ആത്മവിദ്യ—ദൈവം എങ്ങനെ വീക്ഷി​ക്കു​ന്നു?

“ഒരേ സംഗതി​ക​ളോട്‌ പ്രീതി​യും അപ്രീ​തി​യും ഒരു​പോ​ലെ കാണി​ക്കുക; ഇതാണ്‌ സൗഹൃദം ഊട്ടി​യു​റ​പ്പി​ക്കാ​നുള്ള ഒരു മാർഗ്ഗം” എന്ന്‌ റോമൻ ചരി​ത്ര​കാ​ര​നായ സാലസ്‌ററ്‌ പറഞ്ഞു. വാസ്‌ത​വ​ത്തിൽ ഒരു സ്‌നേ​ഹി​തൻ എന്നു വച്ചാൽ നിങ്ങൾക്കാ​ശ്ര​യി​ക്കാൻ കൊള്ളാ​വു​ന്ന​വ​നും നിങ്ങളു​മാ​യി ഏററവും അധികം കാര്യ​ങ്ങ​ളിൽ പൊരു​ത്തം ഉള്ളവനും ആണ്‌. ഇതു​പോ​ലെ, ദൈവം സ്‌നേ​ഹി​ത​രെ​ന്ന​പോ​ലെ നമ്മെ നോക്കു​ക​യും നമ്മൾ, അവൻ ഇഷ്‌ട​പ്പെ​ടുന്ന കാര്യ​ങ്ങളെ ഇഷ്‌ട​പ്പെ​ടു​ക​യും അവൻ വെറു​ക്കു​ന്ന​വയെ വെറു​ക്കു​ക​യും ചെയ്യു​ന്നു​വെ​ങ്കിൽ അവനോട്‌ അടുത്തു ചെല്ലാൻ അവൻ നമ്മെ അനുവ​ദി​ക്കു​ക​യും ചെയ്യുന്നു. ഇതിന്റെ അർത്ഥം സ്‌നേഹം, സമാധാ​നം, ദയ, നൻമ എന്നിങ്ങ​നെ​യുള്ള ദൈവ​ത്തി​ന്റെ ഗുണങ്ങ​ളിൽ നാം ആകൃഷ്‌ട​രാ​യി​രി​ക്കു​ന്നു​വെ​ന്നും നമ്മുടെ സ്വന്ത ജീവി​ത​ത്തിൽ ഈ സ്വഭാ​വ​ഗു​ണങ്ങൾ അനുക​രി​ക്കാൻ നാം ആത്മാർത്ഥ​മാ​യി ശ്രമം ചെയ്യു​ന്നു​വെ​ന്നു​മാണ്‌.—ഗലാത്യർ 5:22, 23.

ആത്മവി​ദ്യ​യെ ദൈവം അംഗീ​ക​രി​ക്കു​ന്നു​വോ എന്നറി​യു​ന്ന​തി​നു​വേണ്ടി നമുക്ക്‌ അതിന്റെ ഫലത്തെ​ക്കു​റിച്ച്‌ ആദ്യം പരി​ശോ​ധി​ക്കാം. (മത്തായി 7:17, 18) അത്‌ ആകർഷ​ക​ങ്ങ​ളായ ദിവ്യ​ഗു​ണങ്ങൾ വികസി​പ്പി​ക്കാൻ നമ്മെ സഹായി​ക്കു​ന്നു​വോ? കണ്ടുപി​ടി​ക്കു​ന്ന​തിന്‌ നമുക്ക്‌ രണ്ട്‌ യഥാർത്ഥ ജീവിത ദൃഷ്‌ടാ​ന്ത​ങ്ങ​ളി​ലേക്ക്‌ നോക്കാം.

ഭാവി​ക​ഥ​ന​വും ഭീഷണി​യും മരണവും

സുറി​നാ​മി​ലെ ഒരു മദ്ധ്യവ​യ​സ്‌ക്ക​യായ അസാമജാ അമേലിയ ആദ്യമാ​യി ഭൂതവി​ദ്യ​യു​ടെ വകഭേ​ദ​മായ ഭാവി​ക​ഥ​ന​ക​ല​യിൽ ഏർപ്പെ​ട്ട​പ്പോൾ അവൾക്ക്‌ 17 വയസ്സ്‌ പ്രായ​മാ​യി​രു​ന്നു. അവളുടെ പ്രവച​നങ്ങൾ സത്യമാ​യി ഭവിച്ച​തു​കൊ​ണ്ടും അന്വേ​ഷ​കർക്ക്‌ അവളുടെ ബുദ്ധി​യു​പ​ദേശം കൊണ്ട്‌ പ്രയോ​ജനം ലഭിച്ച​തു​കൊ​ണ്ടും അവൾ തന്റെ സമുദാ​യ​ത്തിൽ ഉന്നതമാ​യി മതിക്ക​പ്പെട്ടു. (പ്രവൃ​ത്തി​കൾ 16:16) പക്ഷെ ഒരു കാര്യം അവളെ വിഷമി​പ്പി​ച്ചു.

