വിശ്വാ​സ​ത്യാ​ഗി​കളെ ഒഴിവാ​ക്കുക!

യൂദായുടെ ലേഖന​ത്തിൽനി​ന്നുള്ള വിശേ​ഷാ​ശ​യ​ങ്ങൾ

യഹോ​വ​യു​ടെ ദാസൻമാർ “ദുഷ്ടതയെ വെറു​ക്കുക”യും “നല്ലതി​നോട്‌ പററി​നിൽക്കു​ക​യും” വേണം. (റോമർ 12:9) ബൈബിൾ എഴുത്തു​കാ​ര​നായ യൂദാ പലസ്‌തീ​നിൽനിന്ന്‌ സാധ്യ​ത​യ​നു​സ​രിച്ച്‌ ക്രി.വ. ഉദ്ദേശം 65-ൽ അയച്ച തന്റെ ലേഖന​ത്തി​ലൂ​ടെ മററു​ള്ള​വരെ അതു ചെയ്യാൻ സഹായി​ച്ചു.

യൂദാ തന്നേത്തന്നെ “യേശു​ക്രി​സ്‌തു​വി​ന്റെ ഒരു അടിമ, എന്നാൽ യാക്കോ​ബി​ന്റെ സഹോ​ദരൻ” എന്ന്‌ വിളിച്ചു. ഈ യാക്കോബ്‌ തെളി​വ​നു​സ​രിച്ച്‌ യേശു​ക്രി​സ്‌തു​വി​ന്റെ സുപ്ര​സി​ദ്ധ​നായ അർദ്ധസ​ഹോ​ദ​ര​നാ​യി​രു​ന്നു. (മർക്കോസ്‌ 6:3; പ്രവൃ​ത്തി​കൾ 15:13-21; ഗലാത്യർ 1:19) അങ്ങനെ യൂദാ​ത​ന്നെ​യും യേശു​വി​ന്റെ അർദ്ധസ​ഹോ​ദ​ര​നാ​യി​രു​ന്നു. എന്നിരു​ന്നാ​ലും ക്രിസ്‌തു അപ്പോൾ സ്വർഗ്ഗ​ത്തിൽ മഹത്വീ​ക​രി​ക്ക​പ്പെട്ട ഒരു ആത്മ വ്യക്തി​യാ​യി​രു​ന്ന​തി​നാൽ ഈ ജഡിക​ബ​ന്ധത്തെ പരാമർശി​ക്കു​ന്നത്‌ പ്രയോ​ജ​ന​ര​ഹി​ത​മാ​ണെന്ന്‌ അവൻ വിചാ​രി​ച്ചു​കാ​ണും. യൂദാ​യു​ടെ ലേഖനം “നല്ലതി​നോട്‌ പററി​നിൽക്കു​ന്ന​തി​നും” വിശ്വാ​സ​ത്യാ​ഗത്തെ ഒഴിവാ​ക്കു​ന്ന​തി​നും നമ്മെ സഹായി​ക്കുന്ന ബുദ്ധി​യു​പ​ദേശം നൽകു​ന്ന​തിൽ വളരെ ഋജുവാണ്‌.

“കഠിന​പോ​രാ​ട്ടം നടത്തുക”

