നിങ്ങളു​ടെ വിവാ​ഹത്തെ നിലനിൽക്കുന്ന ഒരു ബന്ധമാ​ക്കു​ക

“ദൈവം യോജി​പ്പി​ച്ച​തി​നെ മനുഷ്യൻ വേർപി​രി​ക്ക​രു​തു.”—മത്തായി 19:6.

1. സത്യ​ക്രി​സ്‌ത്യാ​നി​ക​ളു​ടെ ഇടയിലെ വൈവാ​ഹിക വിജയ​ത്തി​ന്റെ അടിസ്ഥാ​ന​മെ​ന്താണ്‌?

യഹോ​വ​യു​ടെ ജനത്തിന്റെ ഇടയിൽ അനേകാ​യി​രങ്ങൾ സന്തുഷ്ട​വും ശാശ്വ​ത​വു​മായ വിവാ​ഹ​ജീ​വി​തം ആസ്വദി​ക്കു​ന്നു. എന്നാൽ വ്യാപ​ക​മായ അത്തരം വിജയം ഒരു ആകസ്‌മിക സംഭവമല്ല. ക്രിസ്‌തീയ വിവാ​ഹങ്ങൾ പുഷ്ടി​പ്രാ​പി​ക്കു​ന്നത്‌ ഇണകളി​രു​വ​രും പിൻവ​രു​ന്ന​പ്ര​കാ​രം ചെയ്യു​മ്പോ​ഴാണ്‌: (1) വിവാ​ഹത്തെ സംബന്ധി​ച്ചുള്ള ദൈവ​ത്തി​ന്റെ വീക്ഷണത്തെ ആദരിക്കൽ, (2) അവന്റെ വചനത്തി​ലെ തത്ത്വങ്ങൾ അടിസ്ഥാ​ന​മാ​ക്കി ജീവി​ക്കാൻ ശ്രമം ചെലുത്തൽ. വൈവാ​ഹിക ക്രമീ​ക​ര​ണ​ത്തി​നു തുടക്കം കുറി​ച്ച​തു​തന്നെ ദൈവ​മാ​ണ​ല്ലൊ. ‘ഭൂമി​യി​ലുള്ള സകല കുടും​ബ​ത്തി​നും പേർ വരുവാൻ കാരണം’ അവൻ തന്നെയാണ്‌. (എഫെസ്യർ 3:14, 15) വിവാ​ഹ​ജീ​വി​തം വിജയ​പ്ര​ദ​മാ​ക്കു​വാൻ എന്താണ്‌ ആവശ്യ​മാ​യി​ട്ടു​ള്ളത്‌ എന്നു യഹോവ അറിയു​ന്ന​തി​നാൽ നാം അവന്റെ മാർഗ​നിർദേശം പിൻപ​റ​റു​ന്ന​തി​ലൂ​ടെ പ്രയോ​ജനം അനുഭ​വി​ക്കു​ന്നു.—യെശയ്യാ​വു 48:17.

2. ബൈബിൾ തത്ത്വങ്ങൾ വിവാ​ഹ​ജീ​വി​ത​ത്തിൽ ബാധക​മാ​ക്കു​ന്ന​തിൽ പരാജ​യ​പ്പെ​ടു​ന്ന​തി​ന്റെ പരിണ​ത​ഫ​ലങ്ങൾ ഏവ?

² ബൈബിൾ തത്ത്വങ്ങൾ ബാധക​മാ​ക്കു​ന്ന​തി​ലെ പരാജയം വിവാ​ഹ​ത്ത​കർച്ച​യിൽ കലാശി​ച്ചേ​ക്കാം. ഇന്ന്‌ ഐക്യ​നാ​ടു​ക​ളിൽ വിവാ​ഹ​ത്തി​ലേർപ്പെ​ടു​ന്ന​വ​രിൽ ഏതാണ്ട്‌ മൂന്നിൽ രണ്ടുഭാ​ഗം കാല​ക്ര​മേണ വിവാ​ഹ​മോ​ചനം നടത്തു​മെന്നു ചില വിദഗ്‌ദ്ധർ കരുതു​ന്നു. ക്രിസ്‌ത്യാ​നി​കൾപോ​ലും “ദുർഘ​ട​സ​മയങ്ങ”ളുടെ സമ്മർദ​ങ്ങ​ളിൽനി​ന്നും ഞെരു​ക്ക​ങ്ങ​ളിൽനി​ന്നും വിമു​ക്തരല്ല. (2 തിമൊ​ഥെ​യൊസ്‌ 3:1) തൊഴിൽ ചെയ്യു​ന്നി​ടത്തെ സാമ്പത്തിക ഞെരു​ക്ക​ങ്ങ​ളും ക്ലേശങ്ങ​ളും അതി​ന്റേ​തായ ദൂഷ്യ​ഫലം ഏതു വിവാ​ഹ​ബ​ന്ധ​ത്തിൻമേ​ലും ചെയ്യാ​നി​ട​യുണ്ട്‌. ചില ക്രിസ്‌ത്യാ​നി​ക​ളാ​ണെ​ങ്കി​ലോ, തങ്ങളുടെ ഇണകൾ ബൈബിൾ തത്ത്വങ്ങൾ ബാധക​മാ​ക്കു​ന്ന​തിൽ പരാജയമടയുന്നതിനാൽ കടുത്ത നിരാശ അനുഭ​വി​ക്കു​ന്ന​വ​രാണ്‌. “ഞാൻ യഹോ​വയെ സ്‌നേ​ഹി​ക്കു​ന്നു. എന്നാൽ കഴിഞ്ഞ 20 വർഷമാ​യി എന്റെ വിവാ​ഹ​ജീ​വി​തം പ്രശ്‌ന​ങ്ങ​ളു​ടെ അലമാ​ല​ക​ളി​ലാണ്‌. എന്റെ ഭർത്താവ്‌ സ്വാർഥ​മ​തി​യാണ്‌. ഏതെങ്കി​ലും​വി​ധ​ത്തി​ലുള്ള മാററങ്ങൾ വരുത്താൻ അദ്ദേഹം ആഗ്രഹി​ക്കു​ന്നു​മില്ല. കെണി​യി​ല​ക​പ്പെ​ട്ട​തു​പോ​ലെ എനിക്കു തോന്നു​ന്നു” എന്ന്‌ ഒരു ക്രിസ്‌തീയ ഭാര്യ പറയുന്നു. സമാന​മായ മനോ​ഭാ​വം പ്രകടി​പ്പി​ച്ചി​ട്ടുള്ള ക്രിസ്‌തീയ ഭർത്താ​ക്കൻമാ​രു​ടെ​യും ഭാര്യ​മാ​രു​ടെ​യും എണ്ണം കുറ​ച്ചൊ​ന്നു​മല്ല. എന്താണു കുഴപ്പം? ഒരു വിവാ​ഹ​ബന്ധം തണുപ്പൻ മനോ​ഭാ​വ​ത്തി​ലേക്ക്‌ അല്ലെങ്കിൽ ശക്തമായ വിദ്വേ​ഷ​ത്തി​ലേക്കു വഴുതി​വീ​ഴു​ന്ന​തിൽനി​ന്നു തടയാൻ എന്തിനു കഴിയും?

വിവാ​ഹ​ത്തി​ന്റെ ശാശ്വ​ത​ത്വം

3, 4. (എ) വിവാ​ഹത്തെ സംബന്ധി​ച്ചു യഹോവ വെച്ചി​രി​ക്കുന്ന മാനദണ്ഡം എന്താണ്‌? (ബി) വിവാ​ഹ​ബ​ന്ധ​ത്തി​ന്റെ ശാശ്വ​ത​ത്വം ന്യായ​യു​ക്ത​വും പ്രയോ​ജ​ന​ക​ര​വു​മാ​യി​രി​ക്കു​ന്നത്‌ എന്തു​കൊണ്ട്‌?