“എന്നിലൂ​ടെ സംസാ​രിച്ച ആത്‌മാ​ക്കൾ അവരുടെ സഹായം തേടി​യെ​ത്തി​യ​വ​രോട്‌ ദയാലു​ക്കൾ ആയിരു​ന്നു,” എന്നു പറഞ്ഞു​കൊണ്ട്‌ അവൾ തുടരു​ന്നു, “പക്ഷെ അതേസ​മയം തന്നെ അവർ എന്റെ ജീവിതം ദുസ്സഹ​മാ​ക്കി​ത്തീർത്തു. ഒരോ സമയ​ത്തെ​യും ഇരിപ്പി​നു​ശേഷം എനിക്ക്‌ യാതന​യ​നു​ഭ​വ​പ്പെട്ടു, എനിക്ക്‌ ചലിക്കാൻ പോലും കഴിയു​മാ​യി​രു​ന്നില്ല. രാത്രി​യാ​കു​മ്പോ​ഴേക്ക്‌ ഞാൻ അല്‌പ വിശ്ര​മ​ത്തി​നു​വേണ്ടി ആശിച്ചു​പോ​കും, പക്ഷെ ആത്മാക്കൾ എന്നെ വെറുതെ വിടു​ക​യില്ല. അവർ എന്നോട്‌ സംസാ​രി​ച്ചും എന്നെ ഉണർത്തി​യും എന്നെ ശല്യം ചെയ്‌തി​രു​ന്നു. അവർ പറഞ്ഞ കാര്യ​ങ്ങ​ളാ​ണെ​ങ്കി​ലോ!” അവൾ തന്റെ തല അറപ്പോ​ടെ കുലു​ക്കി​ക്കൊണ്ട്‌ നെടു​വീർപ്പിട്ട്‌ കീഴോട്ട്‌ നോക്കു​ന്നു. “അവർ എന്നോട്‌ ലൈം​ഗി​ക​കാ​ര്യ​ങ്ങൾ സംസാ​രി​ക്കാ​നി​ഷ്‌ട​പ്പെ​ട്ടി​രു​ന്നു, ഞാനു​മാ​യി ബന്ധപ്പെ​ടാൻ നിർബ്ബന്ധം ചെലു​ത്തു​ക​യും ചെയ്‌തി​രു​ന്നു. അത്‌ ഞെട്ടി​ക്കു​ന്ന​താ​യി​രു​ന്നു. ഞാൻ വിവാ​ഹി​ത​യാണ്‌. എനിക്ക്‌ അവിശ്വസ്‌ത ആയിത്തീ​രാൻ ആഗ്രഹ​മില്ല എന്ന്‌ അവരോട്‌ പറഞ്ഞു. അതു ഫലിച്ചില്ല. ഒരിക്കൽ ഒരു അദൃശ്യ​ശക്തി എന്നെ കടന്നു പിടിച്ച്‌ എന്റെ ശരീരം ഞെരി​ക്കു​ക​യും എന്നെ കടിക്കു​ക​യും പോലും ചെയ്‌തു. എനിക്ക്‌ സ്വയം അറപ്പു തോന്നി.”

‘ആത്മാക്കൾ ലൈം​ഗിക അധർമ്മ​ത്തിന്‌ പ്രോ​ത്‌സാ​ഹി​പ്പി​ക്കു​ക​യോ? അങ്ങനെ കേട്ടി​ട്ടേ​യി​ല്ല​ല്ലൊ!’ എന്ന്‌ നിങ്ങൾ ആശ്ചര്യ​പ്പെ​ട്ടേ​ക്കാം. ഈ ആത്മാക്കൾ അത്രമാ​ത്രം അധഃപ​തി​ച്ച​വ​രാ​ണോ?

