ലാററിൻ-അമേരി​ക്കൻ സഭകൾ വ്യാകു​ല​ത​യിൽ—എന്തു​കൊ​ണ്ടാ​ണു ലക്ഷങ്ങൾ പള്ളിവി​ടു​ന്നത്‌?

മെക്‌സി​ക്കോ​യു​ടെ വടക്കേ അതിർത്തി​മു​തൽ ചിലി​യു​ടെ തെക്കേ അററം​വരെ, ഒരു റോമൻ കത്തോ​ലി​ക്കാ പള്ളി അതിന്റെ പ്രധാന നഗരച​ത്വ​ര​ത്തിൽ ഉണ്ട്‌ എന്നു വീമ്പു​മു​ഴ​ക്കാത്ത ഒററ ലാററിൻ-അമേരി​ക്കൻ പട്ടണമോ ഗ്രാമ​മോ ഇല്ല. എന്നിരു​ന്നാ​ലും, “ലാററിൻ-അമേരി​ക്ക​യിൽ ഒരു സ്‌മര​ണാർഥക വ്യതി​യാ​നം നടന്നു​കൊ​ണ്ടി​രി​ക്കു​ക​യാണ്‌” എന്നു കത്തോ​ലി​ക്കാ പ്രവർത്ത​ന​ങ്ങളെ പ്രോ​ത്സാ​ഹി​പ്പി​ക്കുന്ന ഒരു സ്ഥാപന​ത്തി​ന്റെ പ്രോ​ഗ്രാം ഡയറക്ട​റായ ജോസഫ്‌ ഇ. ഡേവിസ്‌ സമ്മതിച്ചു പറയുന്നു. മൂന്നു നൂററാ​ണ്ടി​ല​ധി​ക​മാ​യി റോമൻ കത്തോ​ലി​ക്കാ സഭയുടെ സ്വാധീ​ന​ത്തിൽകീ​ഴി​ലി​രുന്ന ഒരു പ്രദേ​ശ​മായ ലാററിൻ-അമേരിക്ക ഇപ്പോൾ ഒരു വലിയ പരിവർത്ത​ന​ത്തി​ന്റെ വക്കിലാ​ണെ​ന്നും അദ്ദേഹം സമ്മതി​ച്ചു​പ​റഞ്ഞു.

കത്തോ​ലി​ക്കാ സഭയുടെ മേധാ​വി​ത്വം ദ്രുത​ഗ​തി​യിൽ ക്ഷയിച്ചു​കൊ​ണ്ടി​രി​ക്കു​ക​യാ​ണെ​ന്നു​ള്ളത്‌ ഒരു രഹസ്യമല്ല. ശുഷ്‌ക്കാ​ന്തി​യുള്ള കത്തോ​ലി​ക്ക​രു​ടെ എണ്ണം ലാററിൻ-അമേരി​ക്ക​യി​ലെ മൊത്തം ജനസം​ഖ്യ​യു​ടെ വെറും 15 ശതമാ​ന​മാ​യി​രി​ക്കു​ന്ന​താ​യി അടുത്ത​യി​ടെ കണക്കാ​ക്ക​പ്പെട്ടു. “ചരി​ത്ര​പ​ര​മാ​യി കത്തോ​ലി​ക്കാ ലാററിൻ-അമേരിക്ക പഴയ വിശ്വാ​സ​ത്തിൽനി​ന്നും അപകട​ക​ര​മാം​വണ്ണം പിന്തി​രി​ഞ്ഞു​കൊ​ണ്ടി​രി​ക്കു​ന്ന​താ​യി റോമൻ കത്തോ​ലി​ക്കാ ബിഷപ്പു​മാ​രും പോപ്പു​ത​ന്നെ​യും ഭയം പ്രകടി​പ്പി​ച്ചി​രി​ക്കു​ന്നു” എന്ന്‌ ബ്രിട്ടാ​നി​ക്കാ ബുക്ക്‌ ഓഫ്‌ ദി ഇയർ 1991 റിപ്പോർട്ടു ചെയ്‌തു. എന്തു​കൊ​ണ്ടാണ്‌ ഇതു സംഭവി​ക്കു​ന്നത്‌? അനേകർ കത്തോ​ലി​ക്കാ സഭ വിടു​ന്നത്‌ എന്തു​കൊ​ണ്ടാണ്‌? കൂട്ടം​പി​രി​ഞ്ഞു​പോ​യ​വർക്ക്‌ എന്തു സംഭവി​ച്ചി​രി​ക്കു​ന്നു?

