ഭക്തിപൂർവ​ക​മായ കീഴ്‌പ്പെടൽ—എന്തു​കൊണ്ട്‌? ആരാൽ?

“യഹോവേ, മനുഷ്യ​നു തന്റെ വഴിയും നടക്കു​ന്ന​വന്നു തന്റെ കാലടി​കളെ നേരെ ആക്കുന്ന​തും സ്വാധീ​നമല്ല എന്നു ഞാൻ അറിയു​ന്നു.”—യിരെ​മ്യാ​വു 10:23.

1. സ്വാത​ന്ത്ര്യ​ത്തി​ന്റെ ഏതു രൂപങ്ങൾ പരക്കെ വിലമ​തി​ക്ക​പ്പെ​ട്ടി​രി​ക്കു​ന്നു?

മനുഷ്യ​പ്ര​മാ​ണ​ങ്ങ​ളിൽ ഏററവും പ്രസി​ദ്ധ​മാ​യ​വ​യിൽപ്പെ​ട്ട​താണ്‌ തങ്ങളുടെ മാതൃ​രാ​ജ്യ​മായ ബ്രിട്ട​ണിൽനിന്ന്‌ 18-ാം നൂററാ​ണ്ടിൽ സ്വാത​ന്ത്ര്യം പ്രഖ്യാ​പിച്ച വടക്കേ അമേരി​ക്ക​യി​ലെ 13 ബ്രിട്ടീ​ഷ്‌കോ​ള​നി​ക​ളു​ടെ സ്വാത​ന്ത്ര്യ​പ്ര​ഖ്യാ​പനം. അവർ സ്വാത​ന്ത്ര്യം ആവശ്യ​പ്പെട്ടു. വിദേ​ശ​നി​യ​ന്ത്ര​ണ​ത്തിൽനി​ന്നുള്ള മുക്തി​യും സ്വാത​ന്ത്ര്യ​വും കൈ​കോർത്തു​നീ​ങ്ങി. രാഷ്‌ട്രീ​യ​വും സാമ്പത്തി​ക​വു​മായ സ്വാത​ന്ത്ര്യ​ത്തിന്‌ ഒരു വലിയ പ്രയോ​ജ​ന​മാ​യി​രി​ക്കാൻ കഴിയും. സമീപ​കാ​ല​ങ്ങ​ളിൽ കിഴക്കൻയൂ​റോ​പ്പി​ലെ ചില രാജ്യങ്ങൾ രാഷ്‌ട്രീ​യ​സ്വാ​ത​ന്ത്ര്യ​ത്തി​ലേക്കു നീങ്ങി​യി​രി​ക്കു​ന്നു. എന്നിരു​ന്നാ​ലും, ആ രാജ്യ​ങ്ങ​ളിൽ അത്തരം സ്വാത​ന്ത്ര്യം അതോ​ടൊ​പ്പം ഗൗരവ​മുള്ള പ്രശ്‌നങ്ങൾ കൈവ​രു​ത്തി​യി​രി​ക്കു​ന്നു​വെന്നു സമ്മതി​ക്കേ​ണ്ടി​യി​രി​ക്കു​ന്നു.

2, 3. (എ) സ്വാത​ന്ത്ര്യ​ത്തി​ന്റെ ഏതു രൂപങ്ങൾ അഭികാ​മ്യ​മല്ല? (ബി) ഈ വസ്‌തുത ആദിയിൽ എങ്ങനെ ശക്തമായി വ്യക്തമാ​ക്ക​പ്പെട്ടു?

² സ്വാത​ന്ത്ര്യ​ത്തി​ന്റെ വിവിധ രൂപങ്ങൾ അഭികാ​മ്യ​മാ​യി​രി​ക്കാ​മെ​ങ്കി​ലും സ്വാത​ന്ത്ര്യ​ത്തി​ന്റെ അഭികാ​മ്യ​മ​ല്ലാത്ത ഒരു രൂപമുണ്ട്‌. അതെന്താണ്‌? മമനു​ഷ്യ​ന്റെ നിർമ്മാ​താ​വായ യഹോ​വ​യാം ദൈവത്തെ വിട്ടുള്ള സ്വാത​ന്ത്ര്യം. അത്‌ ഒരു അനു​ഗ്ര​ഹമല്ല, പിന്നെ​യോ ഒരു ശാപമാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ മുകളിൽ ഉദ്ധരിച്ച യിരെ​മ്യാ​പ്ര​വാ​ച​കന്റെ വാക്കുകൾ വളരെ ഉചിത​മാ​യി പ്രകട​മാ​ക്കു​ന്ന​തു​പോ​ലെ, മനുഷ്യൻ ഒരിക്ക​ലും തന്റെ നിർമ്മാ​താ​വിൽനി​ന്നു സ്വത​ന്ത്ര​മാ​യി പ്രവർത്തി​ക്കാൻ ഉദ്ദേശി​ക്ക​പ്പെ​ട്ടി​രു​ന്നില്ല. മററു വാക്കു​ക​ളിൽ പറഞ്ഞാൽ, മനുഷ്യൻ തന്റെ നിർമ്മാ​താ​വി​നു കീഴ്‌പ്പെ​ട്ടി​രി​ക്കാൻ ഉദ്ദേശി​ക്ക​പ്പെ​ട്ടി​രു​ന്നു. നമ്മുടെ സ്രഷ്ടാ​വി​നു കീഴ്‌പ്പെ​ട്ടി​രി​ക്കുക എന്നു പറഞ്ഞാൽ അവനെ അനുസ​രി​ക്കുക എന്നാണർത്ഥം.

³ ആ വസ്‌തുത ഉല്‌പത്തി 2:16, 17-ൽ രേഖ​പ്പെ​ടു​ത്തി​യി​രി​ക്കുന്ന ആദ്യ മനുഷ്യ​ജോ​ടി​യോ​ടുള്ള യഹോ​വ​യു​ടെ കല്‌പന ശക്തമായി വ്യക്തമാ​ക്കി: “തോട്ട​ത്തി​ലെ സകലവൃ​ക്ഷ​ങ്ങ​ളു​ടെ​യും ഫലം നിനക്കു ഇഷ്ടം​പോ​ലെ തിന്നാം. എന്നാൽ നൻമതിൻമ​ക​ളെ​ക്കു​റി​ച്ചുള്ള അറിവി​ന്റെ വൃക്ഷത്തിൻഫലം തിന്നരു​തു; തിന്നുന്ന നാളിൽ നീ മരിക്കും.” തന്റെ നിർമ്മാ​താ​വി​നു കീഴ്‌പ്പെ​ട്ടി​രി​ക്കു​ന്ന​തി​നുള്ള വിസമ്മതം ആദാമി​നും അവന്റെ സകല സന്തതി​ക്കും പാപവും കഷ്ടപ്പാ​ടും മരണവും കൈവ​രു​ത്തി.—ഉല്‌പത്തി 3:19; റോമർ 5:12.

