എന്താണു മാസൊ​രി​റ്റിക്‌ ഗ്രന്ഥം?

നിങ്ങൾ ഏതു ഭാഷയിൽ ബൈബിൾ വായി​ച്ചാ​ലും മാസൊ​രി​റ്റിക്‌ ഗ്രന്ഥത്തിൽനി​ന്നു നേരി​ട്ടോ പരോ​ക്ഷ​മാ​യോ പരിഭാ​ഷ​പ്പെ​ടു​ത്തിയ ഭാഗം അതിലു​ണ്ടാ​യി​രി​ക്കാ​നുള്ള സാധ്യ​ത​യുണ്ട്‌. എബ്രായ തിരു​വെ​ഴു​ത്തു​കൾ, അഥവാ “പഴയ നിയമം” ആണു മാസൊ​രി​റ്റിക്‌ ഗ്രന്ഥത്തി​ലു​ള്ളത്‌. യഥാർഥ​ത്തിൽ, ഒന്നിൽക്കൂ​ടു​തൽ മാസൊ​രി​റ്റിക്‌ ഗ്രന്ഥങ്ങ​ളു​ണ്ടാ​യി​രു​ന്നു. അതു​കൊണ്ട്‌ അതി​ലേത്‌, എന്തു​കൊണ്ട്‌ തിര​ഞ്ഞെ​ടു​ത്തു? വാസ്‌ത​വ​ത്തിൽ, എന്താണു മാസൊ​രി​റ്റിക്‌ ഗ്രന്ഥം? അതു വിശ്വാ​സ​യോ​ഗ്യ​മാ​ണെന്നു നമുക്ക്‌ എങ്ങനെ അറിയാം?

യഹോ​വ​യു​ടെ വചനം

പൊ.യു.മു. 1513-ൽ സീനായ്‌ മലയിൽവെച്ച്‌ ബൈബി​ളെ​ഴുത്ത്‌ ആരംഭി​ച്ചു. പുറപ്പാ​ടു 24:3, 4 നമ്മോടു പറയുന്നു: “മോശെ വന്നു യഹോ​വ​യു​ടെ വചനങ്ങ​ളും ന്യായ​ങ്ങ​ളും എല്ലാം ജനത്തെ അറിയി​ച്ചു. യഹോവ കല്‌പിച്ച സകലകാ​ര്യ​ങ്ങ​ളും ഞങ്ങൾ ചെയ്യും എന്നു ജനമൊ​ക്കെ​യും ഏകശബ്ദ​ത്തോ​ടെ ഉത്തരം പറഞ്ഞു. മോശെ യഹോ​വ​യു​ടെ വചനങ്ങ​ളൊ​ക്കെ​യും എഴുതി.”

പൊ.യു.മു. 1513 മുതൽ ഏതാണ്ട്‌ പൊ.യു.മു. 443 വരെ, അതായത്‌ ആയിര​ത്തി​ല​ധി​കം വർഷ​ത്തോ​ളം, എബ്രായ തിരു​വെ​ഴു​ത്തു​ക​ളു​ടെ എഴുത്തു തുടർന്നു​പോ​ന്നു. ദൈവം എഴുത്തു​കാ​രെ നിശ്വ​സ്‌ത​രാ​ക്കി​യ​തു​കൊണ്ട്‌, അവൻതന്നെ തന്റെ സന്ദേശത്തെ വിശ്വ​സ്‌ത​ത​യോ​ടെ സൂക്ഷി​ക്കു​ന്ന​തി​നു കാര്യാ​ദി​കളെ നിയ​ന്ത്രി​ക്കു​മെ​ന്നതു ന്യായ​യു​ക്ത​മാണ്‌. (2 ശമൂവേൽ 23:2; യെശയ്യാ​വു 40:8) എന്നുവ​രി​കി​ലും, പകർപ്പെ​ഴു​ത്തു നടത്തു​മ്പോൾ, ഒരൊററ അക്ഷരത്തി​നു​പോ​ലും മാററം​വ​രാ​ത്ത​വി​ധം മനുഷ്യൻ വരുത്താ​വുന്ന സകല തെററു​ക​ളെ​യും യഹോവ ഒഴിവാ​ക്കു​മെന്ന്‌ ഇതിന്‌ അർഥമു​ണ്ടോ?

