ലോക​സ​മാ​ധാ​നം—അത്‌ യഥാർത്ഥ​ത്തിൽ എന്തർത്ഥ​മാ​ക്കും?

ദൈവ​ത്തി​ന്റെ മനസ്സി​ലുള്ള ലോക​സ​മാ​ധാ​ന​ത്തിൽ ഒരു ആഗോള വെടി​നിർത്ത​ലി​നെ​ക്കാൾ അഥവാ ഒരു ന്യൂക്ലി​യർ സ്‌തം​ഭ​നാ​വ​സ്ഥ​യെ​ക്കാൾ കവിഞ്ഞ ഒട്ടേറെ കാര്യങ്ങൾ അന്തർഭ​വി​ച്ചി​രി​ക്കു​ന്നു. “സമാധാ​നം” എന്ന പദം ബൈബിൾ ഉപയോ​ഗി​ച്ചി​രി​ക്കുന്ന രീതി​യിൽനിന്ന്‌ ഇതു പ്രകട​മാണ്‌.

ദൃഷ്ടാ​ന്ത​ത്തിന്‌, എബ്രാ​യ​തി​രു​വെ​ഴു​ത്തു​ക​ളിൽ (“പഴയനി​യമം”) സമാധാ​ന​ത്തി​നുള്ള പദം ശാലോം എന്നാണ്‌. ഈ പദത്തിന്റെ ഒരു രൂപമാണ്‌ ഉല്‌പത്തി 37:14ൽ ഉപയോ​ഗി​ച്ചി​രി​ക്കു​ന്നത്‌. അവിടെ ഗോ​ത്ര​പി​താ​വായ യാക്കോബ്‌ തന്റെ പുത്ര​നായ യോ​സേ​ഫി​നോട്‌ ഇങ്ങനെ പറയുന്നു: “നിന്റെ സഹോ​ദ​രൻമാർക്ക്‌ സ്വൈ​ര​വും സുഖവു​മോ എന്നും ആട്ടിൻപ​റ​റ​ത്തിന്‌ സ്വൈ​ര​വും സുഖവു​മോ എന്നും നോക്കി വന്ന്‌ വസ്‌തുത എന്നെ അറിയി​ക്കണം.”a ഉല്‌പത്തി 41:16-ൽ ശാലോം വീണ്ടും ഉപയോ​ഗി​ച്ചി​രി​ക്കു​ന്നു. അവിടെ അതിന്‌ “ക്ഷേമം” എന്നാണ്‌ അർത്ഥക​ല്‌പന ചെയ്‌തി​രി​ക്കു​ന്നത്‌.

