സൗഭാഗ്യ രക്ഷാക​വ​ച​ങ്ങൾക്കു നിങ്ങളെ സംരക്ഷി​ക്കാ​നാ​കു​മോ?

ഒരു ബ്രസീൽക്കാ​രന്റെ പോക്ക​റ​റിൽ കൊണ്ടു​ന​ട​ക്കുന്ന ഒരു സ്‌ഫടി​കക്കട്ട. ഒരു അമേരി​ക്കൻ കായി​ക​താ​ര​ത്തി​ന്റെ ഭാഗ്യ​നാ​ണയം. ഒരു ഐറീഷ്‌ വീട്ടിലെ കിടക്ക​യ്‌ക്കു മീതെ തൂങ്ങി​ക്കി​ട​ക്കുന്ന വിശുദ്ധ ബ്രിജി​ഡി​ന്റെ ഒരു കുരിശ്‌. ലക്ഷക്കണ​ക്കി​നാ​ളു​കൾ സൗഭാഗ്യ രക്ഷാക​വ​ചങ്ങൾ അഥവാ ഏലസ്സുകൾ ആയി അത്തരം വസ്‌തു​ക്കൾ ഉപയോ​ഗി​ക്കു​ന്നു.a അത്തരം രക്ഷാക​വ​ചങ്ങൾ കൈവ​ശം​വെ​ക്കു​ന്നത്‌ അവർക്കു ദോഷങ്ങൾ അകററി സൗഭാ​ഗ്യം കൈവ​രു​ത്തു​മെന്ന്‌ അവർ വിശ്വ​സി​ക്കു​ന്നു.

ഉദാഹ​ര​ണ​ത്തിന്‌, ബ്രസീ​ലി​ന്റെ കാര്യ​മെ​ടു​ക്കുക. വേജ എന്ന മാസിക പറയുന്ന പ്രകാരം, നിരവധി ബ്രസീൽക്കാർ “ഉടമസ്ഥനു ഭാഗ്യ​വും ഓജസ്സും കൈവ​രു​ത്താ​നുള്ള കഴിവു​ണ്ടെന്നു പറയ​പ്പെ​ടുന്ന പാറക്ക​ഷ​ണ​ങ്ങ​ളും അത്രക്കു വിലപി​ടി​ച്ച​ത​ല്ലാത്ത കല്ലുക​ളും” കൊണ്ടു​ന​ട​ക്കു​ന്നു. ഗൂഢശ​ക്തി​കളെ നിസ്സാ​ര​മാ​യി​ക്കാ​ണാൻ ഭയപ്പെ​ട്ടു​കൊണ്ട്‌ ആ രാജ്യത്തെ മററു​ള്ളവർ ഒരു മതപര​മായ പ്രതീ​ക​മോ വാചക​മോ അവരുടെ വീടിന്റെ ചുമരിൽ വെക്കുന്നു. ചിലർ ബൈബിൾ പോലും ഒരു പാവന രക്ഷാക​വ​ച​മാ​യി ഉപയോ​ഗി​ക്കു​ന്നു; സങ്കീർത്തനം 91 സ്ഥിരമാ​യി തുറന്നു​വെ​ച്ചു​കൊണ്ട്‌ അവർ അത്‌ മേശപ്പു​റത്ത്‌ പ്രദർശി​പ്പി​ക്കു​ന്നു.

