എബ്രായ ബൈബിൾ കൈ​യെ​ഴു​ത്തു​പ്ര​തി​യു​ടെ ഒരു മാതൃക

ആയിര​ത്തി​ത്തൊ​ള്ളാ​യി​രത്തി നാൽപ്പ​ത്തി​യേ​ഴിൽ ചാവു​കടൽ ചുരു​ളു​കൾ കണ്ടെത്തു​ന്ന​തു​വരെ—ഏതാനും ചില ശകലങ്ങൾ ഒഴിച്ചാൽ—ഏററം പഴക്കമു​ള്ള​താ​യി അറിയ​പ്പെ​ട്ടി​രുന്ന എബ്രായ ബൈബി​ളി​ന്റെ കൈ​യെ​ഴു​ത്തു​പ്ര​തി​കൾ പൊ.യു. (പൊതു​യു​ഗം) 9 മുതൽ 11 വരെയുള്ള നൂററാ​ണ്ടു​ക​ളിൽ നിന്നു​ള്ള​വ​യാ​യി​രു​ന്നു. അത്‌ ഏകദേശം ആയിരം വർഷം മുമ്പു മാത്ര​മാ​യി​രു​ന്നു. ബൈബി​ളി​ന്റെ എബ്രായ പാഠം സംബന്ധിച്ച്‌ 1947-നു മുമ്പു നമുക്കു നിശ്ചയ​മി​ല്ലാ​യി​രു​ന്നു എന്നാണോ ഇതിന്റെ അർത്ഥം? പുരാതന എബ്രായ കൈ​യെ​ഴു​ത്തു​പ്ര​തി​കൾ ഇത്ര കുറച്ചു മാത്ര​മു​ണ്ടാ​യി​രു​ന്നത്‌ എന്തു​കൊ​ണ്ടാണ്‌?

രണ്ടാമത്തെ ചോദ്യം നമുക്ക്‌ ആദ്യം പരിഗ​ണി​ക്കാം. യാഥാ​സ്ഥി​തിക യഹൂദ്യ വ്യവസ്ഥ​യ​നു​സ​രിച്ച്‌ ഉപയോ​ഗി​ക്കാൻ കൊള്ളാ​ത്ത​വണ്ണം പഴകിയ ബൈബിൾ കൈ​യെ​ഴു​ത്തു​പ്ര​തി​കൾ ഒരു ഗെനേ​സ​യിൽ അഥവാ സിന്ന​ഗോ​ഗി​ലെ ഒരു സംഭര​ണ​ശാ​ല​യിൽ അടച്ചു സൂക്ഷി​ച്ചി​രു​ന്നു. പിന്നീട്‌ അങ്ങനെ സൂക്ഷി​ക്ക​പ്പെട്ട പഴകിയ കൈ​യെ​ഴു​ത്തു​പ്ര​തി​കൾ പുറത്തു കൊണ്ടു​പോ​യി കുഴിച്ചു മൂടി​യി​രു​ന്നു. തിരു​വെ​ഴു​ത്തു​കൾ അശുദ്ധ​മാ​ക്ക​പ്പെ​ടു​ക​യോ ദുരു​പ​യോ​ഗി​ക്ക​പ്പെ​ടു​ക​യോ ചെയ്യാ​തി​രി​ക്കാൻ വേണ്ടി​യാ​യി​രു​ന്നു യഹൂദൻമാർ അപ്രകാ​രം ചെയ്‌തത്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ അവയിൽ ദൈവ​ത്തി​ന്റെ വിശുദ്ധ നാമത്തെ പ്രതി​നി​ധാ​നം ചെയ്യുന്ന ചതുര​ക്ഷ​രങ്ങൾ ഉണ്ടായി​രു​ന്നു, അതു മലയാ​ള​ത്തിൽ “യഹോവ” എന്ന രൂപത്തി​ലാണ്‌ ഉപയോ​ഗി​ക്ക​പ്പെ​ടു​ന്നത്‌.