ക്രിസ്‌ത്യാ​നി​കൾക്ക്‌ പൊതു​വി​ലുള്ള രക്ഷയെ​ക്കു​റിച്ച്‌ എഴുതാൻ യൂദാ ഉദ്ദേശി​ച്ചെ​ങ്കി​ലും അവൻ തന്റെ വായന​ക്കാ​രെ “വിശ്വാ​സ​ത്തി​നു​വേണ്ടി കഠിന​പോ​രാ​ട്ടം നടത്തു​ന്ന​തിന്‌” പ്രേരി​പ്പി​ക്കു​ന്നത്‌ ആവശ്യ​മെന്ന്‌ കണ്ടു. (വാക്യങ്ങൾ യൂദാ 1-4) എന്തു​കൊണ്ട്‌? എന്തു​കൊ​ണ്ടെ​ന്നാൽ ഭക്തികെട്ട ആളുകൾ സഭയി​ലേക്ക്‌ കടന്നു​വ​രി​ക​യും ദൈവ​ത്തി​ന്റെ അനർഹ​ദ​യയെ ‘അഴിഞ്ഞ നടത്തക്കുള്ള ഒരു ഒഴിക​ഴി​വാ​ക്കി​ത്തീർക്കു​ക​യും’ ചെയ്‌തു​കൊ​ണ്ടി​രു​ന്നു. അവർ തങ്ങൾക്ക്‌ ദൈവ​ത്തി​ന്റെ നിയമങ്ങൾ ലംഘി​ക്കു​ന്ന​തി​നും അപ്പോൾപോ​ലും തന്റെ ജനത്തോ​ടൊ​പ്പം നിൽക്കു​ന്ന​തി​നും കഴിയു​മെന്ന്‌ തെററാ​യി വിചാ​രി​ച്ചു. നമുക്ക്‌ ഒരിക്ക​ലും അത്തരം ദുഷ്ടമായ ന്യായ​വാ​ദ​ത്തി​നു കീഴ്‌പ്പെ​ടാ​തി​രി​ക്ക​യും എന്നാൽ എല്ലായ്‌പ്പോ​ഴും നീതിയെ പിൻപ​റ​റു​ക​യും യേശു​വി​ന്റെ രക്തത്താൽ ദൈവം കരുണാ​പൂർവം നമ്മുടെ പാപങ്ങളെ കഴുകി​ക്ക​ള​ഞ്ഞ​തിൽ നന്ദിയു​ള്ള​വ​രാ​യി​രി​ക്ക​യും ചെയ്യാം.—1 കൊരി​ന്ത്യർ 6:9-11; 1 യോഹ​ന്നാൻ 1:7.

നമ്മുടെ മുമ്പാകെ വെച്ചി​രി​ക്കുന്ന മുന്നറി​യി​പ്പു​കൾ

ചില മനോ​ഭാ​വ​ങ്ങൾക്കും നടത്തക്കും ആളുകൾക്കും എതിരേ ജാഗ്രത പുലർത്തേ​ണ്ടത്‌ ആവശ്യ​മാണ്‌. (വാക്യങ്ങൾ 5-16) ഈജി​പ്‌റ​റിൽനിന്ന്‌ രക്ഷപ്പെട്ട ചില ഇസ്രാ​യേ​ല്യ​രു​ടെ വിശ്വാ​സം നഷ്ടപ്പെ​ട്ട​തി​നാൽ അവർ നശിപ്പി​ക്ക​പ്പെട്ടു. തങ്ങളുടെ ഉചിത​മായ സ്ഥാനം ഉപേക്ഷിച്ച ദൂതൻമാ​രെ “മഹാദി​വ​സ​ത്തി​ലെ ന്യായ​വി​ധി​ക്കു​വേണ്ടി നിത്യ​ബ​ന്ധ​ന​ങ്ങ​ളോ​ടെ (ആത്മീയ​മായ) കൂരി​രു​ട്ടിൽ സൂക്ഷി​ച്ചി​രി​ക്കു​ന്നു.” കടുത്ത അധാർമ്മി​കത സോ​ദോ​മി​ന്റെ​മേ​ലും ഗോ​മോ​റാ​യു​ടെ​മേ​ലും “നിത്യാ​ഗ്നി​യു​ടെ നീതി​ന്യാ​യ​പ​ര​മായ ശിക്ഷ” കൈവ​രു​ത്തി. അതു​കൊണ്ട്‌ നമുക്ക്‌ എല്ലായ്‌പ്പോ​ഴും ദൈവത്തെ പ്രസാ​ദി​പ്പി​ക്കു​ക​യും “ജീവന്റെ പാതയെ” ഉപേക്ഷി​ക്കാ​തി​രി​ക്ക​യും ചെയ്യാം.—സങ്കീർത്തനം 16:11.

പിശാ​ചി​നെ​തി​രെ​പോ​ലും നിന്ദാ​പൂർവം ന്യായ​വി​ധി കൊണ്ടു​വ​രാ​തി​രുന്ന പ്രധാ​ന​ദൂ​ത​നായ മീഖാ​യേ​ലി​നെ​പ്പോ​ലെ​യ​ല്ലാ​തെ, ഭക്തികെട്ട മനുഷ്യർ “മഹത്വീ​ക​രി​ക്ക​പ്പെ​ട്ടവർ”ക്കെതിരെ, തെളി​വ​നു​സ​രിച്ച്‌ അഭിഷിക്ത മൂപ്പൻമാർ എന്ന നിലയിൽ ദൈവ​വും ക്രിസ്‌തു​വും കുറെ മഹത്വം പ്രദാനം ചെയ്‌ത​വർക്കെ​തി​രെ, നിന്ദാ​പൂർവം സംസാ​രി​ച്ചു. നമുക്ക്‌ ദൈവ​ദ​ത്ത​മായ അധികാ​ര​ത്തോട്‌ അനാദ​രവ്‌ കാണി​ക്കാ​തി​രി​ക്കാം!