ഒരു വിശദീ​ക​ര​ണ​ത്തി​നു​വേ​ണ്ടി​യുള്ള അന്വേ​ഷ​ണം

കത്തോ​ലി​ക്കാ നേതാ​ക്കൻമാർ അവരുടെ പ്രശ്‌ന​ങ്ങൾക്കു “മതവി​ഭാ​ഗങ്ങ”ളുടെ പെരു​പ്പത്തെ പഴിചാ​രു​ന്നു. “കളസമാന മതവി​ഭാ​ഗ​ങ്ങ​ളാൽ ബലം​കെ​ടു​ത്തുന്ന ഒരു മരം പോ​ലെ​യാ​ണു സഭ” എന്ന്‌ ബൊളീ​വി​യ​യിൽ പ്രവർത്തി​ക്കുന്ന യൂറോ​പ്പു​കാ​ര​നായ ഒരു പുരോ​ഹി​തൻ പരാതി​പ​റ​യു​ന്നു.

അർജൻറീ​ന​യിൽ ഓരോ​വർഷ​വും 140 പുതിയ മതങ്ങളാ​ണു റിപ്പോർട്ടു ചെയ്യു​ന്നത്‌, 1970-കളുടെ മധ്യം​മു​തൽ കത്തോ​ലി​ക്കാ സഭയുടെ അംഗത്വം 90-ൽനിന്നും 60 അല്ലെങ്കിൽ 70 ശതമാ​ന​മാ​യി പെട്ടെന്നു കുറയാൻ കാരണം ഇതായി​രി​ക്കാം. മെക്‌സി​ക്കോ​യി​ലെ ററിജ്വാ​ന​യിൽ 20 ലക്ഷം നിവാ​സി​ക​ളിൽ 10 ശതമാനം അവി​ടെ​യുള്ള 327 കത്തോ​ലി​ക്കേതര മതവി​ഭാ​ഗ​ങ്ങ​ളി​ലേക്കു മാറി​യി​രി​ക്കു​ന്നു. “വിസ്‌മ​യാ​വ​ഹ​മാ​യി, തീർച്ച​യാ​യും കത്തോ​ലി​ക്ക​രെ​ക്കാൾ അധികം ബ്രസീൽകാ​രായ പ്രൊ​ട്ട​സ്‌റ​റൻറു​കാ​രാണ്‌ ഞായറാ​ഴ്‌ച​ക​ളിൽ പള്ളിയി​ലു​ള്ളത്‌” എന്നു റൈറം മാസിക റിപ്പോർട്ടു​ചെ​യ്‌തു. ഒരു പത്രം പ്രസ്‌താ​വി​ച്ച​പ്ര​കാ​രം “ലാററിൻ അമേരി​ക്ക​യി​ലെ കർദ്ദി​നാ​ളൻമാർ ഇന്നു സഭക്ക്‌ ഏററവും പ്രധാ​ന​മായ രണ്ടുവി​ഷ​യങ്ങൾ പോപ്പു​മാ​യി ചർച്ച​ചെ​യ്യു​ന്ന​തി​നു വത്തിക്കാ​നിൽ കൂടി​വ​ന്ന​പ്പോൾ,” അവയി​ലൊന്ന്‌ “മതവി​ഭാ​ഗ​ങ്ങ​ളു​ടെ പ്രശ്‌നം” ആയിരു​ന്നു എന്നതിൽ അതിശ​യി​ക്കാ​നില്ല.

