അവർ വാസ്‌ത​വ​ത്തിൽ മരിച്ച​വ​രു​മാ​യി സംസാ​രി​ക്കു​ന്നു​ണ്ടോ?

ബ്രസീ​ലി​ലെ ഫുട്ട്‌ബോൾ ടീമുകൾ ചില​പ്പോൾ ആത്മമദ്ധ്യ​വർത്തി​ക​ളി​ലൂ​ടെ സഹായം തേടാ​റുണ്ട്‌. എന്തു​കൊണ്ട്‌? എതിർകക്ഷി ജയി​ച്ചേ​ക്കു​മോ എന്ന ഭയംനി​മി​ത്തം ഉപദേശം തേടു​ന്ന​തി​നു​വേണ്ടി. ഒരു വർത്തമാ​ന​പ്പ​ത്രം പറയു​ന്ന​ത​നു​സ​രിച്ച്‌, “സകല തരത്തി​ലു​മുള്ള പ്രശ്‌ന​ങ്ങൾക്ക്‌ പരിഹാ​രം തേടി​ക്കൊണ്ട്‌ മനുഷ്യാ​തീത ശക്തിക​ളോട്‌ നേരിട്ട്‌ സംസാ​രി​ക്കാ​നുള്ള അവസരം ദശലക്ഷ​ക്ക​ണ​ക്കി​നാ​ളു​ക​ളു​ടെ​മേൽ ശക്തി​യേ​റിയ ഒരു സ്വാധീ​നം ചെലു​ത്തു​ന്നുണ്ട്‌.” ചില രാജ്യ​ങ്ങ​ളിൽ ഉയർന്ന സ്ഥാനത്തി​രി​ക്കുന്ന രാഷ്‌ട്രീയ നേതാ​ക്കൻമാ​രും കലാകാ​രൻമാ​രും വ്യാപാ​രി​ക​ളും നിരന്തരം ആത്മ വ്യക്തി​ക​ളു​മാ​യി ആലോചന കഴിക്കു​ന്നു. ഒരു രോഗം സുഖ​പ്പെ​ടു​ന്ന​തി​നൊ ഒരു സാമ്പത്തി​ക​പ്ര​ശ്‌നം പരിഹ​രി​ക്കു​ന്ന​തി​നൊ ചിലർ മരിച്ച​വ​രു​മാ​യി ആശയവി​നി​യമം ചെയ്യാൻ ശ്രമി​ക്കു​ന്നു. കാരണം അവർക്ക്‌ കൂടുതൽ ഗ്രാഹ്യ​മു​ണ്ടെന്ന്‌ അവർ കരുതു​ന്നു.

എന്നാൽ മരിച്ച​വ​രു​മാ​യി സംസാ​രി​ക്കാൻ ശ്രമി​ക്കു​ന്നത്‌ ഉചിത​മാ​ണോ? അതിൽ എന്തെങ്കി​ലും അപകട​മു​ണ്ടോ? ബൈബിൾ പറയു​ന്ന​തെ​ന്തെന്ന്‌ അറിയു​ന്നത്‌ നിങ്ങളെ അതിശ​യി​പ്പി​ച്ചേ​ക്കാം.

ശൗലിന്റെ സംഗതി​യിൽ എന്തു സംഭവി​ച്ചു?

ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ഈ യഥാർത്ഥ ജീവി​താ​നു​ഭവം പരിചി​ന്തി​ക്കുക: ഫെലി​സ്‌ത്യ ശത്രു​ക്കളെ ഭയന്ന്‌ പുരാതന യിസ്രാ​യേ​ലി​ലെ ശൗൽ രാജാവ്‌ എൻദോ​രി​ലെ ഒരു ആത്മമദ്ധ്യ​വർത്തി​യെ കണ്ടുപി​ടിച്ച്‌ മരിച്ച ശമുവേൽ പ്രവാ​ച​ക​നു​മാ​യി സംസാ​രി​ക്ക​ണ​മെന്ന്‌ അവളോ​ടാ​വ​ശ്യ​പ്പെട്ടു. ഒരു അങ്കി ധരിച്ച ഒരു പ്രായ​മേ​റിയ പുരു​ഷനെ സംബന്ധിച്ച അവളുടെ വർണ്ണന​കേ​ട്ട​പ്പോൾ അത്‌ ശമുവേൽ ആയിരി​ക്കു​മെന്ന്‌ ശൗൽ ധരിച്ചു. ലഭിച്ച സന്ദേശ​മെ​ന്താ​യി​രു​ന്നു? യിസ്രാ​യേൽ ഫെലി​സ്‌ത്യ​രു​ടെ കയ്യിൽ ഏൽപ്പി​ക്ക​പ്പെ​ടും. മാത്രമല്ല, ഫെലി​സ്‌ത്യ​രു​മാ​യി​ട്ടുള്ള പോരാ​ട്ട​ത്തിൽ ശൗലും അവന്റെ പുത്രൻമാ​രും മരിക്കു​മെന്ന്‌ സൂചി​പ്പി​ച്ചു​കൊണ്ട്‌ അവർ “ശമു​വേ​ലി​നോട്‌” ചേരു​മെ​ന്നും അറിയി​ച്ചു. (1 ശമുവേൽ 28:4-19) അതാണോ സംഭവി​ച്ചത്‌?

കൃത്യ​മാ​യി അല്ല. ഫെലി​സ്‌ത്യ​രു​മാ​യുള്ള പോരാ​ട്ട​ത്തിൽ ശൗലിന്‌ ഗുരു​ത​ര​മാ​യി മുറി​വേ​ററു. എന്നാൽ അവൻ ആത്മഹത്യ​ചെ​യ്യു​ക​യാ​ണു​ണ്ടാ​യത്‌. (1 ശമുവേൽ 31:1-4) ശൗലിന്റെ എല്ലാ പുത്രൻമാ​രും അവനോ​ടു​കൂ​ടെ മരിക്കു​മെ​ന്നുള്ള പ്രവച​ന​ത്തിന്‌ വിരു​ദ്ധ​മാ​യി അവന്റെ പുത്ര​നായ ഈശ്‌ബോ​ശത്ത്‌ അതിജീ​വി​ച്ചു.

എന്നാൽ ഒന്നാമ​താ​യി, മരിച്ച​വ​രോട്‌ അന്വേ​ഷി​ച്ചത്‌ ഉചിത​മാ​യി​രു​ന്നോ? അല്ലായി​രു​ന്നു. തിരു​വെ​ഴു​ത്തു​കൾ നമ്മോ​ടി​പ്ര​കാ​രം പറയുന്നു: “ശൗൽ തന്റെ അവിശ്വ​സ്‌തത നിമി​ത്ത​വും . . . ഒരു ആത്മമദ്ധ്യ​വർത്തി​യോട്‌ ആലോചന കഴിച്ചതു നിമി​ത്ത​വും മരിച്ചു.” (1 ദിനവൃ​ത്താ​ന്തം 10:13) നമുക്കി​തിൽ നിന്ന്‌ എന്തെങ്കി​ലും പഠിക്കാൻ കഴിയു​മോ? ഉവ്വ്‌. മരിച്ച​വ​രോട്‌ ആലോചന ചോദി​ക്കു​ന്ന​തി​നു​വേണ്ടി ഒരു ആത്മമദ്ധ്യ​വർത്തി​യോട്‌ ആവശ്യ​പ്പെ​ട്ടതു നിമിത്തം ശൗൽ മരിച്ചു. എന്തു​കൊണ്ട്‌? എന്തു​കൊ​ണ്ടെ​ന്നാൽ ഇത്‌ ചെയ്‌തതു നിമിത്തം ദൈവ​ത്തി​ന്റെ ഈ വ്യക്തമായ നിയമത്തെ ലംഘിച്ചു: “ആത്മമദ്ധ്യ​വർത്തി​യോട്‌ ആലോചന കഴിക്കു​ന്ന​വ​നും ആഭിചാ​ര​ക​നും മരിച്ച​വ​രോട്‌ ആലോചന കഴിക്കു​ന്ന​വ​നും നിങ്ങളു​ടെ​യി​ട​യിൽ ഉണ്ടായി​രി​ക്ക​രുത്‌. ഈ കാര്യങ്ങൾ ചെയ്യു​ന്ന​വ​നെ​ല്ലാം യഹോ​വ​യ്‌ക്ക്‌ വെറു​പ്പാ​കു​ന്നു.” (ആവർത്തനം 18:10-12) മരിച്ച​വ​രോട്‌ ആലോചന കഴിക്കു​ന്നത്‌ ദൈവ​ത്തിന്‌ വെറു​പ്പാ​യി​രി​ക്കു​ന്നത്‌ എന്തു​കൊണ്ട്‌? ഈ ചോദ്യ​ത്തി​നു​ത്തരം നൽകു​ന്ന​തി​നു മുമ്പ്‌ നാം ഇപ്രകാ​രം ചോദി​ച്ചേ​ക്കാം:

