യേശു​വി​ന്റെ ജീവി​ത​വും ശുശ്രൂ​ഷ​യും

യേശു—“സ്വർഗ്ഗ​ത്തിൽനി​ന്നുള്ള യഥാർത്ഥ അപ്പം”

ആ ദിവസം യഥാർത്ഥ​ത്തിൽ സംഭവ​ബ​ഹു​ല​മാ​യി​രു​ന്നു. യേശു അത്ഭുത​ക​ര​മാ​യി ആയിര​ങ്ങളെ പോഷി​പ്പി​ക്കു​ക​യും പിന്നീട്‌ അവനെ രാജാ​വാ​ക്കാ​നുള്ള ആളുക​ളു​ടെ ശ്രമത്തിൽനിന്ന്‌ രക്ഷപ്പെ​ടു​ക​യും ചെയ്‌തു. ആ രാത്രി അവൻ കൊടു​ങ്കാ​റ​റി​നാൽ ഇളകി​മ​റി​ഞ്ഞു​കൊ​ണ്ടി​രുന്ന ഗലീല​ക്ക​ട​ലി​നു കുറുകെ നടക്കു​ക​യും കാററി​നാൽ പ്രക്ഷു​ബ്ധ​മായ വെള്ളത്തി​ലൂ​ടെ നടന്ന​പ്പോൾ മുങ്ങാൻ തുടങ്ങിയ പത്രോ​സി​നെ രക്ഷിക്കു​ക​യും അവന്റെ ശിഷ്യൻമാ​രെ കപ്പൽച്ചേ​ത​ത്തിൽനിന്ന്‌ രക്ഷിക്കാൻവേണ്ടി തിരമാ​ല​കളെ ശാന്തമാ​ക്കു​ക​യും ചെയ്‌തു.

യേശു ഗലീല​ക്ക​ട​ലി​ന്റെ വടക്കു​കി​ഴ​ക്കു​വെച്ച്‌ അത്ഭുത​ക​ര​മാ​യി പോഷി​പ്പിച്ച ആളുകൾ അടുത്ത ദിവസം അവനെ കഫർന്ന​ഹൂ​മി​ന​ടു​ത്തു കാണുന്നു. യേശു അവരെ ശകാരി​ച്ചു​കൊണ്ട്‌ അവർ മറെറാ​രു സൗജന്യ​ഭ​ക്ഷണം പ്രതീ​ക്ഷി​ക്കു​ന്ന​തു​കൊ​ണ്ടാണ്‌ അവനെ അന്വേ​ഷി​ച്ചു​വ​ന്ന​തെന്ന്‌ പറയുന്നു. നശിച്ചു​പോ​വുന്ന ആഹാര​ത്തി​നു​വേ​ണ്ടി​യല്ല നിത്യ​ജീ​വ​നു​വേണ്ടി നിലനിൽക്കുന്ന ആഹാര​ത്തി​നു​വേണ്ടി പ്രവർത്തി​ക്കാൻ അവൻ അവരെ പ്രേരി​പ്പി​ക്കു​ന്നു. അതു​കൊണ്ട്‌ ആളുകൾ, “ഞങ്ങൾ ദൈവ​ത്തി​ന്റെ പ്രവൃ​ത്തി​കളെ ചെയ്യേ​ണ്ട​തിന്‌ എന്തു ചെയ്യണം?” എന്നു അന്വേ​ഷി​ക്കു​ന്നു.

യേശു ഏററവും മൂല്യ​മുള്ള ഒരു പ്രവൃ​ത്തി​മാ​ത്രം പറയുന്നു. “ദൈവ​ത്തി​ന്റെ പ്രവൃത്തി ഇതാണ്‌,” അവൻ വിശദീ​ക​രി​ക്കു​ന്നു, “ആ ഒരുവൻ അയച്ചവ​നിൽ നിങ്ങൾ വിശ്വാ​സം പ്രകട​മാ​ക്കു​ന്നത്‌.”