തെററു​പ​റ്റാ​നുള്ള ചെറിയ സാധ്യ​ത​യു​ണ്ടാ​യി​രു​ന്നു

ദൈവ​വ​ച​ന​ത്തോട്‌ ആഴമായ ആദരവു​ണ്ടാ​യി​രുന്ന മനുഷ്യ​രാ​ണു തലമു​റ​ക​ളോ​ളം പകർപ്പെ​ഴു​ത്തു നടത്തി​യ​തെ​ങ്കി​ലും മാനു​ഷി​ക​മായ തെററു​കൾ ചെറിയ തോതിൽ കയ്യെഴു​ത്തു​പ്ര​തി​ക​ളിൽ കടന്നു​കൂ​ടി. ബൈബി​ളെ​ഴു​ത്തു​കാർ നിശ്വ​സ്‌ത​രാ​യി​രു​ന്നു, എന്നാൽ പകർപ്പെ​ഴു​ത്തു​കാർ തങ്ങളുടെ വേല നിർവ​ഹി​ച്ചതു ദിവ്യ​നി​ശ്വ​സ്‌ത​യിൻ കീഴി​ലാ​യി​രു​ന്നില്ല.

പൊ.യു.മു. 537-ൽ ബാബി​ലോ​ന്യ പ്രവാ​സ​ത്തിൽനി​ന്നു തിരി​ച്ചെ​ത്തി​യ​ശേഷം, യഹൂദൻമാർ ഒരു നൂതന എഴുത്തു​ശൈലി സ്വീക​രി​ച്ചു. ബാബി​ലോ​നിൽവെച്ച്‌ അവർ പഠിച്ച ഈ ശൈലി സമചതു​രാ​ക്ഷ​രങ്ങൾ ഉപയോ​ഗി​ച്ചു​ള്ള​താ​യി​രു​ന്നു. ഈ വൻമാ​ററം അതോ​ടൊ​പ്പം അന്തർലീ​ന​മായ ഒരു പ്രശ്‌നം വരുത്തി​വെച്ചു, അതായത്‌ സാമ്യ​മുള്ള ചില അക്ഷരങ്ങൾ പരസ്‌പരം മാറി ഉപയോ​ഗി​ക്കാ​നുള്ള സാധ്യത വന്നു. വ്യഞ്‌ജ​ന​ത്തിൽ അധിഷ്‌ഠി​ത​മായ ഒരു ഭാഷയാ​യി​രു​ന്നു എബ്രായ ഭാഷ. സാഹച​ര്യം മനസ്സി​ലാ​ക്കി വായന​ക്കാ​ര​നാ​ണു സ്വരാ​ക്ഷ​രങ്ങൾ ചേർക്കുക. അതിനാൽ, ഒരു വ്യഞ്‌നാ​ക്ഷരം മാറി​പ്പോ​യാൽ അതു പദത്തിന്റെ അർഥത്തെ എളുപ്പം ബാധി​ക്കും. എന്നുവ​രി​കി​ലും, മിക്കതി​ന്റെ​യും കാര്യ​ത്തിൽ, അത്തരം തെററു​കൾ കണ്ടെത്തി തിരു​ത്താ​നാ​വു​മാ​യി​രു​ന്നു.

