അപ്പോ​ക്കാ​ലി​പ്‌സി​ലെ മൃഗങ്ങൾ—അവയെ​ക്കു​റിച്ച്‌ വായി​ക്കേ​ണ്ട​തെ​ന്തു​കൊണ്ട്‌?

അപ്പോ​ക്കാ​ലി​പ്‌സ്‌! ബൈബി​ളി​ന്റെ അവസാന പുസ്‌ത​ക​ത്തിന്‌ നൽക​പ്പെ​ട്ടി​ട്ടുള്ള വിശിഷ്ട നാമങ്ങ​ളിൽ ഒന്നാണത്‌. അതിനെ വെളി​പ്പാട്‌ പുസ്‌തകം എന്നും വിളി​ക്കു​ന്നു. ഈ പുസ്‌തകം വർണ്ണോ​ജ്വ​ല​ങ്ങ​ളായ വാങ്‌മയ ചിത്രങ്ങൾ കൊണ്ട്‌ നിറഞ്ഞി​രി​ക്കു​ന്നു. അവയിൽ ഒരു സർപ്പ​ത്തെ​ക്കു​റി​ച്ചു​ള്ള​തും മൂന്നു വന്യമൃ​ഗ​ങ്ങ​ളെ​ക്കു​റി​ച്ചു​ള്ള​തു​മായ ചിത്രങ്ങൾ വിശേ​ഷ​ത​യേ​റി​യ​വ​യാണ്‌. ചിലർക്ക്‌ ഈ മൃഗങ്ങൾ ഭയം ജനിപ്പി​ക്കു​ന്ന​വ​യാ​യി തോന്നു​ന്നു. മററു​ള്ളവർ അവയെ ഒരു കിഴവന്റെ സങ്കൽപ്പ​ങ്ങ​ളാ​യി പിൻത​ള്ളു​ന്നു. ആ സ്ഥിതിക്ക്‌ അപ്പോ​ക്കാ​ലി​പ്‌സി​ലെ മൃഗങ്ങ​ളെ​ക്കു​റിച്ച്‌ നിങ്ങൾ എന്തു​കൊണ്ട്‌ വായി​ക്കണം? എന്തു​കൊ​ണ്ടെ​ന്നാൽ നിങ്ങളു​ടെ സന്തുഷ്ടി ഇതിൽ അന്തർഭ​വി​ച്ചി​രി​ക്കു​ന്നു.

ഏകദേശം 1900, വർഷങ്ങൾക്ക്‌ മുമ്പ്‌ അപ്പോ​സ്‌ത​ല​നായ യോഹ​ന്നാൻ വെളി​പ്പാട്‌ പുസ്‌തകം എഴുതി​യ​പ്പോൾ അവൻ ഒരു വൃദ്ധനാ​യി​രു​ന്നു എന്നത്‌ ശരിതന്നെ. അതു വിവരി​ക്കുന്ന മൃഗങ്ങൾ അതു​കൊണ്ട്‌ വാർദ്ധ​ക്യം ബാധിച്ച ഒരു മനസ്സിലെ വിഭ്രാ​ന്തി​യു​ടെ പ്രതി​ഫ​ല​ന​ങ്ങ​ളാ​ണെന്നു വരുമോ? ഇല്ല. കാരണം അത്തരം ദർശനങ്ങൾ ലഭിച്ച ആദ്യമ​നു​ഷ്യൻ യോഹ​ന്നാൻ ആയിരു​ന്നില്ല. ദാനി​യേൽ എന്ന്‌ പേരു​ണ്ടാ​യി​രുന്ന ഒരു മനുഷ്യ​നും തന്റെ പ്രായാ​ധി​ക്യ​ത്തിൽ മൃഗങ്ങ​ളെ​പ്പ​റ​റി​യുള്ള ദർശനങ്ങൾ കണ്ടിരു​ന്നു. മാനുഷ ഭരണകൂ​ട​ങ്ങൾക്ക്‌ സംഭവി​ക്കാ​നി​രുന്ന മാററ​ങ്ങ​ളു​ടെ കൃത്യ​ത​യേ​റിയ പ്രവച​ന​ങ്ങ​ളാ​യി ആ ദർശനങ്ങൾ തെളി​യു​ക​യും ചെയ്‌തു. (ദാനി​യേൽ 7ഉം 8ഉം അദ്ധ്യാ​യങ്ങൾ) കൂടാതെ, യേശു​ക്രി​സ്‌തു​തന്നെ ദാനി​യേ​ലി​നെ ഒരു പ്രവാ​ച​ക​നെന്നു വിളി​ക്കു​ക​യും അവന്റെ എഴുത്തു​കൾ ഉദ്ധരി​ക്കു​ക​യും ചെയ്‌തു​കൊണ്ട്‌ അവനെ ദൈവ​നി​ശ്വ​സ്‌ത​നാ​യി വീക്ഷിച്ചു.—മത്തായി 24:15.