³ ഉത്തമമായ സാഹച​ര്യ​ങ്ങൾ എല്ലാം ഒത്തുവ​ന്നാൽക്കൂ​ടെ, വിവാഹം അപൂർണ​രായ വ്യക്തി​ക​ളു​ടെ സംഗമ​മാ​ണ​ല്ലൊ. (ആവർത്ത​ന​പു​സ്‌തകം 32:5) അതു​കൊണ്ട്‌ ‘വിവാഹം ചെയ്‌താൽ ജഡത്തിൽ കഷ്ടത ഉണ്ടാകു’മെന്ന്‌ അപ്പോ​സ്‌ത​ല​നായ പൗലോസ്‌ പറയു​ക​യു​ണ്ടാ​യി. (1 കൊരി​ന്ത്യർ 7:28) അതിരു​കടന്ന ചില ചുററു​പാ​ടു​കൾ വേർപി​രി​യ​ലി​ലോ വിവാ​ഹ​മോ​ച​ന​ത്തി​ലോ​പോ​ലും കലാശി​ച്ചേ​ക്കാം. (മത്തായി 19:9; 1 കൊരി​ന്ത്യർ 7:12-15) എന്നുവ​രി​കി​ലും, “ഭാര്യ ഭർത്താ​വി​നെ വേറു​പി​രി​യ​രു​തു; . . . ഭർത്താവു ഭാര്യയെ ഉപേക്ഷി​ക്ക​യു​മ​രു​തു” എന്ന പൗലോ​സി​ന്റെ ബുദ്ധ്യു​പ​ദേശം ക്രിസ്‌ത്യാ​നി​ക​ളിൽ മിക്കവ​രും ബാധക​മാ​ക്കു​ന്നു. (1 കൊരി​ന്ത്യർ 7:10, 11) വിവാഹം ശാശ്വ​ത​മായ ഒരു ബന്ധമാ​യി​രി​ക്കാ​നാണ്‌ ഉദ്ദേശി​ക്ക​പ്പെ​ട്ടത്‌. എന്തു​കൊ​ണ്ടെ​ന്നാൽ യേശു​ക്രി​സ്‌തു പിൻവ​രു​ന്ന​വി​ധം പ്രഖ്യാ​പി​ച്ചു: “ദൈവം യോജി​പ്പി​ച്ച​തി​നെ മനുഷ്യൻ വേർപി​രി​ക്ക​രു​തു.”—മത്തായി 19:6.

⁴ ചേർച്ച​യി​ല്ലാ​ത്ത​തും സ്‌നേ​ഹ​ര​ഹി​ത​വു​മായ ഒരു വിവാ​ഹ​ബ​ന്ധ​ത്തിൽ അകപ്പെ​ട്ടു​പോ​യി എന്നു കരുതുന്ന ഒരാൾക്കു യഹോ​വ​യു​ടെ മാനദണ്ഡം കർക്കശ​വും യുക്തി​ര​ഹി​ത​വു​മാ​യി തോന്നി​യേ​ക്കാം. എന്നാൽ അത്‌ അങ്ങനെയല്ല. വിവാ​ഹ​ബ​ന്ധ​ത്തി​ന്റെ ശാശ്വ​ത​ത്വം പ്രശ്‌ന​ങ്ങളെ അഭിമു​ഖീ​ക​രി​ക്കാ​നും പരിഹാ​രം തേടാ​നു​മാ​ണു ദൈവ​ഭ​യ​മുള്ള ദമ്പതി​കളെ പ്രേരി​പ്പി​ക്കു​ന്നത്‌, അല്ലാതെ കുഴപ്പങ്ങൾ ഉണ്ടാകു​ന്ന​തി​ന്റെ എന്തെങ്കി​ലും ലക്ഷണം കാണു​ന്ന​യു​ടനെ തങ്ങളുടെ കടമക​ളിൽനി​ന്നും തിടു​ക്ക​ത്തിൽ വിരമി​ക്കാ​നല്ല. വിവാഹം കഴിഞ്ഞിട്ട്‌ 20 വർഷത്തി​ല​ധി​ക​മായ ഒരു വ്യക്തി ഇപ്രകാ​രം പറയുന്നു: “പ്രയാ​സ​ക​ര​മായ സാഹച​ര്യ​ങ്ങൾ ഒഴിവാ​ക്കുക സാധ്യമല്ല. സദാ പരസ്‌പരം സന്തോ​ഷ​മു​ള്ള​വ​രാ​യി​രി​ക്കു​ക​യു​മില്ല. അപ്പോ​ഴാണ്‌ പ്രതി​ബദ്ധത പ്രധാ​ന​മാ​യി​രി​ക്കു​ന്നത്‌.” ക്രിസ്‌തീയ വിവാ​ഹ​ദ​മ്പ​തി​മാർ തീർച്ച​യാ​യും വിവാ​ഹ​ത്തി​ന്റെ പ്രാരം​ഭ​ക​നായ യഹോ​വ​യോട്‌ ഒന്നാമ​താ​യി കടപ്പാ​ടു​ള്ള​വ​രാണ്‌.—താരത​മ്യം ചെയ്യുക: സഭാ​പ്ര​സം​ഗി 5:4.

ശിരഃ​സ്ഥാ​ന​വും കീഴ്‌പെ​ട​ലും

5. ഭാര്യാ​ഭർത്താ​ക്കൻമാർക്കുള്ള പൗലോ​സി​ന്റെ ചില ബുദ്ധ്യു​പ​ദേ​ശങ്ങൾ ഏവ?

⁵ പ്രശ്‌നങ്ങൾ പൊന്തി​വ​രു​മ്പോൾ അതിൽനിന്ന്‌ ഓടി​യൊ​ളി​ക്കു​ന്ന​തി​നുള്ള സമയമ​ല്ലത്‌. പകരം ദൈവ​വ​ച​ന​ത്തി​ലെ ബുദ്ധ്യു​പ​ദേശം ബാധക​മാ​ക്കു​ന്ന​തി​നുള്ള ഒരു മെച്ചമായ മാർഗം തേടാ​നുള്ള സമയമാണ്‌. ഉദാഹ​ര​ണ​ത്തിന്‌, എഫെസ്യർ 5:22-25, 28, 29-ൽ നൽകി​യി​രി​ക്കുന്ന പൗലോ​സി​ന്റെ വാക്കുകൾ പരിചി​ന്തി​ക്കുക: “ഭാര്യ​മാ​രേ, കർത്താ​വി​ന്നു എന്നപോ​ലെ സ്വന്ത ഭർത്താ​ക്കൻമാ​ക്കു കീഴട​ങ്ങു​വിൻ. ക്രിസ്‌തു ശരീര​ത്തി​ന്റെ രക്ഷിതാ​വാ​യി സഭെക്കു തലയാ​കു​ന്ന​തു​പോ​ലെ ഭർത്താവു ഭാര്യക്കു തലയാ​കു​ന്നു. എന്നാൽ സഭ ക്രിസ്‌തു​വി​ന്നു കീഴട​ങ്ങി​യി​രി​ക്കു​ന്ന​തു​പോ​ലെ ഭാര്യ​മാ​രും ഭർത്താ​ക്കൻമാർക്കു സകലത്തി​ലും കീഴട​ങ്ങി​യി​രി​ക്കേണം. ഭർത്താ​ക്കൻമാ​രേ, ക്രിസ്‌തു​വും സഭയെ സ്‌നേ​ഹി​ച്ച​തു​പോ​ലെ നിങ്ങളു​ടെ ഭാര്യ​മാ​രെ സ്‌നേ​ഹി​പ്പിൻ. . . . അവ്വണ്ണം ഭർത്താ​ക്കൻമാ​രും തങ്ങളുടെ ഭാര്യ​മാ​രെ സ്വന്ത ശരീര​ങ്ങ​ളെ​പ്പോ​ലെ സ്‌നേ​ഹി​ക്കേ​ണ്ട​താ​കു​ന്നു. ഭാര്യയെ സ്‌നേ​ഹി​ക്കു​ന്നവൻ തന്നെത്താൻ സ്‌നേ​ഹി​ക്കു​ന്നു. ആരും തന്റെ ജഡത്തെ ഒരുനാ​ളും പകെച്ചി​ട്ടി​ല്ല​ല്ലോ; ക്രിസ്‌തു​വും സഭയെ ചെയ്യു​ന്ന​തു​പോ​ലെ അതിനെ പോററി പുലർത്തു​ക​യ​ത്രേ ചെയ്യു​ന്നതു.”