ബാബി​ലോ​ന്റെ വീഴ്‌ച​യ്‌ക്കു​ശേഷം, യഹൂദൻമാ​രിൽ ഏറിയ​പ​ങ്കും ഇസ്രാ​യേ​ലി​ലേക്കു മടങ്ങി​പ്പോ​യില്ല. അങ്ങനെ, മധ്യപൂർവ​ദേ​ശ​ത്തും യൂറോ​പ്പി​ലും യഹൂദ​സ​മു​ദാ​യ​ത്തിൽപ്പെ​ട്ട​വർക്കു സിന​ഗോ​ഗു​കൾ ആത്മീയ കേന്ദ്ര​ങ്ങ​ളാ​യി​ത്തീർന്നു.a ഓരോ സിന​ഗോ​ഗി​നും തിരു​വെ​ഴു​ത്തു​ചു​രു​ളു​കൾ ആവശ്യ​മാ​യി​വന്നു. കോപ്പി​കൾ പെരു​കി​യ​തോ​ടെ, പകർപ്പെ​ഴു​ത്തു​കാർ വരുത്തി​യേ​ക്കാ​മാ​യി​രുന്ന തെററു​കൾക്കുള്ള സാധ്യ​ത​യും കൂടി.

തെററു​കൾക്കുള്ള പഴുതു​കൾ അടയ്‌ക്കാ​നുള്ള ശ്രമങ്ങൾ

മറെറല്ലാ എബ്രായ തിരു​വെ​ഴു​ത്തു ചുരു​ളു​ക​ളും തിരു​ത്താൻ കഴി​യേ​ണ്ട​തിന്‌ ഒരു സർവോ​ത്തമ ഗ്രന്ഥം ഉണ്ടാക്കാൻ പൊ.യു. ഒന്നാം നൂററാ​ണ്ടു മുതൽ യെരു​ശ​ലേ​മി​ലെ ശാസ്‌ത്രി​മാർ ശ്രമിച്ചു. എങ്കിലും, ഒരു പാഠത്തി​ന്റെ മൂലവും പകർപ്പെ​ഴു​ത്തു​കാർ വരുത്തിയ തെററു​ക​ളുള്ള കയ്യെഴു​ത്തു​പ്ര​തി​ക​ളും തമ്മിൽ വേർതി​രി​ക്കു​ന്ന​തിന്‌ ഒരു സുനി​ശ്ചിത നടപടി​ക്രമം അതിനി​ല്ലാ​യി​രു​ന്നു. അതുവരെ ഔദ്യോ​ഗി​ക​മാ​യി സ്ഥാപി​ക്ക​പ്പെ​ട്ടി​രു​ന്നി​ല്ലെ​ങ്കി​ലും എബ്രായ തിരു​വെ​ഴു​ത്തു​ക​ളു​ടെ വ്യഞ്‌ജ​നാ​ധി​ഷ്‌ഠിത ഗ്രന്ഥം പൊ.യു. രണ്ടാം നൂററാ​ണ്ടു​മു​തൽ മിക്കവാ​റും പ്രമാ​ണീ​ക​രി​ക്ക​പ്പെ​ട്ട​താ​യി തോന്നു​ന്നു. തൽമൂ​ദിൽ കാണ​പ്പെ​ടുന്ന എബ്രായ തിരു​വെ​ഴുത്ത്‌ ഉദ്ധരണി​കൾ (പൊ.യു. രണ്ടാം നൂററാ​ണ്ടി​നും ആറാം നൂററാ​ണ്ടി​നും ഇടയിൽ സമാഹ​രി​ക്ക​പ്പെ​ട്ടത്‌) മാസൊ​രി​റ്റിക്‌ ഗ്രന്ഥം എന്ന്‌ പിന്നീട്‌ അറിയ​പ്പെട്ട ഗ്രന്ഥത്തിൽനി​ന്നു വ്യത്യ​സ്‌ത​മായ മറേറ​തോ ഗ്രന്ഥത്തിൽനി​ന്നാണ്‌ എടുക്ക​പ്പെ​ട്ടി​ട്ടു​ള്ളത്‌ എന്നു പലപ്പോ​ഴും സൂചി​പ്പി​ക്കു​ന്നു.

