“നമസ്‌കാ​രം! ദൈവ​ത്തി​ന്റെ നാമം എന്താ​ണെന്നു നിങ്ങൾക്ക​റി​യാ​മോ?”

ബ്രസീ​ലി​ലെ യഹോ​വ​യു​ടെ സാക്ഷി​ക​ളു​ടെ ബ്രാഞ്ചാ​ഫീ​സിൽ ഫോർട്ട​ലസാ നഗരത്തി​ലെ 12 വയസ്സുള്ള ഇരട്ടക​ളായ സഹോ​ദ​രി​മാ​രിൽനി​ന്നു ചുവടെ ചേർക്കുന്ന എഴുത്തു കിട്ടി:

“ഞങ്ങൾ 1990-ൽ അഞ്ചാം ഗ്രേഡിൽ പഠിച്ചു​കൊ​ണ്ടി​രു​ന്ന​പ്പോൾ, ഞങ്ങളുടെ സ്‌കൂൾ ഒരു ശാസ്‌ത്ര, കലാ, സാംസ്‌കാ​രിക മേള സംഘടി​പ്പി​ച്ചു. ഞങ്ങളുടെ അവതരണം മററു കുട്ടികൾ ഒരുക്കു​ന്ന​തിന്‌ ആസൂ​ത്ര​ണം​ചെ​യ്‌തു​കൊ​ണ്ടി​രി​ക്കു​ന്ന​തിൽനി​ന്നു വ്യത്യ​സ്‌ത​മാ​യി​രി​ക്കാൻ ഞങ്ങളാ​ഗ്ര​ഹി​ക്കു​ന്നു​വെന്നു ഞങ്ങൾ അദ്ധ്യാ​പി​ക​യോ​ടു വിശദീ​ക​രി​ച്ചു. മുമ്പു യഹോ​വ​യെ​യും ബൈബി​ളി​നെ​യും കുറിച്ചു സംസാ​രി​ക്കു​ന്നത്‌ അദ്ധ്യാ​പിക കേട്ടി​രു​ന്ന​തു​കൊണ്ട്‌, ‘എങ്കിൽ നിങ്ങൾക്കു നിങ്ങളു​ടെ ദൈവ​ത്തെ​ക്കു​റിച്ച്‌ എഴുതാ​വു​ന്ന​താണ്‌’ എന്ന്‌ അവർ നിർദ്ദേ​ശി​ച്ചു!

“ഇതിനെ സാക്ഷ്യം​കൊ​ടു​ക്കു​ന്ന​തി​നുള്ള ഒരു അവസര​മാ​യി ഞങ്ങൾ കാണു​ക​യും യഹോ​വ​യു​ടെ നാമത്തെ കേന്ദ്രീ​ക​രി​ച്ചുള്ള ബൈബിൾസാ​ഹി​ത്യ​ങ്ങ​ളു​ടെ ഒരു പ്രദർശനം സംഘടി​പ്പി​ക്കാൻ തീരു​മാ​നി​ക്കു​ക​യും ചെയ്‌തു. ഞങ്ങൾ സങ്കീർത്തനം 83:18-ലെ വാക്കു​ക​ളു​ടെ ഒരു വിപു​ല​മായ ചിത്രീ​ക​രണം തയ്യാറാ​ക്കു​ക​യും തുറന്ന ബൈബി​ളി​ന്റെ ഒരു ചിത്ര​ത്തിൽ ഒട്ടിച്ചു​വെ​ക്കു​ക​യും ചെയ്‌തു. കൂടാതെ, ഞങ്ങൾ യഹോ​വ​യെന്ന നാമമ​ട​ങ്ങിയ വ്യത്യസ്‌ത ബൈബിൾഭാ​ഷാ​ന്ത​രങ്ങൾ ഒരു മേശപ്പു​റത്തു വെച്ചു. അതേ മേശമേൽ ഞങ്ങൾ പല ബൈബിൾ സാഹി​ത്യ​ങ്ങ​ളു​ടെ ഒരു ശേഖര​വും പ്രദർശി​പ്പി​ച്ചു. വളരെ പ്രസി​ദ്ധ​മായ ഒരു ചലച്ചി​ത്ര​ത്തിൽ യഹോവ എന്ന നാമം ഉപയോ​ഗി​ച്ചി​രി​ക്കുന്ന ഒരു ദൃഷ്ടാന്തം സന്ദർശ​കരെ കാണി​ക്കു​ന്ന​തി​നു മേശയു​ടെ അററത്തു ഞങ്ങൾ ഒരു വിസി​ആ​റും ഒരു ടിവി​യും സ്ഥാപിച്ചു.

