വിവാ​ഹ​ബ​ന്ധ​ത്തിൽ പുതിയ വ്യക്തി​ത്വം നട്ടുവ​ളർത്തൽ

“നിങ്ങളു​ടെ മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തിയിൽ നിങ്ങൾ പുതുക്കം പ്രാപി​ക്കു​ക​യും . . . പുതിയ വ്യക്തി​ത്വം ധരിക്കു​ക​യും വേണം”—എഫേസ്യർ 4:23, 24, NW.

1. വിവാ​ഹത്തെ നിസ്സാ​ര​മാ​യി എടുക്ക​രു​താ​ത്തത്‌ എന്തു​കൊണ്ട്‌?

വിവാഹം ഒരാൾ ജീവി​ത​ത്തിൽ സ്വീക​രി​ക്കുന്ന ഏററവും ഗൗരവ​മുള്ള നടപടി​ക​ളിൽ ഒന്നാണ്‌, അതു​കൊണ്ട്‌ അതിനെ ഒരിക്ക​ലും നിസ്സാ​ര​മാ​യി എടുക്ക​രുത്‌. എന്തു​കൊണ്ട്‌? കാരണം അതു മറെറാ​രു വ്യക്തി​യോ​ടുള്ള ആജീവ​നാന്ത പ്രതി​ജ്ഞാ​ബദ്ധത ആവശ്യ​മാ​ക്കി​ത്തീർക്കു​ന്നു. അതിന്റെ അർത്ഥം ഒരാളു​ടെ മുഴു​ജീ​വി​ത​വും ആ വ്യക്തി​യു​മാ​യി പങ്കു​വെ​ക്കു​ന്നു​വെ​ന്നാണ്‌. ആ പ്രതി​ബദ്ധത അവിക​ല​മാ​യി​രി​ക്ക​ണ​മെ​ങ്കിൽ പക്വമായ വിവേചന ആവശ്യ​മാണ്‌. അത്‌, ‘മനസ്സിനെ കർമ്മോ​ദ്യു​ക്ത​മാ​ക്കു​ന്ന​തും അങ്ങനെ പുതിയ വ്യക്തി​ത്വ​ത്തെ രൂപ​പ്പെ​ടു​ത്തു​ന്ന​തു​മായ’ ക്രിയാ​ത്മ​ക​മായ സ്വാധീ​ന​വും ആവശ്യ​മാ​ക്കി​ത്തീർക്കു​ന്നു.—എഫേസ്യർ 4:23, 24, (NW); ഉല്‌പത്തി 24:10-58-ഉം മത്തായി 19:5, 6-ഉം താരത​മ്യ​പ്പെ​ടു​ത്തുക.

2, 3. (എ) ഒരു വിവാ​ഹ​പ​ങ്കാ​ളി​യെ ബുദ്ധി​പൂർവ്വം തിര​ഞ്ഞെ​ടു​ക്കു​ന്ന​തിന്‌ എന്താണ്‌ ആവശ്യ​മാ​യി​രി​ക്കു​ന്നത്‌? (ബി) ഒരു വിവാ​ഹ​ത്തിൽ ഉൾപ്പെ​ട്ടി​രി​ക്കു​ന്നത്‌ എന്താണ്‌?

² ശക്തമായ ജഡാഭി​ലാ​ഷ​ത്താൽ പെട്ടെന്നു സ്വാധീ​നീ​ക്ക​പ്പെട്ടു വിവാ​ഹ​ത്തി​ലേക്ക്‌ എടുത്തു​ചാ​ടാ​തി​രി​ക്കു​ന്ന​തി​നു നല്ല കാരണ​മുണ്ട്‌. പക്വമായ വ്യക്തി​ത്വ​വും സ്വഭാ​വ​വും വികാ​സം​പ്രാ​പി​ക്കു​ന്ന​തി​നു സമയം ആവശ്യ​മാണ്‌. കാലം കഴിയു​ന്ന​തോ​ടെ ന്യായാ​ന്യാ​യ​വി​വേ​ച​ന​ത്തി​ന്റെ അടിസ്ഥാ​ന​മാ​യി സേവി​ക്കാൻ കഴിയുന്ന അനുഭ​വ​പ​രി​ച​യ​വും അറിവും ഉണ്ടാകു​ന്നു. പിന്നെ, ഒരു അനുരൂപ ജീവിത പങ്കാളി​യെ തിര​ഞ്ഞെ​ടു​ക്കു​ന്നത്‌ ഏറിയ അളവിൽ വിജയ​പ്ര​ദ​മാ​യേ​ക്കാം. ഒരു സ്‌പാ​നീഷ്‌ പഴഞ്ചൊല്ല്‌ ഇതു വ്യക്തമാ​യി പ്രസ്‌താ​വി​ക്കു​ന്നു: “മോശ​മാ​യി വിവാ​ഹി​ത​നാ​യി​രി​ക്കു​ന്ന​തി​നെ​ക്കാൾ ഏകാകി​യാ​യി​രി​ക്കു​ന്നതു ഭേദം.”—സദൃശ​വാ​ക്യ​ങ്ങൾ 21:9; സഭാ​പ്ര​സം​ഗി 5:2.

³ ശരിയായ പങ്കാളി​യെ തിര​ഞ്ഞെ​ടു​ക്കു​ന്നതു വിജയ​ക​ര​മായ വിവാ​ഹ​ത്തി​ന്റെ അടിസ്ഥാ​ന​മാ​ണെന്നു സ്‌പഷ്ട​മാണ്‌. അതിനു ക്രിസ്‌ത്യാ​നി ബൈബി​ളി​ലെ മാർഗ്ഗ​നിർദ്ദേ​ശങ്ങൾ ബാധക​മാ​ക്കണം, ശാരീ​രിക ആകർഷ​ണ​ത്താ​ലും വൈകാ​രി​ക​വും പ്രേമാ​ത്മ​ക​വു​മായ അനുചിത സമ്മർദ്ദ​ങ്ങ​ളാ​ലും നയിക്ക​പ്പെ​ടാ​തെ​തന്നെ. വിവാഹം രണ്ടു ശരീര​ങ്ങ​ളു​ടെ കൂടി​ച്ചേ​ര​ലി​നെ​ക്കാൾ വളരെ കവിഞ്ഞ​താണ്‌. അതു രണ്ടു വ്യക്തി​ത്വ​ങ്ങ​ളു​ടെ, രണ്ടു കുടും​ബ​ങ്ങ​ളു​ടെ​യും വിദ്യാ​ഭ്യാ​സ പശ്ചാത്ത​ല​ങ്ങ​ളു​ടെ​യും, ഒരുപക്ഷേ, രണ്ടു സംസ്‌കാ​ര​ങ്ങ​ളു​ടെ​യും ഭാഷക​ളു​ടെ​യും കൂടി​ച്ചേ​ര​ലാണ്‌. രണ്ടു വ്യക്തി​ക​ളു​ടെ വിവാ​ഹ​ത്തി​ലെ ഏകീക​രണം തീർച്ച​യാ​യും നാവിന്റെ ഉചിത​മായ ഉപയോ​ഗം ആവശ്യ​പ്പെ​ടു​ന്നു; സംസാ​ര​പ്രാ​പ്‌തി​യാൽ നാം ഒന്നുകിൽ അപകീർത്തി​പ്പെ​ടു​ത്തു​ക​യോ അല്ലെങ്കിൽ കെട്ടു​പണി ചെയ്യു​ക​യോ ചെയ്യുന്നു. ഇതിൽനി​ന്നെ​ല്ലാം ‘കർത്താ​വിൽ മാത്രം’ അഥവാ സഹവി​ശ്വാ​സി​യെ മാത്രം ‘വിവാഹം കഴിക്കു’ന്നതിനുള്ള പൗലോ​സി​ന്റെ ബുദ്ധ്യു​പ​ദേ​ശ​ത്തി​ലെ ജ്ഞാനവും നാം കാണുന്നു.—1 കൊരി​ന്ത്യർ 7:39; ഉല്‌പത്തി 24:1-4; സദൃശ​വാ​ക്യ​ങ്ങൾ 12:18; 16:24.

