച്ചു: “മററു​ള്ള​വ​രിൽനി​ന്നു പ്രശംസ ലഭിക്കാൻ കപടനാ​ട്യ​ക്കാർ സിന​ഗോ​ഗു​ക​ളി​ലും തെരു​വീ​ഥി​ക​ളി​ലും ചെയ്യു​ന്ന​തു​പോ​ലെ, നീ ഭിക്ഷ കൊടു​ക്കു​മ്പോൾ നിന്റെ മുമ്പിൽ കാഹളം മുഴക്ക​രുത്‌, സത്യമാ​യി ഞാൻ നിങ്ങ​ളോ​ടു പറയുന്നു: അവർക്കു പ്രതി​ഫലം ലഭിച്ചു കഴിഞ്ഞു. നീ ധർമ്മദാ​നം ചെയ്യു​മ്പോൾ അതു രഹസ്യ​മാ​യി​രി​ക്കേ​ണ്ട​തിന്‌ നിന്റെ വലത്തു​കൈ ചെയ്യു​ന്നത്‌ ഇടത്തു​കൈ അറിയാ​തി​രി​ക്കട്ടെ. രഹസ്യങ്ങൾ അറിയുന്ന നിന്റെ പിതാവ്‌ നിനക്കു പ്രതി​ഫലം നല്‌കും.”—മത്തായി 6:2-4, പി.ഒ.സി. ബൈ.

മററു​ള്ള​വ​രു​ടെ ആവശ്യങ്ങൾ നിറ​വേ​ററി അവരെ സഹായി​ക്കാ​നോ അവരെ സന്തുഷ്ട​രാ​ക്കാ​നോ സത്യാ​രാ​ധന പുരോ​ഗ​മി​പ്പി​ക്കാ​നോ ഒക്കെയുള്ള കാരണ​ങ്ങൾക്കാ​യി​രി​ക്കും ഒരു ക്രിസ്‌ത്യാ​നി ദാനം കൊടു​ക്കുക. അതു സ്വന്തമ​ഹ​ത്ത്വ​ത്തി​നു​വേ​ണ്ടി​യല്ല. എന്തൊ​ക്കെ​യാ​യി​രു​ന്നാ​ലും, യഹോ​വ​യു​ടെ കണ്ണുകൾക്കു നമ്മുടെ ഹൃദയ​ത്തി​ന്റെ അഗാധ​ത​ല​ങ്ങ​ളി​ലേക്കു തുളച്ചു​ക​യ​റാ​നാ​കും. നമ്മുടെ ദയാദാ​ന​ങ്ങ​ളു​ടെ പിന്നിലെ യഥാർഥ പ്രേര​ണ​യെ​ന്തെന്നു കാണാൻ അവിടു​ന്നു പ്രാപ്‌ത​നാണ്‌.