“കിരീടം”

മിക്കവാ​റും എല്ലാ പുരാതന എബ്രാ​യ​പാ​ഠ​ങ്ങ​ളും ആദിമ​കാ​ലം മുതൽ വിശ്വ​സ്‌ത​മാ​യി​ത്തന്നെ പിൻത​ല​മു​റ​ക്കാർക്കു ലഭിച്ചി​രി​ക്കു​ന്നു. ഉദാഹ​ര​ണ​ത്തിന്‌ ആദിയിൽ എബ്രായ തിരു​വെ​ഴു​ത്തു​കൾ അഥവാ “പഴയനി​യമം” മുഴുവൻ ഉണ്ടായി​രു​ന്ന​തും കെതേർ, “കിരീടം” എന്നറി​യ​പ്പെ​ട്ടി​രു​ന്ന​തു​മായ ഒരു സുപ്ര​ധാന എബ്രായ കൈ​യെ​ഴു​ത്തു​പ്ര​തി​യു​ണ്ടാ​യി​രു​ന്നു. മുഖ്യ​മാ​യി മുസ്ലീങ്ങൾ പാർത്തി​രുന്ന ഒരു പട്ടണമായ സിറി​യ​യി​ലെ അലേ​പ്പോ​യി​ലെ ഒരു ചെറിയ യഹൂദ​സ​മൂ​ഹ​ത്തി​ന്റെ ഏററം പഴക്കമുള്ള സിന്ന​ഗോ​ഗി​ലാണ്‌ അതു കാത്തു​സൂ​ക്ഷി​ക്ക​പ്പെ​ട്ടി​രു​ന്നത്‌. നേരത്തേ അതു യെരൂ​ശ​ലേ​മി​ലെ കാരയി​ററ്‌ യഹൂദൻമാ​രു​ടെ കൈവ​ശ​മാ​യി​രു​ന്നു. എന്നാൽ 1099-ൽ കുരി​ശു​യു​ദ്ധ​ക്കാർ അതു പിടി​ച്ചെ​ടു​ത്തു. പിന്നീട്‌ ആ കൈ​യെ​ഴു​ത്തു​പ്രതി വീണ്ടെ​ടു​ക്ക​പ്പെ​ടു​ക​യും ഈജി​പ്‌റ​റി​ലെ പുരാതന കൈ​റോ​യി​ലേക്ക്‌ കൊണ്ടു​പോ​ക​പ്പെ​ടു​ക​യും ചെയ്‌തു. അതു 15-ാം നൂററാ​ണ്ടി​ലെ​ങ്കി​ലും അലേ​പ്പോ​യിൽ എത്തി​ച്ചേ​രു​ക​യും പിൽക്കാ​ലത്ത്‌ അലേപ്പോ കോ​ഡെ​ക്‌സ്‌ എന്ന പേരിൽ അറിയ​പ്പെ​ടാൻ ഇടയാ​കു​ക​യും ചെയ്‌തു. പൊ.യു. 930 വരെ​യെ​ങ്കി​ലും പഴക്കമുള്ള ഈ കൈ​യെ​ഴു​ത്തു​പ്രതി അതിന്റെ പേരു സൂചി​പ്പി​ക്കു​ന്ന​തു​പോ​ലെ മസ്സോ​റെ​റ​റിക്‌ പാണ്ഡി​ത്യ​ത്തി​ന്റെ കിരീ​ട​മാ​യി പരിഗ​ണി​ക്ക​പ്പെ​ട്ടി​രു​ന്നു. ബൈബിൾ പാഠങ്ങൾ പകർത്തി​യെ​ഴു​തു​ന്ന​തിൽ എത്ര​ത്തോ​ളം ശ്രദ്ധ ചെലു​ത്തി​യി​രു​ന്നു​വെന്നു കാണി​ക്കുന്ന ഒരു നല്ല ഉദാഹ​ര​ണ​മാ​ണത്‌. വാസ്‌ത​വ​മാ​യും അത്‌ എബ്രായ കൈ​യെ​ഴു​ത്തു​പ്ര​തി​ക​ളു​ടെ ഒരു മാതൃക തന്നെ.

