യഥാർഥ സംരക്ഷണം സാധ്യ​മാ​ണോ?

ഉപന്യാ​സ​കൃ​ത്തായ റാൽഫ്‌ വൽഡോ എമേഴ്‌സൺ ഒരിക്കൽ ഇപ്രകാ​രം പ്രഖ്യാ​പി​ച്ചു: “ബലഹീ​ന​രായ മനുഷ്യർ ഭാഗ്യ​ത്തിൽ വിശ്വ​സി​ക്കു​ന്നു . . . ബലിഷ്‌ഠ​രായ മനുഷ്യർ കാര്യ​കാ​ര​ണ​ബ​ന്ധ​ത്തിൽ വിശ്വ​സി​ക്കു​ന്നു.” അതേ, മന്ത്രവാ​ദ​പ​ര​മായ ഏലസ്സു​ക​ളു​ടെ​യും സൗഭാഗ്യ രക്ഷാക​വ​ച​ങ്ങ​ളു​ടെ​യും ശക്തിയിൽ വിശ്വാ​സ​മർപ്പി​ക്കുന്ന ഒരു വ്യക്തി തന്റെ ജീവി​ത​ത്തിൻമേ​ലുള്ള നിയ​ന്ത്രണം അദൃശ്യ​ശ​ക്തി​കൾക്കു വിട്ടു​കൊ​ടു​ക്കു​ന്നു. അയാൾ യുക്തി​യും ന്യായ​ബോ​ധ​വും കാററിൽ പറത്തി​യിട്ട്‌ യുക്തി​ര​ഹി​ത​വും അന്ധവി​ശ്വാ​സ​പ​ര​വും ആയ ഭയങ്ങൾക്കു മുമ്പിൽ മുട്ടു​മ​ട​ക്കു​ന്നു.

എന്നിരു​ന്നാ​ലും, അത്തരം ഭയങ്ങളിൽനിന്ന്‌ ഒരുവനെ സ്വത​ന്ത്ര​നാ​ക്കാൻ ബൈബി​ളി​നു സാധി​ക്കും. ഏലസ്സു​ക​ളും രക്ഷാക​വ​ച​ങ്ങ​ളും നിഷ്‌ഫ​ല​വും ദുർബ​ല​വു​മാ​ണെന്ന്‌ അതു പ്രകട​മാ​ക്കു​ന്നു. ബൈബിൾ ഇത്‌ എങ്ങനെ​യാ​ണു പ്രകട​മാ​ക്കു​ന്നത്‌? കൊള്ളാം, ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക പറയു​ന്ന​ത​നു​സ​രിച്ച്‌, “ഏലസ്സു​കൾക്കു ശക്തി ലഭിക്കു​ന്നത്‌ [മററു പലതി​ന്റെ​യും കൂട്ടത്തിൽ] പ്രകൃ​തി​ശ​ക്തി​ക​ളോ​ടുള്ള അവയുടെ ബന്ധത്തിൽനി​ന്നാ​ണെന്നു കരുത​പ്പെ​ടു​ന്നു.” ഈ ശക്തികൾ ‘മരിച്ച​വ​രു​ടെ ആത്മാക്ക’ളോ ‘ഭാഗ്യ​ത്തി​ന്റെ ശക്തി’യോ ആകാം. എന്നാൽ, മരിച്ചവർ “ഒന്നും അറിയു​ന്നില്ല” എന്നു ബൈബിൾ വ്യക്തമാ​യി പ്രകട​മാ​ക്കു​ന്നു. (സഭാ​പ്ര​സം​ഗി 9:5) അതു​കൊണ്ട്‌, ജീവി​ക്കു​ന്ന​വരെ സഹായി​ക്കാ​നോ ഉപദ്ര​വി​ക്കാ​നോ കഴിയുന്ന മരിച്ച​വ​രു​ടെ ആത്മാക്ക​ളില്ല; നിങ്ങൾക്കു​വേണ്ടി പ്രവർത്തി​ക്കാ​വുന്ന ഭാഗ്യം​പോ​ലുള്ള ഒരു അദൃശ്യ​ശ​ക്തി​യു​മില്ല.

