പയനി​യർസേ​വ​ന​ത്തിൽ തുടർന്നു നിലനിൽക്കു​ക

ഏതാണ്ടു 45,00,000-ത്തോളം യഹോ​വ​യു​ടെ സാക്ഷികൾ ലോക​വി​സ്‌തൃ​ത​മാ​യി സുവാർത്ത പ്രഖ്യാ​പി​ച്ചു​കൊ​ണ്ടി​രി​ക്കു​ക​യാണ്‌. അവരുടെ ഇടയിൽ 6,00,000-ത്തിനു​മേൽ പയനി​യർമാർ അഥവാ മുഴു​സമയ രാജ്യ​പ്ര​ഘോ​ഷകർ ഉണ്ട്‌. പയനി​യർമാ​രു​ടെ ഈ വൻപട​യി​ലു​ള്ളവർ ബാലജ​ന​ങ്ങൾമു​തൽ ജോലി​യിൽനി​ന്നു വിരമിച്ച്‌ തങ്ങളുടെ 90-കളി​ലെ​ത്തി​യ​വർവ​രെ​യാണ്‌. അവർ എല്ലാ പശ്ചാത്ത​ല​ങ്ങ​ളി​ലും ജീവി​ത​ത്തു​റ​ക​ളി​ലും നിന്നു​ള്ള​വ​രാണ്‌.

നിസ്സം​ശ​യ​മാ​യും ഈ മുഴു​സമയ പ്രസം​ഗ​ക​രെ​ല്ലാം പയനിയർ ശുശ്രൂ​ഷ​യിൽ വിജയി​ക്കാൻ ആഗ്രഹി​ക്കു​ന്നു. പലരും അതിനെ തങ്ങളുടെ ആജീവ​നാന്ത ജോലി​യാ​ക്കാൻ അഭില​ഷി​ക്കു​ന്നു. ചില കാരണ​ങ്ങ​ളാൽ അപ്രകാ​രം ചെയ്യാൻ ചിലർ അപ്രാ​പ്‌ത​രാണ്‌. എന്നിരു​ന്നാ​ലും മററു​ചി​ലർക്കു സാമ്പത്തിക വിഷമ​ത​ക​ളും മോശ​മായ ആരോ​ഗ്യ​വും നിരു​ത്സാ​ഹ​വും മററു​ചില പ്രശ്‌ന​ങ്ങ​ളും ഉണ്ടായി​രു​ന്നി​ട്ടും പയനി​യ​റിംഗ്‌ തുടരാൻ കഴിഞ്ഞി​ട്ടുണ്ട്‌. അതു​കൊണ്ട്‌ അത്തരം പ്രശ്‌ന​ങ്ങളെ തരണം ചെയ്യാ​നും പയനി​യർസേ​വ​ന​ത്തിൽ നിലനിൽക്കാ​നും മുഴു​സമയ പ്രസം​ഗ​കർക്ക്‌ എങ്ങനെ കഴിയും?

സാമ്പത്തി​കാ​വ​ശ്യ​ങ്ങൾ നിറ​വേ​റ​റൽ

അപ്പോ​സ്‌ത​ല​നായ പൗലോസ്‌ ചെയ്‌ത​തു​പോ​ലെ തങ്ങളുടെ ചെലവു​കൾ വഹിക്കാൻ പൊതു​വേ പയനി​യർമാർ ലൗകിക ജോലി ചെയ്യുന്നു. (1 തെസ്സ​ലൊ​നീ​ക്യർ 2:9) ലോക​ത്തി​ന്റെ മിക്ക ഭാഗങ്ങ​ളി​ലും അവർ ഭക്ഷണത്തി​നും വസ്‌ത്ര​ത്തി​നും പാർപ്പി​ട​ത്തി​നും യാത്ര​യ്‌ക്കും കുതി​ച്ചു​യ​രുന്ന വിലകളെ അഭിമു​ഖീ​ക​രി​ക്കു​ക​യാണ്‌. തങ്ങൾക്കാ​വ​ശ്യ​മുള്ള അംശകാല ലൗകിക ജോലി കണ്ടെത്തുക മിക്ക​പ്പോ​ഴും ദുഷ്‌ക​ര​മാണ്‌. ലഭ്യമാ​ണെ​ങ്കിൽത്തന്നെ അത്തരം ജോലി​കൾക്ക്‌ ആരോഗ്യ ഇൻഷ്വ​റൻസ്‌ പ്രയോ​ജ​നങ്ങൾ ഒന്നുമി​ല്ലാ​തെ ഏററവും കുറഞ്ഞ ശമ്പളം മാത്രമേ പലപ്പോ​ഴും കിട്ടു​ന്നു​ള്ളു.