6. ക്രിസ്‌തീയ ഭർത്താ​ക്കൻമാർ ലോക​ക്കാ​രായ പുരു​ഷൻമാ​രിൽനി​ന്നു വ്യത്യ​സ്‌ത​രാ​യി​രി​ക്കേ​ണ്ടത്‌ എങ്ങനെ?

⁶ പുരു​ഷൻമാർ മിക്ക​പ്പോ​ഴും ഭർത്താ​വെന്ന നിലയി​ലുള്ള തങ്ങളുടെ അധികാ​രം ദുരു​പ​യോ​ഗ​പ്പെ​ടു​ത്തു​ക​യും ഭാര്യ​മാ​രെ ഭരിക്കു​ക​യും ചെയ്‌തി​രി​ക്കു​ന്നു. (ഉല്‌പത്തി 3:16) എന്നാൽ, ലോക​ക്കാ​രായ പുരു​ഷൻമാ​രിൽനി​ന്നു വിഭി​ന്ന​മാ​യി​രി​ക്കു​ന്ന​തി​നു ക്രിസ്‌തീയ ഭർത്താ​ക്കൻമാ​രെ പൗലോസ്‌ പ്രോ​ത്സാ​ഹി​പ്പി​ച്ചു. അവർ ക്രിസ്‌തു​വി​നെ​പ്പോ​ലെ ആയിരി​ക്കേ​ണ്ട​തുണ്ട്‌. ഭാര്യ​മാ​രു​ടെ ജീവി​ത​ത്തി​ന്റെ ഓരോ വശങ്ങ​ളെ​യും നിയ​ന്ത്രി​ക്കുന്ന സ്വേച്ഛാ​ധി​പ​തി​ക​ളാ​യി​രി​ക്ക​രുത്‌. മനുഷ്യ​നാ​യി​രുന്ന യേശു​ക്രി​സ്‌തു ഒരിക്ക​ലും മർക്കട​മു​ഷ്ടി പിടി​ക്കു​ന്ന​വ​നോ ആധിപ​ത്യം പുലർത്തു​ന്ന​വ​നോ ആയിരു​ന്നില്ല. “അദ്ധ്വാ​നി​ക്കു​ന്ന​വ​രും ഭാരം ചുമക്കു​ന്ന​വ​രും ആയു​ള്ളോ​രേ, എല്ലാവ​രും എന്റെ അടുക്കൽ വരുവിൻ; ഞാൻ നിങ്ങളെ ആശ്വസി​പ്പി​ക്കും. ഞാൻ സൌമ്യ​ത​യും താഴ്‌മ​യും ഉള്ളവൻ ആകയാൽ എന്റെ നുകം ഏററു​കൊ​ണ്ടു എന്നോടു പഠിപ്പിൻ” എന്നു പറഞ്ഞു​കൊണ്ട്‌ അവൻ ബഹുമാ​ന​ത്തോ​ടും ആദര​വോ​ടും​കൂ​ടെ തന്റെ അനുഗാ​മി​ക​ളോ​ടു പെരു​മാ​റി.—മത്തായി 11:28, 29.

7. ഭാര്യ ലൗകിക ജോലി ചെയ്യേ​ണ്ടി​വ​രു​മ്പോൾ ഭർത്താ​വിന്‌ എങ്ങനെ അവളോട്‌ ആദരവു പ്രകടി​പ്പി​ക്കാ​നാ​കും?

⁷ ക്രിസ്‌തീയ ഭർത്താവ്‌ ഒരു ബലഹീ​ന​പാ​ത്ര​ത്തോ​ടെ​ന്ന​പോ​ലെ തന്റെ ഭാര്യ​യ്‌ക്ക്‌ ആദരവു നൽകുന്നു. (1 പത്രൊസ്‌ 3:7) ഉദാഹ​ര​ണ​ത്തിന്‌, അവൾ ലൗകിക ജോലി ചെയ്യു​ന്നു​വെ​ന്നി​രി​ക്കട്ടെ. അയാൾ ഇതു കണക്കി​ലെ​ടു​ക്കു​ക​യും കഴിയു​ന്നത്ര സഹായ​വും പരിഗ​ണ​ന​യും നൽകു​ക​യും ചെയ്യും. വിവാ​ഹ​മോ​ചനം തേടു​ന്ന​തി​നു സ്‌ത്രീ​കൾ നൽകി​യി​ട്ടുള്ള ഒരു പ്രധാന കാരണം ഭർത്താവു കുട്ടി​ക​ളെ​യും കുടും​ബ​ത്തെ​യും അവഗണി​ക്കു​ന്നു​വെ​ന്ന​താണ്‌. അതു​കൊണ്ട്‌, വീട്ടിൽ മുഴു​കു​ടും​ബ​ത്തി​നും പ്രയോ​ജ​നം​ചെ​യ്യുന്ന അർഥവ​ത്തായ വിധങ്ങ​ളിൽ ഭാര്യയെ സഹായി​ക്കാൻ ഒരു ക്രിസ്‌തീയ ഭർത്താവു ശ്രമി​ക്കു​ന്നു.

8. കീഴ്‌പ്പെടൽ ക്രിസ്‌തീയ ഭാര്യ​മാ​രിൽനിന്ന്‌ എന്ത്‌ ആവശ്യ​പ്പെ​ടു​ന്നു?

⁸ തങ്ങളോ​ടുള്ള ഭർത്താ​ക്കൻമാ​രു​ടെ ആദര​വോ​ടെ​യുള്ള പെരു​മാ​ററം അവർക്കു കീഴ്‌പ്പെ​ട്ടി​രി​ക്കു​ന്നത്‌ ക്രിസ്‌തീയ ഭാര്യ​മാർക്ക്‌ എളുപ്പ​മാ​ക്കി​ത്തീർക്കു​ന്നു. എന്നിരു​ന്നാ​ലും, ഇത്‌ അധമമായ ദാസ്യ​ത്വ​ത്തെ അർഥമാ​ക്കു​ന്നില്ല. ഭാര്യ ഒരു ദാസിയല്ല മറിച്ച്‌ മനുഷ്യന്‌ ഏററവും യോജിച്ച “തുണ” (“പ്രതി​രൂ​പം,” പുതി​യ​ലോക ഭാഷാ​ന്ത​ര​ത്തി​ന്റെ അടിക്കു​റിപ്പ്‌) ആയിരി​ക്കാ​നാണ്‌ ദൈവം കൽപ്പി​ച്ചത്‌. (ഉല്‌പത്തി 2:18) മലാഖി 2:14-ൽ ഭാര്യ പുരു​ഷന്റെ “കൂട്ടാളി”യായി പറയ​പ്പെ​ട്ടി​രി​ക്കു​ന്നു. അങ്ങനെ ബൈബിൾ കാലങ്ങ​ളി​ലെ ഭാര്യ​മാർ ഗണ്യമായ വിധത്തിൽ സ്വാത​ന്ത്ര്യ​വും സ്വൈ​ര​ത​യും ആസ്വദി​ച്ചി​രു​ന്നു. “സാമർത്ഥ്യ​മുള്ള ഭാര്യയെ”ക്കുറിച്ചു ബൈബിൾ ഇപ്രകാ​രം പറയുന്നു: “ഭർത്താ​വി​ന്റെ ഹൃദയം അവളെ വിശ്വ​സി​ക്കു​ന്നു.” കുടും​ബ​ത്തിൽ പൊതു​കാ​ര്യ​ങ്ങൾ കൈകാ​ര്യം​ചെയ്യൽ, ഭക്ഷ്യസാ​ധ​നങ്ങൾ വാങ്ങു​ന്ന​തി​നുള്ള മേൽനോ​ട്ടം വഹിക്കൽ, സ്ഥലസം​ബ​ന്ധ​മായ ക്രയവി​ക്ര​യങ്ങൾ ചെയ്യു​ന്ന​തി​നുള്ള കൂടി​യാ​ലോ​ചന നടത്തൽ, ചെറു​തോ​തി​ലുള്ള കച്ചവടം നടത്തൽ എന്നിങ്ങ​നെ​യുള്ള ഉത്തരവാ​ദി​ത്വ​ങ്ങൾ അവളെ ഏൽപ്പി​ക്കു​മാ​യി​രു​ന്നു.—സദൃശ​വാ​ക്യ​ങ്ങൾ 31:10-31.

