അവർ കുഞ്ഞാ​ടു​കളെ അനുക​മ്പ​യോ​ടെ മേയി​ക്കു​ന്നു

മനുഷ്യ​രോട്‌ ഇണങ്ങി വളരുന്ന എല്ലാ മൃഗങ്ങ​ളി​ലും​വെച്ചു ചെമ്മരി​യാ​ടി​നെ​പ്പോ​ലെ മറെറാ​ന്നു​മില്ല. തീററ തേടു​ന്ന​തി​നും തങ്ങളെ ഭക്ഷിക്കുന്ന മൃഗങ്ങ​ളിൽനി​ന്നൊ​ഴി​ഞ്ഞു പോകു​ന്ന​തി​നും ആവശ്യ​മായ ശക്തിയും വാസന​ക​ളും മിക്ക മൃഗങ്ങൾക്കു​മുണ്ട്‌, എന്നാൽ ചെമ്മരി​യാ​ടു വ്യത്യ​സ്‌ത​മാണ്‌. സ്വരക്ഷ​ക്കാ​യി യാതൊ​ന്നും ചെയ്യാ​ത്ത​തി​നാൽ അത്‌ ഇരപി​ടി​യൻ മൃഗങ്ങൾക്കു വിധേ​യ​മാണ്‌. ഇടയന്റെ അസാന്നി​ധ്യ​ത്തിൽ ചെമ്മരി​യാ​ടു ഭയമു​ള്ള​തും തുണയ​റ​റ​തും ആണ്‌. കൂട്ടത്തിൽനി​ന്നു വേർപെ​ട്ടാൽ അതിന്‌ അനായാ​സം വഴി​തെ​റ​റി​പ്പോ​കാൻ കഴിയും. അതു​കൊണ്ട്‌, ഇണക്കമുള്ള ചെമ്മരി​യാ​ടു​കൾക്ക്‌ അവയുടെ ഇടയ​നോട്‌ അടുപ്പം തോന്നു​ന്ന​തിന്‌ അപ്രതി​രോ​ധ്യ​മായ കാരണ​ങ്ങ​ളുണ്ട്‌. അയാ​ളെ​ക്കൂ​ടാ​തെ അവയ്‌ക്ക്‌ അതിജീ​വി​ക്കാ​നുള്ള സാധ്യത തീരെ​യില്ല. ഈ സ്വഭാ​വ​ല​ക്ഷ​ണങ്ങൾ കാരണം, നിർദോ​ഷി​ക​ളോ ദ്രോ​ഹി​ക്ക​പ്പെ​ട്ട​വ​രോ സംരക്ഷ​ണ​ര​ഹി​ത​രോ ആയ ആളുകളെ വർണി​ക്കു​ന്ന​തി​നു ബൈബിൾ ആലങ്കാ​രി​ക​മാ​യി ആടുകളെ ഉപയോ​ഗി​ക്കു​ന്നു.

ഒരു ആട്ടിട​യന്റെ പ്രതി​ഫ​ലങ്ങൾ സമർഹ​മാ​യി നേടു​ന്ന​വ​യാ​ണെന്നു തീർച്ച​യാണ്‌. അയാളു​ടെ ജീവിതം എളുപ്പ​മുള്ള ഒന്നല്ല. അയാൾ ചൂടി​നും തണുപ്പി​നും വിധേ​യ​നാണ്‌, കൂടാതെ അയാൾക്ക്‌ ഉറക്കമി​ല്ലാത്ത രാത്രി​കൾ അനുഭ​വ​പ്പെ​ടു​ക​യും ചെയ്യുന്നു. മിക്ക​പ്പോ​ഴും സ്വയം അപകട​ത്തി​ലാ​ക്കി​ക്കൊണ്ട്‌ അയാൾക്ക്‌ ആട്ടിൻകൂ​ട്ടത്തെ ഇരപി​ടി​യൻമാ​രിൽനി​ന്നു സംരക്ഷി​ക്കേ​ണ്ടി​യി​രി​ക്കു​ന്നു. ഇടയന്‌ ആട്ടിൻകൂ​ട്ടത്തെ ഒന്നിച്ചു നിർത്തേ​ണ്ട​തു​ള്ള​തി​നാൽ അയാളു​ടെ സമയത്തി​ന്റെ സിംഹ​ഭാ​ഗ​വും വഴി​തെ​റ​റി​പ്പോ​കു​ന്ന​തോ കാണാ​തെ​പോ​കു​ന്ന​തോ ആയ ആടുകളെ തിരയു​ന്ന​തിൽ ചെലവ​ഴി​ക്ക​പ്പെ​ടു​ന്നു. അസുഖം ബാധി​ച്ച​വ​യെ​യും പരിക്കു​പ​റ​റി​യ​വ​യെ​യും അയാൾ ചികി​ത്സി​ക്കണം. ബലഹീ​ന​മോ ക്ഷീണി​ച്ച​തോ ആയവയെ ചുമന്നു​കൊ​ണ്ടു​പോ​കണം. ആവശ്യ​ത്തി​നുള്ള തീററ​യും വെള്ളവും കിട്ടു​ന്നതു സംബന്ധിച്ച ഉത്‌ക​ണ്‌ഠ​യും ഉണ്ട്‌. ആട്ടിൻകൂ​ട്ട​ത്തി​ന്റെ സുരക്ഷി​ത​ത്വം ഉറപ്പു​വ​രു​ത്തു​ന്ന​തിന്‌ ഒരു ഇടയൻ രാത്രി​യിൽ വെളി​മ്പ്ര​ദേ​ശത്തു കിടക്കു​ന്നത്‌ അസാധാ​ര​ണമല്ല. അതിനാൽ, ധൈര്യ​ശാ​ലി​യും ഉത്സാഹി​യും പ്രത്യു​ത്‌പ​ന്ന​മ​തി​യും ആയ ഒരു മമനു​ഷ്യ​ന്റെ സേവനങ്ങൾ ആവശ്യ​മാ​ക്കി​ത്തീർക്കുന്ന ഒരു കഠിന ജീവി​ത​മാ​ണു മേയിക്കൽ. എല്ലാറ​റി​ലു​മ​ധി​ക​മാ​യി, തന്റെ സംരക്ഷ​ണ​യിൽ വിശ്വ​സി​ച്ചേൽപ്പി​ച്ചി​രി​ക്കുന്ന ആട്ടിൻകൂ​ട്ട​ത്തിൽ യഥാർഥ താത്‌പ​ര്യം പ്രകട​മാ​ക്കാ​നുള്ള പ്രാപ്‌തി അയാൾക്കു​ണ്ടാ​യി​രി​ക്കണം.