4, 5. (എ) ദൈവ​ത്തി​നു കീഴ്‌പ്പെ​ട്ടി​രി​ക്കാൻ മനുഷ്യർ വിസമ്മ​തി​ച്ച​തിൽനിന്ന്‌ എന്തു ഫലങ്ങൾ ഉണ്ടായി​രി​ക്കു​ന്നു? (ബി) ഏതു ധാർമ്മിക നിയമം ഒഴിഞ്ഞു​മാ​റാൻ കഴിയാ​ത്ത​താണ്‌?

⁴ ദൈവ​ത്തി​നു കീഴ്‌പ്പെ​ട്ടി​രി​ക്കാ​നുള്ള മനുഷ്യ​രു​ടെ വിസമ്മതം ബുദ്ധി​ശൂ​ന്യ​വും അതു​പോ​ലെ​തന്നെ ധാർമ്മി​ക​മാ​യി തെററു​മാണ്‌. ലോക​ത്തിൽ അതു വിപു​ല​വ്യാ​പ​ക​മായ നിയമ​രാ​ഹി​ത്യ​ത്തി​ലും കുററ​കൃ​ത്യ​ത്തി​ലും അക്രമ​ത്തി​ലും ലൈം​ഗി​ക​മാ​യി പകരുന്ന രോഗ​ങ്ങ​ളാ​കുന്ന ഫലങ്ങ​ളോ​ടു​കൂ​ടിയ ലൈം​ഗി​ക​ദുർമ്മാർഗ്ഗ​ത്തി​ലും കലാശി​ച്ചി​രി​ക്കു​ന്നു. കൂടാതെ, ബാലജ​ന​കു​റ​റ​കൃ​ത്യ​ത്തി​ന്റെ ഇന്നത്തെ ബാധ ഏറെയും യഹോ​വ​ക്കും അതു​പോ​ലെ​തന്നെ മാതാ​പി​താ​ക്കൾക്കും ദേശത്തെ നിയമ​ങ്ങൾക്കും കീഴ്‌പ്പെ​ട്ടി​രി​ക്കാ​നുള്ള യുവജ​ന​ങ്ങ​ളു​ടെ വിസമ്മതം നിമി​ത്ത​മല്ലേ? സ്വാത​ന്ത്ര്യ​ത്തി​ന്റെ ഈ ആത്മാവ്‌ അനേക​രു​ടെ വസ്‌ത്ര​ധാ​ര​ണ​ത്തി​ന്റെ അലസമായ കാടൻരീ​തി​യി​ലും അവർ ഉപയോ​ഗി​ക്കുന്ന അസഭ്യ​ഭാ​ഷ​യി​ലും ദൃശ്യ​മാണ്‌.

⁵ എന്നാൽ സ്രഷ്ടാ​വി​ന്റെ വഴക്കമി​ല്ലാത്ത ഈ ധാർമ്മി​ക​നി​യ​മ​ത്തിൽനിന്ന്‌ ഒഴിഞ്ഞു​മാ​റാ​നാ​വില്ല: “വഞ്ചന​പ്പെ​ടാ​തി​രി​പ്പിൻ; ദൈവത്തെ പരിഹ​സി​ച്ചു​കൂ​ടാ; മനുഷ്യൻ വിതെ​ക്കു​ന്ന​തു​തന്നെ കൊയ്യും. ജഡത്തിൽ വിതെ​ക്കു​ന്നവൻ ജഡത്തിൽനി​ന്നു നാശം കൊയ്യും; ആത്മാവിൽ വിതെ​ക്കു​ന്നവൻ ആത്മാവിൽനി​ന്നു നിത്യ​ജീ​വനെ കൊയ്യും.”—ഗലാത്യർ 6:7, 8.

6, 7. കീഴ്‌പ്പെ​ടാൻ വിസമ്മ​തി​ക്കു​ന്ന​തി​ന്റെ മൂലകാ​ര​ണ​മെന്ത്‌, ഏതു ദൃഷ്ടാ​ന്ത​ങ്ങ​ളിൽ ഇതു കാണ​പ്പെ​ടു​ന്നു?

⁶ കീഴ്‌പ്പെ​ടാ​നുള്ള ഈ വിസമ്മ​ത​ത്തി​ന്റെ​യെ​ല്ലാം മൂലകാ​ര​ണ​മെ​ന്താണ്‌? ലളിത​മാ​യി പറഞ്ഞാൽ, അതു സ്വാർത്ഥ​ത​യും അഹങ്കാ​ര​വു​മാണ്‌. അതു​കൊ​ണ്ടാണ്‌ ആദ്യസ്‌ത്രീ​യായ ഹവ്വ സർപ്പത്താൽ വഞ്ചിക്ക​പ്പെ​ടാൻ സ്വയം അനുവ​ദി​ക്കു​ക​യും വിലക്ക​പ്പെട്ട ഫലം ഭക്ഷിക്കു​ക​യും ചെയ്‌തത്‌. അവൾ എളിമ​യും താഴ്‌മ​യും ഉള്ളവളാ​യി​രു​ന്നെ​ങ്കിൽ ദൈവ​ത്തെ​പ്പോ​ലെ​യാ​കാ​നുള്ള—നൻമയും തിൻമ​യും എന്താ​ണെന്നു സ്വയം തീരു​മാ​നി​ക്കാ​നുള്ള—പ്രലോ​ഭനം അവൾക്ക്‌ ആകർഷ​ക​മാ​യി​രി​ക്കു​മാ​യി​രു​ന്നില്ല. അവൾ നിസ്വാർത്ഥ​യാ​യി​രു​ന്നെ​ങ്കിൽ അവളുടെ നിർമ്മാ​താ​വായ യഹോ​വ​യാം ദൈവം വ്യക്തമാ​യി വിലക്കി​യി​രു​ന്നത്‌ അവൾ ആഗ്രഹി​ക്കു​മാ​യി​രു​ന്നില്ല.—ഉല്‌പത്തി 2:16, 17.

