മോഷണം പെരു​കു​ന്നത്‌ എന്തു​കൊണ്ട്‌?

റയോ ഡി ജനെയ്‌റോ—1992 ഒക്‌ടോ​ബർ 18, ഞായർ. കോപ​കബന ബീച്ചും ഇപ്പനെമ ബീച്ചും നിറഞ്ഞു കവിഞ്ഞി​രി​ക്കു​ന്നു. പെട്ടെന്ന്‌, പരസ്‌പരം വഴക്കടി​ച്ചും ബീച്ചി​ലു​ള്ള​വ​രു​ടെ വിലപി​ടി​പ്പുള്ള എന്തും മോഷ്ടി​ച്ചും യുവാ​ക്ക​ളു​ടെ സംഘങ്ങൾ ബീച്ചുകൾ കൈ​യേ​റു​ന്നു. എണ്ണത്തിൽ കുറവായ പൊലീ​സു​കാർ നിസ്സഹാ​യ​രാ​യി നോക്കി​നി​ന്നു. റയോ ഡി ജനെയ്‌റോ​ക്കാർക്കും ടൂറി​സ്‌റ​റു​കൾക്കും ഇതൊരു പട്ടാപ്പ​ക​ലത്തെ പേക്കി​നാ​വു​തന്നെ.

വസ്‌തു​വ​ക​കൾ അപഹരി​ക്കു​ന്ന​തും നശിപ്പി​ക്കു​ന്ന​തും സാധാ​ര​ണ​മാ​യി​രി​ക്കു​ന്നു. വൻനഗ​ര​ങ്ങ​ളിൽ, ക്യാൻവാ​സ്‌ഷൂ​വി​നു വേണ്ടി മോഷ്ടാ​ക്കൾ ചെറു​പ്പ​ക്കാ​രെ തട്ടി​യെ​ടു​ക്കു​ന്ന​താ​യി—ചില​പ്പോൾ കൊല്ലു​ക​പോ​ലും ചെയ്യു​ന്ന​താ​യി—അറിയു​ന്നു. ആളുകൾ ഉണ്ടെങ്കി​ലും ഇല്ലെങ്കി​ലും മോഷ്ടാ​ക്കൾ വീട്ടി​ലേക്കു കടന്നു​ചെ​ല്ലു​ന്നു. സത്യസ​ന്ധ​ര​ല്ലാത്ത വീട്ടു​വേ​ല​ക്കാർ വസ്‌തു​വ​ക​ക​ളു​ടെ സൂക്ഷി​പ്പി​ടങ്ങൾ മനസ്സി​ലാ​ക്കി​യിട്ട്‌ ആഭരണ​വും പണവും മോഷ്ടി​ച്ചു കടന്നു​ക​ള​യു​ന്നു. സംഘങ്ങൾ വന്നു സ്‌റേ​റാ​റു​കൾ കൊള്ള​യി​ടു​ന്നു. ബ്രസീ​ലിൽ വർധി​ച്ചു​വ​രുന്ന തട്ടി​ക്കൊ​ണ്ടു​പോ​ക​ലു​ക​ളിൽനി​ന്നു മനസ്സി​ലാ​ക്കാ​വു​ന്ന​തു​പോ​ലെ, സുസം​ഘ​ടി​ത​രായ കൂട്ടങ്ങൾ ആളുക​ളെ​പ്പോ​ലും തട്ടി​ക്കൊ​ണ്ടു​പോ​കു​ന്നു. കൂടാതെ നിങ്ങൾക്ക്‌ ഒരുപക്ഷേ, സ്വന്തം അനുഭ​വ​ത്തിൽനി​ന്നോ നിങ്ങളു​ടെ സമൂഹ​ത്തിൽ നടന്നി​ട്ടു​ള്ള​തിൽനി​ന്നോ മററു ദൃഷ്ടാ​ന്ത​ങ്ങ​ളും പറയാൻ കഴി​ഞ്ഞേ​ക്കും. എന്നാൽ എന്തു​കൊ​ണ്ടാ​ണി​ത്ര​യ​ധി​കം മോഷണം നടക്കു​ന്നത്‌?

ആളുകൾ മോഷ്ടി​ക്കു​ന്നത്‌ എന്തു​കൊണ്ട്‌?