ബൈബിൾക്കാ​ല​ങ്ങ​ളിൽ, തന്നെ ഉപേക്ഷി​ക്കു​ന്ന​വ​രെ​യും തന്റെ വിശുദ്ധ പർവതത്തെ മറക്കു​ന്ന​വ​രെ​യും “ഭാഗ്യ​ദേ​വനു പീഠ​മൊ​രു​ക്കു​ക​യും വിധി​യു​ടെ ദേവനു വീഞ്ഞു​ക​ലർത്തി പാനപാ​ത്രം നിറയ്‌ക്കു​ക​യും” ചെയ്യു​ന്ന​വ​രെ​യും ദൈവം കുററം​വി​ധി​ച്ചു. സംരക്ഷണം ലഭിക്കു​ന്ന​തി​നു​പ​കരം ഭാഗ്യ​ത്തി​ന്റെ ആ വക്താക്കൾ നാശത്തിന്‌ ഏൽപ്പി​ക്ക​പ്പെട്ടു. “ഞാൻ നിങ്ങളെ വാളി​നേ​ല്‌പി​ക്കും,” എന്നു യഹോ​വ​യാം ദൈവം പറഞ്ഞു.—ഏശയ്യാ 65:11, 12, പി.ഒ.സി. ബൈ.

അതു​പോ​ലെ, മാന്ത്രി​ക​വി​ദ്യ​കൾ ആചരി​ച്ചു​കൊ​ണ്ടു പുരാതന ബാബി​ലോൻ ജനത ദുർജ്ഞേയ ശക്തിക​ളു​ടെ സംരക്ഷ​ണ​ത്തിൽ വിശ്വാ​സ​മർപ്പി​ച്ചു. എന്നിരു​ന്നാ​ലും, ബാബി​ലോൻ ദുരന്ത​മ​നു​ഭ​വി​ച്ചു. “നിന്റെ മാന്ത്രി​ക​വി​ദ്യ​ക​ളും നിന്റെ രാക്ഷസീയ ക്ഷുദ്ര​പ്ര​യോ​ഗ​ങ്ങ​ളും തുടർന്നു​കൊ​ള്ളുക,” എന്നു പ്രവാ​ച​ക​നായ യെശയ്യാ​വു വെല്ലു​വി​ളി​ച്ചു. “അവയിൽനി​ന്നു നിനക്കു ചില​പ്പോൾ സഹായം കിട്ടി​യേ​ക്കാം . . . എന്നാൽ ഇല്ല! എണ്ണമററ തന്ത്രങ്ങൾ ഉണ്ടായി​രു​ന്നാ​ലും നീ അശക്തയാണ്‌.” (യെശയ്യാ​വു 47:12, 13, ദ ന്യൂ ഇംഗ്ലീഷ്‌ ബൈബിൾ) കാല​ക്ര​മ​ത്തിൽ ആ ജനതയു​ടെ അസ്‌തി​ത്വം​തന്നെ ഇല്ലാതാ​യി. മാന്ത്രി​ക​വി​ദ്യ​യി​ലുള്ള വിശ്വാ​സം പാഴാ​ണെന്നു തെളിഞ്ഞു. സമാന​മാ​യി, മാന്ത്രി​ക​മായ ഏലസ്സി​നോ രക്ഷാക​വ​ച​ത്തി​നോ മന്ത്രത്ത​കി​ടി​നോ നിങ്ങളെ സഹായി​ക്കാ​നോ സംരക്ഷി​ക്കാ​നോ ഒന്നും ചെയ്യാൻ കഴിയു​ക​യില്ല.

വിഗ്ര​ഹാ​രാ​ധ​ന​യു​ടെ ഒരു രൂപം

എന്നിട്ടും, ഒരു സ്‌ഫടി​ക​ക്ക​ട്ട​യോ മുയലി​ന്റെ കാലോ മതപര​മായ ഒരു മെഡലോ കൊണ്ടു​ന​ട​ക്കു​ന്ന​തിൽ ചിലർ ഒരു ദോഷ​വും കാണു​ന്നി​ല്ലാ​യി​രി​ക്കാം. ഇവ കേവലം നിരു​പ​ദ്ര​വ​ക​ര​മായ ചെറു​തരം ആഭരണങ്ങൾ മാത്ര​മല്ലേ? ബൈബിൾ പറയു​ന്ന​ത​നു​സ​രി​ച്ചാ​ണെ​ങ്കിൽ അല്ല. മാന്ത്രി​ക​മായ ആഭരണ​സാ​മ​ഗ്രി​കൾ തീർച്ച​യാ​യും നിരു​പ​ദ്ര​വ​ക​ര​മ​ല്ലെന്ന്‌ അതു പറയുന്നു.