ദൈവ​ത്തി​ന്റെ ആട്ടിൻകൂ​ട്ടത്തെ മേയിക്കൽ

ബൈബിൾ, ദൈവ​ജ​നത്തെ ഇണക്കമുള്ള ആടുക​ളാ​യും അവരുടെ മേൽനോ​ട്ട​മു​ള്ള​വരെ ഇടയൻമാ​രാ​യും ചിത്രീ​ക​രി​ക്കു​ന്നു. യഹോവ തന്നെ ‘നമ്മുടെ ആത്മാക്ക​ളു​ടെ [ദേഹികളുടെ, NW] ഇടയനും അദ്ധ്യക്ഷ​നു​മാണ്‌.’ (1 പത്രൊസ്‌ 2:25) ‘എന്റെ ആട്ടിൻകു​ട്ടി​കളെ തീററുക, എന്റെ കുഞ്ഞാ​ടു​കളെ മേയി​ക്കുക, എന്റെ കുഞ്ഞാ​ടു​കളെ തീററുക’ എന്നു പത്രോ​സി​നോ​ടു പറഞ്ഞ​പ്പോൾ ആടുകൾക്ക്‌ അനുക​മ്പാ​പൂർവ​ക​മായ പരിപാ​ലനം കിട്ടണ​മെന്ന ആഗ്രഹം “നല്ല ഇടയനായ” യേശു​ക്രി​സ്‌തു പ്രകട​മാ​ക്കി. (യോഹ​ന്നാൻ 10:11; 21:15-17) ‘ദൈവ​ത്തി​ന്റെ സഭയെ മേയി​ക്കാൻ’ ക്രിസ്‌തീയ മേൽവി​ചാ​ര​കൻമാ​രെ യഥാവി​ധി അധികാ​ര​പ്പെ​ടു​ത്തി​യി​രി​ക്ക​യാണ്‌. (പ്രവൃ​ത്തി​കൾ 20:28) ആത്മീയ ഇടയൻമാ​രെ​ന്ന​നി​ല​യി​ലുള്ള അവരുടെ വേല ഒരു നല്ല അക്ഷരീയ ആട്ടിട​യന്റെ ഗുണങ്ങൾ—ധൈര്യം, ഉത്സാഹം, പ്രത്യു​ത്‌പ​ന്ന​മ​തി​ത്വം എന്നിവ​യും മുഖ്യ​മാ​യി ആടുക​ളു​ടെ ക്ഷേമ​ത്തെ​ക്കു​റി​ച്ചുള്ള ഹൃദയം​ഗ​മ​മായ വിചാ​ര​വും—ആവശ്യ​മാ​ക്കി​ത്തീർക്കു​ന്നു.

ദൈവ​ത്തി​ന്റെ പ്രവാ​ച​ക​നായ യെഹെ​സ്‌കേ​ലി​ന്റെ നാളു​ക​ളിൽ ഇസ്ര​യേ​ലി​ലെ യഹോ​വ​യു​ടെ ജനത്തിന്റെ ആവശ്യങ്ങൾ നിറ​വേ​റ​റു​ന്ന​തി​നു നിയമി​ക്ക​പ്പെട്ട ഇടയൻമാ​രിൽ ഭൂരി​പ​ക്ഷ​വും തങ്ങളുടെ കർത്തവ്യം നിർവ​ഹി​ക്കു​ന്ന​തിൽ പരാജ​യ​പ്പെട്ടു. ദൈവ​ത്തി​ന്റെ ആട്ടിൻകൂ​ട്ടം കഠിന​മാ​യി കഷ്ടപ്പെട്ടു, അനേകർ സത്യാ​രാ​ധന ഉപേക്ഷി​ച്ചു​പോ​യി. (യെഹെ​സ്‌കേൽ 34:1-10) ഇന്ന്‌, ക്രൈ​സ്‌ത​വ​ലോ​ക​ത്തി​ലെ വൈദി​കർ ക്രിസ്‌തീയ സഭയെ​ന്ന​വ​കാ​ശ​പ്പെ​ടു​ന്ന​തി​ലെ ഇടയൻമാ​രാ​യി സ്വയം ചിത്രീ​ക​രി​ക്കു​ന്നു, എന്നാൽ, അവർ യേശു ഭൂമി​യി​ലാ​യി​രു​ന്ന​പ്പോൾ ജനങ്ങളെ അവഗണി​ക്കു​ക​യും ദ്രോ​ഹി​ക്കു​ക​യും ചെയ്‌ത ദുഷ്ടരായ കപടനാ​ട്യ​ക്കാ​രെ​പ്പോ​ലെ​യാ​ണെന്ന്‌ അതിന്റെ ആത്മീയ രോഗാ​വസ്ഥ തെളി​യി​ക്കു​ന്നു. ക്രൈ​സ്‌ത​വ​ലോ​ക​ത്തി​ലെ മതനേ​താ​ക്കൾ “ആടുക​ളെ​ക്കു​റി​ച്ചു വിചാ​ര​മി​ല്ലാത്ത” “കൂലി​ക്കാ​രെ”പ്പോ​ലെ​യാണ്‌. (യോഹ​ന്നാൻ 10:12, 13) ദൈവ​ത്തി​ന്റെ ആട്ടിൻകൂ​ട്ടത്തെ മേയി​ക്കാൻ അവർ ഒരു തരത്തി​ലും മനസ്സൊ​രു​ക്ക​മു​ള്ള​വ​രോ, പ്രാപ്‌ത​രോ, യോഗ്യ​രോ അല്ല.

യഥാർഥ​മാ​യി കരുതുന്ന ഇടയൻമാർ

യഹോ​വ​യു​ടെ ആട്ടിൻകൂ​ട്ടത്തെ മേയി​ക്കുന്ന സകലർക്കും​വേണ്ടി യേശു പൂർണ​ത​യുള്ള ദൃഷ്ടാന്തം വെച്ചു. അവിടുന്ന്‌ എല്ലാ വിധങ്ങ​ളി​ലും തന്റെ ശിഷ്യൻമാ​രോ​ടു സ്‌നേ​ഹ​വും ദയയും കരുണാർദ്ര​ത​യും സഹായി​ക്കാ​നുള്ള സന്നദ്ധത​യും ഉള്ളവൻ ആയിരു​ന്നു. അവിടു​ന്നു സഹായ​മാ​വ​ശ്യ​മു​ള്ള​വരെ തിരഞ്ഞു​ക​ണ്ടു​പി​ടി​ക്കു​ന്ന​തി​നു മുൻ​കൈ​യെ​ടു​ത്തു. യേശു തിരക്കു​ള്ള​വ​നും പലപ്പോ​ഴും ക്ഷീണി​ത​നും ആയിരു​ന്നി​ട്ടും അവരുടെ പ്രശ്‌നങ്ങൾ കേൾക്കു​ന്ന​തി​നും അവർക്കു പ്രോ​ത്സാ​ഹനം നൽകു​ന്ന​തി​നും എല്ലായ്‌പോ​ഴും സമയ​മെ​ടു​ത്തു. അവർക്കു​വേണ്ടി തന്റെ ജീവനെ വെച്ചു​കൊ​ടു​ക്കാ​നുള്ള അവിടു​ത്തെ സന്നദ്ധത സ്‌നേ​ഹ​ത്തി​ന്റെ പരമമായ പ്രകട​ന​മാ​യി​രു​ന്നു.—യോഹ​ന്നാൻ 15:13.

