ശ്രേഷ്‌ഠാ​ധി​കാ​ര​ങ്ങ​ളു​ടെ പങ്ക്‌

“അത്‌ നിന്റെ നൻമക്കു​വേണ്ടി ദൈവ​ത്തി​ന്റെ ശുശ്രൂ​ഷ​ക​നാ​കു​ന്നു. എന്നാൽ നീ തിൻമ​ചെ​യ്യു​ക​യാ​ണെ​ങ്കിൽ ഭയപ്പെ​ടുക.”—റോമർ 13:4.

1, 2. ക്രൈ​സ്‌ത​വ​ലോ​ക​ത്തി​ലെ അനേകർ വിപ്ലവ​പ്ര​വർത്ത​ന​ങ്ങ​ളിൽ ഉൾപ്പെ​ട്ടി​രി​ക്കു​ന്ന​തെ​ങ്ങനെ?

രണ്ടുവർഷം മുമ്പ്‌ ബിഷപ്പൻമാ​രു​ടെ ലണ്ടനിലെ ഒരു സമ്മേളനം ന്യൂ​യോർക്ക്‌ പോസ്‌റ​റിൽ രോഷാ​കു​ല​മായ ഒരു മുഖ​പ്ര​സം​ഗം എഴുത​പ്പെ​ടാ​നി​ട​യാ​ക്കി. ഈ സമ്മേള​ന​മാ​യി​രു​ന്നു ലാം​ബെത്ത്‌ കോൺഫ​റൻസ്‌. ആംഗ്ലി​ക്കൻകൂ​ട്ടാ​യ്‌മ​യി​ലെ 500ൽപരം ബിഷപ്പൻമാർ അതിൽ ഹാജരാ​യി. “മററു സകല വഴിക​ളും അടഞ്ഞ​പ്പോൾ നീതി ലഭിക്കാ​നുള്ള ഏക മാർഗ്ഗ​മെന്ന നിലയിൽ സായു​ധ​പോ​രാ​ട്ട​ത്തി​ന്റെ മാർഗ്ഗം തെര​ഞ്ഞെ​ടുത്ത” ജനത്തെ സംബന്ധിച്ച ഗ്രാഹ്യം പ്രകട​മാ​ക്കി​ക്കൊണ്ട്‌ കോൺഫ​റൻസ്‌ പാസാ​ക്കിയ പ്രമേ​യ​മാ​യി​രു​ന്നു രോഷം ജ്വലി​പ്പി​ച്ചത്‌.

² ഇത്‌ ഫലത്തിൽ ഭീകര​പ്ര​വർത്ത​ന​ത്തി​ന്റെ അംഗീ​കാ​ര​മാ​ണെന്ന്‌ പോസ്‌ററ്‌ പറയു​ക​യു​ണ്ടാ​യി. എന്നിരു​ന്നാ​ലും, ബിഷപ്പൻമാർ കേവലം വളർന്നു​വ​രുന്ന ഒരു പ്രവണ​തയെ പിന്തു​ട​രു​ക​യാ​യി​രു​ന്നു. അവരുടെ മനോ​ഭാ​വം ആഫ്രി​ക്കയെ വിമോ​ചി​പ്പി​ക്കു​ന്ന​തി​നുള്ള ഏററവും സത്വര​മായ, ഏററവും തിട്ടമുള്ള, ഏററവും സുരക്ഷി​ത​മായ, മാർഗ്ഗ​മാ​യി ഗറില്ലാ യുദ്ധത്തെ ശുപാർശ​ചെയ്‌ത ഘാനാ​യി​ലെ കത്തോ​ലി​ക്കാ​പു​രോ​ഹി​ത​ന്റേ​തിൽനിന്ന്‌ വ്യത്യ​സ്‌ത​മാ​യി​രു​ന്നില്ല. അല്ലെങ്കിൽ “വിമോ​ച​ന​യു​ദ്ധത്തെ കഠിന​മായ അറുതി​യോ​ളം” കൊണ്ടു​പോ​കാൻ പ്രതി​ജ്ഞ​യെ​ടുത്ത ആഫ്രിക്കൻ മെതോ​ഡി​സ്‌റ​റ്‌ബി​ഷ​പ്പി​ന്റെ​യോ അല്ലെങ്കിൽ ഏഷ്യയി​ലും സൗത്ത്‌ അമേരി​ക്ക​യി​ലും സുസ്ഥാ​പി​ത​ഗ​വൺമെൻറു​കൾക്കെ​തി​രെ വിമത​രോ​ടു​ചേർന്ന്‌ പോരാ​ടി​യി​രി​ക്കുന്ന ക്രൈ​സ്‌ത​വ​ലോ​ക​ത്തി​ലെ അനേകം മിഷന​റി​മാ​രു​ടെ​യോ മനോ​ഭാ​വ​ത്തിൽനിന്ന്‌ വ്യത്യ​സ്‌തമല്ല.

സത്യ​ക്രി​സ്‌ത്യാ​നി​കൾ ‘അധികാ​ര​ങ്ങ​ളോട്‌ എതിർക്കു’ന്നില്ല

3, 4. (എ) വിപ്ലവത്തെ പ്രോൽസാ​ഹി​പ്പി​ക്കുന്ന നാമ​ധേ​യ​ക്രി​സ്‌ത്യാ​നി​കൾ ഏതു തത്വങ്ങളെ ലംഘി​ക്കു​ന്നു? (ബി) യഹോ​വ​യു​ടെ സാക്ഷി​ക​ളെ​സം​ബ​ന്ധിച്ച്‌ ഒരു വ്യക്തി എന്തു കണ്ടുപി​ടി​ച്ചു?

³ ഒന്നാം നൂററാ​ണ്ടിൽ, തന്റെ അനുഗാ​മി​കളെ സംബന്ധിച്ച്‌ “ഞാൻ ലോക​ത്തി​ന്റെ ഭാഗമ​ല്ലാ​ത്ത​തു​പോ​ലെ, അവർ ലോക​ത്തി​ന്റെ ഭാഗമല്ല” എന്ന്‌ യേശു പറഞ്ഞു. (യോഹ​ന്നാൻ 17:14) വിപ്ലവത്തെ പ്രോൽസാ​ഹി​പ്പി​ക്കുന്ന ഏതു നാമ​ധേ​യ​ക്രി​സ്‌ത്യാ​നി​യും വളരെ​യ​ധി​ക​മാ​യി ലോക​ത്തി​ന്റെ ഭാഗമാണ്‌. അയാൾ യേശു​വി​ന്റെ ഒരു അനുഗാ​മി​യല്ല; അയാൾ “ശ്രേഷ്‌ഠാ​ധി​കാ​ര​ങ്ങൾക്കു കീഴ്‌പ്പെ​ടു​ന്നു”മില്ല. (റോമർ 13:1) അയാൾ “അധികാ​ര​ത്തോട്‌ എതിർക്കു​ന്നവൻ ദൈവ​ത്തി​ന്റെ ക്രമീ​ക​ര​ണ​ത്തി​നെ​തി​രായ ഒരു നില സ്വീക​രി​ച്ചി​രി​ക്കു​ന്നു; അതി​നെ​തി​രായ നില സ്വീക​രി​ച്ചി​രി​ക്കു​ന്നവർ ന്യായ​വി​ധി പ്രാപി​ക്കും” എന്ന അപ്പോ​സ്‌ത​ലന്റെ മുന്നറി​യിപ്പ്‌ അനുസ​രി​ക്കു​ന്നത്‌ നല്ലതാണ്‌.—റോമർ 13:2.