എബ്രാ​യ​യിൽ “പാരമ്പ​ര്യം” എന്നതി​നുള്ള പദം മസര അഥവാ മസരെത്‌ എന്നാണ്‌. പൊ.യു. ആറാം നൂററാ​ണ്ടാ​യ​പ്പോ​ഴേ​ക്കും എബ്രായ തിരു​വെ​ഴു​ത്തു​കൾ കൃത്യ​മാ​യി പകർത്തി​യെ​ഴു​തുന്ന പാരമ്പ​ര്യം മുറു​കെ​പ്പി​ടി​ച്ചി​രു​ന്നവർ മാസൊ​രി​റ​റു​കാർ എന്ന്‌ അറിയ​പ്പെ​ടാൻ തുടങ്ങി. അവർ ഉണ്ടാക്കിയ പകർപ്പു​ക​ളെ​യാ​ണു മാസൊ​രി​റ്റിക്‌ ഗ്രന്ഥങ്ങൾ എന്നു പരാമർശി​ക്കു​ന്നത്‌. അവരുടെ പ്രവർത്ത​ന​ത്തി​നും അവർ തയ്യാറാ​ക്കിയ ഗ്രന്ഥത്തി​നും എന്തു പ്രത്യേ​ക​ത​യാ​ണു​ണ്ടാ​യി​രു​ന്നത്‌?

പ്രചാ​ര​ത്തി​ലി​രി​ക്കുന്ന രാഷ്‌ട്ര​ഭാഷ എന്നനി​ല​യിൽ എബ്രായ ഭാഷയ്‌ക്കു​ണ്ടാ​യി​രുന്ന സ്ഥാനം നഷ്ടപ്പെ​ട്ടി​രു​ന്നു. യഹൂദൻമാർ അതൊട്ടു മേലാൽ സംസാ​രി​ക്കു​ന്നു​മി​ല്ലാ​യി​രു​ന്നു. അതു​കൊണ്ട്‌, വ്യഞ്‌ജ​നാ​ധി​ഷ്‌ഠിത ബൈബിൾ ഗ്രന്ഥത്തി​ന്റെ കൃത്യ​മായ ഗ്രാഹ്യം​തന്നെ അപകടാ​വ​സ്ഥ​യി​ലാ​യി. അങ്ങനെ സംഭവി​ക്കാ​തി​രി​ക്കാൻ, ബിന്ദു​ക്ക​ളും ചെറു​വ​ര​ക​ളും​കൊ​ണ്ടു സ്വരാ​ക്ഷ​ര​ങ്ങളെ സൂചി​പ്പി​ക്കുന്ന ഒരു സമ്പ്രദാ​യം മാസൊ​രി​റ​റു​കാർ വികസി​പ്പി​ച്ചെ​ടു​ത്തു. വ്യഞ്‌ന​ങ്ങ​ളു​ടെ താഴെ​യും മേലെ​യു​മാ​യി അവയെ വെച്ചു. വിരാ​മ​ചി​ഹ്ന​ങ്ങ​ളു​ടെ ഒരു രൂപമാ​യും കൂടുതൽ കൃത്യ​മായ ഉച്ചാര​ണ​ത്തി​നുള്ള ഒരു സഹായി​യാ​യും ഉതകിയ ചിഹ്നങ്ങൾകൊ​ണ്ടുള്ള ഒരു സങ്കീർണ സമ്പ്രദാ​യ​വും മാസൊ​രി​റ​റു​കാർ വികസി​പ്പി​ച്ചെ​ടു​ത്തു.