“തങ്ങളുടെ സുവി​ശേ​ഷ​പ്ര​വർത്ത​ന​ങ്ങൾക്ക്‌ ഒപ്പംനിൽക്കാത്ത സഭാ മക്കളുടെ നിരു​ത്സാ​ഹ​വും അനാസ്ഥ​യും ആണ്‌” അനേകം പുതിയ മതങ്ങളു​ടെ​യും വിജയ​ത്തി​നു കാരണം എന്നു മെക്‌സി​ക്കോ​യി​ലെ ബിഷപ്പു​മാ​രു​മാ​യുള്ള ഒരു യോഗ​ത്തിൽ പോപ്പ്‌ പ്രസ്‌താ​വി​ച്ചു. ലാററിൻ-അമേരി​ക്ക​ക്കാ​രിൽ അനേക​രും ബൈബി​ളി​നെ ബഹുമാ​നി​ക്കു​ന്ന​വ​രാ​യി​രു​ന്നി​ട്ടും അവരുടെ ആത്മീയ ആവശ്യ​ങ്ങളെ തൃപ്‌തി​പ്പെ​ടു​ത്തുന്ന കാര്യ​ത്തിൽ എന്തു​കൊ​ണ്ടാ​ണു “സഭാ മക്കൾ” അനാസ്ഥ​കാ​ണി​ക്കു​ന്നത്‌? ബൊളീ​വി​യ​യിൽ, ലാ പാസിലെ ഉൾട്ടിമാ ഓറാ​യിൽ ഒരു മുഖ​പ്ര​സം​ഗം വിശദീ​ക​രി​ക്കു​ന്നു: “സഭ അതിന്റെ സ്വന്തം​കർത്ത​വ്യം ദിവസം​ചെ​ല്ലു​ന്തോ​റും കൂടുതൽ ത്യജി​ക്കു​ന്നു​വെന്നു തോന്നു​വോ​ളം ലോക​കാ​ര്യ​ങ്ങ​ളിൽ പ്രവേ​ശി​ച്ചി​രി​ക്കു​ന്നു. പുരോ​ഹി​തൻമാർ വൈദി​കർ ആയിരി​ക്കു​ന്ന​തി​ലു​പരി സാമു​ദാ​യി​ക​പ്ര​വർത്ത​ക​രും സാമ്പത്തി​ക​വി​ദ​ഗ്‌ദ്ധ​രും പത്രാ​ധി​പ​രും രാഷ്‌ട്രീ​യ​പ്ര​വർത്ത​ക​രും ആയി കണ്ടെത്തു​ന്നതു നമ്മേ അതിശ​യി​പ്പി​ക്കേ​ണ്ട​തില്ല.”

പ്രസം​ഗകർ ആയിരി​ക്കു​ന്ന​തി​നെ​ക്കാ​ളു​പരി രാഷ്‌ട്രീ​യ​പ്ര​വർത്തകർ?

എഴുപ​തു​ക​ളി​ലും 80-കളിലും രാഷ്‌ട്രീയ കാര്യ​ങ്ങ​ളി​ലുള്ള സഭയുടെ ഇടപെടൽ സംശയ​ലേ​ശ​മെ​ന്യേ അനേകം ലാററിൻ-അമേരി​ക്ക​ക്കാർക്കും ഇപ്പോൾ കത്തോ​ലിക്ക മതത്തോ​ടു വെറു​പ്പു​തോ​ന്നു​ന്ന​തി​നു സംഭാ​വ​ന​ചെ​യ്‌തി​ട്ടുണ്ട്‌. പല ലാററിൻ-അമേരി​ക്കൻ മിഷനു​ക​ളോ​ടു​കൂ​ടിയ അമേരി​ക്ക​യു​ടെ കത്തോ​ലി​ക്കാ വിദേശ മിഷൻ സൊ​സൈ​റ​റി​യായ മേരി​നോ​ളി​നെ​പ്പ​ററി 1985-ൽ പ്രസി​ദ്ധീ​ക​രിച്ച ഒരു പഠനം പിൻവ​രു​മാ​റു നിരീ​ക്ഷണം നടത്തി: “മേരി​നോൾ വിജയ​പ്ര​ദ​മാ​യി മാർക്‌സി​ന്റെ​യും ലെനി​ന്റെ​യും അക്രമ​വി​പ്ല​വ​സ​ന്ദേശം പൊതു അംഗീ​കാ​ര​ത്തി​ലേക്കു കൊണ്ടു​വന്നു, കൃത്യ​മാ​യും അതിന്റെ കാരണം കത്തോ​ലി​ക്കാ സഭയുടെ ഒരു ഭുജമാ​യി പ്രവർത്തി​ക്കാൻ അതിനെ അനുവ​ദി​ച്ച​താ​യി​രു​ന്നു. അതിന്റെ സന്ദേശം പള്ളിയിൽപോ​കുന്ന സാധാ​ര​ണ​ക്കാ​രി​ലേക്കു മാത്രമല്ല പിന്നെ​യോ അമേരി​ക്ക​യു​ടെ പ്രമുഖ നയത​ന്ത്ര​ശി​ല്‌പി​ക​ളി​ലേ​ക്കും എത്തി.”