‘ദൈവ​ത്തി​ന്റെ രാജ്യ​വും അവിടു​ത്തെ നീതി​യും നാം തുടർന്ന്‌ അന്വേ​ഷി​ക്കു’ന്നെങ്കിൽ, നമ്മുടെ ഭൗതി​കാ​വ​ശ്യ​ങ്ങൾ യഹോവ നിറ​വേ​റ​റി​ത്ത​രും എന്ന വിശ്വാ​സം നമുക്കു​ണ്ടാ​യി​രി​ക്കാൻ കഴിയും. അതു​കൊ​ണ്ടു സാമ്പത്തിക സമ്മർദ​ത്തിൻ കീഴിൽ ആയിരി​ക്കു​മ്പോൾ പയനി​യർമാർ ‘അടുത്ത ദിവസ​ത്തെ​ക്കു​റിച്ച്‌ ഉത്‌ക​ണ്‌ഠാ​കു​ലർ’ ആയിരി​ക്കേ​ണ്ട​തില്ല. (മത്തായി 6:25-34) അത്തരം പ്രശ്‌നങ്ങൾ പരിഹ​രി​ക്കാൻ അവർ ആത്മാർഥ​മായ ശ്രമങ്ങൾ നടത്തവേ യഹോ​വ​യി​ലുള്ള ശക്തമായ വിശ്വാ​സം അനുചി​ത​മായ ഉത്‌ക​ണ്‌ഠ​യിൽനിന്ന്‌ അവരെ ഒഴിവാ​ക്കും.

ഒരു വ്യക്തി സാമ്പത്തിക ബുദ്ധി​മു​ട്ടു​കളെ അഭിമു​ഖീ​ക​രി​ക്കു​മ്പോൾ, ഒരുപക്ഷേ ചെലവു​കൾ ചുരു​ക്കാൻ കഴിയും. ബജററിൽ ചില മാററങ്ങൾ വരുത്തു​ന്ന​താ​യാൽ കേവലം ഭൗതി​കാ​ഗ്ര​ഹ​ങ്ങളല്ല, ആവശ്യങ്ങൾ, നിറ​വേ​റ​റുക സാധ്യ​മാ​യി​രി​ക്കാം. ചെലവു​കൾ ചുരു​ക്കു​ന്ന​തി​നു ചില പയനി​യർമാർ മററു ക്രിസ്‌ത്യാ​നി​ക​ളോ​ടൊ​പ്പം ഒരു താമസ​സ്ഥലം പങ്കിടു​ന്നു. പയനി​യ​റിംഗ്‌ ചെയ്യാൻ തങ്ങളുടെ കുട്ടി​കളെ സഹായി​ക്കു​ന്ന​തി​നു മാതാ​പി​താ​ക്കൾ ചില​പ്പോൾ സൗജന്യ​മാ​യോ ഏററവും കുറഞ്ഞ ചെലവി​ലോ താമസ​സൗ​ക​ര്യം പ്രദാനം ചെയ്യുന്നു. ഭക്ഷണത്തി​നും യാത്ര​യ്‌ക്കും ഉള്ള ചെലവു​കൾ വഹിച്ചു​കൊ​ണ്ടു മററു​ചി​ലർ പയനി​യർമാ​രെ സഹായി​ക്കു​ന്നു. എന്നാൽ മററു​ള്ള​വർക്ക്‌ ഒരു ഭാരമാ​യി​രി​ക്കാൻ പയനി​യർമാർ ആഗ്രഹി​ക്കു​ക​യില്ല, എന്തെന്നാൽ തങ്ങളെ​ത്തന്നെ പോറ​റാ​നുള്ള തിരു​വെ​ഴു​ത്തു​പ​ര​മായ ഒരു കടമ അവർക്കുണ്ട്‌.—2 തെസ്സ​ലൊ​നീ​ക്യർ 3:10-12.

മററു പയനി​യർമാ​രു​മാ​യി ചെലവു​കൾ പങ്കു​വെ​ച്ചു​കൊ​ണ്ടു യാത്ര​ച്ചെ​ല​വു​കൾ കുറയ്‌ക്കാൻ കഴിയും. രണ്ടു പയനി​യർമാർക്കു സ്വന്തമാ​യി കാറുകൾ ഉണ്ടെങ്കിൽ, രണ്ടു വാഹനങ്ങൾ ഓടി​ക്കു​ന്ന​തി​ന്റെ ചെലവ്‌ ഒഴിവാ​ക്കി​ക്കൊണ്ട്‌ ഒരു കാർ ഉപയോ​ഗിച്ച്‌ അവർക്ക്‌ ഒരേ പ്രദേ​ശ​ത്തു​തന്നെ ഒന്നിച്ചു പ്രസം​ഗ​പ്ര​വർത്ത​ന​ത്തിൽ ഏർപ്പെ​ടാ​വു​ന്ന​താണ്‌. വാഹനങ്ങൾ സ്വന്തമാ​യി ഇല്ലാത്ത പയനി​യർമാർക്കു വാഹനങ്ങൾ ഉള്ളവരു​മാ​യി ചേർന്നു യാത്ര​ച്ചെ​ല​വു​ക​ളു​ടെ പങ്കു വഹിക്കാൻ കഴി​ഞ്ഞേ​ക്കും. അടുത്തുള്ള പ്രദേ​ശങ്ങൾ മുഖ്യ​മാ​യും നടന്നു​ചെന്നു പ്രവർത്തി​ച്ചും യാത്ര​ച്ചെ​ല​വു​കൾ കൂടു​ത​ലാ​യി കുറയ്‌ക്കാൻ കഴിയും. പല രാജ്യ​ങ്ങ​ളി​ലും പയനി​യർമാർ ചെലവു​കു​റഞ്ഞ പൊതു യാത്രാ​സൗ​ക​ര്യ​ങ്ങൾ ഉപയോ​ഗ​പ്പെ​ടു​ത്തു​ന്നു.