9. (എ) ബൈബിൾ കാലങ്ങ​ളിൽ ദൈവ​ഭ​യ​മുള്ള സ്‌ത്രീ​കൾ യഥാർഥ കീഴ്‌പ്പെടൽ പ്രദർശി​പ്പി​ച്ചി​രു​ന്ന​തെ​ങ്ങനെ? (ബി) ഇന്നു കീഴ്‌പെ​ട്ടി​രി​ക്കു​ന്ന​തിന്‌ ഒരു ക്രിസ്‌തീയ ഭാര്യയെ എന്തു സഹായി​ക്കും?

⁹ എന്നുവ​രി​കി​ലും, ദൈവ​ഭ​യ​മുള്ള ഭാര്യ ഭർത്താ​വി​ന്റെ അധികാ​രത്തെ തിരി​ച്ച​റി​ഞ്ഞി​രു​ന്നു. ദൃഷ്ടാ​ന്ത​ത്തിന്‌, സാറ “അബ്രാ​ഹാ​മി​നെ യജമാനൻ എന്നു വിളിച്ചു അനുസ​രി​ച്ചി​രു​ന്നു.” ഇത്‌ വെറും മര്യാ​ദ​യു​ടെ പേരിൽ ഉപചാ​ര​പൂർവ​മുള്ള ഒരു വിളി​യാ​യി​രു​ന്നില്ല മറിച്ച്‌, അവളുടെ ആത്മാർഥ​മായ കീഴ്‌പെ​ട​ലി​ന്റെ പ്രതി​ഫ​ല​ന​മാ​യി​രു​ന്നു. (1 പത്രൊസ്‌ 3:6; ഉല്‌പത്തി 18:12) ഭർത്താ​വി​നോ​ടൊ​പ്പം കൂടാ​ര​ങ്ങ​ളിൽ വസിക്കു​ന്ന​തി​നു​വേണ്ടി ഊർ ദേശത്തെ തന്റെ എല്ലാ സുഖസൗ​ക​ര്യ​ങ്ങ​ളു​മുള്ള വസതി അവൾ സ്വമന​സ്സാ​ലെ ഉപേക്ഷി​ച്ചി​ട്ടു​പോ​ന്നു. (എബ്രായർ 11:8, 9) ആവശ്യ​മു​ള്ള​പ്പോൾ ഭാര്യക്ക്‌ ഉത്തരവാ​ദി​ത്വ​മുള്ള നടപടി സ്വീക​രി​ക്കാൻ പാടില്ല എന്നു കീഴ്‌പെടൽ അർഥമാ​ക്കി​യില്ല. പരിച്‌ഛേദന സംബന്ധി​ച്ചുള്ള ദൈവ​നി​യ​മ​ത്തി​നു ചേർച്ച​യിൽ പ്രവർത്തി​ക്കു​ന്ന​തിൽ മോശ പരാജ​യ​പ്പെ​ട്ട​പ്പോൾ അദ്ദേഹ​ത്തി​ന്റെ ഭാര്യ സിപ്പോ​രാ ബുദ്ധി​പൂർവം പ്രവർത്തി​ച്ചു​കൊ​ണ്ടു നാശത്തെ കാലേ​കൂ​ട്ടി തടുത്തു. (പുറപ്പാ​ടു 4:24-26) ഒരു അപൂർണ മനുഷ്യ​നെ പ്രീണി​പ്പി​ക്കുക എന്നതി​ലും അധികം കാര്യങ്ങൾ ഉൾപ്പെ​ടു​ന്നുണ്ട്‌. ഭാര്യ​മാർ “കർത്താ​വി​ന്നു എന്നപോ​ലെ സ്വന്ത ഭർത്താ​ക്കൻമാർക്കു കീഴട”ങ്ങിയി​രി​ക്കേണം. (എഫെസ്യർ 5:22) ഒരു ക്രിസ്‌തീയ ഭാര്യ ദൈവ​വു​മാ​യുള്ള ബന്ധത്തിന്റെ അടിസ്ഥാ​ന​ത്തിൽ ചിന്തി​ക്കു​മ്പോൾ അതു ഭർത്താ​വി​ലുള്ള ചെറിയ പിഴവു​ക​ളും പോരാ​യ്‌മ​ക​ളും പൊറു​ക്കു​ന്ന​തിന്‌ അവൾക്കു സഹായ​മേ​കും. ഭർത്താ​വും അവളോട്‌ അങ്ങനെ​തന്നെ പെരു​മാ​റേ​ണ്ട​തുണ്ട്‌.

ആശയവി​നി​മയം—ഒരു വിവാ​ഹ​ബ​ന്ധ​ത്തി​ന്റെ ജീവരക്തം

10. വിവാഹ ജീവി​ത​ത്തിൽ ആശയവി​നി​യമം എത്ര പ്രധാ​ന​മാണ്‌?

¹⁰ ദമ്പതികൾ വേർപി​രി​യു​ന്ന​തി​നുള്ള ഒരു പ്രധാന കാരണ​മെന്ത്‌ എന്നു ചോദി​ച്ച​പ്പോൾ വിവാ​ഹ​മോ​ചന കേസുകൾ കൈകാ​ര്യം​ചെ​യ്യുന്ന ഒരു അഭിഭാ​ഷകൻ ഇപ്രകാ​രം ഉത്തരം നൽകു​ക​യു​ണ്ടാ​യി: “സത്യസ​ന്ധ​മാ​യി പരസ്‌പരം സംസാ​രി​ക്കു​ക​യും തങ്ങളുടെ അന്തർഗ​തങ്ങൾ വെളി​പ്പെ​ടു​ത്തു​ക​യും പരസ്‌പരം ഉററ സുഹൃ​ത്തു​ക്ക​ളാ​യി കരുതു​ക​യും ചെയ്യു​ന്ന​തി​നുള്ള കഴിവി​ല്ലാ​യ്‌മ​യാ​ണു കാരണം.” അതേ, ആശയവി​നി​യമം കെട്ടു​റ​പ്പുള്ള ഒരു വിവാ​ഹ​ബ​ന്ധ​ത്തി​ന്റെ ജീവര​ക്ത​മാണ്‌. “ആലോചന ഇല്ലാഞ്ഞാൽ ഉദ്ദേശ്യ​ങ്ങൾ സാധി​ക്കാ​തെ​പോ​കു​ന്നു”വെന്നു ബൈബിൾത​ന്നെ​യും പറയുന്നു. (സദൃശ​വാ​ക്യ​ങ്ങൾ 15:22) ഭാര്യാ​ഭർത്താ​ക്കൻമാർ ഊഷ്‌മ​ള​മായ, ഉററബന്ധം ആസ്വദി​ക്കുന്ന ‘സ്വകാര്യ സ്‌നേ​ഹി​തർ’ ആയിരി​ക്കണം. (സദൃശ​വാ​ക്യ​ങ്ങൾ 2:17, NW) എങ്കിലും ആശയവി​നി​മ​യ​ത്തി​ന്റെ കാര്യ​ത്തിൽ പല ദമ്പതി​കൾക്കും ബുദ്ധി​മു​ട്ടു നേരി​ടു​ന്നു. അങ്ങനെ, നീരസം ചലം​കെട്ടി നാശക​ര​മായ കോപം പൊട്ടി​യൊ​ലി​ക്കാ​നി​ട​യാ​കു​ന്നു. അതുമ​ല്ലെ​ങ്കിൽ വിവാ​ഹ​ദ​മ്പ​തി​കൾ മര്യാ​ദ​യു​ടെ പുറം​പൂ​ച്ചി​നു പിന്നിൽ മറഞ്ഞി​രു​ന്നു​വെ​ന്നും വരാം. അത്‌ വൈകാ​രി​ക​മാ​യി അവർ പരസ്‌പരം അകലു​ന്ന​തി​നു വളംവ​യ്‌ക്കു​ന്നു.