വീണ്ടും, 70-കളുടെ അവസാ​ന​ത്തിൽ വിസ്‌മ​യ​ജ​ന​ക​മാ​യി 10,000-നും 30,000-നും ഇടയ്‌ക്ക്‌ അർജൻറീ​ന​ക്കാ​രെ പിടി​ച്ചു​കൊ​ണ്ടു​പോ​യി വിചാ​ര​ണ​കൂ​ടാ​തെ കൊന്നു​കളഞ്ഞ വൃത്തി​കെട്ട യുദ്ധം എന്നു വിളി​ക്ക​പ്പെ​ടു​ന്ന​തി​നെ​പ്പ​റ​റി​യും പരിചി​ന്തി​ക്കുക. നാഷനൽ കാത്തലിക്ക്‌ റിപ്പോർട്ട​റി​ലെ ഒരു മുഖ​പ്ര​സം​ഗം “രക്തം അർജൻറീ​ന​യി​ലെ സഭയെ കളങ്ക​പ്പെ​ടു​ത്തു​ന്നു” എന്ന തലക്കെ​ട്ടിൻകീ​ഴിൽ പ്രസ്‌താ​വി​ച്ചു: “അർജൻറീ​ന​യി​ലെ അനുഭവം നാസി​ജർമ​നി​യിൽ കത്തോ​ലി​ക്കർ നടത്തിയ പ്രകട​നത്തെ അടുത്ത സാമ്യ​മു​ള്ള​താ​ക്കു​ന്നു, അതു സത്യത്തിന്‌ ഒരു സാക്ഷി​യാ​യി​രി​ക്കാ​നുള്ള സുവി​ശേഷ ആജ്ഞാപ​ന​ത്തെ​ക്കാൾ അധികാ​ര​മാ​ണോ സഭയ്‌ക്കു കൂടുതൽ പ്രധാ​ന​മാ​യി​രി​ക്കു​ന്നത്‌ എന്ന ചോദ്യം വീണ്ടും ഉന്നയി​ക്കു​ന്നു.”

ലോക​ത്തി​ലെ ഗവൺമെൻറു​ക​ളിൽ അധികാ​ര​ത്തി​നു​വേ​ണ്ടി​യുള്ള സഭയുടെ ആഗ്രഹം അതു ദൈവ​ത്തി​ന്റെ സുഹൃത്തല്ല എന്നു വ്യക്തമാ​യും അടയാ​ള​പ്പെ​ടു​ത്തു​ന്നു. “ലോകത്തെ നിങ്ങളു​ടെ സുഹൃ​ത്താ​ക്കു​ന്നതു ദൈവത്തെ നിങ്ങളു​ടെ ശത്രു​വാ​ക്ക​ലാ​ണെന്നു നിങ്ങൾ തിരി​ച്ച​റി​യു​ന്നി​ല്ല​യോ? ലോകത്തെ സുഹൃ​ത്താ​യി തിര​ഞ്ഞെ​ടു​ക്കുന്ന ഏതൊ​രു​വ​നും സ്വയം ദൈവ​ത്തി​ന്റെ ശത്രു​വാ​യി​ത്തി​രി​യു​ക​യാണ്‌” എന്നു ബൈബിൾ പറയുന്നു. (യാക്കോബ്‌ 4:4, കത്തോ​ലിക്ക ജറുശ​ലേം ബൈബിൾ) അപ്പോൾ അനേകർ ആത്മീയ മാർഗ​ദർശ​ന​ത്തി​നു​വേണ്ടി മേലാൽ കത്തോ​ലി​ക്കാ​സ​ഭ​യി​ലേക്കു നോക്കു​ന്നില്ല എന്നത്‌ ഒട്ടും അതിശ​യമല്ല. എന്നാൽ കത്തോ​ലി​ക്കാ സഭയെ വിട്ടു​പോയ ആളുകൾക്ക്‌ എന്തു സംഭവി​ച്ചി​രി​ക്കു​ന്നു?

ഇടയനി​ല്ലാത്ത ആടുകൾ

ഒന്നാം​നൂ​റ​റാ​ണ്ടിൽ യഹൂദ​മ​ത​ത്തി​ന്റെ ആത്മീയ​നേ​താ​ക്കൻമാർ പരിര​ക്ഷി​ക്കു​ന്ന​തിൽ പരാജ​യ​പ്പെട്ട ജനങ്ങ​ളെ​പ്പോ​ലെ​യാണ്‌ അവർ. യേശു​വിന്‌ “അവരോട്‌ പരിതാ​പം തോന്നി കാരണം അവർ ഇടയനി​ല്ലാത്ത ആടുകൾപോ​ലെ പീഡി​ത​രും ദുഃഖി​ത​രും ആയിരു​ന്നു” എന്നു ബൈബിൾ പറയുന്നു. (മത്തായി 9:36, JB) അനേക​രും കത്തോ​ലി​ക്കാ സഭയിൽനി​ന്നു വിട്ടു​മാ​റി സുവി​ശേ​ഷാ​നു​സാര മതങ്ങൾ എന്ന്‌ അറിയ​പ്പെ​ടു​ന്ന​വ​യിൽ ചേർന്നി​ട്ടുണ്ട്‌. കൂട്ടം​വിട്ട ആടുകളെ ഇവർ മെച്ചമാ​യി കരുതി​യി​ട്ടു​ണ്ടോ? “ഞാൻ ലൌകി​ക​ന​ല്ലാ​ത്ത​തു​പോ​ലെ അവരും ലൌകി​കൻമാ​രല്ല” എന്നു യേശു പറഞ്ഞ തന്റെ സത്യാ​നു​ഗാ​മി​ക​ളെ​പ്പോ​ലെ​യാ​യി​രി​ക്കാൻ പ്രൊ​ട്ട​സ്‌റ​റൻറു​കാർ കൂടുതൽ ചായ്‌വു​ള്ള​വ​രാ​ണോ?—യോഹ​ന്നാൻ 17:14.