കുറച്ചു​കൂ​ടെ ആധുനി​ക​മായ നാളു​ക​ളിൽ ശ്രദ്ധേ​യ​മായ ഈ കൈ​യെ​ഴു​ത്തു​പ്ര​തി​യു​ടെ സൂക്ഷി​പ്പു​കാർ തങ്ങളുടെ ആ വിശുദ്ധ വസ്‌തു അശുദ്ധ​മാ​ക്ക​പ്പെ​ടു​മെന്ന അന്ധവി​ശ്വാ​സ​പ​ര​മായ ഭയത്താൽ പണ്ഡിതൻമാ​രെ അതു പരി​ശോ​ധി​ക്കാൻ അനുവ​ദി​ക്കു​മാ​യി​രു​ന്നില്ല. മാത്ര​വു​മല്ല ഒരു താളിന്റെ മാത്രം ഫോട്ടോ എടുക്കാ​നേ കഴിഞ്ഞി​ട്ടു​ള്ളു എന്നതി​നാൽ പഠനത്തി​നാ​യി ഒരു ശരിപ്പ​കർപ്പു പ്രസി​ദ്ധീ​ക​രി​ക്കാൻ ഇതുവരെ കഴിഞ്ഞി​ട്ടില്ല.

ബ്രിട്ടീ​ഷു​കാർ 1948-ൽ പാലസ്‌തീ​നിൽനി​ന്നു പിൻവാ​ങ്ങി​യ​പ്പോൾ അലേ​പ്പോ​യിൽ യഹൂദൻമാർക്കെ​തി​രെ ലഹളകൾ പൊട്ടി​പ്പു​റ​പ്പെട്ടു. അവരുടെ സിന്ന​ഗോഗ്‌ ചുട്ടെ​രി​ക്ക​പ്പെട്ടു; അമൂല്യ​മായ ആ കോ​ഡെ​ക്‌സ്‌ അപ്രത്യ​ക്ഷ​മാ​യി, അതു നശിപ്പി​ക്ക​പ്പെ​ട്ടു​വെന്നു കരുത​പ്പെ​ടു​ക​യും ചെയ്‌തു. അതിന്റെ മുക്കാൽഭാ​ഗ​വും രക്ഷപെ​ട്ടെ​ന്നും സിറി​യ​യിൽ നിന്നു യെരൂ​ശ​ലേ​മി​ലേക്ക്‌ ഒളിച്ചു കടത്ത​പ്പെ​ട്ടു​വെ​ന്നും പത്തു വർഷങ്ങൾക്കു ശേഷം അറിഞ്ഞ​പ്പോൾ അത്‌ എത്ര ആശ്ചര്യ​ജ​ന​ക​മാ​യി​രു​ന്നു! ആയിര​ത്തി​ത്തൊ​ള്ളാ​യി​ര​ത്തി​എ​ഴു​പ​ത്തി​യാ​റിൽ അതിന്റെ പൂർണ്ണ വർണ്ണത്തി​ലുള്ള തനിപ്പ​കർപ്പി​ന്റെ 500 പ്രതികൾ പുറത്തി​റ​ക്ക​പ്പെട്ടു.

ഒരു വിദഗ്‌ദ്ധന്റെ കരവേല

ഈ കൈ​യെ​ഴു​ത്തു​പ്രതി വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? പൊ.യു. ഏതാണ്ടു 930-ാമാണ്ടിൽ ഒരു പ്രശസ്‌ത പണ്ഡിത​നും എബ്രായ ബൈബി​ളി​ന്റെ ഒരു പകർപ്പെ​ഴു​ത്തു വിദഗ്‌ദ്ധ​നു​മാ​യി​രുന്ന ഏറൻ ബെൻ ആശേർ വ്യജ്ഞനാ​ക്ഷ​രങ്ങൾ മാത്രം ഉപയോ​ഗിച്ച്‌ എഴുതി​യി​രുന്ന അതിന്റെ മൂലപാ​ഠം തെററു​തി​രു​ത്തു​ക​യും ആവശ്യ​മായ ചിഹ്നനങ്ങൾ ഉപയോ​ഗി​ക്കു​ക​യും ചെയ്‌തി​രു​ന്നു. അതു​കൊണ്ട്‌ അത്‌ അത്രതന്നെ വിദഗ്‌ദ്ധ​ര​ല്ലാഞ്ഞ ഭാവി പകർപ്പെ​ഴു​ത്തു​കാർക്കു പകർത്താൻ പററിയ ഒരു മാതൃകാ കോ​ഡെ​ക്‌സ്‌ ആയിരു​ന്നു.