ദാനം കൊടു​ക്കു​ന്ന​തിൽ യഹോ​വ​യു​ടെ സാക്ഷികൾ അനുക​രി​ക്കു​ന്നതു യഹോ​വ​യെ​യും അവിടു​ത്തെ പുത്ര​നെ​യു​മാണ്‌. തങ്ങൾക്കു​ള്ളത്‌ അവർ കൊടു​ക്കു​ന്നു. അവരുടെ പക്കൽ രാജ്യ​സു​വാർത്ത​യുണ്ട്‌, ഇത്‌ അവർ മററു​ള്ള​വ​രു​ടെ അനു​ഗ്ര​ഹ​ത്തി​നാ​യി കൊടു​ക്കു​ന്നു. “യഹോ​വയെ നിന്റെ ധനം​കൊ​ണ്ടും എല്ലാവി​ള​വി​ന്റെ​യും ആദ്യഫ​ലം​കൊ​ണ്ടും ബഹുമാ​നിക്ക” എന്നു സദൃശ​വാ​ക്യ​ങ്ങൾ 3:9 പ്രസ്‌താ​വി​ക്കു​ന്നു​വെന്ന്‌ അവർക്ക്‌ അറിയാം. എല്ലാവ​രു​ടെ​യും ക്ഷേമത്തി​നാ​യി ഓരോ ബ്രാഞ്ച്‌ ഓഫീ​സും സഭയും വ്യക്തി​യും സംഭാവന ചെയ്യാൻ ആത്മാർഥ​മാ​യി പരി​ശ്ര​മി​ക്കു​ന്ന​തു​കൊ​ണ്ടു മുഴു​സ​ഹോ​ദ​ര​ങ്ങ​ളും ആത്മീയ​മാ​യി ബലിഷ്‌ഠ​മാ​ക്ക​പ്പെ​ടു​ക​യും അഭിവൃ​ദ്ധി​പ്രാ​പി​ക്കു​ക​യും ചെയ്യുന്നു. ഭൗതിക സമൃദ്ധി ആത്മീയ സമൃദ്ധി കൈവ​രു​ത്തു​ന്നില്ല, എന്നാൽ ആത്മീയ സമൃദ്ധി​യാ​കട്ടെ, യഹോ​വ​യു​ടെ വേലയു​ടെ ആവശ്യ​ങ്ങൾക്കു വേണ്ട ഭൗതിക സമൃദ്ധി കൈവ​രു​ത്തു​ക​തന്നെ ചെയ്യുന്നു.

പങ്കു​വെ​ക്കാ​നുള്ള മാർഗങ്ങൾ

സുവാർത്തയെ ഓരോ​രു​ത്തർക്കും വ്യക്തി​പ​ര​മാ​യി പിന്തു​ണ​ക്കാൻ കഴിയുന്ന ഒട്ടനവധി മാർഗ​ങ്ങ​ളുണ്ട്‌. അതിൽ ഒരു വിധം രാജ്യ​ഹാ​ളു​ക​ളു​മാ​യി ബന്ധപ്പെ​ട്ട​താണ്‌. സഭയിലെ എല്ലാ അംഗങ്ങ​ളും രാജ്യ​ഹാൾ ഉപയോ​ഗി​ക്കു​ന്നു. അതിന്റെ നിർമാ​ണം അഥവാ വാടക, വെളി​ച്ച​സം​വി​ധാ​നങ്ങൾ, താപ​ക്ര​മീ​ക​ര​ണ​സം​വി​ധാ​നങ്ങൾ, സംരക്ഷണം എന്നിവ​യ്‌ക്കെ​ല്ലാം ആരോ പണം മുടക്കി. സഭയ്‌ക്ക്‌ ഓരോ​രു​ത്ത​രു​ടെ​യും പിന്തുണ അത്യാ​വ​ശ്യ​മാ​യി​രി​ക്കു​ന്ന​തി​നാൽ രാജ്യ​ഹാ​ളിൽ സംഭാ​വ​ന​പ്പെ​ട്ടി​കൾ ലഭ്യമാ​ക്കി​യി​രി​ക്കു​ന്നു. ലഭിക്കുന്ന സ്വമേ​ധ​യാ​സം​ഭാ​വ​നകൾ സഭാ​ചെ​ല​വു​കൾക്കാ​യി നീക്കി​വെ​ക്കു​ന്നു. സഭയുടെ തീരു​മാ​നം അനുസ​രി​ച്ചു മിച്ചമു​ള്ളത്‌ വാച്ച്‌ ടവറിന്റെ പ്രാ​ദേ​ശിക ബ്രാഞ്ചി​ലേക്ക്‌ അയയ്‌ക്കാ​വു​ന്ന​താണ്‌.