ഇന്ന്‌, നിയമി​ത​രായ എല്ലാ സഭാമൂ​പ്പൻമാ​രും അതു​പോ​ലെ​തന്നെ ശുശ്രൂ​ഷാ​ദാ​സൻമാ​രും ആട്ടിൻകൂ​ട്ട​ത്തോ​ടുള്ള ഈ ഉത്തരവാ​ദി​ത്വ​ത്തിൽ പങ്കുപ​റ​റു​ന്നു. അതിനാൽ, സഭയെ വേണ്ടത്ര സഹായ​വും മേൽനോ​ട്ട​വും ഇല്ലാത്ത​താ​യി വിട്ടിട്ടു മറെറാ​രു രാജ്യ​ത്തേക്കു മാറാൻ സാമ്പത്തിക പ്രയോ​ജ​ന​ങ്ങ​ളു​ടെ സാധ്യ​ത​പോ​ലും ഈ ഉത്തരവാ​ദി​ത്വ​മുള്ള പുരു​ഷൻമാ​രിൽ അധിക പങ്കി​നെ​യും പ്രേരി​പ്പി​ക്കു​ന്നില്ല. “ഇടപെ​ടാൻ പ്രയാ​സ​മായ” കാലങ്ങ​ളിൽ ജീവി​ക്കു​ന്ന​തി​നാൽ ആട്ടിൻകൂ​ട്ട​ത്തി​നു പ്രോ​ത്സാ​ഹ​ന​ത്തി​ന്റെ​യും മാർഗ​നിർദേ​ശ​ത്തി​ന്റെ​യും ആവശ്യ​മുണ്ട്‌. (2 തിമോ​ഥെ​യോസ്‌ 3:1-5, NW) ചിലർ, ‘ആരെ വിഴു​ങ്ങേണ്ടു എന്നു​വെച്ച്‌ തിരഞ്ഞു​ന​ട​ക്കുന്ന അലറു​ന്ന​സിം​ഹ​ത്തെ​പ്പോ​ലെ’ ആയിരി​ക്കുന്ന സാത്താന്റെ ഇരയാ​കു​ന്ന​തി​ന്റെ എപ്പോ​ഴു​മുള്ള അപകട​മുണ്ട്‌. (1 പത്രൊസ്‌ 5:8) മുമ്പെ​ന്ന​ത്തേ​ക്കാ​ളും അധിക​മാ​യി ഇപ്പോൾ, ക്രിസ്‌തീയ ഇടയൻമാർ “ക്രമം​കെ​ട്ട​വരെ ബുദ്ധി​യു​പ​ദേശി”ക്കുകയും “ഉൾക്കരു​ത്തി​ല്ലാ​ത്ത​വരെ ധൈര്യ​പ്പെ​ടു​ത്തു”കയും “ബലഹീ​നരെ താങ്ങുക”യും ചെയ്യേ​ണ്ടത്‌ അത്യന്താ​പേ​ക്ഷി​ത​മാണ്‌. (1 തെസ്സ​ലൊ​നീ​ക്യർ 5:14) സ്ഥിരത​യി​ല്ലാ​ത്തവർ ആട്ടിൻകൂ​ട്ട​ത്തിൽനി​ന്നു വേർപെ​ട്ടു​പോ​കു​ന്നതു തടയാൻ അവർക്കു കഴിയ​ണ​മെ​ങ്കിൽ നിതാന്ത ജാഗ്രത അത്യാ​വ​ശ്യ​മാണ്‌.—1 തിമൊ​ഥെ​യൊസ്‌ 4:1.

ഒരാടി​നു സഹായം ആവശ്യ​മാ​യി​രി​ക്കു​ന്നത്‌ എപ്പോ​ഴെന്ന്‌ ഇടയൻ എങ്ങനെ അറിയും? ഏറെ വ്യക്തമായ ലക്ഷണങ്ങ​ളിൽ ചിലതു ക്രിസ്‌തീയ യോഗ​ങ്ങ​ളിൽ ഹാജരാ​കു​ന്ന​തി​ലെ പരാജയം, വയൽസേ​വ​ന​ത്തി​ലെ ക്രമര​ഹി​ത​മായ പങ്കെടു​ക്കൽ, മററു​ള്ള​വ​രു​മാ​യുള്ള അടുത്ത സഹവാസം ഒഴിവാ​ക്കാ​നുള്ള ചായ്‌വ്‌ എന്നിവ​യാണ്‌. ആടുക​ളു​ടെ മനോ​ഭാ​വ​വും സംഭാ​ഷ​ണ​ങ്ങ​ളു​ടെ ചായ്‌വും ശ്രദ്ധാ​പൂർവം ഗൗനി​ക്കു​ന്ന​തി​നാ​ലും ബലഹീ​ന​തകൾ തിരി​ച്ച​റി​യാ​വു​ന്ന​താണ്‌. ഒരുപക്ഷേ, നീരസ​ത്തി​ന്റെ തോന്ന​ലു​കൾ സൂചി​പ്പി​ച്ചു​കൊണ്ട്‌ അവർ മററു​ള്ള​വരെ വിമർശി​ക്കാൻ ചായ്‌വു​ള്ള​വ​രാ​യി​രു​ന്നേ​ക്കാം. അവരുടെ സംഭാ​ഷ​ണങ്ങൾ ആത്മീയ ലക്ഷ്യങ്ങൾക്കു പകരം ഭൗതിക വ്യാപാ​ര​ങ്ങ​ളിൽ അമിത​മാ​യി കേന്ദ്രീ​ക​രി​ച്ചേ​ക്കാം. ഉത്സാഹ​ത്തി​ന്റെ​യും ശുഭാ​പ്‌തി​വി​ശ്വാ​സ​ത്തി​ന്റെ​യും സന്തോ​ഷ​ത്തി​ന്റെ​യും ഒരു പൊതു​വായ അഭാവം അവരുടെ വിശ്വാ​സം ദുർബ​ല​മാ​യെന്ന്‌ അർഥമാ​ക്കി​യേ​ക്കാം. വിഷാ​ദ​മുള്ള ഒരു മുഖഭാ​വം, എതിർക്കുന്ന ബന്ധുക്ക​ളാ​ലോ ലൗകി​ക​സു​ഹൃ​ത്തു​ക്ക​ളാ​ലോ അവർ ഞെരു​ക്ക​പ്പെ​ടു​ക​യാ​ണെ​ന്ന​തി​ന്റെ ലക്ഷണമാ​യി​രി​ക്കാ​വു​ന്ന​താണ്‌. ഈ ലക്ഷണങ്ങൾ ശ്രദ്ധി​ച്ചു​കൊണ്ട്‌, ഏതുതരം സഹായ​മാണ്‌ ആവശ്യ​മാ​യി​രി​ക്കു​ന്ന​തെന്നു തീരു​മാ​നി​ക്കാൻ ഇടയനു ശ്രമി​ക്കാ​വു​ന്ന​താണ്‌.