ഭക്തികെട്ട മനുഷ്യർ കയീ​ന്റെ​യും ബിലയാ​മി​ന്റെ​യും കോര​ഹി​ന്റെ​യും ചീത്ത ദൃഷ്ടാ​ന്തങ്ങൾ അനുക​രി​ച്ചു. അവർ വെള്ളത്തി​ന​ടി​യിൽ മറഞ്ഞു​കി​ട​ക്കുന്ന പാറ​യോ​ടും വെള്ളമി​ല്ലാത്ത മേഘങ്ങ​ളോ​ടും പ്രയോ​ജ​ന​പ്ര​ദ​മായ യാതൊ​ന്നും ഉൽപ്പാ​ദി​പ്പി​ക്കാത്ത മരിച്ച, കടപു​ഴ​കിയ വൃക്ഷങ്ങ​ളോ​ടും താരത​മ്യം ചെയ്യാ​വു​ന്ന​തു​പോ​ലെ ആത്മീയ​മായ ഒരു ഭീഷണി​യാ​യി സ്ഥിതി​ചെ​യ്‌തു. ആ വിശ്വാ​സ​ത്യാ​ഗി​കൾ പിറു​പി​റു​പ്പു​കാ​രും പരാതി​പ​റ​യു​ന്ന​വ​രും ‘തങ്ങളുടെ സ്വന്തം പ്രയോ​ജ​ന​ത്തി​നു​വേണ്ടി വ്യക്തി​കളെ പുകഴ്‌ത്തു​ന്ന​വ​രും’ ആയിരു​ന്നു.

ചെറു​ത്തു​കൊ​ണ്ടി​രി​ക്കുക

യൂദാ അടുത്ത​താ​യി ചീത്ത സ്വാധീ​ന​ങ്ങളെ ചെറു​ക്കു​ന്ന​തി​നുള്ള ഉപദേശം നൽകി. (വാക്യങ്ങൾ 17-25) “അന്ത്യകാ​ലത്ത്‌” പരിഹാ​സി​കൾ ഉണ്ടായി​രി​ക്കും, ഇന്ന്‌ സത്യ​ക്രി​സ്‌ത്യാ​നി​കൾ അവരെ​യും അവരുടെ അധി​ക്ഷേ​പാർഹ​മായ വാക്കു​ക​ളെ​യും സഹിക്കണം. അത്തരം ചീത്ത സ്വാധീ​ന​ങ്ങളെ ചെറു​ത്തു​നിൽക്കു​ന്ന​തിന്‌ നാം യേശു​വി​ന്റെ കരുണ പ്രകട​മാ​കാൻ കാത്തി​രി​ക്കു​മ്പോൾ നാം നമ്മുടെ “ഏററവും വിശു​ദ്ധ​മായ വിശ്വാസ”ത്തിൻമേൽ നമ്മേത്തന്നെ പണിയു​ക​യും പരിശു​ദ്ധാ​ത്മാ​വി​നാൽ പ്രാർത്ഥി​ക്കു​ക​യും ദൈവ​ത്തി​ന്റെ സ്‌നേ​ഹ​ത്തിൽ നിലനിൽക്കു​ക​യും വേണം.

പ്രത്യ​ക്ഷ​ത്തിൽ വ്യാ​ജോ​പ​ദേ​ഷ്ടാ​ക്ക​ളു​ടെ റോളിൽ ഭക്തികെട്ട മനുഷ്യർ ചിലരിൽ സംശയങ്ങൾ ഉളവാക്കി. (2 പത്രോസ്‌ 2:1-3 താരത​മ്യം ചെയ്യുക.) സംശയാ​ലു​ക്കൾക്ക്‌ എന്താണാ​വ​ശ്യ​മാ​യി​രു​ന്നത്‌? എന്തിന്‌, നിത്യ​നാ​ശ​മാ​കുന്ന “തീയിൽ”നിന്ന്‌ വലി​ച്ചെ​ടു​ക്ക​പ്പെ​ടു​ന്ന​തിന്‌ ആത്മീയ​സ​ഹാ​യം! (മത്തായി 18:8, 9) എന്നാൽ ഭക്തിയു​ള്ളവർ ആ വിധിയെ ഭയപ്പെ​ടേ​ണ്ട​യാ​വ​ശ്യ​മില്ല, എന്തു​കൊ​ണ്ടെ​ന്നാൽ യഹോവ പാപത്തിൽ “ഇടറി​പ്പോ​കുന്ന”തിൽനി​ന്നും വിശ്വാ​സ​ത്യാ​ഗി​കൾക്കു വരാൻപോ​കുന്ന നാശത്തിൽനി​ന്നും അവരെ സംരക്ഷി​ക്കും. (w91 4⁄15)

