വാഗ്‌ദ​ത്ത​ദേ​ശ​ത്തു​നി​ന്നുള്ള രംഗങ്ങൾ

ബേർ-ശേബ—ഒരു കിണർ ജീവനെ അർഥമാ​ക്കിയ സ്ഥലം

“ദാൻമു​തൽ ബേർ-ശേബവരെ”. ബൈബിൾ വായന​ക്കാർക്കു പരിചി​ത​മായ ഒരു ശൈലി​യാ​ണത്‌. അതു വടക്കെ അതിരി​ന​ടു​ത്തുള്ള ദാൻമു​തൽ തെക്കു ബേർ-ശേബവ​രെ​യുള്ള മുഴു ഇസ്ര​യേ​ലി​നെ​യും വർണി​ക്കു​ന്നു. ശലോ​മോ​ന്റെ സമാധാ​ന​വാഴ്‌ച ഇപ്രകാ​രം ചിത്രീ​ക​രി​ക്ക​പ്പെട്ടു: “ശലോ​മോ​ന്റെ കാല​ത്തൊ​ക്കെ​യും യെഹൂ​ദ​യും യിസ്രാ​യേ​ലും ദാൻമു​തൽ ബേർ-ശേബവ​രെ​യും ഓരോ​രു​ത്തൻ താന്താന്റെ മുന്തി​രി​വ​ള്ളി​യു​ടെ കീഴി​ലും അത്തിവൃ​ക്ഷ​ത്തിൻ കീഴി​ലും നിർഭയം വസിച്ചു.”—1 രാജാ​ക്കൻമാർ 4:25; ന്യായാ​ധി​പൻമാർ 20:1.

എന്നിരു​ന്നാ​ലും ദാനും ബേർ-ശേബയും തമ്മിലുള്ള അന്തരത്തിൽ പരസ്‌പ​ര​മുള്ള അകല​ത്തെ​ക്കാൾ കൂടുതൽ ഉൾപ്പെട്ടു. ഉദാഹ​ര​ണ​ത്തിന്‌, ദാൻനു ധാരാളം മഴ ലഭിച്ചി​രു​ന്നു; യോർദാൻ നദിയു​ടെ മുഖ്യ ജല​സ്രോ​ത​സു​ക​ളി​ലൊ​ന്നു രൂപം​കൊ​ള്ളാൻ തക്കവണ്ണം, വലത്തെ ചിത്ര​ത്തിൽ കാണു​ന്ന​പോ​ലെ, നിലത്തു​നി​ന്നു ജലം ഒഴുകി​യെ​ത്തി​യി​രു​ന്നു. ബേർ-ശേബ എത്ര വ്യത്യ​സ്‌ത​മാ​യി​രു​ന്നു, എന്തു​കൊ​ണ്ടെ​ന്നാൽ അതു വരണ്ട ഒരു സ്ഥലത്തു കടൽത്തീ​ര​ത്തി​നും ചാവു​ക​ട​ലി​ന്റെ തെക്കെ അററത്തി​നും മധ്യേ സ്ഥിതി​ചെ​യ്‌തി​രു​ന്നു.

ബേർ-ശേബയു​ടെ മേഖല​യിൽ വാർഷിക മഴ പതിന​ഞ്ചു​മു​തൽ ഇരുപ​തു​വരെ സെ.മീ. മാത്ര​മാ​യി​രു​ന്നു. അതറി​ഞ്ഞു​കൊണ്ട്‌, ബേർ-ശേബയി​ലെ കുന്നിന്റെ അല്ലെങ്കിൽ മൺകൂ​ന​യു​ടെ മുകളി​ലത്തെ ചിത്രം ശ്രദ്ധി​ക്കുക.a നിങ്ങൾ കാണുന്ന പച്ചനിറം ശൈത്യ​കാ​ലത്തെ പരിമിത മഴയ്‌ക്കു​ശേഷം ബേർ-ശേബക്കു ചുററു​മുള്ള വയലുകൾ അല്‌പ​കാ​ല​ത്തേക്കു പച്ചയാ​യി​രി​ക്കുന്ന സമയത്ത്‌ എടുത്ത ചിത്ര​മാ​ണെന്നു സൂചി​പ്പി​ക്കു​ന്നു. അടുത്തുള്ള സമതലങ്ങൾ ധാന്യ വിളകൾക്ക്‌ ഉത്തമമാ​യി​രു​ന്നു—ഇപ്പോ​ഴു​മാണ്‌.