മുൻത​ല​മു​റ​യി​ലെ ശാസ്‌ത്രി​മാർ മാററങ്ങൾ വരുത്തി​യി​ട്ടു​ണ്ടെ​ന്നോ തെററാ​യി പകർത്തി​യി​ട്ടു​ണ്ടെ​ന്നോ തോന്നി​യി​ട​ങ്ങ​ളിൽ, ആ ഭാഗം മാററു​ന്ന​തി​നു​പ​കരം വശങ്ങളി​ലെ മാർജി​നിൽ മാസൊ​രി​റ​റു​കാർ കുറി​പ്പു​കൾ എഴുതി​വെച്ചു. അസാധാ​രണ പദരൂ​പ​ങ്ങ​ളും പദസമു​ച്ച​യ​ങ്ങ​ളും, കൂടാതെ ഓരോ പുസ്‌ത​ക​ത്തി​ലും, അല്ലെങ്കിൽ മുഴു എബ്രായ തിരു​വെ​ഴു​ത്തു​ക​ളി​ലും അവ എത്ര​പ്രാ​വ​ശ്യം പ്രത്യ​ക്ഷ​പ്പെ​ടു​ന്നു​ണ്ടെ​ന്നും അവർ കുറി​ച്ചു​വെച്ചു. ഒത്തു​നോ​ക്കു​ന്ന​തിൽ പകർപ്പെ​ഴു​ത്തു​കാ​രെ സഹായി​ക്കു​ന്ന​തി​നുള്ള കൂടു​ത​ലായ അഭി​പ്രാ​യ​ങ്ങ​ളും എഴുതി​വെച്ചു. ഈ വിവരം അങ്ങേയ​ററം ഹ്രസ്വ​മാ​യി രേഖ​പ്പെ​ടു​ത്തി​വെ​ക്കാ​നാ​യി സംക്ഷിപ്‌ത “കോഡു​കളു”ടെ സമ്പ്രദാ​യം വികസി​പ്പി​ച്ചെ​ടു​ത്തു. മുകളി​ലും താഴെ​യു​മുള്ള മാർജി​നു​ക​ളിൽ, ചെറു​താ​യൊ​രു കൺകോ​ഡൻസു​ണ്ടാ​യി​രു​ന്നു. വശങ്ങളി​ലുള്ള മാർജി​നു​ക​ളിൽ അഭി​പ്രാ​യ​പ്ര​ക​ട​നങ്ങൾ നടത്തി​യി​ട്ടുള്ള ബന്ധപ്പെട്ട വാക്യ​ഭാ​ഗങ്ങൾ അതിൽ പട്ടിക​പ്പെ​ടു​ത്തി​യി​രു​ന്നു.

ഏററവും പ്രശസ്‌തി​യാർജിച്ച സമ്പ്രദാ​യം അവസാന രൂപത്തി​ലേക്കു കൊണ്ടു​വ​ന്നതു ഗലീലാ​ക്ക​ടൽക്ക​ര​യി​ലുള്ള റൈറ​ബേ​രി​യ​സി​ലെ മാസൊ​രി​റ​റു​കാ​രാ​യി​രു​ന്നു. പൊ.യു. ഒമ്പതും പത്തും നൂററാ​ണ്ടു​ക​ളി​ലെ, സാധ്യ​ത​യ​നു​സ​രിച്ച്‌ കേരേ​റ​റു​കാ​രായ (Karaites), ബെൻ അഷറി​ന്റെ​യും ബെൻ നഫ്‌താ​ലി​യു​ടെ​യും കുടും​ബങ്ങൾ വിശേ​ഷി​ച്ചും പ്രമു​ഖ​രാ​യി​ത്തീർന്നു.b ഈ രണ്ടു ചിന്താ​ഗ​തി​ക്കാ​രു​ടെ ഉച്ചാര​ണ​വി​ധ​ങ്ങൾക്കും കുറി​പ്പു​കൾക്കും വ്യത്യാ​സ​മു​ണ്ടാ​യി​രു​ന്നെ​ങ്കി​ലും, അവരുടെ ഗ്രന്ഥങ്ങ​ളി​ലെ വ്യഞ്‌ജ​ന​ങ്ങ​ളിൽ പത്തിൽ കുറഞ്ഞ വ്യത്യാ​സ​ങ്ങളേ മുഴു എബ്രായ തിരു​വെ​ഴു​ത്തു​ക​ളി​ലു​മാ​യി ഉണ്ടായി​രു​ന്നു​ള്ളു.