മിഷന​റി​മാ​രെ​യും പ്രത്യേക പയനി​യർമാ​രെ​യും പരിശീ​ലി​പ്പി​ക്കു​ന്ന​തി​നും സാമാ​ന്യ​ജ​ന​ങ്ങ​ളു​ടെ പക്കൽ സുവാർത്ത എത്തി​ച്ചേർന്നി​ട്ടി​ല്ലാത്ത ലോക​ത്തി​ന്റെ ഭാഗങ്ങ​ളി​ലേ​ക്ക​യച്ച്‌ അവരെ പിന്തു​ണ​ക്കു​ന്ന​തി​നും​വേ​ണ്ടി​യുള്ള സംഭാ​വ​നകൾ സൊ​സൈ​റ​റി​യു​ടെ ബ്രാഞ്ചു​ക​ളി​ലേ​ക്കു​തന്നെ അയയ്‌ക്കാ​വു​ന്ന​താണ്‌. സുവാർത്ത​യു​ടെ പ്രചര​ണ​ത്തി​നു വേണ്ടി​വ​രുന്ന മററു ചെലവു​കൾ സഞ്ചാര​മേൽവി​ചാ​ര​കൻമാ​രു​ടെ വേലയു​മാ​യി ബന്ധപ്പെ​ട്ട​താണ്‌. ഒന്നാം നൂററാ​ണ്ടിൽ സഞ്ചാര​വേ​ല​യിൽ മാതൃ​ക​വെച്ച അപ്പോ​സ്‌ത​ല​നായ പൗലോസ്‌ ഫിലി​പ്പി​യ​യി​ലെ സഭയെ ഇങ്ങനെ അഭിന​ന്ദി​ച്ചു: “എന്റെ ബുദ്ധി​മു​ട്ടു തീർപ്പാൻ നിങ്ങൾ ഒന്നുര​ണ്ടു​വട്ടം അയച്ചു​ത​ന്നു​വ​ല്ലോ.” (ഫിലി​പ്പി​യർ 4:14-16) മുഴു​സമയ സേവന​ത്തി​ന്റെ ഈ വശത്ത്‌ എല്ലാ ബ്രാഞ്ചു​കൾക്കു​മുള്ള ചെലവു​കൾ കൂടാതെ ഓരോ ബെഥേൽ ഭവനങ്ങ​ളു​ടെ​യും അവിടെ താമസി​ച്ചു ജോലി ചെയ്യു​ന്ന​വ​രു​ടെ​യും കാര്യങ്ങൾ നോ​ക്കേ​ണ്ട​തുണ്ട്‌. സുവാർത്ത​യു​ടെ മനോ​ജ്ഞ​മായ സന്ദേശ​മ​ട​ങ്ങുന്ന സാഹി​ത്യ​ങ്ങ​ളു​ടെ എഴുത്തും അച്ചടി​യും തീർച്ച​യാ​യും ദൈവ​ത്തിൽനി​ന്നുള്ള പദവി​കൾതന്നെ, എന്നാൽ സാഹി​ത്യ​വി​ത​ര​ണ​വും അത്യാ​വ​ശ്യ​മാണ്‌. അതിനും ചെലവു​ക​ളുണ്ട്‌. ഇനി ‘സുവാർത്ത നിയമ​പ​ര​മാ​യി സ്ഥാപിച്ചു പ്രതി​വാ​ദി​ക്കാൻ’ നടത്ത​പ്പെ​ടുന്ന കോട​തി​ക്കേ​സു​കൾ കണക്കി​ലെ​ടു​ക്കു​ന്നി​ല്ലെ​ങ്കി​ലും സമ്മേള​ന​ങ്ങൾക്കും കൺ​വെൻ​ഷ​നു​കൾക്കും ചെലവു​കൾ വരുന്നു.—ഫിലി​പ്പി​യർ 1:7.