വർധി​ച്ചു​വ​രുന്ന ദാരി​ദ്ര്യ​വും മയക്കു​മ​രു​ന്നു​ക​ളു​ടെ ഉപയോ​ഗ​വും രണ്ടു മുഖ്യ കാരണ​ങ്ങ​ളാ​ണെ​ങ്കി​ലും ഉത്തരം അത്ര വ്യക്തമല്ല. “കുററ​കൃ​ത്യ​ങ്ങ​ളു​ടെ യഥാർഥ കാരണ​ത്തി​നു​വേ​ണ്ടി​യുള്ള അന്വേ​ഷണം നിഷ്‌ഫ​ല​മാ​ണെ​ന്നു​ക​ണ്ടി​ട്ടു മിക്കവാ​റും ഉപേക്ഷി​ക്ക​പ്പെ​ട്ടി​രി​ക്കു​ന്നു” എന്നു ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നി​ക്കാ നിരീ​ക്ഷി​ക്കു​ന്നു. എന്നിരു​ന്നാ​ലും, “ചെറു​പ്പ​ക്കാർക്ക്‌, സാധാരണ ജീവി​ത​ത്തി​ന്റെ ഭൗതിക നേട്ടങ്ങ​ളിൽനി​ന്നും പ്രതി​ഫ​ല​ങ്ങ​ളിൽനി​ന്നും തങ്ങൾ പുറന്ത​ള്ള​പ്പെ​ടു​ന്നു​വെന്ന അമർഷ​വും വില​കെ​ട്ട​വ​രെന്ന തോന്ന​ലും ഉള്ളതാണു മോഷണം പോലുള്ള പ്രശ്‌ന​ങ്ങ​ളു​ടെ കാരണം” എന്ന്‌ അതേ ഗ്രന്ഥം നിർദേ​ശി​ക്കു​ന്നു. ഉപഭോ​ക്തൃ സംസ്‌കാ​ര​ത്തി​ന്റെ ഭീമമായ സമ്മർദം നിമിത്തം, തങ്ങൾ ആഗ്രഹി​ക്കുന്ന വസ്‌തു​ക്കൾ കരഗത​മാ​ക്കാൻ അനേകർ മോഷ​ണ​മ​ല്ലാ​തെ മററു മാർഗ​മൊ​ന്നും കാണു​ന്നില്ല.

എന്നുവ​രി​കി​ലും, ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ രസാവ​ഹ​മാ​യി ഇങ്ങനെ ചൂണ്ടി​ക്കാ​ട്ടു​ന്നു: “തങ്ങളുടെ ജീവി​ത​രീ​തി അങ്ങനെ​തന്നെ തുടരു​മെന്നു വിശ്വാ​സ​മുള്ള ആളുക​ളു​ടെ പരമ്പരാ​ഗത സമുദാ​യ​ങ്ങ​ളിൽ മോഷണം അതേ അളവിൽ തുടരു​ന്നു. തങ്ങൾ എവിടെ ജീവി​ക്കണം, ഒരു ജീവി​ത​വൃ​ത്തി നേടാൻ എന്തു ചെയ്യണം എന്നീ കാര്യ​ങ്ങ​ളി​ലും തങ്ങളുടെ ഭാവി​ക്ഷേ​മ​ത്തെ​ക്കു​റി​ച്ചുള്ള പ്രതീ​ക്ഷ​ക​ളി​ലും പെട്ടെ​ന്നുള്ള മാററങ്ങൾ ഭവിക്കുന്ന സമൂഹ​ങ്ങ​ളിൽ കുററ​കൃ​ത്യ നിരക്കു​കൾ വർധി​ക്കു​ന്ന​തി​നുള്ള ചായ്‌വു കാട്ടുന്നു.” എൻ​സൈ​ക്ലോ​പീ​ഡിയ ഇങ്ങനെ കൂട്ടി​ച്ചേർക്കു​ന്നു: “ചെറു​പ്പ​ക്കാർക്കു തൊഴി​ല​വ​സ​രങ്ങൾ കുറവാണ്‌. ഉള്ളതാ​കട്ടെ, വൈഗ്‌ധ്യം വേണ്ടാത്ത ജോലി​ക​ളും. അവ ചെയ്യു​ന്നതു മോഷ​ണ​ത്തിൽനി​ന്നു പെട്ടെന്നു കിട്ടുന്ന, ആവേശം പകരുന്ന നേട്ടങ്ങ​ളോ​ടുള്ള താരത​മ്യ​ത്തിൽ വിരസ​മാണ്‌. ചെറു​പ്പ​ക്കാർ അറസ്‌ററു വരിക്കാ​നും ഏറെ തയ്യാറാണ്‌, കാരണം അവർക്കു കാര്യ​മാ​യൊ​ന്നും നഷ്ടപ്പെ​ടാ​നില്ല.”