⁴ ക്രൈ​സ്‌ത​വ​ലോ​ക​ത്തി​ലെ അനേക​രിൽനിന്ന്‌ വ്യത്യ​സ്‌ത​മാ​യി, യഹോ​വ​യു​ടെ സാക്ഷി​കൾക്ക്‌ സായുധ അക്രമ​വു​മാ​യി ഇടപാ​ടു​ക​ളില്ല. യൂറോ​പ്പി​ലെ ഒരു മനുഷ്യൻ ഇതു കണ്ടുപി​ടി​ച്ചു. അയാൾ ഇങ്ങനെ എഴുതി: “മതവും രാഷ്‌ട്രീ​യ​വും​കൂ​ടെ ഉളവാ​ക്കി​യി​രി​ക്കു​ന്നതു കണ്ടതി​നാൽ സ്ഥാപി​ത​സാ​മൂ​ഹി​ക​ക്ര​മത്തെ തകിടം​മ​റി​ക്കാൻ ഞാൻ അർപ്പി​ത​നാ​യി. ഞാൻ ഒരു കൂട്ടം ഭീകര​പ്ര​വർത്ത​ക​രോ​ടു ചേർന്ന്‌ സകലതരം ആയുധ​ങ്ങ​ളും കൈകാ​ര്യം​ചെ​യ്യാ​നുള്ള പരിശീ​ലനം നേടി. ഞാൻ അനേകം സായു​ധ​കൊ​ള്ള​ക​ളിൽ പങ്കെടു​ത്തു. എന്റെ ജീവൻ നിരന്തരം അപകട​ത്തി​ലാ​യി​രു​ന്നു. കാലം കഴിഞ്ഞ​തോ​ടെ ഞങ്ങൾ പരാജ​യ​പ്പെ​ടുന്ന ഒരു യുദ്ധത്തി​ലാണ്‌ ഏർപ്പെ​ട്ടി​രി​ക്കു​ന്ന​തെന്ന്‌ തെളിഞ്ഞു. ഞാൻ ജീവി​ത​ത്തിൽ തികഞ്ഞ നിരാ​ശ​പി​ടി​പെട്ട ഭഗ്നാശ​നായ ഒരു മനുഷ്യ​നാ​യി​രു​ന്നു. അങ്ങനെ​യി​രി​ക്കെ, ഒരു സാക്ഷി ഞങ്ങളുടെ വാതിൽക്കൽ മുട്ടി. അവർ ദൈവ​രാ​ജ്യ​ത്തെ​ക്കു​റിച്ച്‌ എന്നോടു പറഞ്ഞു. ഇത്‌ സമയന​ഷ്ട​മാ​ണെന്ന്‌ ശഠിച്ചു​കൊണ്ട്‌ എന്റെ ഭാര്യ ശ്രദ്ധി​ക്ക​ട്ടെ​യെന്ന്‌ ഞാൻ നിർദ്ദേ​ശി​ച്ചു. അവൾ ശ്രദ്ധിച്ചു. ഒരു ഭവന​ബൈ​ബി​ള​ദ്ധ്യ​യനം തുടങ്ങി. ഒടുവിൽ, അദ്ധ്യയ​ന​ത്തിൽ സംബന്ധി​ക്കാ​മെന്ന്‌ ഞാൻ സമ്മതിച്ചു. മനുഷ്യ​വർഗ്ഗത്തെ തിൻമ​യി​ലേക്കു തള്ളിവി​ടുന്ന ശക്തി​യെ​ക്കു​റി​ച്ചു മനസ്സി​ലാ​ക്കി​യ​പ്പോൾ എനിക്ക​നു​ഭ​വ​പ്പെട്ട ആശ്വാസം വിവരി​ക്കാൻ വാക്കുകൾ കിട്ടു​ന്നില്ല. അത്ഭുത​ക​ര​മായ രാജ്യ​വാ​ഗ്‌ദത്തം എനിക്ക്‌ നിലനിൽക്കുന്ന പ്രത്യാ​ശ​യും ജീവി​ത​ത്തിൽ ഒരു ഉദ്ദേശ്യ​വും നൽകി​യി​രി​ക്കു​ന്നു.”

5. ക്രിസ്‌ത്യാ​നി​കൾ സമാധാ​ന​പൂർവം ശ്രേഷ്‌ഠാ​ധി​കാ​ര​ങ്ങൾക്കു കീഴ്‌പ്പെ​ട്ടി​രി​ക്കു​ന്ന​തെ​ന്തു​കൊണ്ട്‌, ഇത്‌ എന്നുവരെ സത്യമാ​യി​രി​ക്കും?

⁵ ക്രിസ്‌ത്യാ​നി​കൾ ദൈവ​ത്തി​ന്റെ​യും ക്രിസ്‌തു​വി​ന്റെ​യും സ്ഥാനപ​തി​കൾ അഥവാ സന്ദേശ​വാ​ഹ​ക​രാണ്‌. (യെശയ്യാവ്‌ 61:1, 2; 2 കൊരി​ന്ത്യർ 5:20; എഫേസ്യർ 6:19, 20) അങ്ങനെ​യാ​ക​യാൽ അവർ ഈ ലോക​ത്തി​ലെ പോരാ​ട്ട​ങ്ങ​ളിൽ നിഷ്‌പ​ക്ഷ​രാ​യി നില​കൊ​ള്ളു​ന്നു. ചില രാഷ്‌ട്രീ​യ​വ്യ​വ​സ്ഥി​തി​കൾ മററു​ള്ള​വ​യെ​ക്കാൾ സാമ്പത്തി​ക​മാ​യി കൂടുതൽ വിജയ​പ്ര​ദ​മാ​ണെന്ന്‌ കാണ​പ്പെ​ട്ടാ​ലും, ചിലത്‌ മററു ചിലതി​നെ​ക്കാൾ സ്വാത​ന്ത്ര്യം അനുവ​ദി​ക്കു​ന്നു​വെ​ങ്കി​ലും, ക്രിസ്‌ത്യാ​നി​കൾ ഒരു വ്യവസ്ഥി​തി​യെ മറെറാ​ന്നി​നെ​ക്കാൾ നല്ലതെന്ന നിലയിൽ പ്രോൽസാ​ഹി​പ്പി​ക്കു​ക​യോ സ്ഥാനം കൊടു​ക്കു​ക​യോ ചെയ്യു​ന്നില്ല. എല്ലാ വ്യവസ്ഥി​തി​ക​ളും അപൂർണ്ണ​മാ​ണെന്ന്‌ അവർക്ക​റി​യാം. ദൈവ​രാ​ജ്യം ഏറെറ​ടു​ക്കു​ന്ന​തു​വരെ ഇവ തുടർന്നു സ്ഥിതി​ചെ​യ്യ​ണ​മെ​ന്നു​ള്ളത്‌ “ദൈവ​ത്തി​ന്റെ ക്രമീ​കരണ”മാണ്‌. (ദാനി​യേൽ 2:44) അതു​കൊണ്ട്‌, ക്രിസ്‌ത്യാ​നി​കൾ രാജ്യ​ത്തി​ന്റെ സുവാർത്ത പ്രസം​ഗി​ച്ചു​കൊണ്ട്‌ മററു​ള്ള​വ​രു​ടെ നിത്യ​ക്ഷേ​മത്തെ പ്രോൽസാ​ഹി​പ്പി​ക്കവേ ശ്രേഷ്‌ഠാ​ധി​കാ​ര​ങ്ങൾക്ക്‌ സമാധാ​ന​പൂർവം കീഴ്‌പ്പെ​ട്ടി​രി​ക്കു​ന്നു.—മത്തായി 24:14; 1 പത്രോസ്‌ 3:11, 12.

നിയമ​മ​നു​സ​രി​ക്കൽ

6. “മുഴു​ലോ​ക​വും ദുഷ്ടനാ​യ​വന്റെ അധികാ​ര​ത്തിൽ കിടക്കു​ന്നു”വെങ്കി​ലും അനേകം മാനുഷ നിയമങ്ങൾ നല്ലതാ​യി​രി​ക്കു​ന്ന​തെ​ന്തു​കൊണ്ട്‌?

⁶ ദേശീ​യ​ഗ​വൺമെൻറു​കൾ നിയമ​പ​ദ്ധ​തി​കൾ ഏർപ്പെ​ടു​ത്തു​ന്നു. ഈ നിയമ​ങ്ങ​ളിൽ മിക്കതും നല്ലതാണ്‌. “മുഴു​ലോ​ക​വും ദുഷ്ടനാ​യ​വന്റെ അധികാ​ര​ത്തിൽ കിടക്കു​ന്നു”വെന്ന വസ്‌തു​ത​യു​ടെ വീക്ഷണ​ത്തിൽ ഇതു നമ്മെ ആശ്ചര്യ​പ്പെ​ടു​ത്ത​ണ​മോ? (1 യോഹാ​ന്നാൻ 5:19) വേണ്ട. യഹോവ നമ്മുടെ ആദ്യപി​താ​വായ ആദാമിന്‌ ഒരു മനഃസാ​ക്ഷി കൊടു​ത്തു. ശരിയും തെററും സംബന്ധിച്ച ഈ നൈസർഗ്ഗി​ക​ബോ​ധം പല വിധങ്ങ​ളിൽ മനുഷ്യ​നി​യ​മ​ങ്ങ​ളിൽ പ്രതി​ഫ​ലി​ക്കു​ന്നു. (റോമർ 2:13-16) ഒരു പുരാതന ബാബി​ലോ​ന്യ നിയമ​ദാ​താ​വാ​യി​രുന്ന ഹമുറാ​ബി പിൻവ​രു​ന്ന​പ്ര​കാ​രം തന്റെ നിയമ​സം​ഹി​തക്ക്‌ ആമുഖ​മെ​ഴു​തി: “ആ സമയത്ത്‌ [അവർ] ഹമുറാ​ബി​യായ എന്നെ, ഭക്തനും ദൈവ​ഭ​യ​മുള്ള പ്രഭു​വു​മായ എന്നെ, ജനക്ഷേ​മത്തെ പ്രോൽസാ​ഹി​പ്പി​ക്കാൻ, ദേശത്ത്‌ നീതി പ്രാബ​ല്യ​ത്തി​ലാ​ക്കാൻ, ബലവാൻ ബലഹീ​നനെ ഞെരു​ക്കാ​തി​രി​ക്കാൻ ദുഷ്ട​നെ​യും തിൻമ​യെ​യും നശിപ്പി​ക്കാൻ, നിയോ​ഗി​ച്ചു.”