വിവാ​ഹ​ത്തി​ന്റെ സമ്മർദ്ദ​ങ്ങളെ നേരിടൽ

4. വിവാ​ഹ​ത്തിൽ ചില​പ്പോൾ ഉരസലു​ക​ളും പിരി​മു​റു​ക്ക​വും ഉണ്ടാകു​ന്നത്‌ എന്തു​കൊ​ണ്ടാണ്‌?

⁴ ഒരു നല്ല അടിസ്ഥാ​നം ഉണ്ടായി​രു​ന്നാൽപോ​ലും ഉരസലി​ന്റെ​യും സമ്മർദ്ദ​ത്തി​ന്റെ​യും പിരി​മു​റു​ക്ക​ത്തി​ന്റെ​യും സമയങ്ങ​ളു​ണ്ടാ​യി​രി​ക്കും. വിവാ​ഹി​ത​രാ​ണെ​ങ്കി​ലും അല്ലെങ്കി​ലും ഇതെല്ലാം ഏതൊ​രാൾക്കും സാധാ​ര​ണ​ഗ​തി​യി​ലു​ള്ള​താണ്‌. സാമ്പത്തി​ക​വും ആരോ​ഗ്യ​പ​ര​വു​മായ പ്രശ്‌ന​ങ്ങൾക്ക്‌ ഏതു ബന്ധത്തി​ലും സമ്മർദ്ദ​മു​ള​വാ​ക്കാൻ കഴിയും. മനോ​ഭാവ മാററ​ങ്ങൾക്ക്‌ ഏററവും നല്ല വിവാ​ഹ​ങ്ങ​ളിൽപോ​ലും വ്യക്തി​ത്വ​സം​ഘ​ട്ട​ന​ങ്ങ​ളി​ലേക്കു നയിക്കാൻ കഴിയും. മറെറാ​രു സംഗതി ആർക്കും നാവിന്റെ പൂർണ്ണ​മായ നിയ​ന്ത്രണം ഇല്ലെന്ന​താണ്‌. യാക്കോബ്‌ അത്‌ ഇപ്രകാ​രം പ്രസ്‌താ​വി​ച്ചു: “നാം എല്ലാവ​രും പലതി​ലും തെററി​പ്പോ​കു​ന്നു; ഒരുത്തൻ വാക്കിൽ തെററാ​തി​രു​ന്നാൽ അവൻ ശരീരത്തെ മുഴുവൻ കടിഞ്ഞാ​ണി​ട്ടു നടത്തു​വാൻ ശക്തനായി സൽഗു​ണ​പൂർത്തി​യുള്ള പുരുഷൻ ആകുന്നു. . . . അങ്ങനെ തന്നേ നാവും ചെറിയ അവയവം എങ്കിലും വളരെ വമ്പു പറയുന്നു. കുറഞ്ഞ തീ എത്ര വലിയ കാടു കത്തിക്കു​ന്നു.”—യാക്കോബ്‌ 3:2, 5.

5, 6. (എ) തെററി​ദ്ധാ​ര​ണകൾ ഉണ്ടാകു​മ്പോൾ എന്താണ്‌ ആവശ്യ​മാ​യി​രി​ക്കു​ന്നത്‌? (ബി) ഒരു വിടവു നികത്തു​ന്ന​തി​നു ചില​പ്പോൾ എന്തു നടപടി എടു​ക്കേ​ണ്ടി​വ​ന്നേ​ക്കാം?

⁵ വിവാ​ഹ​ത്തിൽ സമ്മർദ്ദങ്ങൾ ഉണ്ടാകു​മ്പോൾ, ആ സാഹച​ര്യ​ത്തെ നമുക്ക്‌ എങ്ങനെ നിയ​ന്ത്രി​ക്കാൻ കഴിയും? ഒരു തെററി​ദ്ധാ​രണ ഒരു വഴക്കാ​യും, ഒരു വഴക്കു വിള്ളൽ ബാധിച്ച ബന്ധമാ​യും വികാസം പ്രാപി​ക്കു​ന്ന​തി​നെ നമുക്ക്‌ എങ്ങനെ ഒഴിവാ​ക്കാൻ കഴിയും. ഇവി​ടെ​യാ​ണു മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തി രംഗത്തു വരുന്നത്‌. ഈ പ്രേര​ണാ​ത്മ​ക​മായ ആത്മാവി​നു ക്രിയാ​ത്മ​ക​മോ നിഷേ​ധാ​ത്മ​ക​മോ, കെട്ടു​പ​ണി​ചെ​യ്യുന്ന ആത്മീയ ചായ്‌വു​ള്ള​തോ ജഡിക ചായ്‌വു​ക​ളാൽ അധഃപ​തി​പ്പി​ക്കു​ന്ന​തോ ആയിരി​ക്കാൻ കഴിയും. അതു കെട്ടു​പ​ണി​ചെ​യ്യു​ന്ന​താ​ണെ​ങ്കിൽ, വിടവു നികത്തു​ന്ന​തിന്‌, തന്റെ വിവാഹം നേർവ​ഴി​ക്കു കൊണ്ടു​പോ​കു​ന്ന​തിന്‌, ആ വ്യക്തി ശ്രമി​ക്കും. വാദ​പ്ര​തി​വാ​ദ​ങ്ങ​ളും വിയോ​ജി​പ്പു​ക​ളും വിവാ​ഹത്തെ അവസാ​നി​പ്പി​ക്ക​രുത്‌. ബൈബിൾ ബുദ്ധ്യു​പ​ദേശം ബാധക​മാ​ക്കു​ന്ന​തി​നാൽ അന്തരീക്ഷം ശുദ്ധമാ​ക്കാ​നും പരസ്‌പ​ര​ബ​ഹു​മാ​ന​വും ഗ്രാഹ്യ​വും പുനഃ​സ്ഥാ​പി​ക്കാ​നും കഴിയും.—റോമർ 14:19; എഫെസ്യർ 4:23, 26, 27.

⁶ ഈ സാഹച​ര്യ​ങ്ങ​ളിൽ പൗലോ​സി​ന്റെ വാക്കുകൾ സമുചി​ത​മാണ്‌: “അതു​കൊ​ണ്ടു ദൈവ​ത്തി​ന്റെ വൃതൻമാ​രും വിശു​ദ്ധൻമാ​രും പ്രിയ​രു​മാ​യി മനസ്സലി​വു, ദയ, താഴ്‌മ, സൌമ്യത, ദീർഘക്ഷമ എന്നിവ ധരിച്ചു​കൊ​ണ്ടു അന്യോ​ന്യം പൊറു​ക്ക​യും ഒരുവ​നോ​ടു ഒരുവനു വഴക്കു​ണ്ടാ​യാൽ തമ്മിൽ ക്ഷമിക്ക​യും ചെയ്‌വിൻ; കർത്താവു നിങ്ങ​ളോ​ടു ക്ഷമിച്ച​തു​പോ​ലെ നിങ്ങളും ചെയ്‌വിൻ. എല്ലാറ​റി​ന്നും മീതെ സമ്പൂർണ്ണ​ത​യു​ടെ ബന്ധമായ സ്‌നേഹം ധരിപ്പിൻ.”—കൊ​ലൊ​സ്സ്യർ 3:12-14.