സ്ഥലം വരണ്ടതാ​യ​തു​കൊ​ണ്ടു ബേർ-ശേബ​യെ​ക്കു​റി​ച്ചുള്ള ബൈബിൾ രേഖകൾ കിണറു​കൾക്കും ജലത്തിന്റെ ഉപയോ​ഗാ​വ​കാ​ശ​ങ്ങൾക്കും ഊന്നൽകൊ​ടു​ക്കു​ന്നു. കുറെ​ക്കൂ​ടെ തെക്കുള്ള വിജന മരുഭൂ​മി​കൾ കടന്നു​പോ​കുന്ന പാതകൾക്കോ സാർഥ​വാ​ഹ​ക​സംഘ പാതയ്‌ക്കോ അടുത്താ​യി പ്രസ്‌തുത നഗരം സ്ഥിതി​ചെ​യ്‌തി​രു​ന്നു. നിങ്ങൾക്കു വിഭാവന ചെയ്യാ​വു​ന്ന​തു​പോ​ലെ, കടന്നു​പോ​കു​ന്ന​തോ ഇവിടെ തങ്ങുന്ന​തോ ആയ യാത്ര​ക്കാർക്കും അവരുടെ മൃഗങ്ങൾക്കും വെള്ളം ആവശ്യ​മാണ്‌. അതിനുള്ള ജലം, ദാനി​ലെ​പ്പോ​ലെ, നിലത്തു​നി​ന്നു കുമി​ളി​ച്ചു​പൊ​ന്തി വന്നില്ല, എന്നാൽ അതു കിണറു​ക​ളിൽനി​ന്നു ലഭിക്കു​മാ​യി​രു​ന്നു. വാസ്‌ത​വ​ത്തിൽ, ഹെബ്രായ വാക്കായ ബേർ ഭൂഗർഭ​ജലം വലി​ച്ചെ​ടു​ക്കാ​നുള്ള ഒരു കുഴി​യെ​യോ ഒരു ദ്വാര​ത്തെ​യോ പരാമർശി​ച്ചു. ബേർ-ശേബയു​ടെ അർഥം “ശപഥത്തി​ന്റെ കിണർ” അല്ലെങ്കിൽ “ഏഴിന്റെ കിണർ” എന്നാണ്‌.

ബേർ-ശേബയി​ലും പരിസ​ര​ത്തു​മാ​യി അബ്രാ​ഹാ​മും അദ്ദേഹ​ത്തി​ന്റെ കുടും​ബ​വും ദീർഘ​നാൾ പാർത്തു, കിണറു​ക​ളു​ടെ പ്രാധാ​ന്യം അവർ മനസ്സി​ലാ​ക്കി. സാറാ​യു​ടെ ഭൃത്യ ഹാഗാർ മരുഭൂ​മി​യി​ലേക്ക്‌ ഓടി​പ്പോ​യ​പ്പോൾ കിണറു​ക​ളിൽനി​ന്നോ അവയു​പ​യോ​ഗി​ക്കുന്ന, സീനായ്‌ ഉപദ്വീ​പി​ലെ ഒരു കിണറ​റിൽനി​ന്നു വെള്ളം കോരു​ന്ന​താ​യി അടുത്ത​പേ​ജിൽ മുകളിൽ കാണുന്ന അറബി​ക്കു​റ​വി​യെ​പ്പോ​ലെ​യു​ള്ള​വ​രിൽനി​ന്നോ വെള്ളം എടുക്കാൻ അവൾ ഉദ്ദേശി​ച്ചി​രി​ക്കാം. പിന്നീട്‌ അബ്രാ​ഹാം ഹാഗാ​റി​നെ അവളുടെ നിന്ദക​നായ മകനോ​ടൊ​പ്പം ഇറക്കി​വി​ടേ​ണ്ടി​വ​ന്ന​പ്പോൾ അദ്ദേഹം ദയാപൂർവം വെള്ളവും സംഭരി​ച്ചു​കൊ​ടു​ത്തു. അതു തീർന്ന​പ്പോൾ എന്തു സംഭവി​ച്ചു? “ദൈവം അവളുടെ കണ്ണു തുറന്നു; അവൾ ഒരു നീരുറവ കണ്ടു, ചെന്നു തുരു​ത്തി​യിൽ വെള്ളം നിറച്ചു ബാലനെ കുടി​പ്പി​ച്ചു.”—ഉല്‌പത്തി 21:19.

അബ്രാ​ഹാ​മി​നു ഹാഗാ​റി​ന്റെ തുരു​ത്തി​യിൽ നിറക്കാൻ വെള്ളം കിട്ടി​യത്‌ എവി​ടെ​നി​ന്നാ​യി​രു​ന്നു? ഒരുപക്ഷേ അദ്ദേഹം ഒരു പിചു​ല​വൃ​ക്ഷം നട്ടതി​ന​ടു​ത്തു കുഴി​ച്ചി​രുന്ന കിണറിൽനിന്ന്‌. (ഉല്‌പത്തി 21:25-33) അബ്രാ​ഹാം പിചു​ല​വൃ​ക്ഷം തിര​ഞ്ഞെ​ടു​ത്ത​തി​ന്റെ അനു​യോ​ജ്യത ശാസ്‌ത്ര​ജ്ഞൻമാർ ഇപ്പോൾ മനസ്സി​ലാ​ക്കു​ന്നെന്നു പറയാൻ കഴിയും, എന്തു​കൊ​ണ്ടെ​ന്നാൽ ഈ മരത്തിനു ഈർപ്പം ഒട്ടും നഷ്ടപ്പെ​ടു​ത്താത്ത ചെറിയ ഇലകളാ​ണു​ള്ളത്‌. അതു​കൊണ്ട്‌ ഈ മേഖല​യി​ലെ വരൾച്ച​യി​ലും അവയ്‌ക്കു തഴച്ചു​വ​ള​രാൻ കഴിയും.—താഴത്തെ ചിത്രം കാണുക.

