വായന​ക്കാ​രിൽ നിന്നുള്ള ചോദ്യ​ങ്ങൾ

◼ “എനിക്കു മുമ്പേ ഒരു ദൈവ​വു​മു​ണ്ടാ​യി​ട്ടില്ല, എന്റെ ശേഷവും ആരും ഉണ്ടായി​രി​ക്ക​യില്ല” എന്ന്‌ യെശയ്യാവ്‌ 43:10-ൽ യഹോവ പറഞ്ഞി​രി​ക്കെ യേശു യഹോ​വ​യാൽ സൃഷ്ടി​ക്ക​പ്പെട്ട “ഒരു ദൈവം” ആയിരി​ക്കാൻ കഴിയു​ന്ന​തെ​ങ്ങനെ?

യേശു ദൈവ​ത്താൽ സൃഷ്ടി​ക്ക​പ്പെട്ട പുത്ര​നാ​ണെ​ന്നും അവന്റെ പിതാ​വി​നു കീഴ്‌പ്പെ​ട്ട​വ​നാ​ണെ​ന്നും യഹോ​വ​യു​ടെ സാക്ഷികൾ ബൈബി​ളിൽനി​ന്നു പഠിപ്പി​ക്കു​ന്നു എന്നത്‌ നന്നായി അറിയ​പ്പെ​ടു​ന്നു. (യോഹ​ന്നാൻ 14:28; 1 കൊരി​ന്ത്യർ 11:3) എന്നാൽ ശക്തനായ ഒരുവൻ എന്നനി​ല​യിൽ, ദൈവ​ത്തി​ന്റെ വക്താവ്‌ അല്ലെങ്കിൽ ലോ​ഗോസ്‌ ആയി സേവി​ക്കു​ന്നവൻ എന്നനി​ല​യിൽ അവനെ നന്നായി “ഒരു ദൈവം” എന്നു വിളി​ക്കാം. പല ബൈബിൾ ഭാഷാ​ന്ത​ര​ങ്ങ​ളും ലോ​ഗോസ്‌ “ഒരു ദൈവം” ആയിരു​ന്നു എന്നു പറയു​ന്ന​താ​യി രേഖ​പ്പെ​ടു​ത്തി​യി​രി​ക്കു​ന്നു. ദൃഷ്ടാ​ന്ത​ത്തിന്‌ ജർഗൻ ബക്കറി​നാ​ലുള്ള ദാസ്‌ ഇവാഞ്ച​ലി​യം നാക്ക്‌ ജോഹ​ന്നസ്‌ (1979) ഇപ്രകാ​രം വായി​ക്ക​പ്പെ​ടു​ന്നു: “അൻസ്‌ ഡെർ ലോ​ഗോസ്‌ വാർബി ഡെം ഗോട്ട്‌, അൻഡ്‌ ഈൻ ഗോട്ട്‌ വാർ ഡെർ ലോ​ഗോസ്‌.” (“ . . ലോ​ഗോസ്‌ ദൈവ​ത്തോ​ടു​കൂ​ടെ​യാ​യി​രു​ന്നു, ലോ​ഗോസ്‌ ഒരു ദൈവ​മാ​യി​രു​ന്നു.”)a

എന്നിരു​ന്നാ​ലും, ചോദ്യ​കർത്താവ്‌ സൂചി​പ്പി​ക്കു​ന്ന​തു​പോ​ലെ ഇതു യെശയ്യാവ്‌ 43:10, 11-മായി വൈരു​ദ്ധ്യം ഉള്ളതായി തോന്നി​യേ​ക്കാം. അവിടെ ഇപ്രകാ​രം പറയുന്നു: ‘നിങ്ങൾ എന്റെ സാക്ഷികൾ’ ആകുന്നു എന്നു യഹോവ അരുളി​ചെ​യ്യു​ന്നു, നിങ്ങൾ എന്നെ അറിയു​ക​യും എന്നിൽ വിശ്വാ​സം ഉണ്ടായി​രി​ക്ക​യും ഞാൻ തന്നെയാ​കു​ന്നു എന്നു ഗ്രഹി​ക്ക​യും ചെയ്യേ​ണ്ട​തി​നു ഞാൻ തിര​ഞ്ഞെ​ടു​ത്തി​രി​ക്കുന്ന എന്റെ ദാസനും ആകുന്നു. എനിക്കു മുമ്പേ ഒരു ദൈവ​വു​മു​ണ്ടാ​യി​ട്ടില്ല. എന്റെ ശേഷവും ആരും ഉണ്ടായി​രി​ക്ക​യില്ല. ഞാൻ—ഞാൻ യഹോവ ആകുന്നു, ഞാൻ അല്ലാതെ ഒരു രക്ഷിതാ​വു​മില്ല.‘”