യഹോ​വ​യു​ടെ ഓരോ ദാസനും സുവാർത്താ​ഘോ​ഷ​ണ​ത്തിൽ സമയം ചെലവി​ടു​ന്നതു സ്വമേ​ധ​യാ​യാണ്‌, അങ്ങനെ​ത​ന്നെ​യാണ്‌ അവർ ഭൗതിക സംഭാവന നൽകു​ന്ന​തും. സത്യാ​രാ​ധന വ്യാപി​പ്പി​ക്കാൻ പിന്തുണ നൽകു​ന്ന​തി​നു​വേണ്ടി സ്ഥിരമായ അടിസ്ഥാ​ന​ത്തിൽ പണം മാററി​വെ​ക്കാൻ പൗലോസ്‌ അഭ്യർഥി​ക്കു​ന്നുണ്ട്‌: “ഇനി വിശു​ദ്ധർക്കു​വേ​ണ്ടി​യുള്ള സംഭാ​വ​ന​യെ​പ്പ​ററി പ്രതി​പാ​ദി​ക്കാം. . . . നിങ്ങൾ ഓരോ​രു​ത്ത​രും കഴിവ​നു​സ​രി​ച്ചുള്ള തുക ആഴ്‌ച​യി​ലെ ആദ്യ ദിവസം നീക്കി​വ​യ്‌ക്കണം.”—1 കോറി​ന്തോസ്‌ 16:1, 2, പി.ഒ.സി. ബൈ.

ഒരു വ്യക്തി സംഭാവന കൊടു​ക്കു​മ്പോൾ അത്‌ എങ്ങനെ ഉപയോ​ഗി​ക്ക​പ്പെ​ടു​മെന്ന്‌ അയാൾക്ക്‌ എല്ലായ്‌പോ​ഴും കൃത്യ​മാ​യി അറിയില്ല, എന്നാൽ രാജ്യ​സു​വാർത്ത വ്യാപി​ക്കു​ന്ന​തി​ന്റെ ഫലങ്ങൾ അയാൾ കാണുന്നു. 45,00,000-ത്തിലധി​കം ക്രിസ്‌തീയ ശുശ്രൂ​ഷകർ 200-ലധികം രാജ്യ​ങ്ങ​ളി​ലും ദ്വീപു​ക​ളി​ലും രാജ്യ​സു​വാർത്ത പ്രസം​ഗി​ക്കു​ന്ന​താ​യി 1993-ലെ യഹോ​വ​യു​ടെ സാക്ഷി​ക​ളു​ടെ വാർഷി​ക​പു​സ്‌ത​ക​ത്തി​ലെ [ഇംഗ്ലീഷ്‌] റിപ്പോർട്ടു സൂചി​പ്പി​ക്കു​ന്നു. ഈ റിപ്പോർട്ടു​കൾ ഹൃദയ​ത്തി​നു കുളിർമ പകരുന്നു. അപ്പോൾ, ഏതൊരു ദാനവും അതു വലുതാ​യി​രു​ന്നാ​ലും അല്ലെങ്കി​ലും സഹായി​ക്കു​ന്നതു ലോക​വ്യാ​പ​ക​മാ​യുള്ള സുവാർത്ത​യു​ടെ വ്യാപ​ന​ത്തെ​തന്നെ.

ഈ വേല നിർവ​ഹി​ക്ക​പ്പെ​ടു​ന്നത്‌ എല്ലാവ​രും ഒത്തൊ​രു​മി​ച്ചു സംഭാവന ചെയ്യു​ന്ന​തു​കൊ​ണ്ടാണ്‌. ചിലർ കൂടുതൽ കൊടു​ക്കു​ന്നു, അതു പ്രസം​ഗ​വേ​ലയെ ഒരു വലിയ അളവിൽ സഹായി​ക്കു​ന്നു. മററു​ള്ളവർ കുറച്ചു കൊടു​ക്കു​ന്നു. എന്നാൽ ഈ കുറഞ്ഞ സംഭാ​വ​നകൾ നൽകു​ന്നവർ ലജ്ജി​ക്കേ​ണ്ട​തില്ല അല്ലെങ്കിൽ തങ്ങളുടെ പങ്ക്‌ തീരെ അപ്രധാ​ന​മാ​ണെന്നു വിചാ​രി​ക്കേ​ണ്ട​തില്ല. തീർച്ച​യാ​യും യഹോവ അങ്ങനെ വിചാ​രി​ക്കു​ന്നില്ല. വിധവ നിക്ഷേ​പിച്ച നിസ്സാര തുകയെ യഹോവ എത്രമാ​ത്രം വിലമ​തി​ച്ചു​വെന്നു പ്രകട​മാ​ക്കി​ക്കൊ​ണ്ടു യേശു ഇക്കാര്യം നന്നായി വ്യക്തമാ​ക്കി. “ദരി​ദ്ര​യാ​യോ​രു വിധവ രണ്ടു കാശു ഇടുന്നതു കണ്ടിട്ടു അവൻ: ഈ ദരി​ദ്ര​യായ വിധവ എല്ലാവ​രെ​ക്കാ​ളും അധികം ഇട്ടിരി​ക്കു​ന്നു എന്നു ഞാൻ സത്യമാ​യി നിങ്ങ​ളോ​ടു പറയുന്നു. എല്ലാവ​രും തങ്ങളുടെ സമൃദ്ധി​യിൽ നിന്നല്ലോ വഴിപാ​ടു ഇട്ടതു; ഇവളോ തന്റെ ഇല്ലായ്‌മ​യിൽനി​ന്നു തനിക്കുള്ള ഉപജീ​വനം ഒക്കെയും ഇട്ടിരി​ക്കു​ന്നു.”—ലൂക്കൊസ്‌ 21:2-4.