⁷ ആദാമി​ന്റെ​യും ഹവ്വയു​ടെ​യും വീഴ്‌ച​ക്കു​ശേഷം അധികം താമസി​യാ​തെ, അഹങ്കാ​ര​വും സ്വാർത്ഥ​ത​യും കയീൻ തന്റെ സഹോ​ദ​ര​നായ ഹാബേ​ലി​നെ കൊല്ലാ​നി​ട​യാ​ക്കി. കൂടാതെ, സ്വാർത്ഥത ചില ദൂതൻമാർ സ്വത​ന്ത്ര​മാ​യി പ്രവർത്തി​ച്ചു​കൊ​ണ്ടു വിഷയ​സു​ഖങ്ങൾ ആസ്വദി​ക്ക​ത്ത​ക്ക​വണ്ണം തങ്ങളുടെ ആദ്യസ്ഥാ​നം വിട്ടു ജഡശരീ​ര​മെ​ടു​ക്കാ​നി​ട​യാ​ക്കി. അഹങ്കാ​ര​വും സ്വാർത്ഥ​ത​യും നി​മ്രോ​ദി​നെ പ്രേരി​പ്പി​ച്ചു, അവ അയാളു​ടെ കാലം​മു​തൽ മിക്ക ലോക​ഭ​ര​ണാ​ധി​കാ​രി​ക​ളു​ടെ​യും സ്വഭാ​വ​മാ​യി​രു​ന്നി​ട്ടുണ്ട്‌.—ഉല്‌പത്തി 3:6, 7; 4:6-8; 1 യോഹ​ന്നാൻ 3:12; യൂദാ 6.

യഹോ​വ​യാം ദൈവ​ത്തി​നു കീഴ്‌പ്പെ​ട്ടി​രി​ക്കാൻ നമുക്കു കടപ്പാ​ടു​ള്ള​തി​ന്റെ കാരണം

8-11. നാം ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കു​ന്ന​തി​നുള്ള നാലു ശക്തമായ കാരണ​ങ്ങ​ളേവ?

⁸ നാം നമ്മുടെ നിർമ്മാ​താ​വായ യഹോ​വ​യാം ദൈവ​ത്തി​നു കീഴ്‌പ്പെ​ട്ടി​രി​ക്കാൻ കടപ്പെ​ട്ടി​രി​ക്കു​ന്ന​തെ​ന്തു​കൊണ്ട്‌? ഒന്നാമ​താ​യി അവിടു​ന്നു സാർവ്വ​ത്രി​ക​പ​ര​മാ​ധി​കാ​രി​യാ​യ​തു​കൊണ്ട്‌. ഉചിത​മാ​യി സകല അധികാ​ര​വും ദൈവ​ത്തിൽ സ്ഥിതി​ചെ​യ്യു​ന്നു. അവിടു​ന്നു നമ്മുടെ ന്യായാ​ധി​പ​തി​യും നിയമ​ദാ​താ​വും രാജാ​വു​മാ​കു​ന്നു. (യെശയ്യാവ്‌ 33:22) അവിടത്തെ സംബന്ധിച്ച്‌ ഇങ്ങനെ ഉചിത​മാ​യി എഴുത​പ്പെ​ട്ടി​രി​ക്കു​ന്നു: “സകലവും അവന്റെ കണ്ണിന്നു നഗ്നവും മലർന്ന​തു​മാ​യി കിടക്കു​ന്നു; അവനു​മാ​യി​ട്ടാ​കു​ന്നു നമുക്കു കാര്യ​മു​ള്ളതു.”—എബ്രായർ 4:13.

⁹ കൂടാതെ, നമ്മുടെ നിർമ്മാ​താ​വു സർവശ​ക്ത​നാ​ക​യാൽ ആർക്കും അവിടു​ത്തോട്‌ എതിർത്തു വിജയി​ക്കാൻ കഴിക​യില്ല; ദൈവ​ത്തി​നു കീഴ്‌പ്പെ​ട്ടി​രി​ക്കാ​നുള്ള തന്റെ കടപ്പാ​ടി​നെ ആർക്കും അവഗണി​ക്കാൻ കഴിക​യില്ല. വിസമ്മ​തി​ക്കു​ന്നവർ പുരാ​ത​ന​കാ​ലത്തെ ഫറവോ​നെ​പ്പോ​ലെ​യും പിശാ​ചായ സാത്താനു തക്ക സമയത്തു സംഭവി​ക്കാ​നി​രി​ക്കു​ന്ന​തു​പോ​ലെ​യും പെട്ടെ​ന്നോ താമസി​ച്ചോ നശിപ്പി​ക്ക​പ്പെ​ടും.—സങ്കീർത്തനം 136:1, 11-15; വെളി​പാട്‌ 11:17; 20:10, 14.

¹⁰ കീഴ്‌പ്പെടൽ ബുദ്ധി​ശ​ക്തി​യുള്ള സകല സൃഷ്ടി​ക​ളു​ടെ​യും കടപ്പാ​ടാണ്‌, കാരണം അവർ സ്ഥിതി​ചെ​യ്യു​ന്നതു അവരുടെ നിർമ്മാ​താ​വി​നെ സേവി​ക്കുക എന്ന ഉദ്ദേശ്യ​ത്തി​ലാണ്‌. വെളി​പ്പാ​ടു 4:11 ഇങ്ങനെ പ്രഖ്യാ​പി​ക്കു​ന്നു: “കർത്താവേ, [യഹോവേ, NW] നീ സർവ്വവും സൃഷ്ടി​ച്ച​വ​നും എല്ലാം നിന്റെ ഇഷ്ടം ഹേതു​വാൽ ഉണ്ടായ​തും സൃഷ്ടി​ക്ക​പ്പെ​ട്ട​തും ആകയാൽ മഹത്വ​വും ബഹുമാ​ന​വും ശക്തിയും കൈ​ക്കൊൾവാൻ യോഗ്യൻ.” ദൈവം വലിയ കുശവ​നാണ്‌, അവിടു​ന്നു തന്റെ ഉദ്ദേശ്യാർത്ഥം മനുഷ്യ​പാ​ത്ര​ങ്ങളെ നിർമ്മി​ക്കു​ന്നു.—യെശയ്യാവ്‌ 29:16; 64:8.

¹¹ നമ്മുടെ നിർമ്മാ​താ​വു സർവജ്ഞാ​നി​യാ​ണെ​ന്നുള്ള വസ്‌തുത നാം അവഗണി​ക്ക​രുത്‌, തന്നിമി​ത്തം നമുക്ക്‌ ഏററവും നല്ലതെ​ന്തെന്ന്‌ അവിടു​ത്തേ​ക്ക​റി​യാം. (റോമർ 11:33) അവിടു​ത്തെ നിയമങ്ങൾ ‘നമ്മുടെ നൻമക്കു​വേ​ണ്ടി​യാണ്‌.’ (ആവർത്തനം 10:12, 13) എല്ലാറ​റി​നു​മു​പരി, “ദൈവം സ്‌നേഹം ആകുന്നു,” അതു​കൊണ്ട്‌ അവിടു​ന്നു നമുക്ക്‌ ഏററവും നല്ലതാണ്‌ ആഗ്രഹി​ക്കു​ന്നത്‌. നമ്മുടെ നിർമ്മാ​താ​വായ യഹോ​വ​യാം ദൈവ​ത്തി​നു കീഴ്‌പ്പെ​ട്ടി​രി​ക്കു​ന്ന​തിന്‌ എത്രയോ നിർബ​ന്ധി​ത​കാ​ര​ണ​ങ്ങ​ളാ​ണു നമുക്കു​ള്ളത്‌!—1 യോഹ​ന്നാൻ 4:8.