11. ഭാര്യാ​ഭർത്താ​ക്കൻമാ​രു​ടെ ഇടയിലെ ആശയവി​നി​യമം മെച്ച​പ്പെ​ടു​ത്താ​വു​ന്ന​തെ​ങ്ങനെ?

¹¹ പുരു​ഷ​ന്റെ​യും സ്‌ത്രീ​യു​ടെ​യും ആശയവി​നി​മയ ശൈലി വ്യത്യ​സ്‌ത​മാ​ണെ​ന്ന​താണ്‌ പ്രശ്‌ന​ത്തി​ന്റെ ഒരു കാരണം. അനേകം സ്‌ത്രീ​ക​ളും ചേതോ​വി​കാ​രങ്ങൾ ചർച്ച​ചെ​യ്യു​ന്ന​തിൽ സന്തുഷ്ടി അനുഭ​വി​ക്കു​ന്ന​താ​യി തോന്നു​ന്നു. എന്നാൽ പുരു​ഷൻമാ​രു​ടെ സ്വത​വേ​യുള്ള താത്‌പ​ര്യം വസ്‌തു​തകൾ ചർച്ച​ചെ​യ്യു​ന്ന​തി​ലാണ്‌. സ്‌ത്രീ​കൾ സമാനു​ഭാ​വം കാണി​ക്കു​ന്ന​തി​നും വൈകാ​രി​ക​മായ പിന്തുണ നൽകു​ന്ന​തി​നും കൂടുതൽ പ്രവണ​ത​യു​ള്ള​വ​രാണ്‌. എന്നാൽ പുരു​ഷൻമാർ പ്രശ്‌ന​ങ്ങൾക്കു പരിഹാ​രങ്ങൾ ആരാഞ്ഞു കണ്ടുപി​ടി​ക്കു​ന്നു. എന്നുവ​രി​കി​ലും, നല്ല ആശയവി​നി​മ​യ​ത്തി​നുള്ള സാധ്യത നില​കൊ​ള്ളു​ന്നത്‌ ഇണകൾ ഇരുവ​രും “കേൾപ്പാൻ വേഗത​യും പറവാൻ താമസ​വും കോപ​ത്തി​ന്നു താമസ​വു​മു​ള്ളവ”രും ആയിരി​ക്കു​മ്പോ​ഴാണ്‌. (യാക്കോബ്‌ 1:19) കണ്ണിൽക്ക​ണ്ണിൽ നോക്കുക. യഥാർഥ​ത്തിൽ നല്ലവണ്ണം ശ്രദ്ധി​ക്കുക. ആലോ​ച​നാ​പൂർവം പരസ്‌പരം ചോദ്യ​ങ്ങൾ ചോദി​ച്ചു​കൊണ്ട്‌ ഉള്ളു മനസി​ലാ​ക്കുക. (താരത​മ്യം ചെയ്യുക: 1 ശമൂവേൽ 1:8; സദൃശ​വാ​ക്യ​ങ്ങൾ 20:5.) നിങ്ങളു​ടെ ഇണ ഒരു പ്രശ്‌നം അവതരി​പ്പി​ക്കു​മ്പോൾ ഉടനടി പരിഹാ​രം നിർദേ​ശി​ക്കാ​തെ പ്രശ്‌ന​ങ്ങൾക്ക്‌ അറുതി വരുത്താൻ ശ്രമി​ക്കവേ ശ്രദ്ധാ​പൂർവം കേൾക്കുക. കൂടാതെ, ദിവ്യ​മാർഗ​നിർദേശം തേടി​ക്കൊണ്ട്‌ താഴ്‌മ​യോ​ടെ ഒരുമി​ച്ചു പ്രാർഥി​ക്കു​ക​യും ചെയ്യുക.—സങ്കീർത്തനം 65:2; റോമർ 12:12.

12. ക്രിസ്‌തീയ ഇണകൾക്ക്‌ പരസ്‌പരം ചെലവ​ഴി​ക്കു​ന്ന​തി​നാ​യി സമയം എങ്ങനെ വിലയ്‌ക്കു വാങ്ങാ​നാ​കും?

¹² ജീവി​ത​ത്തി​ലെ സമ്മർദ​ങ്ങ​ളും പിരി​മു​റു​ക്ക​ങ്ങ​ളും കാരണം ചില​പ്പോ​ഴെ​ല്ലാം അർഥവ​ത്തായ സംഭാ​ഷണം നടത്തു​ന്ന​തി​നു വിവാഹ ഇണകൾക്കു സമയവും ഊർജ​വും ലഭിക്കാ​റില്ല. എന്നിരു​ന്നാ​ലും, ക്രിസ്‌ത്യാ​നി​കൾ തങ്ങളുടെ ജീവിതം ആദരണീ​യ​മാ​യി കാത്തു​കൊ​ള്ളു​ക​യും കളങ്കം പററു​ന്ന​തി​നെ​തി​രെ ജാഗ്രത പുലർത്തു​ക​യും ചെയ്യേ​ണ്ട​തി​നു പരസ്‌പരം അടുത്തു നില​കൊ​ള്ളേ​ണ്ട​തുണ്ട്‌. തങ്ങളുടെ ബന്ധം അമൂല്യ​മായ ഒന്നാ​ണെന്ന്‌ അവർ കണക്കാ​ക്കേ​ണ്ടത്‌ ആവശ്യ​മാണ്‌. അതിനു​വേ​ണ്ടി​യും പരസ്‌പരം ചെലവ​ഴി​ക്കു​ന്ന​തി​നു​വേ​ണ്ടി​യും സമയം വിലയ്‌ക്കു വാങ്ങണം. (താരത​മ്യം ചെയ്യുക: കൊ​ലൊ​സ്സ്യർ 4:5.) ചില​പ്പോ​ഴെ​ല്ലാം സമയം കണ്ടെത്തു​ന്ന​തി​നുള്ള പരിഹാ​ര​മാർഗം ടിവി ഓഫ്‌ ചെയ്യുക മാത്ര​മാ​യി​രു​ന്നേ​ക്കാം. നിരന്തരം ഒരുമി​ച്ചി​രു​ന്നു ചായയോ കാപ്പി​യോ കുടി​ക്കു​ന്നത്‌ വൈകാ​രി​ക​മാ​യി നല്ല അടുപ്പ​മു​ണ്ടാ​യി​രി​ക്കു​ന്ന​തി​നു വിവാ​ഹ​പ​ങ്കാ​ളി​കളെ സഹായി​ക്കും. അത്തരം സന്ദർഭ​ങ്ങ​ളിൽ കുടും​ബ​കാ​ര്യ​ങ്ങ​ളിൽ പലതി​നെ​പ്പ​റ​റി​യും ‘ആലോ​ചി​ക്കു​ന്ന​തി​നു’ കഴിയും. (സദൃശ​വാ​ക്യ​ങ്ങൾ 13:10) ശുണ്‌ഠി​പി​ടി​പ്പി​ക്കു​ന്ന​തും തെററി​ദ്ധാ​ര​ണ​യു​ള​വാ​ക്കു​ന്ന​തു​മായ നിസ്സാര കാര്യങ്ങൾ പിരി​മു​റു​ക്ക​ത്തി​നുള്ള പ്രധാന ഉറവാ​യി​ത്തീ​രു​ന്ന​തി​നു​മുമ്പ്‌ അതു സംബന്ധി​ച്ചു സംസാ​രി​ക്കുന്ന ശീലം വികസി​പ്പി​ച്ചെ​ടു​ക്കു​ന്നത്‌ എത്ര ജ്ഞാനമായ ഒരു സംഗതി​യാണ്‌!—താരത​മ്യം ചെയ്യുക: മത്തായി 5:23, 24; എഫെസ്യർ 4:26.