എന്നാൽ, വെള്ള​ക്കോ​ളർ ജോലി​ക്കാ​രും നീല​ക്കോ​ളർ ജോലി​ക്കാ​രു​മായ അനവധി പേർ തങ്ങളുടെ ശമ്പളത്തി​ന്റെ അംശമെന്ന ഭാവത്തിൽ ജോലി​സ്ഥ​ല​ത്തു​നി​ന്നു ചില്ലറ മോഷ​ണങ്ങൾ നടത്തു​മ്പോൾ തൊഴി​ലി​ല്ലാ​ത്ത​വ​രോ താഴ്‌ന്ന ശമ്പളക്കാ​രോ ആയ അനേകർ അങ്ങനെ ചെയ്യാ​തി​രി​ക്കു​ന്നു. വാസ്‌ത​വ​ത്തിൽ, ചില തട്ടിപ്പു​കൾക്ക്‌ ഒരു നിശ്ചിത സാമൂ​ഹിക പദവി ആവശ്യ​മാണ്‌. വൻതു​കകൾ വെട്ടി​പ്പു​ന​ട​ത്തി​യ​താ​യുള്ള അപവാ​ദ​ങ്ങ​ളിൽ രാഷ്‌ട്രീ​യ​ക്കാ​രും പൊതു​ജ​ന​സേ​വ​ക​രും വ്യവസാ​യി​ക​ളും ഉൾപ്പെ​ട്ടി​ട്ടു​ള്ള​താ​യി നിങ്ങൾ കേട്ടി​ട്ടി​ല്ലേ? മോഷണം പാവ​പ്പെ​ട്ട​വ​രു​ടെ ഇടയിൽ മാത്ര​മു​ള്ള​ത​ല്ലെ​ന്ന​തിൽ യാതൊ​രു സംശയ​വു​മില്ല.

ചലച്ചി​ത്ര​ങ്ങ​ളും ടിവി പരിപാ​ടി​ക​ളും മിക്ക​പ്പോ​ഴും മോഷ​ണത്തെ തമാശ​യാ​യി (നായകൻ ചില​പ്പോൾ ഒരു മോഷ്ടാ​വു​പോ​ലും ആയിരി​ക്കാം) അവതരി​പ്പി​ക്കു​ക​യും ചെയ്‌തേ​ക്കാം. ഇതു മോഷ​ണത്തെ ഏറെ സ്വീകാ​ര്യ​മാ​ക്കു​ന്നു. ഇത്തരം ഫിലി​മു​കൾ കാണു​ന്നതു വിനോ​ദ​മാ​യി മുദ്ര കുത്തി​യേ​ക്കാ​മെ​ന്നതു നേരു​തന്നെ, എന്നാൽ അതേസ​മയം മോഷ്ടി​ക്കേ​ണ്ടത്‌ എങ്ങനെ​യെന്നു സദസ്യർക്ക്‌ അവ കാട്ടി​ക്കൊ​ടു​ക്കു​ക​യാ​ണു ചെയ്യു​ന്നത്‌. കുററ​കൃ​ത്യം ചില​പ്പോൾ നേട്ടമു​ള്ള​താ​ണെന്ന ആശയം തന്ത്രപൂർവം അവതരി​പ്പി​ക്ക​പ്പെ​ടു​ന്നി​ല്ലേ? നിസ്സം​ശ​യ​മാ​യും, അത്യാ​ഗ്രഹം, മടി, മററു​ള്ള​വ​രെ​ല്ലാം അതു നിരപാ​യം ചെയ്യു​ന്നു​വെന്ന ചിന്ത, ഇവയെ​ല്ലാം മോഷണം പെരു​കു​ന്ന​തി​നു കാരണ​മാ​കു​ന്നു. അവിതർക്കി​ത​മാ​യി, സ്വസ്‌നേ​ഹ​വും പണസ്‌നേ​ഹ​വും കൊടി​കു​ത്തി​വാ​ഴു​മെന്നു മുൻകൂ​ട്ടി​പ്പ​റ​യ​പ്പെട്ട “ദുർഘട സമയങ്ങ”ളിലാണു നാം ജീവി​ക്കു​ന്നത്‌.—2 തിമൊ​ഥെ​യൊസ്‌ 3:1-5.