ഒരു സഹവി​ശ്വാ​സി​യെ സഹായി​ക്കാൻ സന്ദർശി​ക്കു​മ്പോൾ, ക്രിസ്‌തീയ ഇടയൻമാർ തങ്ങളുടെ മുഖ്യ ഉദ്ദേശ്യം മനസ്സിൽ പിടി​ക്കേ​ണ്ട​തുണ്ട്‌. അതു കേവലം നിസ്സാ​ര​കാ​ര്യ​ങ്ങ​ളെ​ക്കു​റി​ച്ചു സംഭാ​ഷ​ണങ്ങൾ നടത്തു​ന്ന​തി​നുള്ള ഒരു സാമൂ​ഹിക സന്ദർശ​നമല്ല. തന്റെ സഹോ​ദ​രൻമാ​രെ സന്ദർശി​ക്കു​ന്ന​തി​ലെ അപ്പോ​സ്‌ത​ല​നായ പൗലോ​സി​ന്റെ ലക്ഷ്യം ‘അവർ ഉറപ്പു​ള്ള​വ​രാ​യി​ത്തീ​രേ​ണ്ട​തിന്‌ അല്‌പം ആത്മീയ ദാനം നൽകു​ക​യും ഒരു പ്രോ​ത്സാ​ഹ​ന​ക്കൈ​മാ​ററം ഉണ്ടായി​രി​ക്കു​ക​യും ചെയ്യുക’ എന്നതാ​യി​രു​ന്നു. (റോമർ 1:11, 12, NW) ഇതു നിർവ​ഹി​ക്കു​ന്ന​തി​നു മുൻകൂ​ട്ടി​യുള്ള തയ്യാറാ​കൽ ആവശ്യ​മാണ്‌.

ഒന്നാമ​താ​യി, വ്യക്തിയെ വിശക​ലനം ചെയ്യുക, എന്നിട്ട്‌ അദ്ദേഹ​ത്തി​ന്റെ ആത്മീയ അവസ്ഥ എന്താ​ണെന്നു നിശ്ചയ​പ്പെ​ടു​ത്തുക. അത്‌ ഉറപ്പാ​ക്കിയ ഏതുതരം മാർഗ​നിർദേ​ശ​മോ പ്രോ​ത്സാ​ഹ​ന​മോ ബുദ്ധ്യു​പ​ദേ​ശ​മോ ആയിരി​ക്കും ഏററവും പ്രയോ​ജ​ന​പ്രദം എന്നതി​നെ​പ്പ​ററി അൽപ്പം ചിന്തി​ക്കുക. ദൈവ​വ​ച​ന​മായ ബൈബി​ളാ​യി​രി​ക്കണം വിവര​ങ്ങ​ളു​ടെ മുഖ്യ ഉറവിടം, കാരണം അതു “ശക്തി ചെലു​ത്തു​ന്നു.” (എബ്രായർ 4:12, NW) പ്രത്യേക പ്രശ്‌നങ്ങൾ നേരി​ടുന്ന ആടുക​ളു​ടെ പ്രത്യേക ആവശ്യങ്ങൾ കൈകാ​ര്യം ചെയ്യുന്ന ലേഖന​ങ്ങൾക്കു​വേണ്ടി വീക്ഷാ​ഗോ​പു​ര​വും ഉണരുക!യും പരി​ശോ​ധി​ക്കാ​വു​ന്ന​താണ്‌. ആഹ്ലാദ​ദാ​യ​ക​വും ഉൻമേഷം നൽകു​ന്ന​തും ആയ അനുഭ​വങ്ങൾ യഹോ​വ​യു​ടെ സാക്ഷി​ക​ളു​ടെ വാർഷി​ക​പ്പു​സ്‌ത​ക​ത്തിൽ കണ്ടെത്താ​വു​ന്ന​താണ്‌. ‘വ്യക്തിയെ കെട്ടു​പണി ചെയ്യു​ന്ന​തി​നു നല്ലതാ​യി​രി​ക്കുന്ന’ ആത്മീയ​മായ എന്തെങ്കി​ലും പ്രദാ​നം​ചെ​യ്യുക എന്നതാണു ലക്ഷ്യം.—റോമർ 15:2, NW.

കെട്ടു​പ​ണി​ചെ​യ്യുന്ന മേയിക്കൽ

അക്ഷരീയ ആടുക​ളു​ടെ ഒരു ഇടയന്‌ അവ സംരക്ഷ​ണ​ത്തി​നും പരിപാ​ല​ന​ത്തി​നും വേണ്ടി തന്നെ ആശ്രയി​ക്കു​ന്നു എന്നറി​യാം. ഏററവും സാധാ​ര​ണ​മായ ആപത്തുകൾ വരുന്നതു വഴി​തെ​റ​റി​പ്പോ​കൽ, രോഗം, ക്ഷീണം, പരിക്ക്‌, ഇരപി​ടി​യൻമാർ എന്നിവ​യി​ലൂ​ടെ​യാണ്‌. അതു​പോ​ലെ, ആട്ടിൻകൂ​ട്ട​ത്തി​ന്റെ ക്ഷേമത്തെ ഭീഷണി​പ്പെ​ടു​ത്തുന്ന സമാന​മായ ആപത്തു​കളെ ആത്മീയ ഇടയൻ തിരി​ച്ച​റി​യു​ക​യും കൈകാ​ര്യം ചെയ്യു​ക​യും വേണം. പിൻവ​രു​ന്നവ ചില സാധാരണ പ്രശ്‌ന​ങ്ങ​ളും ആത്മീയ​മാ​യി കെട്ടു​പ​ണി​ചെ​യ്യുന്ന വിവരങ്ങൾ പ്രദാനം ചെയ്യു​ന്ന​തിന്‌ എന്തു പറയാൻ കഴിയും എന്നതു സംബന്ധിച്ച ഏതാനും നിർദേ​ശ​ങ്ങ​ളും ആണ്‌.