ഇത്‌ വാസ്‌ത​വ​ത്തിൽ സാദ്ധ്യ​മാ​ണോ?

ആർക്കെ​ങ്കി​ലും മരിച്ച​വ​രോട്‌ സംസാ​രി​ക്ക​ണ​മെ​ങ്കിൽ മരിച്ചവർ വാസ്‌ത​വ​ത്തിൽ ജീവി​ച്ചി​രി​ക്കണം. അവർക്ക്‌ അമർത്ത്യ ദേഹി​യു​ണ്ടാ​യി​രി​ക്കണം. എന്നാൽ ബൈബിൾ ഇപ്രകാ​രം പറയുന്നു: “യഹോവ നിലത്തെ പൊടി​കൊണ്ട്‌ മനുഷ്യ​നെ നിർമ്മി​ച്ചിട്ട്‌ അവന്റെ മൂക്കിൽ ജീവശ്വാ​സം ഊതി, മനുഷ്യൻ ഒരു ജീവനുള്ള ദേഹി​യാ​യി​ത്തീർന്നു.” (ഉൽപ്പത്തി 2:7) അതു​കൊണ്ട്‌ ഒരു വ്യക്തി ഒരു ദേഹി​യാണ്‌. മനുഷ്യന്‌ തന്റെ ശരീര​ത്തി​ന്റെ മരണ​ശേഷം ജീവി​ച്ചി​രി​ക്കുന്ന ഒരു അമർത്ത്യ​ദേ​ഹി​യില്ല. വാസ്‌ത​വ​ത്തിൽ തിരു​വെ​ഴു​ത്തു​കൾ ഇങ്ങനെ പറയുന്നു: “പാപം ചെയ്യുന്ന ദേഹി—അത്‌ തന്നെ മരിക്കും.” (യെഹെ​സ്‌ക്കേൽ 18:4) കൂടു​ത​ലാ​യി ദൈവ​വ​ചനം ഇപ്രകാ​രം പറയുന്നു: “ജീവി​ച്ചി​രി​ക്കു​ന്നവർ തങ്ങൾ മരിക്കു​മെ​ന്ന​റി​യു​ന്നു; എന്നാൽ മരിച്ച​വ​രോ ഒന്നും അറിയു​ന്നില്ല . . .  ഷിയോ​ളിൽ [മനുഷ്യ​വർഗ്ഗ​ത്തി​ന്റെ പൊതു ശവക്കുഴി] വേലയോ സൂത്ര​മോ അറിവോ ജ്ഞാനമോ ഒന്നും ഇല്ല.”—സഭാ​പ്ര​സം​ഗി 9:5, 10.