ഏലസ്സു​ക​ളു​ടെ ഉപയോ​ഗം വിഗ്ര​ഹാ​രാ​ധ​ന​യു​ടെ ഒരു രൂപമാണ്‌—ദൈവ​വ​ച​ന​ത്തിൽ വ്യക്തമാ​യും കുററം​വി​ധി​ക്ക​പ്പെ​ട്ടി​രി​ക്കുന്ന ഒന്നുതന്നെ. (പുറപ്പാട്‌ 20:4, 5) താൻ ഒരു ഏലസ്സി​നെ​യോ മാന്ത്രി​ക​ത്ത​കി​ടി​നെ​യോ നേരിട്ട്‌ ആരാധി​ക്കു​ക​യാ​ണെന്ന്‌ ഒരു വ്യക്തിക്കു തോന്നാ​തി​രു​ന്നേ​ക്കാം എന്നതു സത്യം തന്നെ. എന്നാൽ ഒരാൾ അതൊ​രെണ്ണം കേവലം സ്വന്തമാ​യി സൂക്ഷി​ക്കു​ന്നെ​ങ്കിൽ അത്‌ അദൃശ്യ​മായ മാന്ത്രി​ക​ശ​ക്തി​ക​ളോ​ടുള്ള ഒരു ഭയഭക്തി​പൂണ്ട, ആരാധ​നാ​പ​ര​മായ മനോ​ഭാ​വം പ്രകട​മാ​ക്കു​ന്നി​ല്ലേ? കൂടാതെ, (ചുംബി​ക്കു​ന്നതു പോലുള്ള) ആരാധ​നാ​പ​ര​മായ പ്രവൃത്തി രക്ഷാക​വ​ച​ങ്ങൾക്കു​തന്നെ നൽക​പ്പെ​ടു​ന്നു എന്നതു സത്യമല്ലേ? എന്നാൽ 1 യോഹ​ന്നാൻ 5:21-ൽ ബൈബിൾ ക്രിസ്‌ത്യാ​നി​കളെ ഇപ്രകാ​രം ബുദ്ധ്യു​പ​ദേ​ശി​ക്കു​ന്നു: “വിഗ്ര​ഹ​ങ്ങ​ളോ​ടു അകന്നു സൂക്ഷി​ച്ചു​കൊൾവിൻ.” രക്ഷാക​വ​ച​ങ്ങ​ളോ ഏലസ്സു​ക​ളോ ആയി വീക്ഷി​ക്ക​പ്പെ​ടുന്ന വസ്‌തു​ക്കൾ ഇതിലുൾപ്പെ​ടു​ക​യി​ല്ലേ?

മാന്ത്രി​ക​വി​ദ്യ​യു​ടെ കെണി

ഏലസ്സു​ക​ളു​ടെ ഉപയോ​ഗ​ത്തി​ലൂ​ടെ പലരും മാന്ത്രി​ക​വി​ദ്യ​യു​ടെ കെണി​യി​ലാ​യി​ത്തീ​രു​ന്നു​മുണ്ട്‌. ചിലർ ഒരു സ്‌ഫടി​ക​ക്ക​ട്ട​യോ ഒരു മാന്ത്രിക ഔഷധ​മോ കൊണ്ടു​ന​ട​ന്നേ​ക്കാ​വു​ന്നത്‌ ബോധ്യ​ത്തിൽനിന്ന്‌ എന്നതി​ലു​പരി ആചാര​പ്ര​കാ​ര​മാണ്‌ എന്നതു സത്യം തന്നെ. എന്നാൽ ഒരു വേശ്യ​യു​മാ​യി പ്രേമ​ചാ​പ​ല്യ​ങ്ങ​ളിൽ വിഹരി​ക്കു​ന്നത്‌ എയ്‌ഡ്‌സ്‌ ബാധി​ക്കു​ന്ന​തിൽ കലാശി​ച്ചേ​ക്കാ​വു​ന്ന​തു​പോ​ലെ മാന്ത്രി​ക​വി​ദ്യ​യു​മാ​യി അടുത്ത്‌ ഇടപെ​ടു​ന്ന​തും വിനാ​ശ​ക​ര​മായ പ്രത്യാ​ഘാ​തങ്ങൾ ഉണ്ടാക്കി​യേ​ക്കാം. നല്ല കാരണ​ങ്ങ​ളോ​ടെ​യാ​ണു ദൈവം ഇസ്ര​യേ​ല്യ​രെ മന്ത്രവും ആത്മജ്ഞാ​ന​സി​ദ്ധി​യും ഭാഗ്യം​പ​റ​ച്ചി​ലും ആചരി​ക്കു​ന്ന​തിൽനി​ന്നു വിലക്കി​യത്‌. “ഈ കാര്യങ്ങൾ ചെയ്യു​ന്ന​വ​നെ​ല്ലാം യഹോ​വെക്കു വെറുപ്പു ആകുന്നു” എന്നു ബൈബിൾ മുന്നറി​യി​പ്പു നൽകുന്നു.—ആവർത്ത​ന​പു​സ്‌തകം 18:10-14.