നമ്മുടെ സാമ്പത്തി​ക​നില എന്തായി​രു​ന്നാ​ലും യഹോ​വയെ പ്രീതി​പ്പെ​ടു​ത്തുന്ന വിധത്തിൽ നമുക്കു ദാനം ചെയ്യാ​നാ​കും. നമ്മുടെ രാജാ​വി​നും ന്യായാ​ധി​പ​നും നമു​ക്കെ​ങ്ങനെ മഹത്ത്വം കരേറ​റാ​മെന്നു സങ്കീർത്ത​ന​ക്കാ​രൻ കൃത്യ​മാ​യി സംഗ്ര​ഹി​ക്കു​ന്നു. അദ്ദേഹം ഇങ്ങനെ പ്രസ്‌താ​വി​ക്കു​ന്നു: “യഹോ​വെക്കു അവന്റെ നാമത്തി​ന്നു തക്ക മഹത്വം കൊടു​പ്പിൻ; തിരു​മുൽകാ​ഴ്‌ച്ച​യു​മാ​യി അവന്റെ പ്രാകാ​ര​ങ്ങ​ളിൽ ചെല്ലു​വിൻ.” (സങ്കീർത്തനം 96:8) ആയതി​നാൽ സന്തോ​ഷ​ത്തോ​ടെ ദാനങ്ങൾ കൊടു​ത്തു​കൊ​ണ്ടു നമുക്കു നമ്മുടെ സ്വർഗീയ പിതാ​വി​ന്റെ സ്‌നേ​ഹ​നിർഭ​ര​മായ മാതൃ​കയെ അനുക​രി​ക്കാം, എന്തു​കൊ​ണ്ടെ​ന്നാൽ നമുക്ക്‌ ആദ്യം നൽകി​യത്‌ അവിടു​ന്നാണ്‌.

[30-ാം പേജിലെ ചതുരം]

ചിലർ രാജ്യ​പ്ര​സം​ഗ​വേ​ലക്കു സംഭാവന കൊടു​ക്കുന്ന വിധം

◻ ലോക​വ്യാ​പ​ക​വേ​ല​ക്കുള്ള സംഭാ​വ​നകൾ: “സൊ​സൈ​റ​റി​യു​ടെ ലോക​വ്യാ​പ​ക​വേ​ല​ക്കുള്ള സംഭാ​വ​നകൾ—മത്തായി 24:14” എന്ന ലേബലുള്ള സംഭാ​വ​ന​പ്പെ​ട്ടി​ക​ളിൽ ഇടുന്ന​തിന്‌ അനേകർ ഒരു തുക നീക്കി​വെ​ക്കു​ന്നു അഥവാ ബജററിൽ ഉൾപ്പെ​ടു​ത്തു​ന്നു. ഓരോ​മാ​സ​വും സഭകൾ ഈ തുക ഏററവും അടുത്തുള്ള വാച്ച്‌ടവർ സൊ​സൈറ്റി ബ്രാഞ്ച്‌ ഓഫീ​സി​ലേക്ക്‌ അയയ്‌ക്കു​ന്നു.