കൂടുതൽ വിവരങ്ങൾ ലഭിക്കു​ന്ന​തി​നു​പ​കരം മരിച്ചവർ അപ്പോൾ അബോ​ധാ​വ​സ്ഥ​യി​ലാ​യി​രി​ക്കും. അതിനാൽ അവരോട്‌ സംസാ​രി​ക്കു​ന്നത്‌ അസാദ്ധ്യ​മാണ്‌. അതു​കൊണ്ട്‌ മരിച്ച​വ​രു​മാ​യി ആലോചന കഴിക്കു​ന്ന​തി​നെ​തി​രെ​യുള്ള ദൈവ​നി​യ​മ​ത്തി​നു ചേർച്ച​യിൽ പ്രവർത്തി​ക്കു​ന്നത്‌ വഞ്ചിക്ക​പ്പെ​ടു​ന്ന​തിൽനിന്ന്‌ നമ്മെ സംരക്ഷി​ക്കു​ന്നു. എന്നാൽ ശൗൽ രാജാ​വി​ന്റെ അനുഭവം കാണി​ക്കു​ന്ന​ത​നു​സ​രിച്ച്‌ ആത്മമണ്ഡ​ല​ത്തിൽനിന്ന്‌ സന്ദേശങ്ങൾ വരാവു​ന്ന​താണ്‌.

എന്നാൽ ഉറവെ​ന്താണ്‌?

ഒരു സംഗതി, മരിച്ച​വ​രു​മാ​യി സംസാ​രി​ക്കു​ന്നു​വെന്ന്‌ അവകാ​ശ​പ്പെ​ടു​ന്ന​വ​രു​ടെ​യി​ട​യിൽ വഞ്ചന സർവസാ​ധാ​ര​ണ​മാണ്‌. ലോക വിജ്ഞാ​ന​കോ​ശം നമ്മോ​ടി​ങ്ങനെ പറയുന്നു: “ആത്മവാ​ദി​ക​ളു​ടെ സമ്മേള​ന​ങ്ങ​ളിൽ ആത്മാക്കൾക്ക്‌ ജീവി​ച്ചി​രി​ക്കു​ന്ന​വ​രു​മാ​യി സംസാ​രി​ക്കാൻ കഴിയു​മെന്ന്‌ വിശ്വ​സി​പ്പി​ച്ചു​കൊണ്ട്‌ ആത്മമദ്ധ്യ​വർത്തി​കൾ ആളുകളെ വഞ്ചിക്കു​ന്നു എന്ന്‌ പ്രകട​മാ​ക്ക​പ്പെ​ട്ടി​ട്ടുണ്ട്‌. ആത്മവാ​ദി​ക​ളു​ടെ സമ്മേള​ന​ങ്ങ​ളിൽ നടക്കു​ന്ന​തെ​ന്തെന്ന്‌ ശാസ്‌ത്ര​ജ്ഞൻമാർ വിശദീ​ക​രി​ക്കു​ന്നുണ്ട്‌. ഉദാഹ​ര​ണ​ത്തിന്‌, ചില മദ്ധ്യവർത്തി​കൾ ഗാരുഢ വിദ്യ പ്രയോ​ഗി​ക്കു​ന്ന​വ​രാണ്‌. ചിലർ സഹായി​ക​ളെ​യും വിവിധ തരത്തി​ലുള്ള തന്ത്രോ​പ​ക​ര​ണ​ങ്ങ​ളെ​യും ഉപയോ​ഗി​ക്കു​ന്നു. മററു ചിലർ മാസ്‌മ​ര​വി​ദ്യ (ഹിപ്‌നോ​സിസ്‌) പ്രയോ​ഗി​ക്കു​ന്നു. ആത്മവാ​ദി​ക​ളു​ടെ സമ്മേള​ന​ങ്ങ​ളിൽ പങ്കു പററുന്ന അനേകർക്ക്‌ മരിച്ച പ്രിയ​പ്പെ​ട്ട​വ​രോട്‌ ബന്ധപ്പെ​ടാൻ അതീവ ആഗ്രഹം തോന്നാ​റുണ്ട്‌. ഈ ആഗ്രഹം മദ്ധ്യവർത്തി​കൾ നൽകുന്ന സന്ദേശം ആത്മമണ്ഡ​ല​ത്തിൽ നിന്ന്‌ വന്നതാ​ണെന്ന്‌ അവരെ വിശ്വ​സി​പ്പി​ച്ചേ​ക്കാം.”