മതപാ​ര​മ്പ​ര്യ​ങ്ങളെ പിന്തു​ട​രു​ന്ന​തി​നെ​ക്കാൾ ബൈബിൾ അനുസ​രി​ക്കു​ന്നു​വെന്ന പ്രതി​ഛായ വളർത്തി​യെ​ടു​ക്കാൻ പല കത്തോ​ലി​ക്കേതര മതങ്ങളും ശ്രമി​ക്കു​ന്നു. മിക്ക​പ്പോ​ഴും ഇതൊരു പുറം​പൂ​ച്ചാണ്‌. പ്രൊ​ട്ട​സ്‌റ​റൻറ്‌ സ്ഥാപന​ങ്ങ​ളു​ടെ അടിസ്ഥാന ഉപദേ​ശങ്ങൾ കത്തോ​ലി​ക്കാ സഭയു​ടേ​തി​നോ​ടു വളരെ സമാന​മാണ്‌, തത്‌ഫ​ല​മാ​യി പല നിരീ​ക്ഷ​കർക്കും നിഷ്‌പ്ര​യാ​സം ഈ ആൻഡിയൻ ചൊല്ല്‌ ഉപയോ​ഗി​ക്കാൻ കഴിയും: “എസ്‌ ലാ മിസ്‌മാ ചോലി​ററാ കോൺ ഓട്രാ പോ​ളേറാ” (അതു വേറൊ​രു പാവാ​ട​യു​ടുത്ത അതേ ഇൻഡ്യാ​ക്കാ​രി തന്നെയാണ്‌).

ദൃഷ്ടാ​ന്ത​ത്തിന്‌, മിക്കവാ​റും എല്ലാ പ്രൊ​ട്ട​സ്‌റ​റൻറ്‌ വിഭാ​ഗ​ങ്ങ​ളും ദൈവം ഒരു ത്രിത്വ​മാ​ണെന്നു പഠിപ്പി​ക്കു​ന്നു, എന്നാൽ ഇതൊരു ബൈബിൾ ഉപദേ​ശമല്ല. “എബ്രാ​യ​ബൈ​ബി​ളിൽ ത്രി​ത്വോ​പ​ദേശം അടങ്ങി​യി​ട്ടി​ല്ലെ​ന്ന​കാ​ര്യ​ത്തിൽ വ്യാഖ്യാ​താ​ക്ക​ളും വേദശാ​സ്‌ത്രി​ക​ളും ചേർച്ച​യി​ലാണ്‌ . . . ത്രിത്വ​ത്തി​ന്റെ വ്യക്തമായ ഒരു ഉപദേശം പുതി​യ​നി​യ​മ​ത്തി​ലും അടങ്ങി​യി​ട്ടില്ല” എന്നു ദി എൻ​സൈ​ക്ലോ​പ്പീ​ഡിയ ഓഫ്‌ റിലി​ജ്യൻ സമ്മതി​ച്ചു​പ​റ​യു​ന്നു.a