(1) കരുത​ലി​ല്ലാത്ത ആടുക​ളെ​പ്പോ​ലെ, ചില ക്രിസ്‌ത്യാ​നി​കൾ ദൈവ​ത്തി​ന്റെ ആട്ടിൻകൂ​ട്ട​ത്തിൽനി​ന്നു വഴി​തെ​റ​റി​പ്പോ​കു​ന്നു, എന്തു​കൊ​ണ്ടെ​ന്നാൽ അവർ നിർദോ​ഷ​മെ​ന്നും സുഖദാ​യ​ക​മെ​ന്നും തോന്നി​ക്കുന്ന പ്രലോ​ഭ​ന​ങ്ങ​ളാൽ വശീക​രി​ക്ക​പ്പെ​ടു​ന്നു. ഭൗതി​ക​ത്വ​ത്തോ​ടോ, കളിക​ളോ​ടോ, വിനോ​ദ​ങ്ങ​ളോ​ടോ ബന്ധപ്പെട്ട ലക്ഷ്യങ്ങൾ പിന്തു​ട​രു​ന്ന​തി​നാൽ അവർ വ്യതി​ച​ലി​പ്പി​ക്കു​ക​യോ ഒഴുകി​പ്പോ​കുക പോലു​മോ ചെയ്‌തേ​ക്കാം. (എബ്രായർ 2:1) ഇത്തരം വ്യക്തി​കളെ കാലങ്ങ​ളു​ടെ അടിയ​ന്തി​ര​തയെ സംബന്ധി​ച്ചും യഹോ​വ​യു​ടെ സ്ഥാപന​ത്തോട്‌ അടുത്തു​നിൽക്കേ​ണ്ട​തി​ന്റെ ആവശ്യം സംബന്ധി​ച്ചും രാജ്യ​താ​ത്‌പ​ര്യ​ങ്ങൾ ജീവി​ത​ത്തിൽ ഒന്നാമതു വെക്കു​ന്ന​തി​ന്റെ പ്രാധാ​ന്യം സംബന്ധി​ച്ചും ഓർമി​പ്പി​ക്കാ​വു​ന്ന​താണ്‌. (മത്തായി 6:25-33; ലൂക്കൊസ്‌ 21:34-36; 1 തിമൊ​ഥെ​യൊസ്‌ 6:8-10) സഹായ​ക​ര​മായ ബുദ്ധ്യു​പ​ദേശം 1984 മേയ്‌ 15-ലെ ദ വാച്ച്‌ടവർ പേജ്‌ 8-11-ൽ “നിങ്ങളു​ടെ സമനില കാത്തു​കൊൾക—എങ്ങനെ?” എന്ന ലേഖന​ത്തിൽ കാണ​പ്പെ​ടു​ന്നു.

(2) രോഗ​ത്തി​നി​ര​യാ​കുന്ന ആടിന്‌ ഇടയൻ ചികിത്സ നൽകേ​ണ്ട​തുണ്ട്‌. സമാന​മാ​യി, തങ്ങളെ നിരു​ത്സാ​ഹ​പ്പെ​ടു​ത്തുന്ന ജീവിത ഘടകങ്ങ​ളാൽ ആത്മീയ​മാ​യി രോഗി​യാ​യി​ത്തീ​രുന്ന ക്രിസ്‌ത്യാ​നി​കളെ ആത്മീയ ഇടയൻമാർ സഹായി​ക്കേ​ണ്ട​താണ്‌. (യാക്കോബ്‌ 5:14, 15) അവർക്കു തൊഴി​ലി​ല്ലാ​യി​രി​ക്കാം, ഗുരു​ത​ര​മായ ആരോ​ഗ്യ​പ്ര​ശ്‌ന​മു​ണ്ടാ​യി​രി​ക്കാം, അതുമ​ല്ലെ​ങ്കിൽ അവർ തങ്ങളുടെ കുടും​ബ​ജീ​വി​ത​ത്തിൽ ബുദ്ധി​മു​ട്ടു​കൾ അനുഭ​വി​ക്കു​ന്നു​ണ്ടാ​യി​രി​ക്കാം. അത്തരം ആളുകൾക്ക്‌ ആത്മീയാ​ഹാ​ര​ത്തി​ലോ ദൈവ​ജ​ന​ത്തോ​ടു സഹവസി​ക്കു​ന്ന​തി​ലോ തീരെ താത്‌പ​ര്യ​മി​ല്ലാ​യി​രി​ക്കാം. ഇതു ക്രമത്തിൽ, ഒററ​പ്പെ​ടു​ന്ന​തി​ലും നിരു​ത്സാ​ഹി​ത​രാ​കു​ന്ന​തി​ലും കലാശി​ക്കു​ന്നു. യഹോവ തങ്ങളെ കരുതു​ന്നു​വെ​ന്നും കഷ്ടകാ​ല​ങ്ങ​ളിൽ തങ്ങളെ താങ്ങു​മെ​ന്നും അവർക്ക്‌ ഉറപ്പു ലഭി​ക്കേ​ണ്ട​തുണ്ട്‌. (സങ്കീർത്തനം 55:22; മത്തായി 18:12-14; 2 കൊരി​ന്ത്യർ 4:16-18; 1 പത്രൊസ്‌ 1:6, 7; 5:6, 7) ആയിര​ത്തി​ത്തൊ​ള്ളാ​യി​ര​ത്തി​യെ​മ്പതു ജൂൺ 1-ലെ ദ വാച്ച്‌ട​വ​റ​ലെ 12-15 പേജു​ക​ളിൽ കാണ​പ്പെ​ടുന്ന “ഒരു ക്രിസ്‌ത്യാ​നി​യെ​ന്ന​നി​ല​യിൽ നേരെ മുമ്പോ​ട്ടു നോക്കുക” എന്ന ലേഖനം പരിചി​ന്തി​ക്കു​ന്ന​തും സഹായ​ക​മാ​യി​രി​ക്കും.

(3) മടുത്തു​പോ​കുന്ന ആടുകളെ ഇടയൻ അന്വേ​ഷി​ക്കേ​ണ്ട​തുണ്ട്‌. ചിലർ അനേക വർഷങ്ങ​ളാ​യി യഹോ​വ​യു​ടെ സേവന​ത്തിൽ വിശ്വ​സ്‌ത​മാ​യി സഹിച്ചു​നി​ന്നി​ട്ടുണ്ട്‌. അവർ നിരവധി പരീക്ഷ​ക​ളി​ലൂ​ടെ​യും പീഡാ​നു​ഭ​വ​ങ്ങ​ളി​ലൂ​ടെ​യും മല്ലടിച്ചു മുന്നേ​റി​യി​ട്ടുണ്ട്‌. ഇപ്പോൾ അവർ നന്നായി ചെയ്യു​ന്ന​തിൽ മടുത്തു​പോ​കു​ന്ന​തി​ന്റെ ലക്ഷണങ്ങൾ കാട്ടുന്നു, തീവ്ര​മായ പ്രസം​ഗ​പ്ര​വർത്ത​ന​ത്തി​ന്റെ ആവശ്യ​മു​ണ്ടോ എന്നതി​നെ​ക്കു​റിച്ച്‌ അവർ സംശയങ്ങൾ പ്രകട​മാ​ക്കു​ക​പോ​ലും ചെയ്‌തേ​ക്കാം. യേശു​ക്രി​സ്‌തു​വി​നെ അനുക​രിച്ച്‌, ദൈവ​ത്തി​നുള്ള മുഴു​ഹൃ​ദയ-സേവന​ത്തിൽനി​ന്നു വരുന്ന സന്തോ​ഷ​ങ്ങ​ളോ​ടും അനു​ഗ്ര​ഹ​ങ്ങ​ളോ​ടും ഉള്ള അവരുടെ വിലമ​തി​പ്പു പുതു​ക്കി​ക്കൊണ്ട്‌ അവരുടെ ആവേശത്തെ സജീവ​മാ​ക്കേ​ണ്ടത്‌ ആവശ്യ​മാണ്‌. (ഗലാത്യർ 6:9, 10; എബ്രായർ 12:1-3) അവരുടെ വിശ്വസ്‌ത സേവനത്തെ യഹോവ വിലമ​തി​ക്കു​ന്നു​ണ്ടെന്നു മനസ്സി​ലാ​ക്കാൻ ഒരുപക്ഷേ അവരെ സഹായി​ക്കാൻ കഴിയും, അവിടു​ത്തെ സ്‌തു​തി​ക്കാ​യി ഭാവി​പ്ര​വർത്ത​ന​ങ്ങൾക്ക്‌ അവരെ ബലപ്പെ​ടു​ത്താ​നും കഴിയും. (യെശയ്യാ​വു 40:29, 30; എബ്രായർ 6:10-12) ആയിര​ത്തി​ത്തൊ​ള്ളാ​യി​ര​ത്തി​യെ​മ്പത്തി​യെട്ട്‌ ജൂലൈ 15-ലെ ദ വാച്ച്‌ട​വ​റൽ 9-14 പേജു​ക​ളിൽ ഉള്ള “നൻമ​ചെ​യ്യു​ന്ന​തിൽ മടുത്തു​പോ​ക​രുത്‌” എന്ന ലേഖന​ത്തിൽനി​ന്നുള്ള ആശയങ്ങൾ പങ്കു​വെ​ക്കു​ന്നതു പ്രയോ​ജ​ന​ക​ര​മാ​യി​രി​ക്കാം.