“അത്‌ അതി​ലേറെ വഷളാണ്‌!” മേൽ പരാമർശി​ക്ക​പ്പെട്ട ഐസക്ക്‌ പറയു​ന്ന​ത​ങ്ങ​നെ​യാണ്‌: “ഒരു ആത്മാവി​ന്റെ ദ്രോഹം അനുഭ​വി​ക്കേണ്ടി വന്ന ഒരു രോഗി​യായ സ്‌ത്രീ​യെ സഹായി​ക്കാൻ ഞങ്ങളെ വിളിച്ചു. സംഘത്തി​ന്റെ തലവൻ—ശക്തി​യേ​റിയ ഒരു ആത്‌മാ​വി​ന്റെ മദ്ധ്യവർത്തി—ആ ആത്‌മാ​വി​നെ ആട്ടിപ്പാ​യി​ക്കാൻ ശ്രമിച്ചു. ഒരു മുഴു ദിവസ​ക്കാ​ലം അവന്റെ ആത്‌മാ​വി​ന്റെ സഹായ​ത്തി​നു​വേണ്ടി ഞങ്ങൾ യാചി​ച്ചു​കൊ​ണ്ടി​രു​ന്നു. ഞങ്ങൾ നൃത്തം വക്കുക​യും ചെണ്ട കൊട്ടു​ക​യും ചെയ്‌തു. ക്രമേണ സ്‌ത്രീ​യു​ടെ നില മെച്ച​പ്പെട്ടു. അവൻ അവളുടെ ആത്‌മാ​വി​നോട്‌ പുറത്തു​പോ​കാൻ ആജ്ഞാപി​ച്ചു, അത്‌ ഫലിക്കു​ക​യും ചെയ്‌തു. ‘ഞങ്ങൾ വിജയം കൈവ​രി​ച്ചു’ എന്ന്‌ സംഘത്ത​ലവൻ പറഞ്ഞു. “അതിനു​ശേഷം ഞങ്ങളി​രു​ന്നു വിശ്ര​മി​ച്ചു.”

ഐസക്ക്‌ അർത്ഥഗർഭ​മാ​യി ഒന്നു നിർത്തി​യ​പ്പോൾ അദ്ദേഹ​ത്തി​ന്റെ ആംഗ്യം കാട്ടി​ക്കൊ​ണ്ടി​രുന്ന കയ്യോ​ര​വും നിശ്ചല​മാ​യി. അനന്തരം അദ്ദേഹം തുടരു​ന്നു: “കുറെ നേര​ത്തേക്ക്‌ എല്ലാം ഭംഗി​യാ​യി തോന്നി, പക്ഷേ ഉടനെ കേട്ട ഒരു നിലവി​ളി നിശ്ശബ്‌ദത ഭഞ്‌ജി​ച്ചു. ആ ശബ്ദം കേട്ട വീട്ടി​ലേക്ക്‌ ഞങ്ങൾ ഓടി​ച്ചെന്നു സംഘത്ത​ല​വന്റെ ഭാര്യ​യെ​ക്കണ്ടു. അവർ പൊട്ടി​ക്ക​ര​യു​ക​യാ​യി​രു​ന്നു. വീട്ടി​നു​ള്ളിൽ, ഞങ്ങൾ അവളുടെ കൊച്ചു​മ​ക​ളെ​ക്കണ്ടു. അവളുടെ തല പുറ​കോട്ട്‌ തിരി​ഞ്ഞി​രി​ക്കു​ന്നു! ഏതോ ശക്തി അവളുടെ കഴുത്ത്‌ ഞെരി​ച്ചൊ​ടിച്ച്‌ അവളെ കൊന്നു—കണ്ടിട​ത്തോ​ളം ആട്ടിപ്പാ​യി​ക്ക​പ്പെട്ട ആത്മാവി​ന്റെ പ്രതി​കാ​ര​ദാ​ഹം ആയിരു​ന്നു അത്‌. ഘോരം! ആ ആത്മാക്കൾ പീഡക​രായ കൊല​പാ​ത​കി​കൾ ആയിരു​ന്നു.”

ആത്മവി​ദ്യ​യും “ജഡത്തിന്റെ പ്രവൃ​ത്തി​ക​ളും”

