രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

“ജ്ഞാനം പ്രാപി​ക്കുന്ന മനുഷ്യൻ . . . ഭാഗ്യ​വാൻ”

കൊറി​യ​യിൽ ഈ സദൃശ​വാ​ക്യം സത്യമാ​ണെന്നു തെളി​ഞ്ഞി​രി​ക്കു​ന്നു, അവിടെ ഇപ്പോൾ സന്തുഷ്ട​രായ 71,000-ലധികം യഹോ​വ​യു​ടെ സാക്ഷി​ക​ളുണ്ട്‌. (സദൃശ​വാ​ക്യ​ങ്ങൾ 3:13) ഈ ശുശ്രൂ​ഷ​ക​രിൽ 42 ശതമാനം മുഴു​സമയ സേവന​ത്തി​ലാ​ണെ​ന്നത്‌ ഒന്നു വിഭാവന ചെയ്യുക! സത്യമായ ജ്ഞാനം തേടു​ന്ന​വ​രു​ടെ ഭാഗ​ധേ​യ​മാ​ണു സന്തുഷ്ടി​യെന്നു പിൻവ​രുന്ന അനുഭ​വങ്ങൾ പ്രകട​മാ​ക്കും.

പൂശാ​നി​ലെ ഒരു സ്‌ത്രീ ക്രൈ​സ്‌ത​വ​ലോ​ക​ത്തി​ന്റെ പള്ളിക​ളി​ലൊ​ന്നിൽ 16 വർഷമാ​യി ഹാജരാ​യി​ക്കൊ​ണ്ടി​രു​ന്നു. തിരു​വെ​ഴു​ത്തു​വി​രു​ദ്ധ​മായ വളരെ​യ​ധി​കം ആചാരങ്ങൾ അവർ അവിടെ നിരീ​ക്ഷി​ച്ചി​രു​ന്നു, അതിനാൽ ദൈവ​മു​ണ്ടാ​യി​രി​ക്കാൻ സാധ്യ​ത​യി​ല്ലെ​ന്നു​പോ​ലും അവർ ചിന്തി​ച്ചു​തു​ടങ്ങി. അതേസ​മയം ദൈവ​ത്തി​ന്റെ അസ്‌തി​ത്വം നിഷേ​ധി​ക്കാൻ അവർക്കു കഴിയു​മാ​യി​രു​ന്നില്ല, അതു​കൊണ്ട്‌ തനിക്കു സത്യസഭ—അങ്ങനെ ഒന്നു​ണ്ടെ​ങ്കിൽ—കണ്ടെത്താൻ കഴിയ​ണമേ എന്ന്‌ അവർ ആത്മാർഥ​മാ​യി ദൈവ​ത്തോ​ടു പ്രാർഥി​ച്ചു. ഈ ഘട്ടത്തിൽ അവർ പെട്ടെന്നു യഹോ​വ​യു​ടെ സാക്ഷി​ക​ളെ​ക്കു​റി​ച്ചു ചിന്തിച്ചു, തന്റെ സഭ അവരെ പുച്ഛി​ച്ചി​രു​ന്ന​തും ത്രിത്വ​ത്തി​ലും നരകാ​ഗ്നി​യി​ലും ക്രൈ​സ്‌ത​വ​ലോ​ക​ത്തി​ന്റെ മററു പഠിപ്പി​ക്ക​ലു​ക​ളി​ലും വിശ്വ​സി​ക്കാത്ത അവർക്കെ​തി​രെ പള്ളിയം​ഗ​ങ്ങൾക്കു മുന്നറി​യി​പ്പു കൊടു​ത്ത​തും അവർ ഓർമി​ച്ചു. സത്യസഭ അവർ ആയിരി​ക്കു​മോ? ഒരു അയൽക്കാ​രി​യു​ടെ സഹായ​ത്തോ​ടെ അവർ രാജ്യ​ഹാൾ സ്ഥിതി​ചെ​യ്യുന്ന സ്ഥലം കണ്ടെത്തി. അടുത്ത ദിവസം​തന്നെ അവർ ഒരു യോഗ​ത്തിൽ സംബന്ധി​ച്ചു.