(4) പരി​ക്കേൽക്കുന്ന ആടുക​ളെ​പ്പോ​ലെ, ചില ക്രിസ്‌ത്യാ​നി​കൾ അസഭ്യ​മെന്നു തങ്ങൾ വിചാ​രി​ക്കുന്ന നടത്തയാൽ വ്രണി​ത​രാ​യി​ട്ടുണ്ട്‌. എന്നിരു​ന്നാ​ലും നാം മററു​ള്ള​വ​രോ​ടു ക്ഷമിക്കു​ന്ന​വ​രാ​ണെ​ങ്കിൽ നമ്മുടെ സ്വർഗീയ പിതാവു നമുക്കാ​വ​ശ്യ​മായ ക്ഷമ നൽകും. (കൊ​ലൊ​സ്സ്യർ 3:12-14; 1 പത്രൊസ്‌ 4:8) ചില സഹോ​ദ​രൻമാർക്കോ സഹോ​ദ​രി​മാർക്കോ ബുദ്ധ്യു​പ​ദേ​ശ​മോ ശിക്ഷണ​മോ ലഭിച്ചി​ട്ടു​ണ്ടാ​യി​രി​ക്കാം, അവ അനീതി​യാ​യി​പ്പോ​യെന്ന്‌ അവർക്കു തോന്നാം. എന്നിരു​ന്നാ​ലും ആത്മീയ ബുദ്ധ്യു​പ​ദേ​ശ​ത്തിൽനി​ന്നും ശിക്ഷണ​ത്തിൽനി​ന്നും നമു​ക്കെ​ല്ലാം പ്രയോ​ജനം അനുഭ​വി​ക്കാൻ കഴിയും, കൂടാതെ, താൻ സ്‌നേ​ഹി​ക്കു​ന്ന​വർക്കു യഹോവ ശിക്ഷണം നൽകു​ന്നു​വെ​ന്ന​റി​യു​ന്നത്‌ ആശ്വാ​സ​ക​ര​വു​മാണ്‌. (എബ്രായർ 12:4-11) തങ്ങൾക്കു യോഗ്യ​ത​യു​ണ്ടെന്നു സ്വയം കരുതുന്ന സേവന​പ​ദ​വി​കൾ തങ്ങൾക്കു നൽകാ​ത്ത​തി​നാൽ ചിലർ തങ്ങൾക്കും സഭയ്‌ക്കും ഇടയിൽ ഒരു വിടവു സൃഷ്ടി​ക്കാൻ നീരസത്തെ അനുവ​ദി​ച്ചി​ട്ടുണ്ട്‌. എന്നാൽ നാം യഹോ​വ​യു​ടെ സ്ഥാപന​ത്തിൽനിന്ന്‌ അകന്നു​മാ​റു​ന്നെ​ങ്കിൽ രക്ഷയ്‌ക്കും യഥാർഥ സന്തോ​ഷ​ത്തി​നും​വേണ്ടി പോകാൻ മറെറാ​രി​ട​മു​ണ്ടാ​യി​രി​ക്കില്ല. (യോഹ​ന്നാൻ 6:66-69 താരത​മ്യം ചെയ്യുക.) ഇതി​നോ​ടു ചേർച്ച​യി​ലുള്ള സഹായ​ക​ര​മായ വിവരങ്ങൾ 1988 ആഗസ്‌ററ്‌ 15-ലെ ദ വാച്ച്‌ട​വ​റൽ 28-30 പേജു​ക​ളിൽ ഉള്ള “നമ്മുടെ ക്രിസ്‌തീയ ഏകത നിലനിർത്തൽ” എന്ന ലേഖന​ത്തിൽ കാണാ​വു​ന്ന​താണ്‌.

(5) ഇരപി​ടി​യൻമാ​രിൽനിന്ന്‌ ആടുകളെ സംരക്ഷി​ക്കേ​ണ്ട​താണ്‌. ഇതി​നോ​ടു താരത​മ്യ​പ്പെ​ടു​ത്താ​വുന്ന വിധത്തിൽ ചിലരെ അവിശ്വാ​സി​ക​ളായ ബന്ധുക്ക​ളോ സഹപ്ര​വർത്ത​ക​രോ എതിർക്കു​ക​യോ പേടി​പ്പെ​ടു​ത്തു​ക​യോ ചെയ്‌തേ​ക്കാം. ദൈവ​ത്തി​നുള്ള തങ്ങളുടെ സേവനം വെട്ടി​ക്കു​റ​യ്‌ക്കാ​നോ ക്രിസ്‌തീയ ശുശ്രൂ​ഷ​യിൽ ഒരു പങ്കുണ്ടാ​യി​രി​ക്കു​ന്നതു നിർത്താ​നോ ഉള്ള സമ്മർദം ഉണ്ടാകു​മ്പോൾ അവരുടെ നിർമലത ആക്രമ​ണ​വി​ധേ​യ​മാ​യേ​ക്കാം. എന്നിരു​ന്നാ​ലും, എതിർപ്പു പ്രതീ​ക്ഷി​ക്കേ​ണ്ട​താ​ണെ​ന്നും അതു വാസ്‌ത​വ​ത്തിൽ നാം യേശു​ക്രി​സ്‌തു​വി​ന്റെ യഥാർഥ ശിഷ്യൻമാ​രാ​ണെ​ന്ന​തി​ന്റെ തെളി​വു​ക​ളിൽ ഒന്നാ​ണെ​ന്നും തിരി​ച്ച​റി​യാൻ അവരെ സഹായി​ക്കു​മ്പോൾ അവർ ശക്തീക​രി​ക്ക​പ്പെ​ടു​ന്നു. (മത്തായി 5:11, 12; 10:32-39; 24:9; 2 തിമൊ​ഥെ​യൊസ്‌ 3:12) അവർ വിശ്വ​സ്‌ത​രാ​ണെ​ങ്കിൽ യഹോവ അവരെ ഒരിക്ക​ലും ഉപേക്ഷി​ക്കു​ക​യി​ല്ലെ​ന്നും അവരുടെ സഹിഷ്‌ണു​തക്കു പ്രതി​ഫലം നൽകു​മെ​ന്നും ചൂണ്ടി​ക്കാ​ട്ടു​ന്നതു പ്രയോ​ജ​ന​പ്ര​ദ​മാ​യി​രി​ക്കാം. (2 കൊരി​ന്ത്യർ 4:7-9; യാക്കോബ്‌ 1:2-4, 12; 1 പത്രൊസ്‌ 5:8-10) “പീഡനം ഗണ്യമാ​ക്കാ​തെ സന്തോ​ഷ​പൂർവ്വം സഹിച്ചു​നിൽക്കുക” എന്ന തലക്കെ​ട്ടുള്ള, 1986 ഫെബ്രു​വരി 1-ലെ വീക്ഷാ​ഗോ​പു​രം പേജ്‌ 8-13-ലെ ലേഖനം കൂടു​ത​ലായ പ്രോ​ത്സാ​ഹനം നൽകുന്നു.

