“ഒരു സാം​ക്ര​മിക സമാധാ​നം”

“ഒരു സാം​ക്ര​മിക സമാധാ​നം.” “ഓ, എത്ര സമാധാ​ന​പൂർണ്ണ​മായ ഒരു ലോകം.” “സമാധാ​നം എല്ലായി​ട​ത്തും പൊട്ടി​ത്തെ​റി​ക്കു​ന്നു.” ഇവ കഴിഞ്ഞ ഒന്നുരണ്ടു വർഷമാ​യി വായന​ക്കാ​രെ അതിശ​യി​പ്പിച്ച വർത്തമാ​ന​പ്പത്ര ശീർഷ​ക​ങ്ങ​ളിൽപെ​ട്ട​വ​യാണ്‌. ലോക​ത്തി​നു​ചു​റ​റും, മ്ലാനത​യിൽനി​ന്നും നാശത്തിൽനി​ന്നും ശുഭാ​പ്‌തി​വി​ശ്വാ​സ​ത്തി​ലേ​ക്കുള്ള വാർത്ത​ക​ളു​ടെ മാററം ആശ്ചര്യ​ക​ര​മാ​യി​രു​ന്നു. എന്താണു സംഭവി​ച്ചു​കൊ​ണ്ടി​രു​ന്നത്‌?

എടുത്തു​പ​റ​യ​ത്ത​ക്ക​വി​ധം, കേവലം ചില മാസങ്ങൾക്കു​ള്ളിൽ വലിയ പല സംഘർഷ​ങ്ങ​ളും അവസാ​നി​ക്കു​ക​യൊ അവയുടെ തീവ്രത കുറയു​ക​യൊ ചെയ്‌തത്‌ ദീർഘ​നാൾ മുമ്പാ​യി​രു​ന്നില്ല. ആഫ്രി​ക്ക​യി​ലെ അംഗോ​ള​യിൽ സമാധാ​നം ‘പൊട്ടി​പ്പു​റ​പ്പെട്ടു.’ മദ്ധ്യ ഏഷ്യയിൽ സോവി​യ​ററ്‌ യൂണിയൻ അഫ്‌ഗാ​നി​സ്ഥാ​നിൽനിന്ന്‌ അതിന്റെ സേനയെ പിൻവ​ലി​ച്ചു. മദ്ധ്യ അമേരി​ക്ക​യിൽ, നിക്കാ​രാ​ഗ്വൻ ഗവൺമെൻറും കോൺട്രാ കലാപ​കാ​രി​ക​ളും തമ്മിലുള്ള പോരാ​ട്ടം ശമിച്ചു. തെക്കു​കി​ഴക്കേ ഏഷ്യയിൽ വിയറ​റ്‌നാം​കാർ കമ്പൂച്ചി​യാ​യിൽനിന്ന്‌ പിൻമാ​റാൻ സമ്മതിച്ചു. ഇറാനും ഇറാക്കും തമ്മിലു​ണ്ടാ​യി​രുന്ന രക്തദാ​ഹി​യായ യുദ്ധം അവസാ​ന​മാ​യി വിരാ​മ​ത്തി​ലെ​ത്തി​യ​പ്പോൾ മദ്ധ്യ പൗരസ്‌ത്യ​ദേ​ശ​ത്തിൽപോ​ലും “സാം​ക്ര​മിക സമാധാ​നം” എത്തി​ച്ചേർന്നു.

ഒരുപക്ഷേ, വൻശക്തി​കൾക്കി​ട​യി​ലെ പുതിയ അന്തരീക്ഷം അതിലും കൂടുതൽ ശ്രദ്ധേ​യ​മാ​യി​രു​ന്നു. 40 വർഷത്തെ ശീതസ​മ​ര​ത്തി​നു​ശേഷം അനുര​ഞ്‌ജ​ന​ത്തി​നുള്ള ആഗ്രഹ​പ്ര​ക​ട​ന​ങ്ങ​ളും പരസ്‌പ​ര​താൽപ്പ​ര്യ​ങ്ങളെ സംബന്ധിച്ച അഭി​പ്രാ​യ​പ്ര​ക​ട​ന​ങ്ങ​ളും സോവി​യ​റ​റ്‌യൂ​ണി​യ​നും ഐക്യ​നാ​ടു​ക​ളും തമ്മിലുള്ള സമാധാ​ന​ത്തി​ലേ​ക്കുള്ള സുനി​ശ്ചി​ത​മായ നീക്കങ്ങ​ളും വിശ്വ​സി​ക്കാൻ പ്രയാ​സ​മാ​യി​രു​ന്നു. കൂടാതെ, ദി ഇക്കണോ​മി​സററ പറയു​ന്ന​ത​നു​സ​രിച്ച്‌ യൂറോപ്പ്‌ ഇപ്പോൾ അതിന്റെ രേഖ​പ്പെ​ടു​ത്ത​പ്പെട്ട ചരി​ത്ര​ത്തി​ലെ ഏററവും ദീർഘ​വും തുടർച്ച​യു​മായ യുദ്ധര​ഹിത കാലഘ​ട്ടത്തെ അടയാ​ള​പ്പെ​ടു​ത്തി​യി​രി​ക്കു​ന്നു. സത്യമാ​യി, സമാധാ​നം വാർത്ത​ക​ളിൽ സ്ഥലം പിടി​ച്ചി​രി​ക്കു​ന്നു.

അതിന്റെ അർത്ഥ​മെ​ന്താണ്‌? രാഷ്‌ട്രീ​യ​നേ​താ​ക്കൾ “നമ്മുടെ കാലത്ത്‌ സമാധാ​നം” കൈവ​രു​ത്തു​ന്ന​തി​നുള്ള കാലത്തി​ന്റെ വക്കിൽ എത്തിയി​രി​ക്കു​ന്നു​വോ? ഈ വാക്കുകൾ അൻപത്തി​രണ്ട്‌ വർഷങ്ങൾക്കു മുമ്പ്‌ ബ്രിട്ടീഷ്‌ പ്രധാ​ന​മ​ന്ത്രി​യാ​യി​രുന്ന നെവിൽ ചേമ്പർലെ​യി​നാൽ പ്രഖ്യാ​പി​ക്ക​പ്പെ​ട്ട​താണ്‌. ഒരു ഹ്രസ്വ​കാ​ല​ത്തി​നു​ശേഷം, രണ്ടാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​പ്പോൾ അവ ക്രൂര​മാ​യി വിരോ​ധാ​ഭാ​സ​മെന്നു തെളിഞ്ഞു. അവ ഇപ്പോൾ വളരെ കാലങ്ങൾക്കു​ശേഷം സത്യമാ​യി​ത്തീ​രാൻ പോകു​ക​യാ​ണോ? (w90 4⁄1)