അശുദ്ധി, ലൈം​ഗിക അധാർമ്മി​കത, കൊല​പാ​തകം എന്നിവ—ആത്മവി​ദ്യ​യു​മാ​യുള്ള സമ്പർക്ക​ത്തിൽ നിന്നു​ണ്ടായ ഈ രണ്ടനു​ഭ​വ​ങ്ങ​ളിൽ കണ്ടപ്ര​കാ​രം—ദൈവ​ത്തി​ന്റെ വ്യക്തി​ത്വ​ത്തോട്‌ കടകവി​രു​ദ്ധ​മാണ്‌. അത്‌ ആ ആത്മാക്കൾ വാസ്‌ത​വ​ത്തിൽ ആരാണ്‌ എന്ന്‌ തിരി​ച്ച​റി​യാൻ സഹായി​ക്കു​ന്നു​മുണ്ട്‌. അവർ ദൈവ​ത്തി​ന്റെ സന്ദേശ​വാ​ഹ​കൻമാർ ആയി ചമഞ്ഞേ​ക്കാം, പക്ഷെ അവരുടെ അസൻമാർഗ്ഗി​ക​വും കൊല​പാ​ത​ക​പൂർവ്വ​ക​വു​മായ പ്രവൃ​ത്തി​കൾ അവരെ ദൈവ​ശ​ത്രു​വി​ന്റെ അഥവാ ചരി​ത്ര​ത്തി​ലെ ആദ്യ കൊല​പാ​ത​കി​യാ​യി പിശാ​ചായ സാത്താന്റെ അനുകാ​രി​ക​ളാ​യി വിളി​ച്ച​റി​യി​ക്കു​ന്നു. (യോഹ​ന്നാൻ 8:44) അവനാണ്‌ അവരുടെ നായകൻ. മററു​ള്ളവർ അവന്റെ സഹായി​ക​ളും—ദുഷ്ട ദൂതൻമാർ അഥവാ ഭൂതങ്ങൾ—ലൂക്കോസ്‌ 11:15-20.

പക്ഷെ നിങ്ങൾ ഇങ്ങനെ ചോദി​ച്ചേ​ക്കാം: ‘ആത്‌മ​വി​ദ്യ​യിൽ ഈ പൈശാ​ചിക ലക്ഷണങ്ങൾ വിരള​മാ​യി മാത്ര​മല്ലെ കാണ​പ്പെ​ടു​ന്നത്‌? ആത്‌മ​വി​ദ്യ പൊതു​വെ ദൈവ​വു​മാ​യി എന്നെ അടുപ്പി​ക്കുന്ന നല്ല ആത്‌മാ​ക്ക​ളു​മാ​യി സമ്പർക്ക​ത്തിൽ വരാൻ എന്നെ സഹായി​ക്കു​ക​യി​ല്ലേ?’ ഇല്ല, “ആത്‌മ​വി​ദ്യ​യു​ടെ ആചരണത്തെ ക്രിസ്‌തീയ ഗുണങ്ങൾക്ക്‌ വിരു​ദ്ധ​മായ “ജഡത്തിന്റെ പ്രവൃ​ത്തി​ക​ളിൽ” ബൈബിൾ പട്ടിക​പ്പെ​ടു​ത്തു​ന്നു.—ഗലാത്യർ 5:19-21.

വെളി​പ്പാട്‌ 21:8-ൽ “ആത്‌മ​വി​ദ്യ ആചരി​ക്കു​ന്ന​വരെ (ഭൂതങ്ങ​ളോട്‌ സംഭാ​ഷി​ക്കു​ന്നവർ” ദ ലിവിംഗ്‌ ബൈബിൾ) “വിശ്വാ​സ​മി​ല്ലാ​ത്ത​വ​രു​ടെ​യും തങ്ങളുടെ വഷളത്വ​ത്തിൽ മ്ലേച്‌ഛത പ്രവർത്തി​ക്കു​ന്ന​വ​രു​ടെ​യും, കൊല​പാ​ത​കി​കൾ, പരസം​ഗി​കൾ, വിഗ്ര​ഹാ​രാ​ധി​കൾ എന്നിവ​രു​ടെ​യും സകല ഭോഷ്‌ക്കാ​ളി​ക​ളു​ടെ​യും” പട്ടിക​യിൽ പെടു​ത്തി​യി​രി​ക്കു​ന്നു. മനഃപൂർവ്വ ഭോഷ്‌ക്കാ​ളി​ക​ളെ​യും, പരസം​ഗി​ക​ളെ​യും, കൊല​പാ​ത​ക​രെ​യും ആത്‌മ​വി​ദ്യ ആചരി​ക്കു​ന്ന​വ​രെ​യും ദൈവം എങ്ങനെ പരിഗ​ണി​ക്കും? അവൻ അവരുടെ ചെയ്‌തി​കളെ വെറു​ക്കു​ന്നു!—സദൃശ​വാ​ക്യ​ങ്ങൾ 6:16-19.