7. ആരെങ്കി​ലും നിയമം ലംഘി​ക്കു​ന്നു​വെ​ങ്കിൽ, ആർക്ക്‌ അയാളെ ശിക്ഷി​ക്കാ​നുള്ള അധികാ​ര​മുണ്ട്‌, എന്തു​കൊണ്ട്‌?

⁷ തങ്ങളുടെ നിയമ​ങ്ങ​ളു​ടെ ഉദ്ദേശ്യം സമാന​മാ​ണെന്ന്‌ മിക്ക ഗവൺമെൻറു​ക​ളും പറയും: പൗരൻമാ​രു​ടെ ക്ഷേമവും സമുദാ​യ​ത്തി​ലെ സൽക്ര​മ​വും പ്രോൽസാ​ഹി​പ്പി​ക്കു​ക​യെ​ന്ന​തു​തന്നെ. അതു​കൊണ്ട്‌, കൊല​പാ​ത​ക​വും മോഷ​ണ​വും പോ​ലെ​യുള്ള സാമൂ​ഹ്യ​വി​രു​ദ്ധ​പ്ര​വൃ​ത്തി​കൾക്ക്‌ അവർ ശിക്ഷകൽപ്പി​ക്കു​ന്നു, വേഗപ​രി​ധി​ക​ളും പാർക്കിംഗ്‌ നിയമ​ങ്ങ​ളും പോ​ലെ​യുള്ള നിബന്ധ​നകൾ ഏർപ്പെ​ടു​ത്തു​ക​യും ചെയ്യുന്നു. അവരുടെ നിയമ​ങ്ങളെ മനഃപൂർവം ലംഘി​ക്കുന്ന ഏവനും അധികാ​ര​ത്തി​നെ​തി​രായ നില സ്വീക​രി​ക്കു​ന്നു, “ന്യായ​വി​ധി പ്രാപി​ക്കു​ക​യും ചെയ്യും.” ആരിൽനി​ന്നുള്ള ന്യായ​വി​ധി? അവശ്യം ദൈവ​ത്തിൽനി​ന്നുള്ള ന്യായ​വി​ധി ആയിരി​ക്കു​ക​യില്ല. ന്യായ​വി​ധി എന്ന്‌ ഇവിടെ ഭാഷാ​ന്തരം ചെയ്‌തി​രി​ക്കുന്ന ഗ്രീക്ക്‌പ​ദ​ത്തിന്‌ യഹോ​വ​യിൽനി​ന്നുള്ള ന്യായ​വി​ധി​ക്കു​പ​കരം സാമൂ​ഹിക നടപടി​കളെ പരാമർശി​ക്കാൻ കഴിയും. (1 കൊരി​ന്ത്യർ 6:7 താരത​മ്യ​പ്പെ​ടു​ത്തുക.) ആരെങ്കി​ലും നിയമ​വി​രു​ദ്ധ​മാ​യി പ്രവർത്തി​ക്കു​ന്നു​വെ​ങ്കിൽ, അയാളെ ശിക്ഷി​ക്കാ​നുള്ള അധികാ​രം ശ്രേഷ്‌ഠാ​ധി​കാ​ര​ങ്ങൾക്കുണ്ട്‌.

8. ഒരു അംഗം ഗൗരവ​മുള്ള ഒരു കുററ​കൃ​ത്യം ചെയ്യു​ന്നു​വെ​ങ്കിൽ സഭ എങ്ങനെ പ്രതി​വർത്തി​ക്കും?

⁸ യഹോ​വ​യു​ടെ സാക്ഷി​കൾക്ക്‌ മനുഷ്യാ​ധി​കാ​ര​ങ്ങളെ എതിർക്കാ​ത്ത​തി​ന്റെ സൽക്കീർത്തി​യുണ്ട്‌. സഭയിലെ ഒരു വ്യക്തി നിയമം ലംഘി​ക്കു​ക​തന്നെ ചെയ്യു​ന്നു​വെ​ങ്കിൽ, നിയമ​പ​ര​മായ ശിക്ഷയെ ഒഴിഞ്ഞു​പോ​കാൻ സഭ അയാളെ സഹായി​ക്കു​ക​യില്ല. ആരെങ്കി​ലും മോഷ്ടി​ക്കു​ക​യോ കൊല​ചെ​യ്യു​ക​യോ അപകീർത്തി​പ്പെ​ടു​ത്തു​ക​യോ നികു​തി​വെ​ട്ടി​പ്പു​ന​ട​ത്തു​ക​യോ ബലാൽസം​ഗം നടത്തു​ക​യോ വഞ്ചിക്കു​ക​യോ നിയമ​വി​രുദ്ധ മയക്കു​മ​രു​ന്നു​കൾ ഉപയോ​ഗി​ക്കു​ക​യോ അല്ലെങ്കിൽ ഏതെങ്കി​ലും വിധത്തിൽ നിയമ​പ​ര​മായ അധികാ​രത്തെ എതിർക്കു​ക​യോ ചെയ്യു​ന്നു​വെ​ങ്കിൽ അയാൾ സഭയിൽനി​ന്നുള്ള കഠിന​മായ ശിക്ഷണത്തെ അഭിമു​ഖീ​ക​രി​ക്കും—ലൗകി​കാ​ധി​കാ​രി​ക​ളാൽ ശിക്ഷി​ക്ക​പ്പെ​ടു​മ്പോൾ പീഡി​പ്പി​ക്ക​പ്പെ​ടു​ക​യാ​ണെന്ന്‌ അയാൾ വിചാ​രി​ക്ക​രുത്‌.—1 കൊരി​ന്ത്യർ 5:12, 13; 1 പത്രോസ്‌ 2:13-17, 20.

ഒരു ഭയവി​ഷ​യം

9. നിയമ​വി​രു​ദ്ധ​ഘ​ട​ക​ങ്ങ​ളാൽ ഭീഷണി​പ്പെ​ടു​ത്ത​പ്പെ​ടു​മ്പോൾ ക്രിസ്‌ത്യാ​നി​കൾക്ക്‌ ഉചിത​മാ​യി എന്തിനെ ആശ്രയി​ക്കാം?

⁹ “എന്തെന്നാൽ ഭരിക്കു​ന്നവർ സൽപ്ര​വൃ​ത്തി​ക്കല്ല, പിന്നെ​യോ ദുഷ്‌പ്ര​വൃ​ത്തിക്ക്‌ ഒരു ഭയവി​ഷ​യ​മാ​കു​ന്നു. അപ്പോൾ, നീ അധികാ​രത്തെ ഭയപ്പെ​ടാ​തി​രി​ക്കാ​നാ​ഗ്ര​ഹി​ക്കുന്നു​വോ? നൻമ ചെയ്‌തു​കൊ​ണ്ടി​രി​ക്കുക, നിനക്ക്‌ അതിൽനിന്ന്‌ പ്രശം​സ​യു​ണ്ടാ​കും” എന്നു പറഞ്ഞു​കൊണ്ട്‌ പൗലോസ്‌ ശ്രേഷ്‌ഠാ​ധി​കാ​ര​ങ്ങ​ളെ​ക്കു​റി​ച്ചുള്ള തന്റെ ചർച്ച തുടരു​ന്നു. (റോമർ 13:3) അധികാ​രി​യിൽനി​ന്നുള്ള ശിക്ഷയെ ഭയപ്പെ​ടേ​ണ്ടത്‌ വിശ്വ​സ്‌ത​രായ ക്രിസ്‌ത്യാ​നി​കളല്ല, പിന്നെ​യൊ ദുഷ്‌പ്ര​വൃ​ത്തി​ക്കാ​രാണ്‌, ‘ദുഷ്‌പ്ര​വൃ​ത്തി​കൾ,’ കുററ​കൃ​ത്യ​ങ്ങൾ, ചെയ്യു​ന്ന​വ​രാണ്‌. അങ്ങനെ​യുള്ള നിയമ​ര​ഹി​ത​ഘ​ട​ക​ങ്ങ​ളാൽ ഭീഷണി​പ്പെ​ടു​ത്ത​പ്പെ​ടു​മ്പോൾ യഹോ​വ​യു​ടെ സാക്ഷി​കൾക്ക്‌ ഉചിത​മാ​യി പൊലീസ്‌ സംരക്ഷ​ണ​മോ പട്ടാള സംരക്ഷ​ണ​മോ അധികാ​രി​യിൽനിന്ന്‌ സ്വീക​രി​ക്കാ​വു​ന്ന​താണ്‌.—പ്രവൃ​ത്തി​കൾ 23:12-22.