എന്നിരു​ന്നാ​ലും യേശു ചെയ്‌ത അത്ഭുതങ്ങൾ എല്ലാമു​ണ്ടാ​യി​രു​ന്നി​ട്ടും ആളുകൾ അവനിൽ വിശ്വാ​സം പ്രകട​മാ​ക്കു​ന്നില്ല. തലേദി​വസം അവൻ അത്ഭുത​ക​ര​മാ​യി 5,000 പുരു​ഷൻമാ​രെ​യും കൂടാതെ സ്‌ത്രീ​ക​ളെ​യും കുട്ടി​ക​ളെ​യും പോഷി​പ്പി​ച്ചി​ട്ടും അവർ ഇപ്പോൾ അവിശ്വാ​സ​പൂർവം ഇപ്രകാ​രം ചോദി​ക്കു​ന്നു: “ഞങ്ങൾ കണ്ടു നിന്നിൽ വിശ്വ​സി​ക്കേ​ണ്ട​തിന്‌ ഒരു അടയാ​ള​മാ​യി നീ എന്താണ്‌ ചെയ്യു​ന്നത്‌? നീ എന്തു പ്രവൃ​ത്തി​യാണ്‌ ചെയ്യു​ന്നത്‌? ‘ഭക്ഷി​ക്കേ​ണ്ട​തിന്‌ അവൻ അവർക്ക്‌ സ്വർഗ്ഗ​ത്തിൽനി​ന്നുള്ള അപ്പം കൊടു​ത്തു’ എന്ന്‌ എഴുതി​യി​രി​ക്കു​ന്ന​തു​പോ​ലെ​തന്നെ ഞങ്ങളുടെ പൂർവ​പി​താ​ക്കൻമാർ മരുഭൂ​മി​യിൽ വെച്ച്‌ മന്നാ തിന്നു.”

ഒരു അടയാ​ള​ത്തി​നു​വേ​ണ്ടി​യുള്ള അവരുടെ അഭ്യർത്ഥ​നക്ക്‌ പ്രതി​ക​ര​ണ​മാ​യി യേശു ഇപ്രകാ​രം പറഞ്ഞു​കൊണ്ട്‌ അത്ഭുത​ക​ര​മായ കരുത​ലു​ക​ളു​ടെ ഉറവി​ടത്തെ വ്യക്തമാ​ക്കു​ന്നു: “മോശ നിങ്ങൾക്ക്‌ സ്വർഗ്ഗ​ത്തിൽനി​ന്നുള്ള അപ്പം തന്നില്ല, എന്നാൽ എന്റെ പിതാവ്‌ നിങ്ങൾക്ക്‌ സ്വർഗ്ഗ​ത്തിൽനി​ന്നുള്ള യഥാർത്ഥ അപ്പം തരിക​തന്നെ ചെയ്യുന്നു. എന്തു​കൊ​ണ്ടെ​ന്നാൽ ദൈവ​ത്തി​ന്റെ അപ്പം സ്വർഗ്ഗ​ത്തിൽനിന്ന്‌ ഇറങ്ങി​വന്ന്‌ ലോക​ത്തിന്‌ ജീവൻ കൊടു​ക്കു​ന്ന​വ​നാ​കു​ന്നു.”

“കർത്താവേ,” ആളുകൾ പറയുന്നു, “ഞങ്ങൾക്ക്‌ ഈ അപ്പം എല്ലായ്‌പ്പോ​ഴും തരേണമേ.”

“ജീവന്റെ അപ്പം ഞാനാ​കു​ന്നു,” യേശു വിശദീ​ക​രി​ക്കു​ന്നു. “എന്റെ അടുക്കൽ വരുന്ന​വന്‌ ഒരിക്ക​ലും വിശക്ക​യില്ല, എന്നിൽ വിശ്വാ​സം​പ്ര​ക​ട​മാ​ക്കു​ന്ന​വന്‌ ഒരിക്ക​ലും അശേഷം ദാഹി​ക്കു​ക​യു​മില്ല. എന്നാൽ നിങ്ങൾ എന്നെ കണ്ടിരി​ക്കു​ന്നു​വെ​ങ്കി​ലും എന്നിൽ വിശ്വ​സി​ക്കു​ന്നില്ല എന്ന്‌ ഞാൻ നിങ്ങ​ളോ​ടു പറഞ്ഞി​രി​ക്കു​ന്നു. എന്റെ പിതാവ്‌ എനിക്കു തരുന്നതു എല്ലാം എന്റെ അടുക്കൽ വരും, എന്റെ അടുക്കൽ വരുന്ന​വനെ ഞാൻ യാതൊ​രു പ്രകാ​ര​ത്തി​ലും ഓടി​ച്ചു​ക​ള​യു​ക​യില്ല; എന്തു​കൊ​ണ്ടെ​ന്നാൽ ഞാൻ എന്റെ ഇഷ്ടം ചെയ്യാനല്ല, എന്നാൽ എന്നെ അയച്ചവന്റെ ഇഷ്ടം ചെയ്യാ​നാണ്‌ സ്വർഗ്ഗ​ത്തിൽനിന്ന്‌ ഇറങ്ങി​വ​ന്നി​രി​ക്കു​ന്നത്‌. അവൻ എനിക്കു തന്നതിൽ ഒന്നും ഞാൻ നഷ്ടപ്പെ​ടു​ത്താ​തെ എല്ലാം ഒടുവി​ലത്തെ നാളിൽ ഉയർത്തെ​ഴു​ന്നേൽപ്പി​ക്കണം എന്നാണ്‌ എന്നെ അയച്ചവന്റെ ഇഷ്ടം. എന്തു​കൊ​ണ്ടെ​ന്നാൽ പുത്രനെ ശ്രദ്ധിച്ച്‌ അവനിൽ വിശ്വാ​സം​പ്ര​ക​ടി​പ്പി​ക്കുന്ന എല്ലാവർക്കും നിത്യ​ജീ​വൻ ഉണ്ടാകണം എന്നതാണ്‌ എന്റെ പിതാ​വി​ന്റെ ഇഷ്ടം.”