തെക്കെ ആഫ്രിക്കൻ രാജ്യ​ങ്ങ​ളിൽ മൂതി അഥവാ പരമ്പരാ​ഗ​ത​മായ ഔഷധം സമാന​മാ​യി ഉപയോ​ഗി​ക്കു​ന്നു, കേവലം സുഖ​പ്പെ​ടു​ത്താ​നുള്ള അതിന്റെ കഴിവു​ക​ളു​ടെ പേരിലല്ല, പിന്നെ​യോ ദൗർഭാ​ഗ്യ​ത്തി​നെ​തി​രെ ഒരു സംരക്ഷ​ണ​മെ​ന്ന​നി​ല​യിൽ. രോഗ​വും മരണവും സാമ്പത്തിക നഷ്ടങ്ങളും തകർന്ന പ്രണയ​ബ​ന്ധ​ങ്ങൾപോ​ലും ശത്രുക്കൾ നടത്തിയ മന്ത്രത്തിൽനി​ന്നോ മരിച്ച പൂർവി​കരെ പ്രസാ​ദി​പ്പി​ക്കാൻ പരാജ​യ​പ്പെ​ട്ട​തിൽനി​ന്നോ ഉളവാ​യ​താ​ണെന്ന്‌ അവർ മിക്ക​പ്പോ​ഴും വിചാ​രി​ക്കു​ന്നു. സസ്യങ്ങ​ളിൽനി​ന്നും മരങ്ങളിൽനി​ന്നും മൃഗങ്ങ​ളു​ടെ ശരീര​ഭാ​ഗ​ങ്ങ​ളിൽനി​ന്നും ഔഷധം തയ്യാറാ​ക്കുന്ന ഒരു നാടൻ വൈദ്യ​നിൽ നിന്നാണു സാധാ​ര​ണ​മാ​യി മൂതി ലഭിക്കു​ന്നത്‌. രസകര​മെ​ന്നു​പ​റ​യട്ടെ, മൂതി ഗ്രാമ​ങ്ങ​ളിൽ മാത്ര​മാ​യി ഒതുങ്ങി​നിൽക്കു​ന്നില്ല; ഇതിന്റെ ഉപയോ​ഗം ആഫ്രി​ക്ക​യു​ടെ തെക്കൻ നഗരങ്ങ​ളി​ലും വ്യാപ​ക​മാണ്‌. മൂതി​യിൽ ആശ്രയം വെച്ചി​രി​ക്കു​ന്ന​വ​രിൽ വ്യാപാ​രി​ക​ളും സർവക​ലാ​ശാല ബിരു​ദ​ധാ​രി​ക​ളും ഉണ്ട്‌.

ഭാഗ്യാ​ന്വേ​ഷ​ണം യൂറോ​പ്യൻ നാടു​ക​ളി​ലും സാധാ​ര​ണ​മാണ്‌. എമീർ എസ്‌റ​റിൻ ഇവാൻസി​നു സമർപ്പിച്ച ജനകീ​യ​ജീ​വി​തത്തെ സംബന്ധിച്ച പഠനങ്ങൾ (Studies in Folklife Presented to Emyr Estyn Evans) എന്ന പുസ്‌തകം നമ്മെ ഇപ്രകാ​രം അറിയി​ക്കു​ന്നു: “അയർല​ണ്ടിൽ താമസ​സ്ഥ​ല​ത്തി​ന്റെ​യോ മററു കെട്ടി​ട​ങ്ങ​ളു​ടെ​യോ വാതി​ലി​നു മുകളിൽ കുതി​ര​ലാ​ടങ്ങൾ പിടി​പ്പി​ച്ചി​രി​ക്കു​ന്നതു കാണാ​നാ​കാത്ത ഒരു പ്രവി​ശ്യ​യോ പട്ടണമോ ഇല്ല.” ഭാഗ്യം വരാനാ​യി വാതി​ലു​ക​ളു​ടെ​യും കിടക്ക​ക​ളു​ടെ​യും മീതെ തൂക്കുന്ന ഞാങ്ങണ​ക്കു​രി​ശു​കൾ ആ രാജ്യത്ത്‌ അതിലും കൂടുതൽ സാധാ​ര​ണ​മാണ്‌. ബാഹ്യ​ദൃ​ഷ്ട്യാ, മിക്ക ഐറീ​ഷു​കാ​രും അത്തരം അന്ധവി​ശ്വാ​സ​ങ്ങളെ നിസ്സാ​ര​മാ​യി കണക്കാ​ക്കു​ന്നു​വെന്നു നിരീ​ക്ഷകർ പറയുന്നു. എന്നിരു​ന്നാ​ലും, ആരും അതിനെ പരിപൂർണ​മാ​യി അവഗണി​ക്കു​ന്നു​മില്ല.

