വായന​ക്കാ​രിൽനി​ന്നുള്ള ചോദ്യ​ങ്ങൾ

◼ 2 ശമുവേൽ 18:8-ൽ “വാളി​നി​ര​യാ​യ​തി​ലും അധികം പേർ വനത്തി​നി​ര​യാ​യി​ത്തീർന്നു” എന്ന്‌ പറയു​ന്ന​തി​ന്റെ അർത്ഥ​മെന്ത്‌?

ദാവീദ്‌ രാജാ​വി​ന്റെ കുലീ​ന​പു​ത്ര​നായ അബ്‌ശാ​ലോം സിംഹാ​സനം ബലാൽക്കാ​ര​മാ​യി അപഹരി​ക്കു​ക​യും അതു നിമിത്തം അവന്റെ പിതാവ്‌ യെരൂ​ശ​ലേ​മി​ലേക്ക്‌ ഓടി​പ്പോ​കാൻ നിർബ്ബ​ന്ധി​ത​നാ​യി​ത്തീ​രു​ക​യും ചെയ്‌തു. അതിനു​ശേഷം എഫ്രയിം വനത്തിൽ (ഒരുപക്ഷേ യോർദ്ദാൻ നദിയു​ടെ കിഴക്കു​ഭാ​ഗത്ത്‌) അബ്‌ശാ​ലോ​മി​ന്റെ സൈന്യ​വും യഹോ​വ​യു​ടെ അഭിഷിക്ത രാജാ​വായ ദാവീ​ദി​ന്റെ വിശ്വസ്‌ത പോരാ​ളി​ക​ളും തമ്മിൽ പോരാ​ട്ടം നടന്നു. ആ തീവ്ര​മായ പോരാ​ട്ട​ത്തിൽ ദാവീ​ദി​ന്റെ യോദ്ധാ​ക്കൾ 20,000 മത്സരി​കളെ സംഹരി​ച്ച​താ​യി 2 ശമുവേൽ 18:6, 7-ലെ രേഖ പറയുന്നു. അടുത്ത വാക്യം ഭാഗി​ക​മാ​യി ഇപ്രകാ​രം കൂട്ടി​ച്ചേർക്കു​ന്നു: “വാളി​നി​ര​യാ​യ​തി​ലും അധികം​പേർ വനത്തി​നി​ര​യാ​യി​ത്തീർന്നു.”

ഇത്‌ വനത്തിലെ മൃഗങ്ങൾ മത്സരി​ക​ളായ പടയാ​ളി​കളെ വിഴു​ങ്ങി​ക്ക​ള​ഞ്ഞ​തി​നെ പരാമർശി​ക്കു​ന്നു​വെന്ന്‌ ചിലർ അഭി​പ്രാ​യ​പ്പെ​ടു​ന്നു. (1 ശമുവേൽ 17:36; 2 രാജാ​ക്കൻമാർ 2:24) എന്നാൽ പോരാ​ട്ട​ത്തിൽ വധിക്ക​പ്പെ​ട്ട​വരെ “വാൾ” അക്ഷരീ​യ​മാ​യി തിന്നാ​ഞ്ഞ​തു​പോ​ലെ അക്ഷരീ​യ​മാ​യി മൃഗങ്ങ​ളാ​ലുള്ള അത്തരം തീററയെ അവശ്യം അർത്ഥമാ​ക്ക​ണ​മെ​ന്നില്ല. വാസ്‌ത​വ​ത്തിൽ പട “ആ ദേശ​ത്തെ​ല്ലാ​ട​വും പരന്നു.” അതു​കൊണ്ട്‌ ശിലാ​മ​യ​മായ വനത്തി​ലൂ​ടെ​യുള്ള ഛിന്നഭി​ന്ന​മായ സൈനിക പലായനം നിമിത്തം അബ്‌ശാ​ലോ​മി​ന്റെ പടയാ​ളി​കൾ ഒരുപക്ഷേ കുഴി​ക​ളി​ലും ഗുപ്‌ത​മായ പിളർപ്പു​ക​ളി​ലും പട്ടു​പോ​വു​ക​യും തിങ്ങി​നിൽക്കുന്ന വൃക്ഷങ്ങ​ളി​ലും കുററി​ച്ചെ​ടി​ക​ളി​ലും അകപ്പെ​ട്ടു​പോ​വു​ക​യും ചെയ്‌തി​രി​ക്കാൻ കൂടുതൽ സാദ്ധ്യ​ത​യുണ്ട്‌. അബ്‌ശാ​ലോം​തന്നെ വനത്തി​നി​ര​യാ​യ​തി​നെ​ക്കു​റിച്ച്‌ രേഖ തുടർന്നു പറയു​ന്നത്‌ ഇതിന്റെ ചേർച്ച​യി​ലാണ്‌. സ്‌പഷ്ട​മാ​യും അവന്റെ സമൃദ്ധ​മായ മുടി നിമിത്തം അവന്റെ തല ഒരു വലിയ മരത്തിൽ പിടി​പെട്ടു. അത്‌ യോവാ​ബി​നാ​ലും അവന്റെ പടയാ​ളി​ക​ളാ​ലും മൃത്യു​ഹേ​തു​ക​മായ ആക്രമ​ണ​ത്തി​നി​ര​യാ​യി​ത്തീ​ര​ത്ത​ക്ക​വി​ധം അവനെ നിസ്സഹായ സ്ഥിതി​യി​ലാ​ക്കി. അബ്‌ശാ​ലോ​മി​ന്റെ ശരീരം ‘വനത്തിലെ ഒരു വലിയ കുഴി​യി​ലി​ട്ടു. അവന്റെ മേൽ ഒരു വലിയ കൽക്കൂ​മ്പാ​രം കൂട്ടു​ക​യും ചെയ്‌തു.’—2 ശമുവേൽ 18:9-17. (w87 3/15)