മാസൊ​രി​റ​റു​കാ​രി​ലെ ബെൻ അഷർ ചിന്താ​ഗ​തി​ക്കാ​രും ബെൻ നഫ്‌താ​ലി ചിന്താ​ഗ​തി​ക്കാ​രും തങ്ങളുടെ കാലഘ​ട്ട​ത്തി​ലെ മൂലാ​നു​സാര പാണ്ഡി​ത്യ​ത്തിന്‌ ഒരു വലിയ സംഭാവന ചെയ്‌തു. ബെൻ അഷർ ഗ്രന്ഥത്തെ മൈ​മോ​നി​ഡസ്‌ (12-ാം നൂററാ​ണ്ടി​ലെ, സ്വാധീ​ന​മുള്ള ഒരു തൽമൂദ്‌ പണ്ഡിതൻ) പ്രശം​സി​ച്ച​തോ​ടെ, അതിനു മററു​ള്ള​വ​രു​ടെ സമ്പൂർണ പ്രതി ലഭിച്ചു. ഇന്നു യാതോ​രു ബെൻ നഫ്‌താ​ലി കയ്യെഴു​ത്തു​പ്ര​തി​ക​ളും കണ്ടെത്താ​നാ​വാ​ത്ത​വി​ധം അത്രയ്‌ക്കാ​യി​രു​ന്നു അതിനു ലഭിച്ച അംഗീ​കാ​രം. രണ്ടു ചിന്താ​ഗ​തി​ക്കാ​രു​ടെ​യും വ്യത്യാ​സങ്ങൾ എന്തെല്ലാ​മാ​യി​രു​ന്നു എന്നതിന്റെ പട്ടിക​കൾമാ​ത്രമേ ഇന്ന്‌ അവശേ​ഷി​ക്കു​ന്നു​ള്ളു. വിരോ​ധാ​ഭാ​സ​മെന്നു പറയട്ടെ, ഖണ്ഡികകൾ തമ്മിലുള്ള അകലം​പോ​ലുള്ള എഴുത്തു​ശൈ​ലി​ക​ളു​മാ​യി ബന്ധപ്പെ​ട്ട​താ​യി​രു​ന്നു മൈ​മോ​നി​ഡ​സി​ന്റെ അഭി​പ്രാ​യങ്ങൾ, അല്ലാതെ കൃത്യ​മാ​യി ആശയം പകർത്തു​ക​യെന്ന കൂടുതൽ പ്രധാ​ന​പ്പെട്ട വശങ്ങ​ളെ​പ്പ​റ​റി​യാ​യി​രു​ന്നില്ല.

നമുക്ക്‌ “ശുദ്ധ”മായൊ​രു മാസൊ​രി​റ്റിക്‌ ഗ്രന്ഥം കണ്ടെത്താ​നാ​വു​മോ?