എന്തു​കൊ​ണ്ടാണ്‌ ഈ കടുത്ത നിരോ​ധനം? എന്തു​കൊ​ണ്ടെ​ന്നാൽ അത്തരം ആചാര​ത്തി​നു പിന്നിലെ അദൃശ്യ​മായ ശക്തികൾ മരിച്ച​വ​രു​ടെ ആത്മാക്ക​ളോ ഭാഗ്യ​ത്തി​ന്റെ ശക്തിക​ളോ അല്ല, പിന്നെ​യോ പിശാ​ചായ സാത്താ​നും അവന്റെ ഭൂതങ്ങ​ളു​മാണ്‌.a ഏലസ്സു​ക​ളു​ടെ ഉപയോ​ഗം ഭൂതാ​രാ​ധ​ന​യു​മാ​യി നേരിട്ടു ബന്ധപ്പെ​ട്ടു​കി​ട​ക്കു​ന്നു. വൈൻസ്‌ എക്‌സ്‌പോ​സി​റ​ററി ഡിക്‌ഷ്‌ണറി ഓഫ്‌ ഓൾഡ്‌ ആൻഡ്‌ ന്യൂ ടെസ്‌റ​റ​മെൻറ്‌ വേഡ്‌സ്‌ ഇപ്രകാ​രം പറയുന്നു: “കൂടത​ന്ത്ര​ത്തിൽ വീര്യം കുറഞ്ഞ​തോ കൂടി​യ​തോ ആയ മരുന്നു​ക​ളു​ടെ ഉപയോ​ഗ​ത്തി​നു​ശേഷം വ്യത്യ​സ്‌ത​ര​ക്ഷാ​ക​വ​ചങ്ങൾ, ഏലസ്സുകൾ എന്നിവ നൽകു​ന്ന​തോ​ടൊ​പ്പം, പൊതു​വെ മന്ത്രോ​ച്ചാ​ര​ണ​വും മാന്ത്രി​ക​ശ​ക്തി​ക​ളോ​ടുള്ള യാചന​ക​ളും നടത്തി​യി​രു​ന്നു.”

അതു​കൊണ്ട്‌ ഒരു മാന്ത്രിക രക്ഷാക​വചം സ്വന്തമാ​ക്കു​ന്നത്‌ ആത്മവി​ദ്യ​യി​ലുള്ള ഇഴുകി​ച്ചേ​ര​ലാണ്‌. അയാൾക്ക്‌ “ഈ വ്യവസ്ഥി​തി​യു​ടെ ദൈവ”മായ പിശാ​ചായ സാത്താന്റെ ദുഷ്ട സ്വാധീ​ന​ത്തി​ലും നിയ​ന്ത്ര​ണ​ത്തി​ലും ചെന്നു​പെ​ടു​ന്ന​തി​ന്റെ അപകട​സാ​ധ്യ​ത​യുണ്ട്‌. (2 കൊരി​ന്ത്യർ 4:4) അതു​കൊണ്ട്‌, ആത്മവി​ദ്യ​യു​ടെ എല്ലാ രൂപങ്ങ​ളും ഒഴിവാ​ക്കാൻ ബൈബിൾ നമ്മോടു കൽപ്പി​ക്കു​ന്നതു നല്ല കാരണ​ങ്ങ​ളോ​ടെ​യാണ്‌.—ഗലാത്യർ 5:19-21.