നാം ഇതി​നെ​ക്കു​റിച്ച്‌ ഈ വിധത്തിൽ മാത്രം ചിന്തി​ച്ചാൽ മതിയോ? പോരാ. മരിച്ച​വ​രോട്‌ സംസാ​രി​ക്കു​ന്ന​തി​നെ​തി​രെ​യുള്ള ദൈവ​കൽപ്പന പിൻപ​റ​റു​ന്നത്‌ വളരെ മഹത്തര​മായ വിധത്തിൽ നമ്മെ സംരക്ഷി​ക്കു​ക​യും ചെയ്യും. ചില​പ്പോൾ സന്ദേശങ്ങൾ ആത്മമണ്ഡ​ല​ത്തിൽനിന്ന്‌ വരിക തന്നെ ചെയ്യുന്നു. എന്നാൽ അവയുടെ ഉറവ്‌ മനുഷ്യ​രെ വഴി​തെ​റ​റി​ക്കാൻ നോക്കുന്ന ശക്തരായ ജീവി​ക​ളാണ്‌. ബൈബിൾ അവരെ “ദുഷ്ടാത്മ സേനകൾ” എന്ന്‌ തിരി​ച്ച​റി​യി​ക്കു​ന്നു—പിശാ​ചായ സാത്താ​നും ഭൂതങ്ങൾ എന്ന്‌ അറിയ​പ്പെ​ടുന്ന അനുസ​രണം കെട്ട ദൂതൻമാ​രും. (എഫേസ്യർ 6:12) ശൗൽ രാജാവ്‌ എൻദോ​രി​ലെ ആത്മമദ്ധ്യ​വർത്തി​യെ സന്ദർശി​ച്ച​പ്പോൾ മരിച്ച ശമുവേൽ പ്രവാ​ച​ക​നെന്ന നിലയിൽ ഭാവി​ച്ചത്‌ ഒരു ഭൂതമാ​യി​രു​ന്നു.

ശൗലിന്റെ സംഗതി​യിൽ ദൃഷ്ടാ​ന്തീ​ക​രി​ച്ച​പ്ര​കാ​രം ഭൂതങ്ങൾക്ക്‌ പ്രയോ​ജ​ന​പ്ര​ദ​മായ ഒന്നും തന്നെ അറിയി​ക്കാ​നില്ല. അവർ സഹായി​ക്കു​ന്നു എന്ന്‌ പറയു​ന്നത്‌ താൽക്കാ​ലി​കം മാത്ര​മാണ്‌. അവർ തങ്ങളുടെ ഭരണാ​ധി​പ​നായ പിശാ​ചി​നെ​പ്പോ​ലെ ഭോഷ്‌കാ​ളി​ക​ളാണ്‌. (മർക്കോസ്‌ 3:22; യോഹ​ന്നാൻ 8:44) ഇതി​നെ​ക്കു​റിച്ച്‌ ബ്രിട്ട​നി​ലെ ആത്മ സിദ്ധാന്ത ഗവേഷ​ക​നാ​യി​രുന്ന സർ ആർതർ കൊനൻ ഡോയ്‌ൽ ഇപ്രകാ​രം എഴുതി: “ദുഃഖ​ക​ര​മെന്ന്‌ പറയട്ടെ, നാം വഞ്ചകരൊ ദുഷ്‌പ്ര​വർത്തി​ക്കാ​രൊ പറയുന്ന പച്ചക്കള്ള​ങ്ങളെ അഭിമു​ഖീ​ക​രി​ക്കേ​ണ്ട​തുണ്ട്‌. ഈ സംഗതി പരി​ശോ​ധി​ച്ചി​രി​ക്കുന്ന എല്ലാവ​രും മനഃപൂർവ വഞ്ചനയെ അഭിമു​ഖീ​ക​രി​ച്ചി​ട്ടു​ണ്ടെന്ന്‌ ഞാൻ കരുതു​ന്നു. അത്തരം മനഃപൂർവ വഞ്ചനയിൽ ചില​പ്പോൾ നല്ലതോ യഥാർത്ഥ​മോ ആയ ആശയവി​നി​മ​യങ്ങൾ ഉൾപ്പെ​ട്ടി​രി​ക്കാം.” (നവീന വെളി​പ്പാട്‌ പേജ്‌ 72) നിശ്ചയ​മാ​യും നിങ്ങൾ വഞ്ചിക്ക​പ്പെ​ടാൻ ആഗ്രഹി​ക്കു​ന്നില്ല, ഉണ്ടോ?