ഇടയൻമാ​രേ—നിങ്ങളു​ടെ ഉത്തരവാ​ദി​ത്വ​ങ്ങൾ നിറ​വേ​റ​റു​ക

ദൈവ​ത്തി​ന്റെ ആട്ടിൻകൂ​ട്ട​ത്തി​ന്റെ ആവശ്യങ്ങൾ അനവധി​യാണ്‌, ശരിയായ പരിപാ​ലനം വളരെ​യ​ധി​കം ശ്രമം ആവശ്യ​മുള്ള ഒരു ജോലി​യാണ്‌. അതു​കൊണ്ട്‌, ക്രിസ്‌തീയ ഇടയൻമാർ അനുക​മ്പ​യു​ള്ള​വ​രും യഥാർഥ ചിന്തയു​ള്ള​വ​രും സഹായി​ക്കു​ന്ന​തിൽ താത്‌പ​ര്യ​മു​ള്ള​വ​രും ആയിരി​ക്കണം. ക്ഷമയും വിവേ​ച​ന​യും പ്രധാ​ന​മാണ്‌. ചില വ്യക്തി​കൾക്കു ബുദ്ധ്യു​പ​ദേ​ശ​വും ശാസന​യും ആവശ്യ​മാ​യി​രി​ക്കു​മ്പോൾ മററു​ചി​ലർ പ്രോ​ത്സാ​ഹ​ന​ത്തിൽനി​ന്നാ​യി​രി​ക്കും ഏററവും കൂടുതൽ പ്രയോ​ജനം അനുഭ​വി​ക്കു​ന്നത്‌. ചിലരു​ടെ കാര്യ​ത്തിൽ വ്യക്തി​പ​ര​മായ ഏതാനും സന്ദർശ​നങ്ങൾ മതിയാ​യേ​ക്കും, എന്നാൽ മററു ചിലരു​ടെ കാര്യ​ത്തിൽ ഒരു നിരന്തര ബൈബി​ള​ധ്യ​യനം ആവശ്യ​മാ​യി​രി​ക്കാം. ആരുടെ കാര്യ​ത്തി​ലാ​യാ​ലും മുഖ്യ ലക്ഷ്യം നല്ല പഠനശീ​ല​ങ്ങൾക്കു തുടക്ക​മി​ടാ​നും സഭാ​യോ​ഗ​ങ്ങൾക്കു ഹാജരാ​കു​ന്ന​തിൽ ക്രമമു​ള്ള​വ​രാ​യി​ത്തീ​രു​ക​യോ ക്രമം തുടരു​ക​യോ ചെയ്യാ​നും ക്രിസ്‌തീയ ശുശ്രൂ​ഷ​യിൽ സജീവ​മായ പങ്കുപ​ററൽ ആസ്വദി​ക്കാ​നും വ്യക്തിയെ പ്രേരി​പ്പി​ക്കുന്ന, കെട്ടു​പണി ചെയ്യുന്ന മാർഗ​നിർദേശം അല്ലെങ്കിൽ സ്‌നേ​ഹ​നിർഭ​ര​മായ ബുദ്ധ്യു​പ​ദേശം നൽകുക എന്നതാണ്‌. ഇവയാണു സഹവി​ശ്വാ​സി​കളെ തുണയ്‌ക്കു​ന്ന​തി​നും യഹോ​വ​യു​ടെ പരിശു​ദ്ധാ​ത്മാ​വി​ന്റെ സ്വത​ന്ത്ര​മായ ഒഴുക്കി​നു വഴി​യൊ​രു​ക്കാൻ അവരെ സഹായി​ക്കു​ന്ന​തി​നു​മുള്ള പ്രധാന മാർഗങ്ങൾ.