13. (എ) തുറന്ന സംസാ​ര​ത്തി​ന്റെ​യും സത്യസ​ന്ധ​ത​യു​ടെ​യും കാര്യ​ത്തിൽ യേശു​ക്രി​സ്‌തു എന്തു ദൃഷ്ടാന്തം വെച്ചു? (ബി) വിവാഹ ഇണകൾക്കു പരസ്‌പരം അടുക്കാൻ കഴിയുന്ന ചില വിധങ്ങൾ ഏവ?

¹³ “എന്റെ മനോ​ഗതം അതേ​പ്ര​കാ​രം അവതരി​പ്പി​ക്കു​ക​യും എനിക്ക്‌ ഉള്ളിൽ തോന്നു​ന്ന​പോ​ലെ​തന്നെ [എന്റെ ഭാര്യ]യോടു പറയു​ക​യും ചെയ്യുക എന്നത്‌ എന്നെ സംബന്ധി​ച്ചി​ട​ത്തോ​ളം വളരെ ബുദ്ധി​മു​ട്ടുള്ള സംഗതി​യാണ്‌” എന്ന്‌ ഒരു മനുഷ്യൻ തുറന്നു പറഞ്ഞു. ഉള്ളിലു​ള്ളതു വെളി​പ്പെ​ടു​ത്തു​ന്നത്‌ ഉററബന്ധം വളർത്തി​യെ​ടു​ക്കു​ന്ന​തി​നുള്ള ഒരു സുപ്ര​ധാന താക്കോ​ലാണ്‌. തന്റെ മണവാ​ട്ടി​വർഗ​ത്തി​ലെ ഭാവി അംഗങ്ങ​ളാ​കാൻ പോകു​ന്ന​വ​രോ​ടു യേശു​ക്രി​സ്‌തു എത്രമാ​ത്രം തുറന്ന, സത്യസ​ന്ധ​മായ രീതി​യി​ലാ​ണു സംസാ​രി​ച്ചത്‌ എന്നത്‌ ശ്രദ്ധിക്കൂ. അവൻ പറഞ്ഞു: “യജമാനൻ ചെയ്യു​ന്നതു ദാസൻ അറിയാ​യ്‌ക​കൊ​ണ്ടു ഞാൻ നിങ്ങളെ ദാസൻമാർ എന്നു ഇനി പറയു​ന്നില്ല; ഞാൻ എന്റെ പിതാ​വി​നോ​ടു കേട്ടതു എല്ലാം നിങ്ങ​ളോ​ടു അറിയി​ച്ച​തു​കൊ​ണ്ടു നിങ്ങളെ സ്‌നേ​ഹി​തൻമാർ എന്നു പറഞ്ഞി​രി​ക്കു​ന്നു.” (യോഹ​ന്നാൻ 15:15) അതു​കൊണ്ട്‌ നിങ്ങളു​ടെ പങ്കാളി​യെ ഒരു സുഹൃ​ത്താ​യി കരുതുക. വികാ​രങ്ങൾ നിങ്ങളു​ടെ ഇണയെ ഭരമേൽപ്പി​ക്കുക. ലളിത​വും സത്യസ​ന്ധ​വു​മായ “സ്‌നേ​ഹ​പ്ര​ക​ട​നങ്ങൾ” നടത്തുക. (ഉത്തമഗീ​തം 1:2, NW) തുറന്ന ആശയവി​നി​യമം ചില​പ്പോൾ അനുചി​ത​മെന്നു തോന്നി​ച്ചേ​ക്കാം. എന്നാൽ, രണ്ടു വിവാഹ ഇണകളും ആവശ്യ​മായ ശ്രമം ചെലു​ത്തു​ന്ന​തി​ലൂ​ടെ തങ്ങളുടെ വിവാ​ഹത്തെ നിലനിൽക്കുന്ന ഒരു ബന്ധമാ​ക്കി​ത്തീർക്കു​ക​യെന്ന ലക്ഷ്യത്തിൽ അവർക്കു പലതും നേടാൻ കഴിയും.

അഭി​പ്രായ വ്യത്യാ​സങ്ങൾ കൈകാ​ര്യം ചെയ്യൽ

14, 15. ശണ്‌ഠ എങ്ങനെ ഒഴിവാ​ക്കാം?

¹⁴ സമയാ​സ​മ​യ​ങ്ങ​ളിൽ യഥാർഥ അഭി​പ്രായ വ്യത്യാ​സങ്ങൾ പൊന്തി​വ​രു​മെ​ന്നതു തീർച്ച​യാണ്‌. എന്നാൽ നിങ്ങളു​ടെ ഭവനം ‘കലഹം നിറഞ്ഞ വീടായി’ അധഃപ​തി​ക്കേ​ണ്ട​തില്ല. (സദൃശ​വാ​ക്യ​ങ്ങൾ 17:1, NW) കുട്ടികൾ കേൾക്കാ​നി​ട​യു​ള്ള​പ്പോൾ ഗൗരവ​മായ കാര്യങ്ങൾ ചർച്ച​ചെ​യ്യ​രുത്‌. നിങ്ങളു​ടെ ഇണയുടെ വികാ​ര​ങ്ങളെ മാനി​ക്കുക. റാഹേൽ അവളുടെ മച്ചിയായ അവസ്ഥയിൽ വിഷമം പ്രകടി​പ്പി​ക്കു​ക​യും തനിക്കു കുട്ടി​കളെ നൽകാൻ യാക്കോ​ബി​നോട്‌ അഭ്യർഥി​ക്കു​ക​യും ചെയ്‌ത​പ്പോൾ അവൻ കോപാ​കു​ല​നാ​യി “നിനക്കു ഗർഭഫലം തരാതി​രി​ക്കുന്ന ദൈവ​ത്തി​ന്റെ സ്ഥാനത്തോ ഞാൻ” എന്നു പ്രതി​ക​രി​ച്ചു. (ഉല്‌പത്തി 30:1, 2) കുടും​ബ​പ​ര​മായ പ്രശ്‌നങ്ങൾ പൊന്തി​വ​രു​മ്പോൾ വ്യക്തി​യോ​ടല്ല പ്രശ്‌ന​ത്തോ​ടു പൊരു​തുക. വ്യക്തി​പ​ര​മായ ചർച്ചക്കി​ട​യിൽ “മൂർച്ച​യാ​യി സംസാരി”ക്കുന്നതും അനാവ​ശ്യ​മാ​യി പരസ്‌പരം സംഭാ​ഷണം മുടക്കു​ന്ന​തും ഒഴിവാ​ക്കുക.—സദൃശ​വാ​ക്യ​ങ്ങൾ 12:18.