10. യഹോ​വ​യു​ടെ സാക്ഷി​കൾക്ക്‌ അധികാ​ര​ത്തിൽനിന്ന്‌ ‘പ്രശംസ ലഭിച്ചി​രി​ക്കു​ന്നത്‌’ എങ്ങനെ?

¹⁰ ശ്രേഷ്‌ഠാ​ധി​കാ​ര​ത്തി​ന്റെ നിയമ​മ​നു​സ​രി​ക്കുന്ന ക്രിസ്‌ത്യാ​നി​യോട്‌ പൗലോസ്‌ പറയുന്നു: “നിനക്ക്‌ അതിൽനിന്ന്‌ പ്രശം​സ​യു​ണ്ടാ​കും.” ഇതിന്റെ ഒരു ദൃഷ്ടാ​ന്ത​മെന്ന നിലയിൽ, ബ്രസീ​ലിൽ തങ്ങളുടെ ഡിസ്‌ത്രി​ക്‌ററ്‌ കൺ​വെൻ​ഷ​നു​ശേഷം യഹോ​വ​യു​ടെ സാക്ഷി​കൾക്ക്‌ കിട്ടിയ ചില എഴുത്തു​കൾ പരിചി​ന്തി​ക്കുക. ഒരു മുനി​സി​പ്പൽ സ്‌പോർട്ട്‌സ്‌ഡി​പ്പാർട്ടു​മെൻറ്‌ ചാൻസ​ല​റിൽനിന്ന്‌: “നിങ്ങളു​ടെ സമാധാ​ന​പൂർവ​ക​മായ നടത്ത ഏററവും ഉയർന്ന പ്രശംസ അർഹി​ക്കു​ന്നു. ഇന്നത്തെ അസ്വസ്ഥ​മായ ലോക​ത്തിൽ ഇത്ര​യേറെ ആളുകൾ ഇപ്പോ​ഴും ദൈവ​ത്തിൽ വിശ്വ​സി​ക്കു​ക​യും ദൈവത്തെ ആരാധി​ക്കു​ക​യും ചെയ്യു​ന്നു​വെ​ന്ന​റി​യു​ന്നത്‌ ആശ്വാ​സ​ക​ര​മാണ്‌.” ഒരു സ്‌റേ​റ​ഡി​യ​ത്തി​ന്റെ ഡയറക്‌റ​റ​റിൽനിന്ന്‌: “വളരെ വലിയ സംഖ്യ ഹാജരാ​യി​ട്ടും കുററ​മററ സംഘാ​ടനം നിമിത്തം സമ്മേള​നത്തെ കളങ്ക​പ്പെ​ടു​ത്താൻ യാതൊ​രു സംഭവ​വും രേഖ​പ്പെ​ടു​ത്ത​പ്പെ​ട്ടില്ല.” ഒരു മേയറു​ടെ ഓഫീ​സിൽനിന്ന്‌: “നിങ്ങളു​ടെ ക്രമ​ത്തെ​യും അത്‌ഭു​ത​ക​ര​വും സ്വതഃ​പ്രേ​രി​ത​വു​മായ ശിക്ഷണ​ത്തെ​യും അഭിന​ന്ദി​ക്കാൻ ഞങ്ങൾ ഈ അവസരം ഉപയോ​ഗി​ക്കു​ക​യാണ്‌. ഭാവി സമ്മേള​ന​ങ്ങ​ളിൽ ഞങ്ങൾ നിങ്ങൾക്ക്‌ സകല വിജയ​വും നേരുന്നു.”

11. സുവാർത്താ​പ്ര​സം​ഗം ഏതെങ്കി​ലും പ്രകാ​ര​ത്തിൽ ഒരു ദുഷ്‌പ്ര​വൃ​ത്തി​യാ​ണെന്ന്‌ പറയാൻ കഴിയാ​ത്ത​തെ​ന്തു​കൊണ്ട്‌?

¹¹ “സൽപ്ര​വൃ​ത്തി” എന്ന പദം ശ്രേഷ്‌ഠാ​ധി​കാ​ര​ങ്ങ​ളു​ടെ നിയമ​ങ്ങ​ളോ​ടുള്ള അനുസ​ര​ണ​ത്തി​ന്റെ പ്രവൃ​ത്തി​കളെ പരാമർശി​ക്കു​ന്നു. കൂടാതെ, മനുഷ്യ​നാ​ലല്ല, ദൈവ​ത്താൽ കല്‌പി​ക്ക​പ്പെട്ട നമ്മുടെ പ്രസം​ഗ​വേല ഒരു ദുഷ്‌പ്ര​വൃ​ത്തി​യല്ല—ഇത്‌ രാഷ്‌ട്രീ​യാ​ധി​കാ​രങ്ങൾ അംഗീ​ക​രി​ക്കേണ്ട ഒരു പോയിൻറാണ്‌. അത്‌ പ്രതി​ക​രി​ക്കു​ന്ന​വ​രു​ടെ ധാർമ്മി​ക​സ്വ​ഭാ​വത്തെ ഉന്നമി​പ്പി​ക്കുന്ന ഒരു പൊതു​ജ​ന​സേ​വ​ന​മാണ്‌. അതു​കൊണ്ട്‌, ശ്രേഷ്‌ഠാ​ധി​കാ​രങ്ങൾ മററു​ള്ള​വ​രോ​ടു പ്രസം​ഗി​ക്കാ​നുള്ള നമ്മുടെ അവകാ​ശത്തെ സംരക്ഷി​ക്കു​മെ​ന്നാണ്‌ നമ്മുടെ പ്രത്യാശ. സുവാർത്താ​പ്ര​സം​ഗത്തെ നിയമ​പ​ര​മാ​യി സ്ഥാപി​ക്കാൻ പൗലോസ്‌ അധികാ​ര​ങ്ങ​ളോട്‌ അഭ്യർത്ഥി​ച്ചു. (പ്രവൃ​ത്തി​കൾ 16:35-40; 25:8-12; ഫിലി​പ്പി​യർ 1:7) അടുത്ത കാലത്ത്‌ ഈസ്‌ററ്‌ ജർമ്മനി​യി​ലും ഹംഗറി​യി​ലും പോള​ണ്ടി​ലും റുമേ​നി​യാ​യി​ലും ബനൈ​നി​ലും മ്യാൻമാ​റി​ലും (ബർമ്മ) യഹോ​വ​യു​ടെ സാക്ഷികൾ തങ്ങളുടെ വേലക്ക്‌ നിയമ​പ​ര​മായ അംഗീ​കാ​രം​നേ​ടാൻ ശ്രമി​ക്കു​ക​യും നേടു​ക​യും​ചെ​യ്‌തു.

“അത്‌ ദൈവ​ത്തി​ന്റെ ശുശ്രൂ​ഷ​ക​നാ​കു​ന്നു”

12-14. ശ്രേഷ്‌ഠാ​ധി​കാ​രങ്ങൾ (എ) ബൈബിൾകാ​ല​ങ്ങ​ളിൽ (ബി) ആധുനി​ക​കാ​ല​ങ്ങ​ളിൽ ദൈവ​ത്തി​ന്റെ ശുശ്രൂ​ഷ​ക​നാ​യി പ്രവർത്തി​ച്ചി​ട്ടു​ള്ള​തെ​ങ്ങനെ?

¹² ലൗകി​കാ​ധി​കാ​ര​ത്തെ​ക്കു​റി​ച്ചു സംസാ​രി​ച്ചു​കൊണ്ട്‌ പൗലോസ്‌ തുടരു​ന്നു: “അത്‌ നിന്റെ നൻമക്കു​വേണ്ടി ദൈവ​ത്തി​ന്റെ ശുശ്രൂ​ഷ​ക​നാ​കു​ന്നു. എന്നാൽ നീ തിൻമ​ചെ​യ്യു​ക​യാ​ണെ​ങ്കിൽ ഭയപ്പെ​ടുക: എന്തെന്നാൽ അത്‌ വാൾ വഹിക്കു​ന്നത്‌ ഉദ്ദേശ്യ​മി​ല്ലാ​തെയല്ല; എന്തെന്നാൽ അത്‌ ദൈവ​ത്തി​ന്റെ ശുശ്രൂ​ഷ​ക​നാ​കു​ന്നു, തിൻമ​ചെ​യ്‌തു​കൊ​ണ്ടി​രി​ക്കു​ന്ന​വ​ന്റെ​മേൽ ക്രോധം പ്രകടി​പ്പി​ക്കാ​നുള്ള ഒരു പ്രതി​കാ​ര​കൻതന്നെ.”—റോമർ 13:4.