ആത്‌മ​വി​ദ്യ​യു​ടെ സാദ്ധ്യ​ത​ക​ളെ​ക്കു​റിച്ച്‌ അന്വേ​ഷി​ക്കു​ന്നത്‌, ആ സ്ഥിതിക്ക്‌, യഹോ​വ​യാം ദൈവം വെറു​ക്കു​ന്ന​തി​നെ സ്‌നേ​ഹി​ക്കു​ന്ന​തിന്‌ തുല്യ​മാണ്‌. സാത്താന്റെ പാളയ​ത്തിൽ നിലയു​റ​പ്പി​ച്ചു​കൊണ്ട്‌ യഹോ​വയെ വെറു​ക്കു​ക​യും യഹോ​വ​യു​ടെ മുഖ്യ​ശ​ത്രു​വി​ന്റെ​യും അവന്റെ സഹായി​ക​ളു​ടെ​യും പക്ഷം ചേരു​ക​യും ചെയ്യു​ന്ന​തിന്‌ സമം ആണത്‌. ഇപ്പോൾ ഇതു ചിന്തി​ക്കുക: നിങ്ങളു​ടെ ശത്രു​ക്ക​ളു​ടെ പക്ഷം പിടി​ക്കുന്ന ഒരു വ്യക്തി​യോട്‌ അടുക്കാൻ നിങ്ങൾ ആഗ്രഹി​ക്കു​മോ? തീർച്ച​യാ​യും ഇല്ല. മറിച്ച്‌ നിങ്ങൾ ആ വ്യക്തി​യിൽ നിന്ന്‌ അകന്നു നിൽക്കു​കയേ ഉള്ളു. സ്‌പഷ്ട​മാ​യി അതു​കൊണ്ട്‌ നമുക്ക്‌ യഹോ​വ​യിൽനി​ന്നും അതേ പ്രതി​ക​രണം തന്നെ പ്രതീ​ക്ഷി​ക്കാം. സദൃശ​വാ​ക്യ​ങ്ങൾ 15:29 ഇങ്ങനെ പറയുന്നു: “യഹോവ ദുഷ്ടൻമാ​രിൽനിന്ന്‌ ദൂരെ അകന്നു നിൽക്കു​ന്നു.”—സങ്കീർത്തനം 5:4.

ആത്മവിദ്യ മരണത്തി​ലേക്ക്‌ നയിക്കു​ന്നു

ആത്മവി​ദ്യ​കൊ​ണ്ടുള്ള കളി ജീവന്‌ ഭീഷണി​യു​യർത്തു​ന്നു. പുരാതന യിസ്രാ​യേ​ലി​ലെ തന്റെ ജനത്തിന്റെ ഇടയിൽ അതിനെ വധശിക്ഷ അർഹി​ക്കുന്ന കുററ​മാ​യി യഹോവ വീക്ഷിച്ചു. (ലേവ്യ​പു​സ്‌തകം 20:27; ആവർത്തനം 18:9-12) “ആത്മവിദ്യ ആചരി​ക്കു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല” എന്ന കാര്യം, അതു​കൊണ്ട്‌, ആശ്ചര്യമല്ല. (ഗലാത്യർ 5:20, 21) മറിച്ച്‌, “അവർക്കുള്ള ഓഹരി തീ കത്തുന്ന പൊയ്‌ക” ആയിരി​ക്കും, അതു “രണ്ടാം മരണ”ത്തെ അഥവാ നിത്യ​നാ​ശത്തെ സൂചി​പ്പി​ക്കു​ന്നു. (വെളി​പ്പാട്‌ 21:8) ഇന്ന്‌ ക്രൈ​സ്‌ത​വ​ലോ​ക​ത്തി​ലെ ചില മതങ്ങൾ ആത്മവി​ദ്യ​യെ വച്ചു​പൊ​റു​പ്പി​ച്ചേ​ക്കാം, പക്ഷെ ബൈബി​ളി​ന്റെ വീക്ഷണ​ഗ​തിക്ക്‌ മാററ​മില്ല.

ആത്‌മ​വി​ദ്യ​യി​ലേ​ക്കുള്ള ആദ്യ ചില കാൽവ​യ്‌പ്പു​കൾ നിങ്ങൾ ഇതി​നോ​ടകം നടത്തി​പ്പോ​യെ​ങ്കി​ലെന്ത്‌? എങ്കിൽ നിങ്ങൾ ഉടനടി അത്‌ നിർത്തി തിരി​ഞ്ഞു​വ​രു​ന്ന​താ​യി​രി​ക്കും ഉത്തമം. ദൈവ​ത്തി​ന്റെ പ്രവാ​ച​ക​നാ​യി​രുന്ന യെശയ്യാവ്‌ പഴയകാ​ലത്തെ യിസ്രാ​യേ​ല്യർക്ക്‌ നൽകിയ ദിവ്യ​നി​ശ്വ​സ്‌ത​മായ ബുദ്ധി​യു​പ​ദേശം പിന്തു​ട​രുക. അവരുടെ അവസ്ഥ ഈ കാലത്ത്‌ അശുദ്ധ​മായ ആചാര​ങ്ങ​ളിൽ ഏർപ്പെ​ടു​ക​യും അതേസ​മ​യം​തന്നെ തങ്ങൾ ദൈവത്തെ ആരാധി​ക്കു​ന്നു​വെന്ന്‌ ചിന്തി​ക്കു​ക​യും ചെയ്യുന്ന ആളുക​ളു​ടേ​തിന്‌ സദൃശ​മാണ്‌. അതു​കൊണ്ട്‌ അവരുടെ അനുഭ​വ​ത്തിൽ ജീവൽപ്ര​ധാ​ന​മായ പാഠങ്ങ​ളുണ്ട്‌. എന്തു പാഠങ്ങൾ?