സംരക്ഷ​ണ​ത്തി​നു​വേ​ണ്ടി​യുള്ള അന്വേ​ഷ​ണം

അത്തരം അന്ധവി​ശ്വാ​സ​ങ്ങ​ളു​ടെ ആകർഷ​ണീ​യത എന്താണ്‌? പ്രത്യ​ക്ഷ​ത്തിൽ സുരക്ഷി​ത​ത്വ​ത്തി​നു​വേ​ണ്ടി​യുള്ള ജനങ്ങളു​ടെ അടിസ്ഥാ​ന​പ​ര​മായ ആവശ്യം നികത്താൻ അവ ഉതകുന്നു. യഥാർഥ​ത്തിൽ, രാത്രി​യിൽ തെരു​വി​ലൂ​ടെ നടക്കു​മ്പോ​ഴും തങ്ങളുടെ ഭവനങ്ങ​ളിൽ ആയിരി​ക്കു​മ്പോ​ഴും എത്ര പേർക്കു സുരക്ഷി​ത​ത്വം തോന്നു​ന്നു? ജീവി​ത​ചെ​ല​വു​കൾ നിർവ​ഹി​ക്കേ​ണ്ട​തി​ന്റെ​യും കുട്ടി​കൾക്കാ​യി കരു​തേ​ണ്ട​തി​ന്റെ​യും സമ്മർദം അതി​നോ​ടു കൂട്ടുക. അതേ, ബൈബിൾ “കുഴപ്പ​ങ്ങ​ളു​ടെ ഒരു കാലം” എന്നു പറയുന്ന സമയത്താണ്‌ നാം ജീവി​ക്കു​ന്നത്‌. (2 തിമൊ​ഥെ​യൊസ്‌ 3:1, ദ ന്യൂ ഇംഗ്ലീഷ്‌ ബൈബിൾ) അതു​കൊണ്ട്‌ ആളുകൾക്കു സംരക്ഷ​ണ​ത്തി​നു​വേണ്ടി ഒരു ശക്തമായ ആഗ്രഹ​മു​ണ്ടാ​യി​രി​ക്കു​ന്നതു കേവലം സ്വാഭാ​വി​കം മാത്ര​മാണ്‌.

ആത്മവി​ദ്യ​യു​ടെ​യും മന്ത്രവാ​ദ​ത്തി​ന്റെ​യും വിവിധ രൂപങ്ങൾക്കു പ്രചാ​ര​മുള്ള സംസ്‌കാ​ര​ങ്ങ​ളിൽ ഇതു വിശേ​ഷാൽ അങ്ങനെ​യാ​യി​രി​ക്കും. മരിച്ച​വ​രു​ടെ ആത്മാക്ക​ളെന്നു കരുതു​ന്ന​വ​രോ​ടുള്ള അഥവാ ഒരു ശത്രു​വി​ന്റെ ശാപത്തിന്‌ ഇരയാ​കു​മെ​ന്ന​തി​നോ​ടുള്ള ഭയം ഒരു രക്ഷാക​വ​ച​ത്തി​ന്റെ​യോ ഏലസ്സി​ന്റെ​യോ സംരക്ഷണം അത്യന്താ​പേ​ക്ഷി​ത​മാ​ക്കു​ന്നു. ഏതുവി​ധ​മാ​യാ​ലും ശരി, ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ ഇപ്രകാ​രം പറയുന്നു: “തങ്ങളെ അരക്ഷി​ത​രാ​ക്കുന്ന ഭയങ്ങൾ മിക്കയാ​ളു​കൾക്കു​മുണ്ട്‌. സുരക്ഷ പ്രദാനം ചെയ്‌തു​കൊണ്ട്‌ അന്ധവി​ശ്വാ​സങ്ങൾ അത്തരം ഭയങ്ങളെ മറിക​ട​ക്കാൻ സഹായി​ക്കു​ന്നു. ആളുകൾക്ക്‌ അവർ ആഗ്രഹി​ക്കു​ന്നതു ലഭിക്കു​മെ​ന്നും കുഴപ്പങ്ങൾ ഒഴിവാ​കു​മെ​ന്നും ഉള്ള പൂർണ​വി​ശ്വാ​സം അവ പകർന്നു കൊടു​ക്കു​ന്നു.”