7. ചിലരു​ടെ വിവാ​ഹ​ബ​ന്ധ​ത്തിൽ എന്തു പ്രശ്‌നം ഉണ്ടായി​രു​ന്നേ​ക്കാം?

⁷ ആ വാക്യം വായി​ക്കാൻ എളുപ്പ​മാണ്‌, എന്നാൽ ആധുനിക ജീവി​ത​ത്തി​ന്റെ സമർദ്ദ​ങ്ങ​ളിൽ അതു ബാധക​മാ​ക്കാൻ എല്ലായ്‌പോ​ഴും എളുപ്പമല്ല. എന്തായി​രി​ക്കാം ഒരു അടിസ്ഥാന പ്രശ്‌നം? ചില​പ്പോൾ ഒരു ക്രിസ്‌ത്യാ​നി താനറി​യാ​തെ​തന്നെ രണ്ടുതരം പ്രമാ​ണ​ങ്ങ​ള​നു​സ​രി​ച്ചു ജീവി​ച്ചേ​ക്കാം. രാജ്യ​ഹാ​ളിൽ സഹോ​ദ​രൻമാ​രു​ടെ ഇടയി​ലാ​യി​ക്കു​ന്ന​തി​നാൽ അദ്ദേഹം ദയയോ​ടും പരിഗ​ണ​ന​യോ​ടും​കൂ​ടെ പെരു​മാ​റു​ന്നു. പിന്നീട്‌, തിരിച്ചു വീട്ടി​ലാ​യി​രി​ക്കു​മ്പോൾ, ഗാർഹി​ക​ദി​ന​ച​ര്യ​യിൽ അദ്ദേഹം തന്റെ ആത്മീയ​ബന്ധം മറന്നു​പോ​കാൻ ചായ്‌വു കാട്ടി​യേ​ക്കാം. അവിടെ അവർ വെറും പുരു​ഷ​നും ഭാര്യ​യു​മാണ്‌, “അവനും” “അവളു”മാണ്‌. സമ്മർദ്ദ​ത്തിൻകീ​ഴിൽ അവരിൽ ആരെങ്കി​ലും, ഒരു രാജ്യ​ഹാ​ളി​ലാ​യി​രി​ക്കു​മ്പോൾ ഒരിക്ക​ലും പറയു​ക​യി​ല്ലാത്ത പരുഷ​മായ കാര്യങ്ങൾ പറയു​ന്ന​തിൽ കലാശി​ച്ചേ​ക്കാം. എന്താണു സംഭവി​ച്ചത്‌? ക്ഷണത്തിൽ ക്രിസ്‌ത്യാ​നി​ത്വം അപ്രത്യ​ക്ഷ​മാ​യി​രി​ക്കു​ന്നു. ഭവനത്തിൽ താൻ ഇപ്പോ​ഴും ഒരു ക്രിസ്‌തീയ സഹോ​ദരൻ (സഹോ​ദരി) ആണെന്നു ദൈവ​ത്തി​ന്റെ ഒരു ദാസൻ അഥവാ ദാസി മറന്നു​പോ​യി​രി​ക്കു​ന്നു. മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തി ക്രിയാ​ത്മ​ക​മാ​യി​രി​ക്കു​ന്ന​തി​നു പകരം നിഷേ​ധാ​ത്മ​ക​മാ​യി​ത്തീർന്നി​രി​ക്കു​ന്നു.—യാക്കോബ്‌ 1:22-25.

8. മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തി നിഷേ​ധാ​ത്മകം ആയിരി​ക്കു​മ്പോൾ എന്തു ഫലമു​ണ്ടാ​കാം?

⁸ ഫലമെ​ന്താണ്‌? ഭർത്താവു ‘സ്‌ത്രീ​ജനം ബലഹീ​ന​പാ​ത്രം എന്ന്‌ അംഗീ​ക​രി​ച്ചു​കൊ​ണ്ടു വിവേ​ക​ത്തോ​ടെ തന്റെ ഭാര്യ​യോ​ടു​കൂ​ടെ വസിക്കു​ന്നതു’ നിർത്തി​യേ​ക്കാം. ഭാര്യ മേലാൽ തന്റെ ഭർത്താ​വി​നെ ആദരി​ക്കാ​തി​രു​ന്നേ​ക്കാം; അവളുടെ “സൌമ്യ​ത​യും സാവധാ​ന​ത​യു​മുള്ള മനസ്സു” നഷ്ടപ്പെ​ട്ടി​രി​ക്കു​ന്നു. മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തി ആത്മീയ​മാ​യി​രി​ക്കു​ന്ന​തി​നു പകരം ജഡിക​മാ​യി​രി​ക്കു​ന്നു. ഒരു “ജഡമനസ്സു” കൈ​യേ​റി​യി​രി​ക്കു​ന്നു. അതു​കൊണ്ട്‌ ആ പ്രേര​ക​ശ​ക്തി​യെ ആത്മീയ​വും ക്രിയാ​ത്മ​ക​വു​മാ​യി നിലനിർത്താൻ എന്തു ചെയ്യാൻ കഴിയും? നാം നമ്മുടെ ആത്മീയ​തയെ ശക്തി​പ്പെ​ടു​ത്തണം.—1 പത്രൊസ്‌ 3:1-4, 7; കൊ​ലൊ​സ്സ്യർ 2:18.

ശക്തിയെ ബലിഷ്‌ഠ​മാ​ക്കു​ക

9. ദൈനം​ദിന ജീവി​ത​ത്തിൽ നാം എന്തു തീരു​മാ​നങ്ങൾ എടു​ക്കേ​ണ്ട​തുണ്ട്‌?

⁹ തീരു​മാ​ന​ങ്ങ​ളെ​ടു​ക്കു​ക​യും തിര​ഞ്ഞെ​ടു​പ്പു​കൾ നടത്തു​ക​യും ചെയ്യേ​ണ്ടി​വ​രു​മ്പോൾ സ്വാധീ​നം ചെലു​ത്തുന്ന മാനസിക ചായ്‌വാ​ണു പ്രേര​ക​ശക്തി. ജീവിതം—നല്ലതോ ചീത്തയോ സ്വാർത്ഥ​മോ നിസ്വാർത്ഥ​മോ, ധാർമ്മി​ക​മോ അധാർമ്മി​ക​മോ ആയ—തിര​ഞ്ഞെ​ടു​പ്പു​ക​ളു​ടെ നിരന്ത​ര​മായ ഒരു പരമ്പര അവതരി​പ്പി​ക്കു​ന്നു. ശരിയായ തീരു​മാ​നങ്ങൾ എടുക്കാൻ നമ്മെ എന്തു സഹായി​ക്കും? മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തി, അതു യഹോ​വ​യു​ടെ ഇഷ്ടം ചെയ്യു​ന്ന​തിൽ കേന്ദ്രീ​ക​രി​ച്ചി​രി​ക്കു​ന്നു​വെ​ങ്കിൽ. സങ്കീർത്ത​ന​ക്കാ​രൻ ഇങ്ങനെ പ്രാർത്ഥി​ച്ചു: “യഹോവേ, നിന്റെ ചട്ടങ്ങളു​ടെ വഴി എന്നെ ഉപദേ​ശി​ക്കേ​ണമേ; ഞാൻ അതിനെ അവസാ​ന​ത്തോ​ളം പ്രമാ​ണി​ക്കും.”—സങ്കീർത്തനം 119:33; യെഹെ​സ്‌കേൽ 18:31; റോമർ 12:2.

10. മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തിയെ നമുക്കു ക്രിയാ​ത്മ​ക​മാ​യി എങ്ങനെ ബലിഷ്‌ഠ​മാ​ക്കാൻ കഴിയും?

¹⁰ യഹോ​വ​യു​മാ​യുള്ള ഒരു ശക്തമായ ബന്ധം അവിടു​ത്തെ പ്രസാ​ദി​പ്പി​ക്കു​ന്ന​തി​നും വൈവാ​ഹിക അവിശ്വ​സ്‌തത ഉൾപ്പെ​ടെ​യുള്ള തിൻമ വിട്ടു​മാ​റു​ന്ന​തി​നും നമ്മെ സഹായി​ക്കും. ഇസ്രയേൽ “[അവരുടെ] ദൈവ​മായ യഹോ​വ​യു​ടെ മുമ്പാകെ ഹിതവും ഉത്തമവു​മാ​യു​ള്ളതു ചെയ്യാൻ” പ്രോ​ത്സാ​ഹി​പ്പി​ക്ക​പ്പെട്ടു. എന്നാൽ “യഹോ​വയെ സ്‌നേ​ഹി​ക്കു​ന്ന​വരേ, ദോഷത്തെ വെറു​പ്പിൻ” എന്നും​കൂ​ടെ ദൈവം ബുദ്ധ്യു​പ​ദേ​ശി​ച്ചു. പത്തു കല്‌പ​ന​ക​ളിൽ “വ്യഭി​ചാ​രം ചെയ്യരു​തു” എന്ന ഏഴാമ​ത്ത​തി​ന്റെ വീക്ഷണ​ത്തിൽ ഇസ്ര​യേ​ല്യർ വ്യഭി​ചാ​രത്തെ വെറു​ക്കേ​ണ്ടി​യി​രു​ന്നു. ആ കല്‌പന വിവാ​ഹ​ത്തി​ലെ വിശ്വ​സ്‌ത​ത​യെ​ക്കു​റി​ച്ചുള്ള ദൈവ​ത്തി​ന്റെ കണിശ​മായ വീക്ഷണത്തെ പ്രകട​മാ​ക്കു​ന്നു.—ആവർത്തനം 12:28; സങ്കീർത്തനം 97:10; പുറപ്പാ​ടു 20:14; ലേവ്യർ 20:10.

11. മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തിയെ കൂടു​ത​ലാ​യി നമുക്ക്‌ എങ്ങനെ ബലിഷ്‌ഠ​മാ​ക്കാൻ കഴിയും?

¹¹ നമ്മുടെ മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തിയെ നമു​ക്കെ​ങ്ങനെ കൂടു​ത​ലാ​യി ദൃഢീ​ക​രി​ക്കാൻ കഴിയും? ആത്മീയ പ്രവർത്ത​ന​ങ്ങ​ളെ​യും മൂല്യ​ങ്ങ​ളെ​യും വിലമ​തി​ക്കു​ന്ന​തി​നാൽ. അതിന്റെ അർത്ഥം ദൈവ​വ​ചനം ക്രമമാ​യി പഠി​ക്കേ​ണ്ട​തി​ന്റെ ആവശ്യം നാം നിറ​വേ​റ​റു​ക​യും യഹോ​വ​യു​ടെ ചിന്തക​ളും ബുദ്ധ്യു​പ​ദേ​ശ​വും ചർച്ച​ചെ​യ്യു​ന്ന​തിൽ സന്തോ​ഷി​ക്കു​ക​യും ചെയ്യണം എന്നാണ്‌. നമ്മുടെ ഹൃദയം​ഗ​മ​മായ വികാ​രങ്ങൾ സങ്കീർത്ത​ന​ക്കാ​ര​ന്റേ​തു​പോ​ലെ ആയിരി​ക്കണം: “ഞാൻ പൂർണ്ണ​ഹൃ​ദ​യ​ത്തോ​ടെ നിന്നെ അന്വേ​ഷി​ക്കു​ന്നു; നിന്റെ കല്‌പ​നകൾ വിട്ടു​ന​ട​പ്പാൻ എനിക്കു ഇടവര​രു​തേ. ഞാൻ നിന്നോ​ടു പാപം ചെയ്യാ​തി​രി​ക്കേ​ണ്ട​തി​ന്നു നിന്റെ വചനത്തെ ഹൃദയ​ത്തിൽ സംഗ്ര​ഹി​ക്കു​ന്നു. യഹോവേ നിന്റെ ചട്ടങ്ങളു​ടെ വഴി എന്നെ ഉപദേ​ശി​ക്കേ​ണമേ; ഞാൻ അതിനെ അവസാ​ന​ത്തോ​ളം പ്രമാ​ണി​ക്കും. ഞാൻ നിന്റെ ന്യായ​പ്ര​മാ​ണം കാക്കേ​ണ്ട​തി​ന്നും അതിനെ പൂർണ്ണ ഹൃദയ​ത്തോ​ടെ പ്രമാ​ണി​ക്കേ​ണ്ട​തി​ന്നും എനിക്കു ബുദ്ധി നല്‌കേ​ണമേ.”—സങ്കീർത്തനം 119:10, 11, 33, 34.

12. ക്രിസ്‌തു​വി​ന്റെ മനസ്സിനെ പ്രതി​ഫ​ലി​പ്പി​ക്കു​ന്ന​തിൽ ഏതു സംഗതി​കൾക്കു നമ്മെ ഏകീക​രി​ക്കാൻ കഴിയും?

¹² യഹോ​വ​യു​ടെ നീതി​യുള്ള പ്രമാ​ണ​ങ്ങ​ളോ​ടുള്ള വിലമ​തി​പ്പു നിലനിർത്തു​ന്നതു ബൈബിൾ പഠിക്കു​ന്ന​തി​നാൽ മാത്രമല്ല, ക്രിസ്‌തീയ യോഗ​ങ്ങ​ളിൽ ക്രമമാ​യി പങ്കുപ​റ​റു​ന്ന​തി​നാ​ലും ക്രിസ്‌തീയ ശുശ്രൂ​ഷ​യിൽ ഒന്നിച്ച്‌ ഏർപ്പെ​ടു​ന്ന​തി​നാ​ലു​മാണ്‌. ഈ ശക്തമായ രണ്ടു സ്വാധീ​ന​ങ്ങൾക്കു നമ്മുടെ മനസ്സു​കളെ കർമ്മോ​ദ്യു​ക്ത​മാ​ക്കുന്ന ശക്തികളെ നിരന്തരം ബലിഷ്‌ഠ​മാ​ക്കാൻ കഴിയും. അങ്ങനെ, നമ്മുടെ നിസ്വാർത്ഥ ജീവി​ത​രീ​തി എല്ലായ്‌പോ​ഴും ക്രിസ്‌തു​വി​ന്റെ മനസ്സിനെ പ്രതി​ബിം​ബി​ക്കു​ന്ന​താ​യി​രി​ക്കും.—റോമർ 15:5; 1 കൊരി​ന്ത്യർ 2:16.