അതു​കൊണ്ട്‌ ബൈബിൾപ​ര​മായ ഒരു അർത്ഥത്തിൽ യഥാർത്ഥ സമാധാ​ന​ത്തിൽ കേവലം ശത്രു​ത​കൾക്കുള്ള അറുതി മാത്രമല്ല, പിന്നെ​യോ ആരോ​ഗ്യം, സുരക്ഷി​ത​ത്വം, ക്ഷേമം എന്നിവ​യെ​ല്ലാം ഉൾപ്പെ​ട്ടി​ട്ടുണ്ട്‌. സമാധാ​നം എങ്ങനെ കൈവ​രു​ത്താൻ കഴിയും എന്ന സമസ്യ പരിഹ​രി​ക്കു​ന്ന​തിന്‌ മനുഷ്യർ അപ്രാ​പ്‌ത​രാ​ണെന്ന്‌ ഞങ്ങളുടെ 1991 ഓഗസ്‌ററ്‌ 1-ലെ ലക്കം കാണിച്ചു. “സമാധാ​ന​പ്രഭു”വായ യേശു​ക്രി​സ്‌തു​വി​നു മാത്രമേ അററു​പോയ ഖണ്ഡങ്ങൾ കൂട്ടി​ച്ചേർത്ത്‌ ഭൂമി​യിൽ യഥാർത്ഥ സമാധാ​നം കൊണ്ടു​വ​രാൻ കഴിയൂ. (യെശയ്യാവ്‌ 9:6, 7) ദൃഷ്ടാ​ന്ത​ത്തിന്‌ ആ ഒരുവന്റെ ഭരണ​ത്തെ​ക്കു​റിച്ച്‌ സങ്കീർത്തനം 72:7, 8-ൽ ബൈബിൾ പ്രവചി​ക്കു​ന്ന​തെ​ന്തെന്ന്‌ പരിഗ​ണി​ക്കുക: “അവന്റെ നാളു​ക​ളിൽ നീതി​മാൻ തഴക്കും, ചന്ദ്രൻ മേലാൽ ഇല്ലാതാ​കു​വോ​ളം സമാധാ​ന​സ​മൃ​ദ്ധി ഉണ്ടാകും. അവന്‌ സമുദ്രം മുതൽ സമുദ്രം വരെയും നദിമു​തൽ ഭൂമി​യു​ടെ അററങ്ങൾവ​രെ​യും പ്രജകൾ ഉണ്ടായി​രി​ക്കും.” ചിന്തി​ച്ചു​നോ​ക്കൂ—ഒരു ലോക​വ്യാ​പ​ക​മായ അളവിൽ ആരോ​ഗ്യ​വും സുരക്ഷി​ത​ത്വ​വും ക്ഷേമവും! യാതൊ​രു രാഷ്‌ട്രീ​യ​സ​ഖ്യ​ത്തി​നും ഇതു നിവർത്തി​ക്കാൻ കഴിയില്ല. ദൈവ​രാ​ജ്യ​ത്തി​നു​മാ​ത്രമേ അതു കഴിയൂ, അത്‌ ഇതിലു​മ​ധി​കം നേട്ടങ്ങൾ കൈവ​രി​ക്കും. ഈ ഭാവി​ലോ​ക​സ​മാ​ധാ​ന​ത്തി​ന്റെ പുളക​മ​ണി​യി​ക്കുന്ന ഒട്ടേറെ പ്രാവ​ച​നിക സൂചനകൾ ബൈബിൾ നമുക്ക്‌ പ്രദാ​നം​ചെ​യ്യു​ന്നു. നമുക്ക്‌ അവയിൽ ചിലത്‌ പരിചി​ന്തി​ക്കാം.

ആഗോള നിരാ​യു​ധീ​ക​രണം—ദൈവ​ത്തി​ന്റെ മാർഗ്ഗം!

സങ്കീർത്തനം 46:8, 9 പറയുന്നു: “വരുവിൻ ജനങ്ങളേ, യഹോ​വ​യു​ടെ പ്രവൃ​ത്തി​കൾ കാൺമിൻ, അവൻ ഭൂമി​യിൽ ആശ്ചര്യ​കാ​ര്യ​ങ്ങൾ ഭവിപ്പി​ച്ചി​രി​ക്കു​ന്നു. അവൻ ഭൂമി​യു​ടെ അററങ്ങ​ളോ​ളം യുദ്ധങ്ങളെ നിർത്തൽചെ​യ്യു​ന്നു. അവൻ വില്ലൊ​ടിച്ച്‌ കുന്തം കഷണി​ച്ചു​ക​ള​യു​ന്നു. രഥങ്ങളെ അവൻ തീയി​ലി​ട്ടു ചുട്ടു​ക​ള​യു​ന്നു.” “വില്ല്‌,” “കുന്തം,” ‘രഥങ്ങൾ’ എന്നീ പദങ്ങ​ളെ​ല്ലാം ഏതു രൂപത്തി​ലു​മുള്ള യുദ്ധാ​യു​ധ​ത്തി​ന്റെ​യോ യുദ്ധസ​ന്നാ​ഹ​ത്തി​ന്റെ​യോ പ്രതീ​ക​ങ്ങ​ളാണ്‌. യഹോവ, ആയുധങ്ങൾ വെട്ടി​ച്ചു​രു​ക്കു​ന്ന​തി​നും സമ്പൂർണ്ണ നിരാ​യു​ധീ​ക​ര​ണ​ത്തി​നും ബഹുദൂ​രം അപ്പുറം കടന്നു​ചെ​ല്ലു​ന്നു. ന്യൂക്ലി​യർ ആയുധ​ങ്ങ​ളെ​യും പീരങ്കി​ക​ളെ​യും ടാങ്കു​ക​ളെ​യും മിസൈൽ വിക്ഷേ​പി​ണി​ക​ളെ​യും കൈ​ബോം​ബു​ക​ളെ​യും പ്ലാസ്‌റ​റിക്‌ സ്‌ഫോ​ട​ക​വ​സ്‌തു​ക്ക​ളെ​യും തോക്കു​ക​ളെ​യും കൈ​ത്തോ​ക്കു​ക​ളെ​യും—ആഗോള സമാധാ​നത്തെ ഭീഷണി​പ്പെ​ടു​ത്തി​യേ​ക്കാ​വുന്ന എന്തി​നെ​യും അവൻ ഉൻമൂ​ല​നം​ചെ​യ്യു​ന്നു!