ഇന്നു ലഭ്യമാ​യി​ട്ടുള്ള ഏതു കയ്യെഴു​ത്തു പുസ്‌ത​ക​മാ​ണു “ശുദ്ധ” ബെൻ അഷർ ഗ്രന്ഥം എന്ന കാര്യ​ത്തിൽ പണ്ഡിതൻമാ​രു​ടെ ഇടയിൽ വലിയ അഭി​പ്രാ​യ​വ്യ​ത്യാ​സ​മുണ്ട്‌. “ശരിയായ” മാസൊ​രി​റ്റിക്‌ ഗ്രന്ഥം നമുക്ക്‌ അങ്ങനെ ലഭി​ച്ചേ​ക്കു​മെ​ന്നാ​കാം അവരുടെ ധാരണ. വാസ്‌ത​വ​ത്തിൽ, അനുപ​മ​മായ, “ശുദ്ധ”മായ ഒന്ന്‌, ആധികാ​രി​ക​മായ ഒരു മാസൊ​രി​റ്റിക്‌ ഗ്രന്ഥം ഒരിക്ക​ലും ഉണ്ടായി​രു​ന്നി​ട്ടില്ല. മറിച്ച്‌, ഓരോ​ന്നി​നും മറേറ​തിൽനി​ന്നും അല്‌പ​സ്വല്‌പ വ്യത്യാ​സ​മുള്ള അനേകം മാസൊ​രി​റ്റിക്‌ ഗ്രന്ഥങ്ങൾ ഉണ്ടായി​രു​ന്നു. നിലവി​ലുള്ള കയ്യെഴു​ത്തു പുസ്‌ത​ക​ങ്ങ​ളെ​ല്ലാം​തന്നെ ബെൻ അഷർ, ബെൻ നഫ്‌താ​ലി എന്നീ പരിഭാ​ഷ​യു​ടെ സങ്കര​ഗ്ര​ന്ഥ​ങ്ങ​ളാണ്‌.

ഇന്ന്‌ എബ്രായ തിരു​വെ​ഴു​ത്തു​ക​ളു​ടെ ഏതൊരു പരിഭാ​ഷ​ക​നും ചെയ്യേ​ണ്ടി​വ​രുന്ന ശ്രമം ഭയങ്കര​മാണ്‌. എബ്രായ തിരു​വെ​ഴു​ത്തു​ക​ളു​മാ​യി മാത്രമല്ല, പകർപ്പെ​ഴു​ത്തു​കാ​രി​ലൂ​ടെ​യോ മററു വിധങ്ങ​ളി​ലൂ​ടെ​യോ എവി​ടെ​യെ​ല്ലാം പാഠങ്ങൾക്കു മാററങ്ങൾ സംഭവി​ച്ചി​രി​ക്കാ​മെ​ന്നുള്ള ന്യായ​മായ സകല സാധ്യ​ത​ക​ളു​മാ​യും അദ്ദേഹം പരിചി​ത​നാ​കാൻ ശ്രമി​ക്കേ​ണ്ട​തുണ്ട്‌. വ്യത്യസ്‌ത മാസൊ​രി​റ്റിക്‌ ഗ്രന്ഥങ്ങൾ ഒരു അടിത്ത​റ​യാ​യി ഉതകു​മ്പോൾത്തന്നെ, വ്യഞ്‌ജ​നാ​ധി​ഷ്‌ഠത ഗ്രന്ഥത്തി​ന്റെ കൂടുതൽ പുരാ​ത​ന​വും ഒരുപക്ഷേ കൂടുതൽ കൃത്യ​ത​യു​ള്ള​തു​മായ പരിഭാ​ഷ​കളെ ന്യായ​യു​ക്ത​മാ​യി പ്രതി​നി​ധാ​നം ചെയ്യുന്ന സാധു​വായ മററ്‌ ഉറവി​ടങ്ങൾ അദ്ദേഹം പരി​ശോ​ധി​ക്കേ​ണ്ട​യാ​വ​ശ്യ​മുണ്ട്‌.

