“നിർമ്മ​ല​ഭാ​ഷാ” ഡിസട്രിക്ട്‌ കൺ​വെൻ​ഷനു വരിക

ബാബേ​ലി​നു​ശേഷം ഈ കാലം​വ​രെ​യും ഭാഷാ​വ്യ​ത്യാ​സങ്ങൾ ഒരു വിഭാ​ഗീയ ശക്തിയാ​യി​രു​ന്നി​ട്ടുണ്ട്‌. അവിടെ യഹോവ മനുഷ്യ​വർഗ്ഗ​ത്തി​ന്റെ ഭാഷ കലക്കു​ക​യും ‘ഒരു ഗോപു​രം പണിത്‌ തങ്ങൾക്കു തന്നെ ഒരു പ്രശസ്‌ത​മായ പേർ ഉണ്ടാക്കു​ന്ന​തി​നുള്ള’ ആളുക​ളു​ടെ ഉദ്ദേശ്യ​ത്തെ വിഫല​മാ​ക്കു​ക​യും​ചെ​യ്‌തു. (ഉൽപ്പത്തി 11:4) ബൽജി​യ​ത്തിൽ സംഭവി​ച്ച​തിൽനിന്ന്‌ ഭാഷയി​ലെ ഒരു വ്യത്യാ​സം എത്ര ഛിദ്രാ​ത്മ​ക​മാ​യി​രി​ക്കാ​മെന്ന്‌ കാണാൻ കഴിയും. പല വർഷങ്ങൾക്കു മുമ്പ്‌ ലോ​വെ​യി​നി​ലെ കത്തോ​ലി​ക്കാ യൂണി​വേ​ഴ്‌സി​ററി ഭാഷയു​ടെ അടിസ്ഥാ​ന​ത്തിൽ രണ്ടായി പിളർന്നു.

ഭാഷ മനുഷ്യ​രു​ടെ​യി​ട​യി​ലെ ഭിന്നി​പ്പി​ന്റെ കാരണ​ങ്ങ​ളി​ലൊ​ന്നു മാത്ര​മാണ്‌. ദേശം, വർഗ്ഗം, വിദ്യാ​ഭ്യാ​സം, സാമ്പത്തി​ക​സ്ഥി​തി എന്നിവ​യാണ്‌ മററുള്ളവ. എന്നാൽ യഹോ​വ​യു​ടെ സാക്ഷികൾ ഈ എല്ലാ വിഭാ​ഗീ​യ​ഘ​ട​ക​ങ്ങ​ളെ​യും തരണം​ചെ​യ്യാൻ ശ്രമം നടത്തു​ക​യും യഥാർത്ഥ​ത്തിൽ ഐക്യ​പ്പെ​ടു​ക​യും ചെയ്‌തി​രി​ക്കു​ന്നു.

കഴിഞ്ഞ വേനൽക്കാ​ലം പോള​ണ്ടി​ലെ നഗരങ്ങ​ളായ കൊർസോ​വാ (കാറേ​റാ​വി​സി​നു സമീപം), പോസാൻ, വാർസോ എന്നിവി​ട​ങ്ങ​ളിൽ ഈ ഐക്യ​ത്തി​ന്റെ ഏററവും വിസ്‌മ​യാ​വ​ഹ​മായ ഒരു പ്രകടനം ദർശിച്ചു. 37 ദേശങ്ങ​ളിൽനി​ന്നാ​യി കുറഞ്ഞ​പക്ഷം 20 വ്യത്യസ്‌ത ഭാഷകൾ സംസാ​രി​ക്കുന്ന സാക്ഷികൾ ഹാജരാ​യി​രു​ന്നു. എന്നിട്ടും എല്ലാവ​രാ​ലും വിസ്‌മ​യാ​വ​ഹ​മായ ഒരു ഏകത്വം പ്രകട​മാ​ക്ക​പ്പെട്ടു. ഇതിന്‌ എന്താണ്‌ കാരണ​മാ​യി​രു​ന്നത്‌? എല്ലാവ​രും തിരു​വെ​ഴു​ത്തു സത്യമാ​കുന്ന “നിർമ്മല ഭാഷ” സംസാ​രി​ച്ചു. ഇത്‌ പ്രാവ​ച​നി​ക​മാ​യി സെഫന്യാവ്‌ 3:9-ൽ മുൻകൂ​ട്ടി​പ്പ​റ​യ​പ്പെ​ട്ടി​രു​ന്നു: “അപ്പോൾ ജനതകൾ യഹോ​വ​യു​ടെ നാമം വിളി​ച്ച​പേ​ക്ഷിച്ച്‌ അവനെ തോ​ളോ​ടു​തോൾ ചേർന്ന്‌ സേവി​ക്കേ​ണ്ട​തിന്‌ ഞാൻ [യഹോ​വ​യാം ദൈവം] അവർക്ക്‌ നിർമ്മ​ല​മായ ഭാഷയി​ലേക്ക്‌ ഒരു മാററം കൊടു​ക്കും.”