ഏലസ്സു​ക​ളു​ടെ സംശയാ​സ്‌പ​ദ​മായ ശക്തി

അതു​കൊണ്ട്‌, ലോക​ത്തു​ട​നീ​ളം ആളുകൾ വിവിധ തരത്തി​ലും രൂപത്തി​ലു​മുള്ള ഏലസ്സു​ക​ളും മന്ത്രത്ത​കി​ടു​ക​ളും രക്ഷാക​വ​ച​ങ്ങ​ളും അണിയു​ക​യും കൊണ്ടു​ന​ട​ക്കു​ക​യും പ്രദർശി​പ്പി​ക്കു​ക​യും ചെയ്യുന്നു. എന്നാൽ മനുഷ്യ​നിർമിത രക്ഷാക​വ​ച​ങ്ങൾക്ക്‌ ഏതെങ്കി​ലും യഥാർഥ സംരക്ഷണം നൽകാൻ കഴിയു​മെന്നു വിശ്വ​സി​ക്കു​ന്നതു ന്യായ​യു​ക്ത​മാ​ണോ? രക്ഷാക​വ​ചങ്ങൾ എന്നനി​ല​യിൽ ജനപ്രീ​തി​യോ​ടെ ഉപയോ​ഗി​ക്ക​പ്പെ​ടുന്ന ഇനങ്ങളിൽ പലതും വൻതോ​തിൽ ഉത്‌പാ​ദി​പ്പി​ക്ക​പ്പെ​ടുന്ന വാണി​ജ്യോ​ത്‌പ​ന്ന​ങ്ങ​ളാണ്‌. ഫാക്ടറി​യിൽ സംയോ​ജി​പ്പിച്ച ഏതെങ്കി​ലും ഒരു സാധന​ത്തിന്‌ അത്ഭുത​ക​ര​മായ ശക്തിയു​ണ്ടാ​യി​രി​ക്കാൻ കഴിയു​മെന്നു വിശ്വ​സി​ക്കു​ന്നതു യുക്തി​യെ​യും സാമാ​ന്യ​ബു​ദ്ധി​യെ​യും അതിലം​ഘി​ക്കു​ന്നി​ല്ലേ? ഒരു നാടൻ വൈദ്യൻ വിശേ​ഷ​രൂ​പേണ തയ്യാർ ചെയ്‌ത ഒരൗഷ​ധ​മാ​ണെ​ങ്കിൽപ്പോ​ലും, അതു വേരു​ക​ളും ഔഷധ​ചെ​ടി​ക​ളും അതു​പോ​ലുള്ള മററു വസ്‌തു​ക്ക​ളു​മ​ട​ങ്ങുന്ന സാധാരണ ഘടകങ്ങ​ളു​ടെ ഒരു മിശ്രി​തം എന്നതിൽക്കൂ​ടു​തൽ ഒന്നുമല്ല. എന്തു​കൊണ്ട്‌ അത്തര​മൊ​രു മിശ്രി​ത​ത്തി​നു മാന്ത്രിക ഗുണവി​ശേ​ഷങ്ങൾ ഉണ്ടാകണം? കൂടാതെ, ഏലസ്സുകൾ ഉപയോ​ഗി​ക്കുന്ന ആളുകൾ അപ്രകാ​രം ചെയ്യാ​ത്ത​വ​രെ​ക്കാൾ കൂടുതൽ കാലം ജീവി​ക്കു​ന്നു എന്നതി​നോ കൂടുതൽ സന്തുഷ്ട​രാണ്‌ എന്നതി​നോ വാസ്‌ത​വ​ത്തിൽ എന്തെങ്കി​ലും തെളി​വു​ണ്ടോ? അത്തരം മന്ത്രവാ​ദ​പ​ര​മായ രക്ഷാക​വ​ചങ്ങൾ ഉണ്ടാക്കു​ന്ന​വർത്തന്നെ രോഗ​ത്തി​നും മരണത്തി​നും ഇരകളാ​യി​ത്തീ​രു​ന്നി​ല്ലേ?