¹⁵ നിങ്ങളു​ടെ വീക്ഷണ​ഗതി സംബന്ധി​ച്ചു നിങ്ങൾക്കു ശക്തമായ വികാ​ര​ങ്ങ​ളു​ണ്ടാ​യി​രു​ന്നേ​ക്കാം. എന്നാൽ ഇവ “കൈപ്പും കോപ​വും ക്രോ​ധ​വും കൂററാ​ര​വും ദൂഷണ​വും” കൂടാതെ പ്രകടി​പ്പി​ക്കാ​വു​ന്ന​താണ്‌. (എഫെസ്യർ 4:31) “നിങ്ങളു​ടെ പ്രശ്‌നങ്ങൾ സാധാരണ സ്വരത്തിൽ ചർച്ച​ചെ​യ്യുക” എന്ന്‌ ഒരു ഭർത്താവ്‌ പറയുന്നു. “ഒരാൾ ശബ്ദം ഉയർത്തി​യാൽ അവി​ടെ​വെച്ചു നിർത്തുക. അൽപ്പസ​മ​യ​ത്തി​നു​ശേഷം തിരി​ച്ചെത്തി പുനരാ​രം​ഭി​ക്കുക.” സദൃശ​വാ​ക്യ​ങ്ങൾ 17:14 പിൻവ​രുന്ന ഉപദേശം നൽകുന്നു: “കലഹമാ​കും​മു​മ്പെ തർക്കം നിർത്തി​ക്കളക.” രണ്ടു​പേ​രും ശാന്തരാ​യ​ശേഷം വീണ്ടും കാര്യാ​ദി​കൾ ചർച്ച​ചെ​യ്യു​ന്ന​തി​നു ശ്രമി​ക്കുക.

പരസ്‌പരം വിശ്വ​സ്‌ത​രാ​യി നില​കൊ​ള്ളു​ക

16. വ്യഭി​ചാ​രം വളരെ ഗൗരവ​മു​ള്ള​താ​യി​രി​ക്കു​ന്നത്‌ എന്തു​കൊണ്ട്‌?

¹⁶ എബ്രായർ 13:4 ഇപ്രകാ​രം പ്രസ്‌താ​വി​ക്കു​ന്നു: “വിവാഹം എല്ലാവർക്കും മാന്യ​വും കിടക്ക നിർമ്മ​ല​വും ആയിരി​ക്കട്ടെ; എന്നാൽ ദുർന്ന​ട​പ്പു​കാ​രെ​യും വ്യഭി​ചാ​രി​ക​ളെ​യും ദൈവം വിധി​ക്കും.” വ്യഭി​ചാ​രം ദൈവ​ത്തി​നെ​തി​രെ​യുള്ള പാപമാണ്‌. അത്‌ വിവാ​ഹ​ബ​ന്ധത്തെ തകിടം മറിക്കു​ന്നു. (ഉല്‌പത്തി 39:9) “വ്യഭി​ചാ​രം ചെയ്‌തു​വെന്ന്‌ ഒരിക്കൽ കണ്ടുപി​ടി​ച്ചു​ക​ഴി​ഞ്ഞാൽ അത്‌ ശക്തമായ ഒരു കൊടു​ങ്കാ​റ​റു​പോ​ലെ മുഴു കുടും​ബ​ത്തിൻമേ​ലും ആഞ്ഞടി​ക്കു​ന്നു. അത്‌ കുടും​ബ​ബന്ധം തകർത്തു​ത​രി​പ്പ​ണ​മാ​ക്കു​ന്നു, വിശ്വാ​സ്യ​ത​ക്കും ആത്മാഭി​മാ​ന​ത്തി​നും കോട്ടം വരുത്തു​ന്നു, കുട്ടി​കളെ ദ്രോ​ഹി​ക്കു​ക​യും ചെയ്യുന്നു” എന്ന്‌ ഒരു വിവാഹ ഉപദേശക എഴുതു​ന്നു. കൂടാതെ, ഇതു ഗർഭധാ​ര​ണ​ത്തി​ലും ലൈം​ഗി​ക​മാ​യി പകരുന്ന രോഗ​ബാ​ധ​യി​ലും കലാശി​ച്ചേ​ക്കാം.

17. വ്യഭി​ചാ​ര​ത്തി​ലേർപ്പെ​ടു​ന്ന​തി​നുള്ള പ്രവണത എങ്ങനെ ഒഴിവാ​ക്കാം അല്ലെങ്കിൽ തള്ളിക്ക​ള​യാം?

¹⁷ ടിവി​യി​ലും ചലച്ചി​ത്ര​ങ്ങ​ളി​ലും പുസ്‌ത​ക​ങ്ങ​ളി​ലും ചിത്രീ​ക​രി​ക്കുന്ന, ലോക​ത്തി​ന്റെ ദുഷി​പ്പി​ക്കുന്ന ലൈം​ഗിക വീക്ഷണ​വു​മാ​യി ഇഴുകി​ച്ചേ​രു​ന്ന​തി​ന്റെ ഫലമായി ചിലർ വ്യഭി​ചാ​ര​ത്തി​ലേർപ്പെ​ടു​ന്ന​തി​നുള്ള പ്രവണത ഊട്ടി​വ​ളർത്തു​ന്നു. (ഗലാത്യർ 6:8) സാധാ​ര​ണ​ഗ​തി​യിൽ, വ്യഭി​ചാ​ര​ത്തി​നു കാരണം ലൈം​ഗിക ബന്ധത്തിൽ ഏർപ്പെ​ടു​ന്ന​തി​നുള്ള വെറു​മൊ​രു ആഗ്രഹമല്ല മറിച്ച്‌, താൻ ഇപ്പോ​ഴും ആകർഷ​ക​ത്വ​മുള്ള വ്യക്തി​യാണ്‌ എന്നു തെളി​യി​ക്കേ​ണ്ട​തി​ന്റെ ആവശ്യ​മു​ണ്ടെന്ന ഒരുവന്റെ തോന്ന​ലോ കൂടുതൽ സ്‌നേഹം അനുഭ​വി​ക്കു​ന്ന​തി​നുള്ള ഒരുവന്റെ വാഞ്‌ഛ​യോ നിമി​ത്ത​മാണ്‌ ഇതു സംഭവി​ക്കു​ന്നത്‌ എന്നാണു വിദഗ്‌ദ്ധ​രു​ടെ അഭി​പ്രാ​യം. (താരത​മ്യം ചെയ്യുക: സദൃശ​വാ​ക്യ​ങ്ങൾ 7:18.) കാരണം എന്തുതന്നെ ആയി​ക്കൊ​ള്ളട്ടെ, ഒരു ക്രിസ്‌ത്യാ​നി അധാർമിക മതി​ഭ്ര​മ​ങ്ങളെ തള്ളിക്ക​ള​യേ​ണ്ട​തുണ്ട്‌. നിങ്ങളു​ടെ ഇണയു​മാ​യി നിങ്ങളു​ടെ വികാ​രങ്ങൾ സത്യസ​ന്ധ​മാ​യി ചർച്ച​ചെ​യ്യുക. അത്യാ​വ​ശ്യ​മെ​ങ്കിൽ, സഭയിലെ മൂപ്പൻമാ​രു​ടെ സഹായം തേടുക. അപ്രകാ​രം ചെയ്യു​ന്നത്‌ പാപത്തിലേക്കു വഴുതി​വീ​ഴാ​തെ നല്ലവണ്ണം തടഞ്ഞു​നിർത്തും. കൂടാതെ, എതിർലിം​ഗ​വർഗ​ത്തിൽപ്പെട്ട ആളുക​ളു​മാ​യി ഇടപഴ​കു​മ്പോൾ ക്രിസ്‌ത്യാ​നി​കൾ ജാഗ്ര​ത​യു​ള്ള​വ​രാ​യി​രി​ക്കണം. ഒരാളെ വിവാഹം ചെയ്‌തി​രി​ക്കെ മറെറാ​രാ​ളു​ടെ നേർക്കു വികാ​ര​വാ​യ്‌പോ​ടെ നോക്കു​ന്നത്‌ തിരു​വെ​ഴു​ത്തു തത്ത്വങ്ങൾക്കു വിപരീ​ത​മാണ്‌. (ഇയ്യോബ്‌ 31:1; മത്തായി 5:28) സഹപ്ര​വർത്ത​ക​രു​മാ​യി വൈകാ​രിക അടുപ്പം വളർന്നു​വ​രു​ന്ന​തി​നെ​തി​രെ ക്രിസ്‌ത്യാ​നി​കൾ തികച്ചും ജാഗ്ര​ത​യു​ള്ള​വ​രാ​യി​രി​ക്കണം. അത്തരം ബന്ധങ്ങൾ സൗഹാർദ​മാ​യി​രി​ക്കാ​മെ​ങ്കി​ലും തൊഴിൽസം​ബന്ധം മാത്ര​മാ​യി​രി​ക്കട്ടെ.