¹³ ദേശീ​യാ​ധി​കാ​രങ്ങൾ ചില സമയങ്ങ​ളിൽ പ്രത്യേക വിധങ്ങ​ളിൽ ദൈവ​ത്തി​ന്റെ ശുശ്രൂ​ഷ​ക​നാ​യി സേവി​ച്ചി​ട്ടുണ്ട്‌. കോ​രേശ്‌ ബാബി​ലോ​ണിൽനിന്ന്‌ മടങ്ങി​വന്ന്‌ ദൈവ​ത്തി​ന്റെ ആലയം പുനർനിർമ്മി​ക്കാൻ യഹൂദൻമാ​രെ ആഹ്വാ​നം​ചെ​യ്‌ത​പ്പോൾ അങ്ങനെ ചെയ്യു​ക​യു​ണ്ടാ​യി. (എസ്രാ 1:1-4; യെശയ്യാവ്‌ 44:28) ആ ആലയത്തി​ന്റെ പുനർനിർമ്മാ​ണ​ത്തി​നു​വേണ്ടി അർത്ഥഹ്‌ശ​ഷ്ടാവ്‌ ഒരു സംഭാ​വ​ന​യു​മാ​യി എസ്രായെ അയച്ച​പ്പോ​ഴും പിന്നീട്‌ അവൻ യരൂശ​ലേ​മി​ന്റെ മതിലു​കൾ പുനർനിർമ്മി​ക്കാൻ നെഹെ​മ്യാ​വി​നെ നിയോ​ഗി​ച്ച​പ്പോ​ഴും അവൻ ദൈവ​ത്തി​ന്റെ ശുശ്രൂ​ഷ​ക​നാ​യി​രു​ന്നു. (എസ്രാ 7:11-26; 8:25-30; നെഹെ​മ്യാവ്‌ 2:1-8) റോമൻ ശ്രേഷ്‌ഠാ​ധി​കാ​രം പൗലോ​സി​നെ യരൂശ​ലേ​മി​ലെ ജനക്കൂ​ട്ട​ത്തിൽനിന്ന്‌ വിടു​വി​ക്കു​ക​യും കപ്പൽചേ​ത​ത്തി​ന്റെ സമയത്ത്‌ അവനെ രക്ഷിക്കു​ക​യും റോമാ​യിൽ അവന്‌ സ്വന്തം വീടു​ണ്ടാ​യി​രി​ക്കാൻ ക്രമീ​ക​രി​ക്കു​ക​യും ചെയ്‌ത​പ്പോൾ അങ്ങനെ സേവി​ക്കു​ക​യാ​ണു​ണ്ടാ​യത്‌.—പ്രവൃ​ത്തി​കൾ 21:31, 32; 28:7-10, 30, 31.

¹⁴ സമാന​മാ​യി, ആധുനി​ക​കാ​ല​ങ്ങ​ളി​ലും ലൗകി​കാ​ധി​കാ​രങ്ങൾ ദൈവ​ത്തി​ന്റെ ശുശ്രൂ​ഷ​ക​നാ​യി സേവി​ച്ചി​ട്ടുണ്ട്‌. ദൃഷ്ടാ​ന്ത​ത്തിന്‌, 1959-ൽ കാനഡാ​യി​ലെ സുപ്രീം കോടതി ക്യൂ​ബെ​ക്കിൽ രാജ്യ​ദ്രോ​ഹ​പ​ര​വും അപകീർത്തി​ക​ര​വു​മായ ദൂഷണം പ്രസി​ദ്ധ​പ്പെ​ടു​ത്തി​യ​താ​യി ആരോ​പി​ക്ക​പ്പെട്ട യഹോ​വ​യു​ടെ സാക്ഷി​ക​ളി​ലൊ​രാൾ കുററ​ക്കാ​ര​ന​ല്ലെന്ന്‌ വിധിച്ചു—അങ്ങനെ ക്യൂ​ബെ​ക്കി​ലെ പ്രധാ​ന​മ​ന്ത്രി​യാ​യി​രുന്ന മോറിസ്‌ ഡ്യൂ​പ്ലെ​സി​സി​ന്റെ മുൻവി​ധി​ക്കെ​തി​രാ​യി​ത്തന്നെ.

15. അധികാ​രങ്ങൾ ഏതു പൊതു​വി​ധ​ത്തിൽ ദൈവ​ത്തി​ന്റെ ശുശ്രൂ​ഷകൻ ആയിരി​ക്കു​ന്നു, ഇത്‌ അവർക്ക്‌ ഏതവകാ​ശം കൊടു​ക്കു​ന്നു?

¹⁵ കൂടാതെ, ദൈവ​രാ​ജ്യം ഉത്തരവാ​ദി​ത്തം ഏറെറ​ടു​ക്കു​ന്ന​തു​വരെ പൊതു​ക്രമം സംരക്ഷി​ച്ചു​കൊണ്ട്‌ ദേശീ​യ​ഗ​വൺമെൻറു​കൾ ഒരു പൊതു​വി​ധ​ത്തിൽ ദൈവ​ത്തി​ന്റെ ശുശ്രൂ​ഷ​ക​നാ​യി സേവി​ക്കു​ന്നു. പൗലോസ്‌ പറയു​ന്ന​പ്ര​കാ​രം ഈ ലക്ഷ്യത്തിൽ അധികാ​രം “വാൾ വഹിക്കു​ന്നു,” ശിക്ഷ​കൊ​ടു​ക്കാ​നുള്ള അധികാ​ര​ത്തെ​യാണ്‌ വാൾ പ്രതീ​ക​പ്പെ​ടു​ത്തു​ന്നത്‌. സാധാ​ര​ണ​യാ​യി, ഇതിൽ തടവി​ലാ​ക്ക​ലോ പിഴയോ ഉൾപ്പെ​ടു​ന്നു. ചില രാജ്യ​ങ്ങ​ളിൽ അതിൽ വധശി​ക്ഷ​യും ഉൾപ്പെ​ട്ടേ​ക്കാം.a മറിച്ച്‌, അനേകം ജനതകൾ മരണശിക്ഷ വേണ്ടെന്ന്‌ നിശ്ചയി​ച്ചി​രി​ക്കു​ന്നു, അതും അവരുടെ അവകാ​ശ​മാണ്‌.

16. (എ) അധികാ​രം ദൈവ​ത്തി​ന്റെ ശുശ്രൂ​ഷ​ക​നാ​യി​രി​ക്കു​ന്ന​തി​നാൽ ദൈവ​ദാ​സൻമാ​രിൽ ചിലർ എന്തു ചെയ്യു​ന്നത്‌ ഉചിത​മാ​ണെന്ന്‌ പരിഗ​ണി​ച്ചി​രി​ക്കു​ന്നു? (ബി) ഒരു ക്രിസ്‌ത്യാ​നി ഏതുതരം ജോലി സ്വീക​രി​ക്കു​ക​യില്ല, എന്തു​കൊ​ണ്ടില്ല?

¹⁶ ശ്രേഷ്‌ഠാ​ധി​കാ​രങ്ങൾ ദൈവ​ത്തി​ന്റെ ശുശ്രൂ​ഷ​ക​നാ​ണെ​ന്നുള്ള വസ്‌തുത ദാനി​യേ​ലി​നും മൂന്ന്‌ എബ്രാ​യർക്കും നെഹെ​മ്യാ​വി​നും മോർദ്ദ​ഖാ​യി​ക്കും ബാബി​ലോ​ന്യ​ഗ​വൺമെൻറി​ലും പേർഷ്യൻ ഗവൺമെൻറി​ലും ഉത്തരവാ​ദി​ത്ത​മുള്ള സ്ഥാനങ്ങൾ സ്വീക​രി​ക്കാൻ കഴിഞ്ഞ​തെ​ന്തു​കൊ​ണ്ടെന്ന്‌ വിശദീ​ക​രി​ക്കു​ന്നു. അവർക്ക്‌ അങ്ങനെ ദൈവ​ജ​ന​ത്തി​ന്റെ നൻമക്കു​വേണ്ടി സംസ്ഥാ​ന​ത്തി​ന്റെ അധികാ​ര​ത്തോട്‌ അഭ്യർത്ഥി​ക്കാൻ കഴിഞ്ഞു. (നെഹെ​മ്യാവ്‌ 1:11; എസ്ഥേർ 10:3; ദാനി​യേൽ 2:48, 49; 6:1, 2) ഇന്നും ചില ക്രിസ്‌ത്യാ​നി​കൾ ഗവൺമെൻറ്‌ സേവന​ത്തിൽ പ്രവർത്തി​ക്കു​ന്നു. എന്നാൽ അവർ ലോക​ത്തിൽനിന്ന്‌ വേർപെ​ട്ട​വ​രാ​ക​യാൽ അവർ രാഷ്‌ട്രീ​യ​ക​ക്ഷി​ക​ളിൽ ചേരു​ക​യോ രാഷ്‌ട്രീ​യ​പ​ദ​വി​കൾ തേടു​ക​യോ രാഷ്‌ട്രീ​യ​സം​ഘ​ട​ന​ക​ളിൽ നയരൂ​പീ​ക​ര​ണ​സ്ഥാ​നങ്ങൾ സ്വീക​രി​ക്കു​ക​യോ ചെയ്യു​ന്നില്ല.