അതു​കൊണ്ട്‌ നല്ല കാരണ​ത്താൽ 1990-ലെ ഡിസ്‌ട്രിക്ട്‌ കൺ​വെൻ​ഷ​നു​കൾക്ക്‌ “നിർമ്മ​ല​ഭാഷ” എന്ന വിഷയ​മു​ണ്ടാ​യി​രി​ക്കും. മാനു​ഷാ​പൂർണ്ണ​ത​യും സാത്താന്റെ ലോക​ത്തിൽനി​ന്നുള്ള ദുഷ്ടസ്വാ​ധീ​ന​ങ്ങ​ളും പിശാ​ചി​ന്റെ​യും അവന്റെ ഭൂതങ്ങ​ളു​ടെ​യും കുടി​ല​മായ പ്രവർത്ത​ന​ങ്ങ​ളും നിമിത്തം “നിർമ്മ​ല​ഭാഷ” സംസാ​രി​ക്കു​ന്നത്‌ എല്ലായ്‌പ്പോ​ഴും എളുപ്പ​മാ​യി​രി​ക്കു​ന്നില്ല. നമ്മെ ഭിന്നി​പ്പി​ക്കാ​വുന്ന സ്വാർത്ഥ​പ്ര​വ​ണ​ത​കൾക്കെ​തി​രെ നാം എപ്പോ​ഴും ജാഗ്ര​ത​യു​ള്ള​വ​രാ​യി​രി​ക്കണം.

ദൈവം നമുക്ക്‌ എന്തു​കൊണ്ട്‌ ഈ “നിർമ്മ​ല​ഭാഷ” തന്നിരി​ക്കു​ന്നു? നാം യഹോ​വയെ “തോ​ളോ​ടു​തോൾ ചേർന്ന്‌” സേവി​ക്കാൻ കഴിയു​ന്ന​തിന്‌. മററു ഭാഷാ​ന്ത​രങ്ങൾ ഇതിന്റെ അർത്ഥം ദൈവത്തെ “ഒരേ നുകത്തിൻ കീഴിൽ” (ദി ജെറു​ശ​ലേം ബൈബിൾ); “ഏകമന​സ്സാ​യി” (മോഫ​ററ); “യോജി​പ്പിൽ” (ഒരു അമേരി​ക്കൻ ഭാഷാ​ന്തരം) സേവി​ക്കുക എന്നും “അവന്റെ സേവന​ത്തിൽ സഹകരി​ക്കുക” (ബൈയി​ങടൺ) എന്നും ആണെന്ന്‌ സൂചി​പ്പി​ക്കു​ന്നു.