◻ ദാനങ്ങൾ: Watch Tower Bible and Tract Society of India, H-58 Old Khandala Road, Lonavla 410 401, Mah. എന്ന വിലാ​സ​ത്തി​ലോ സൊ​സൈ​റ്റി​യു​ടെ ഏതെങ്കി​ലും പ്രാ​ദേ​ശിക ബ്രാഞ്ച്‌ ഓഫീ​സി​ലേ​ക്കോ പണം സ്വമേ​ധ​യാ​ദാ​ന​മാ​യി നേരിട്ട്‌ അയയ്‌ക്കാ​വു​ന്ന​താണ്‌. കൂടാതെ ആഭരണ​ങ്ങ​ളോ വില​യേ​റിയ മററു വസ്‌തു​ക്ക​ളോ അയയ്‌ക്കാം. ഈ സംഭാ​വ​ന​ക​ളോ​ടൊ​പ്പം അവ നിരു​പാ​ധി​ക​മായ ഒരു ദാനമാ​ണെന്നു ചുരു​ക്ക​മാ​യി പ്രസ്‌താ​വി​ക്കുന്ന ഒരു കത്തും അയയ്‌ക്കേ​ണ്ട​താണ്‌.

◻ സോപാ​ധിക സംഭാ​വനാ ക്രമീ​ക​രണം: വ്യക്തി​പ​ര​മായ ആവശ്യം വരുന്ന​പക്ഷം തിരി​ച്ചു​ത​ര​ണ​മെ​ന്നുള്ള വ്യവസ്ഥ​യിൽ, ദാതാ​വി​ന്റെ മരണം​വരെ പണം ഒരു ട്രസ്‌റ​റാ​യി സൂക്ഷി​ക്കാൻ വാച്ച്‌ ടവർ സൊ​സൈ​റ​റി​യെ ഏൽപ്പി​ക്കാ​വു​ന്ന​താണ്‌.

◻ ഇൻഷ്വ​റൻസ്‌: ഇൻഷ്വ​റൻസ്‌ പോളി​സി​യു​ടെ​യോ റിട്ടയർമെൻറ്‌⁄പെൻഷൻ പദ്ധതി​യു​ടെ​യോ അവകാ​ശി​യാ​യി വാച്ച്‌ ടവർ സൊ​സൈ​റ​റി​യു​ടെ പേർ വയ്‌ക്കാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​ര​ണ​വും സൊ​സൈ​റ​റി​യെ അറിയി​ച്ചി​രി​ക്കണം.

◻ ബാങ്ക്‌ അക്കൗണ്ടു​കൾ: പ്രാ​ദേ​ശിക ബാങ്കു​നി​യ​മ​ങ്ങൾക്കു ചേർച്ച​യിൽ, ബാങ്ക്‌ അക്കൗണ്ടു​കൾ, നിക്ഷേ​പ​സർട്ടി​ഫി​ക്ക​റ​റു​കൾ, അല്ലെങ്കിൽ വ്യക്തി​പ​ര​മായ പെൻഷൻ അക്കൗണ്ടു​കൾ എന്നിവ വാച്ച്‌ ടവർ സൊ​സൈ​റ​റി​യിൽ ട്രസ്‌റ​റാ​യി അല്ലെങ്കിൽ മരണത്തി​ങ്കൽ ലഭിക്കാ​വു​ന്ന​താ​യി ഏൽപ്പി​ക്കാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​ര​ണ​വും സൊ​സൈ​റ​റി​യെ അറിയി​ച്ചി​രി​ക്കണം.