പ്രൊ​ട്ട​സ്‌റ​റൻറു​കാ​രും കത്തോ​ലി​ക്ക​രെ​പ്പോ​ലെ​തന്നെ ഈ ലോക​ത്തോ​ടും അതിന്റെ രാഷ്‌ട്രീ​യ​ത്തോ​ടും കൈ​കോർത്തു പോകു​ന്നു​വെ​ന്നതു വ്യക്തമാണ്‌. ദി എൻ​സൈ​ക്ലോ​പ്പീ​ഡിയ ഓഫ്‌ ലാററിൻ അമേരിക്ക പറയുന്നു: “ലാററിൻ അമേരി​ക്ക​യിൽ പ്രൊ​ട്ട​സ്‌റ​റൻറു​മ​ത​വി​ഭാ​ഗ​വും അതി​നെ​തന്നെ . . . തെര​ഞ്ഞെ​ടു​പ്പു രാഷ്‌ട്രീ​യ​വു​മാ​യി പൊരു​ത്ത​പ്പെ​ടു​ത്തി​യി​രി​ക്കു​ന്നു. സ്വദേ​ശീയ വികാ​രി​കൾ മിക്ക​പ്പോ​ഴും രാഷ്‌ട്രീയ രക്ഷാധി​കാ​രി​ക​ളു​ടെ കക്ഷിക​ളാ​വു​ക​യും തങ്ങളുടെ പള്ളികൾക്കു ഗവൺമെൻറി​ന്റെ ആനുകൂ​ല്യ​ങ്ങൾ ലഭിക്കു​ന്ന​തി​നു​വേണ്ടി അവർക്കു വോട്ടു​ചെ​യ്യു​ക​യും ചെയ്യുന്നു.” “പ്രൊ​ട്ട​സ്‌റ​റൻറ്‌ മതവി​ഭാ​ഗം ഗ്വാട്ടി​മാ​ല​യിൽ ആദ്യമാ​യി എത്തി​ച്ചേർന്ന​തു​മു​തൽ രാഷ്‌ട്രീ​യ​വു​മാ​യി വിവാഹം ചെയ്‌തി​രി​ക്കു​ക​യാണ്‌,” അതിനു​പു​റമേ അത്‌, “മതത്തിന്റെ ഒരു രൂപ​മെ​ന്ന​നി​ല​യിൽ രാഷ്‌ട്രീ​യ​വും സാമു​ദാ​യി​ക​വും ആയ സ്വഭാ​വങ്ങൾ കൈമാ​റു​ന്ന​തി​നുള്ള ഒരു വാഹനം ആയിരു​ന്നി​ട്ടുണ്ട്‌” എന്നു ദ ലാററിൻ അമേരി​ക്കൻ റിസേർച്ച്‌ റിവ്യൂ പറയുന്നു.

പ്രൊ​ട്ട​സ്‌റ​റൻറു​കാ​രു​ടെ രാഷ്‌ട്രീ​യ​ത്തി​ലുള്ള പങ്കുപ​ററൽ മിക്ക​പ്പോ​ഴും അവരെ യുദ്ധത്തിൽ പങ്കുപ​റ​റു​ന്ന​തി​ലേക്കു നയിച്ചി​രി​ക്കു​ന്നു. അമേരി​ക്ക​യു​ടെ ചരി​ത്ര​ത്തിൽ ഏററവും സ്വാധീ​ന​മുള്ള പ്രൊ​ട്ട​സ്‌റ​റൻറു വൈദി​ക​രിൽ ഒരുവ​നാ​യി പരിഗ​ണി​ച്ചി​ട്ടുള്ള പരേത​നായ ഹാരി എമേഴ്‌സൻ ഫോസ്‌ഡിക്ക്‌ ഇപ്രകാ​രം സമ്മതി​ച്ചു​പ​റഞ്ഞു: “നമ്മുടെ പാശ്ചാത്യ ചരിത്രം ഒന്നിനു​പു​റകേ മറെറാ​ന്നാ​യി യുദ്ധച​രി​ത്ര​മാ​യി​ത്തീർന്നി​രി​ക്കു​ന്നു. നമ്മൾ ആളുകളെ യുദ്ധത്തി​നു​വേണ്ടി തീററി​പ്പോ​ററി, ആളുകളെ യുദ്ധത്തി​നു​വേണ്ടി പരിശീ​ലി​പ്പി​ച്ചു; നാം യുദ്ധത്തെ പ്രകീർത്തി​ച്ചി​രി​ക്കു​ന്നു; നാം യോദ്ധാ​ക്കളെ നമ്മുടെ വീരപു​രു​ഷൻമാർ ആക്കുക​യും നമ്മുടെ പള്ളിക​ളിൽപ്പോ​ലും യുദ്ധപ​താ​കകൾ ഉയർത്തു​ക​യും ചെയ്‌തി​രി​ക്കു​ന്നു . . . നമ്മുടെ വായുടെ ഒരു കോണു​കൊ​ണ്ടു നാം സമാധാ​ന​പ്ര​ഭു​വി​നെ സ്‌തു​തി​ച്ചി​രി​ക്കു​ന്നു, മറേറ കോണു​കൊ​ണ്ടു നാം യുദ്ധത്തെ പ്രകീർത്തി​ച്ചി​രി​ക്കു​ന്നു.”

നിങ്ങൾ എന്തു ചെയ്യണം?