അവർ യോഗ​ത്തി​ന്റെ അടുക്കി​ലും ചിട്ടയി​ലും അതിശ​യി​ച്ചു​പോ​യി. അവരുടെ പള്ളിയിൽ ഉണ്ടായി​രു​ന്ന​തു​പോ​ലുള്ള മതഭ്രാ​ന്തോ​ടു​കൂ​ടിയ ആർപ്പു​വി​ളി​യോ വികാ​ര​ഭ​രി​ത​മായ ഗാനാ​ലാ​പ​മോ ഉണ്ടായി​രു​ന്നില്ല. അവരെ ഒരു സാക്ഷിക്കു പരിച​യ​പ്പെ​ടു​ത്തി, ആ സഹോ​ദരി ഇവരു​മൊ​ത്തു ബൈബിൾ പഠിക്കാൻ തയ്യാറാ​യി​രു​ന്നു. അവർക്കു​ണ്ടാ​യി​രുന്ന അനേകം ചോദ്യ​ങ്ങൾ നിമിത്തം ആദ്യദി​വ​സത്തെ അധ്യയ​നം​തന്നെ മണിക്കൂ​റു​കൾ നീണ്ടു. രണ്ടാമത്തെ ദിവസം തന്റെ സഭയിൽനി​ന്നു രാജി​വെച്ച്‌ താൻ ഒരു സാക്ഷി​യാ​കു​മെന്നു അവർ അറിയി​ച്ചു. യോഗ​ങ്ങൾക്കു ഹാജരാ​കു​ന്ന​തു​കൊ​ണ്ടു തനിക്ക്‌ ഇനി അധ്യയനം ആവശ്യ​മി​ല്ലെന്ന്‌ അവർ സഹോ​ദ​രി​യോ​ടു പറഞ്ഞു. എന്നിരു​ന്നാ​ലും യോഗ​ങ്ങൾക്കു പുറമേ വ്യക്തി​പ​ര​മായ ഒരു ബൈബി​ള​ധ്യ​യനം ഉണ്ടായി​രി​ക്കു​ന്ന​തി​ന്റെ മൂല്യം അവർക്കു കാണി​ച്ചു​കൊ​ടു​ത്തു. ആ നിർദേശം സ്വീക​രിച്ച്‌ അവർ അധ്യയ​ന​ത്തിന്‌ ഇരിക്കു​ക​യും തക്ക സമയത്തു സ്‌നാ​പ​ന​മേൽക്കു​ക​യും ചെയ്‌തു.

സത്യ​ദൈ​വ​മാ​യ യഹോ​വ​യു​ടെ ജ്ഞാനം കണ്ടെത്തി​യ​തി​ലും ദൈവ​ത്തി​ന്റെ പുതിയ ലോക​ത്തിൽ എന്നേക്കും ജീവി​ക്കാ​നുള്ള പ്രത്യാശ ഉള്ളതി​ലും അവർ ഇപ്പോൾ വളരെ സന്തുഷ്ട​യാണ്‌.