13. (എ) മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തിയെ ബലിഷ്‌ഠ​മാ​ക്കു​ന്ന​തിൽ പ്രാർത്ഥന ഒരു വിലപ്പെട്ട ഘടകമാ​യി​രി​ക്കു​ന്നത്‌ എന്തു​കൊണ്ട്‌? (ബി) ഇക്കാര്യ​ത്തിൽ യേശു എന്തു ദൃഷ്ടാന്തം വെച്ചു?

¹³ മറെറാ​രു ഘടകമാ​ണു എഫെസ്യർക്കുള്ള തന്റെ കത്തിൽ പൗലോസ്‌ ഊന്നി​പ്പ​റ​യു​ന്നത്‌: “സകല പ്രാർത്ഥ​ന​യാ​ലും യാചന​യാ​ലും ഏതു നേരത്തും ആത്മാവിൽ പ്രാർത്ഥി​ച്ചും . . . പൂർണ്ണ സ്ഥിരത കാണി​പ്പിൻ.” (എഫെസ്യർ 6:18) ഭാര്യ​യും ഭർത്താ​വും ഒന്നിച്ചി​രു​ന്നു പ്രാർത്ഥി​ക്കേണ്ട ആവശ്യ​മുണ്ട്‌. ആ പ്രാർത്ഥ​നകൾ മിക്ക​പ്പോ​ഴും ഹൃദയത്തെ തുറക്കു​ക​യും ഏതെങ്കി​ലും വിടവു സംഭവി​ച്ചു​പോ​യി​ട്ടു​ണ്ടെ​ങ്കിൽ അതിന്റെ കേടു പോക്കുന്ന തുറന്ന സംഭാ​ഷ​ണ​ങ്ങ​ളി​ലേക്കു നയിക്കു​ക​യും ചെയ്യുന്നു. പരി​ശോ​ധ​ന​യു​ടെ​യും പ്രലോ​ഭ​ന​ത്തി​ന്റെ​യും സമയങ്ങ​ളിൽ നാം സഹായ​ത്തി​നാ​യി, ക്രിസ്‌തു​വി​ന്റെ മനസ്സി​നോ​ടു ചേർച്ച​യാ​യു​ള്ളതു ചെയ്യു​ന്ന​തി​നു​വേണ്ട ആത്മീയ ബലത്തി​നാ​യി, പ്രാർത്ഥ​ന​യിൽ ദൈവ​ത്തി​ലേക്കു തിരി​യേ​ണ്ട​തുണ്ട്‌. ബലത്തി​നാ​യി അപേക്ഷി​ച്ചു​കൊ​ണ്ടു പൂർണ്ണ​നായ യേശു​പോ​ലും അനേകം അവസര​ങ്ങ​ളിൽ പ്രാർത്ഥ​ന​യിൽ യഹോ​വ​യി​ലേക്കു തിരിഞ്ഞു. അതു​പോ​ലെ​തന്നെ ഇന്ന്‌, പ്രലോ​ഭ​ന​ത്തി​ന്റെ സമയങ്ങ​ളിൽ, ജഡത്തി​ന​ടി​മ​യാ​യി​ക്കൊ​ണ്ടു വിവാ​ഹ​പ്ര​തിജ്ഞ ലംഘി​ക്കാ​നുള്ള അഭിലാ​ഷത്തെ ചെറു​ക്കു​ന്ന​തി​നു യഹോ​വ​യോ​ടു സഹായ​മ​ഭ്യർത്ഥി​ച്ചു​കൊ​ണ്ടു ശരിയായ തീരു​മാ​ന​മെ​ടു​ക്കാ​നുള്ള ശക്തി കണ്ടെത്താൻ കഴിയും.—സങ്കീർത്തനം 119:101, 102.

നടത്തയു​ടെ ദൃഷ്ടാ​ന്ത​ങ്ങൾ

14, 15. (എ) യോ​സേഫ്‌ പ്രലോ​ഭ​ന​ത്തോട്‌ എങ്ങനെ പ്രതി​ക​രി​ച്ചു? (ബി) പ്രലോ​ഭ​നത്തെ ചെറു​ക്കാൻ എന്താണു യോ​സേ​ഫി​നെ സഹായി​ച്ചത്‌?

¹⁴ പ്രലോ​ഭ​നത്തെ നമു​ക്കെ​ങ്ങനെ നേരി​ടാൻ കഴിയും? ഇക്കാര്യ​ത്തിൽ യോ​സേ​ഫും ദാവീ​ദും സ്വീക​രിച്ച വഴികൾ തമ്മിൽ വ്യക്തമായ അന്തരമുണ്ട്‌. പ്രത്യ​ക്ഷ​ത്തിൽ ആ സമയത്ത്‌ അവിവാ​ഹി​ത​നാ​യി​രുന്ന, സുമു​ഖ​നായ ജോസ​ഫി​നെ വശീക​രി​ക്കാൻ പോത്തി​ഫ​റി​ന്റെ ഭാര്യ നിരന്തരം ശ്രമി​ച്ച​പ്പോൾ അദ്ദേഹം അവളോട്‌ അവസാ​ന​മാ​യി ഇങ്ങനെ ഉത്തരം പറഞ്ഞു: “ഈ വീട്ടിൽ എന്നെക്കാൾ വലിയ​വ​നില്ല; നീ അവന്റെ ഭാര്യ​യാ​ക​യാൽ നിന്നെ​യ​ല്ലാ​തെ മററു യാതൊ​ന്നും അവൻ എനിക്കു വിരോ​ധി​ച്ചി​ട്ടു​മില്ല; അതു​കൊ​ണ്ടു ഞാൻ ഈ മഹാ​ദോ​ഷം പ്രവർത്തി​ച്ചു ദൈവ​ത്തോ​ടു പാപം ചെയ്യു​ന്നതു എങ്ങനെ?”—ഉല്‌പത്തി 39:6-9.

¹⁵ വഴങ്ങു​ന്നതു വളരെ എളുപ്പ​മാ​യി​രു​ന്ന​പ്പോൾ ശരിയായ വഴി സ്വീക​രി​ക്കാൻ യോ​സേ​ഫി​നെ സഹായി​ച്ചത്‌ എന്താണ്‌? യോ​സേ​ഫി​നു തന്റെ മനസ്സിനെ കർമ്മോ​ദ്യു​ക്ത​മാ​ക്കുന്ന പ്രബല​മായ ശക്തി ഉണ്ടായി​രു​ന്നു. യഹോ​വ​യു​മാ​യുള്ള തന്റെ ബന്ധത്തെ​ക്കു​റിച്ച്‌ അദ്ദേഹം സുബോ​ധ​മു​ള്ള​വ​നാ​യി​രു​ന്നു. അത്യാ​സ​ക്ത​യായ ഈ സ്‌ത്രീ​യു​മാ​യി പരസം​ഗ​ത്തി​ലേർപ്പെ​ടു​ന്നതു വാസ്‌ത​വ​ത്തിൽ അവളുടെ ഭർത്താ​വി​നെ​തി​രെ മാത്രമല്ല, അതിലും പ്രധാ​ന​മാ​യി, ദൈവ​ത്തി​നെ​തി​രെ ഉള്ള പാപമാ​ണെന്ന്‌ അദ്ദേഹം അറിഞ്ഞി​രു​ന്നു.—ഉല്‌പത്തി 39:12.