പണപര​മാ​യ പ്രശ്‌നങ്ങൾ തരണം ചെയ്‌തു മുഴു​സമയ സേവന​ത്തിൽ തുടർന്നു നിലനി​ന്ന​വ​രിൽ ന്യൂട്ടൺ കാൻഡ്‌വെ​ല്ലും ഭാര്യ​യും ഉൾപ്പെ​ടു​ന്നു. വലിയ സാമ്പത്തിക മാന്ദ്യ​കാ​ലത്ത്‌ 1932-ൽ തങ്ങളുടെ കൃഷി​യി​ടം വിററ്‌ ഏഴു കുട്ടി​ക​ളിൽ ആറു​പേ​രു​മാ​യി അവർ പയനി​യ​റിംഗ്‌ ആരംഭി​ച്ചു. “ഞങ്ങളുടെ കൃഷി​യി​ടം വിററ​തിൽനി​ന്നു കിട്ടി​യ​തെ​ല്ലാം ഞങ്ങൾ താമസി​യാ​തെ ചെലവാ​ക്കി​ക്ക​ഴി​ഞ്ഞി​രു​ന്നു—അധിക​വും ആശുപ​ത്രി ചെലവു​കൾക്ക്‌,” എന്നു കാൻഡ്‌വെൽ സഹോ​ദരൻ എഴുതി. “ഞങ്ങളുടെ രണ്ടാമത്തെ നിയമ​ന​സ്ഥ​ല​ത്തേക്കു മാറി​യ​പ്പോൾ രണ്ടാഴ്‌ചത്തെ വാടക മുൻകൂ​റാ​യി കൊടു​ത്തു​ക​ഴിഞ്ഞ്‌ അഞ്ച്‌ ഡോളർ മാത്രമേ ഞങ്ങൾക്കു ശേഷി​ച്ചി​രു​ന്നു​ള്ളു. എന്നിരു​ന്നാ​ലും, ഞങ്ങളുടെ സേവനം ഉത്സാഹ​ത്തോ​ടെ നിറ​വേ​റ​റു​ന്നി​ട​ത്തോ​ളം കാലം യഹോവ ഞങ്ങൾക്കു​വേണ്ടി കരുതു​മെന്നു ഞങ്ങൾക്ക​റി​യാ​മാ​യി​രു​ന്നു. . . . പല വിധങ്ങ​ളിൽ ചെലവു ചുരു​ക്കാൻ ഞങ്ങൾ പഠിച്ചു. ദൃഷ്ടാ​ന്ത​ത്തിന്‌, ഒരു പുതിയ പ്രദേ​ശ​ത്തേക്കു മാറി​യ​പ്പോൾ പെ​ട്രോൾ പമ്പിന്റെ ചില ഉടമക​ളോ​ടു ഞാൻ സംസാ​രി​ക്കു​ക​യും ഞങ്ങളുടെ ക്രിസ്‌തീയ വേല​യോ​ടു ബന്ധപ്പെട്ട്‌ ഓരോ ദിവസ​വും മൂന്നു കാറുകൾ ഓടി​ക്കു​ന്നു​ണ്ടെന്നു വിശദീ​ക​രി​ക്കു​ക​യും ചെയ്‌തു. ഇതു സാധാ​ര​ണ​മാ​യി പെ​ട്രോൾ വിലകു​റച്ചു കിട്ടു​ന്ന​തിൽ കലാശി​ച്ചു. ഞങ്ങളുടെ പുത്രൻമാർ വാഹനങ്ങൾ റിപ്പയർ ചെയ്യാൻ വേഗം പഠിച്ചു, വാഹനം റിപ്പയർ ചെയ്യു​ന്ന​തി​ന്റെ ചെലവ്‌ അതു വളരെ​യ​ധി​കം കുറച്ചു.” ഇപ്രകാ​രം കാൻഡ്‌വെൽ ദമ്പതി​മാർ സാമ്പത്തിക വെല്ലു​വി​ളി​കളെ വിജയ​ക​ര​മാ​യി തരണം ചെയ്യു​ക​യും മുഴു​സമയ സേവന​ത്തിൽ തുടർന്നു നിലനിൽക്കു​ക​യും ചെയ്‌തു. നൂററി​മൂ​ന്നാ​മത്തെ വയസ്സിൽ കാൻഡ്‌വെൽ സഹോ​ദരൻ മരിച്ച​പ്പോ​ഴും അദ്ദേഹം പയനിയർ ലിസ്‌റ​റിൽ ഉണ്ടായി​രു​ന്നു.