യേശു​ക്രി​സ്‌തു, ഭക്തിപൂർവ​ക​മായ കീഴ്‌പ്പെ​ട​ലി​ന്റെ പൂർണ്ണ​ത​യുള്ള ദൃഷ്ടാന്തം

12, 13. (എ) യേശു​ക്രി​സ്‌തു എങ്ങനെ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കി? (ബി) യേശു​വി​ന്റെ ഏതു വാക്കുകൾ അദ്ദേഹ​ത്തി​ന്റെ കീഴ്‌പ്പെ​ടൽമ​നോ​ഭാ​വത്തെ പ്രകട​മാ​ക്കു​ന്നു?

¹² സംശയ​ത്തി​ന്റെ നിഴൽപോ​ലു​മി​ല്ലാ​തെ, യഹോ​വ​യു​ടെ ഏകജാ​ത​പു​ത്ര​നായ യേശു​ക്രി​സ്‌തു നമുക്കു ഭക്തിപൂർവ​ക​മായ കീഴ്‌പ്പെ​ട​ലി​ന്റെ പൂർണ്ണ​ത​യുള്ള ദൃഷ്ടാന്തം നൽകുന്നു. ഫിലി​പ്പി​യർ 2:6-8-ൽ അപ്പൊ​സ്‌ത​ല​നായ പൗലോസ്‌ ഇതു ചൂണ്ടി​ക്കാ​ണി​ക്കു​ന്നു: “[യേശു] ദൈവ​രൂ​പ​ത്തിൽ ഇരിക്കെ ദൈവ​ത്തോ​ടുള്ള സമത്വം മുറുകെ പിടി​ച്ചു​കൊ​ള്ളേണം എന്നു വിചാ​രി​ക്കാ​തെ ദാസരൂ​പം എടുത്തു മനുഷ്യ​സാ​ദൃ​ശ്യ​ത്തി​ലാ​യി തന്നെത്താൻ ഒഴിച്ചു വേഷത്തിൽ മനുഷ്യ​നാ​യി വിളങ്ങി തന്നെത്താൻ താഴ്‌ത്തി [പിന്നെ​യും] മരണ​ത്തോ​ളം ക്രൂശി​ലെ മരണ​ത്തോ​ളം തന്നേ, അനുസ​ര​ണ​മു​ള്ള​വ​നാ​യി​ത്തീർന്നു.” ഭൂമി​യി​ലാ​യി​രു​ന്ന​പ്പോൾ താൻ സ്വന്തമാ​യി മുൻകൈ എടുത്ത്‌ ഒന്നും ചെയ്‌തി​ല്ലെന്നു യേശു ആവർത്തി​ച്ചു പ്രസ്‌താ​വി​ച്ചു; അദ്ദേഹം സ്വത​ന്ത്ര​മാ​യി വർത്തി​ച്ചില്ല, എന്നാൽ എല്ലായ്‌പ്പോ​ഴും തന്റെ സ്വർഗ്ഗീ​യ​പി​താ​വി​നു കീഴ്‌പ്പെ​ട്ടി​രു​ന്നു.

¹³ നാം യോഹ​ന്നാൻ 5:19, 30-ൽ ഇങ്ങനെ വായി​ക്കു​ന്നു: “യേശു അവരോ​ടു ഉത്തരം പറഞ്ഞതു: ആമേൻ, ആമേൻ, ഞാൻ നിങ്ങ​ളോ​ടു പറയുന്നു: പിതാവു ചെയ്‌തു​കാ​ണു​ന്നതു അല്ലാതെ പുത്രന്നു സ്വതേ ഒന്നും ചെയ്‌വാൻ കഴിക​യില്ല; അവൻ ചെയ്യു​ന്നതു എല്ലാം പുത്ര​നും അവ്വണ്ണം തന്നേ ചെയ്യുന്നു. എനിക്കു സ്വതേ ഒന്നും ചെയ്യാൻ കഴിയു​ന്നതല്ല; ഞാൻ കേൾക്കു​ന്ന​തു​പോ​ലെ ന്യായം വിധി​ക്കു​ന്നു; ഞാൻ എന്റെ ഇഷ്ടമല്ല, എന്നെ അയച്ചവന്റെ ഇഷ്ടമത്രേ ചെയ്‌വാൻ ഇച്ഛിക്കു​ന്ന​തു​കൊ​ണ്ടു എന്റെ വിധി നീതി​യു​ള്ളതു ആകുന്നു.” അതു​പോ​ലെ​തന്നെ, “എങ്കിലും ഞാൻ ഇച്ഛിക്കും​പോ​ലെ അല്ല, നീ ഇച്ഛിക്കും​പോ​ലെ ആകട്ടെ” എന്ന്‌ അദ്ദേഹം തന്റെ ഒററി​ക്കൊ​ടു​ക്ക​ലി​ന്റെ രാത്രി​യിൽ ആവർത്തി​ച്ചു പ്രാർത്ഥി​ച്ചു.—മത്തായി 26:39, 42, 44; യോഹ​ന്നാൻ 7:28; 8:28, 42 കൂടെ കാണുക.

ഭക്തിപൂർവ​ക​മായ കീഴ്‌പ്പെ​ട​ലി​ന്റെ പുരാതന മാതൃ​ക​കൾ

14. നോഹ ഏതു വിധങ്ങ​ളിൽ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കി?

¹⁴ ഭക്തിപൂർവ​ക​മായ കീഴ്‌പ്പെ​ട​ലി​ന്റെ ആദിമ മനുഷ്യ​ദൃ​ഷ്ടാ​ന്ത​ങ്ങ​ളിൽ നോഹ ഉൾപ്പെട്ടു. അദ്ദേഹം മൂന്നു വിധങ്ങ​ളിൽ തന്റെ കീഴ്‌പ്പെടൽ പ്രകട​മാ​ക്കി. ഒന്ന്‌, സത്യ​ദൈ​വ​ത്തോ​ടു​കൂ​ടെ നടന്നു​കൊണ്ട്‌, തന്റെ സമകാ​ലി​ക​രു​ടെ ഇടയിൽ നിഷ്‌ക​ള​ങ്ക​നാ​യി നീതി​മാ​നായ ഒരു മനുഷ്യ​നാ​യി​രു​ന്നു​കൊണ്ട്‌. (ഉല്‌പത്തി 6:9) രണ്ട്‌, പെട്ടകം നിർമ്മി​ച്ചു​കൊണ്ട്‌. “ദൈവം തന്നോടു കല്‌പി​ച്ച​തൊ​ക്കെ​യും നോഹ ചെയ്‌തു; അങ്ങനെ തന്നേ അവൻ ചെയ്‌തു.” (ഉല്‌പത്തി 6:22) മൂന്ന്‌, വരാനി​രുന്ന ജലപ്ര​ള​യ​ത്തെ​ക്കു​റിച്ച്‌ “ഒരു നീതി​പ്ര​സം​ഗി”യെന്ന നിലയിൽ മുന്നറി​യി​പ്പു മുഴക്കി​ക്കൊണ്ട്‌.—2 പത്രൊസ്‌ 2:5.