16. ഒരു പ്രലോ​ഭ​ന​ത്തോ​ടു ദാവീദ്‌ എങ്ങനെ​യാ​ണു പ്രതി​ക​രി​ച്ചത്‌?

¹⁶ നേരേ​മ​റി​ച്ചു ദാവീ​ദിന്‌ എന്താണു സംഭവി​ച്ചത്‌? ന്യായ​പ്ര​മാ​ണം അനുവ​ദി​ച്ച​പ്ര​കാ​രം അനേകം ഭാര്യ​മാ​രുള്ള വിവാ​ഹി​ത​നായ ഒരു മനുഷ്യ​നാ​യി​രു​ന്നു അദ്ദേഹം. ഒരു സായാ​ഹ്ന​വേ​ള​യിൽ ഒരു സ്‌ത്രീ കുളി​ക്കു​ന്നത്‌ അദ്ദേഹം തന്റെ കൊട്ടാ​ര​ത്തിൽനി​ന്നു കണ്ടു. അത്‌ ഊരി​യാ​വി​ന്റെ ഭാര്യ​യായ സുന്ദരി​യായ ബത്ത്‌-ശേബാ ആയിരു​ന്നു. ദാവീ​ദിന്‌ ഏതെങ്കി​ലും ഒരു പ്രവർത്തനം തിര​ഞ്ഞെ​ടു​ക്കാ​മാ​യി​രു​ന്നു—ഒന്നുകിൽ തന്റെ ഹൃദയ​ത്തിൽ കാമം ജ്വലി​ച്ചു​കൊ​ണ്ടി​രി​ക്കവെ നോക്കി​ക്കൊ​ണ്ടി​രി​ക്കുക അല്ലെങ്കിൽ അകന്നു​മാ​റി​ക്കൊ​ണ്ടു പ്രലോ​ഭ​നത്തെ തള്ളിക്ക​ള​യുക. എന്തു ചെയ്യു​ന്ന​തി​നെ​യാണ്‌ അദ്ദേഹം തിര​ഞ്ഞെ​ടു​ത്തത്‌? അവളെ അദ്ദേഹം കൊട്ടാ​ര​ത്തി​ലേക്കു വരുത്തു​ക​യും അവളു​മാ​യി വ്യഭി​ചാ​രം ചെയ്യു​ക​യും ചെയ്‌തു. അതിലും വഷളായി, തുടർന്ന്‌ അദ്ദേഹം അവളുടെ ഭർത്താ​വി​ന്റെ മരണത്തിന്‌ ഇടവരു​ത്തു​ക​യും ചെയ്‌തു.—2 ശമൂവേൽ 11:2-4, 12-27.

17. ദാവീ​ദി​ന്റെ ആത്മീയ അവസ്ഥ​യെ​ക്കു​റി​ച്ചു നമുക്ക്‌ എന്തനു​മാ​നി​ക്കാൻ കഴിയും?

¹⁷ എന്തായി​രു​ന്നു ദാവീ​ദി​ന്റെ പ്രശ്‌നം? സങ്കീർത്തനം 51-ലെ പശ്ചാത്താ​പ​ത്തോ​ടു​കൂ​ടിയ അദ്ദേഹ​ത്തി​ന്റെ പിന്നീ​ടുള്ള കുററ​സ​മ്മ​ത​ത്തിൽനി​ന്നു നമുക്കു ചില വസ്‌തു​തകൾ അനുമാ​നി​ക്കാൻ കഴിയും. അദ്ദേഹം പറഞ്ഞു: “ദൈവമേ, നിർമ്മ​ല​മാ​യോ​രു ഹൃദയം എന്നിൽ സൃഷ്ടിച്ചു സ്ഥിരമാ​യോ​രാ​ത്മാ​വി​നെ (ഒരു പുതിയ ആത്മാവി​നെ, സ്ഥിരമായ ഒന്നിനെ, NW) എന്നിൽ പുതു​ക്കേ​ണമേ.” തന്റെ പ്രലോ​ഭ​ന​സ​മ​യത്ത്‌ അദ്ദേഹ​ത്തി​നു നിർമ്മ​ല​വും സ്ഥിരവു​മായ ഒരു ആത്മാവ്‌ ഇല്ലായി​രു​ന്നു​വെ​ന്നതു വ്യക്തമാണ്‌. ഒരുപക്ഷേ, യഹോ​വ​യു​ടെ ന്യായ​പ്ര​മാ​ണം വായി​ക്കു​ന്നത്‌ അദ്ദേഹം അവഗണി​ച്ചി​രി​ക്കാം, തൽഫല​മാ​യി അദ്ദേഹ​ത്തി​ന്റെ ആത്മീയത ദുർബ​ല​മാ​യി​പ്പോ​യി. അല്ലെങ്കിൽ രാജാ​വെന്ന നിലയി​ലുള്ള തന്റെ സ്ഥാനവും അധികാ​ര​വും, കാമാ​സ​ക്ത​മായ അഭിലാ​ഷ​ത്തിന്‌ ഇരയാ​കാൻത​ക്ക​വണ്ണം അദ്ദേഹ​ത്തി​ന്റെ ചിന്തയെ ദുഷി​പ്പി​ക്കാൻ അദ്ദേഹം അനുവ​ദി​ച്ചി​രി​ക്കാം. നിശ്ചയ​മാ​യും, അദ്ദേഹ​ത്തി​ന്റെ മനസ്സിനെ കർമ്മോ​ദ്യു​ക്ത​മാ​ക്കിയ ശക്തി ആ സമയത്തു സ്വാർത്ഥ​പ​ര​വും പാപപൂർണ്ണ​വും ആയിരു​ന്നു. അങ്ങനെ, ‘ഒരു പുതിയ ആത്മാവി​ന്റെ, സ്ഥിരമായ ഒന്നിന്റെ’ ആവശ്യം അദ്ദേഹം തിരി​ച്ച​റി​യാ​നി​ട​യാ​യി.—സങ്കീർത്തനം 51:10; ആവർത്തനം 17:18-20.

18. വ്യഭി​ചാ​രം സംബന്ധി​ച്ചു യേശു എന്തു ബുദ്ധ്യു​പ​ദേ​ശ​മാ​ണു നൽകി​യത്‌?