വിശ്വാ​സ​ത്തി​ന്റെ ആവശ്യം

17. ഏതു സാഹച​ര്യ​ങ്ങൾ അധികാ​ര​ത്തോട്‌ എതിർക്കാൻ ചില അ​ക്രൈ​സ്‌ത​വരെ പ്രേരി​പ്പി​ച്ചേ​ക്കാം?

¹⁷ അധികാ​രം അഴിമ​തി​യെ അല്ലെങ്കിൽ മർദ്ദന​ത്തെ​പ്പോ​ലും പൊറു​ക്കു​ന്നു​വെ​ങ്കി​ലെന്ത്‌? ക്രിസ്‌ത്യാ​നി​കൾ മെച്ച​മെന്നു തോന്നുന്ന മറെറാ​ര​ധി​കാ​രത്തെ പകരം കൊണ്ടു​വ​രാൻ ശ്രമി​ക്ക​ണ​മോ? ശരി, ഗവൺമെൻറി​ന്റെ അനീതി​യും അഴിമ​തി​യും പുതു​തൊ​ന്നു​മല്ല. ഒന്നാം നൂററാ​ണ്ടിൽ റോമാ​സാ​മ്രാ​ജ്യം അടിമത്തം പോ​ലെ​യുള്ള അനീതി​ക​ളു​ടെ​നേരെ കണ്ണടച്ചു. അത്‌ അഴിമ​തി​ക്കാ​രായ ഉദ്യോ​ഗ​സ്ഥൻമാ​രെ​യും പൊറു​ത്തു. വഞ്ചകരാ​യി​രുന്ന നികു​തി​പി​രി​വു​കാ​രെ​ക്കു​റി​ച്ചും നീതി​കെട്ട ന്യായാ​ധി​പ​നെ​ക്കു​റി​ച്ചും കൈക്കൂ​ലി ആഗ്രഹിച്ച ഒരു നാടു​വാ​ഴി​യെ​ക്കു​റി​ച്ചും ബൈബിൾ പറയുന്നു.—ലൂക്കോസ്‌ 3:12, 13; 18:2-5; പ്രവൃ​ത്തി​കൾ 24:26, 27.

18, 19. (എ) ഗവൺമെൻറ്‌ഉ​ദ്യോ​ഗ​സ്ഥൻമാ​രു​ടെ ഭാഗത്ത്‌ അപമര്യാ​ദ​ക​ളോ അഴിമ​തി​യൊ ഉണ്ടെങ്കിൽ ക്രിസ്‌ത്യാ​നി​കൾ എങ്ങനെ പ്രതി​ക​രി​ക്കു​ന്നു? (ബി) ഒരു ചരി​ത്ര​കാ​ര​നാ​ലും അടിയി​ലത്തെ ചതുര​ത്താ​ലും സൂചി​പ്പി​ക്ക​പ്പെ​ടു​ന്ന​പ്ര​കാ​രം ക്രിസ്‌ത്യാ​നി​കൾ വ്യക്തി​ക​ളു​ടെ ജീവി​തത്തെ മെച്ച​പ്പെ​ടു​ത്തി​യി​ട്ടു​ള്ള​തെ​ങ്ങനെ?

¹⁸ ക്രിസ്‌ത്യാ​നി​കൾക്ക്‌ അന്ന്‌ അങ്ങനെ​യുള്ള അപമര്യാ​ദ​കൾക്ക​റു​തി​വ​രു​ത്തു​ന്ന​തിന്‌ ശ്രമി​ക്കാ​മാ​യി​രു​ന്നു, എന്നാൽ അവർ അതു ചെയ്‌തില്ല. ദൃഷ്ടാ​ന്ത​ത്തിന്‌, പൗലോസ്‌ അടിമ​ത്ത​ത്തിന്‌ അറുതി​വ​രു​ത്ത​ണ​മെന്ന്‌ പ്രസം​ഗി​ച്ചില്ല, തങ്ങളുടെ അടിമ​കളെ വിട്ടയ​ക്കാൻ അവൻ അടിമ​ക​ളു​ടെ ക്രിസ്‌ത്യാ​നി​ക​ളായ ഉടമക​ളോട്‌ പറഞ്ഞില്ല. പകരം, അന്യോ​ന്യം ഇടപെ​ടു​മ്പോൾ ക്രിസ്‌തീയ സഹാനു​ഭൂ​തി പ്രകട​മാ​ക്കാൻ അവൻ അടിമ​ക​ളെ​യും അടിമ​ക​ളു​ടെ ഉടമക​ളെ​യും ബുദ്ധി​യു​പ​ദേ​ശി​ച്ചു. (1 കൊരി​ന്ത്യർ 7:20-24; എഫേസ്യർ 6:1-9; ഫിലേ​മോൻ 10-16; കൂടാതെ 1 പത്രോസ്‌ 2:18ഉം കാണുക.) അതു​പോ​ലെ​തന്നെ, ക്രിസ്‌ത്യാ​നി​കൾ വിപ്ലവ​പ്ര​സ്ഥാ​ന​ങ്ങ​ളിൽ ഉൾപ്പെ​ട്ടില്ല. അവർ “സമാധാ​ന​ത്തി​ന്റെ സുവാർത്ത” പ്രസം​ഗി​ക്കു​ന്ന​തിൽ വളരെ തിരക്കു​ള്ളവർ ആയിരു​ന്നു. (പ്രവൃ​ത്തി​കൾ 10:36) ക്രി.വ. 66ൽ ഒരു റോമാ​സൈ​ന്യം യരൂശ​ലേ​മി​നെ ഉപരോ​ധി​ക്കു​ക​യും പിന്നീട്‌ പിൻമാ​റു​ക​യും ചെയ്‌തു. മത്സരി​ക​ളാ​യി​രുന്ന നഗരത്തി​ന്റെ സംരക്ഷ​ക​രോ​ടു​കൂ​ടെ നിൽക്കാ​തെ എബ്രാ​യ​ക്രി​സ്‌ത്യാ​നി​കൾ യേശു​വി​ന്റെ മാർഗ്ഗ​നിർദ്ദേ​ശ​മ​നു​സ​രി​ച്ചു​കൊണ്ട്‌ ‘പർവ്വത​ങ്ങ​ളി​ലേക്ക്‌ ഓടി​പ്പോ​യി.’—ലൂക്കോസ്‌ 21:20, 21.

¹⁹ ആദിമ​ക്രി​സ്‌ത്യാ​നി​കൾ നിലവി​ലി​രുന്ന കാര്യാ​ദി​ക​ളോ​ടൊ​ത്തു ജീവി​ക്കു​ക​യും ബൈബിൾത​ത്വ​ങ്ങ​ള​നു​സ​രി​ക്കാൻ സഹായി​ച്ചു​കൊണ്ട്‌ വ്യക്തി​ക​ളു​ടെ ജീവി​തത്തെ മെച്ച​പ്പെ​ടു​ത്താൻ ശ്രമി​ക്കു​ക​യും ചെയ്‌തു. പഴയ റോമൻലോ​കം എന്ന തന്റെ പുസ്‌ത​ക​ത്തിൽ ചരി​ത്ര​കാ​ര​നായ ജോൺ ലോർഡ്‌ ഇങ്ങനെ എഴുതി: “ബാഹ്യ​മാ​യി ജനപ്രീ​തി​യു​ണ്ടാ​യി​രുന്ന സ്ഥാപന​ങ്ങ​ളെ​യോ ഗവൺമെൻറി​നെ​യോ നിയമ​ങ്ങ​ളെ​യോ മാററു​ന്ന​തി​നു​പ​കരം, ക്രിസ്‌ത്യാ​നി​ത്വ​ത്തി​ന്റെ ഉപദേ​ശങ്ങൾ സ്വീക​രി​ച്ച​താ​യി അവകാ​ശ​പ്പെ​ട്ട​വരെ നല്ല മനുഷ്യ​രാ​ക്കു​ന്ന​തി​ലാ​യി​രു​ന്നു ക്രിസ്‌ത്യാ​നി​ത്വ​ത്തി​ന്റെ യഥാർത്ഥ വിജയങ്ങൾ.” ക്രിസ്‌ത്യാ​നി​കൾ ഇന്ന്‌ വ്യത്യ​സ്‌ത​മാ​യി പ്രവർത്തി​ക്ക​ണ​മോ?