15, 16. (എ) അബ്രഹാം ഭക്തിപൂർവ​ക​മായ കീഴ്‌പ്പെ​ട​ലി​ന്റെ ഏതു നല്ല മാതൃക വെച്ചു? (ബി) സാറ എങ്ങനെ കീഴ്‌പ്പെടൽ പ്രകട​മാ​ക്കി?

¹⁵ അബ്രഹാം ഭക്തിപൂർവ​ക​മായ കീഴ്‌പ്പെ​ട​ലി​ന്റെ മറെറാ​രു മുന്തിയ ദൃഷ്ടാ​ന്ത​മാ​യി​രു​ന്നു. “നിന്റെ ദേശത്തെ . . . വിട്ടു . . . പോക” എന്ന ദൈവ​ത്തി​ന്റെ കല്‌പന അനുസ​രി​ച്ചു​കൊണ്ട്‌ അദ്ദേഹം കീഴ്‌പ്പെടൽ പ്രകട​മാ​ക്കി. (ഉല്‌പത്തി 12:1) അതിന്റെ അർത്ഥം ഊരിലെ (പുരാ​വ​സ്‌തു​ക​ണ്ടു​പി​ടി​ത്തങ്ങൾ സൂചി​പ്പി​ക്കു​ന്ന​തു​പോ​ലെ അത്‌ ഒരു അപ്രധാന നഗരമാ​യി​രു​ന്നില്ല) അദ്ദേഹ​ത്തി​ന്റെ സുഖക​ര​മായ ചുററു​പാ​ടു​കൾ വിട്ട്‌ ഒരു വിദേ​ശത്ത്‌ ഒരു നൂറു​വർഷം നാടോ​ടി​യാ​യി അലയണ​മെ​ന്നാ​യി​രു​ന്നു. തന്റെ പുത്ര​നായ ഇസ്‌ഹാ​ക്കി​നെ ബലിയർപ്പി​ക്കാൻ സന്നദ്ധനാ​കുക എന്ന വലിയ പരീക്ഷയെ നേരി​ട്ടു​കൊണ്ട്‌ അബ്രഹാം വിശേ​ഷാൽ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കി.—ഉല്‌പത്തി 22:1-12.

¹⁶ അബ്രഹാ​മി​ന്റെ ഭാര്യ​യായ സാറ നമുക്കു ഭക്തിപൂർവ​ക​മായ കീഴ്‌പ്പെ​ട​ലി​ന്റെ മറെറാ​രു നല്ല ദൃഷ്ടാ​ന്ത​മാണ്‌. തീർച്ച​യാ​യും ഒരു അപരി​ചി​ത​ദേ​ശത്തെ അലഞ്ഞു​ന​ടപ്പ്‌ അതോ​ടൊ​പ്പം അനേകം അസൗക​ര്യ​ങ്ങൾ വരുത്തി. എന്നാൽ അവർ പരാതി പറയു​ന്ന​താ​യി ഒരിട​ത്തും നാം വായി​ക്കു​ന്നില്ല. അബ്രഹാം പുറജാ​തി​ഭ​ര​ണാ​ധി​കാ​രി​ക​ളു​ടെ മുമ്പാകെ അവരെ തന്റെ സഹോ​ദ​രി​യാ​യി അവതരി​പ്പിച്ച രണ്ടു സന്ദർഭ​ങ്ങ​ളി​ലും അവർ കീഴ്‌പ്പെ​ട​ലി​ന്റെ നല്ല മാതൃക വെച്ചു. രണ്ടു പ്രാവ​ശ്യ​വും അവൾ സഹകരി​ച്ചു, തത്‌ഫ​ല​മാ​യി സാറ ഏറെക്കു​റെ അവരുടെ അന്തഃപു​ര​ങ്ങ​ളി​ലെ ഒരു അംഗ​ത്തെ​പ്പോ​ലെ​യാ​യെ​ങ്കി​ലും. തന്റെ ഭർത്താ​വായ അബ്രഹാ​മി​നെ തന്റെ ഉള്ളിൽ “എന്റെ യജമാനൻ” എന്നു പരാമർശിച്ച രീതി​യും അവരുടെ ഭക്തിപൂർവ​ക​മായ കീഴ്‌പ്പെ​ട​ലി​നെ തെളി​യി​ക്കു​ന്ന​താണ്‌, അത്‌ അവരുടെ യഥാർത്ഥ ഹൃദയ​ഭാ​വ​മാ​യി​രു​ന്നു​വെന്നു പ്രകട​മാ​ക്കു​ന്ന​തു​തന്നെ.—ഉല്‌പത്തി 12:11-20; 18:12; 20:2-18; 1 പത്രോസ്‌ 3:6, NW.

17. ഇസ്‌ഹാക്ക്‌ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കി​യെന്നു പറയാൻ കഴിയു​ന്ന​തെ​ന്തു​കൊണ്ട്‌?