¹⁸ ദാവീദു രാജാ​വി​ന്റെ​തി​നു സമാന​മായ ഒരു ആത്മീയ ദൗർബ​ല്യ​ത്തി​ന്റെ അവസ്ഥയി​ലേക്കു വീഴാൻ ഇണകൾ സ്വയം അനുവ​ദി​ച്ച​തി​നാൽ ചില ക്രിസ്‌തീയ വിവാ​ഹങ്ങൾ തകർന്നു​പോ​യി​ട്ടുണ്ട്‌. തുടർച്ച​യാ​യി മറെറാ​രു സ്‌ത്രീ​യെ​യോ പുരു​ഷ​നെ​യോ വികാ​ര​ത്തോ​ടെ നോക്കി​ക്കൊ​ണ്ടി​രി​ക്കു​ന്ന​തി​നെ​തി​രെ അദ്ദേഹ​ത്തി​ന്റെ ദൃഷ്ടാന്തം നമു​ക്കൊ​രു മുന്നറി​യി​പ്പാ​യി​രി​ക്കണം, കാരണം അന്തിമ​മാ​യി വ്യഭി​ചാ​രം നടന്നേ​ക്കാം. ഇക്കാര്യ​ത്തി​ലുള്ള മാനു​ഷിക വികാരം തനിക്കു മനസ്സി​ലാ​യി​ട്ടു​ണ്ടെന്നു യേശു പ്രകട​മാ​ക്കി, എന്തെന്നാൽ അവിടുന്ന്‌ ഇങ്ങനെ പറഞ്ഞു: “‘വ്യഭി​ചാ​രം ചെയ്യരു​തു’ എന്നു അരുളി​ചെ​യ്‌തതു നിങ്ങൾ കേട്ടി​ട്ടു​ണ്ട​ല്ലോ. ഞാനോ നിങ്ങ​ളോ​ടു പറയു​ന്നതു: സ്‌ത്രീ​യെ മോഹി​ക്കേ​ണ്ട​തി​ന്നു അവളെ നോക്കു​ന്നവൻ എല്ലാം ഹൃദയം​കൊ​ണ്ടു അവളോ​ടു വ്യഭി​ചാ​രം ചെയ്‌തു​പോ​യി.” ഇത്തരം ഒരു കാര്യ​ത്തിൽ മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തി സ്വാർത്ഥ​ത​യു​ള്ള​തും ജഡിക​വു​മാണ്‌, ആത്മീയമല്ല. എങ്കിൽ വ്യഭി​ചാ​രം ഒഴിവാ​ക്കു​ന്ന​തി​നും തങ്ങളുടെ വിവാ​ഹ​ബ​ന്ധ​ങ്ങളെ സന്തുഷ്ട​വും സംതൃ​പ്‌ത​വു​മാ​യി നിലനിർത്തു​ന്ന​തി​നും ക്രിസ്‌ത്യാ​നി​കൾക്ക്‌ എന്തു ചെയ്യാൻ കഴിയും?—മത്തായി 5:27, 28.

വിവാ​ഹ​ബ​ന്ധത്തെ ബലിഷ്‌ഠ​മാ​ക്കു​ക

19. ഒരു വിവാ​ഹത്തെ ഉറപ്പു​ള്ള​താ​ക്കാൻ എങ്ങനെ കഴിയും?

¹⁹ ശലോ​മോൻ രാജാവ്‌ ഇങ്ങനെ എഴുതി: “ഒരുത്തനെ ആരെങ്കി​ലും ആക്രമി​ച്ചാൽ രണ്ടു​പേർക്കും അവനോ​ടു എതിർത്തു​നി​ല്‌ക്കാം; മുപ്പി​രി​ച്ച​രടു വേഗത്തിൽ അററു​പോ​ക​യില്ല.” പ്രതി​കൂ​ലാ​വ​സ്ഥ​യി​ലാ​യി​രി​ക്കു​മ്പോൾ, ഒരാ​ളെ​ക്കാൾ ഭേദമാ​യി തീർച്ച​യാ​യും, ചേർച്ച​യുള്ള വിവാ​ഹ​ത്തി​ലെ രണ്ടു പേർക്ക്‌ ഒന്നിച്ചു നില്‌ക്കാൻ കഴിയും. എന്നാൽ അവരുടെ ബന്ധത്തിൽ ദൈവത്തെ ഉൾപ്പെ​ടു​ത്തു​ന്ന​തി​നാൽ അത്‌ ഒരു മുപ്പി​രി​ച്ച​ര​ടു​പോ​ലെ ആണെങ്കിൽ വിവാഹം ഉറപ്പു​ള്ള​താ​യി​രി​ക്കും. വിവാ​ഹ​ത്തിൽ എങ്ങനയാ​ണു ദൈവത്തെ ഉൾപ്പെ​ടു​ത്താൻ കഴിയുക? വിവാ​ഹ​ത്തി​നു​വേ​ണ്ടി​യുള്ള അവിടു​ത്തെ പ്രമാ​ണ​ങ്ങ​ളും ബുദ്ധ്യു​പ​ദേ​ശ​ങ്ങ​ളും ദമ്പതികൾ ബാധക​മാ​ക്കു​ന്ന​തി​നാൽ.—സഭാ​പ്ര​സം​ഗി 4:12.

20. ഏതു ബൈബിൾ ബുദ്ധ്യു​പ​ദേ​ശ​ത്തിന്‌ ഒരു ഭർത്താ​വി​നെ സഹായി​ക്കാൻ കഴിയും?

²⁰ തീർച്ച​യാ​യും, പിൻവ​രുന്ന വാക്യ​ങ്ങ​ളി​ലെ ബുദ്ധ്യു​പ​ദേ​ശങ്ങൾ ഒരു ഭർത്താവു ബാധക​മാ​ക്കു​ന്നെ​ങ്കിൽ അയാളു​ടെ വിവാഹം വിജയി​ക്കു​ന്ന​തിന്‌ ഒരു മെച്ചപ്പെട്ട അടിസ്ഥാ​നം ഉണ്ടായി​രി​ക്കും:

“അങ്ങനെ തന്നേ ഭർത്താ​ക്കൻമാ​രേ, നിങ്ങളു​ടെ പ്രാർത്ഥ​നെക്കു മുടക്കം വരാതി​രി​ക്കേ​ണ്ട​തി​ന്നു വിവേ​ക​ത്തോ​ടെ ഭാര്യ​മാ​രോ​ടു​കൂ​ടെ വസിച്ചു, സ്‌ത്രീ​ജനം ബലഹീ​ന​പാ​ത്രം എന്നും അവർ ജീവന്റെ കൃപെക്കു കൂട്ടവ​കാ​ശി​കൾ എന്നും ഓർത്തു അവർക്കു ബഹുമാ​നം കൊടു​പ്പിൻ.”—1 പത്രൊസ്‌ 3:7.

“ഭർത്താ​ക്കൻമാ​രേ, ക്രിസ്‌തു​വും സഭയെ സ്‌നേ​ഹി​ച്ച​തു​പോ​ലെ നിങ്ങളു​ടെ ഭാര്യ​മാ​രെ സ്‌നേ​ഹി​പ്പിൻ. അവ്വണ്ണം ഭർത്താ​ക്കൻമാ​രും തങ്ങളുടെ ഭാര്യ​മാ​രെ സ്വന്ത ശരീര​ങ്ങ​ളെ​പ്പോ​ലെ സ്‌നേ​ഹി​ക്കേ​ണ്ട​താ​കു​ന്നു. ഭാര്യയെ സ്‌നേ​ഹി​ക്കു​ന്നവൻ തന്നെത്താൻ സ്‌നേ​ഹി​ക്കു​ന്നു.”—എഫെസ്യർ 5:25, 28.

“അവളുടെ ഭർത്താ​വും അവളെ പ്രശം​സി​ക്കു​ന്നതു: അനേകം തരുണി​കൾ സാമർത്ഥ്യം കാണി​ച്ചി​ട്ടു​ണ്ടു; നീയോ അവരെ​ല്ലാ​വ​രി​ലും ശ്രേഷ്ട​യാ​യി​രി​ക്കു​ന്നു.”—സദൃശ​വാ​ക്യ​ങ്ങൾ 31:28, 29.