18. വിവാ​ഹ​ബ​ന്ധ​ത്തി​നു​ള്ളി​ലെ ലൈം​ഗിക പ്രശ്‌ന​ങ്ങ​ളു​ടെ മൂലകാ​രണം എന്താണ്‌, ഇവ എങ്ങനെ പരിഹ​രി​ക്കാം?

¹⁸ ഇണയു​മാ​യി ഊഷ്‌മ​ള​മായ തുറന്ന ബന്ധം പുലർത്തു​ക​യെ​ന്ന​താ​ണു വലിയ ഒരു സംരക്ഷ​ക​ഘ​ടകം. വിവാ​ഹ​ബ​ന്ധ​ത്തി​നു​ള്ളി​ലെ ലൈം​ഗിക പ്രശ്‌നങ്ങൾ ശരീര​സം​ബ​ന്ധ​മാ​യി​രി​ക്കു​ന്നതു വളരെ വിരള​മാണ്‌. മറിച്ച്‌, മോശ​മായ ആശയവി​നി​മ​യ​ത്തി​ന്റെ ഉപഫല​മാണ്‌ അതെന്ന്‌ അനേകം വിദഗ്‌ധർ അഭി​പ്രാ​യ​പ്പെ​ടു​ന്നു. ദമ്പതികൾ തുറന്ന ആശയവി​നി​യമം നടത്തു​ക​യും ദാമ്പത്യ വിഹിതം ഒരു കടമ​യെ​ന്ന​തി​നു പകരം സ്‌നേ​ഹ​ത്തി​ന്റെ പ്രകട​ന​മാ​യി നിറ​വേ​റ​റു​ക​യും ചെയ്യു​ന്നു​വെ​ങ്കിൽ ഈവക പ്രശ്‌നങ്ങൾ വളരെ വിരള​മാ​യേ സംഭവി​ക്കാൻ വഴിയു​ള്ളൂ.a അത്തരം ഉചിത​മായ സാഹച​ര്യ​ങ്ങ​ളിൽ ഉററബ​ന്ധ​ത്തി​നു വിവാ​ഹ​ബ​ന്ധത്തെ കൂടുതൽ ബലിഷ്‌ഠ​മാ​ക്കു​ന്ന​തി​നുള്ള ഉപാധി​യാ​യി നില​കൊ​ള്ളാൻ കഴിയും.—1 കൊരി​ന്ത്യർ 7:2-5; 10:24.

19. “സമ്പൂർണ​ത​യു​ടെ ബന്ധ”മെന്നത്‌ എന്താണ്‌, വിവാ​ഹ​ബ​ന്ധ​ത്തിൻമേൽ അതിന്‌ എന്തു ഫലം ചെയ്യാ​നാ​വും?

¹⁹ ക്രിസ്‌തീയ സഭക്കു​ള്ളി​ലെ “സമ്പൂർണ​ത​യു​ടെ ബന്ധ”മെന്നതു സ്‌നേ​ഹ​മാണ്‌. സ്‌നേഹം നട്ടുവ​ളർത്തി​യെ​ടു​ക്കു​ന്ന​തി​ലൂ​ടെ ‘അന്യോ​ന്യം പൊറു​ക്കു​ന്ന​തി​നും തമ്മിൽ ക്ഷമിക്കു​ന്ന​തി​നും’ ദൈവ​ഭ​യ​മുള്ള ഒരു വിവാ​ഹ​ദ​മ്പ​തി​കൾക്കു സാധി​ക്കു​ന്നു. (കൊ​ലൊ​സ്സ്യർ 3:13, 14) തത്ത്വാ​ധി​ഷ്‌ഠിത സ്‌നേഹം മററു​ള്ള​വ​രു​ടെ ക്ഷേമം കണക്കി​ലെ​ടു​ക്കു​ന്നു. (1 കൊരി​ന്ത്യർ 13:4-8) അത്തരം സ്‌നേഹം നട്ടുവ​ളർത്തുക. അത്‌ വിവാ​ഹ​ബന്ധം ബലിഷ്‌ഠ​മാ​ക്കാൻ നിങ്ങളെ സഹായി​ക്കും. നിങ്ങളു​ടെ വിവാ​ഹ​ജീ​വി​ത​ത്തിൽ ബൈബിൾ തത്ത്വങ്ങൾ ബാധക​മാ​ക്കുക. അങ്ങനെ ചെയ്യു​ന്നു​വെ​ങ്കിൽ നിങ്ങളു​ടെ വിവാഹം നിലനിൽക്കുന്ന ഒരു ബന്ധമാ​യി​രി​ക്കു​ക​യും യഹോ​വ​യാം ദൈവ​ത്തി​നു സ്‌തു​തി​യും ബഹുമാ​ന​വും കരേറ​റു​ക​യും ചെയ്യും.

[അടിക്കു​റിപ്പ്‌]

നിങ്ങൾ എങ്ങനെ ഉത്തരം പറയും?

◻ വിവാഹം ശാശ്വ​ത​മായ ഒരു ബന്ധമാ​യി​രി​ക്കേ​ണ്ടത്‌ എന്തു​കൊണ്ട്‌?

◻ ശിരഃ​സ്ഥാ​ന​വും കീഴ്‌പെ​ട​ലും സംബന്ധി​ച്ചു ബൈബി​ളി​ന്റെ വീക്ഷണ​മെന്ത്‌?

◻ വിവാ​ഹ​ദ​മ്പ​തി​കൾക്ക്‌ ആശയവി​നി​യമം എങ്ങനെ മെച്ച​പ്പെ​ടു​ത്താ​നാ​വും?

◻ ക്രിസ്‌തീയ രീതി​യിൽ ദമ്പതി​കൾക്ക്‌ അഭി​പ്രാ​യ​വ്യ​ത്യാ​സങ്ങൾ എങ്ങനെ കൈകാ​ര്യം ചെയ്യാ​നാ​വും?

◻ വിവാ​ഹ​ബന്ധം ബലിഷ്‌ഠ​മാ​ക്കാൻ എന്തു സഹായി​ക്കും?

[12-ാം പേജിലെ ചിത്രം]

ഭാര്യ ലൗകിക ജോലി ചെയ്യേ​ണ്ടത്‌ ആവശ്യ​മാ​ണെ​ങ്കിൽ അമിത​ഭാ​രം പേറാൻ ഒരു ക്രിസ്‌തീയ ഭർത്താവ്‌ അവളെ അനുവ​ദി​ക്കു​ക​യില്ല