ഇപ്പോൾ ഇത്‌ പരിചി​ന്തി​ക്കുക. അടിമ​ക്ക​ച്ച​വ​ട​ത്തെ​ക്കു​റി​ച്ചും അതി​നോ​ട​നു​ബ​ന്ധിച്ച കഷ്‌ട​ത​കളെ കുറി​ച്ചും ചരിത്രം നമ്മോട്‌ പറയുന്നു. ആരെങ്കി​ലും അത്തരം കഷ്ടതയും അപമാ​ന​വും മനസ്സോ​ടെ സ്വീക​രി​ക്കു​മോ? ഒരിക്ക​ലു​മില്ല. അങ്ങനെ​യെ​ങ്കിൽ നാം ദുഷ്ടാ​ത്മാ​ക്ക​ളു​ടെ അടിമ​ക​ളാ​കാൻ നമ്മെത്തന്നെ എന്തു​കൊ​ണ്ട​നു​വ​ദി​ക്കണം? അവർ ഭോഷ്‌കു പറയുക മാത്രമല്ല ആളുക​ളു​ടെ സ്വാത​ന്ത്ര്യം കവർന്നു​ക​ള​യു​ക​യും ആക്രമ​ണ​ത്തി​ലേ​ക്കും കൊല​പാ​ത​ക​ത്തി​ലേ​ക്കും നയിക്കു​ക​യും പോലും ചെയ്‌തേ​ക്കാം. ഉദാഹ​ര​ണ​ത്തിന്‌ ബ്രസീ​ലി​ലെ പെർനാം​ബു​ക്കോ​യി​ലുള്ള 29 വയസ്സു​കാ​ര​നായ ജോസ്‌ ഇപ്രകാ​രം പറഞ്ഞു: “ഒരു ഭൂതം തന്നിൽ കടന്ന്‌ ഒരു വർഷം പ്രായ​മുള്ള തന്റെ മകളെ കൊല്ലാൻ തന്നെ നിർബ​ന്ധി​ച്ചു.” അതെ, ദുഷ്ടാ​ത്മാ​ക്ക​ളു​മാ​യുള്ള ഇടപാ​ടു​കൾ അത്തരം അടിമ​ത്ത​ത്തി​ലേക്ക്‌ നയി​ച്ചേ​ക്കാം. അങ്ങനെ​യെ​ങ്കിൽ, പണ്ട്‌ കഷ്ടതയ​നു​ഭ​വി​ച്ചി​രുന്ന അടിമകൾ സ്വാത​ന്ത്ര്യം ആഗ്രഹി​ച്ച​തു​പോ​ലെ ഇന്ന്‌ ഭൂതങ്ങ​ളു​ടെ അടിമ​ക​ളും സ്വാത​ന്ത്ര്യം ആഗ്രഹി​ക്കണം. ഈ സ്വാത​ന്ത്ര്യം നേടാ​നുള്ള ഒരു മാർഗ്ഗം ആത്മമദ്ധ്യ​വർത്തി​ക​ളോട്‌ ആലോചന കഴിക്കു​ന്ന​തിൽനി​ന്നും മരിച്ച​വ​രു​മാ​യി സംസാ​രി​ക്കാൻ ശ്രമി​ക്കു​ന്ന​തിൽനി​ന്നും ഒഴിഞ്ഞി​രി​ക്കുക എന്നതാണ്‌. അതിനു​വേണ്ടി.  . . 

മരിച്ച​വ​രു​മാ​യി സംസാ​രി​ക്കേണ്ട ആവശ്യ​മു​ണ്ടോ?