അന്ധവി​ശ്വാ​സ​ത്തി​ന്റെ ചങ്ങലകൾ പൊട്ടി​ക്കൽ

എന്നിരു​ന്നാ​ലും ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ ഇപ്രകാ​രം നിരീ​ക്ഷി​ക്കു​ന്നു: “ജനങ്ങൾ പരസ്‌പരം ഭയപ്പെ​ടു​ക​യും അവർക്കു ഭാവി​യെ​ക്കു​റിച്ച്‌ അനിശ്ചി​ത​ത്വം ഉണ്ടായി​രി​ക്കു​ക​യും ചെയ്യു​ന്നി​ട​ത്തോ​ളം​കാ​ലം അന്ധവി​ശ്വാ​സ​ങ്ങൾക്കു ജീവി​ത​ത്തിൽ മിക്കവാ​റും ഒരു സ്ഥാനമു​ണ്ടാ​യി​രി​ക്കും.” എന്നാൽ ദോഷ​ക​ര​മായ അന്ധവി​ശ്വാ​സ​ങ്ങ​ളിൽനി​ന്നു സ്വത​ന്ത്ര​രാ​കാൻ യഹോ​വ​യു​ടെ സാക്ഷികൾ അനേകരെ സഹായി​ക്കു​ന്നു. ഒരു ദക്ഷിണാ​ഫ്രി​ക്കൻ സ്‌ത്രീ ഇങ്ങനെ അനുസ്‌മ​രി​ക്കു​ന്നു: “ദുഷ്ടാ​ത്മാ​ക്കൾ എന്നെ പൊറു​തി​മു​ട്ടി​ച്ചി​രു​ന്നു, അവയ്‌ക്കെ​തി​രെ എന്നെ സംരക്ഷി​ക്കാൻ എന്റെ വീടു നിറയെ മൂതി​യു​ണ്ടാ​യി​രു​ന്നു.” മാന്ത്രി​ക​വി​ദ്യ​യു​മാ​യുള്ള കളിയു​ടെ അപകടങ്ങൾ മനസ്സി​ലാ​ക്കാൻ യഹോ​വ​യു​ടെ സാക്ഷികൾ അവരെ സഹായി​ച്ചു. അവരുടെ പ്രതി​ക​രണം എന്തായി​രു​ന്നു? “ഭൂതാ​രാ​ധ​ന​യു​മാ​യി ബന്ധപ്പെട്ടു ഞാൻ സ്വന്തമാ​ക്കി​യി​രുന്ന സകലതും ഞാൻ വലി​ച്ചെ​റി​യാൻ തുടങ്ങി” എന്ന്‌ അവർ പറയുന്നു. “എന്റെ ആരോ​ഗ്യ​നില മെച്ച​പ്പെട്ടു. എന്റെ ജീവിതം ഞാൻ യഹോ​വക്കു സമർപ്പി​ച്ചു സ്‌നാ​പ​ന​മേ​ററു.” ഇപ്പോൾ അവർ അന്ധവി​ശ്വാ​സ​ത്തിൽനി​ന്നും ആത്മവി​ദ്യ​യിൽനി​ന്നും സ്വത​ന്ത്ര​യാണ്‌.

രോഗം സൗഖ്യ​മാ​ക്കാ​നുള്ള തന്റെ വൈദ​ഗ്‌ധ്യ​ത്തെ ആത്മവി​ദ്യ​യു​മാ​യി കൂട്ടി​ക്കു​ഴച്ച ഒരു നൈജീ​രി​യൻ പച്ചമരു​ന്നു​വിൽപ്പ​ന​ക്കാ​രന്റെ കാര്യം​കൂ​ടി പരിചി​ന്തി​ക്കുക. യഹോ​വ​യു​ടെ സാക്ഷികൾ സന്ദർശി​ക്കു​മ്പോ​ഴെ​ല്ലാം പലപ്പോ​ഴും ഭീഷണി​യും ശാപവാ​ക്കു​ക​ളും ഉപയോ​ഗി​ച്ചു​കൊണ്ട്‌ അയാൾ അവരെ പതിവാ​യി ആട്ടിപ്പാ​യി​ക്കു​മാ​യി​രു​ന്നു. ഒരിക്കൽ അയാൾ ഒരു പ്രത്യേക ഔഷധം​പോ​ലും ഉണ്ടാക്കി, അതിനു​മേൽ ഏതോ മന്ത്രോ​ച്ചാ​രണം നടത്തി, ഒരു സാക്ഷി​യു​ടെ മുഖ​ത്തൊ​ഴി​ച്ചു! “ഏഴു ദിവസ​ത്തി​നു​ള്ളിൽ നീ മരിക്കും!” എന്ന്‌ അയാൾ അലറി. ഏഴു ദിവസം കഴിഞ്ഞ്‌ സാക്ഷി മടങ്ങി​ച്ചെ​ന്ന​പ്പോൾ ആ മരുന്നു​വിൽപ്പ​ന​ക്കാ​രൻ താൻ ഒരു ഭൂത​ത്തെ​യാ​ണു കാണു​ന്ന​തെന്നു വിശ്വ​സി​ച്ചു​കൊണ്ട്‌ ധൃതി​പി​ടിച്ച്‌ ഓടി​യെത്തി! അയാളു​ടെ മന്ത്രം ഇപ്പോൾ ഫലശൂ​ന്യ​മെന്നു തെളി​ഞ്ഞ​പ്പോൾ, അയാൾ ഒരു ബൈബി​ള​ധ്യ​യ​ന​ത്തി​നു സമ്മതി​ക്കു​ക​യും അവസാനം അയാൾതന്നെ ഒരു സാക്ഷി​യാ​യി​ത്തീ​രു​ക​യും ചെയ്‌തു.