ആത്മാർത്ഥ​ത​യു​ള്ള ഒരു ബൈബിൾ വിദ്യാർത്ഥിക്ക്‌ ആ വാക്കു​ക​ളു​ടെ സന്ദർഭം പരിഗ​ണി​ക്കു​ന്ന​തി​നാൽ സഹായം ലഭിക്കും. സർവ്വശ​ക്ത​നായ യഹോ​വ​യാം ദൈവം യിസ്രാ​യേ​ലി​നു ചുററു​മു​ണ്ടാ​യി​രുന്ന രാഷ്‌ട്ര​ങ്ങ​ളി​ലെ മനുഷ്യ​നിർമ്മിത വിഗ്ര​ഹ​ങ്ങ​ളോട്‌ തന്നേത്തന്നെ വിപരീത താരത​മ്യം ചെയ്യു​ക​യാ​യി​രു​ന്നു. യഹോവ ഇപ്രകാ​രം ചോദി​ക്കു​ന്നു: “ജനങ്ങളായ നിങ്ങൾക്കു ദൈവത്തെ ആരോടു താരത​മ്യ​പ്പെ​ടു​ത്താം, അവന്റെ വശത്തു നിങ്ങൾക്കു തുല്യ​മായ എന്തു വെക്കാൻ കഴിയും?” തീർച്ച​യാ​യും ഒരു ലോഹ​പ്പ​ണി​ക്കാ​ര​നാൽ നിർമ്മി​ക്ക​പ്പെ​ട്ട​തോ മരത്തിൽ നിന്നു കൊത്തി​യെ​ടു​ത്ത​തോ ആയ പ്രതി​മ​യ്‌ക്കു സാദ്ധ്യമല്ല. (യെശയ്യാവ്‌ 40:18-20; 41:7) അത്തരം ദൈവ​ങ്ങൾക്ക്‌ യഹോവ ചെയ്‌ത​തു​പോ​ലെ, ‘സ്വർഗ്ഗ​ങ്ങളെ ഒരു തിരശ്ശീല പോലെ നിവർത്തു​ന്ന​തി​നു’ സാദ്ധ്യമല്ല. (യെശയ്യാവ്‌ 40:21-26) കൂടാതെ രാഷ്‌ട്ര​ങ്ങ​ളി​ലെ വിഗ്ര​ഹ​ങ്ങൾക്ക്‌ ‘അവ ദൈവ​ങ്ങ​ളാ​ണെന്നു നാം അറി​യേ​ണ്ട​തി​നു ഭാവി​യിൽ വരാൻ പോകുന്ന കാര്യങ്ങൾ പറയാൻ കഴിവില്ല.’ (യെശയ്യാവ്‌ 41:23) യെശയ്യാവ്‌ 43:9-ൽ യഹോവ ഇപ്രകാ​രം പ്രസ്‌താ​വി​ച്ചു​കൊണ്ട്‌ ഈ ആശയം ആവർത്തി​ക്കു​ന്നു: “ദേശീയ കൂട്ടങ്ങൾ ഒന്നിച്ചു കൂടട്ടെ, അവരിൽ ആർക്കിതു പറയാൻ കഴിയും? അഥവാ ആരംഭ​കാ​ര്യ​ങ്ങൾ തന്നെ അവർക്കു നമ്മെ കേൾപ്പി​ക്കാൻ കഴിയു​മോ? അവർ തങ്ങളുടെ സാക്ഷി​കളെ കൊണ്ടു​വ​രട്ടെ.” ശരിയാ​യും സർവ്വശക്തൻ പറയുന്നു: “ഞാൻ യഹോവ ആകുന്നു. അതാണ്‌ എന്റെ നാമം; ഞാൻ എന്റെ സ്വന്തം മഹത്വം മറെറാ​രു​ത്ത​നും, എന്റെ സ്‌തുതി കൊത്തി​യു​ണ്ടാ​ക്കിയ വിഗ്ര​ഹ​ങ്ങൾക്കും വിട്ടു​കൊ​ടു​ക്ക​യില്ല.”—യെശയ്യാവ്‌ 42:8.