“ഞാൻ സ്വർഗ്ഗ​ത്തിൽ നിന്ന്‌ ഇറങ്ങിവന്ന അപ്പമാ​കു​ന്നു” എന്ന്‌ യേശു പറഞ്ഞതി​നാൽ യഹൂദൻമാർ അവനെ​ക്കു​റിച്ച്‌ പിറു​പി​റു​ക്കാൻ തുടങ്ങി. അവർ അവനിൽ മാനുഷ മാതാ​പി​താ​ക്ക​ളിൽനി​ന്നുള്ള ഒരു പുത്ര​നേ​ക്കാൾ അധിക​മാ​യി യാതൊ​ന്നും കാണു​ന്നില്ല, അതു​കൊണ്ട്‌ നസറേ​ത്തി​ലെ ആളുക​ളെ​പ്പോ​ലെ​തന്നെ എതിർക്കു​ന്നു: “ഇവൻ യോ​സേ​ഫി​ന്റെ പുത്ര​നായ യേശു​വ​ല്ല​യോ, അവന്റെ അപ്പനെ​യും അമ്മയെ​യും നാം അറിയു​ക​യി​ല്ലേ? പിന്നെ ‘ഞാൻ സ്വർഗ്ഗ​ത്തിൽനിന്ന്‌ ഇറങ്ങി​വന്നു’ എന്ന്‌ അവൻ പറയു​ന്ന​തെ​ങ്ങനെ?”

യേശു പ്രതി​വ​ചി​ക്കു​ന്നു: “നിങ്ങൾ തമ്മിൽ പിറു​പി​റു​ക്കു​ന്നതു നിർത്തുക, എന്നെ അയച്ച എന്റെ പിതാവ്‌ ആകർഷി​ക്കാ​തെ ഒരു മനുഷ്യ​നും എന്റെ അടുക്കൽ വരാൻ കഴിയു​ക​യില്ല; ഞാൻ അവസാ​ന​നാ​ളിൽ അവനെ ഉയർത്തെ​ഴു​ന്നേൽപ്പി​ക്കും. ‘എല്ലാവ​രും യഹോ​വ​യാൽ ഉപദേ​ശി​ക്ക​പ്പെ​ട്ടവർ ആകും’ എന്ന്‌ പ്രവാ​ച​ക​പു​സ്‌ത​ക​ങ്ങ​ളിൽ എഴുത​പ്പെ​ട്ടി​രി​ക്കു​ന്നു. പിതാ​വിൽനി​ന്നു കേട്ടു​പ​ഠി​ച്ചവർ എല്ലാവ​രും എന്റെ അടുക്കൽ വരുന്നു. ദൈവ​ത്തിൽനി​ന്നു വന്നിട്ടു​ള്ളവൻ അല്ലാതെ ഏതെങ്കി​ലും മനുഷ്യൻ പിതാ​വി​നെ കണ്ടിട്ടുണ്ട്‌ എന്നല്ല; ഈ ഒരുവൻ പിതാ​വി​നെ കണ്ടിട്ടുണ്ട്‌. ഏററവും സത്യമാ​യി ഞാൻ നിങ്ങ​ളോ​ടു പറയുന്നു, വിശ്വ​സി​ക്കു​ന്ന​വന്‌ നിത്യ​ജീ​വൻ ഉണ്ട്‌.”