പക്ഷേ ആയുധങ്ങൾ തനിയെ യുദ്ധത്തി​നി​ട​വ​രു​ത്തു​ന്നില്ല. സാധാ​ര​ണ​യാ​യി യുദ്ധത്തി​ന്റെ വേരുകൾ അപൂർണ്ണ മനുഷ്യ​രു​ടെ വിദ്വേ​ഷം നിറഞ്ഞ​തോ അത്യാർത്തി​പൂ​ണ്ട​തോ അക്രമാ​സ​ക്ത​മോ ആയ പ്രകൃ​ത​ത്തി​ലാണ്‌ കുടി​കൊ​ള്ളു​ന്നത്‌. (യാക്കോബ്‌ 4:1-3 താരത​മ്യം​ചെ​യ്യുക.) ആളുക​ളു​ടെ അത്തരം ദുഷിച്ച വ്യക്തി​ത്വ​ല​ക്ഷ​ണങ്ങൾ ഇല്ലായ്‌മ​ചെ​യ്‌തു​കൊണ്ട്‌ ദൈവ​രാ​ജ്യം യുദ്ധത്തി​ന്റെ ഈ മൂലകാ​ര​ണത്തെ ആക്രമി​ക്കു​ന്നു. എങ്ങനെ? ഒരു ആഗോള വിദ്യാ​ഭ്യാ​സ​പ​രി​പാ​ടി​യി​ലൂ​ടെ. “വെള്ളങ്ങൾ സമു​ദ്ര​ത്തെ​ത്തന്നെ മൂടു​ന്ന​തു​പോ​ലെ യഹോ​വ​യു​ടെ പരിജ്ഞാ​ന​ത്താൽ ഭൂമി തീർച്ച​യാ​യും നിറയും.”—യെശയ്യാവ്‌ 11:9.

“യഹോ​വ​യാൽ പഠിപ്പി​ക്ക​പ്പെട്ടവ”രായി​ത്തീ​രു​ന്ന​തോ​ടെ മനുഷ്യ​രാ​ശി ഭിന്നത​ക്കോ ശത്രു​ത​ക്കോ നിന്ദക്കോ ഉള്ള ഒരു അടിസ്ഥാ​ന​മാ​യി മേലാൽ വർഗ്ഗവ്യ​ത്യാ​സ​ങ്ങളെ കാണു​ക​യില്ല. (യോഹ​ന്നാൻ 6:45) “ദൈവം മുഖപ​ക്ഷ​മു​ള്ള​വനല്ല,” ഭൂമി​യി​ലെ നിവാ​സി​കൾ അവന്റെ നിഷ്‌പ​ക്ഷ​തയെ പ്രതി​ഫ​ലി​പ്പി​ക്കു​ക​യും​ചെ​യ്യും. (പ്രവൃ​ത്തി​കൾ 10:34) രാഷ്‌ട്രീയ അതിർവ​ര​മ്പു​കളെ ഇല്ലായ്‌മ​ചെ​യ്‌തു​കൊണ്ട്‌ ദേശീയ സംഘട്ട​ന​ങ്ങൾക്കുള്ള ഏതു സാദ്ധ്യ​ത​യെ​യും കൂടെ രാജ്യം ഇല്ലായ്‌മ​ചെ​യ്യും. ‘സമുദ്രം മുതൽ സമുദ്രം വരെയും ഭൂമി​യു​ടെ അററങ്ങ​ളോ​ള​വും’ എല്ലാവ​രും ക്രിസ്‌തു​വി​ന്റെ ഭരണ​ത്തോ​ടുള്ള തങ്ങളുടെ സന്നദ്ധത​യും നന്ദിയും നിറഞ്ഞ കൂറ്‌ പ്രഖ്യാ​പി​ക്കും.—സങ്കീർത്തനം 72:8.