ഭൂമി​യി​ലെ ഗവൺമെൻറു​ക​ളു​മാ​യി പരസംഗം ചെയ്യുന്ന ഒരു പ്രതീ​കാ​ത്മക വേശ്യ​യാ​യി വ്യാജ​മ​തത്തെ ചിത്രീ​ക​രി​ച്ച​ശേഷം വെളി​പ്പാട്‌ എന്ന ബൈബിൾ പുസ്‌തകം പറയുന്നു: “എന്റെ ജനമേ, അവളെ​വി​ട്ടു വെളി​യിൽ വരുവിൻ, അവളുടെ കുററ​കൃ​ത്യ​ങ്ങ​ളിൽ നിങ്ങൾ പങ്കുപ​റ​റാ​തി​രി​ക്കു​ന്ന​തി​നും അതേ ബാധകൾ അനുഭ​വി​ക്കാ​തി​രി​ക്കു​ന്ന​തി​നും തന്നെ.”—വെളി​പ്പാട്‌ 18:4, JB.

സഭയിൽ വളരെ അഴിമ​തി​യു​ണ്ടെന്ന്‌ അനേക​രും തിരി​ച്ച​റി​യു​ന്നു, എന്നിട്ടും റോമൻ കത്തോ​ലി​ക്കാ സഭക്ക്‌ ഒരു പുരാ​ത​ന​ച​രി​ത്രം ഉണ്ടെന്ന​കാ​ര​ണ​ത്താൽ അവർ അതു വിടു​വാൻ മടിക്കു​ന്നു. എന്നിരു​ന്നാ​ലും ഓർക്കുക, യഹൂദ ആരാധ​നാ​വ്യ​വ​സ്ഥി​തി വളരെ പുരാ​ത​ന​മാ​യി​രു​ന്നു; എന്നാൽ അവർ ദൈവ​ത്തി​ന്റെ സത്യപ​ഠി​പ്പി​ക്ക​ലു​ക​ളിൽനി​ന്നും വ്യതി​ച​ലി​ച്ച​പ്പോൾ അവിടുന്ന്‌ അവരെ തള്ളിക്ക​ളഞ്ഞു. ദൈവം ഇപ്പോൾ പകരം ക്രിസ്‌തീയ സഭയെ​യാണ്‌ ഉപയോ​ഗി​ക്കു​ന്ന​തെന്ന്‌ അവിടു​ത്തെ വിശ്വ​സ്‌ത​ദാ​സൻമാർ തിരി​ച്ച​റി​ഞ്ഞ​പ്പോൾ അവർ യഹൂദ​മ​ത​വ്യ​വ​സ്ഥി​തി ഉപേക്ഷി​ച്ചു. നിങ്ങൾക്കു സത്യ​ക്രി​സ്‌തീ​യ​സ​ഭയെ ഇന്ന്‌ എങ്ങനെ തിരി​ച്ച​റി​യാൻ കഴിയും?

കഴിഞ്ഞ രണ്ടു ദശകങ്ങ​ളി​ലാ​യി പത്തുല​ക്ഷ​ത്തോ​ളം ലാററിൻ-അമേരി​ക്ക​ക്കാർ യഹോ​വ​യു​ടെ സാക്ഷി​ക​ളാ​യി​ട്ടുണ്ട്‌. എന്തു​കൊ​ണ്ടാണ്‌ അവർ ഈ മാററം വരുത്തി​യത്‌? മെക്‌സി​ക്കോ​യിൽ വെറാ​ക്കൂ​സി​ലുള്ള, മാർറ​റീ​നെസ്‌ ഡെ ലാ റേറാ​റെ​യി​ലെ ഒരു പത്രം ഈ ചോദ്യം പരി​ശോ​ധി​ച്ചു. അതി​പ്ര​കാ​രം പറഞ്ഞു: “ഈ ബൈബിൾ വിദ്യാർഥി​കൾ വിവിധ മതങ്ങളി​ലെ 100 ശതമാനം ചുറു​ചു​റു​ക്കുള്ള പ്രവർത്തകർ കൂട്ടി​ച്ചേർക്ക​പ്പെ​ട്ട​താണ്‌, ഇവരി​ല​ധി​ക​വും കത്തോ​ലി​ക്ക​രും, മതത്തിന്റെ രാഷ്‌ട്രീ​യ​ത്തി​ലേ​ക്കുള്ള വഴുതി​വീ​ഴ​ലും മിശ്ര​വി​ശ്വാ​സം, അധാർമി​കത, അക്രമം തുടങ്ങിയ ബൈബി​ള​ധി​ഷ്‌ഠി​ത​മ​ല്ലാത്ത നടപടി​കളെ മതം അംഗീ​ക​രി​ക്കു​ക​യും അനുവ​ദി​ക്കു​ക​യും ചെയ്യു​ന്ന​തും നിരീ​ക്ഷി​ച്ചി​ട്ടു​ള്ളവർ തന്നെ. വിഗ്ര​ഹാ​രാ​ധ​ന​യി​ലോ ദുരൂ​ഹ​ത​യിൽനി​ന്നും ഉരുത്തി​രി​യുന്ന പാരമ്പ​ര്യ​ങ്ങ​ളി​ലോ ആശ്രയി​ക്കാ​തെ പെരു​മാ​ററം സംബന്ധിച്ച തിരു​വെ​ഴു​ത്തു തത്ത്വങ്ങ​ളോ​ടു പൊരു​ത്ത​പ്പെ​ടു​ന്നതു അവർക്കു സംതൃ​പ്‌തി​യു​ടെ ഒരു ഉറവാ​യി​ത്തീർന്നി​രി​ക്കു​ന്നു. എവി​ടെ​ക്ക​ണ്ടാ​ലും അവരെ തിരി​ച്ച​റി​യാൻ സഹായി​ക്കു​ന്ന​വി​ധം പ്രശം​സ​നീ​യ​മായ ഒരു വിശ്വാസ ഐക്യം ഇത്‌ അവർക്കു നൽകി​യി​രി​ക്കു​ന്നു.”