◻ സ്‌റേ​റാ​ക്കു​ക​ളും ബോണ്ടു​ക​ളും: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ വരുമാ​നം തുടർന്നും ദാതാ​വി​നു ലഭിക്കുന്ന ക്രമീ​ക​ര​ണ​ത്തിൻകീ​ഴി​ലോ സ്‌റേ​റാ​ക്കു​ക​ളും ബോണ്ടു​ക​ളും വാച്ച്‌ ടവർ സൊ​സൈ​റ​റി​ക്കു ദാനമാ​യി നൽകാ​വു​ന്ന​താണ്‌.

◻ സ്ഥാവര​വ​സ്‌തു: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ ആയുഷ്‌ക്കാ​ലാ​വ​കാ​ശം നിലനിർത്തി​ക്കൊ​ണ്ടോ, വിൽക്കാ​വുന്ന സ്ഥാവര​വ​സ്‌തു വാച്ച്‌ ടവർ സൊ​സൈ​റ​റി​ക്കു ദാനം ചെയ്യാ​വു​ന്ന​താണ്‌, ദാനി​യു​ടെ ആയുഷ്‌പ​ര്യ​ന്തം അയാൾക്ക്‌ അവിടെ താമസി​ക്കാം. ഏതെങ്കി​ലും സ്ഥാവര​വ​സ്‌തു സൊ​സൈ​റ​റിക്ക്‌ ആധാരം ചെയ്യു​ന്ന​തി​നു​മു​മ്പാ​യി സൊ​സൈ​റ​റി​യു​മാ​യി സമ്പർക്കം പുലർത്തണം.

◻ വിൽപ്പ​ത്ര​ങ്ങ​ളും ട്രസ്‌റ​റു​ക​ളും: നിയമ​പ​ര​മാ​യി തയ്യാറാ​ക്കിയ വിൽപ്പ​ത്രം മുഖാ​ന്തി​രം വസ്‌തു​വോ പണമോ വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി ഓഫ്‌ ഇന്ത്യക്ക്‌ അവകാശം ദാനം ചെയ്യാ​വു​ന്ന​താണ്‌. അല്ലെങ്കിൽ ഒരു ട്രസ്‌ററ്‌ ക്രമീ​ക​ര​ണ​ത്തി​ന്റെ അവകാ​ശി​യാ​യി സൊ​സൈ​റ​റി​യു​ടെ പേർ കൊടു​ക്കാ​വു​ന്ന​താണ്‌. ഒരു മതസ്ഥാ​പ​ന​ത്തി​നു വേണ്ടി​യുള്ള ട്രസ്‌ററ്‌ ചില നികു​തി​യി​ള​വു​കൾ പ്രദാനം ചെയ്‌തേ​ക്കാം. വിൽപ്പ​ത്ര​ത്തി​ന്റെ അല്ലെങ്കിൽ ട്രസ്‌റ​റ്‌ക​രാ​റി​ന്റെ ഒരു പകർപ്പു സൊ​സൈ​റ​റിക്ക്‌ അയച്ചു​കൊ​ടു​ക്കേ​ണ്ട​താണ്‌.

ഇങ്ങനെയുള്ള കാര്യങ്ങൾ സംബന്ധി​ച്ചു കൂടുതൽ വിവരത്തിന്‌, Watch Tower Bible and Tract Society of India, H-58 Old Khandala Road, Lonavla 410 401, Mah. എന്ന വിലാ​സ​ത്തി​ലോ സൊ​സൈ​റ്റി​യു​ടെ ഏതെങ്കി​ലും പ്രാ​ദേ​ശിക ബ്രാഞ്ച്‌ ഓഫീ​സി​ലേ​ക്കോ എഴുതുക.

[31-ാം പേജിലെ ചതുരം]

നിങ്ങളുടെ സംഭാ​വ​നകൾ ഉപയോ​ഗി​ക്ക​പ്പെ​ടുന്ന വിധം:

1. ബെഥേൽ സ്വമേ​ധയാ സേവകർ

2. ബ്രാഞ്ച്‌ ഓഫീസ്‌ നിർമാ​ണം

3. ദുരി​താ​ശ്വാ​സം

4. രാജ്യ​ഹാ​ളു​കൾ

5. മിഷന​റി​മാർ