അതു​കൊണ്ട്‌ സന്ദർഭം, സർവ്വശക്തൻ രാഷ്‌ട്ര​ങ്ങ​ളു​ടെ ദൈവങ്ങൾ എന്നു വിളി​ക്ക​പ്പെ​ടു​ന്ന​വ​രോട്‌ ഒരു വെല്ലു​വി​ളി നടത്തു​ക​യാ​ണെന്നു സ്ഥാപി​ക്കു​ന്നു. ദിവ്യ​ശ​ക്തി​യി​ല്ലാത്ത വെറും വിഗ്ര​ഹങ്ങൾ ആകയാൽ അവ നിശ്ചയ​മാ​യും ആരാധി​ക്ക​പ്പെ​ടെണ്ട ദൈവ​ങ്ങളല്ല; അവ യഥാർത്ഥ​ത്തിൽ ഒന്നുമില്ല. യഹോവ ഇപ്രകാ​രം തുടരു​ന്നു: “ഞാൻ ഒഴികെ ഒരു ദൈവം സ്ഥിതി​ചെ​യ്യു​ന്നു​വോ? ഇല്ല, ഒരു പാറയു​മില്ല. ഞാൻ യാതൊ​ന്നി​നെ​യും തിരി​ച്ച​റി​യു​ന്നില്ല. കൊത്തി​യു​ണ്ടാ​ക്കിയ പ്രതി​മ​യു​ടെ നിർമ്മാ​താ​ക്ക​ളെ​ല്ലാം അയഥാർത്ഥ​മാ​കു​ന്നു, അവരുടെ പ്രിയ​പ്പെട്ടവ [ലോഹം കൊണ്ടു അടിച്ചു തീർത്ത​തോ മരത്തിൽ കൊത്തി​യെ​ടു​ത്ത​തോ] ഒരു പ്രയോ​ജ​ന​വും ചെയ്‌ക​യില്ല.” (യെശയ്യാവ്‌ 44:8-17) ആ നുഷങ്‌ഗി​ക​മാ​യി, യെശയ്യാവ്‌ 43:10-ന്റെ സന്ദർഭം യേശു​വി​നെ, പരിഗ​ണ​ന​യി​ലുള്ള രാഷ്‌ട്ര​ങ്ങ​ളു​ടെ ശൂന്യ​മായ വിഗ്ര​ഹ​ങ്ങ​ളായ “ദൈവങ്ങൾ” ആയി കണക്കാ​ക്കു​കയല്ല എന്നു വ്യക്തമാ​ക്കു​ന്നു.