മൂലകൃ​തി 380 താളുകൾ (760 പേജുകൾ) ചേർന്നു​ള്ള​താ​യി​രു​ന്നു. അതു പൊതു​വേ തുകൽ താളു​ക​ളിൽ മൂന്നു കോള​ങ്ങ​ളാ​യി എഴുത​പ്പെ​ട്ടി​രു​ന്നു. ഇപ്പോൾ 294 താളു​ക​ളാ​ണു​ള്ളത്‌, പഞ്ചഗ്ര​ന്ഥി​യിൽ അധിക​ഭാ​ഗ​വും വിലാ​പങ്ങൾ, ഉത്തമഗീ​തം, ദാനി​യേൽ, എസ്ഥേർ, എസ്രാ, നെഹെ​മ്യാവ്‌ എന്നിവ ഉൾപ്പെ​ടുന്ന അവസാ​ന​ഭാ​ഗ​വും നഷ്ടമാ​യി​രി​ക്കു​ന്നു. തിരു​വെ​ഴു​ത്തു​ക​ളു​ടെ പുതി​യ​ലോ​ക​ഭാ​ഷാ​ന്തരം—പരാമർശ​ന​ങ്ങ​ളോ​ടു​കൂ​ടിയ ബൈബി​ളിൽ അതിന്‌ “Al” എന്ന ചിഹ്നമാ​ണു​പ​യോ​ഗി​ച്ചി​രി​ക്കു​ന്നത്‌. (യോശുവ 21:37, അടിക്കു​റിപ്പ്‌) പന്ത്രണ്ടാം നൂററാ​ണ്ടി​ലെ ഒരു പ്രശസ്‌ത മദ്ധ്യയുഗ യഹൂദ​പ​ണ്ഡി​ത​നായ (നിങ്ങൾ ചിത്ര​ത്തിൽ കാണുന്ന) മോസസ്സ്‌ മൈ​മോ​ണി​ഡസ്‌, താൻ കണ്ടിട്ടു​ള്ള​തിൽ ഏററം നല്ല കോഡ​ക്‌സ്‌ അലേപ്പോ കോ​ഡെ​ക്‌സാ​ണെന്നു പ്രഖ്യാ​പി​ച്ചു.a

പതിമൂ​ന്നു​മു​തൽ പതിന​ഞ്ചു​വ​രെ​യുള്ള നൂററാ​ണ്ടു​ക​ളിൽ കൈ​കൊ​ണ്ടു പകർത്തി​യെ​ഴു​ത​പ്പെട്ട എബ്രാ​യ​പാ​ഠങ്ങൾ ബെൻ ആശേർ ബെൻ നഫ്‌താ​ലി എന്നീ രണ്ടു പ്രമുഖ മസ്സോ​റെ​റ​റിക്‌ പാഠങ്ങ​ളിൽ നിന്നു പകർത്തി​യെ​ഴു​ത​പ്പെ​ട്ട​വ​യാ​യി​രു​ന്നു. പതിനാ​റാം നൂററാ​ണ്ടിൽ ജേക്കബ്‌ ബെൻ ഹെയിം എന്നയാൾ ഈ സമ്മിശ്ര പാരമ്പ​ര്യ​ങ്ങ​ളിൽനിന്ന്‌ അച്ചടി​ക്കാ​നുള്ള ഒരു എബ്രായ ബൈബി​ളി​ന്റെ പാഠം രൂപ​പ്പെ​ടു​ത്തി. അതു തുടർന്നുള്ള 400 വർഷങ്ങ​ളിൽ അച്ചടി​ക്ക​പ്പെട്ട ഏതാണ്ട്‌ എല്ലാ എബ്രായ ബൈബി​ളു​ക​ളു​ടെ​യും അടിസ്ഥാ​ന​മാ​യി​ത്തീർന്നു.