നിങ്ങൾ മോഷ്ടി​ക്ക​രുത്‌

ലോക​ത്തി​ന്റെ മൂല്യങ്ങൾ വക്രത നിറഞ്ഞ​താ​ണെ​ങ്കി​ലും “മോഷ്ടാ​വു മേലാൽ മോഷ്ടി​ക്കാ​തി​രി​ക്കട്ടെ” എന്ന കല്‌പന അനുസ​രി​ക്കേ​ണ്ടത്‌ അത്യന്താ​പേ​ക്ഷി​ത​മാണ്‌. (എഫേസ്യർ 4:28, NW) സ്വത്തു​ക്കൾക്കും സുഖ​ഭോ​ഗ​ങ്ങൾക്കും അമിത​പ്രാ​ധാ​ന്യം കല്‌പി​ക്കുന്ന ഒരു വ്യക്തി മോഷണം, ഏറെറ​ടു​ക്കുന്ന സാഹസ​ത്തി​നു തക്ക വിലയു​ള്ള​താ​ണെന്നു വിശ്വ​സി​ച്ചു​കൊ​ണ്ടു സ്വയം വഞ്ചി​ച്ചേ​ക്കാം. എന്നാൽ മോഷണം ദൈവ​ത്തി​ന്റെ ദൃഷ്ടി​യിൽ ഗൗരവ​മു​ള്ള​തും സഹമനു​ഷ്യ​നോ​ടുള്ള ഒരുവന്റെ സ്‌നേ​ഹ​ത്തി​ന്റെ അഭാവം വെളി​പ്പെ​ടു​ത്തു​ന്ന​തു​മാണ്‌. തന്നെയു​മല്ല, നിസ്സാര മോഷ​ണം​പോ​ലും ഒരുവന്റെ ഹൃദയം കഠിന​പ്പെ​ടു​ന്ന​തി​ലേക്കു നയി​ച്ചേ​ക്കാം. കൂടാതെ, നെറി​വി​ല്ലാ​ത്ത​വ​നാ​യി വീക്ഷി​ക്ക​പ്പെ​ടു​ന്ന​തി​നെ​ക്കു​റി​ച്ചെന്ത്‌? ഒരു മോഷ്ടാ​വി​നെ ആരു വിശ്വ​സി​ക്കും? “നിങ്ങളിൽ ആരും കുലപാ​ത​ക​നോ കള്ളനോ ദുഷ്‌പ്ര​വൃ​ത്തി​ക്കാ​ര​നോ ആയിട്ടല്ല കഷ്ടം സഹി​ക്കേ​ണ്ടതു” എന്നു ദൈവ​വ​ചനം ജ്ഞാനപൂർവം പറയുന്നു.—1 പത്രൊസ്‌ 4:15.

മോഷ​ണ​പ്പെ​രു​പ്പ​ത്തെ​ച്ചൊ​ല്ലി നിങ്ങൾ തീർച്ച​യാ​യും ദുഃഖി​ക്കു​ന്നു​ണ്ടാ​കും, എന്നാൽ കുററ​കൃ​ത്യം നിറഞ്ഞ പ്രദേ​ശ​ങ്ങ​ളിൽ ആളുകൾ അതിനെ എങ്ങനെ തരണം ചെയ്യുന്നു? ചില മുൻ മോഷ്ടാ​ക്കൾ തങ്ങളുടെ ജീവി​ത​രീ​തി​യിൽ മാററം വരുത്തി​യി​രി​ക്കു​ന്നത്‌ എങ്ങനെ? ലോക​വ്യാ​പ​ക​മാ​യി മോഷ​ണ​ത്തിന്‌ എന്നെങ്കി​ലും ഒരറുതി വരുമോ? “മോഷ്ടാ​ക്ക​ളി​ല്ലാത്ത ഒരു ലോകം” എന്ന അടുത്ത ലേഖനം വായി​ക്കാൻ ഞങ്ങൾ നിങ്ങളെ ആഹ്വാനം ചെയ്യുന്നു.