ഭയത്തി​ന്റെ​യും അന്ധവി​ശ്വാ​സ​ത്തി​ന്റെ​യും ബന്ധനങ്ങ​ളിൽനി​ന്നു സ്വത​ന്ത്ര​മാ​കാൻ നിങ്ങൾക്കും കഴിയും. ഇത്‌ എളുപ്പ​മ​ല്ലാ​യി​രി​ക്കാ​മെന്നു സമ്മതി​ക്കു​ന്നു. ഒരുപക്ഷേ നിങ്ങൾ വളർന്നത്‌ ഏലസ്സു​ക​ളു​ടെ​യും രക്ഷാക​വ​ച​ങ്ങ​ളു​ടെ​യും ഉപയോ​ഗം സാധാ​ര​ണ​മാ​യി​രി​ക്കുന്ന ഒരു സംസ്‌കാ​ര​ത്തി​ലാ​യി​രി​ക്കാം. പുരാതന എഫേസൂ​സി​ലെ ക്രിസ്‌ത്യാ​നി​കൾ അത്തര​മൊ​രു വെല്ലു​വി​ളി​യെ അഭിമു​ഖീ​ക​രി​ച്ചു. ആത്മവി​ദ്യ​യു​ടെ ശക്തമായ ഒരു സ്വാധീ​ന​മു​ണ്ടാ​യി​രുന്ന ഒരു സംസ്‌കാ​ര​ത്തിൽ അവർ ജീവിച്ചു. ദൈവ​വ​ച​ന​ത്തി​ലെ സത്യം അവർ പഠിച്ച​പ്പോൾ എന്തു ചെയ്‌തു? ബൈബിൾ പറയുന്നു: “ക്ഷുദ്ര​പ്ര​യോ​ഗം ചെയ്‌തി​രുന്ന പലരും തങ്ങളുടെ പുസ്‌ത​ക​ങ്ങളെ കൊണ്ടു​വന്നു എല്ലാവ​രും കാൺകെ ചുട്ടു​ക​ളഞ്ഞു; അവയുടെ വില കണക്കു​കൂ​ട്ടി​യാ​റെ അമ്പതി​നാ​യി​രം വെള്ളി​ക്കാ​ശു എന്നു കണ്ടു.”—പ്രവൃ​ത്തി​കൾ 19:19.

ദൈവ​ത്തി​ന്റെ സംരക്ഷണം ആർജിക്കൽ

നിങ്ങൾ മാന്ത്രി​ക​വി​ദ്യ​യു​ടെ എല്ലാ അവശി​ഷ്ട​ങ്ങ​ളിൽനി​ന്നും നിങ്ങ​ളെ​ത്തന്നെ മുക്തമാ​ക്കു​ന്നെ​ങ്കിൽ നിങ്ങൾ സംരക്ഷണം ഇല്ലാത്ത​വ​നാ​യി അവശേ​ഷി​ക്കു​ക​യി​ല്ലേ? നേരെ​മ​റിച്ച്‌, “ദൈവം നമ്മുടെ സങ്കേത​വും ബലവും ആകുന്നു; കഷ്ടങ്ങളിൽ അവൻ ഏററവും അടുത്ത തുണയാ​യി​രി​ക്കു​ന്നു.” (സങ്കീർത്തനം 46:1) ഈ ദുഷ്ട വ്യവസ്ഥി​തി​യെ അവിടു​ന്നു നശിപ്പി​ക്കു​മ്പോൾ ദൈവ​ത്തിൽനി​ന്നുള്ള സംരക്ഷണം വിശേ​ഷാൽ പ്രകട​മാ​യി​ത്തീ​രും. “കർത്താവു ഭക്തൻമാ​രെ പരീക്ഷ​യിൽനി​ന്നു വിടു​വി​പ്പാ​നും നീതി​കെ​ട്ട​വരെ . . . ന്യായ​വി​ധി​ദി​വ​സ​ത്തി​ലെ ദണ്ഡനത്തി​ന്നാ​യി കാപ്പാ​നും അറിയു​ന്നു​വ​ല്ലോ.”—2 പത്രൊസ്‌ 2:9; സങ്കീർത്തനം 37:40 താരത​മ്യ​പ്പെ​ടു​ത്തുക.