സംസ്ഥാനം സഹായി​ക്കാ​ത്ത​പ്പോൾ

20, 21. (എ) ഒരു ലൗകി​കാ​ധി​കാ​രം നൻമക്കു​വേ​ണ്ടി​യുള്ള ദൈവ​ശു​ശ്രൂ​ഷ​ക​നാ​യി പ്രവർത്തി​ക്കു​ന്ന​തിൽ പരാജ​യ​പ്പെ​ട്ട​തെ​ങ്ങനെ? (ബി) സംസ്ഥാ​ന​ത്തി​ന്റെ കൂട്ടു​ത്ത​ര​വാ​ദി​ത്ത​ത്തോ​ടെ പീഡി​പ്പി​ക്ക​പ്പെ​ടു​മ്പോൾ യഹോ​വ​യു​ടെ സാക്ഷികൾ എങ്ങനെ പ്രതി​ക​രി​ക്കണം?

²⁰ സെൻട്രൽ ആഫ്രി​ക്ക​യി​ലെ ഒരു രാജ്യത്ത്‌ 1972 സെപ്‌റ​റം​ബ​റിൽ യഹോ​വ​യു​ടെ സാക്ഷി​കൾക്കെ​തി​രെ ദുഷ്‌ട​മായ പീഡനം പൊട്ടി​പ്പു​റ​പ്പെട്ടു. ആയിര​ക്ക​ണ​ക്കി​നാ​ളു​ക​ളു​ടെ വസ്‌തു​ക്കൾ കൊള്ള​യ​ടി​ക്ക​പ്പെട്ടു. പ്രഹര​ങ്ങ​ളും ദണ്ഡനവും കൊല​യും ഉൾപ്പെടെ മററു ക്രൂര​കൃ​ത്യ​ങ്ങൾക്കും അവർ വിധേ​യ​രാ​ക്ക​പ്പെട്ടു. ശ്രേഷ്‌ഠാ​ധി​കാ​രം സാക്ഷി​കളെ സംരക്ഷി​ക്കാ​നുള്ള ചുമതല നിറ​വേ​റ​റി​യോ? ഇല്ല! പകരം, ഈ നിരു​പ​ദ്ര​വ​കാ​രി​ക​ളായ ക്രിസ്‌ത്യാ​നി​കൾ സുരക്ഷി​ത​ത്വ​ത്തി​നു​വേണ്ടി അയൽരാ​ജ്യ​ങ്ങ​ളി​ലേക്ക്‌ ഓടി​പ്പോ​കാൻ നിർബ​ന്ധി​ത​രാ​ക്കി​ക്കൊണ്ട്‌ അത്‌ അക്രമത്തെ പ്രോൽസാ​ഹി​പ്പി​ക്കു​ക​യാ​യി​രു​ന്നു.

²¹ യഹോ​വ​യു​ടെ സാക്ഷികൾ അങ്ങനെ​യുള്ള പീഡകർക്കെ​തി​രെ കുപി​ത​രാ​യി എഴു​ന്നേൽക്കേ​ണ്ട​തല്ലേ? അല്ല. ക്രിസ്‌ത്യാ​നി​കൾ യേശു​വി​നെ അനുക​രി​ച്ചു​കൊണ്ട്‌ വിനീ​ത​മാ​യി പ്രവർത്തി​ക്കു​ക​യും അങ്ങനെ​യുള്ള അവമാ​നങ്ങൾ ക്ഷമാപൂർവം സഹിക്കു​ക​യും വേണം: “അവൻ കഷ്ടതയ​നു​ഭ​വി​ച്ച​പ്പോൾ ഭീഷണി​പ്പെ​ടു​ത്തി​യില്ല, എന്നാൽ നീതി​പൂർവം വിധി​ക്കു​ന്ന​വങ്കൽ തന്നേത്തന്നെ ഭരമേൽപ്പി​ച്ചു​കൊ​ണ്ടി​രു​ന്നു.” (1 പത്രോസ്‌ 2:23) ഗത്സമേ​ന​തോ​ട്ട​ത്തിൽവെച്ച്‌ യേശു അറസ്‌റ​റ്‌ചെ​യ്യ​പ്പെ​ട്ട​പ്പോൾ ഒരു വാളു​മാ​യി തന്റെ സംരക്ഷ​ണ​ത്തി​നെ​ത്തിയ ഒരു ശിഷ്യനെ അവൻ ശകാരി​ച്ചു​വെന്ന്‌ അവർ ഓർക്കു​ന്നു. പിന്നീട്‌ അവൻ പൊന്തി​യോസ്‌ പീലാ​ത്തോ​സി​നോട്‌ ഇങ്ങനെ പറഞ്ഞു: “എന്റെ രാജ്യം ഈ ലോക​ത്തി​ന്റെ ഭാഗമല്ല. എന്റെ രാജ്യം ഈ ലോക​ത്തി​ന്റെ ഭാഗമാ​യി​രു​ന്നെ​ങ്കിൽ എന്റെ സേവകർ ഞാൻ യഹൂദൻമാർക്ക്‌ വിട്ടു​കൊ​ടു​ക്ക​പ്പെ​ടാ​തി​രി​ക്കാൻ പോരാ​ടു​മാ​യി​രു​ന്നു. എന്നാൽ എന്റെ രാജ്യം, അതായി​രി​ക്കു​ന്ന​തു​പോ​ലെ, ഈ ഉറവിൽനി​ന്നു​ള്ളതല്ല.”—യോഹ​ന്നാൻ 18:36; മത്തായി 26:52; ലൂക്കോസ്‌ 22:50, 51.

22. ആഫ്രി​ക്ക​യി​ലെ ചില സാക്ഷികൾ കഠിന​പീ​ഡനം അനുഭ​വി​ച്ച​പ്പോൾ ഏതു നല്ല ദൃഷ്ടാന്തം വെച്ചു?

²² യേശു​വി​ന്റെ മാതൃക മനസ്സിൽപി​ടി​ച്ചു​കൊണ്ട്‌ ആ ആഫ്രിക്കൻ സാക്ഷികൾ പൗലോ​സി​ന്റെ ബുദ്ധി​യു​പ​ദേശം അനുസ​രി​ക്കാ​നുള്ള ധൈര്യം പ്രകട​മാ​ക്കി: “യാതൊ​രു​ത്ത​രോ​ടും തിൻമക്കു പകരം തിൻമ​ചെ​യ്യ​രുത്‌. സകല മനുഷ്യ​രു​ടെ​യും ദൃഷ്‌ടി​യിൽ നല്ല കാര്യങ്ങൾ പ്രദാ​നം​ചെ​യ്യുക. സാദ്ധ്യ​മെ​ങ്കിൽ, നിങ്ങളെ ആശ്രയി​ച്ചി​രി​ക്കു​ന്ന​ട​ത്തോ​ളം, സകല മനുഷ്യ​രോ​ടും സമാധാ​ന​ത്തി​ലാ​യി​രി​ക്കുക. പ്രിയരെ, നിങ്ങൾതന്നെ പ്രതി​കാ​രം ചെയ്യരുത്‌, എന്നാൽ ക്രോ​ധ​ത്തിന്‌ ഇടം​കൊ​ടു​ക്കുക; എന്തു​കൊ​ണ്ടെ​ന്നാൽ ‘പ്രതി​കാ​രം എന്റേതാണ്‌; ഞാൻ പകരം​വീ​ട്ടും എന്ന്‌ യഹോവ പറയുന്നു’ എന്ന്‌ എഴുത​പ്പെ​ട്ടി​രി​ക്കു​ന്നു.” (റോമർ 12:17-19; എബ്രായർ 10:32-34 താരത​മ്യ​പ്പെ​ടു​ത്തുക.) നമ്മുടെ ആഫ്രിക്കൻ സഹോ​ദ​രൻമാർ ഇന്ന്‌ നമു​ക്കെ​ല്ലാം എത്ര ഉത്തേജ​ക​മായ ദൃഷ്ടാ​ന്ത​മാണ്‌! അധികാ​രം മാന്യ​മാ​യി പെരു​മാ​റാൻ വിസമ്മ​തി​ക്കു​മ്പോൾ പോലും സത്യ​ക്രി​സ്‌ത്യാ​നി​കൾ ബൈബിൾത​ത്വ​ങ്ങൾ കൈവി​ടു​ന്നില്ല.