യെശയ്യാ​വി​ന്റെ മുന്നറി​യിപ്പ്‌ ചെവി​ക്കൊ​ള്ളു​ക

യെശയ്യാ​വി​ന്റെ ഒന്നാം അദ്ധ്യാ​യ​ത്തി​ലേക്ക്‌ ഒന്നു കണ്ണോ​ടി​ച്ചാൽ യിസ്രാ​യേൽ “യഹോ​വയെ വിട്ട്‌” അവരുടെ “പുറം തിരി​ച്ചു​ക​ളഞ്ഞു” എന്ന്‌ എഴുതി​യി​രി​ക്കു​ന്നത്‌ കാണാം. (4-ാം വാക്യം) അവർ വഴിപി​ഴ​ച്ചു​പോ​യെ​ങ്കി​ലും യാഗം അർപ്പി​ക്കു​ന്ന​തും മതചട​ങ്ങു​കൾ നിറ​വേ​റ​റു​ന്ന​തും പ്രാർത്ഥന നടത്തു​ന്ന​തും തുടർന്ന്‌ പോന്നു. പക്ഷെ യാതൊ​രു പ്രയോ​ജ​ന​വും ഉണ്ടായി​രു​ന്നില്ല! തങ്ങളുടെ സ്രഷ്‌ടാ​വായ യഹോ​വയെ പ്രസാ​ദി​പ്പി​ക്കാ​നുള്ള ഒരു ഉൾ​പ്രേരണ അവർക്കി​ല്ലാ​തി​രു​ന്നതു നിമിത്തം യഹോവ ഇങ്ങനെ പറഞ്ഞു: “ഞാൻ നിങ്ങളിൽ നിന്ന്‌ എന്റെ കണ്ണു മറയ്‌ക്കു​ന്നു. നിങ്ങൾ അനവധി പ്രാർത്ഥി​ച്ചാ​ലും ഞാൻ ശ്രദ്ധി​ക്കു​ന്നില്ല.” ‘തങ്ങളുടെ കൈകൾ രക്തപാ​തകം കൊണ്ടു നിറക്കു​വോ​ളം’ അശുദ്ധ​മായ ആചാര​ങ്ങ​ളിൽ ഏർപ്പെ​ട്ടു​കൊണ്ട്‌ അവർ യഹോ​വ​യ്‌ക്ക്‌ എതിരെ മത്സരിച്ചു.—11-15 വാക്യങ്ങൾ.

യഹോവ അവരെ ഏത്‌ അവസ്ഥയിൽ മാത്രമേ തിരികെ സ്വീക​രി​ക്കു​മാ​യി​രു​ന്നു​ള്ളു? യെശയ്യാവ്‌ 1:16-ൽ അരുളി​ച്ചെ​യ്‌തി​രി​ക്കുന്ന വ്യവസ്ഥകൾ ശ്രദ്ധി​ക്കുക. അവൻ പറയുന്നു: “നിങ്ങ​ളെ​ത്തന്നെ കഴുകി ശുദ്ധീ​ക​രി​പ്പിൻ.” നാം ആ ബുദ്ധി​യു​പ​ദേശം ഗൗരവ​പൂർവ്വം കൈ​ക്കൊ​ണ്ടാൽ നാം “ജഡത്തിന്റെ പ്രവൃ​ത്തി​ക​ളിൽ” ഒന്നായ ആത്മവിദ്യ ഉൾപ്പെ​ടെ​യുള്ള അശുദ്ധ അനുഷ്‌ഠാ​നങ്ങൾ ഉപേക്ഷി​ക്കു​ക​യോ അവയിൽ നിന്ന്‌ അകന്നു നിൽക്കു​ക​യോ ചെയ്യും. ആത്മവി​ദ്യ​യു​ടെ പിന്നിലെ ദുർബു​ദ്ധി പിശാ​ചായ സാത്താ​ന്റേ​താണ്‌ എന്ന്‌ നാം അറിയു​ന്ന​തു​കൊണ്ട്‌ നമ്മൾ അതി​നോ​ടുള്ള വെറുപ്പ്‌ വികസി​പ്പി​ക്കും.