അത്തരം സമാധാ​നം നിലനിൽക്കു​ന്ന​തിന്‌ രാജ്യം മനുഷ്യ​ച​രി​ത്ര​ത്തി​ലെ ഏററവും വലിയ വിഭാ​ഗീ​യ​ശ​ക്തി​യെ—വ്യാജ​മ​തത്തെ—ഇല്ലായ്‌മ​ചെ​യ്യും. (സെഫന്യാവ്‌ 2:11) ഏകസത്യ​ദൈ​വ​ത്തി​ന്റെ ആരാധ​ന​യിൽ മനുഷ്യ​വർഗ്ഗം ഏകീക​രി​ക്ക​പ്പെ​ടും. (യെശയ്യാവ്‌ 2:2, 3) ഒരു ലോക​വ്യാ​പ​ക​സാ​ഹോ​ദ​ര്യം നിലനിൽക്കും!

ഭവനത​ല​ത്തിൽ സമാധാ​നം

ആക്ഷേപ​ങ്ങ​ളും വ്രണ​പ്പെ​ടു​ത്തുന്ന വാക്കു​ക​ളും ഭീഷണി​ക​ളും നിരന്തരം വർഷി​ക്കുന്ന ഒരു പോർക്ക​ള​മാണ്‌ സ്വകാ​ര്യ​ഭ​വ​ന​ങ്ങ​ളെ​ങ്കിൽ ലോക​സ​മാ​ധാ​നം​കൊ​ണ്ടെന്തു പ്രയോ​ജനം? ഇന്ന്‌ ഒട്ടധികം കുടും​ബ​ങ്ങളെ സംബന്ധിച്ച്‌ സ്ഥിതി ഇങ്ങനെ​യാണ്‌. മററു കുടും​ബങ്ങൾ കനത്ത നിശബ്ദ​ത​യു​ടെ മറയ്‌ക്കു പിമ്പിൽ അവരുടെ രൂഢമൂ​ല​മായ വിരോ​ധങ്ങൾ മറച്ചു​പി​ടി​ക്കു​ന്നു.