അംശകാല ജോലി സമ്പാദി​ക്കൽ

പല പയനി​യർമാ​രും അംശകാല ജോലി​കൾ മുഖാ​ന്തരം തങ്ങളെ​ത്തന്നെ പോറ​റു​ന്നു. കൊരി​ന്തി​ലെ ശുശ്രൂ​ഷ​യിൽ തന്നെ പുലർത്തു​ന്ന​തി​നു തന്റെ സഹവി​ശ്വാ​സി​ക​ളായ അക്വി​ലാ​സി​നോ​ടും പ്രിസ്‌കി​ല്ല​യോ​ടു​മൊ​പ്പം ഒരു കൂടാ​ര​പ്പ​ണി​ക്കാ​ര​നാ​യി പൗലോസ്‌ ജോലി ചെയ്‌തു. (പ്രവൃ​ത്തി​കൾ 18:1-11) ഇന്ന്‌ ആത്മീയ സഹോ​ദ​രൻമാർ പയനി​യർമാർക്ക്‌ അംശകാല ലൗകിക ജോലി നൽകാൻ മിക്ക​പ്പോ​ഴും സന്തോ​ഷ​മു​ള്ള​വ​രാണ്‌. താത്‌കാ​ലിക ജോലി​കൾ പ്രദാനം ചെയ്യുന്ന തൊഴിൽകാ​ര്യ ഏജൻസി​കൾ മുഖാ​ന്തരം മററു​ചില പയനി​യർമാർക്ക്‌ അത്തരം ജോലി കിട്ടുന്നു. ദൈവ​ത്തി​ലുള്ള വിശ്വാ​സം അത്യാ​വ​ശ്യ​മാണ്‌, തൊഴിൽ സംബന്ധിച്ച തീരു​മാ​നങ്ങൾ എടുക്കു​ന്ന​തിൽ അവിടു​ത്തെ മാർഗ​നിർദേ​ശ​ത്തി​നു വേണ്ടി​യുള്ള ആത്മാർഥ​മായ പ്രാർഥ​ന​യും അങ്ങനെ​തന്നെ.—സദൃശ​വാ​ക്യ​ങ്ങൾ 15:29.

ഒരു പയനിയർ ഇപ്രകാ​രം പറഞ്ഞു: “പ്രാർഥ​നാ​നി​ര​ത​മായ പരിചി​ന്ത​ന​ത്തിൽനി​ന്നു വളരെ​യ​ധി​കം ശക്തി ആർജി​ച്ച​ശേഷം ശുശ്രൂ​ഷാ​പ​ര​മായ എന്റെ വേല ഗൗരവ​മുള്ള വ്യക്തി​പ​ര​മായ ഒരു ഉത്തരവാ​ദി​ത്വ​മാ​ണെ​ന്നും മുഴു​സമയ ജോലി സ്വീക​രി​ക്കാൻ എനിക്കു സാധി​ക്കു​ക​യി​ല്ലെ​ന്നും ഞാൻ എന്റെ സൂപ്പർ​വൈ​സറെ അറിയി​ച്ചു. പിറേറ ബുധനാഴ്‌ച, ഒരു അംശകാല അടിസ്ഥാ​ന​ത്തിൽ ജോലി ചെയ്യു​ന്ന​തി​നെ​ക്കു​റി​ച്ചു പുനഃ​പ​രി​ചി​ന്തി​ക്കു​മോ​യെന്ന്‌ എന്നോടു ചോദി​ച്ചു. ഞാൻ സസന്തോ​ഷം അതു സ്വീക​രി​ച്ചു.” പ്രാർഥ​ന​യു​ടെ ശക്തിയെ വിലകു​റച്ചു കാണരുത്‌, നിങ്ങളു​ടെ പ്രാർഥ​ന​കൾക്ക​നു​സൃ​ത​മാ​യി പ്രവർത്തി​ക്കുക.

അംശകാല ജോലി തേടു​ന്ന​തി​ലെ തങ്ങളുടെ ഉദ്ദേശ്യം ശുശ്രൂ​ഷ​യിൽ തങ്ങളെ നിലനിർത്താ​നാ​ണെന്നു ഭാവി തൊഴി​ലു​ട​മ​ക​ളോ​ടു പറയു​ന്നത്‌ അഭികാ​മ്യ​മെന്നു പയനി​യർമാർ കണ്ടെത്തി​യേ​ക്കാം. തങ്ങൾ ലഭ്യമാ​യി​രി​ക്കുന്ന ദിവസ​ങ്ങ​ളും ഒരാഴ്‌ച​യിൽ ജോലി​ക്കു വിനി​യോ​ഗി​ക്കു​ന്ന​തി​നു തങ്ങൾക്ക്‌ അർപ്പി​ക്കാൻ കഴിയുന്ന മണിക്കൂ​റി​ന്റെ എണ്ണവും അവർക്കു പറയാ​വു​ന്ന​താണ്‌. രണ്ടു ജഡിക സഹോ​ദ​രി​മാർക്ക്‌ ഒരു നിയ​മോ​പ​ദേശ സ്ഥാപന​ത്തി​ലെ മുഴു​സമയ ജോലി വിഭജി​ച്ചെ​ടു​ക്കാൻ കഴിഞ്ഞു, അവരി​രു​വർക്കും ആഴ്‌ച​യിൽ രണ്ടര ദിവസം ജോലി ചെയ്യു​ന്നത്‌ ഇതു സാധ്യ​മാ​ക്കി. അവർ വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളിൽ സംബന്ധി​ച്ച​ശേഷം തങ്ങളുടെ മിഷനറി നിയമ​നങ്ങൾ ലഭിക്കു​ന്ന​തു​വരെ ഇത്‌ അവരെ പയനി​യർമാ​രാ​യി നിലനിർത്തി.