ഇല്ല, എന്തു​കൊ​ണ്ടെ​ന്നാൽ നാം സഹായം ലഭിക്കാ​ത്ത​വരല്ല. കുട്ടികൾ തങ്ങളുടെ പിതാ​വി​നെ ആശ്രയി​ക്കു​ന്ന​തു​പോ​ലെ നമുക്ക്‌ നമ്മുടെ സ്വർഗ്ഗീയ പിതാ​വി​നോട്‌ സ്വത​ന്ത്ര​മാ​യി സഹായം ചോദി​ക്കാൻ കഴിയും. അവൻ പരമാർത്ഥ​ഹൃ​ദ​യരെ സഹായി​ക്കാൻ സന്തോ​ഷ​മു​ള്ള​വ​നാണ്‌. (ലൂക്കോസ്‌ 11:9-13) ദൈവ​ത്തി​ന്റെ പ്രവാ​ച​ക​നായ യെശയ്യാവ്‌ ഇപ്രകാ​ര​മെ​ഴു​തി: “‘ആത്മമദ്ധ്യ​വർത്തി​ക​ളോട്‌ അഭി​പ്രാ​യം ചോദി​ക്കു​ക​യും ജപിക്കു​ക​യും ചെയ്യു​ന്ന​വ​രായ ലക്ഷണവാ​ദി​ക​ളോട്‌ അരുള​പ്പാട്‌ ചോദി​പ്പിൻ’ എന്ന്‌ അവർ നിങ്ങ​ളോട്‌ പറയു​ന്നു​വെ​ങ്കിൽ, ജനം തങ്ങളുടെ ദൈവ​ത്തോ​ട​ല്ല​യൊ ചോദി​ക്കേ​ണ്ടത്‌? ജീവി​ച്ചി​രി​ക്കു​ന്ന​വർക്കു​വേണ്ടി മരിച്ച​വ​രോ​ടോ ചോദി​ക്കേ​ണ്ടത്‌? നിയമ​ത്തി​ലേ​ക്കും സാക്ഷ്യ​പ്പെ​ടു​ത്ത​ലി​ലേ​ക്കും തിരി​യു​വിൻ!”—യെശയ്യാവ്‌ 8:19, 20.

അതെ, നാം ദൈ​വേഷ്ടം ചെയ്യു​ക​യും ദുഷ്ടാ​ത്മാ​ക്ക​ളോട്‌ സമ്പർക്ക​പ്പെ​ടാ​തി​രി​ക്ക​യും ചെയ്യു​ന്നു​വെ​ങ്കിൽ നമുക്ക്‌ യഹോ​വ​യാം ദൈവ​ത്തി​ലുള്ള വിശ്വാ​സ​ത്തിന്‌ ഉറച്ച ഒരടി​സ്ഥാ​ന​മുണ്ട്‌. ക്രിസ്‌തീയ ശിഷ്യ​നായ യാക്കോബ്‌ ഇപ്രകാ​രം എഴുതി: “ആകയാൽ നിങ്ങൾ ദൈവ​ത്തിന്‌ കീഴട​ങ്ങു​വിൻ, പിശാ​ചി​നോട്‌ എതിർത്തു​നിൽപ്പിൻ; എന്നാൽ അവൻ നിങ്ങളെ വിട്ട്‌ ഓടി​പ്പോ​കും.” (യാക്കോബ്‌ 4:7) 28 വർഷം ആത്‌മ​വി​ദ്യ പ്രയോ​ഗിച്ച ഒരു മനുഷ്യൻ യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിച്ച​ശേഷം ഇപ്രകാ​രം പറഞ്ഞു: “ആത്മവി​ദ്യാ​ചാ​രങ്ങൾ ഉപേക്ഷി​ക്കു​ന്ന​വ​രോട്‌ പിശാച്‌ എന്തു ചെയ്‌തേ​ക്കു​മെന്ന്‌ ഒരിക്ക​ലും ഭയപ്പെ​ട​രുത്‌; മറിച്ച്‌ യഹോ​വ​യാം ദൈവ​ത്തിൽ ആശ്രയി​ക്കുക.”