അത്തരം പിന്തുണ നൽകുന്ന ഇടയൻമാർ ദൈവ​ത്തി​ന്റെ ആട്ടിൻകൂ​ട്ട​ത്തി​നു​വേണ്ടി ഏററവും അമൂല്യ​മായ സേവന​മാണ്‌ അർപ്പി​ക്കു​ന്നത്‌. (ആയിര​ത്തി​ത്തൊ​ള്ളാ​യി​ര​ത്തെ​മ്പ​ത്തഞ്ചു നവംബർ 15-ലെ ദ വാച്ച്‌ടവർ പേജ്‌ 23-7 കാണുക.) ആത്മീയ ഇടയൻമാർ ചെയ്യു​ന്ന​തി​നെ ആട്ടിൻകൂ​ട്ടം വളരെ​യ​ധി​കം വിലമ​തി​ക്കു​ന്നു. ഇത്തരം സഹായം ലഭിച്ച​തി​നു​ശേഷം ഒരു കുടും​ബ​നാ​ഥൻ ഇങ്ങനെ പ്രസ്‌താ​വി​ച്ചു: ‘22 വർഷം സത്യത്തി​ലാ​യി​രു​ന്ന​ശേഷം ഭൗതി​ക​ത്വ​ത്താൽ ഞങ്ങൾ ലോക​ത്തി​ലേക്കു വലി​ച്ചെ​ടു​ക്ക​പ്പെട്ടു. പലപ്പോ​ഴും ഞങ്ങൾക്കു യോഗ​ങ്ങൾക്കു വരണ​മെ​ന്നു​ണ്ടാ​യി​രു​ന്നു. എന്നാൽ ഞങ്ങൾക്ക്‌ അതു കേവലം സാധ്യ​മ​ല്ലെന്നു തോന്നി. ഞങ്ങൾ യഥാർഥ​ത്തിൽ സാത്താന്റെ വ്യവസ്ഥി​തി​യോട്‌ ഇഴുകി​ച്ചേർന്നില്ല, അതു​കൊ​ണ്ടു ഞങ്ങൾ തീർത്തും ബന്ധമറ​റ​വ​രും ഒററ​പ്പെ​ട്ട​വ​രും ആയിരു​ന്നു. ഇതു ഞങ്ങളെ നിരാ​ശി​ത​രും വിഷണ്ണ​രു​മാ​ക്കി. ഞങ്ങൾക്കു പ്രോ​ത്സാ​ഹ​ന​വാ​ക്കു​കൾ ആവശ്യ​മാ​യി​രു​ന്നു. ഒരു മൂപ്പൻ ഞങ്ങളെ സന്ദർശി​ച്ച​പ്പോൾ, ഭവനത്തിൽ ഒരു ബൈബി​ള​ധ്യ​യ​ന​ത്തി​നുള്ള ക്രമീ​ക​ര​ണ​ത്തി​നു ഞങ്ങൾ സന്തോ​ഷ​പൂർവം സമ്മതിച്ചു. ഇപ്പോൾ ഞങ്ങളെ​ല്ലാ​വ​രും യഹോ​വ​യു​ടെ സുരക്ഷിത സ്ഥാപന​ത്തിൽ തിരി​ച്ചെ​ത്തി​യി​രി​ക്കു​ക​യാണ്‌. ഞാൻ അനുഭ​വി​ക്കുന്ന സന്തോഷം എനിക്കു പറഞ്ഞറി​യി​ക്കാൻ കഴിയില്ല!’

നമ്മുടെ വഴി​തെ​റ​റി​പ്പോ​യ​തോ നിരു​ത്സാ​ഹി​ത​രോ ആയ സഹോ​ദ​രീ​സ​ഹോ​ദ​രൻമാർ ആത്മീയ​മാ​യി പുതുക്കം പ്രാപി​ക്കു​ക​യും പുനഃ​ക്രി​യ​രാ​കു​ക​യും ചെയ്യു​മ്പോൾ വളരെ​യ​ധി​ക​മായ സന്തോ​ഷ​ത്തി​നുള്ള വകയുണ്ട്‌. (ലൂക്കൊസ്‌ 15:4-7) യഹോ​വ​യ്‌ക്കു തന്റെ ജനത്തെ സംബന്ധി​ച്ചുള്ള ഉദ്ദേശ്യം അവർ “തൊഴു​ത്തി​ലെ ആടുക​ളെ​പ്പോ​ലെ” ഒരുമി​ക്കു​മ്പോൾ സാക്ഷാ​ത്‌ക​രി​ക്ക​പ്പെ​ടു​ന്നു. (മീഖാ 2:12) ഈ സുരക്ഷിത സങ്കേത​ത്തിൽ അവർ യേശു​ക്രി​സ്‌തു​വാ​കുന്ന നല്ല ഇടയന്റെ സഹായ​ത്തോ​ടെ ‘തങ്ങളുടെ ദേഹി​കൾക്ക്‌ ആശ്വാസം കണ്ടെത്തു​ന്നു.’ (മത്തായി 11:28-30) ലോക​വ്യാ​പ​ക​മായ ഏകീകൃത ആട്ടിൻകൂ​ട്ട​ത്തിന്‌ ആത്മീയാ​ഹാ​ര​ത്തി​ന്റെ സമൃദ്ധി​യോ​ടൊ​പ്പം മാർഗ​നിർദേ​ശ​വും ആശ്വാ​സ​വും സംരക്ഷ​ണ​വും കൂടെ ലഭിക്കു​ന്നു.

ഇന്ന്‌, ഈ മേയിക്കൽ പ്രവർത്ത​ന​ത്തി​ലൂ​ടെ യഹോവ തന്റെ പുരാതന വാഗ്‌ദ​ത്ത​ത്തിന്‌ അനു​യോ​ജ്യ​മായ ഒരു വേല ചെയ്യി​ക്കു​ക​യാണ്‌. “ഞാൻ എന്റെ ആടുകളെ അന്വേ​ഷി​ച്ചു . . . അവ ചിതറി​പ്പോയ സകല സ്ഥലങ്ങളിൽനി​ന്നും അവയെ വിടു​വി​ക്കും. . . . നല്ല മേച്ചൽപ്പു​റത്തു ഞാൻ അവയെ മേയി​ക്കും. . . . കാണാ​തെ​പോ​യ​തി​നെ ഞാൻ അന്വേ​ഷി​ക്ക​യും . . . ഒടിഞ്ഞ​തി​നെ മുറി​വു​കെ​ട്ടു​ക​യും ദീനം​പി​ടി​ച്ച​തി​നെ ശക്തീക​രി​ക്ക​യും ചെയ്യും.” (യെഹെ​സ്‌കേൽ 34:11-16) യഹോവ നമ്മുടെ ഇടയനാ​ണെ​ന്ന​റി​യു​ന്നത്‌ എന്തൊ​രാ​ശ്വാ​സ​മാണ്‌!—സങ്കീർത്തനം 23:1-4.

ദൈവ​ത്തി​ന്റെ ആട്ടിൻകൂ​ട്ടത്തെ മേയി​ക്കാ​നുള്ള ദിവ്യ​ക​രു​ത​ലു​കൾ നിമിത്തം, യഹോ​വ​യു​ടെ ദാസൻമാ​രെ​ന്ന​നി​ല​യിൽ നമുക്കു “ഞാൻ സമാധാ​ന​ത്തോ​ടെ കിടന്നു​റ​ങ്ങും; നീയല്ലോ യഹോവേ, എന്നെ നിർഭയം വസിക്കു​മാ​റാ​ക്കു​ന്നതു” എന്നു പറഞ്ഞ ദാവീ​ദി​ന്റെ വികാ​ര​ങ്ങ​ളിൽ പങ്കു​കൊ​ള്ളാം. (സങ്കീർത്തനം 4:8) അതേ, യഹോ​വ​യു​ടെ ജനം അവിടു​ത്തെ സ്‌നേ​ഹ​നിർഭ​ര​മായ സംരക്ഷ​ണ​ത്തിൻകീ​ഴിൽ സുരക്ഷി​ത​ത്വം അനുഭ​വി​ക്കു​ക​യും ക്രിസ്‌തീയ മൂപ്പൻമാർ കുഞ്ഞാ​ടു​കളെ കരുണാ​പൂർവം മേയി​ക്കു​ന്ന​തിൽ നന്ദിയു​ള്ള​വ​രാ​യി​രി​ക്കു​ക​യും ചെയ്യുന്നു.

[20, 21 പേജു​ക​ളി​ലെ ചിത്ര​ത്തിന്‌ കടപ്പാട്‌]

Potter’s Complete Bible Encyclopedia