മുൻ ജനറൽ സത്യം പഠിക്കു​ന്നു

ഒരു സൈന്യാ​ധി​പന്റെ ഭാര്യ 1962-ൽ സ്‌നാ​പ​ന​മേ​ററു. അവരുടെ ഭർത്താവ്‌ ആദ്യം എതിർത്തെ​ങ്കി​ലും പിന്നീട്‌ എതിർപ്പു നിർത്തി. തുടർച്ച​യും ക്രമവും ഇല്ലാതെ അയാളു​മാ​യി 28 വർഷ​ത്തോ​ളം വ്യത്യസ്‌ത സഹോ​ദ​രൻമാർ അധ്യയനം നടത്തി, അവരെ​ല്ലാം അദ്ദേഹത്തെ സത്യത്തിൽ തത്‌പ​ര​നാ​ക്കാൻ പരി​ശ്ര​മി​ച്ചു. അദ്ദേഹം ചില യോഗ​ങ്ങ​ളി​ലും കൺ​വെൻ​ഷ​നു​ക​ളി​ലും സംബന്ധി​ച്ചു, എന്നാൽ സത്യം ഗൗരവ​മാ​യി എടുക്കു​ന്ന​തിൽനി​ന്നു പിൻവാ​ങ്ങി​നി​ന്ന​വ​രിൽ ഒരുവ​നാ​യി​രു​ന്നു അദ്ദേഹം. ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റിൽ അദ്ദേഹ​വും ഭാര്യ​യും ജപ്പാനിൽ പോയി അവിടത്തെ ഒരു ഡിസ്‌ട്രി​ക്‌ററ്‌ കൺ​വെൻ​ഷ​നിൽ സംബന്ധി​ച്ചു. ഈ അവസര​ത്തിൽ അദ്ദേഹം പ്രസം​ഗങ്ങൾ സസൂക്ഷ്‌മം ശ്രദ്ധിച്ചു—അങ്ങനെ​യൊന്ന്‌ അതിനു മുമ്പ്‌ അദ്ദേഹം ഒരിക്ക​ലും ചെയ്‌തി​ട്ടി​ല്ലാ​യി​രു​ന്നു. വ്യാജ​മ​തത്തെ തുറന്നു​കാ​ട്ടുന്ന ധീരമായ പ്രസം​ഗങ്ങൾ കേട്ട്‌ അദ്ദേഹം ഞെട്ടി​പ്പോ​യി, എന്നാൽ അവ തീർച്ച​യാ​യും ക്രൈ​സ്‌ത​വ​ലോ​ക​ത്തി​ന്റെ കാപട്യം സംബന്ധിച്ച്‌ അദ്ദേഹ​ത്തി​ന്റെ കണ്ണു തുറപ്പി​ച്ചു. ജപ്പാനി​ലെ ദൈവ​ജ​ന​ത്തി​ന്റെ അടുക്കി​ലും ചിട്ടയി​ലും സന്തോ​ഷ​ത്തി​ലും അദ്ദേഹ​ത്തി​നു മതിപ്പു തോന്നി, അങ്ങനെ​തന്നെ അദ്ദേഹം കൊറി​യ​യി​ലും കണ്ടിട്ടു​ണ്ടാ​യി​രു​ന്നു. കൊറി​യ​യിൽ തിരി​ച്ചെ​ത്തിയ അദ്ദേഹം ഗൗരവ​മായ ബൈബിൾപ​ഠനം തുടങ്ങു​ക​യും അവസാനം സ്‌നാ​പ​ന​മേൽക്കു​ക​യും ചെയ്‌തു.

അതു​കൊണ്ട്‌ സ്‌നാ​പ​ന​ത്തി​നു​ശേഷം ഇനി അദ്ദേഹം എന്തു ചെയ്യണം? ഒരു പ്രശസ്‌ത ടൂറി​സ്‌ററ്‌ ഹോട്ട​ലി​ന്റെ പ്രസി​ഡൻറ്‌ സ്ഥാനം അദ്ദേഹം രാജി​വെ​ക്കു​ക​യും മുഴു​സമയ പയനിയർ ശുശ്രൂ​ഷ​യിൽ ഭാര്യ​യോ​ടു ചേരു​ക​യും ചെയ്‌തു. ഒരു നിരന്ത​ര​പ​യ​നി​യർ ആയിരി​ക്കു​ന്നത്‌ മടിച്ചു​നി​ന്നു നഷ്ടമാ​ക്കിയ 28 വർഷത്തി​നു പരിഹാ​രം ചെയ്യാ​നുള്ള ഏററവും നല്ല മാർഗ​മാ​യി അദ്ദേഹ​ത്തി​നു തോന്നു​ന്നു.

“ജ്ഞാനം പ്രാപി​ക്കുന്ന മനുഷ്യൻ . . . ഭാഗ്യ​വാൻ” എന്ന സദൃശ​വാ​ക്യം തനിക്കും ബാധക​മാ​കു​ന്നു​വെന്ന്‌ അദ്ദേഹം ഇപ്പോൾ തിരി​ച്ച​റി​യു​ന്നു!