അതിനി​ടെ, “കഷ്ടകാലം വിചാ​രി​ക്കാത്ത നേരത്ത്‌ മനുഷ്യ​മ​ക്കളെ കുടു​ക്കു​ന്നു.” (സഭാ​പ്ര​സം​ഗകൻ 9:12, പി.ഒ.സി. ബൈ.) തന്റെ ദാസൻമാർ ഒരു “സുരക്ഷാ” ജീവിതം നയിക്കു​മെ​ന്നോ സകല വ്യക്തിഗത ദോഷ​ങ്ങ​ളിൽനി​ന്നും താൻ അവരെ സംരക്ഷി​ക്കു​മെ​ന്നോ ദൈവം വാഗ്‌ദാ​നം ചെയ്യു​ന്നില്ല. എന്നിരു​ന്നാ​ലും, നമ്മുടെ ആത്മീയ​ത​യെ​യും ദൈവ​വു​മാ​യുള്ള നമ്മുടെ ബന്ധത്തെ​യും സംരക്ഷി​ക്കു​മെന്ന്‌ അവിടു​ന്നു വാഗ്‌ദാ​നം ചെയ്യുന്നു. (സങ്കീർത്തനം 91:1-9) എങ്ങനെ? നമുക്കു പ്രയോ​ജനം ചെയ്യാ​നും സാത്താന്റെ ദുഷി​പ്പി​ക്കുന്ന സ്വാധീ​ന​ങ്ങ​ളിൽനി​ന്നു നമ്മെ സംരക്ഷി​ക്കാ​നും കഴിയുന്ന നിയമ​ങ്ങ​ളും തത്ത്വങ്ങ​ളും അവിടു​ന്നു നമുക്കു നൽകുന്നു എന്നതാണ്‌ ഒരു സംഗതി. (യെശയ്യാ​വു 48:17) യഹോ​വ​യു​ടെ വഴിക​ളെ​ക്കു​റി​ച്ചു നാം പരിജ്ഞാ​നം സമ്പാദി​ക്കു​ന്ന​തി​നാൽ, ‘ചിന്താ​പ്രാ​പ്‌തി​തന്നെ നമ്മെ സൂക്ഷി​ക്കും, വിവേ​ച​ന​തന്നെ നമ്മെ കാത്തു​പ​രി​പാ​ലി​ക്കു​ക​യും ചെയ്യും’—ഉദാഹ​ര​ണ​ത്തിന്‌, നിഷ്‌പ്ര​യോ​ജ​ന​ക​ര​മോ ദോഷ​ക​ര​മോ ആയ പ്രവൃ​ത്തി​ക​ളിൽനി​ന്നു​തന്നെ.—സദൃശ​വാ​ക്യ​ങ്ങൾ 2:11.

ദൈവം നമ്മെ സംരക്ഷി​ക്കുന്ന മറെറാ​രു വിധം പരി​ശോ​ധ​ന​യു​ടെ സമയങ്ങ​ളിൽ “സാധാ​ര​ണ​യിൽ കവിഞ്ഞ ശക്തി” പ്രദാനം ചെയ്‌തു​കൊ​ണ്ടാണ്‌. (2 കൊരി​ന്ത്യർ 4:7, NW) ഒരു ക്രിസ്‌ത്യാ​നി​യെ സാഹച​ര്യ​ങ്ങൾ കീഴട​ക്കു​മെന്ന ഭീഷണി​യു​ള്ള​പ്പോൾ ഹൃദയ​ത്തെ​യും മാനസി​ക​പ്രാ​പ്‌തി​ക​ളെ​യും കാത്തു​സൂ​ക്ഷി​ക്കാൻ അവിടു​ന്നു “സകലബു​ദ്ധി​യേ​യും കവിയുന്ന ദൈവ​സ​മാ​ധാ​നം” നൽകുന്നു. (ഫിലി​പ്പി​യർ 4:7) അതേ, “പിശാ​ചി​ന്റെ തന്ത്രങ്ങ​ളോ​ടു എതിർത്തു​നി​ല്‌പാൻ കഴി​യേ​ണ്ട​തി​ന്നു” ക്രിസ്‌ത്യാ​നി സജ്ജനാ​ക്ക​പ്പെ​ടു​ന്നു.—എഫെസ്യർ 6:11-13.