സഹവി​ശ്വാ​സി​ക​ളു​മാ​യും മററു​ള്ള​വ​രു​മാ​യും സംസാ​രി​ക്കു​ന്ന​തി​നാ​ലോ പത്രത്തി​ലെ പരസ്യങ്ങൾ നോക്കു​ന്ന​തി​നാ​ലോ തിരു​വെ​ഴു​ത്തു​പ​ര​മാ​യി സ്വീകാ​ര്യ​മായ പലതരം ജോലി​കൾ കണ്ടെത്താ​വു​ന്ന​താണ്‌. താഴ്‌മ സഹായ​ക​മാണ്‌, എന്തെന്നാൽ തങ്ങൾ ചെയ്യു​ന്ന​തരം ജോലി സംബന്ധി​ച്ചു വളരെ​യ​ധി​കം ഇഷ്ടാനി​ഷ്ടങ്ങൾ ഉള്ളവർ ആയിരി​ക്കു​ന്ന​തിൽനിന്ന്‌ അതു പയനി​യർമാ​രെ തടയും. (യാക്കോബ്‌ 4:10 താരത​മ്യം ചെയ്യുക.) പയനി​യ​റിംഗ്‌ തുടരു​ന്ന​തി​നു താഴ്‌ന്ന​തെ​ന്നോ ഹീന​മെ​ന്നോ ചിലയാ​ളു​കൾ കരുതുന്ന ലൗകിക ജോലി​കൾ അവർ ചെയ്യേ​ണ്ട​തു​ണ്ടാ​യി​രി​ക്കാം. മറെറ​ന്തെ​ങ്കി​ലും ആഗ്രഹി​ച്ചിട്ട്‌ അത്തര​മൊ​രു ജോലി​യാ​ണു ലഭിക്കു​ന്ന​തെ​ങ്കിൽ ക്രമേണ ജോലി​യി​ലെ ഒരു മാററം സാധ്യ​മാ​യി​രി​ക്കാം.

മോശ​മായ ആരോ​ഗ്യ​വും നിരു​ത്സാ​ഹ​വും

ഗുരു​ത​ര​മായ ആരോ​ഗ്യ​പ്ര​ശ്‌നങ്ങൾ നിമിത്തം ചിലർക്കു പയനി​യ​റിംഗ്‌ നിറു​ത്തേ​ണ്ട​തുണ്ട്‌. എന്നാൽ ഈ കാര്യ​ത്തിൽ പയനി​യർമാർ തിടു​ക്ക​മു​ള്ള​വ​ര​ല്ലെ​ങ്കിൽ പയനി​യ​റിംഗ്‌ തുടർന്നു നടത്താൻ കഴിയ​ത്ത​ക്ക​വണ്ണം ഒരു രോഗം സൗഖ്യ​മാ​കു​ക​യോ ആരോ​ഗ്യം വേണ്ടത്ര മെച്ച​പ്പെ​ടു​ക​യോ ചെയ്‌തേ​ക്കു​മെന്ന്‌ അവർ കണ്ടെത്തി​യേ​ക്കാം. ആരോഗ്യ പ്രശ്‌നങ്ങൾ ഉണ്ടായി​രു​ന്നി​ട്ടും പയനി​യ​റിംഗ്‌ നടത്താൻ അനേകർക്കു കഴിയു​ന്നുണ്ട്‌, കാരണം അവർ ചികി​ത്സി​ക്കു​ക​യും, തങ്ങൾക്ക്‌ അനു​യോ​ജ്യ​മായ ഒരു ഭക്ഷ്യ​ക്ര​മ​ത്തോ​ടു പററി​നിൽക്കു​ക​യും ആവശ്യ​മായ വിശ്ര​മ​വും വ്യായാ​മ​വും എടുക്കു​ക​യും ചെയ്യുന്നു. ശുശ്രൂ​ഷ​യിൽ വീടു​തോ​റും നടക്കു​ന്ന​തി​നു സഹായം വേണ്ടി​വ​ര​ത്ത​ക്ക​വണ്ണം സന്ധിവീ​ക്ക​ത്താൽ വളരെ​യ​ധി​കം ക്ലേശമ​നു​ഭ​വി​ക്കുന്ന ഒരു പയനിയർ സഹോ​ദ​രി​യെ ഒരു സഞ്ചാര​മേൽവി​ചാ​രകൻ നിരീ​ക്ഷി​ച്ചു. (പ്രവൃ​ത്തി​കൾ 20:20) എന്നിട്ടും അവരും ഭർത്താ​വും ചേർന്നു 33 ഭവന ബൈബി​ള​ധ്യ​യ​നങ്ങൾ നടത്തു​ക​യും ദൈവ​ത്തി​ന്റെ സത്യം സ്വീക​രി​ക്കാൻ 83 പേരെ സഹായി​ക്കു​ക​യും ചെയ്‌തു. ക്രമേണ അവരുടെ ആരോ​ഗ്യം മെച്ച​പ്പെ​ടു​ക​യും 11 വർഷം കഴിഞ്ഞു പയനി​യർസേ​വ​ന​സ്‌കൂ​ളിൽ സംബന്ധി​ക്കു​ക​യും ചെയ്‌തു.