ആയിര​ത്തി​ത്തൊ​ള്ളാ​യി​ര​ത്തി​മു​പ്പ​ത്തി​യേ​ഴിൽ ബിബ്ലിയ ഹെബ്രാ​യി​ക്ക​യു​ടെ (അച്ചടിച്ച എബ്രാ​യ​പാ​ഠം) മൂന്നാം പതിപ്പി​റ​ക്കി​യ​പ്പോൾ അതിന്‌ ലെനിൻഗ്രാഡ്‌ B 19A എന്ന പേരിൽ റഷ്യയിൽ സൂക്ഷി​ച്ചി​രുന്ന ബെൻ ആശേർ പാരമ്പ​ര്യ​പ്ര​കാ​ര​മുള്ള കൈ​യെ​ഴു​ത്തു​പ്രതി ഉപയോ​ഗി​ക്ക​പ്പെട്ടു. ലെനിൻഗ്രാഡ്‌ B 19A പൊ.യു. 1008-ലേതാണ്‌. കുറേ​ക്കാ​ലം​കൊണ്ട്‌ അലേപ്പോ എബ്രായ പാഠവും അതോ​ടൊ​പ്പം ചാവു​കടൽ ചുരു​ളു​കൾ ഉൾപ്പെടെ മറെറല്ലാ പ്രധാ​ന​പ്പെട്ട കൈ​യെ​ഴു​ത്തു​പ്ര​തി​ക​ളും പാഠ​ദേ​ഭ​ങ്ങ​ളും പ്രസി​ദ്ധീ​ക​രി​ക്കാൻ യെരൂ​ശ​ലേ​മി​ലെ ഹീബ്രൂ യൂണി​വേ​ഴ്‌സി​ററി പദ്ധതി​യി​ടു​ന്നുണ്ട്‌.

ഇന്നു നാം ഉപയോ​ഗി​ക്കുന്ന ബൈബിൾപാ​ഠം ആശ്രയ​യോ​ഗ്യ​മാണ്‌. അതു ദൈവ​നി​ശ്വ​സ്‌ത​വും വളരെ വിദഗ്‌ദ്ധ​രായ പകർപ്പെ​ഴു​ത്തു​കാ​രാൽ നൂററാ​ണ്ടു​ക​ളി​ലൂ​ടെ കൈമാ​റി​ക്കി​ട്ടി​യി​ട്ടു​ള്ള​തു​മാണ്‌. ആയിര​ത്തി​ത്തൊ​ള്ളാ​യി​ര​ത്തി​നാ​ല്‌പ​ത്തി​യേ​ഴിൽ ചാവു​ക​ട​ലി​നു സമീപം കണ്ടെത്തിയ യെശയ്യാ ചുരു​ളു​കൾ ഇന്നുള്ള ഏററം പഴക്ക​മേ​റിയ മസോ​റെ​റ​റിക്‌ ബൈബി​ളി​നേ​ക്കാൾ ആയിര​ത്തി​ല​ധി​കം വർഷം പഴക്ക​മേ​റി​യ​താ​ണെ​ങ്കി​ലും അവ തമ്മിലുള്ള ഒരു താരത​മ്യ​പ​ഠനം ആശ്ചര്യ​ക​ര​മാം​വണ്ണം കുറച്ചു വ്യത്യാ​സ​ങ്ങളേ കാണി​ക്കു​ന്നു​ള്ളു എന്നതു പകർപ്പെ​ഴു​ത്തു​കാ​രു​ടെ ഭാഗത്ത്‌ അങ്ങേയ​റ​റത്തെ ശ്രദ്ധയു​ണ്ടാ​യി​രു​ന്നു എന്നാണു പ്രകട​മാ​ക്കു​ന്നത്‌. ഇപ്പോൾ പണ്ഡിതൻമാർക്ക്‌ അലേപ്പോ കോ​ഡെ​ക്‌സ്‌ ലഭ്യമാ​യി​രി​ക്കു​ന്ന​തി​നാൽ അത്‌ എബ്രായ തിരു​വെ​ഴു​ത്തു​പാ​ഠ​ങ്ങ​ളു​ടെ ആധികാ​രി​കത സംബന്ധി​ച്ചു ആത്മവി​ശ്വാ​സ​മു​ണ്ടാ​യി​രി​ക്കു​ന്ന​തി​നു കൂടുതൽ കാരണം നൽകുന്നു. വാസ്‌ത​വ​മാ​യും, “നമ്മുടെ ദൈവ​ത്തി​ന്റെ വചനമോ എന്നേക്കും നിലനിൽക്കും.”—യെശയ്യാവ്‌ 40:8.

[അടിക്കു​റിപ്പ്‌]

[28-ാം പേജിലെ ചിത്ര​ത്തിന്‌ കടപ്പാട്‌]

Bibelmuseum, Münster

[29-ാം പേജിലെ ചിത്ര​ത്തിന്‌ കടപ്പാട്‌]

Jewish Division / The New York Public Library / Astor, Lenox, and Tilden Foundations