ലാററിൻ-അമേരി​ക്ക​യി​ലെ മറെറാ​രു പത്രം ഇപ്രകാ​രം പറയുന്നു: “യഹോ​വ​യു​ടെ സാക്ഷികൾ കഠിനാ​ധ്വാ​നി​ക​ളും വിശ്വ​സ്‌ത​രും ദൈവ​ഭ​യ​മു​ള്ള​വ​രും ആയ ആളുക​ളാണ്‌. അവർ യഥാസ്ഥി​തി​ക​രും പാരമ്പ​ര്യ​പ്രി​യ​രു​മാണ്‌, അവരുടെ മതം ബൈബി​ളു​പ​ദേ​ശ​ങ്ങ​ളിൽ അധിഷ്‌ഠി​ത​വും ആണ്‌.” നിങ്ങൾ എവിടെ ജീവി​ച്ചാ​ലും യഹോ​വ​യു​ടെ സാക്ഷി​ക​ളു​മൊ​ത്തു ബൈബിൾ പഠിക്കാൻ ഞങ്ങൾ നിങ്ങളെ ക്ഷണിക്കു​ന്നു. അവരുടെ പ്രത്യാ​ശ​യും മുഴു​ജീ​വി​ത​രീ​തി​യും ബൈബി​ളിൽ അധിഷ്‌ഠി​ത​മാ​ണെന്നു നിങ്ങൾ കണ്ടറി​യും. അതേ, ദൈവത്തെ “ആത്മാവി​ലും സത്യത്തി​ലും” ആരാധി​ക്കു​ന്നത്‌ എങ്ങനെ​യെന്നു നിങ്ങൾ പഠിക്കും.—യോഹ​ന്നാൻ 4:23, 24.

[അടിക്കു​റിപ്പ്‌]

[21-ാം പേജിലെ ചാർട്ട്‌]

ചില ലാററിൻ-അമേരി​ക്കൻ രാജ്യ​ങ്ങ​ളി​ലെ യഹോ​വ​യു​ടെ സാക്ഷികൾ

1971 1992

രാജ്യം പ്രസാ​ധകർ പ്രസാ​ധ​കർ

അർജൻറീന 20,750 96,780

ബൊളീവിയ 1,276 8,868

ബ്രസീൽ 72,269 3,35,039

ചിലി 8,231 44,067

കൊളംബിയ 8,275 55,215

കോസ്‌ററാറിക്ക 3,271 14,018

ഡൊമിനിക്കൻ റിപ്പബ്ലിക്ക്‌ 4,106 15,418

ഇക്വഡോർ 3,323 22,763

എൽ സാൽവ​ഡോർ 2,181 20,374

ഗാവ്‌ദലൂപ്പ്‌ 1,705 6,830

ഗ്വാട്ടിമാല 2,604 13,479

ഹോണ്ടുറാസ്‌ 1,432 6,583

മെക്‌സിക്കോ 54,384 3,54,023

പനാമ 2,013 7,732

പരാഗ്വ 901 4,115

പെറു 5,384 43,429

പോർട്ടോറിക്കോ 8,511 25,315

ഉറുഗ്വെ  3,370 8,683

വെനെസ്വേല 8,170 60,444

മൊത്തം 2,12,156 11,43,175