[32-ാം പേജിലെ ചതുരം]

മറഞ്ഞുകിടക്കുന്ന പാറകൾ: യൂദാ സഹ ക്രിസ്‌ത്യാ​നി​കൾക്ക്‌ ‘അവരുടെ സ്‌നേ​ഹ​സ​ദ്യ​ക​ളിൽ വെള്ളത്തി​ന​ടി​യിൽ മറഞ്ഞു​കി​ട​ക്കുന്ന പാറകളെ’ക്കുറിച്ച്‌ മുന്നറി​യി​പ്പു​നൽകി. (യൂദാ 12) വിശ്വാ​സി​ക​ളോട്‌ സ്‌നേഹം നടിച്ചു​കൊണ്ട്‌ അത്തരം വിശ്വാ​സ​ത്യാ​ഗി​കൾ കപ്പലു​കളെ തകർക്കു​ന്ന​തി​നും നീന്തൽകാ​രെ കീറു​ന്ന​തി​നും കൊല്ലു​ന്ന​തി​നും കഴിയുന്ന വെള്ളത്തി​ന​ടി​യി​ലെ കൂർത്ത പാറകൾപോ​ലെ​യാ​യി​രു​ന്നു. സ്‌നേ​ഹ​സ​ദ്യ​കൾ ഭൗതി​ക​സ​മൃ​ദ്ധി​യുള്ള ക്രിസ്‌ത്യാ​നി​കൾ ദരി​ദ്ര​രായ സഹക്രി​സ്‌ത്യാ​നി​കളെ ക്ഷണിച്ചു നടത്തി​യി​രുന്ന വിരു​ന്നു​ക​ളാ​യി​രു​ന്നി​രി​ക്കാം. സഭാപി​താ​വാ​യി​രുന്ന ക്രി​സോ​സ്‌ററം (ക്രി.വ. 347?-407) ഇപ്രകാ​രം പറഞ്ഞു: “അവരെ​ല്ലാം ഒരു പൊതു​വായ സദ്യയിൽ കൂടി​വന്നു: ധനികർ സാധന​സാ​മ​ഗ്രി​കൾ കൊണ്ടു​വന്നു, ദരി​ദ്ര​രും ഒന്നുമി​ല്ലാ​തി​രു​ന്ന​വ​രും ക്ഷണിക്ക​പ്പെട്ടു. അവരെ​ല്ലാ​വ​രും പൊതു​വാ​യി ഒത്തൊ​രു​മിച്ച്‌ സദ്യയു​ണ്ണു​ക​യും ചെയ്‌തു.” ആദിമ സ്‌നേ​ഹ​സ​ദ്യ​ക​ളു​ടെ സ്വഭാവം എന്തുത​ന്നെ​യാ​യി​രു​ന്നാ​ലും യൂദാ​യു​ടെ മുന്നറി​യിപ്പ്‌ വിശ്വ​സ്‌തരെ ആത്മീയ മരണം കൈവ​രു​ത്താൻ കഴിഞ്ഞി​രുന്ന വിശ്വാ​സ​ത്യാ​ഗി​കളെ, ‘മറഞ്ഞു​കി​ട​ക്കുന്ന പാറകളെ’ ഒഴിവാ​ക്കാൻ സഹായി​ച്ചു. ക്രിസ്‌ത്യാ​നി​കൾ സ്‌നേ​ഹ​സ​ദ്യ​കൾ നടത്താൻ കൽപ്പി​ക്ക​പ്പെ​ട്ടി​ട്ടി​ല്ലെ​ങ്കി​ലും, ഇന്ന്‌ അവർ അവ നടത്തു​ന്നു​മി​ല്ലെ​ങ്കി​ലും, യഹോ​വ​യു​ടെ ജനം തീർച്ച​യാ​യും ഞെരു​ക്ക​ത്തി​ന്റെ സമയങ്ങ​ളിൽ പരസ്‌പരം ഭൗതി​ക​മാ​യി സഹായി​ക്കു​ക​യും സന്തോ​ഷ​ക​ര​മായ സഹവാസം ആസ്വദി​ക്ക​യും ചെയ്യുന്നു.