ജനങ്ങൾക്കു യഥാർഥ സംരക്ഷ​ണ​വും തങ്ങളുടെ ജീവി​ത​ത്തിൻമേൽ ഒരു നിയ​ന്ത്ര​ണ​മു​ണ്ടെന്ന ബോധ​വും നൽകു​ന്ന​തി​നു​പ​കരം ഏലസ്സു​ക​ളു​ടെ​യും രക്ഷാക​വ​ച​ങ്ങ​ളു​ടെ​യും അന്ധവി​ശ്വാ​സ​പ​ര​മായ ഉപയോ​ഗം വാസ്‌ത​വ​ത്തിൽ തങ്ങളുടെ പ്രശ്‌ന​ങ്ങളെ ബുദ്ധി​വൈ​ഭ​വ​ത്തോ​ടെ നേരി​ടു​ന്ന​തിൽനി​ന്നു ജനങ്ങളെ നിരു​ത്സാ​ഹ​പ്പെ​ടു​ത്തു​ക​യും ഒരു സർവ​രോ​ഗ​നി​വാ​രണം എന്നനി​ല​യിൽ ഭാഗ്യ​ത്തി​ലേക്കു നോക്കാൻ പ്രോ​ത്സാ​ഹി​പ്പി​ക്കു​ക​യും ചെയ്യുന്നു. ഏലസ്സു​ക​ളു​ടെ ശക്തിയി​ലുള്ള ആശ്രയ​ത്തിന്‌ അത്‌ ഉപയോ​ഗി​ക്കു​ന്ന​യാൾക്ക്‌ ഒരു വ്യാജ​സു​ര​ക്ഷി​ത​ത്വ​ബോ​ധ​വും പ്രദാനം ചെയ്‌തേ​ക്കാം. മദ്യത്തി​ന്റെ സ്വാധീ​ന​ത്തി​ലാ​യി​രി​ക്കുന്ന ഒരു മനുഷ്യൻ തന്റെ പ്രതി​ക​ര​ണ​ശേ​ഷി​ക്കും പ്രാപ്‌തി​കൾക്കും തകരാറു സംഭവി​ച്ചി​ട്ടി​ല്ലെന്ന്‌ അവകാ​ശ​പ്പെ​ട്ടേ​ക്കാം, എന്നാൽ അയാൾ വാഹന​മോ​ടി​ക്കാൻ ശ്രമി​ച്ചാൽ തനിക്കു​ത​ന്നെ​യോ മററു​ള്ള​വർക്കോ അപകടം വരുത്തി​ക്കൂ​ട്ടാൻ സാധ്യ​ത​യുണ്ട്‌. അതു​പോ​ലെ, ഒരു ഏലസ്സിന്റെ ശക്തിയിൽ ആശ്രയം വെക്കു​ന്നവൻ തനിക്കു​തന്നെ ദോഷം വരുത്തി​യേ​ക്കാം. സംരക്ഷി​ക്ക​പ്പെ​ടു​ന്നു​വെന്ന മതി​ഭ്ര​മ​ത്തി​ലി​രു​ന്നു​കൊണ്ട്‌ അയാൾ മൗഢ്യ​മായ ഭാഗ്യ​പ​രീ​ക്ഷ​ണ​ത്തി​നു മുതി​രാ​നോ ബുദ്ധി​പൂർവ​മ​ല്ലാത്ത തീരു​മാ​നങ്ങൾ എടുക്കാ​നോ ചായ്‌വു​ള്ള​വ​നാ​യേ​ക്കാം.

ഏലസ്സു​ക​ളു​ടെ ശക്തിയി​ലുള്ള വിശ്വാ​സം അവ ഉപയോ​ഗി​ക്കുന്ന ലക്ഷക്കണ​ക്കി​നാ​ളു​കൾക്ക്‌ അജ്ഞാത​മായ മററു മാരക​മായ അപകട​ങ്ങ​ളും വരുത്തു​ന്നു. ഈ അപകടങ്ങൾ എന്തെല്ലാ​മാണ്‌, ദോഷം അകററാൻ ഉചിത​മായ ഏതെങ്കി​ലും ഉപാധി​യു​ണ്ടോ? പിൻവ​രുന്ന ലേഖനം ഈ ചോദ്യ​ങ്ങൾ കൈകാ​ര്യം ചെയ്യു​ന്ന​താ​യി​രി​ക്കും.

[അടിക്കു​റിപ്പ്‌]