അതു​കൊണ്ട്‌ യഥാർത്ഥ സമാധാ​ന​ത്തിൽ ഗാർഹി​ക​മായ പ്രശാ​ന്തി​യും ഉൾപ്പെ​ടേ​ണ്ട​തുണ്ട്‌. രാജ്യ​ത്തി​ന്റെ വിദ്യാ​ഭ്യാ​സ​പ​രി​പാ​ടി​യു​ടെ കീഴിൽ ഭർത്താ​ക്കൻമാ​രും ഭാര്യ​മാ​രും പരസ്‌പരം സ്‌നേ​ഹാ​ദ​ര​ങ്ങ​ളോ​ടെ ഇടപെ​ടു​ന്ന​തിന്‌ പഠിപ്പി​ക്ക​പ്പെ​ടു​ന്നു. (കൊ​ലോ​സ്യർ 3:18, 19) കുട്ടികൾ ‘തങ്ങളുടെ മാതാ​പി​താ​ക്കൻമാ​രോട്‌ സകലത്തി​ലും അനുസ​ര​ണ​മു​ള്ള​വ​രാ​യി​രി​ക്കു​ന്ന​തിന്‌’ പഠിപ്പി​ക്ക​പ്പെ​ടും. (കൊ​ലോ​സ്യർ 3:20) മാതാ​പി​താ​ക്കളെ വിഷമി​പ്പി​ക്കു​ക​യും വ്യാകു​ല​പ്പെ​ടു​ത്തു​ക​യും ചെയ്യുന്ന മത്‌സ​രി​ക​ളായ കൗമാ​ര​പ്രാ​യ​ക്കാർ ഉണ്ടായി​രി​ക്ക​യില്ല. അനുസ​ര​ണ​മാ​യി​രി​ക്കും പ്രമാണം. സഹകരണം ചട്ടവും. കുട്ടി​കളെ കാണുക ഉല്ലാസ​വും അവർ അടുത്തു​ണ്ടാ​യി​രി​ക്കുക ഒരു ആനന്ദവും ആയിരി​ക്കും.

സാമ്പത്തി​ക​സ​മ്മർദ്ദങ്ങൾ ഇന്ന്‌ മാതാ​പി​താ​ക്കൾ ഇരുവ​രും ലൗകി​ക​തൊ​ഴി​ലി​ന്റെ ഭാരിച്ച ചുമട്‌ എടുക്കാ​നി​ട​യാ​ക്കു​ന്ന​തോ​ടെ കുടും​ബ​സം​ഘർഷങ്ങൾ വളരെ രൂക്ഷമാ​കു​ന്നു. പക്ഷേ ക്രിസ്‌തു​വി​ന്റെ ഭരണത്തിൻകീ​ഴിൽ ഞെരു​ക്കുന്ന സാമ്പത്തി​ക​ഭാ​ര​ങ്ങ​ളിൽ—പെരുത്ത വാടക, ഉയരുന്ന പണയ​ചെ​ല​വു​കൾ, കയറി​ക്കൊ​ണ്ടി​രി​ക്കുന്ന നികു​തി​കൾ തൊഴി​ലി​ല്ലായ്‌മ എന്നിവ​യിൽ—നിന്ന്‌ കുടും​ബങ്ങൾ ആശ്വാസം അനുഭ​വി​ക്കും. ധന്യവും വെല്ലു​വി​ളി പകരു​ന്ന​തു​മായ ജോലി​കൾ ധാരാ​ള​മു​ണ്ടാ​യി​രി​ക്കും. ആരും​തന്നെ ഭവനര​ഹി​ത​രാ​യി​രി​ക്കേ​ണ്ടി​വ​രു​ക​യില്ല. യെശയ്യാവ്‌ 65:21-23-ലെ പ്രവചനം ഈ യാഥാർത്ഥ്യ​ങ്ങളെ സവി​ശേ​ഷ​മാ​യി അവതരി​പ്പി​ക്കു​ന്ന​തെ​ങ്ങ​നെ​യെന്ന്‌ കുറി​ക്കൊ​ള്ളുക: “അവർ തീർച്ച​യാ​യും വീടു​കളെ പണിതു പാർക്കും . . . അവർ പണിയു​ക​യും മറെറാ​രാൾ പാർക്കു​ക​യും എന്നു വരിക​യില്ല; അവർ നടുക​യും മററാ​രെ​ങ്കി​ലും തിന്നു​ക​യും എന്നു വരിക​യില്ല. . . . തങ്ങളുടെ സ്വന്ത കൈക​ളു​ടെ പ്രവൃത്തി എന്റെ തെര​ഞ്ഞെ​ടു​ക്ക​പ്പെ​ട്ടവർ തിക​വോ​ളം ആസ്വദി​ക്കും. അവർ വെറുതെ അദ്ധ്വാ​നി​ക്കു​ക​യില്ല. ആപത്തി​നാ​യി ജനിപ്പി​ക്കു​ക​യു​മില്ല; അവർ യഹോ​വ​യാൽ അനു​ഗ്ര​ഹി​ക്ക​പ്പെ​ട്ട​വ​രു​ടെ സന്തതി​യ​ല്ലോ, അവരോ​ടു​കൂ​ടെ​യുള്ള അവരുടെ സന്താന​ങ്ങ​ളും അങ്ങനെ​യ​ല്ലോ.”