തുടർന്ന്‌ യേശു ഇപ്രകാ​രം ആവർത്തി​ക്കു​ന്നു: “ഞാൻ ജീവന്റെ അപ്പം ആകുന്നു. നിങ്ങളു​ടെ പൂർവ​പി​താ​ക്കൻമാർ മരുഭൂ​മി​യിൽവെച്ച്‌ മന്നാ തിന്നി​ട്ടും മരിച്ചു. ഇത്‌ സ്വർഗ്ഗ​ത്തിൽനിന്ന്‌ ഇറങ്ങി​വ​രുന്ന അപ്പം ആകുന്നു, അതു​കൊണ്ട്‌ ഇതു തിന്നുന്ന ഒരുവ​നും മരിക്ക​യില്ല. ഞാൻ സ്വർഗ്ഗ​ത്തിൽനിന്ന്‌ ഇറങ്ങിവന്ന ജീവനുള്ള അപ്പം ആകുന്നു; ഈ അപ്പം തിന്നു​ന്നവൻ എല്ലാം എന്നേക്കും ജീവി​ക്കും.” ഉവ്വ്‌, ദൈവം അയച്ച ഒരുവ​നായ യേശു​വിൽ വിശ്വാ​സം പ്രകട​മാ​ക്കി​ക്കൊണ്ട്‌ ആളുകൾക്ക്‌ നിത്യ​ജീ​വൻ പ്രാപി​ക്കാൻ കഴിയും. മന്നായ്‌ക്കൊ അല്ലെങ്കിൽ അത്തരം മററു യാതൊ​രു അപ്പത്തി​നൊ അതു പ്രദാനം ചെയ്യാൻ കഴിക​യില്ല!

സാദ്ധ്യ​ത​യ​നു​സ​രിച്ച്‌ സ്വർഗ്ഗ​ത്തിൽനി​ന്നുള്ള അപ്പത്തേ​ക്കു​റി​ച്ചുള്ള ചർച്ച ആളുകൾ യേശു​വി​നെ കഫർന്ന​ഹൂ​മി​നു സമീപം കണ്ടെത്തി​യ​ശേഷം താമസി​യാ​തെ തുടങ്ങി. എന്നാൽ പിന്നീട്‌ യേശു കഫർന്ന​ഹൂ​മി​ലെ ഒരു സിന്ന​ഗോ​ഗിൽ പഠിപ്പി​ച്ചു​കൊ​ണ്ടി​രു​ന്ന​പ്പോൾ ഒരു പാരമ്യ​ത്തി​ലെ​ത്തു​ന്ന​തു​വരെ അത്‌ തുടർന്നു​കൊ​ണ്ടി​രു​ന്നു. യോഹ​ന്നാൻ 6:26-51, 59; സങ്കീർത്തനം 78:24; യെശയ്യാവ്‌ 54:13; മത്തായി 13:55-57.

◆ ഏതു സംഭവങ്ങൾ സ്വർഗ്ഗ​ത്തിൽനി​ന്നുള്ള അപ്പത്തേ​ക്കു​റി​ച്ചുള്ള യേശു​വി​ന്റെ ചർച്ചക്കു മുമ്പു നടന്നു?

◆ യേശു അൽപ്പം മുമ്പു ചെയ്‌തു​ക​ഴി​ഞ്ഞ​തി​ന്റെ വീക്ഷണ​ത്തിൽ ഒരു അടയാ​ള​ത്തി​നു​വേ​ണ്ടി​യുള്ള അപേക്ഷ അത്യന്തം അനുചി​ത​മാ​യി​രി​ക്കു​ന്ന​തെ​ന്തു​കൊണ്ട്‌?

◆ യേശു സ്വർഗ്ഗ​ത്തിൽനി​ന്നുള്ള യഥാർത്ഥ അപ്പം ആണെന്നുള്ള അവന്റെ അവകാ​ശ​വാ​ദ​ത്തെ​സം​ബ​ന്ധിച്ച്‌ യഹൂദൻമാർ പിറു​പി​റു​ക്കു​ന്ന​തെ​ന്തു​കൊണ്ട്‌?

◆ സ്വർഗ്ഗ​ത്തിൽനി​ന്നുള്ള അപ്പത്തേ​ക്കു​റി​ച്ചുള്ള ചർച്ച എവി​ടെ​വെച്ച്‌ നടന്നു? (w87 10⁄1)