ഏൺസ്‌ററ്‌ വൂർത്‌വീൻ തന്റെ ദ ടെക്‌സ്‌ററ്‌ ഓഫ്‌ ദി ഓൾഡ്‌ ടെസ്‌റ​റ​മെൻറ്‌ എന്ന പുസ്‌ത​ക​ത്തി​ന്റെ മുഖവു​ര​യിൽ ഇങ്ങനെ വിശദീ​ക​രി​ക്കു​ന്നു: “ദുഷ്‌ക​ര​മായ ഒരു ഭാഗം വരു​മ്പോൾ, വ്യത്യസ്‌ത പരിഭാ​ഷകൾ എടുത്തു​വെച്ച്‌ ഏററവും എളുപ്പ​മായ പരിഹാ​ര​മെന്നു തോന്നുന്ന, ചില​പ്പോൾ എബ്രായ ഗ്രന്ഥം, മററു ചില​പ്പോൾ സെപ്‌റ്റു​വ​ജിൻറ്‌, വേറെ​യൊ​ര​വ​സ​ര​ത്തിൽ അരമായ റ്റാർഗം ഇഷ്ടപ്പെ​ട്ടു​കൊണ്ട്‌, ഒരെണ്ണം വെറു​തെ​യങ്ങു തിര​ഞ്ഞെ​ടു​ക്കാൻ നമുക്കാ​വില്ല. ഗ്രന്ഥപ​ര​മായ തെളി​വു​ക​ളെ​ല്ലാം ഒരേ​പോ​ലെ വിശ്വാ​സ​യോ​ഗ്യ​മല്ല. ഓരോ​ന്നി​നും അതി​ന്റേ​തായ സ്വാഭാ​വ​വും പ്രത്യേക ചരി​ത്ര​വു​മുണ്ട്‌. അപര്യാ​പ്‌ത​മോ തെറേറാ ആയ പരിഹാ​രങ്ങൾ ഒഴിവാ​ക്ക​ണ​മെന്നു നാം ആഗ്രഹി​ക്കു​ന്നെ​ങ്കിൽ, നമുക്ക്‌ ഇവയെ​ല്ലാ​മാ​യി പരിച​യ​മു​ണ്ടാ​യി​രി​ക്കണം.”

യഹോവ തന്റെ വചനം കാത്തു​സൂ​ക്ഷി​ച്ചി​രി​ക്കു​ന്നു​വെന്ന പൂർണ വിശ്വാ​സ​ത്തി​നു നമുക്ക്‌ ഉറച്ച ഒരു അടിസ്ഥാ​ന​മുണ്ട്‌. നൂററാ​ണ്ടു​ക​ളി​ലൂ​ടെ ആത്മാർഥ​ത​യുള്ള അനേകം മനുഷ്യർ നടത്തി​യി​രി​ക്കുന്ന ശ്രമങ്ങ​ളൊ​ക്കെ ഒരുമി​ച്ചെ​ടു​ക്കു​മ്പോൾ ബൈബിൾസ​ന്ദേ​ശ​ത്തി​ന്റെ സത്തയും ഉള്ളടക്ക​വും വിശദാം​ശ​ങ്ങ​ളും​പോ​ലും നമ്മുടെ വിരൽത്തു​മ്പി​ലുണ്ട്‌. അക്ഷരത്തി​ലോ പദത്തി​ലോ ഉള്ള നിസ്സാര മാററങ്ങൾ ഉണ്ടെങ്കിൽത്തന്നെ, അതു തിരു​വെ​ഴു​ത്തു​കൾ മനസ്സി​ലാ​ക്കാ​നുള്ള നമ്മുടെ പ്രാപ്‌തി​യെ ബാധി​ച്ചി​ട്ടില്ല. ഇപ്പോൾ, പ്രധാ​ന​പ്പെട്ട ചോദ്യം ഇതാണ്‌, ദൈവ​വ​ച​ന​മായ ബൈബി​ളി​നു ചേർച്ച​യിൽ നാം ജീവി​ക്കു​മോ?

[അടിക്കു​റി​പ്പു​കൾ]

[26-ാം പേജിലെ ചിത്രം]

മാസൊരിറ്റിക്‌ വാക്യങ്ങൾ ഉൾക്കൊ​ള്ളുന്ന അലെപ്പോ കയ്യെഴു​ത്തു പുസ്‌ത​കം

[കടപ്പാട്‌]

Bibelmuseum, Münster