നിരു​ത്സാ​ഹം ചിലർ പയനിയർ ശുശ്രൂഷ ഉപേക്ഷി​ക്കാൻ ഇടയാ​ക്കി​യേ​ക്കാം. (സദൃശ​വാ​ക്യ​ങ്ങൾ 24:10) ഒരു പയനിയർ ഒരു സഞ്ചാര​മേൽവി​ചാ​ര​ക​നോട്‌ ഇപ്രകാ​രം പറഞ്ഞു: “ഞാൻ പയനി​യ​റിംഗ്‌ നിർത്താൻ പോകു​ക​യാണ്‌. . . . കുറെ സാധനങ്ങൾ വാങ്ങി​ച്ച​തി​ന്റെ പണം ഞാൻ അടയ്‌ക്കേ​ണ്ട​തുണ്ട്‌.” അദ്ദേഹ​ത്തിന്‌ ഇരുപത്‌ ഡോളർ [600 രൂപ] വിലവ​രുന്ന കണ്ണട ആവശ്യ​മാ​യി​രു​ന്നു. “ഇരുപത്‌ ഡോളർ ആവശ്യ​മു​ള്ള​തു​കൊ​ണ്ടു നിങ്ങൾ പയനി​യ​റിംഗ്‌ നിർത്താൻ പോകു​ക​യാ​ണോ?” എന്നു മേൽവി​ചാ​രകൻ ചോദി​ച്ചു. പ്രാ​ദേ​ശിക കാപ്പി​ത്തോ​ട്ട​ത്തിൽ ഒരു ദിവസം ജോലി ചെയ്‌ത്‌ 20 ഡോളർ സമ്പാദിച്ച്‌ കണ്ണട വാങ്ങാ​നും അങ്ങനെ പയനി​യ​റിംഗ്‌ തുടരാ​നും നിർദേ​ശി​ക്ക​പ്പെട്ടു. ചെല​വേ​റിയ കാർ കേടു​പോ​ക്കൽ സംബന്ധിച്ച നിരു​ത്സാ​ഹ​മാ​യി​രു​ന്നു അടിസ്ഥാന കാരണം എന്നു കൂടു​ത​ലായ സംഭാ​ഷണം വെളി​പ്പെ​ടു​ത്തി. ഒരു വലിയ പ്രദേ​ശ​ത്തെ​ല്ലാം ഓടി​ക്കു​ന്ന​തി​നു പകരം ഹ്രസ്വ​മായ ഒരു പരിധി​ക്കു​ള്ളിൽ കാറോ​ടി​ച്ചു​കൊ​ണ്ടു ചെലവു​കൾ ചുരു​ക്കാൻ പയനി​യ​റോ​ടു ശുപാർശ ചെയ്യ​പ്പെട്ടു. തന്റെ ആത്മീയത നിലനിർത്താ​നും അദ്ദേഹം ബുദ്ധ്യു​പ​ദേ​ശി​ക്ക​പ്പെട്ടു. പയനിയർ ഈ ബുദ്ധ്യു​പ​ദേശം ബാധക​മാ​ക്കി, ആറ്‌ മാസത്തി​നു​ശേഷം ഗിലെ​യാദ്‌ സ്‌കൂ​ളിൽ ഹാജരാ​കാൻ അദ്ദേഹ​ത്തി​നു ക്ഷണം ലഭിക്കു​ക​യും ചെയ്‌തു. ബിരു​ദാ​ന​ന്തരം അദ്ദേഹം ഒരു വിദേശ രാജ്യ​ത്തേക്കു നിയമി​ക്ക​പ്പെ​ടു​ക​യും തന്റെ മരണം​വരെ അനേകം വർഷങ്ങൾ അവിടെ വിശ്വ​സ്‌ത​മാ​യി സേവി​ക്കു​ക​യും ചെയ്‌തു. അതേ, നിരു​ത്സാ​ഹ​ത്തി​നു വഴി​പ്പെ​ടാ​തെ യഹോവ നമ്മോ​ടു​കൂ​ടെ ഉണ്ടെന്നു മനസ്സിൽ പിടി​ക്കു​ന്നു​വെ​ങ്കിൽ മിക്ക​പ്പോ​ഴും മഹത്തായ അനു​ഗ്ര​ഹങ്ങൾ ഉണ്ടാകു​ന്നു.