“ദൈവം” എന്ന പദം സാധാ​ര​ണ​യാ​യി ആദരി​ക്ക​പ്പെ​ടുന്ന ഒരു മനുഷ്യാ​തീത വസ്‌തു​വി​നെ സംബന്ധിച്ച്‌ പറയാൻ ഉപയോ​ഗി​ക്കു​ന്നു. അതു​കൊണ്ട്‌ അനേകം ആളുക​ളു​ടെ​യും മനസ്സിൽ “ദൈവം” എന്നതിന്റെ അർത്ഥം ഒന്നുകിൽ (1) പരമോ​ന്നത വ്യക്തി, സർവ്വശക്തൻ അല്ലെങ്കിൽ (2) ഒരു വിഗ്ര​ഹം​പോ​ലെ​യുള്ള ഒരു വ്യാജ ദൈവം എന്നു അർത്ഥമാ​ക്കു​ന്നു. എന്നിരു​ന്നാ​ലും ബൈബിൾ മററു​പ​യോ​ഗ​ങ്ങ​ളും അനുവ​ദി​ക്കു​ന്നു. നമുക്ക്‌ ഇതു സങ്കീർത്തനം 82:1, 2-ൽ നിന്നു കാണാൻ കഴിയും. അവിടെ ദിവ്യ​നായ ഒരുവനെ (യഹോ​വ​യാം ദൈവം) സങ്കീർത്ത​ന​ക്കാ​രൻ “ദൈവങ്ങൾ” എന്നു വിളി​ച്ചി​രി​ക്കുന്ന മാനുഷ ന്യായാ​ധി​പൻമാ​രിൽ നിന്നു വേർതി​രി​ക്കു​ന്നു. പിന്നീട്‌ യേശു​തന്നെ ഈ വാക്യം പരാമർശി​ച്ചു. എന്തു​കൊ​ണ്ടെ​ന്നാൽ യഹോ​വ​യാം ദൈവത്തെ തന്റെ പിതാ​വെ​ന്ന​നി​ല​യിൽ പറഞ്ഞതി​നാൽ ചില യഹൂദൻമാർ അവനെ കല്ലെറി​യാൻ ശ്രമിച്ചു. അവൻ ‘തന്നെത്താൻ ഒരു ദൈവം ആക്കുന്നു’ എന്നു അവരുടെ കുററാ​രോ​പ​ണ​ത്തി​നു യേശു ഇപ്രകാ​രം മറുപടി പറഞ്ഞു: “‘നിങ്ങൾ ദൈവങ്ങൾ ആകുന്നു’ എന്നു ഞാൻ പറഞ്ഞു എന്ന്‌ നിങ്ങളു​ടെ ന്യായ​പ്ര​മാ​ണ​ത്തിൽ എഴുതി​യി​ട്ടി​ല്ലേ? [ആ മാനുഷ ന്യായാ​ധി​പൻമാ​രെ] അവർ ‘ദൈവങ്ങൾ’ എന്നു വിളി​ച്ചെ​ങ്കിൽ . . . ഞാൻ ദൈവ​ത്തി​ന്റെ പുത്ര​നാ​കു​ന്നു എന്നു പറഞ്ഞതു​കൊണ്ട്‌, ‘നീ ദൈവ​ദൂ​ഷണം പറയുന്നു’ എന്നു പിതാവ്‌ വിശു​ദ്ധീ​ക​രി​ച്ചു ലോക​ത്തിൽ അയച്ചവ​നോ​ടു നിങ്ങൾ പറയു​ന്നു​വോ?”—യോഹ​ന്നാൻ 10:31-36.

അപ്പോ​സ്‌ത​ല​നാ​യ പൗലോസ്‌ എഴുതി​യ​തു​പോ​ലെ സർവ്വശ​ക്ത​നായ ഒരു ദൈവം മാത്രമേ ഉള്ളു എന്നതു ചോദ്യം ചെയ്യ​പ്പെ​ടാ​വു​ന്നതല്ല: “എന്തു​കൊ​ണ്ടെ​ന്നാൽ പല ‘ദൈവ​ങ്ങ​ളും’ പല ‘കർത്താ​ക്കൻമാ​രും’ ഉള്ളതു​പോ​ലെ​തന്നെ, സ്വർഗ്ഗ​ത്തി​ലോ ഭൂമി​യി​ലോ ‘ദൈവങ്ങൾ’ എന്നു വിളി​ക്ക​പ്പെ​ടു​ന്നവർ ഉണ്ടെന്നു വരികി​ലും, യഥാർത്ഥ​ത്തിൽ പിതാ​വായ ഏക​ദൈ​വമേ നമുക്കു​ള്ളു, എല്ലാം അവനിൽ നിന്നാ​കു​ന്നു, . . . യേശു​ക്രി​സ്‌തു എന്ന ഏക കർത്താ​വും ഉണ്ട്‌, അവൻ മുഖാ​ന്തരം എല്ലാ കാര്യ​ങ്ങ​ളും, അവൻ മുഖാ​ന്തരം നാമും ആകുന്നു.” (1 കൊരി​ന്ത്യർ 8:5, 6) കർത്താ​വായ യേശു​ക്രി​സ്‌തു വ്യാജ​ദൈ​വ​മോ ഭൂത ദൈവ​മോ വെറും വിഗ്ര​മോ അല്ല. അവൻ ‘യഹോ​വ​യാം ദൈവ​ത്തി​ന്റെ മഹത്വ​ത്തി​ന്റെ പ്രതി​ച്ഛാ​യ​യാണ്‌.’ (എബ്രായർ 1:3) അതു​കൊണ്ട്‌ യോഹ​ന്നാൻ 1:1-ൽ യേശു​വി​നെ “ഒരു ദൈവം” അഥവാ “ദൈവ​ത്തെ​പ്പോ​ലു​ള്ളവൻ” (ജോഹ​ന്നിസ്‌ ഷ്‌നിഡർ) എന്നു സംബോ​ധന ചെയ്യു​ന്നതു ഉചിത​മാണ്‌. (w86 7/1)

[അടിക്കു​റി​പ്പു​കൾ]