23. ഏതു ചോദ്യ​ങ്ങൾ ചർച്ച​ചെ​യ്യ​പ്പെ​ടാൻ അവശേ​ഷി​ക്കു​ന്നു?

²³ എന്നാൽ സത്യ​ക്രി​സ്‌ത്യാ​നി​ക​ളിൽനിന്ന്‌ ശ്രേഷ്‌ഠാ​ധി​കാ​ര​ങ്ങൾക്ക്‌ എന്ത്‌ പ്രതീ​ക്ഷി​ക്കാൻ കഴിയും? അവർക്ക്‌ ന്യായ​മാ​യി ഉന്നയി​ക്കാ​വുന്ന ആവശ്യ​ങ്ങൾക്ക്‌ എന്തെങ്കി​ലും പരിമി​തി​ക​ളു​ണ്ടോ? ഇത്‌ അടുത്ത ലേഖന​ത്തിൽ പരിചി​ന്തി​ക്ക​പ്പെ​ടും. (w90 11⁄1)

[അടിക്കു​റിപ്പ്‌]

നിങ്ങൾക്ക്‌ വിശദീ​ക​രി​ക്കാൻ കഴിയു​മോ?

◻ ഒരു വ്യക്തിക്ക്‌ ശ്രേഷ്‌ഠാ​ധി​കാ​ര​ങ്ങൾക്ക്‌ ‘എതിരായ ഒരു നില സ്വീക​രി​ക്കാൻ’ കഴിയുന്ന ചില വിധങ്ങ​ളേവ?

◻ ഗവൺമെൻറ്‌ അധികാ​ര​ത്തെ​സം​ബ​ന്ധിച്ച “ദൈവ​ത്തി​ന്റെ ക്രമീ​കരണ”മെന്താണ്‌?

◻ ഏതു വിധങ്ങ​ളി​ലാണ്‌ അധികാ​രങ്ങൾ “ഒരു ഭയവിഷയ”മായി​രി​ക്കു​ന്നത്‌?

◻ എങ്ങനെ​യാണ്‌ മനുഷ്യ​ഗ​വൺമെൻറു​കൾ “ദൈവ​ത്തി​ന്റെ ശുശ്രൂ​ഷകൻ” ആയിരി​ക്കു​ന്നത്‌?

[19-ാം പേജിലെ ചതുരം]

ഒരു പൊലീസ്‌ ചീഫിൽനി​ന്നുള്ള ഒരു കത്ത്‌

“മിനാസ്‌ ജറേയ്‌സ്‌ സംസ്ഥാ​നത്തെ പൊതു​ജ​ന​സേ​വനം” എന്ന പദവി​മു​ദ്രകൾ വഹിക്കുന്ന ഒരു കത്ത്‌ ബ്രസീ​ലി​ലെ വാച്ച്‌ ററവർ സൊ​സൈ​റ​റി​യു​ടെ ബ്രാഞ്ചാ​ഫീ​സിൽ വന്നു. അത്‌ കോങ്ക്വി​സ്‌ററാ പട്ടണത്തി​ലെ പൊലീസ്‌ ചീഫിൽനി​ന്നു​ള്ള​താ​യി​രു​ന്നു. എന്തെങ്കി​ലും കുഴപ്പ​മു​ണ്ടാ​യി​രു​ന്നോ? കത്ത്‌ വിശദ​മാ​ക്കട്ടെ. അതിങ്ങനെ പ്രസ്‌താ​വി​ക്കു​ന്നു:

“ഡിയർ സർ:

“ഈ കത്തിലൂ​ടെ എന്നെ പരിച​യ​പ്പെ​ടു​ത്തു​ന്ന​തിന്‌ സന്തോ​ഷ​മുണ്ട്‌. ഏകദേശം മൂന്നു വർഷമാ​യി ഞാൻ മിനാസ്‌ ജറേയ്‌സി​ലെ കോങ്ക്വി​സ്‌ററാ പട്ടണത്തി​ലെ പൊലീസ്‌ ചീഫാണ്‌. ജോലി​യിൽ ഞാൻ എപ്പോ​ഴും മനഃസാ​ക്ഷി​പൂർവം പ്രവർത്തി​ക്കാൻ ശ്രമി​ക്കു​ന്നു. എന്നാൽ ജയിലിൽ സമാധാ​നം നിലനിർത്തു​ന്ന​തിൽ എനിക്ക്‌ പതിവാ​യി പ്രശ്‌നങ്ങൾ ഉണ്ടാകു​ന്നുണ്ട്‌. ചില ജോലി​ക​ളിൽ പരിശീ​ലനം കൊടു​ത്തി​ട്ടും അന്തേവാ​സി​കൾ അസ്വസ്ഥ​രാണ്‌.

“കുറെ മാസങ്ങൾക്കു​മുമ്പ്‌ സെനോർ ഒ—ഞങ്ങളുടെ പട്ടണത്തിൽ വന്ന്‌ യഹോ​വ​യു​ടെ സാക്ഷി​ക​ളി​ലൊ​രാ​ളാ​യി തന്നേത്തന്നെ പരിച​യ​പ്പെ​ടു​ത്തി. അയാൾ തടവു​പു​ള്ളി​ക​ളിൽ ചില​രോട്‌ ബൈബിൾ പ്രസം​ഗി​ക്കാൻ തുടങ്ങു​ക​യും അവരെ വായി​ക്കാ​നും എഴുതാ​നും പഠിപ്പി​ക്കു​ക​യും ശുചി​ത്വ​ത്തി​ന്റെ​യും സാമൂ​ഹി​ക​വൈ​ദ​ഗ്‌ദ്ധ്യ​ങ്ങ​ളു​ടെ​യും അടിസ്ഥാ​ന​ത​ത്വ​ങ്ങൾ കാണി​ച്ചു​കൊ​ടു​ക്കു​ക​യും വിശു​ദ്ധ​ബൈ​ബി​ളി​നെ​ക്കു​റിച്ച്‌ അവരോ​ടു പറയു​ക​യും​ചെ​യ്‌തു. ഈ പ്രസം​ഗ​കന്റെ പ്രവർത്ത​ന​രീ​തി അർപ്പണ​ബോ​ധ​വും സ്‌നേ​ഹ​വും ആത്മത്യാ​ഗ​വും പ്രകട​മാ​ക്കി. അന്തേവാ​സി​ക​ളു​ടെ പെരു​മാ​ററം പെട്ടെ​ന്നു​തന്നെ ഗണ്യമാ​യി മെച്ച​പ്പെട്ടു, നിരീ​ക്ഷ​കർക്ക്‌ വിസ്‌മ​യ​വും വിലമ​തി​പ്പും​തോ​ന്നി.

“ഞങ്ങളുടെ ജയിലിൽ സംഭവി​ച്ച​തി​ന്റെ വീക്ഷണ​ത്തിൽ, വിലപ്പെട്ട ഈ പ്രസം​ഗകൻ ഞങ്ങളുടെ സമുദാ​യ​ത്തിൽ ചെയ്‌ത നല്ല വേല​യോ​ടുള്ള ഞങ്ങളുടെ വിലമ​തിപ്പ്‌ ഔദ്യോ​ഗി​ക​മാ​യി വാച്ച്‌റ​റവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യെ അറിയി​ക്കാൻ ഞാൻ ആഗ്രഹി​ക്കു​ന്നു.”

ഗവൺമെൻറ്‌ അധികാ​രത്തെ സംബന്ധിച്ച്‌ അപ്പോ​സ്‌ത​ല​നായ പൗലോസ്‌ ഇങ്ങനെ പറഞ്ഞു: “നൻമ ചെയ്‌തു​കൊ​ണ്ടി​രി​ക്കുക, നിനക്ക്‌ അതിൽനിന്ന്‌ പ്രശം​സ​യു​ണ്ടാ​കും.” (റോമർ 13:3) മേൽ പ്രസ്‌താ​വിച്ച കേസിൽ ഇത്‌ തീർച്ച​യാ​യും സത്യമാണ്‌. ശിക്ഷാ​വ്യ​വ​സ്ഥക്ക്‌ വർഷങ്ങ​ളിൽ ചെയ്യാൻ കഴിയാ​ഞ്ഞത്‌ സുവാർത്ത മാസങ്ങൾകൊ​ണ്ടു സാധി​ച്ചു​വെ​ന്നത്‌ ദൈവ​വ​ച​ന​ത്തി​ന്റെ രൂപാ​ന്ത​ര​ശ​ക്തിക്ക്‌ എന്തോരു സാക്ഷ്യ​മാണ്‌!—സങ്കീർത്തനം 19:7-9.