ദൈവ വചനത്തി​ലെ സത്യത്താൽ നമ്മുടെ മനസ്സ്‌ നിറക്കു​ന്ന​തും അതിന​നു​സ​രിച്ച്‌ പ്രവർത്തി​ക്കു​ന്ന​തും “പിശാ​ചി​ന്റെ തന്ത്രങ്ങൾക്കെ​തി​രെ ഉറച്ചു നിൽക്കേ​ണ്ട​തിന്‌ ദൈവ​ത്തിൽ നിന്നുള്ള (ആത്മീയ) സർവാ​യു​ധ​വർഗ്ഗം ധരിക്കു​ന്ന​തിന്‌ നമ്മെ പ്രാപ്‌ത​രാ​ക്കും. (എഫേസ്യർ 6:11) കൂടാതെ, യഹോ​വ​യോട്‌ നിരന്തരം പ്രാർത്ഥി​ക്കു​ന്നത്‌ ഭൂതാ​ക്ര​മ​ണ​ത്തി​നെ​തി​രെ ബലമുള്ള ഒരു സംരക്ഷ​ണ​മാണ്‌.—സദൃശ​വാ​ക്യ​ങ്ങൾ 18:10.

മരിച്ച​വ​രു​ടെ അവസ്ഥ സംബന്ധിച്ച സത്യം അറിയു​ന്നത്‌ എത്രയോ ആശ്വാ​സ​ദാ​യ​ക​മാണ്‌! മരണം ഗാഢമായ ഒരു നിദ്ര​പോ​ലെ​യാണ്‌. (യോഹ​ന്നാൻ 11:11) മരിച്ച​വ​രു​ടെ ഒരു പുനരു​ത്ഥാ​ന​മു​ണ്ടാ​കു​മെന്ന്‌ യേശു​ക്രി​സ്‌തു ഉറപ്പു നൽകി​യി​ട്ടു​മുണ്ട്‌.—യോഹ​ന്നാൻ 5:28, 29.

ആത്മവി​ദ്യ​യി​ലേർപ്പി​ട്ടി​രുന്ന ഒരു മനുഷ്യ​നും തന്റെ ഭാര്യ​യും മക്കളും മരിച്ച​വ​രോ​ടൊ അവരുടെ പ്രതി​നി​ധി​ക​ളോ​ടൊ സംസാ​രി​ക്കാൻ ശ്രമി​ക്കേ​ണ്ട​തി​ല്ലെന്ന്‌ തിരു​വെ​ഴു​ത്തു​ക​ളിൽ നിന്ന്‌ മനസ്സി​ലാ​ക്കി. ഈ കുടും​ബ​ത്തേ​യും ലോക​ത്തി​ലുള്ള മററ​നേ​ക​രെ​യും പോലെ നിങ്ങൾക്കും ആത്മീയ സ്വാത​ന്ത്ര്യം ആസ്വദി​ക്കാൻ കഴിയും. (യോഹ​ന്നാൻ 8:32) മരിച്ച​വ​രെ​ക്കു​റി​ച്ചുള്ള സത്യവും മനുഷ്യ​വർഗ്ഗ​ത്തെ​ക്കു​റി​ച്ചുള്ള ദൈ​വോ​ദ്ദേ​ശ്യ​വും മനസ്സി​ലാ​ക്കുക. അപ്പോൾ നിങ്ങൾക്ക്‌ യഹോ​വ​യു​ടെ പുതിയ വ്യവസ്ഥി​തി​യി​ലേക്ക്‌ പ്രത്യാ​ശ​യോ​ടെ നോക്കാൻ കഴിയും. അവിടെ നിങ്ങൾക്ക്‌ പുനരു​ത്ഥാ​നം പ്രാപിച്ച പ്രിയ​പ്പെ​ട്ട​വ​രു​മാ​യി സംസാ​രി​ക്കു​ന്ന​തി​നും സമാധാന പൂർണ്ണ​മായ അവസ്ഥയിൽ നിത്യ​ജീ​വൻ ആസ്വദി​ക്കു​ന്ന​തി​നും കഴിയും.—യെശയ്യാവ്‌ 25:8. (w88 1/15)

[4-ാം പേജിലെ ചിത്രം]

ശൗൽ രാജാവ്‌ മരിച്ച ശമുവേൽ പ്രവാ​ച​ക​നിൽ നിന്ന്‌ ഒരു സന്ദേശം ആവശ്യ​പ്പെ​ട്ട​പ്പോൾ വാസ്‌ത​വ​ത്തിൽ ആരാണ്‌ സംസാ​രി​ച്ചത്‌?