തന്റെ മരണ​ശേഷം തന്റെ അപ്പോ​സ്‌ത​ലൻമാർക്ക്‌ കൂടു​ത​ലാ​യി ദിവ്യ പ്രബോ​ധനം ലഭിക്കു​മെന്ന്‌ യേശു സൂചി​പ്പി​ച്ചു. (യോഹ​ന്നാൻ 16:12, 13) വെളി​പ്പാട്‌ പുസ്‌ത​ക​ത്തി​ന്റെ അനേക പ്രവചന ഭാഗങ്ങ​ളും ശ്രദ്ധേ​യ​മായ വിധങ്ങ​ളിൽ നിറ​വേ​റി​യി​രി​ക്കു​ന്ന​തി​നാൽ വെളി​പ്പാ​ടു പുസ്‌ത​ക​ത്തി​ലെ മൃഗങ്ങ​ളെ​പ്പ​റ​റി​യുള്ള അപ്പോ​സ്‌ത​ല​നായ യോഹ​ന്നാ​ന്റെ ദർശന​ങ്ങ​ളും ദൈവ​ത്താൽ നിശ്വ​സ്‌ത​മാ​ക്ക​പ്പെ​ട്ട​വ​യാ​യി​രു​ന്നു​വെന്നു നമുക്കു​റ​പ്പാ​ക്കാം.—2 തിമൊ​ഥെ​യോസ്‌ 3:16.

വെളി​പ്പാട്‌ പുസ്‌ത​ക​ത്തി​ന്റെ മുഖവുര ഇങ്ങനെ പറയുന്നു: “ദൈവം തനിക്ക്‌ നൽകി​യ​താ​യി യേശു​ക്രി​സ്‌തു​വി​ന്റെ ഒരു വെളി​പ്പാട്‌ . . . അവൻ തന്റെ ദൂതനെ അയക്കു​ക​യും അടയാ​ള​ങ്ങ​ളി​ലൂ​ടെ അവൻ മുഖാ​ന്തരം തന്റെ ദാസനായ യോഹ​ന്നാന്‌ വെളി​പ്പെ​ടു​ത്തു​ക​യും ചെയ്‌തു.” (വെളി​പ്പാട്‌ 1:1) അതു​കൊണ്ട്‌ വെളി​പ്പാട്‌ പുസ്‌ത​ക​ത്തി​ലെ മൃഗങ്ങ​ളുൾപ്പെ​ടെ​യുള്ള പ്രതി​രൂ​പങ്ങൾ പ്രതീ​കാ​ത്മ​ക​ങ്ങ​ളാണ്‌, അക്ഷരീ​യമല്ല. അവയെ​ക്കു​റിച്ച്‌ വായി​ക്കു​ന്ന​തിന്‌ ഭയപ്പെ​ടാ​നൊ​ന്നു​മില്ല. ദൈവ​വു​മാ​യുള്ള തങ്ങളുടെ ബന്ധം കാത്തു​സൂ​ക്ഷി​ക്കാൻ തങ്ങളെ പ്രാപ്‌ത​രാ​ക്കി​ക്കൊണ്ട്‌ ക്രിസ്‌ത്യാ​നി​കൾക്ക്‌ ഈ പ്രതീ​കാ​ത്മക മൃഗങ്ങൾ ജീവൽപ്ര​ധാ​ന​മായ ജ്ഞാനം നൽകി​ത്ത​രു​ന്നു. അതു​കൊണ്ട്‌ അപ്പോ​സ്‌ത​ല​നായ യോഹ​ന്നാന്‌ ഇങ്ങനെ എഴുതാൻ കഴിഞ്ഞു: “ഈ പ്രവച​ന​ത്തി​ലെ വാക്കുകൾ ഉറക്കെ വായി​ക്കു​ന്ന​വ​നും അവ ശ്രദ്ധി​ക്കു​ന്ന​വ​രും അതി​ലെ​ഴു​തി​യി​രി​ക്കുന്ന കാര്യങ്ങൾ പാലി​ക്കു​ന്ന​വ​രും സന്തുഷ്ടർ; എന്തെന്നാൽ നിയമിത കാലം സമീപ​മാ​യി​രി​ക്കു​ന്നു.” അതെ, നിങ്ങൾ ഈ പ്രതീ​കങ്ങൾ ഗ്രഹി​ക്കു​ന്നത്‌ നിങ്ങൾക്ക്‌ ഇപ്പോ​ഴും ഭാവി​യി​ലും സന്തുഷ്ടി കൈവ​രു​ത്തും.—വെളി​പ്പാട്‌ 1:3. (w86 2/1)