¹⁷ അബ്രഹാ​മി​ന്റെ പുത്ര​നായ ഇസ്‌ഹാക്ക്‌ വെച്ച ഭക്തിപൂർവ​ക​മായ കീഴ്‌പ്പെ​ട​ലി​ന്റെ മറെറാ​രു നല്ല ദൃഷ്ടാന്തം നമുക്ക്‌ അവഗണി​ക്കാ​തി​രി​ക്കാം. ഇസ്‌ഹാ​ക്കി​നെ ബലിയർപ്പി​ക്കാൻ യഹോവ അദ്ദേഹ​ത്തി​ന്റെ പിതാ​വായ അബ്രഹാ​മി​നോ​ടു കല്‌പി​ച്ച​പ്പോൾ ഇസ്‌ഹാ​ക്കിന്‌ ഏതാണ്ട്‌ 25 വയസ്സു​ണ്ടാ​യി​രു​ന്നെന്നു യഹൂദ പാരമ്പ​ര്യം സൂചി​പ്പി​ക്കു​ന്നു. ഇസ്‌ഹാക്ക്‌ ആഗ്രഹി​ച്ചി​രു​ന്നെ​ങ്കിൽ, തന്നേക്കാൾ നൂറു​വ​യസ്സു പ്രായ​ക്കൂ​ടു​ത​ലു​ണ്ടാ​യി​രുന്ന തന്റെ പിതാ​വി​നെ അനായാ​സം ചെറു​ത്തു​നിൽക്കാൻ കഴിയു​മാ​യി​രു​ന്നു. എന്നാൽ അതു ചെയ്‌തില്ല. ഒരു യാഗമൃ​ഗം ഇല്ലാത്ത​തി​നെ​ക്കു​റിച്ച്‌ ഇസ്‌ഹാക്ക്‌ അറിയാ​നാ​ഗ്ര​ഹി​ച്ചെ​ങ്കി​ലും തന്റെ പിതാവു തന്നെ യാഗപീ​ഠ​ത്തിൻമേൽ കിടത്തി​യി​ട്ടു കശാപ്പു​കത്തി ഉപയോ​ഗി​ച്ചി​രു​ന്നെ​ങ്കിൽ ഉണ്ടാ​യേ​ക്കു​മാ​യി​രുന്ന അനിച്ഛാ പ്രതി​ക​ര​ണങ്ങൾ തടയാൻ അല്ലെങ്കിൽ നിയ​ന്ത്രി​ക്കാൻ തന്റെ കൈകാ​ലു​കൾ കെട്ടു​ന്ന​തി​നു സൗമ്യ​ത​യോ​ടെ കീഴ്‌പ്പെട്ടു.—ഉല്‌പത്തി 22:7-9.

18. മോശ മാതൃ​കാ​യോ​ഗ്യ​മായ കീഴ്‌പ്പെടൽ പ്രകട​മാ​ക്കി​യ​തെ​ങ്ങനെ?

¹⁸ വർഷങ്ങൾക്കു​ശേഷം, മോശ നമുക്കു​വേണ്ടി ഭക്തിപൂർവ​ക​മായ കീഴ്‌പ്പെ​ട​ലി​ന്റെ നല്ല ദൃഷ്ടാന്തം വെച്ചു. അദ്ദേഹം “ഭൂതല​ത്തിൽ ഉള്ള സകല മനുഷ്യ​രി​ലും അതിസൗ​മ്യ​നാ​യി​രു​ന്നു” എന്ന വർണ്ണന തീർച്ച​യാ​യും അതു സൂചി​പ്പി​ക്കു​ന്നു. (സംഖ്യാ​പു​സ്‌തകം 12:3) മരുഭൂ​മി​യിൽ തനിക്കു ഇരുപത്‌ അല്ലെങ്കിൽ മുപ്പതു ലക്ഷം വരുന്ന മത്സരി​ക​ളായ ജനത്തിന്റെ മേൽവി​ചാ​രണ ഉണ്ടായി​രു​ന്നു​വെ​ങ്കി​ലും യഹോ​വ​യു​ടെ കല്‌പ​നകൾ 40 വർഷം അനുസ​ര​ണ​പൂർവം നിറ​വേ​റ​റി​യത്‌ അദ്ദേഹ​ത്തി​ന്റെ ഭക്തിപൂർവ​ക​മായ കീഴ്‌പ്പെ​ട​ലി​നെ കൂടു​ത​ലാ​യി തെളി​യി​ക്കു​ന്നു. അതു​കൊണ്ട്‌ “മോശെ അങ്ങനെ ചെയ്‌തു; യഹോവ തന്നോടു കല്‌പി​ച്ച​തു​പോ​ലെ​യൊ​ക്കെ​യും അവൻ ചെയ്‌തു” എന്നു രേഖ പറയുന്നു.—പുറപ്പാ​ടു 40:16.

19. ഏതു പ്രസ്‌താ​വ​ന​ക​ളാൽ ഇയ്യോബ്‌ യഹോ​വ​യോ​ടുള്ള തന്റെ കീഴ്‌പ്പെടൽ പ്രകട​മാ​ക്കി?

¹⁹ ഭക്തിപൂർവ​ക​മായ കീഴ്‌പ്പെ​ട​ലിൽ നമുക്കു വിശിഷ്ട മാതൃക വെച്ച മറെറാ​രു പ്രമുഖ കഥാപാ​ത്ര​മാ​യി​രു​ന്നു ഇയ്യോബ്‌. ഇയ്യോ​ബി​ന്റെ സകല സ്വത്തു​ക്ക​ളും തുടച്ചു​നീ​ക്കു​ന്ന​തി​നും മക്കളെ കൊല്ലു​ന്ന​തി​നും അനന്തരം അദ്ദേഹ​ത്തി​ന്റെ “ഉള്ളങ്കാൽമു​തൽ നെറു​ക​വരെ വല്ലാത്ത പരുക്ക​ളാൽ” ബാധി​ക്കു​ന്ന​തി​നും യഹോവ സാത്താനെ അനുവ​ദി​ച്ച​ശേഷം അദ്ദേഹ​ത്തി​ന്റെ ഭാര്യ “നീ ഇനിയും നിന്റെ ഭക്തി മുറുകെ പിടി​ച്ചു​കൊ​ണ്ടി​രി​ക്കു​ന്നു​വോ? ദൈവത്തെ ത്യജി​ച്ചു​പ​റഞ്ഞു മരിച്ചു​കളക” എന്ന്‌ അദ്ദേഹ​ത്തോ​ടു പറഞ്ഞു. എന്നിട്ടും “ഒരു പൊട്ടി സംസാ​രി​ക്കു​ന്ന​തു​പോ​ലെ നീ സംസാ​രി​ക്കു​ന്നു. നാം ദൈവ​ത്തി​ന്റെ കയ്യിൽനി​ന്നു നൻമ കൈ​ക്കൊ​ള്ളു​ന്നു; തിൻമ​യും കൈ​ക്കൊ​ള്ള​രു​തോ” എന്നു പറഞ്ഞു​കൊണ്ട്‌ ഇയ്യോബ്‌ തന്റെ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കി. (ഇയ്യോബ്‌ 2:7-10) ഇയ്യോബ്‌ 13:15-ൽ രേഖ​പ്പെ​ടു​ത്തി​യി​രി​ക്കുന്ന, “അവൻ എന്നെ കൊന്നാ​ലും ഞാൻ അവനെ​ത്തന്നേ കാത്തി​രി​ക്കും” എന്ന അദ്ദേഹ​ത്തി​ന്റെ വാക്കുകൾ അതേ മാനസി​ക​ഭാ​വം പ്രകട​മാ​ക്കു​ന്ന​വ​യാണ്‌. യഥാർത്ഥ​ത്തിൽ ഇയ്യോബ്‌ സ്വന്തം നീതി​മ​ത്‌ക​ര​ണ​ത്തിൽ അതിയാ​യി തത്‌പ​ര​നാ​യി​രു​ന്നെ​ങ്കി​ലും, ഒടുവിൽ യഹോവ അദ്ദേഹ​ത്തി​ന്റെ സങ്കല്‌പിത ആശ്വാ​സ​ക​രി​ലൊ​രാ​ളോട്‌ “നിന്നോ​ടും നിന്റെ രണ്ടു സ്‌നേ​ഹി​തൻമാ​രോ​ടും എനിക്കു കോപം ജ്വലി​ച്ചി​രി​ക്കു​ന്നു; എന്റെ ദാസനായ ഇയ്യോ​ബി​നെ​പ്പോ​ലെ നിങ്ങൾ എന്നെക്കു​റി​ച്ചു വിഹി​ത​മാ​യതു സംസാ​രി​ച്ചി​ട്ടില്ല” എന്നു പറഞ്ഞു​വെ​ന്നതു നാം അവഗണി​ക്ക​രുത്‌. നിസ്സം​ശ​യ​മാ​യി, ഇയ്യോബ്‌ ഭക്തിപൂർവ​ക​മായ കീഴ്‌പ്പെ​ട​ലി​ന്റെ നല്ല മാതൃക ആയിരി​ക്കു​ന്നു.—ഇയ്യോബ്‌ 42:7.