തുടർന്ന്‌, ആത്മവി​ദ്യ​യു​മാ​യി ബന്ധപ്പെട്ട എല്ലാ വസ്‌തു​ക്ക​ളും നാം നീക്കി​ക്ക​ള​യണം. ഐസക്‌ അങ്ങനെ ചെയ്‌തു. അദ്ദേഹം പറയുന്നു: “ഒരു ദിവസം ആത്മവി​ദ്യ​യു​മാ​യി ബന്ധമു​ണ്ടാ​യി​രുന്ന എന്റെ എല്ലാ വസ്‌തു​വ​ക​ക​ളും ഞാൻ എന്റെ വീടി​നു​മു​മ്പിൽ ശേഖരിച്ച്‌, ഒരു മഴു​കൊണ്ട്‌ അവയെ തുണ്ടം​തു​ണ്ട​മാ​യി വെട്ടി​ക്കീ​റി. ഞാൻ ചെയ്‌ത​തി​നെ​ച്ചൊ​ല്ലി ഞാൻ പശ്ചാത്ത​പി​ക്കേ​ണ്ടി​വ​രും എന്ന്‌ എന്റെ അയൽക്കാ​രി നിലവി​ളി​ച്ചു​കൊണ്ട്‌ പറഞ്ഞു. അവൾ നിലവി​ളി​ച്ചു​കൊ​ണ്ടി​രി​ക്കെ​തന്നെ ഞാൻ ആ തുണ്ടങ്ങൾക്കു​മേൽ മണ്ണെണ്ണ ഒഴിച്ചു ഒരു തരിമ്പും ശേഷി​പ്പി​ക്കാ​തെ സർവ്വത്ര കത്തിച്ചു​ക​ളഞ്ഞു.”

അത്‌ 28 വർഷങ്ങൾക്കു മുമ്പാണ്‌ നടന്നത്‌. ഐസക്കിന്‌ പശ്ചാത്ത​പി​ക്കേണ്ടി വന്നിട്ടു​ണ്ടോ? പരമാർത്ഥം നേരെ മറിച്ചാണ്‌. യഹോ​വ​യു​ടെ സാക്ഷി​ക​ളു​ടെ സഭകളി​ലൊ​ന്നിൽ ഒരു ക്രിസ്‌തീയ ശുശ്രൂ​ഷ​ക​നെന്ന നിലയിൽ ഇന്ന്‌ അദ്ദേഹം സന്തുഷ്ട​നാ​യി യഹോ​വയെ സേവി​ക്കു​ന്നു.

യെശയ്യാവ്‌ 1:17 കൂടു​ത​ലായ ഈ മുന്നറി​യിപ്പ്‌ നൽകുന്നു: “നൻമ ചെയ്യാൻ പഠിക്കുക.” “നല്ലതും സ്വീകാ​ര്യ​വും പൂർണ്ണ​വും ആയ ദൈ​വേഷ്ടം” എന്തെന്ന്‌ കണ്ടെത്തു​ന്ന​തിന്‌ യഹോ​വ​യു​ടെ വചനം ആയ ബൈബിൾ പഠിക്കുക അത്‌ ആവശ്യ​മാ​ക്കി​ത്തീർക്കു​ന്നു. (റോമർ 12:2) പുതു​താ​യി കൈവന്ന ആ ജ്ഞാനം ബാധക​മാ​ക്കി ജീവി​ക്കു​ന്നത്‌ നവോൻമേ​ഷ​പ്ര​ദ​മായ അനു​ഗ്ര​ഹ​ങ്ങ​ളി​ലേക്ക്‌ നയിക്കും. അതാണ്‌ അസാമജാ കണ്ടെത്തി​യത്‌.