നിങ്ങളു​ടെ സേവന​പ​ദ​വി​യെ അമൂല്യ​മാ​യി കരുതുക

ഞെരു​ക്ക​മുള്ള സന്ദർഭ​ങ്ങ​ളും ഭക്ഷണം ഇല്ലാത്ത സമയങ്ങ​ളും പോലുള്ള പരി​ശോ​ധ​നകൾ ഉണ്ടായി​രു​ന്നി​ട്ടും പൗലോസ്‌ തന്റെ ശുശ്രൂ​ഷയെ ഒരു നിക്ഷേ​പ​മാ​യി വീക്ഷിച്ചു. (2 കൊരി​ന്ത്യർ 4:7; 6:3-6) ഇന്നു കഷ്ടപ്പാ​ടി​നെ​യും പീഡന​ത്തെ​യും തൃണവൽഗ​ണി​ച്ചു​കൊണ്ട്‌ ആഫ്രി​ക്ക​യി​ലും ഏഷ്യയി​ലും പൂർവ യൂറോ​പ്പി​ലും മററു​ള്ളി​ട​ങ്ങ​ളി​ലും ഉള്ള യഹോ​വ​യു​ടെ ദാസൻമാ​രിൽ പലരും പയനി​യ​റിംഗ്‌ എന്ന തങ്ങളുടെ പദവി​യോ​ടു പററി​നി​ന്നി​ട്ടുണ്ട്‌. അതു​കൊ​ണ്ടു പരി​ശോ​ധ​നകൾ നേരി​ടു​മ്പോൾ, യഹോ​വ​യു​ടെ സ്‌തു​തി​ക്കാ​യി ഈ സേവന​പ​ദ​വി​യിൽ നിലനിൽക്കാൻ സകല ശ്രമവും ചെയ്യുക.

തങ്ങളുടെ ജീവി​ത​രീ​തി ലളിത​മാ​ക്കി​യ​തു​കൊ​ണ്ടു മാത്ര​മാ​ണു മിക്ക പയനി​യർമാർക്കും മുഴു​സമയ പ്രസം​ഗ​വേ​ല​യിൽ പ്രവേ​ശി​ക്കാൻ കഴിഞ്ഞത്‌. പൗലോ​സി​നെ​പ്പോ​ലെ അവർ ഭൗതിക പ്രലോ​ഭ​ന​ങ്ങളെ ചെറു​ത്തു​നിൽക്കു​ക​യും “ഉൺമാ​നും ഉടുപ്പാ​നും” ഉള്ളതിൽ സംതൃ​പ്‌തി നട്ടുവ​ളർത്തു​ക​യും ചെയ്‌തു. പയനി​യർസേ​വ​ന​ത്തിൽ തുടർന്നു നിലനിൽക്കു​ന്ന​തിന്‌ അവർ അവശ്യ വസ്‌തു​ക്കൾകൊ​ണ്ടു തൃപ്‌ത​രാ​യി നില​കൊ​ള്ളേ​ണ്ട​തുണ്ട്‌. (1 തിമൊ​ഥെ​യൊസ്‌ 6:8) നമ്മുടെ ദൈവദത്ത പദവി​കളെ അമൂല്യ​മാ​യി കരുതു​ക​യും ഭൗതിക സ്വത്തു​ക്കൾക്കു മീതെ അവയ്‌ക്കു സ്ഥാനം കൊടു​ക്കു​ക​യും ചെയ്യു​ന്ന​തിൽനി​ന്നു സന്തോഷം കൈവ​രു​ന്നു.