20. ദാവീദ്‌ ഏതു വിധങ്ങ​ളിൽ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കി?

²⁰ എബ്രാ​യ​തി​രു​വെ​ഴു​ത്തു​ക​ളിൽനിന്ന്‌ ഒരു ദൃഷ്ടാ​ന്തം​കൂ​ടി പറഞ്ഞാൽ, ദാവീദ്‌ ഉണ്ട്‌. ശൗൽരാ​ജാവ്‌, ദാവീദ്‌ ഒരു മൃഗമാ​യി​രു​ന്നാ​ലെ​ന്ന​പോ​ലെ അദ്ദേഹത്തെ വേട്ടയാ​ടി​യ​പ്പോൾ ശൗലിനെ കൊന്നു​കൊ​ണ്ടു തന്റെ കുഴപ്പങ്ങൾ അവസാ​നി​പ്പി​ക്കാൻ ദാവീ​ദി​നു രണ്ട്‌ അവസരങ്ങൾ ലഭിച്ചു. എന്നിരു​ന്നാ​ലും, ദാവീ​ദി​ന്റെ ഭക്തിപൂർവ​ക​മായ കീഴ്‌പ്പെടൽ അങ്ങനെ ചെയ്യു​ന്ന​തിൽനിന്ന്‌ അദ്ദേഹത്തെ തടഞ്ഞു. അദ്ദേഹ​ത്തി​ന്റെ വാക്കുകൾ 1 ശമൂവേൽ 24:6-ൽ രേഖ​പ്പെ​ടു​ത്തി​യി​രി​ക്കു​ന്നു: “യഹോ​വ​യു​ടെ അഭിഷി​ക്ത​നായ എന്റെ യജമാ​നന്റെ നേരെ കയ്യെടു​ക്കു​ന്ന​തായ ഈ കാര്യം ചെയ്‌വാൻ യഹോവ എനിക്കു ഇടവരു​ത്ത​രു​തേ; അവൻ യഹോ​വ​യു​ടെ അഭിഷി​ക്ത​ന​ല്ലോ.” (1 ശമൂവേൽ 26:9-11 കൂടെ കാണുക.) അദ്ദേഹം അതു​പോ​ലെ​തന്നെ തെററു​കൾ ചെയ്യു​ക​യോ പാപം​ചെ​യ്യു​ക​യോ ചെയ്‌ത​പ്പോൾ ശാസന സ്വീക​രി​ച്ചു​കൊ​ണ്ടു ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കി.—2 ശമുവേൽ 12:13; 24:17; 1 ദിനവൃ​ത്താ​ന്തം 15:13.

കീഴ്‌പ്പെ​ട​ലിൽ പൗലോ​സി​ന്റെ മാതൃക

21-23. ഏതു വിവിധ സന്ദർഭ​ങ്ങ​ളിൽ അപ്പോ​സ്‌ത​ല​നായ പൗലോസ്‌ ഭക്തിപൂർവ​ക​മായ കീഴ്‌പ്പെടൽ പ്രകട​മാ​ക്കി?

²¹ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ, അപ്പോ​സ്‌ത​ല​നായ പൗലോ​സിൽ ഭക്തിപൂർവ​ക​മായ കീഴ്‌പ്പെടൽ സംബന്ധിച്ച ഒരു മുന്തിയ ദൃഷ്ടാന്തം നമുക്കുണ്ട്‌. ഇതിൽ അദ്ദേഹം തന്റെ അപ്പോ​സ്‌ത​ലിക ശുശ്രൂ​ഷ​യി​ലെ മറെറല്ലാ വശങ്ങളി​ലും ചെയ്‌ത​തു​പോ​ലെ തന്റെ യജമാ​ന​നായ യേശു​ക്രി​സ്‌തു​വി​നെ അനുക​രി​ച്ചു. (1 കൊരി​ന്ത്യർ 11:1) യഹോ​വ​യാം ദൈവം അപ്പോ​സ്‌ത​ലൻമാ​രിൽ മററ്‌ ഏതൊ​രാ​ളെ​ക്കാ​ളും ശക്തമായി പൗലോ​സി​നെ ഉപയോ​ഗി​ച്ചെ​ങ്കി​ലും അദ്ദേഹം ഒരിക്ക​ലും സ്വത​ന്ത്ര​മാ​യി പ്രവർത്തി​ച്ചില്ല. പുറജാ​തി​ക​ളായ പരിവർത്തി​തരെ പരിച്‌ഛേദന കഴിപ്പി​ക്കേ​ണ്ട​തു​ണ്ടോ എന്ന പ്രശ്‌ന​മു​ണ്ടാ​യ​പ്പോൾ “പൗലോ​സും ബർന്നബാ​സും അവരിൽ [അന്ത്യോ​ക്യ​യി​ലെ സഹോ​ദ​രൻമാ​രിൽ] മററു​ചി​ല​രും ഈ തർക്കസം​ഗ​തി​യെ​പ്പ​ററി യെരൂ​ശ​ലേ​മിൽ അപ്പോ​സ്‌ത​ലൻമാ​രു​ടെ​യും മൂപ്പൻമാ​രു​ടെ​യും അടുക്കൽ പോ​കേണം എന്നു നിശ്ചയി​ച്ചു” എന്നു ലൂക്കോസ്‌ നമ്മോടു പറയുന്നു.—പ്രവൃ​ത്തി​കൾ 15:2.