നഗരജീർണ്ണ​ത​യു​ടെ കാഴ്‌ച​ക​ളോ ശബ്ദകോ​ലാ​ഹ​ല​ങ്ങ​ളോ ദുർഗ്ഗ​ന്ധ​ങ്ങ​ളോ നിങ്ങളെ ആക്രമി​ക്കാ​നി​ല്ലാത്ത ഒരു പരിസ്ഥി​തി​യിൽ ജീവി​ക്കു​ന്ന​തി​നെ ഒന്നു വിഭാ​വ​ന​ചെ​യ്യുക! നന്നായി കൃഷി​ചെ​യ്‌ത്‌ വകഞ്ഞൊ​തു​ക്കി ചെത്തി​വെ​ടി​പ്പാ​ക്കിയ ഹരിതാ​ഭ​മായ ഭൂപ്ര​ദേ​ശത്ത്‌—നിങ്ങളു​ടെ പ്രദേ​ശത്ത്‌ ജീവി​ക്കു​ന്ന​തൊന്ന്‌ ഊഹി​ക്കുക. അത്യാ​നന്ദം പകരു​മാറ്‌ വെടി​പ്പും ശുദ്ധി​യു​മുള്ള വായു ശ്വസി​ക്കു​ന്ന​തൊന്ന്‌ ആലോ​ചി​ച്ചു​നോ​ക്കുക. ആധുനിക നാഗരി​ക​ത​യു​ടെ പരുക്കൻ ശബ്ദകോ​ലാ​ഹ​ലമല്ല, പിന്നെ​യോ ഇമ്പകര​മായ പ്രകൃ​തി​സ്വ​രങ്ങൾ കേൾക്കു​ന്ന​തി​നെ ഭാവന​യിൽ കാണുക. സത്യമാണ്‌, ചില ഭാഗ്യ​വാൻമാർ ഈ കാര്യങ്ങൾ ഒരു ചെറിയ അളവിൽ ഇപ്പോൾത്തന്നെ ആസ്വദി​ക്കു​ന്നു​ണ്ടാ​യി​രി​ക്കാം. പക്ഷേ ദൈവ​രാ​ജ്യ​ത്തിൻകീ​ഴിൽ സമാധാ​ന​സ്വ​ച്ഛ​മായ ജീവി​താ​വ​സ്ഥകൾ എല്ലാവ​രും ആസ്വദി​ക്കും. അവിടെ ദരി​ദ്ര​രോ വിശക്കു​ന്ന​വ​രോ ക്ലേശമ​നു​ഭ​വി​ക്കു​ന്ന​വ​രോ ഉണ്ടായി​രി​ക്ക​യില്ല.—സങ്കീർത്തനം 72:13, 14, 16.