“ഒരുത്തന്നു കാൽ പൊള്ളാ​തെ തീക്കന​ലിൻമേൽ നടക്കാ​മോ? കൂട്ടു​കാ​രന്റെ ഭാര്യ​യു​ടെ അടുക്കൽ ചെല്ലു​ന്നവൻ ഇങ്ങനെ തന്നേ; അവളെ തൊടുന്ന ഒരുത്ത​നും ശിക്ഷ വരാ​തെ​യി​രി​ക്ക​യില്ല. സ്‌ത്രീ​യോ​ടു വ്യഭി​ചാ​രം ചെയ്യു​ന്ന​വ​നോ . . . സ്വന്ത​പ്രാ​ണനെ നശിപ്പി​ക്കു​ന്നു.”—സദൃശ​വാ​ക്യ​ങ്ങൾ 6:28, 29, 32.

21. ഏതു ബൈബിൾ ബുദ്ധ്യു​പ​ദേ​ശ​ത്തിന്‌ ഒരു ഭാര്യയെ സഹായി​ക്കാൻ കഴിയും?

²¹ പിൻവ​രുന്ന ബൈബിൾ പ്രമാ​ണ​ങ്ങൾക്ക്‌ ഒരു ഭാര്യ ശ്രദ്ധ നൽകു​ന്നെ​ങ്കിൽ അത്‌ അവളുടെ വിവാ​ഹ​ത്തി​നു സ്ഥിരത നൽകും:

“ഭാര്യ​മാ​രേ, നിങ്ങളു​ടെ ഭർത്താ​ക്കൻമാർക്കു കീഴട​ങ്ങി​യി​രി​പ്പിൻ; അവരിൽ വല്ലവരും വചനം അനുസ​രി​ക്കാ​ത്ത​പക്ഷം ഭയത്തോ​ടു​കൂ​ടിയ നിങ്ങളു​ടെ നിർമ്മ​ല​മായ നടപ്പു കണ്ടറിഞ്ഞു വചനം കൂടാതെ ഭാര്യ​മാ​രു​ടെ നടപ്പി​നാൽ ചേർന്നു​വ​രു​വാൻ ഇടയാ​കും.”—1 പത്രൊസ്‌ 3:1-4.

“ഭർത്താവു ഭാര്യ​ക്കും ഭാര്യ ഭർത്താ​വി​ന്നും (ലൈം​ഗി​ക​മാ​യി) കടം​പെ​ട്ടി​രി​ക്കു​ന്നതു ചെയ്യട്ടെ. . . . ഒരു സമയ​ത്തേക്കു പരസ്‌പ​ര​സ​മ്മ​ത​ത്തോ​ടെ അല്ലാതെ തമ്മിൽ വേറു​പെ​ട്ടി​രി​ക്ക​രു​തു.”—1 കൊരി​ന്ത്യർ 7:3-5.

22. (എ) മറേറതു ഘടകങ്ങൾക്കു വിവാ​ഹത്തെ മെച്ച​പ്പെ​ടു​ത്താൻ കഴിയും? (ബി) യഹോവ വിവാ​ഹ​മോ​ച​നത്തെ എങ്ങനെ വീക്ഷി​ക്കു​ന്നു?

²² സ്‌നേഹം, ദയ, അനുകമ്പ, ക്ഷമ, വിവേകം, പ്രോ​ത്സാ​ഹനം, പ്രശംസ എന്നിവ വിവാ​ഹ​മെന്ന രത്‌ന​ത്തി​ന്റെ അവശ്യ വശങ്ങളാ​ണെ​ന്നും ബൈബിൾ പ്രകട​മാ​ക്കു​ന്നു. അവ കൂടാ​തെ​യുള്ള വിവാഹം സൂര്യ​പ്ര​കാ​ശ​വും വെള്ളവും കിട്ടാത്ത ചെടി​പോ​ലെ​യാണ്‌—അതു പുഷ്‌പി​ക്കാ​റേ ഇല്ല. അതു​കൊ​ണ്ടു നമ്മുടെ മനസ്സു​കളെ കർമ്മോ​ദ്യു​ക്ത​മാ​ക്കുന്ന ശക്തി നമ്മുടെ വിവാ​ഹ​ത്തിൽ പരസ്‌പരം പ്രോ​ത്സാ​ഹി​പ്പി​ക്കാ​നും നവോൻമേഷം പകരാ​നും നമ്മെ പ്രേരി​പ്പി​ക്കട്ടെ. ‘വിവാ​ഹ​മോ​ചനം യഹോവ വെറു​ക്കു​ന്നു’ എന്ന്‌ ഓർമ്മി​ക്കുക. ക്രിസ്‌തീയ സ്‌നേഹം പ്രകട​മാ​ക്കു​ന്നെ​ങ്കിൽ വ്യഭി​ചാ​ര​ത്തി​നോ വിവാ​ഹ​ത്ത​കർച്ച​ക്കോ യാതൊ​രു സാദ്ധ്യ​ത​യും ഉണ്ടായി​രി​ക്കാൻ പാടില്ല. എന്തു​കൊണ്ട്‌? “എന്തെന്നാൽ സ്‌നേഹം ഒരിക്ക​ലും നിലയ്‌ക്കു​ന്നില്ല.”—മലാഖി 2:16; 1 കൊരി​ന്ത്യർ 13:4-8, NW; എഫെസ്യർ 5:3-5.

നിങ്ങൾക്കു വിശദീ​ക​രി​ക്കാ​മോ?

◻ ഒരു സന്തുഷ്ട വിവാ​ഹ​ത്തി​നുള്ള അടിസ്ഥാ​നം എന്താണ്‌?

◻ മനസ്സിനെ കർമ്മോ​ദ്യു​ക്ത​മാ​ക്കുന്ന ശക്തിക്കു വിവാ​ഹത്തെ ബാധി​ക്കാൻ കഴിയു​ന്നത്‌ എങ്ങനെ?

◻ നമ്മുടെ മനസ്സു​കളെ കർമ്മോ​ദ്യു​ക്ത​മാ​ക്കുന്ന ശക്തിയെ ബലിഷ്‌ഠ​മാ​ക്കു​ന്ന​തി​നു നമുക്ക്‌ എന്തു ചെയ്യാൻ കഴിയും?

◻ പ്രലോ​ഭ​ന​ത്തിൻ കീഴി​ലാ​യി​രു​ന്ന​പ്പോൾ യോ​സേ​ഫും ദാവീ​ദും പ്രതി​ക​ര​ണ​ത്തിൽ വ്യത്യ​സ്‌ത​രാ​യി​രു​ന്നത്‌ എങ്ങനെ?

◻ വിവാ​ഹ​ബ​ന്ധത്തെ ഉറപ്പു​ള്ള​താ​ക്കു​ന്ന​തി​നു ഭർത്താ​ക്കൻമാ​രെ​യും ഭാര്യ​മാ​രെ​യും ഏതു ബൈബിൾ ബുദ്ധ്യു​പ​ദേശം സഹായി​ക്കും?

[18-ാം പേജിലെ ചിത്രം]

നാം രണ്ടുതരം പ്രമാ​ണ​ങ്ങ​ള​നു​സ​രി​ച്ചു ജീവി​ക്കു​ന്നു​ണ്ടോ—സഭയിൽ ദയയു​ള്ള​വ​നാ​യും വീട്ടിൽ പരുഷ​നാ​യും?