²² പൗലോ​സി​ന്റെ മിഷന​റി​പ്ര​വർത്തനം സംബന്ധി​ച്ചു ഗലാത്യർ 2:9-ൽ നമ്മോട്‌ ഇങ്ങനെ പറഞ്ഞി​രി​ക്കു​ന്നു: “എനിക്കു ലഭിച്ച കൃപ അറിഞ്ഞും​കൊ​ണ്ടു തൂണു​ക​ളാ​യി എണ്ണപ്പെ​ട്ടി​രുന്ന യാക്കോ​ബും കേഫാ​വും യോഹ​ന്നാ​നും ഞങ്ങൾ ജാതി​ക​ളു​ടെ ഇടയി​ലും അവർ പരിച്‌ഛേ​ദ​ന​ക്കാ​രു​ടെ ഇടയി​ലും സുവി​ശേഷം അറിയി​പ്പാ​ന്ത​ക്ക​വണ്ണം എനിക്കും ബർന്നബാ​സി​ന്നും കൂട്ടാ​യ്‌മ​യു​ടെ വലങ്കൈ തന്നു.” സ്വത​ന്ത്ര​മാ​യി പ്രവർത്തി​ക്കാ​തെ പൗലോസ്‌ മാർഗ്ഗ​നിർദ്ദേശം തേടി.

²³ സമാന​മാ​യി, പൗലോസ്‌ യെരൂ​ശ​ലേ​മി​ലാ​യി​രുന്ന ഒടുവി​ലത്തെ പ്രാവ​ശ്യം, മോശ​യു​ടെ ന്യായ​പ്ര​മാ​ണ​ത്തെ​സം​ബ​ന്ധി​ച്ചി​ട​ത്തോ​ളം അദ്ദേഹം ഒരു വിശ്വാ​സ​ത്യാ​ഗി​യ​ല്ലെന്ന്‌ എല്ലാവർക്കും കാണാൻ കഴി​യേ​ണ്ട​തി​നു ആലയത്തിൽ പോകു​ന്ന​തു​സം​ബ​ന്ധി​ച്ചും ന്യായ​പ്ര​മാ​ണ​ത്തി​ലെ നടപടി അനുസ​രി​ക്കു​ന്ന​തു​സം​ബ​ന്ധി​ച്ചും അവിടത്തെ മൂപ്പൻമാർ കൊടുത്ത ബുദ്ധ്യു​പ​ദേശം അനുസ​രി​ച്ചു. അദ്ദേഹം ചെയ്‌തതു വിപത്‌ക്ക​ര​മാ​യി അദ്ദേഹ​ത്തി​നെ​തി​രെ ഒരു ജനക്കൂട്ടം ഇളകു​ന്ന​തിൽ കലാശി​ച്ച​തു​കൊണ്ട്‌ അദ്ദേഹം ആ മൂപ്പൻമാർക്കു കീഴ്‌പ്പെ​ട്ടതു തെററാ​യി​രു​ന്നു​വോ? പ്രവൃ​ത്തി​കൾ 23:11-ൽ നാം വായി​ക്കു​ന്ന​തിൽനി​ന്നു തെളി​യുന്ന പ്രകാരം ഒരു​പ്ര​കാ​ര​ത്തി​ലും തെററാ​യി​രു​ന്നില്ല: “രാത്രി​യിൽ കർത്താവു അവന്റെ അടുക്കൽ നിന്നു: ധൈര്യ​മാ​യി​രിക്ക; നീ എന്നെക്കു​റി​ച്ചു യെരൂ​ശ​ലേ​മിൽ സാക്ഷീ​ക​രി​ച്ച​തു​പോ​ലെ റോമ​യി​ലും സാക്ഷീ​ക​രി​ക്കേ​ണ്ട​താ​കു​ന്നു എന്നു അരുളി​ച്ചെ​യ്‌തു.”

24. അടുത്ത ലേഖന​ത്തിൽ കീഴ്‌പ്പെ​ട​ലി​ന്റെ ഏതു കൂടു​ത​ലായ വശങ്ങൾ ചർച്ച​ചെ​യ്യ​പ്പെ​ടും?

²⁴ സത്യമാ​യി, തിരു​വെ​ഴു​ത്തു​കൾ നാം കീഴ്‌പ്പെ​ട്ടി​രി​ക്കു​ന്ന​തി​നുള്ള ശക്തമായ കാരണ​ങ്ങ​ളും അങ്ങനെ​യുള്ള കീഴ്‌പ്പെടൽ പ്രകട​മാ​ക്കി​യ​വ​രു​ടെ ശ്രദ്ധേ​യ​മായ ദൃഷ്ടാ​ന്ത​ങ്ങ​ളും നമുക്കു നൽകുന്നു. അടുത്ത ലേഖന​ത്തിൽ, നമുക്കു യഹോ​വ​യാം ദൈവ​ത്തി​നു കീഴ്‌പ്പെ​ട്ടി​രി​ക്കാൻ കഴിയുന്ന വിവിധ മണ്ഡലങ്ങ​ളും, നമുക്ക​ങ്ങ​നെ​യാ​യി​രി​ക്കാ​നുള്ള വിവിധ സഹായ​ങ്ങ​ളും, കൈവ​രുന്ന പ്രതി​ഫ​ല​ങ്ങ​ളും നാം പരിചി​ന്തി​ക്കു​ന്ന​താ​യി​രി​ക്കും.

നിങ്ങൾ എങ്ങനെ ഉത്തരം പറയും?

◻ ഏതു രൂപത്തി​ലുള്ള സ്വാത​ന്ത്ര്യം അഭികാ​മ്യ​മല്ല?

◻ കീഴ്‌പ്പെ​ട്ടി​രി​ക്കാൻ വിസമ്മ​തി​ക്കു​ന്ന​തി​ന്റെ മൂലകാ​ര​ണ​മെ​ന്താണ്‌?

◻ ഏതു കാരണ​ങ്ങ​ളാൽ നാം യഹോ​വക്കു കീഴ്‌പ്പെ​ട്ടി​രി​ക്കാൻ കടപ്പെ​ട്ടി​രി​ക്കു​ന്നു?

◻ ഭക്തിപൂർവ​ക​മായ കീഴ്‌പ്പെടൽ സംബന്ധി​ച്ചു തിരു​വെ​ഴു​ത്തു​കൾ ഏതു നല്ല ദൃഷ്ടാ​ന്തങ്ങൾ നൽകുന്നു?

[10-ാം പേജിലെ ചിത്രം]

നിമ്രോദ്‌, ഭക്തിപൂർവ​ക​മായ കീഴ്‌പ്പെ​ട​ലി​നോ​ടു മത്സരിച്ച ആദ്യത്തെ പ്രളയാ​നന്തര ഭരണാ​ധി​കാ​രി

[13-ാം പേജിലെ ചിത്രം]

നോഹ, ഭക്തിപൂർവ​ക​മായ കീഴ്‌പ്പെ​ട​ലി​ന്റെ കുററ​മററ മാതൃക.—ഉല്‌പത്തി 6:14, 22