“ദുഷ്ടൻമാ​രെ സംബന്ധി​ച്ചോ, അവർ ഛേദി​ക്ക​പ്പെ​ടും” എന്ന്‌ ബൈബിൾ വീണ്ടും വാഗ്‌ദ​ത്തം​ചെ​യ്യു​ന്നു. (സദൃശ​വാ​ക്യ​ങ്ങൾ 2:22) അതിന്റെ അർത്ഥം അക്രമ​ത്തി​ന്റെ ഉച്ചാട​ന​മെ​ന്നാണ്‌. നിങ്ങളു​ടെ ഏററവും ഇളയ കുട്ടി കളിക്കാൻ പുറത്തി​റ​ങ്ങി​യാൽ ഇരുളിൽ പതിയി​രി​ക്കുന്ന ശിശു​ദ്രോ​ഹി​ക​ളെ​യോ തട്ടി​ക്കൊ​ണ്ടു​പോ​ക്കു​കാ​രെ​യോ നിയ​ന്ത്ര​ണം​വി​ട്ടു പാളുന്ന, കുടിച്ചു മത്തരായ ഡ്രൈ​വർമാർ ഓടി​ക്കുന്ന കാറു​ക​ളെ​യോ അല്ലെങ്കിൽ മയക്കു​മ​രു​ന്നു​ഭ്രാ​ന്തു പിടി​ച്ച​ല​യുന്ന ചെറു​പ്പ​ക്കാ​രു​ടെ സംഘങ്ങ​ളെ​യോ ഓർത്ത്‌ നിങ്ങൾ വ്യാകു​ല​പ്പെ​ടേ​ണ്ടി​വ​രു​ക​യില്ല. നിങ്ങളു​ടെ കുട്ടികൾ വെളി​യിൽ തികഞ്ഞ സ്വൈ​ര​ത​യി​ലും സുരക്ഷി​ത​ത്വ​ത്തി​ലും കളിക്കും.

സമാധാ​ന​വും നിങ്ങളു​ടെ വ്യക്തി​പ​ര​മായ ക്ഷേമവും

ഒടുവിൽ, വ്യക്തി​പ​ര​മായ ക്ഷേമത്തി​ന്റെ സംഗതി​യുണ്ട്‌. പറുദീ​സാ​യ​വ​സ്ഥകൾ പോലും അർബു​ദ​ത്തി​ന്റെ അതി​വേ​ദ​ന​യോ സന്ധിവാ​ത​ത്തി​ന്റെ നൊമ്പ​ര​ങ്ങ​ളോ ശമിപ്പി​ക്കു​ക​യില്ല. അതു​കൊണ്ട്‌ യഥാർത്ഥ സമാധാ​ന​ത്തിൽ രോഗം, അസുഖം, മരണം, എന്നിവ​യു​ടെ ദൂരീ​ക​രണം ഉൾപ്പെ​ടു​ന്നു. ഈ കാര്യം സാദ്ധ്യ​മാ​ണോ? ഭൂമി​യി​ലാ​യി​രി​ക്കു​മ്പോൾ യേശു​ക്രി​സ്‌തു മാനു​ഷ​വ്യാ​ധി​ക​ളു​ടെ​മേ​ലുള്ള തന്റെ മേധാ​വി​ത്വം ആവർത്തി​ച്ചു പ്രകട​മാ​ക്കി. (മത്തായി 8:14-17) സ്വർഗ്ഗ​ത്തി​ലെ തന്റെ സർവോ​ത്ത​മ​സ്ഥാ​ന​ത്തു​നിന്ന്‌ ഭൂവ്യാ​പ​ക​മായ അത്ഭുതങ്ങൾ ചെയ്യാൻ അവൻ പ്രാപ്‌ത​നാ​യി​രി​ക്കും! ബൈബിൾ ഇങ്ങനെ വാഗ്‌ദാ​നം​ചെ​യ്യു​ന്നു: “ആ കാലത്ത്‌ കുരു​ടൻമാ​രു​ടെ കണ്ണ്‌ തുറന്നു​വ​രും, ബധിരൻമാ​രു​ടെ ചെവി അടഞ്ഞി​രി​ക്ക​യു​മില്ല. ആ കാലത്ത്‌ മുടന്തൻ മാനി​നെ​പ്പോ​ലെ ചാടി​ക്ക​യ​റും, ഊമന്റെ നാവ്‌ ഉല്ലസിച്ച്‌ ഘോഷി​ക്കു​ക​യും ചെയ്യും.”—യെശയ്യാവ്‌ 33:24; 35:5, 6.