ബന്ധുക്ക​ളിൽ നിന്നും അയൽക്കാ​രിൽ നിന്നും ശക്തമായ എതിർപ്പു​ണ്ടാ​യി​രു​ന്നി​ട്ടും അസാമജാ ധൈര്യ​പൂർവ്വം യഹോ​വ​യു​ടെ സാക്ഷി​ക​ളോ​ടൊത്ത്‌ ദൈവ​വ​ചനം പഠിക്കു​ക​യും അതിനു​ശേഷം ഉടനെ ആത്മവി​ദ്യ​യു​മാ​യുള്ള ബന്ധം വിച്‌ഛേ​ദി​ക്കു​ക​യും ചെയ്‌തു. തുടർന്ന്‌ അവൾ തന്റെ ജീവിതം യഹോ​വ​യ്‌ക്ക്‌ സമർപ്പി​ക്കു​ക​യും ഒരു സമ്മേള​ന​ത്തിൽ വച്ച്‌ സ്‌നാനം ഏൽക്കു​ക​യും ചെയ്‌തു. ഇന്ന്‌, 12 വർഷങ്ങൾക്കു​ശേഷം അവൾ നന്ദിപൂർവ്വം പറയുന്നു: “എന്റെ സ്‌നാ​ന​ത്തെ​ത്തു​ടർന്ന്‌ ഇന്നുവരെ ഒരിക്ക​ലും എനിക്ക്‌ ഭൂതങ്ങ​ളിൽ നിന്ന്‌ ഉപദ്രവം ഉണ്ടായി​ട്ടില്ല.” ഒരു പുഞ്ചി​രി​യോ​ടെ അവൾ ഇങ്ങനെ സ്‌മരി​ക്കു​ന്നു: “എന്റെ സ്‌നാ​ന​ത്തെ​ത്തു​ടർന്നുള്ള രാത്രി​യിൽ എന്റെ നിദ്ര ഗാഢവും സ്വസ്ഥവും ആയിരു​ന്നു. പിറെറ പ്രഭാ​ത​ത്തി​ലെ സമ്മേള​ന​പ​രി​പാ​ടിക്ക്‌ ഞാൻ വൈകി​പ്പോ​കാൻ വരെ അതു കാരണ​മാ​യി.”

ശാശ്വ​ത​മായ അനു​ഗ്ര​ഹ​ങ്ങൾ

ഇന്ന്‌, സങ്കീർത്ത​ന​ക്കാ​ര​നായ ആസാഫി​നോ​ടൊ​പ്പം ഐസക്കി​നും അസാമ​ജാ​യ്‌ക്കും ഹൃദയ​പൂർവ്വ​ക​മാ​യി ഇങ്ങനെ പറയാൻ കഴിയും: “ദൈവ​ത്തോ​ട​ടു​ക്കു​ന്നത്‌ എനിക്ക്‌ നന്ന്‌.” (സങ്കീർത്തനം 73:28) തീർച്ച​യാ​യും യഹോ​വ​യോട്‌ അടുക്കു​ന്നത്‌ അവർക്ക്‌ ഭൗതി​ക​വും വൈകാ​രി​ക​വു​മായ അനു​ഗ്ര​ഹ​ങ്ങൾക്കി​ട​വ​രു​ത്തി.

പക്തെ, എല്ലാറ​റി​നും ഉപരി​യാ​യി, അത്‌ അവൾക്ക്‌ ആന്തരിക സമാധാ​ന​വും യഹോ​വ​യു​മാ​യുള്ള അടുത്ത ബന്ധവും പ്രദാനം ചെയ്‌തു.

അത്തരം അനു​ഗ്ര​ഹങ്ങൾ, ആത്മവി​ദ്യ​യു​ടെ നുകം ചുമലിൽനിന്ന്‌ കുടഞ്ഞു​ക​ള​യു​ന്ന​തിന്‌ വേണ്ടി​വ​രുന്ന വേദന​യേ​ക്കാ​ളും അദ്ധ്വാ​ന​ത്തെ​ക്കാ​ളും വളരെ കവിഞ്ഞ​താണ്‌. ബന്ധവി​ച്‌ഛേദം പക്ഷെ, ഒരു അഗ്നിപ​രീ​ക്ഷ​യ്‌ക്കു സമമാണ്‌. ലിൻറി​നാ വാൻ ഗീനൻ എന്ന സുറി​നാം നിവാ​സി​യായ ഒരു സ്‌ത്രീക്ക്‌ ആ അനുഭവം ഉണ്ടായി. അടുത്ത​താ​യി, നമുക്ക്‌ അവൾ എങ്ങനെ വർഷങ്ങ​ളോ​ളം മല്ലടി​ച്ചു​വെ​ന്നും ഒടുവിൽ എങ്ങനെ വിജയി​ച്ചു​വെ​ന്നും കാണാം. (w87 9/1)

[5-ാം പേജിലെ ചിത്രം]

അസാമജാ അമേലിയ ഇപ്രകാ​രം വർണ്ണി​ക്കു​ന്നു: “ആത്മാക്കൾ . . . എന്റെ ജീവിതം ദുസ്സഹ​മാ​ക്കി​ത്തീർത്തു. . . . അവർ പറഞ്ഞ കാര്യ​ങ്ങ​ളാ​ണെ​ങ്കി​ലോ!”