ദൃഷ്ടാ​ന്തീ​ക​രി​ക്കു​ന്ന​തിന്‌: വാഷിം​ഗ്‌ടൺ ഡി.സി.യിലുള്ള ഗവൺമെൻറ്‌ അധികാ​രി​കൾക്കു രാജ്യ​താ​ത്‌പ​ര്യ​ങ്ങൾ വിവരി​ച്ചു​കൊ​ടു​ക്കു​ന്ന​തി​നുള്ള പദവി ആൻറൺ കോയർബെ​റി​നു ലഭിച്ചു. അദ്ദേഹം കുറച്ചു​കാ​ലം ഒരു പയനി​യ​റാ​യി സേവിച്ചു, കൂടാതെ അദ്ദേഹം 1950-കളിൽ ഒരു സർക്കിട്ട്‌ മേൽവി​ചാ​ര​ക​നാ​യി​രു​ന്നു. അദ്ദേഹ​ത്തി​നു പത്തു ലക്ഷം ഡോള​റി​ന്റെ ലാഭം സാധ്യ​മാ​ക്കുന്ന ഒരു നിർദേ​ശ​വു​മാ​യി തന്റെ മുൻ ബിസി​നസ്സ്‌ സഹകാ​രി​ക​ളിൽ ചിലർ അദ്ദേഹത്തെ സമീപി​ച്ചു. എന്നിരു​ന്നാ​ലും അതിന്‌ ഏതാണ്ട്‌ ഒരു വർഷ​ത്തോ​ളം അദ്ദേഹം തന്റെ മുഴു സമയവും ബിസി​ന​സ്സി​നു​വേണ്ടി ചെലവ​ഴി​ക്കേ​ണ്ടത്‌ ആവശ്യ​മാ​യി​വ​രു​മാ​യി​രു​ന്നു. മാർഗ​നിർദേ​ശ​ത്തി​നും സുബോ​ധ​മുള്ള ഒരു മനസ്സി​നും വേണ്ടി പ്രാർഥി​ച്ച​ശേഷം അദ്ദേഹം ഇങ്ങനെ പറഞ്ഞു: “യഹോ​വയെ സേവി​ക്കു​ക​യെന്ന അത്ഭുത​ക​ര​മായ പദവികൾ ഒരു വർഷ​ത്തേ​ക്കു​പോ​ലും ഉപേക്ഷി​ക്കുക എനിക്കു സാധ്യമല്ല, ഇല്ല, ലോക​ത്തി​ലെ മുഴുവൻ പണത്തി​നു​വേ​ണ്ടി​യും അങ്ങനെ ചെയ്യാൻ എനിക്കു സാധ്യമല്ല. ഇവിടെ വാഷിം​ഗ്‌ട​ണി​ലുള്ള എന്റെ സഹോ​ദ​രൻമാ​രെ സേവി​ക്കു​ന്നത്‌ എനിക്ക്‌ ഏറെ വില​പ്പെ​ട്ട​താണ്‌, ഇവിടെ യഹോ​വ​യു​ടെ അനു​ഗ്രഹം എനിക്കു​ണ്ടെന്ന്‌ എനിക്ക​റി​യാം. ഞാൻ പത്തു ലക്ഷം ഡോളർ ഉണ്ടാക്കു​മെ​ന്നു​ള്ള​തി​നു സംശയ​മില്ല, എന്നാൽ ഒരു വർഷത്തെ അത്തരം ജീവി​ത​രീ​തി​ക്കു​ശേഷം എന്റെ ആത്മീയത എങ്ങനെ​യു​ള്ള​താ​യി​രി​ക്കും, അല്ലെങ്കിൽ ശാരീ​രി​ക​മാ​യി ഞാൻ എങ്ങനെ​യു​ള്ള​വ​നാ​യി​രി​ക്കും?” അതു​കൊണ്ട്‌ അദ്ദേഹം വാഗ്‌ദാ​നം നിരസി​ച്ചു. തങ്ങളുടെ പദവി​കളെ സമാന​മായ വിധത്തിൽ ആഴമായി വിലമ​തി​ക്കു​ന്നത്‌ പയനി​യർസേ​വ​ന​ത്തിൽ തുടർന്നു നിലനിൽക്കാൻ പലരെ​യും സഹായി​ക്കു​ന്നു.

പയനി​യർമാർ എത്ര മഹത്തായ അനു​ഗ്ര​ഹ​ങ്ങ​ളാണ്‌ ആസ്വദി​ക്കു​ന്നത്‌! യഹോ​വ​യു​ടെ മഹത്തായ രാജത്വ​ത്തെ​ക്കു​റി​ച്ചു സംസാ​രി​ച്ചു​കൊണ്ട്‌ അനവധി മണിക്കൂ​റു​കൾ ചെലവ​ഴി​ക്കു​ന്നത്‌ ഒരു അനു​ഗ്ര​ഹ​മാണ്‌. (സങ്കീർത്തനം 145:11-13) ശുശ്രൂ​ഷ​യ്‌ക്കു വളരെ​യ​ധി​കം സമയം വിനി​യോ​ഗി​ക്കു​ന്ന​തു​കൊ​ണ്ടു ദരി​ദ്രർക്കും പീഡി​തർക്കും, രോഗി​കൾക്കും അല്ലെങ്കിൽ സന്തപ്‌തർക്കും, അങ്ങേയ​ററം വിഷാ​ദ​മ​ഗ്ന​രും ഉറപ്പുള്ള ഒരു പ്രത്യാശ ആവശ്യ​മു​ള്ള​വ​രു​മാ​യ​വർക്കും ആത്മീയ സമാശ്വാ​സം എത്തിക്കു​ന്ന​തി​ന്റെ അനു​ഗ്രഹം പയനി​യർമാർക്കുണ്ട്‌. അതു​കൊ​ണ്ടു മുഴു​സമയ പ്രസം​ഗ​പ്ര​വർത്ത​ന​ത്തിൽ ഏർപ്പെ​ടാൻ സാഹച​ര്യ​ങ്ങൾ നമ്മെ അനുവ​ദി​ക്കു​ന്ന​പക്ഷം നാം തീർച്ച​യാ​യും ഒട്ടനവധി അനു​ഗ്ര​ഹങ്ങൾ ആസ്വദി​ക്കും. ‘യഹോ​വ​യു​ടെ അനു​ഗ്ര​ഹ​മാ​ണു സമ്പന്നനാ​ക്കു​ന്നത്‌.’ (സദൃശ​വാ​ക്യ​ങ്ങൾ 10:22, NW) അവിടു​ത്തെ സഹായ​വും അനു​ഗ്ര​ഹ​വും കൊണ്ടാണ്‌ അനേകം രാജ്യ​പ്ര​ഘോ​ഷ​ക​രും പയനി​യർസേ​വ​ന​ത്തിൽ സന്തോ​ഷ​പൂർവം തുടർന്നു നിലനിൽക്കു​ന്നത്‌.