“മേളയു​ടെ സമയത്ത്‌, ഒരാൾ ഞങ്ങളുടെ മേശയ്‌ക്കൽ വരു​മ്പോൾ ‘നമസ്‌കാ​രം! ദൈവ​ത്തി​ന്റെ നാമം എന്താ​ണെന്നു നിങ്ങൾക്ക​റി​യാ​മോ?’ എന്നു ഞങ്ങൾ ചോദി​ക്കും. മറുപടി പറയാൻ സന്ദർശ​കന്‌ ഒരു അവസരം കൊടു​ത്ത​ശേഷം ഞങ്ങൾ ഇങ്ങനെ തുടരു​ന്നു: ‘ഇവിടെ നോക്കൂ! പല ബൈബിൾ ഭാഷാ​ന്ത​രങ്ങൾ അവിടു​ത്തെ നാമം യഹോവ എന്നാ​ണെന്നു പ്രകട​മാ​ക്കു​ന്നു,’ ജോവാ​വോ ഫെറെ​യ്‌റാ ഡി അൽമെ​യ്‌ഡാ, ദി ജെറൂ​സലം ബൈബിൾ, ന്യൂ​വേൾഡ്‌ ട്രാൻസേ​ഷ്‌ളൻ എന്നിങ്ങ​നെ​യുള്ള വ്യത്യസ്‌ത ബൈബി​ളു​ക​ളിൽ നാമം ചൂണ്ടി​ക്കാ​ണി​ക്കു​ക​യും ചെയ്യുന്നു. പിന്നീടു ചലച്ചി​ത്ര​ത്തി​ലെ മുഖ്യ​ക​ഥാ​പാ​ത്രം ദൈവ​നാ​മ​മെന്ന നിലയിൽ യഹോ​വയെ പ്രദീ​പ്‌ത​മാ​ക്കുന്ന രംഗം ഞങ്ങൾ പ്രദർശി​പ്പി​ച്ചു. ആളുകൾ താത്‌പ​ര്യം പ്രകട​മാ​ക്കി​യ​പ്പോൾ ഞങ്ങൾ അവർക്കു കൂടുതൽ വിവര​ങ്ങ​ള​ട​ങ്ങിയ ഒരു മാസി​ക​യോ ഒരു ലഘു​ലേ​ഖ​യോ കൊടു​ത്തു.

“ഞങ്ങളുടെ മേശയ്‌ക്കൽ എത്തിയ യുവജ​ന​ങ്ങ​ളി​ലൊ​രാൾ യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌തകം ചോദി​ച്ചു. ഞങ്ങളുടെ അദ്ധ്യാ​പിക നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കൽ എന്ന പുസ്‌തകം പരി​ശോ​ധി​ച്ചി​ട്ടു ‘ഹാ! എന്തു രസകര​മായ പുസ്‌തകം!’ എന്ന്‌ ഉദ്‌ഘോ​ഷി​ച്ചു. മേള അവസാ​നി​ച്ച​പ്പോ​ഴേക്കു ഞങ്ങൾ 7 പുസ്‌ത​ക​വും 18 ലഘു​ലേ​ഖ​യും 67 മാസി​ക​യും സമർപ്പി​ച്ചു. മേളയിൽ മൂന്നാം സ്ഥാനം ഞങ്ങൾക്കു ലഭിച്ചു. എന്നാൽ എല്ലാറ​റി​ലു​മു​പ​രി​യാ​യി, യഹോ​വ​യെന്ന ദിവ്യ​നാ​മത്തെ പ്രസി​ദ്ധ​മാ​ക്കുന്ന പദവി​യിൽ ഞങ്ങൾ വളരെ സന്തുഷ്ട​രാ​യി​രു​ന്നു.”