അത്തരം സംരക്ഷണം നിങ്ങൾക്കെ​ങ്ങനെ നേടാൻ കഴിയും? യഹോ​വ​യെ​യും അവിടു​ത്തെ പുത്ര​നായ യേശു​ക്രി​സ്‌തു​വി​നെ​യും കുറി​ച്ചുള്ള അറിവു സമ്പാദി​ച്ചു​കൊ​ണ്ടു തുടങ്ങുക. (യോഹ​ന്നാൻ 17:3) ഈ ദിശയിൽ നിങ്ങളെ സഹായി​ക്കാൻ യഹോ​വ​യു​ടെ സാക്ഷി​കൾക്കു വളരെ​യ​ധി​കം ചെയ്യാൻ കഴിയും. നിങ്ങൾ യഹോ​വ​യു​മാ​യി ഒരു ഊഷ്‌മള ബന്ധം നട്ടുവ​ളർത്തു​മ്പോൾ നിങ്ങൾ അവിടു​ത്തെ ദയാപൂർവ​ക​മായ സംരക്ഷണം അനുഭ​വി​ക്കാൻ തുടങ്ങും. സങ്കീർത്തനം 91:14-ൽ ദൈവം ഇപ്രകാ​രം പറയു​ന്ന​താ​യി നാം വായി​ക്കു​ന്നു: “അവൻ എന്നോടു പററി​യി​രി​ക്ക​യാൽ ഞാൻ അവനെ വിടു​വി​ക്കും; അവൻ എന്റെ നാമത്തെ അറിക​യാൽ ഞാൻ അവനെ ഉയർത്തും.”

തീർച്ച​യാ​യും, നിങ്ങൾ ദൈവ​ത്തോ​ടു വിശ്വ​സ്‌ത​നാ​ണെ​ങ്കിൽ അവസാനം അവിടു​ന്നു നിങ്ങളെ വരാനി​രി​ക്കുന്ന ലോക​ത്തി​ലെ നിത്യ​ജീ​വൻക്കൊണ്ട്‌ അനു​ഗ്ര​ഹി​ക്കും. ആ സമയത്തു ജീവി​ച്ചി​രി​ക്കു​ന്ന​വരെ സംബന്ധി​ച്ചു യഹോവ ഇങ്ങനെ ഉറപ്പു നൽകുന്നു: “ആരും അവരെ ഭയപ്പെ​ടു​ത്തു​ക​യില്ല; സൈന്യ​ങ്ങ​ളു​ടെ യഹോ​വ​യു​ടെ വായ്‌ അതു അരുളി​ച്ചെ​യ്‌തി​രി​ക്കു​ന്നു.” (മീഖാ 4:4) രോഗ​വും മരണവും മേലാൽ ഉണ്ടായി​രി​ക്കില്ല. (വെളി​പ്പാ​ടു 21:4) എന്നിരു​ന്നാ​ലും, നിങ്ങൾ യഹോ​വ​യു​മാ​യി ഒരു അടുത്ത ബന്ധം നട്ടുവ​ളർത്തു​ന്നെ​ങ്കിൽ, ഇപ്പോൾപ്പോ​ലും നിങ്ങൾക്ക്‌ ഒരള​വോ​ളം സുരക്ഷി​ത​ത്വം ആസ്വദി​ക്കാൻ കഴിയും. സങ്കീർത്ത​ന​ക്കാ​ര​നെ​പ്പോ​ലെ നിങ്ങൾക്ക്‌ ഇപ്രകാ​രം പറയാൻ സാധി​ക്കും: “എന്റെ സഹായം ആകാശ​ത്തെ​യും ഭൂമി​യെ​യും ഉണ്ടാക്കിയ യഹോ​വ​യി​ങ്കൽനി​ന്നു വരുന്നു.”—സങ്കീർത്തനം 121:2.

[അടിക്കു​റിപ്പ്‌]

[6-ാം പേജിലെ ചിത്രം]

എഫേസൂസിലെ ക്രിസ്‌ത്യാ​നി​കൾ മന്ത്രവാ​ദ​വു​മാ​യി ബന്ധപ്പെട്ട സകലതും നശിപ്പി​ച്ചു

[7-ാം പേജിലെ ചിത്രം]

ദൈവരാജ്യത്തിൻ കീഴിൽ ഭയം മേലാൽ ഉണ്ടായി​രി​ക്കി​ല്ല