മാനു​ഷ​യാ​ത​ന​കൾക്കെ​തി​രെ​യുള്ള ക്രിസ്‌തു​വി​ന്റെ പോരാ​ട്ടം അവിടം​കൊ​ണ്ട​വ​സാ​നി​ക്കു​ക​യില്ല. “ദൈവം അവന്റെ സകല ശത്രു​ക്ക​ളെ​യും അവന്റെ പാദപീ​ഠ​മാ​ക്കു​വോ​ളം അവൻ രാജാ​വാ​യി വാഴേ​ണ്ട​തുണ്ട്‌. അവസാ​ന​ശ​ത്രു​വാ​യിട്ട്‌ മരണത്തെ ഇല്ലായ്‌മ​ചെ​യ്യേ​ണ്ടി​യി​രി​ക്കു​ന്നു.” (1 കൊരി​ന്ത്യർ 15:25, 26) ഇതിന്റെ അർത്ഥം തുടക്കം​മു​തൽക്കേ മനുഷ്യ​വർഗ്ഗ​ത്തി​ന്റെ​മേൽ മരണം വരുത്തി​വെച്ച എല്ലാ ദുരി​ത​ങ്ങ​ളെ​യും ഇല്ലായ്‌മ​ചെ​യ്യു​ക​യെ​ന്നാണ്‌. യേശു​തന്നെ വിശദീ​ക​രി​ച്ച​തു​പോ​ലെ “സ്‌മാ​ര​ക​ക്ക​ല്ല​റ​ക​ളി​ലു​ള്ള​വ​രെ​ല്ലാം [ക്രിസ്‌തു​വി​ന്റെ] ശബ്ദം​കേട്ട്‌ പുറത്തു​വ​രാ​നുള്ള നാഴി​ക​വ​രു​ന്നു.” (യോഹ​ന്നാൻ 5:28, 29) യാതന​യിൽ ജീവിച്ചു മരിച്ച എണ്ണമററ ദശലക്ഷ​ങ്ങൾക്ക്‌ ആസന്നമായ ലോക​സ​മാ​ധാ​ന​ത്തിൽ പങ്കുപ​റ​റാ​നുള്ള അവസര​മു​ണ്ടാ​യി​രി​ക്കും.

നിങ്ങൾ അതിൽ പങ്കുപ​റ​റു​മോ? ഇതു സംബന്ധിച്ച്‌ ബൈബിൾ പറയുന്ന കാര്യ​ങ്ങ​ളെ​ക്കു​റിച്ച്‌ അധികം പഠിക്കാൻ യഹോ​വ​യു​ടെ സാക്ഷികൾ നിങ്ങളെ പ്രേരി​പ്പി​ക്കു​ന്നു.b ലോക​സ​മാ​ധാ​ന​പ്ര​ത്യാ​ശ അവഗണി​ക്കാ​നാ​വാത്ത വിധം അത്യന്തം പുളക​പ്ര​ദ​വും അത്യന്തം യഥാർത്ഥ​വു​മാണ്‌. ദൈവ​ത്തി​ന്റെ വചനം പഠിക്കു​ന്ന​തി​നും ബാധക​മാ​ക്കു​ന്ന​തി​നും നിങ്ങൾ സ്വയം പ്രയത്‌നി​ച്ചാൽ “സമാധാ​ന​ത്തി​ന്റെ ദൈവം നിങ്ങ​ളോ​ടു​കൂ​ടെ ഇരിക്കും”—നിത്യ​മാ​യി!—ഫിലി​പ്പി​യർ 4:9. (w90 4⁄15)

[അടിക്കു​റി​പ്പു​കൾ]

[5-ാം പേജിലെ ചിത്രം]

യഹോവ “ഭൂമി​യു​ടെ അററ​ത്തോ​ളം” യുദ്ധങ്ങളെ നിർത്തൽ ചെയ്യും

[കടപ്പാട്‌]

USAF Official Photo

[6-ാം പേജിലെ ചിത്രം]

പരസ്‌പരം സമാധാ​ന​ത്തോ​ടെ പെരു​മാ​റാൻ ഭാര്യാ ഭർത്താ​ക്കൻമാർ പഠിപ്പി​ക്ക​പ്പെ​ടു​ന്നു