അബ്രാ​ഹാം ഒരു കിണിറു കുഴി​ച്ച​തി​നെ​പ്പ​ററി സൂചി​പ്പി​ച്ചി​രി​ക്കു​ന്നത്‌ അദ്ദേഹ​വും ഒരു ഫെലി​സ്‌ത്യൻ രാജാ​വു​മാ​യുള്ള തർക്ക​ത്തോ​ടുള്ള ബന്ധത്തി​ലാണ്‌. വെള്ളത്തി​ന്റെ പൊതു ദൗർല​ഭ്യ​ത​യും ഒരു ആഴക്കിണർ കുഴി​ക്കാൻ ആവശ്യ​മാ​യി​വ​രുന്ന അധ്വാ​ന​വും ഹേതു​വാ​യി കിണർ ഒരു വിലപി​ടിച്ച സ്വത്താ​യി​രു​ന്നു. വാസ്‌ത​വ​ത്തിൽ, അന്ന്‌ അനുവാ​ദ​മി​ല്ലാ​തെ ഒരു കിണർ ഉപയോ​ഗി​ക്കു​ന്നത്‌ സ്വത്തവ​കാ​ശ​ത്തിൻമേ​ലുള്ള ഒരു കടന്നാ​ക്ര​മ​ണ​മാ​യി​രു​ന്നു.—സംഖ്യാ​പു​സ്‌തകം 20:17, 19 താരത​മ്യ​പ്പെ​ടു​ത്തുക.

നിങ്ങൾ ടെൽ ബേർ-ശേബ സന്ദർശി​ക്കു​ക​യാ​ണെ​ങ്കിൽ നിങ്ങൾക്കു ദക്ഷിണ-പൂർവ ചരിവി​ലുള്ള ഒരു ആഴക്കി​ണ​റി​ന്റെ ഉള്ളി​ലേക്കു കുനി​ഞ്ഞു​നോ​ക്കാ​നാ​കും. ഉറച്ച പാറയും (താഴെ കാണുന്ന) അതിന്റെ മുകൾഭാ​ഗ​വും ആദ്യമാ​യി എപ്പോൾ വെട്ടി​ക്കു​ഴി​ച്ചി​ട്ടു കല്ലുകൾകൊ​ണ്ടു മുകൾഭാ​ഗം ബലിഷ്‌ഠ​മാ​ക്കി​യെന്ന്‌ ആർക്കും അറിയില്ല. ആധുനിക പുരാ​വ​സ്‌തു ശാസ്‌ത്ര​ജ്ഞൻമാർ 30 മീററർ അടിയി​ലേക്കു തെളി​ച്ചി​റ​ങ്ങി​യെ​ങ്കി​ലും അടിത്ത​ട്ടിൽ എത്തിയില്ല. അവരിൽ ഒരാൾ ഇപ്രകാ​രം അഭി​പ്രാ​യ​പ്പെട്ടു: “ഈ കിണർ ആയിരു​ന്നു . . . അബ്രാ​ഹാ​മും അബീ​മേ​ലെ​ക്കും ഉടമ്പടി ചെയ്‌ത ‘ശപഥത്തി​ന്റെ കിണർ’ എന്നു നിഗമനം ചെയ്യാൻ പ്രേരണ തോന്നു​ന്നു.”—ബിബ്ലിക്കൽ ആർക്കെ​യോ​ളജി റിവ്യൂ.

വ്യക്തമാ​യും ബൈബിൾ കാലഘ​ട്ട​ത്തിൽ ബേർ-ശേബ വൻവാ​തി​ലു​ക​ളാൽ പ്രതി​രോ​ധി​ക്ക​പ്പെട്ട ഒരു നഗരമാ​യി​ത്തീർന്നു​കൊ​ണ്ടു വളർന്നു വലുതാ​യി. എന്നാൽ അതിന്റെ അസ്‌തി​ത്വ​ത്തി​നും വിജയ​ത്തി​നു​മുള്ള ഒരു താക്കോൽ ആഴക്കി​ണ​റിൽനി​ന്നുള്ള ജീവൽപ്ര​ധാ​ന​മായ വെള്ളമാ​യി​രു​ന്നു.

[അടിക്കു​റിപ്പ്‌]

[24-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

[25-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.