ഈ കൺ​വെൻ​ഷ​നു​ക​ളി​ലെ പ്രസം​ഗ​ങ്ങ​ളാ​ലും പ്രകട​ന​ങ്ങ​ളാ​ലും അനുഭ​വ​ങ്ങ​ളാ​ലും സിമ്പോ​സി​യ​ങ്ങ​ളാ​ലും ബൈബിൾ നാടക​ങ്ങ​ളാ​ലും നാം നിർമ്മ​ല​ഭാഷ കൂടുതൽ ഒഴു​ക്കോ​ടെ സംസാ​രി​ക്കു​ന്ന​തിന്‌ പ്രോ​ത്സാ​ഹി​പ്പി​ക്ക​പ്പെ​ടു​ക​യും ഉത്തേജി​പ്പി​ക്ക​പ്പെ​ടു​ക​യും ചെയ്യും. കൂടാതെ അവ നമ്മുടെ സഹോ​ദ​രൻമാ​രോ​ടൊത്ത്‌ കൂടുതൽ ഫലപ്ര​ദ​മാ​യും യോജി​പ്പി​ലും സേവി​ക്കു​ന്ന​തിന്‌ നമ്മെ പ്രേരി​പ്പി​ക്കും.

ഈ കൺ​വെൻ​ഷ​നു​കൾ വ്യാഴാഴ്‌ച ഉച്ചതി​രിഞ്ഞ്‌ 1 മണി​യോ​ടെ ആരംഭി​ക്കു​ക​യും ഞായറാഴ്‌ച വൈകു​ന്നേരം 4 മണി​യോ​ടെ സമാപി​ക്കു​ക​യും ചെയ്യും. പ്രാരം​ഭ​ഗീ​ത​ത്തി​നും പ്രാർത്ഥ​ന​ക്കും മുമ്പേ എത്തുന്ന​തി​നും ഞായറാഴ്‌ച വൈകു​ന്നേ​രത്തെ സമാപ​ന​പ്രാർത്ഥ​ന​വ​രെ​യുള്ള മുഴു പരിപാ​ടി​ക​ളി​ലും സംബന്ധി​ക്കു​ന്ന​തി​നും ഇപ്പോൾ ആസൂ​ത്രണം ചെയ്യുക. [THE FOLLOWING SENTENCE IS GIVEN AS AN EXTRA PARAGRAPH IN THE ARTICLE] കൺ​വെൻ​ഷൻ തീയതി​ക​ളും മേൽവി​ലാ​സ​ങ്ങ​ളും സംബന്ധിച്ച വിവര​ങ്ങൾക്ക്‌ ദയവായി നിങ്ങളു​ടെ സ്ഥലത്തെ യഹോ​വ​യു​ടെ സാക്ഷി​ക​ളു​ടെ സഭയെ സമീപി​ക്കു​ക​യൊ ഈ പ്രസി​ദ്ധീ​ക​ര​ണ​ത്തി​ന്റെ പ്രസാ​ധ​കർക്ക്‌ എഴുതു​ക​യൊ ചെയ്യുക.

നിങ്ങളു​ടെ ബൈബി​ളു​ക​ളും പാട്ടു​പു​സ്‌ത​ക​ങ്ങ​ളും കൊണ്ടു​വ​രി​ക​യും നോട്ടു​കൾ കുറി​ക്കാൻ തയ്യാറാ​യി​രി​ക്ക​യും ചെയ്യുക. ഒരു നല്ല ആത്മീയ വിശ​പ്പോ​ടെ​യും വരിക, അപ്പോൾ നിങ്ങൾ നിർമ്മ​ല​ഭാഷ സംസാ​രി​ക്കു​ന്ന​തി​നും യഹോ​വയെ സേവി​ക്കു​ന്ന​തി​നും കൂടുതൽ പൂർണ്ണ​മാ​യി സജ്ജീകൃ​ത​രാ​യി പോകും. (w90 2/15)

[കൺ​വെൻ​ഷൻ സ്ഥലവി​വ​രങ്ങൾ ഉൾപ്പെ​ടു​ത്തി​യി​ട്ടില്ല]